Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Një takim dhe një vizitë me deputetët e PD-së në Uashington DC.

by

Nga Merita B. McCormack*/

Uashington DC -29 Janar 2024

Mengjesi i së hënës të fundit të Janarit na mblodhi në Rrugën e Pavarësisë , pranë ndërtesës së Kapitolit në Uashington DC.

Megjithëse moti ishte i ftohtë dhe era të “thante”, ligjbërësit shqiptarë, deputetë të Partisë Demokratike të Shqipërisë, zonja Dhurata Çupi, zoti Gazmend Bardhi dhe zoti Everest Dedaj, gazetar shqiptar, të porsa ardhur nga Europa, mbërritën në kohën e caktuar, përpara ndërtesës së bukur Thomas Xheferson, ndërtesa më e vizituar e Bibliotekës së Kongresit Amerikan në Uashington DC.

Megjithëse të hënave ky institucion nuk hapet për vizitorët, ligjbërësit shqiptarë dhe gazetari u mirëpritën si miq specialë nga Divizioni European brenda së cilit gjendet edhe “Albanian Desk” (Tavolina ose Seksioni i pavarur i Shqipes) . Shkruaj i pavarur pasi gjuha shqipe ka pas qenë klasifikuar nën umbrellën e gjuhëve sllavike më përpara e tashmë është direkt nën Divizionin European.

Vizitorët , që gjenden zyrtarisht ,në Shtetet e Bashkuara të Amerikës për Mëngjesin Kombëtar Amerikan të Lutjeve, patën mundësinë e vizitës së koleksionit të referencave për veprat në gjuhën shqipe ( kjo përmbledhje përfaqësohet me materiale nga çdo vend ku flitet shqip ).

Dr.Nevila Pahumi, specialistja e referenceve për gjuhën shqipe dhe gjuhën moderne greke ne Bibliotekë, jo vetëm që i mirëpriti vizitorët, u bëri një prezantim të detajuar për seksionin shqip, u tregoi disa botime të vjetra e të reja shqiptare, por edhe organizoi për ta vizita edhe në seksione të tjera e në ndërtesa të tjera të Bibliotekës. Për shembull në Bibliotekën e Ligjeve, deputetet u pritën nga drejtuesit e asaj biblioteke dhe u njohën me një mini ekspozitë të literaturës ligjore në shqip që mban kjo bibliotekë. Ata gjithashtu dëgjuan një prezantim që ishte përgatitur posaçërisht për ta.

Vizitorët Çupi , Bardhi dhe Dedaj u njohën me pasuritë e kësaj biblioteke, mësuan për koleksionet, për proceset e përzgjedhjes së materialeve , shijuan artin e bukur në ambjentet e ndryshme dhe bënë pyetje të ndryshme sipas fushave përkatëse profesionale, interesit artistik e historic të gjithësecilit . Vizitorët nga Shqipëria ishin të mire edukuar me historinë e bibliotekës dhe bisedat ridhnin lirshëm dhe bukur.

Unë pata kënaqësinë që të takohesha me vizitorët së pari si shqiptaro amerikane në DC që ka kontribuar në krijimin e tavolinës shqiptare në vitin 2008 dhe në kapacitetin e anëtares së Këshillit të Vatrës. E falenderoj Dr. Pahumin që më bëri edhe mua pjesë të kësaj vizite tepër të veçantë.

Ishte vërtet bukur të takohesha me vizitorët që janë ligjbërës por më së pari që janë njerëz të gjakut tim, që vizitojnë atdheun tim të dytë por edhe që janë të interesuar të komunikojnë e të shkëmbejnë mendime me diasporën shqiptare këtu në SHBA.

Këtë, ne e vlerësojmë shumë.

Ndërkohë, për shkak të pamundësive kohore nuk patëm mundësinë e një takimi me komunitetin e gjerë për të diskutuar problemet e shqetësimet për vendin tonë të origjinës, mesazhi që parlamentarët përcjellin është se ata janë të gatshëm e të interesuar për zërin dhe mendimet e diasporës.

I urojmë deputetëve suksese e punë të mbarë, bashkim të opozitës e suksese demokracisë së brishtë shqiptare.

*Autorja jeton në Uashington DC dhe punon si Drejtoreshë e Suksesit Studentor në një Universitet Privat. Kontributin vullnetar e jep për Diasporën dhe në fushën e letërsisë e publicistikës . Merita është autore e disa librave dhe kontribon rregullisht në shtypin shqiptar në Diasporë. Ajo shërben si koordinatore për komunitetin shqiptar në Dioqezën e Arlingtonit dhe është Anëtare e Këshillit të Përgjithshëm të Federatës pan-shqiptare të Amerikës “VATRA”. Në vitin 2022 me propozim të Vatrës, Merita është dekoruar nga Presidenti Shqiptar Ilir Meta me titullin “Kalores i Urdhërit të Flamurit”.

From today, the Republic of North Macedonia will have an Albanian Prime Minister, the first in the modern history of this country

by

This historic moment is not a coincidence. Albanians in the region and especially in the Republic of North Macedonia have made titanic efforts for their legitimate rights.

The contribution and vision of the Albanians and their political representatives in the state building, unconditionally supporting the continuation of the Euro-Atlantic integration processes, as well as their orientation towards western democracies, have been fundamental factors in the progress of RNM towards building a the multi-ethnic democratic state, in its membership in NATO and in the advancement towards integration in the EU.

The Council of Albanian Ambassadors is confident that Mr. Talat Xhaferi, one of the most prominent personalities among the political representatives of Albanians in the RNM, with the extraordinary experience and maturity that characterizes him, will successfully lead the government of RNM until the parliamentary and presidential elections of April-May of this year.

The Council of Albanian Ambassadors also assesses that the election of an Albanian political representative as the head of the government of the Republic of North Macedonia, serves at best the strengthening of security and peace, democracy and inter-ethnic understanding, and will also serve as an example of democracy to be followed throughout our region.

Congratulating Prime Minister Talat Xhaferi for as many successes as possible at the head of the government, the Council of Albanian Ambassadors takes the opportunity to congratulate Albanian political parties and all Albanians living in their ethnic lands in the Republic of North Macedonia for this historic achievement.

Vatra emëron producentin televiziv Nazim Salihu, këshilltar për Kulturën dhe Artin

by

Nazim Salihu, producent i emisionit televiziv “Noli Show” do të mbajë detyrën e Këshillitarit të kryetarit të Vatrës për Kulturën dhe Artin deri më 26 Shkurt 2026. Nazim Salihu – Noli, gazetari dhe përkthyesi nga Lipjani i Kosovës që flet 7 gjuhë të huaja është vatran aktiv në ngjarjet kulturore e artistike të komunitetit shqiptar në mërgatën e Amerikës. Z.Salihu ka ndjekur nga afër çdo aktivitet të Vatrës dhe ka bërë ekspozim të shkëlqyer në media të trashëgimisë kombëtare e kulturore shekullore të Vatrës e Diellit. Gjatë takimit me kryetarin e Vatrës z.Elmi Berisha, u dakordësua roli aktiv dhe menaxhues i z.Salihu për koordinimin e aktiviteteve kulturore e artistike ku Vatra ka rol parësor si organizata udhëheqëse e veprimtarisë patriotike e kulturore në mërgatën shqiptare të Shteteve të Bashkuara të Amerikës.

Presidentja Osmani pas takimit me ambasadoren Ziv: Arrihet dakordimi me Izraelin për heqjen e vizave për qytetarët e Kosovës

by

Presidentja e Republikës së Kosovës, Vjosa Osmani, ka pritur në takim ambasadoren e Shtetit të Izraelit në Republikën e Kosovës, Tamar Ziv.

Në takim u diskutua për bashkëpunimin në mes të dy shteteve, si dhe për marrëveshjet ndërshtetërore në fusha të ndryshme të cilat pritet të nënshkruhen së shpejti.

Ambasadorja Ziv e njoftoi Presidenten Osmani se pas kërkesës së Presidentes drejtuar institucioneve të Izraelit, qeveria e Izraelit ka shprehur pajtueshmërinë për miratimin e marrëveshjes për heqjen e vizave për qytetarët e Kosovës.

Në këtë drejtim, të dy ministritë përkatëse do të vazhdojnë me procedurat e nënshkrimit të marrëveshjes dhe qytetarët do të njoftohen sapo vendimi të hyjë në fuqi. Përmes kësaj marrëveshje, qytetarëve të Kosovës do t’u mundësohet udhëtimi pa viza në Izrael për qëllime turistike.

Presidentja Osmani e falënderoi ambasadoren Ziv për këtë vendim, si zhvillim pozitiv i cili do t’i hapë rrugë bashkëpunimit më të thelluar në mes të dy vendeve.

Tutje, me rastin e përvjetorit të Ditës së Kujtimit të viktimave të Holokaustit, Presidentja Osmani përsëriti se Kosova kujton miliona njerëz të pafajshëm të humbur në një nga kapitujt më të errët të historisë së njerëzimit, dhe se kjo ditë shërben si rikujtim për pasojat shkatërruese që rrjedhin nga urrejtja dhe paragjykimi.

Ambasadorja Ziv e informoi për situatën e sigurisë në Izrael, ndërsa Presidentja Osmani e informoi ambasadoren për zhvillimet e fundit në vend dhe rajon.

Gjeniu shfaqet gjithnjë e më i heshtur pasi i ka kryer të gjitha

by

Prof.Agron Gjekmarkaj/

Nuk ishte vetem një kohë e terrorit që edhe kohë e letersisë. Shkrimtari mbretëronte përballë tiranit. Në murin pas të cilit ishin mbyllur burra e gra shqiptare mijëra faqe nga letërsia e Ismail Kadaresë gdhendëshin. Ato lexoheshin në dy anët njësoj. Para atij muri ai luante vallen si instikt bazik i njeriut që therret liri. Nuk ishte një valle makabre. I lëvizte këmbët pafajësia. Ishte pafajësia e një buzëqeshjeje të pergjakur. Nëse do i kërkonim ndihmë Kunderes sivëllaut më në lindje mbase këtë do na thoshte. Jeta, mbijetesa, ndërgjegjia e lidhjes që nuk ndryshket kurrë mes së mires dhe së keqes, të qënit i huaj në token tënde por edhe përgjegjës madhor për fatin e saj nga një ngjizje misterioze i bëjnë tekstet e Kadaresë vështruese të një “momentumi”, pa të shkuar po kaq pa të ardhme sikur ato rrinë në të pameëshirshmin shtrat të Prokrustit.

Paradoksalisht, ose si dëshmi e e një spirance ngulur në rrënjët e tokës si dhëmbet e Kadmosit, në kujtesen mitologjike të lexuara sot ose nesër ato paraqiten të domosdoshme, duke ndikuar mbi axhenden kulturore dhe mendimin e çdo kujt duke humbur disa përmasa për të fituar të tjera, tek universalja, vija trashendentale e ” botes sanë”. Gjithmone është sot. E djeshmja ka ikur, e ardhmja ënde s’ka trokitur. Aktualja si e transformuar me teknologji artificiale nuk mplaket kurrë aty. E ndjek njeriun personazh , shiptarar, francez, polak, rus, kinez, amerikan qoftë apo personazhin që rikthehet tek njeriu ore e çast përtej krahinës, moteve, kombeve, gjeografisë, sistemeve dhe gjuhës. Një kulturë (ajo shqiptare) nuk rritet duke u asimiluar brenda kulturave më të forta , por nëse ajo dialogon me ato, kurioze për të mësuar. Kadare e shkaktoi këtë kuriozitet, më saktë e imponoi, edhe përtej dëshirës së të tjerëve, sapo e kudo si gjithë gjërat e forta natyrore që nuk marrin leje po shndërrohen në fenomene. Brenda historinë, gjenerues i saj, me letërsinë dhe bërës i saj, tek Europa si bir i vet që i përkufizon identitetin me “ulërimen civile” të Mun në fytyrën noprane e nazike, shqiptar i vjeter sa të gjithë shekujt bashkë, bashkëbisesues i Pirros dhe Teutes, Skenderbeut, Naimit e Fishtës, At Zef Pllumit, i prindërvë tanë, i yni dhe fëmijëve tanë, në pritje të atyre që do vinë i pa moshë për ata që do kalojnë mbi këtë tokë e nën këtë qiell, Ismail Kadare “në veçantësinë që paraqet Europa qendrore e ajo lindore ( shkruante dikur Itsvan Bido) përkatësia gjuhësore shndërrohet në faktor politik e historik, e mbi të gjitha një faktor që u paraprin përckatimeve territoriale në kufijtë ekzistues, e në disa raste formimin e kombeve te reja”.

Një prej rëndësive që kjo enciklopedia kadareane ka për shqiptarët mund të gjindet edhe në këto fraza ku gjuha kultura dhe ekzitenca plotësojnë njëra-tjetrën. Gjeniu shfaqet gjithnjë e më i heshtur pasi i ka kryer të gjitha! Le të bëjmë detyrën tonë, të perpiqemi ta kuptojme Atë.