Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Vatra Tampa festoi 16 vjetorin e pavarësisë së Kosovës

by

Tasim Ruko/

Vatranët dhe patriotët shqiptarë në Tampa festuan 16 vjetorin e pavarësisë së Republikës së Kosovës. Një festë madhështore për të gjithë komunitetin shqiptar në nderim të heronjve e dëshmorëve që dhanë jetën për Kosovën e lirë e të pavarur.

Shqiptarët festuan këtë datë të shënuar në Restorantin “Asteria Longe” në pronësinë e patriotit shqiptaro – maqedonas Gazment Gega ku kaluam çaste festive të gëzueshme për nder të Dardanisë heroike. Gjithmonë Federata Vatra qëndron në ballë të këtyre aktivitete, si organizata patriotike më e vjetër dhe më e fuqishme në diasporën e Amerikës. Mbrëmjen festive e hapi me një urim anëtarja e kryesisë së degës zonja Eva Keta. Kryetari i degës z. Isuf Spahia mbajti fjalën e rastit kushtuar rëndësisë historike të pavarësisë. Z. Isuf Spahija rrjedh nga një familje patriotike e Drenicës martire ku populli i Drenicës mbajti peshën më të madhe gjatë luftës për çlirimin e Dardanisë, duke sakrifikuar jetët e tyre, dhe ranë dëshmorë për të mos vdekur kurrë, me në krye komandantin legjendar Adem Jashari bashkë me gjithë familjen e tij në piedestalin e lirisë së përjetshme. Na nderoi në këtë darkë soleme, me pjesëmarrjen e tij patrioti, ish financieri i Federatës Pan-Shqiptare Vatra z.Marjan Cubi, bashke me zonjën e tij Dila Cubi. Marjani është një Vatran mbi 40 vjet anëtar i saj dhe kontributor i madh i çështjes kombëtare, i cili ka dhënë një kontribut të jashtëzakonshëm për çështjen kombëtare e komunitetin shqiptar në Shtetet e Bashkuara të Amerikës e bashkë me të gjithë vatranët e tjerë veteranë në veçanti për çështjen e çlirimit të Kosovës. Mbrëmja u ndez me pjesëmarrjen e këngëtarëve të njohur të komunitetit, Sali Malaj, Kristina Marku dhe këngëtari i ardhur posaçërisht nga Shqipëria për këtë aktivitet z.Dule Malindi. Me interpretimin e këtyre artistëve, dhe nën tingujt e muzikës së bukur popullore nga të gjitha trevat, u krijua një atmosferë e bukur festive. Vlen për të përmendur organizatorët e kësaj mbrëmje, z.Isuf Spahia, zonja Eva Keta, z. Behar Xhafa e z. Gaz Gega. Si gjithmonë shqiptarët janë të bashkuar për të festuar ditët përkujtimore kombëtare, si dita e ngritjes së flamurit në Vlorë në 1912, dhe kjo e pavarsisë së Dardanisë para 16 vjetësh. Brezi jonë mund ta quaj veten një brez me fat, sepse ne jetuam në këtë periudhë, e gëzuam çlirimin e Dardanisë tonë të dashur. Punojmë fort dhe lutemi që të vijë koha që brezi që jemi ne e fëmijët tanë ta shohin edhe bashkimin kombëtar. Sjpresojmë dhe besojmë se kjo ditë do të jetë e afërt, koha punon për shqiptarët. Mërgata në Florida dhe SHBA ka potenciale të mëdha kombëtare. Të punosh për komb e komunitet është nder i madh i jetes së një patrioti më mërgim sidomos.

Patrioti i madh, ish kryetari i Vatrës z.Agim Karagjozi gjatë një interviste në 2008 tha: tashti le të vdes i qetë e i lumtur sepse mu ralizua ëndrra dhe dëshira ime e madhe, arrita të shoh me sytë e mi Kosovën e pavarur.

Pavarësia e Dardanisë u fitua me shumë mundim, sakrifica sublime, me gjak dhe jetë të flijuara. Shqiptarët e Kosovës janë heronj. Ata i mbijetuan heroikisht regjimit genocidal serb. Fale SHBA e NATO Kosova e fitoi lirinë, liri të cilën e gëzojmë e jetojmë dhe falë punës së jashtëzakonshmetëmërgatës së Amerikës. Gëzuar Dardani. Rroftë Shqipëria Etnike.

“VATRA” në Boston mbylli fundjavën kushtuar Pavarësisë së Kosovës

by

Flamur VEZAJ/

“VATRA” e Bostonit e mbylli fundjavën duke ia kushtuar 16 vjetorit të Pavarësisë së Kosovës me këngë, valle tradicionale dhe poezi.

Pas ngritjes së flamurit të Kosovës në sheshin e Bashkisë së Bostonit dhe leximit të dy Proklamatave të firmosura nga Guvernatorja e Shtetit të Massachusetts dhe Kryetarja e Bashkisë së Bostonit që deklaruan 17 Shkurtin 2024 si “Dita e Kosovës”, “VATRA” e Bostonit shtroi një darkë për nder të kësaj dite.

Në ambientet e një salle të madhe në veri të Bostonit, e zbukuruar me ngjyrat e flamurëve të Kosovës, Shqipërisë dhe Amerikës, u bashkua komuniteti shqiptar për të festuar së bashku këtë ngjarje historike për Kombin Shqiptar. Rreth “VATRËS”, për të festuar, u bashkuan shqiptarët nga të gjitha trojet që jetojnë në shtetet e Massachusetts, New Hampshire dhe jo vetëm. Festës i’u bashkuan edhe shoqatat e tjera të rëndësishme të komunitetit shqiptar si “MaasBesa”, “Albanian Fighting Cancer”, “Klubi Social ‘Çunat e Bostonit'” etj., si dhe përfaqësues të nderuar të “VATRËS” qendrore, Arkëtari z. Besim Malota që erdhi nga shteti Connecticut si dhe z. Anton Rraja, një nga vatranët e vjetër që erdhi nga Nju Jorku.

Festa nisi me intonimin e tre himneve, të Amerikës, të Shqipërisë dhe atë të Kosovës. Më pas Kryetari i “VATRËS” në Boston z. Mentor Maksutaj, i përshëndeti mbi 250 të pranishmit me fjalët: “Shqiptarë, Gëzuar 16 vjetorin e Pavarësisë së Kosovës”! Më pas ai vazhdoi me kujtimet e luftës, jetën e vështirë të familjes së tij dhe gjithë shqiptarëve të Kosovës nën sundimin Serb si dhe përshkrimin e rrugës së emigrimit në Amerikë. Z. Maksutaj u shpreh se ishte i lumtur për prezencën e shoqatave shqiptare, duke premtuar një bashkpunim të vazhdueshëm me të gjithë për të mirën e komunitetit shqiptar, Kombit Shqiptar dhe atij Amerikan. Në fund, z. Maksutaj tha se gjatë mbrëmjes festive, i’u bashkuan “VATRËS” në Boston edhe 10 anëtarë të rinj.

Fjalë të ngrohta me urimet e Kryetarit të “VATRËS”, z. Elmi Berisha, i përcolli Arkëtari i saj z. Besim Malota, i cili vlerësoi Degën e “VATRËS” në Boston për angazhimet serioze brenda një kohë shumë të shkurtër.

Në emër të Shoqatës “MaasBesa”, të pranishmit i përshëndeti Zv/Kryetarja znj. Jorida Qirollari, e cila uroi të gjithë shqiptarët për 16 vjetorin e Pavarësisë së Kosovës, si dhe “VATRËN” gjithashtu.

Nga Klubi Social “Çunat e Bostonit” foli z. Artian Rrëza, duke shprehur gadishmërinë e bashkëpunimit për çështjet kombëtare me “VATRËN” dhe gjithë shoqatat shqiptare!

Fjalimet u mbyllën me një poezi në gjuhën shqipe të 15 vjeçares të lindur në SHBA, Zana Nallbani, vajza e vatranit nga Kosova z. Freskim Nallbani.

Ndërkohë festa vazhdoi me dy lojra shpërblyese, ku u shortuan dhe u shpallën fitues të tre BOX-eve me abonim falas për 6 muaj nga TV-Alb me kanale shqip si donacion.

Dhe kompania “AR LLC” që përfaqëson në Massachusetts, kompaninë e pijeve energjike nga Kosova “Golden Eagles” duke dhuruar disa arka me pije energjike.

Më pas festa vazhdoi me këngëtarët Gëzim Nika dhe Griselda Pepa të cilët krijuan një atmosferë shumë të bukur me këngë patriotike e popullore të të gjitha trojeve shqiptare.

Festa mbaroi pas mesnate me fjalët e Kryetarit të “VATRËS” në Boson, i cili falenderoi të gjithë shqiptarët që i’u bashkuan “VATRËS” për ngritjen e Flamurit të Kosovës dhe darkën e shtruar me këtë rast, duke i premtuar të gjithëve se do të shihemi në evenimentin e radhës të organizuar nga “VATRA” në Boston!

Foto:Subi Çako etj

#FaleminderitTeGjitheve#

#followers#highlights

16 vjet Kosovë e lirë

by

Shoqata shqiptaro-amerikane “Skënderbej” Inc. feston 16-vjetorin e Pavarësisë së Kosovës

Luljeta Xhediku 

16 vjet Kosovë e lirë dhe gjaku i të rënëve për ta fituar këtë liri edhe lotët e motrave e nënave ende nuk janë tharë. Liri, këtë fjalë kaq të shenjtë e kuptojnë vërtet vetëm ata që kanë luftuar e kanë qenë robër nën sundimin serb. Por sot Kosova është një shqiponjë e lirë.  

Shoqata shqiptaro-amerikane “Skënderbej” Inc. tashmë e feston çdo vit shpalljen e Kosovës shtet i pavarur. Për të festuar lirinë e Kosovës u mblodhën së bashku te restoranti “Teura”, në Bruklin, Nju Jork, anëtarë, dashamirës dhe simpatizantë të shoqatës. Aktiviteti i përgatitur me këtë rast nën kujdesin e kryesisë së shoqatës shqiptaro-amerikane “Skënderbej” Inc. ishte tepër i larmishëm aq sa asnjëri nuk e kuptoi se si ikën aq shpejt orët e zgjatura të festës e natyrisht, nëse koha nuk do ishte e limituar besoj të gjithë do festonin deri natën vonë. Një punë intensive dhe e palodhur për përgatitjen e këtij programi u bë nga dy drejtueset e grupit artistik “Skënderbej”, znj. Adelina Lacaj dhe znj. Gela Bulku, të cilat e udhëhoqën mjeshtërisht grupin në të gjitha interpretimet që grupi performoi. Programin e prezantuan dy zonja të nderuara të shoqatës, znj. Alketa Veshi dhe znj. Majlinda Tafaj. Hapja nisi me këndimin nga i madh e i vogël me dorë në zemër e tre himneve atij amerikan, të Kosovës dhe himnit shqiptar. Edhe sigurisht tashmë kënga “Mora fjalë” kushtuar Bacës Adem Jashari është kthyer në një tjetër himn të shqiptarisë. Grupi i valleve “Skënderbej” kishin përgatitur një koreografi për ta sjellë këtë këngë në mënyrën më të bukur. Kryetari i shoqatës shqiptaro-amerikane “Skënderbej” Inc., z. Imer Lacaj, i cili mbajti fjalën e rastit të aktivitetit, uroi pavarësinë e Kosovës dhe na njohu me hapat më të rëndësishëm historikë, duke filluar që nga viti 1913, ku fuqitë e mëdha pa përfillur dhe kundër vullnetit politik të popullit shqiptar, vendosën në mënyrë arbitrare ndarjen dhe copëtimin e tij. Kosovën, dhe viset e saj ia aneksuan Serbisë dhe Malit të Zi. Z. Lacaj përmendi të gjitha pikat kulminante historike që nga nisja e deri në datën 17 shkurt të vitit 2008 kur nga salla e Kuvendit të Republikës së Kosovës u mor lajmi për shpalljen e Pavarësisë së Kosovës. Z.Lacaj theksoi se: “Tashmë Kosova është një vend, i cili, pavarësisht nga e shkuara e vështirë historike, ka sjellë paqe dhe stabilitet në vend dhe në rajonin e Ballkanit. Lidhja vëllazërore e Shqipërisë me Kosovën është e natyrshme. Ne jemi një komb i ndarë në dy shtete, ndaj humbjet, fitoret, dhimbjet dhe sukseset i kemi të përbashkëta drejt arritjes së ëndrrës së të gjithëve shqiptarëve për një Shqipëri etnike”. Një përshëndetje erdhi nga luftëtari i UÇK-së z. Blerim Gjocaj: “Përshëndetje vëllezër e motra, faleminderit që keni ardhur për të festuar një ditë vërtet të shenjtë, ditën e një pjese të Shqipërisë, të Dardanisë që ne e quajmë Kosovë, pra Kosova që nga dita që u shkëput nga harta e shqiptarëve ishte në luftë, ishte e përndjekur, e burgosur kur të rinjtë dhe të rejat ktheheshin në arkivole nga ushtria e Jugosllavisë vetëm pse ishin shqiptarë, vetëm pse ne protestonim dhe nuk e pranonim, ne nuk u integruam asnjëherë në Jugosllavi e aq më pak në Serbinë fashiste, të cilën e luftuam në çdo formë e çdo mënyrë, me protesta me jetë, me burgje e të tjera”. Gjocaj, gjithashtu, u shpreh se ëndrra ende nuk është e realizuar, pasi ëndrra jonë është Shqipëria e bashkuar, Shqipëria etnike. Më pas, grupi artistik “Skënderbej” këndon këngën “Unë jam shqipe nga Kosova”. Rapsodi popullor, Shaban Lajçi, emocionoi sallën me një interpretim të tij që padyshim vetëm shqiptarët që jetojnë në emigrim mund ta ndiejnë plotësisht. Grupi artistik “Skënderbej” interpretoi vallen “Pavarësia”, këngë e kënduar nga Ilir Shaqiri. Znj. Majlinda Tafaj recitoi një poezi për pavarësinë e Kosovës shkruar nga poetja Bukurie Bucpapaj. Kryetari i shoqatës “Skënderbej” Inc. prezantoi rezolutën e miratuar në asamblenë dhe senatin e shtetit të Nju Jorkut më 12 shkurt 2024, e cila u lexua e plotë në gjuhën angleze nga Erla Lamce, nxënëse e programit “Bashkëbisedojmë në gjuhën e bukur shqipe”. 

Një tjetër valle që e bën zemrën të rrahë fortë do ishte “Marshi i UÇK”-së, interpretuar nga grupi artistik. Kelvin Rustani, nxënës i programit edukativ “Bashkëbisedojmë në gjuhën e bukur shqipe”, recitoi poezinë “Sot e lirë është tan Kosova”. Ethem Gashi, aktivist në Staten Island përshëndeti dhe uroi Pavarësinë e Kosovës dhe përgëzoi Shqipërinë nënë që ka ndihmuar në çlirimin e Kosovës me gjeneralët e saj që morën pjesë direkt në luftë. 

Argëtimi i të pranishmëve vijoi me muzikë e valle në atmosferën e magjishme që këngëtari Flamur Biçaku dhe muzikanti Amir Pelinku sollën në këtë festë. Shoqata shqiptaro-amerikane “Skënderbej” Inc. uron: Gëzuar lirinë Kosovë! 

Takeaways from the New York Premiere of Documentary Film Bekim Fehmiu

by

Rafaela Prifti/

The New York premiere of feature documentary Bekim Fehmiu on Saturday night at Producers Club Theaters paid tribute to the Kosova Albanian movie star of international recognition. The organizers Diar Xani, Arenc Leka, Fation Zogiani said that they timed the screening with the celebration of the 16th anniversary of Kosova Independence Day.

Albanian filmmakers, director Valmir Tertini and screenwriter Fahri Musliu, limn the portrait of an artist that gave life to numerous movie characters yet his own ended with some obscurity when he was found dead at age 74 in his Belgrade residence in 2010. The film runs for 66 minutes as a non-narrative depiction with English subtitles. Taking the audience back in time, the documentary features stock photos, archive footage and interviews with his widowed partner and actress Branka Petric Fehmiu, brother Arsim Fehmiu and a whole gallery of A-list stars of theater and film in Albania, Kosova, Bosnia Hercegovina, Croatia, Serbia, Italy, among them Faruk Begolli, Fadil Hysaj, Enver Petrovci, Piro Milkani, Roza Anagnosti, Miljenko Jergovic, Goran Markovic, Milan Vlajcic, Branislav Lecic. The unique ensemble shared memories and impressions of the actor of humble beginnings whose career seemed destined for Hollywood and whose life ended abrupty leaving the audience wanting something more.

“I laughed, I cried, I was in awe watching this documentary,” said Aida Gashi, Manager at a Real Estate firm in New York. An ethnic Kosova Albanian, Ms. Gashi appreciates the premiere’s showing on Kosova Independence Day. “Bekim Fehmiu, one of out greatest cultural figures, not only left an indelible mark in the international world of cinema, he left a lasting impression on all those lucky enough to have known him and worked with him – that of dignity and resolute character. His talent and steadfast path to the pinnacle of success are a testament to the human spirit.”

Bekim Fehmiu was the six child of eight offspring of Ibrahim and Hedije Halili (the patriarch had the family name change to Fehmiu) The youngest of the male siblings, he was born in Sarajevo on June 1, 1936. His father, a teacher and activist, was jailed by the Yugoslav authorities and the family moved a lot, including two years in the north Albanian town of Shkoder from 1939 to 1941. The family relocated to Prizren where Bekim completed high school and gets recognized for his acting skills. His talent got him at the Belgrade Academy of Dramatic Arts in Belgrade, where Bekim was admitted upon one condition: learning the Serbian language.

Young Director Tertini who had traveled from Albania, to be at the premiere, greeted the theater audience speaking briefly about filming in six countries and overcoming scheduling issues with interviewers. The one night New York premiere had two back to back screenings at the Midtown Producers Club of Freddy (Alfred) Tolljas. It is the first show in the US and follows last year’s European premieres in Albania and Kosova. It is worth noting the significance of those locations in terms of impacting the actor’s life: his childhood and high school education including his acting career, in Prizren and Prishtina, a memorable visit with Albania’s film artists, directors in 1972 on the heels of his breakout roles ushering critical recognition beyond the continent’s borders.

The documentary depicts Fehmiu’s professional career chronologically starting with his big break in the 1967 Yugoslavia film Mbledhesi i Puplave (I Even Met Happy Gypsies, English Translation) – a portrayal of Roma life of feather traders, written and directed by Alexandar Petrovic. The film won two awards in Cannes and an Oscar nomination. It got the attention of Western filmmakers, including the US. Fehmiu signed a contract with the acclaimed producer Dino De Laurentiis. In 1968 De Laurentiis, effectively launching his international career, cast Bekim in the main role of the TV mini-series Adventures of Ulysses, The Odyssey, a huge production of Italian national Television RAI, directed by Franco Rossi, Mario Bava, Piero Schivazapp.

As an actor, Fehmiu had an instinct for perfecting every detail of the craft from the makeup and hair all the way to the “macho appearance” as the press referred to it. An interview reveals a telling detail of his character and work ethics: during the filming of The Odyssey, Bekim was displeased with the work that the hair and makeup team did on his character, Ulysses. He kicked them out and unbothered by the complains made to the producers, Bekim procedeed to apply the cosmetics as he saw fit. And it worked!

According to IMBD, Bekim Fehmiu has appeared in 41 films between 1953 and 1998. He stood out among actors of his generation who performed in a series of roles in theaters and movies beyond South East Europe, acting in numeorus productions in French, Italian, German, Spanish, and a handful of English language appearances. Writing about the opening of the Yugoslav movie at the city’s Regency Theater on March 21, 1968, the New York Times praises the star Bekim Fehmiu “a young actor who looks and behaves a lot like Jean-Paul Belmondo and who in 1966, won the Silver Arena in Pula for his performance in “The Journey”. Just a few years later, he would be performing alongside Dirk Bogarde, Ava Gardner, in Permission to Kill (1975) and many big names in the business like John Houston.

For Aida Gashi, his name spells a feeling of pride stemming from his outsize impact in the movie world. “He has left a lasting legacy not only for Albanians but for global cinematic history.” The documentary may feel like a soft attempt to make it right by the ill-fated actor. A subtle comment in the feature made by one of his close friends, Milazim Salihu, currently Director General of Cineplexx movie theater, recalls how Bekim, during his visits in Prishtina, spent a lot of time at the lounge, where he met with people he knew and cared about while quickly sending away those who he said did not deserve his attention or time. Despite a successful career spanning dozens of movies, he was never cast in a leading role of an Albanian-language film. Now 30 year old Albanian director Valmir Tertini with screenwriting by Fahri Musliu, a retired journalist, author and decadeslong Belgrade correspondent of Kosova media, have dedicated a feature documentary to Bekim Fehmiu.

The Head of Mission at Consulate General of the Republic of Kosova Fatmir Zajmi, Ana Mani, Executive Assistant to the Ambassador, celebrated members of the artistic community like Bujar Alimani, Diar Xani, Arenc Leka, Avni Abazi, Herion Mustafaraj, Blerim Gjoci, Faton Macula, Andi Gjoni, Shpendi Xani, Adonis Filipi were among the audience at the Producers Club premiere.

The documentary was supported financially by Albania’s National Cinematography Center. The New York screening was made possible thanks to TV Alba Life, Qemal Zylo founder and owner, Kozeta Zylo, cofounder, Albanian American Association Skenderbej, Board representative Fation Zogiani. As member of the organizing team, Diar Xani, actor and producer, thanked sponsors of the event: TV Alba Life, Albanian American Association Skenderbej, Bright Side Adult Center, Sergios Ristorante, Paesano of Mulberry Street etc. The filmmakers intend to have future premieres in Prishtina, Belgrade, Paris and Rome.

Photo: New York premiere of Bekim Fehmiu at Producers Club on February 17, 2024

New York Times Archives, March 21, 1968

Kosova në 16 Vjetorin e Pavarësisë

by

Nga Merlin Tushe/

Më 17 Shkurt 2024, Kosova festoi 16 vjetorin e shpalljes së Pavarësisë, me këtë rast në SHBA u organizuan evente të ndryshme nga institucionet amerikane dhe shqiptare. Në qiellin amerikan u valëvitën flamujt e Kosovës, Amerikës dhe Shqipërisë, nuk mungoi të shpalosej edhe flamuri autochthonous i Shqipërisë etnike mes dy figurave legjendare Ismail Qemali dhe Isa Boletini. 

Me këtë rast Ambasadori i Konsullatës së Kosovës në New York, Dr. Blerim Reka organizoi një pritje madhështore në New York me pjesëmarjen e diplomatëve amerikanë, shqiptarë, medias dhe përfaqësuesve të shoqërisë civile. Ku nën tingujt melodioz të Hymnit të Kosovës, Amerikës dhe këngëve patriotike interpretuar nga artistët Ergin Oda dhe Mariza Ikonomi të ftuarit kaluan një mbrëmje të këndshme e të veçantë. 

Për nder të festës së Pavarësisë së Kosovës edhe Ambasadori i Republikës së Kosovës në Washington, DC., Ilir Dugolli pikërisht më datë 17 Shkurt 2024, organizoi një event tepër mbresëlënës e të paharuar në Selinë e Ambasadës Shqiptare në Washington, DC., me praninë e diplomatëve amerikanë, shqiptarë, përfaqësues të medias e komunitetit shqiptar. Të ftuar special ishin Ambasadori William Walker sëbashku me bashkëshorten e tij, personaliteti i lartë i TV – Zëri i Amerikës Elez Biberaj. Mes të ftuarve ishin edhe aktivistet Moza, Dajçi, Merita B. McCormack  etj. Festa u mbyll me një foto të përbashkët në verandën e Ambasadës shoqëruar me koktej të pasur me ushqime tradicionale shqiptare, pije e fruta të stinës.

Takime të rëndësishme gjithashtu u mbajtën nga Senati Amerikan në Albany nga Senatorja Jesica Spanton dhe Assembly Assistant Majority Leader 61st Districkt, Charles D. Fall, me inisiativën e aktivistëve të njohur Naser Nika Shpëtim Qorraj dhe mbështetjen e Vanesa Lumanit. Edhe nga New York City Council – Adrienne E. Adams, Robert F. Holden, Joseph C. Borelli, David Carr, Kristty Marmorato pritet që të organizohet festa e pavarësisë së Kosovës në New York.

Federata Vatra në New York hapi një ekspozitë fotografike me rastin e 16 vjetorit të shpalljes së pavarësisë së Kosovës. Koncert artistik u shfaq po në New York edhe nga elita e artistëve shqiptarë Merita Halili, Raif Hyseni, Aurela Gaçe, Mariza Ikonomi, Ergin Oda, etj. 

Por kjo pavarësi nuk u fitua lehtë, u deshën 600 vjet që Kosova të fitonte paqen shkëputur nga armiku shekullor serbia, e cila nuk fle, por si egërsirë pret rastin të sulmojë Kosovën. U derdh shumë gjak, shumë mund nga shqiptarët e Kosovës për këtë fitore të ëndërruar. U vra tinëzisht në pritë prijësi Isa Boletini me djemtë, nipat e luftëtarët e tij, u vra komandant Adem Jashari me familje. Ishin lutëtarët e UÇK dhe Batalionit Atlantiku që luftuan për paqen e lirinë që gëzojmë sot në Kosovë. 

Duke u ndalur tek figura e Heroit të Kombit Isa Boletini dua të citoj gazetaren amerikane Bertha Spencer, që e ka takuar personalisht Isa Boletinin, ajo ka sjellë për lexuesin një korrespondencë interesante mbi karakterin e tij duke e quajtur Shqiptari më i madh qysh prej kohës së Skënderbeut, si luftëtar trim, të ndershëm, fisnik e më të famshëm të Ballkanit. 

Si autore e këtij artikulli, falenderoj luftëtarët e lirisë UÇK-së, Batalionin Atlantiku, djemtë që u lindën e u rritën në SHBA, e të armatosur udhëtuan me avion nga Amerika në luftë kundër krimeve serbe për të mbrojtur vatanin, nënat, motrat, prindërit e bashkëkombasit e tyre. Ku u vranë e ranë heroikisht edhe vëllezërit Bytyqi, u them se të parët tanë/ tuaj morrën armët për Kosovën, por ju e vazhduat luftën dhe fituat, Urime! Një urim i shkon SHBA, Anglisë dhe forcave të NATO-s.