PRISHTINË, 25 Mars 2022-Gazeta DIELLI nga korrespondenti në Kosovë Behlul Jashari/ Në Kosovë sot është ditë zie. Presidentja e Republikës së Kosovës, Vjosa Osmani ka shpallur ditën e premte (25 mars 2022), ditë zie në nderim të mikes së madhe të Kosovës, Madeleine Albright, ish Sekretares Amerikane të Shtetit.

“Në shenjë respekti shtetëror, dita e premte, datë 25 mars 2022, shpallet ditë zie në Republikën e Kosovës për të kujtuar miken e madhe të Kosovës, Madeleine Albright e cila u nda nga jeta dje. Zonja Albright e njohu dhimbjen e popullin tonë sepse edhe vet e kishte përjetuar persekutimin qysh në fëmijëri, prandaj qëndroi e vendosur kundër Millosheviqit deri në ndaljen e gjenocidit të tij në Kosovë. E përkrahi pareshtur Kosovën deri në frymën e fundit, prandaj populli i Kosovës do ta kujtojë përjetësisht”, ka thënë Presidentja Osmani.

Me vendim të Presidentes Osmani, flamujt shtetëror ngrihen në gjysmështizë në të gjitha objektet shtetërore të Republikës së Kosovës, brenda dhe jashtë vendit.

Dje, Seanca e veçantë e Kuvendit të Republikës së Kosovës, në të cilën u shënua 23 vjetori i ndërhyrjes së NATO-s në Kosovë,  filloi me një minutë heshtje, në nderim të figurës së ish-Sekretares së Shteteve të Bashkuara të Amerikës, Madeleine Albright.

Në seancë u shfaq një video lidhur me rolin e ish-Sekretares Amerikane të Shtetit, Madeleine Albright në luftën e Kosovës, në mbrojtje të të drejtave dhe lirive të popullit të saj.

Në seancë u theksua se populli i Kosovës gjithmonë do ta kujtojë me respektin më të lartë zonjën Albrigh

Federata Panshqiptare e Amerikës Vatra uron të gjithë besimtarët shqiptarë bektashi: Gëzuar festën  e  Sulltan Nevruzit. Kjo festë e fisnikërisë bektashiane dhe dita e ringjalljes së madhe ardhtë e begatë dhe e bekuar për çdo familje shqiptare. Sot më shumë se kurrë lutemi për paqe dhe për shpresë. Le të triumfojë Dashuria mbi urrejtjen, zhvillimi e paqja mbi luftën, e mira mbi të keqen, progresi mbi regresin, gëzimi mbi trishtimin, vëllazëria mbi konfliktin. Në këtë ditë feste të bëkuar, lusim Zoti ti pastrojë mendjet dhe zemrat e mbushura me urrejtje, smirë, karrierizëm, egoizëm, xhelozi dhe të jetë një pranverë e jashtëzakonshme pastrimi, lulëzimi, zhvillimi e përparimi për çdo besimtar dhe për çdo shqiptar.

Gëzuar nga zemra

Kryetari i Vatrës

Elmi Berisha

Nga Jani Gjoni

Po behet gjithnje e me e qarte se perpjekja e Rusise per pushtimin e plote te Ukraines eshte pothuajse e pamundur. Arsyet jane te shumta por ato qe me me duken me tedomethenese jane: ekonomia ruse nuk eshte e e afte tembeshtese forcat ushtarake ne kete angazhim ushtarak ne Ukraine; rrezistenca e suksesshme e Ukraines; mbeshtetjanderkombetare per Ukrainen; morali i ulet i forcave ruse; filozofia ushtarake ruse, pergatitja e trupave, planizimi dhelogjistika nuk jane dinamike dhe larg realitetit ne fushe beteje.Si cdo lufte edhe kjo natyrisht do te kete nje fund, po cili eshtefundi i saj?

Shume analiste ne bote kane dhene mendimet e tyre dhe ndoshtaaty ne mes tyre eshte edhe pergjigjja me e arsyeshme. Duke ndjekur me kujdes keto vleresime mendoj te parashtrojperqasjen time per fundin e ketij konflikti. 

Putini kercenon me zgjerimin rajonal e global te luftes dheperdorimin e armeve berthamore duke treguar gjene e fundit qe ika ngelur ne dore. Nese forcat ruse ne Ukraine do te kishinsukses ai nuk do ta permendte kurre arsenalin berthamor qedihet boterisht. 

Vazhdimi i metejshem I fushates ushtarake per pushtimin e plotete Ukraines po e rrenon cdo dite ekspediten ushtarake me humbje njerezore, material e morale. Viktimat e shumta ne te dyanet e konfliktit po e shpejtojne fundin e kesaj aventure terrezikshme me izolimin e plote te Rusise. 

Situata e brendshme ne Rusi nuk duket premtuese per pushtetinoligarkik. Peshen e gjithe luftes do ta mbaje populli rus, shumeshpejt embargo nderkombetare do te japi rezultatet e synuara per bllokinin e gjithanshem te ekonomise. Papunesia e larte do tedemoralizoje njrezit, varferia do te coje ne humbjen e besimit ne pushtetin e Putinit si dhe do te ndeze tensionet e brendshme. Tegjitha keto do krijojne kushtet per rrezimin e tij nga pushteti. 

Mendoj se gjithe perpjekjet e Putinit kane vetem nje qellim teruaje pushtetin dhe asgje tjeter. Kerkesat ultimative te tij per Ukrainen dhe komunitetin nderkombetare jane  rrugedalja qe ai kerkon per te dale si fitimtar, por ato nuk jane pranuar ngaaskush. Negociatat me Ukrainen e bejne ate te vogel dhe kjo nuki interson ne publikun e brendshem per te justifikuar coston qeka krijuar lufta. Ai kerkon te dale fitimtar perpara popullit rusper te konsoliduar pushtetin personal, nje lloj kulti qe ai ka ngritur per nje kohe te gjate. Historia e kulteve eshte e njohurdhe perfunimet e tyre jane tragjitke si Hitleri, Stalin, Sadam, Kadafi etj., prandaj mendoj se Putin po kerkon nje dalje per teruajtur fytyren tij. Ai do te mundohet, ne rast deshtimi te plote tefajesoje keshilltaret e tij, do te denoje kedo qe i duhet per tujustifikuar ne publik, do te ndertoje propoganden e tradhetarevejo vetem kunder tij por kunder Rusise, do te vrase e zhduk kedoqe i kercenon pushtetin. 

Por a do te kete sukses?  

Une mendoj se JO. Diktaturat e kane humbur potencialin sisistem ne kete realitet global qe kemi sot. Diktaturat kerkojneizolim, veterregullim, nenshtrim, pushtet absolute dhe kjo eshtepothuajse e pamundur sot. Potencialin global, politik, social, ekonomik, financiar, ushtarak sot e ka perendimi, tregu kapitaldhe sistemet e hapura shoqerore.

Putini dhe oligarkia e tij do te rrezohen ne kete kombinacion tepresionit te jashtem me rrevolten e brendshme te popullit rus. A mund te ndodhe ndonje puc elitar ose ushtarak? Ndoshta, kjo do ta pershpejtonte fundin dhe ndalonte dhimbjet qe po krijonmarrezia e Putinit. 

 ————————-

*) Jani Gjoni është ish padagog në Akademine Ushtarake në Tiranë, tani jeton në Çikago, SHBA.

Grupi i Lobimit

18 Mars 2022

Sot u bënë 9 vjet nga fillimi i peticionit online për Rrugën e Arbërit, ndërtimi i të cilës, siç thotë një shprehje dibrane, ‘ka kohë qëështë bërë tërkuzë (litar)’.

Të indinjuar nga premtimet e rreme elektorale të qeverive të majta e të djathta (terma që në politikën shqiptare janë pothuajse sinonime) që nga viti 2005, kur u bë studimi për fizibilitetin e kësaj vepre, me 18 Mars 2013 një grup intelektualësh dibranënisën peticionin (tashmë me 20,000 nënshkrime në formularë dhe online) për të bërë presion me mjete demokratike pranë qeverisë që do të dilte nga zgjedhjet parlamentare të atij viti dhe duke premtuar se kjo nismë e shoqërisë civile do të qëndroj jashtëçdo influence partiake dhe do të përfundojë me inagurimin e rrugës sipas standardeve ndërkombëtare.

Këto premtime i kemi mbajtur. Vlen tëtheksojmë se edhe Kryeministri Rama, me stilin e qeverisjes që e karakterizon, e ka mbajtur betimin e tij për të mos marrë në dorëzim peticionin. Ndërkohë, ky Kryeministër ka 9 vjet që së bashku me pronarët e partive të tjera politike, vazhdojnë t’i servirin elektoratit dibran nëçdo fushatë zgjedhjesh lokale dhe parlamentare të njëjtin refren: ‘Na jepni votat nëse doni të shikoni rrugën të përfunduar.’

Ky shantazhim i turpshëm u përsërit edhe nëzgjedhjet bashkiake me 6 Mars të këtij viti nga të gjitha klanet partiake.

Me këtë rast dëshirojmë tëtheksojmë se të gjithë kandidatët bashkiakë mbajtën një qetësi shurdhuese për rreziqet që ndërtimi i Skavicës përbën për ekzistencën e Dibrës, kësaj zone me rëndësi unike në historinëe Shqipërisë, burimet e të cilës janë shfrytëzuar dhe vazhdojnë të shfrytëzohen nga shteti sipas një logjike kolonializimi intra-nacional që trajton me shpërfillje deri në përbuzje popullin dibran në territorin e Republikës sëShqipërisë, ashtu si Shkupi zyrtarvazhdon të lërë në harresë pjesën lindore të Dibrës që u nda nga territori i atdheut në vitin 1913.

Për kujtesë të lexuesve, ndërsa kontrata zyrtare thotë se për 80 kilometra rrugë shtetit shqiptar do të paguaj 260 milionë euro, media të ndryshme shkruajnë se kjo shumë është shumë herë më e lartë, deri në 400 milionë euro, të cilat kanë filluar të paguhen nga taksapaguesit dhe do të vazhdojë të paguhen në 10 vitet e ardhshme. Ndërsa rruga akoma nuk ka përfunduar, vetëm Zoti dhe shpura e Kryeministrit e di se sa milionë të tjerë do të shkojnë për ndërtimin e kësaj rruge qëështëinauguruar disa herë, megjithëse dita e përfundimit të saj duket e largët.

Nga vëzhgimet e fundit në terren, duke parëçfarëështë përfunduar, çfarëështë në proces dhe çfarë nuk është filluar akoma, mund të themi pa rezerva se kjo rrugë nuk do tëinaugurohet, jo vetëm në prill të këtij viti, siç pati premtuar Kryeministi Rama, por as për dy-tre vjet të tjera.

Ka shumë mundësi që ky Kryeministër ta bëjë këtë vepër strumbullarin e fushatës së tij elektorale për mandatin e katërt, i ndihmuar nga kori i bretkosave partiake dibrane, që i bëjnë temenara, ndërkohë që ata dhe tarafet e tyre vazhdojnë të majmen nga tenderat që vazhdojnë të akordohen pa transparencë.

Mos vallë Kryeministri pret ‘miratimin’ e Skavicës nga publiku që të vazhdojëndërtimin e Rrugës së Arbërit?!

Disa segmente të Rrugës së Arbërit, edhe pse jo të standardeve të duhura, duke filluar që nga Tirana deri në fshatin Fshat, është në funksionim. Në një shtet normal përdorimi i një rruge që përbën rrezik për pasagjerët, nuk do të ishte lejuar.

Ndërkohë dibranëve, të cilëve u ka ardhur shpirti në majë të hundës me rrugën e vjetër prej 170 km, ‘gëzohen’ me rrugën e pa përfunduar. Vlen të theksohet se pjesa më e madhe e Rrugës sëArbërit qëështë në funksionim, nuk ka të ngjarë me video-klipet e stisura tëKryeministrit Rama, që nuk pasqyrojnë të vërtetën, si për volumin e punimeve, ashtu edhe për cilësinë e tyre.

Po kështu, kemi vënë re se nuk ka asnjë komunikim zyrtar ndërmjet Tiranës dhe Shkupit për nisjen e punimeve në Rrugën e Arbërit në Maqedoninë e Veriut. Grupi i Lobimit filloi një dialog konstruktiv me drejtues të politikës shqiptare (lokale dhe vendore) në Maqedoni nëvitin 2014, dialog që do të rifillojë së shpejti.

Me këtë rast, falënderojmë përkrahësit e peticionit me shpresë se numri i nënshkrueseve do të rritet në Shqipëri, territoret shqiptare në Ballkan dhe diasporë.

Peticioni mund të nënshkruhet këtu:https://bit.ly/3N81rt2

Pas humbjes në zgjedhjet e 6 marsit, por edhe pas kërkesave të disa prej deputetëve, Lulzim Basha dha sot dorëheqjen nga posti i kryetarit të Partisë Demokratike.

Në një mbledhje të të gjithë strukturave të selisë blu, ai komunikoi vendimin e tij për të bërë një hap pas.

Gjatë fjalës së tij, Basha u shpreh se është i vendosur që të ndihmojë në çdo mënyrë ringritjen dhe bashkimin e demokratëve.

“Thellimi i krizës që përjetojmë prej vitesh ka për shkak kryesor mungesën e një qeverisje të përgjegjshme dhe të llogaridhënies. 25 prilli ishte një goditje e rëndë për demokratët, për demokracinë dhe për shpresat e shqiptarëve për ndryshim, pas 8 vitesh premtimesh te pambajtura, korrupsion dhe tallje me dhimbjet dhe hallet e njerëzve. Sepse vetem nje qeveri qe vjen si vullnet i njerëzve mund të ngrihet në nivelin e halleve të tyre dhe të kuptoje e ofrojë zgjidhje reale per njerezit.

Nje qeveri e tillë, me program dhe ofertë konkrete u pengua nga masakra zgjedhore që ndali ndryshimin me 25 prill. Shpresa per tu ringritur përmes një opozite të fortë ka marrë për fat te keq prej afro nje viti po kështu goditje të njëpasnjëshme. Perpjekjeve tona per tu ofruar shqiptarëve nje opozitë të tille, përmes denoncimeve dhe goditjes së korrupsionit qeveritar në komisionet hetimore të aferave korruptive dhe hetimit të 25 prillit i është mbivendosur një luftë e brendshme.

Personalisht investova gjithcka për nje zgjidhje që do ti shërbente edhe Partisë Demokratike edhe transparencës. Sot nuk dua të ndalem në cfarë ka ndodhur e si ka ndodhur, kush kishte të drejtë e kush ishte gabim, këtë jam i bindur se do ta qartësojë koha. Fatkeqësisht, përpjekja ime për ta mbajtur PD të bashkuar nuk arriti sukses. Unë dhe shume demokratë u përballëm me një fushatë sulmesh te paparimta dhe te pavërteta që krijuan një frymë përcarje, dhe si rezultat sot Partia Demokratike po përjeton një krizë të thellë.

Për këtë arsye dhe për të ndihmuar Partinë Demokratike dhe demokratët të lënë mënjanë ndasitë joparimore, i vetëdijshëm për peshën që mora mbi vete, për atë që e kam quajtur vendimin tim më të vështirë politik, kam vendosur të hedh një hap pas duke u dorëhequr nga detyra e kryetarit të PD, me qëllim dhe i vendosur për të ndihmuar për ringritjen dhe bashkimin e demokratëve dhe Partisë Demokratike si shpresa e vetme për shqiptarët. 

Kjo nuk është një tërheqje për rehati personale, por një nxitje më shumë që betejën tonë për një PD të së ardhmes ta bëjmë të gjithë bashkë të zhveshur nga çdo shpifje se kjo që ka ndodhur këto 6 muaj është bërë për karriken e kryetarit. Ndaj dua sot ti them kujtdo që ka besuar dhe beson se PD duhet të shohë drejt të ardhmes, se unë jam dhe do jem tërësisht i angazhuar krah jush, do jem zëri juaj, nuk do ta braktis kurrë sakrificën tuaj, nuk do lodhem kurrë për t’u shprehur mirënjohjen, për sakrificat, mundin dhe kontributin tuaj, dhe me vendosmëri do bëj gjithçka, që ato të mos shkojnë dëm, por ti japin forcë vizionit tonë për një Parti Demokratike që zgjedh të ardhmen dhe i prin rrugës së shqiptarëve drejt saj” – tha Basha.