Analiza – Page 331 – Dielli

GREQI–SHQIPËRI, DETI NË MES-(MOS)MARRËVESHJA

September 17, 2020 by dgreca

ZAGANJORI: Marrëveshja e detit me Greqinë,JO në Gjykatën e Arbitrazhit- Ish-kryetari i Gjykatës Kushtetuese, Xhezair Zaganjori thotë se, dërgimi i çështjes së kufirit detar me Greqinë në Gjykatën e Hagës do të ishte zgjidhja më e mirë për Shqipërinë. Z. Zaganjori në një reagim për Euronews Albania nuk rekomandon zgjidhje me palë të tretë apo Gjykatën e Arbitrazhit dhe sjell si shembull rastin e mosmarrëveshjeve mes Kroacisë dhe Sllovenisë.

“Zgjidhja me Gjykatë Ndërkombëtare është zgjidhja më e mirë. Aq më tepër që çështja është politizuar në mënyrë të tejskajshme. Mundësitë janë të shumta por për shumë arsye më e mira është Gjykata Ndërkombëtare e Drejtësisë në Hagë. Nuk do të rekomandoja as me palë të tretë e as me Gjykatë Arbitrazhi.

Përvoja e Kroacisë me Slloveninë është shumë e keqe. Kam shkruar mbi këtë temë disa herë tek “Gazeta Shqiptare”. Nuk do të rekomandoja gjithashtu as Gjykatën e Dr. Detit në Hamburg. Por duhet ditur gjithashtu që në Gjykatën e Hagës duhen të paktën 4-5 vjet. Por nga ana tjetër po bëhen 11 vjet nga vendimi i Gjykatës Kushtetuese dhe askush nuk ka menduar seriozisht për këtë çështje”, përfundon Zaganjori që ishte dhe relator i çështjes në vitin 2010.

Kryeministri shqiptar Edi Rama duke folur për Euronews Greece, tha se dy janë mundësitë për zgjidhjen e çështjes së detit mes Shqipërisë dhe Greqisë, ose ndërmjetësim nga një vend i tretë, ose në gjykatë. Kjo është zgjidhja më e mirë për kryeministrin që eliminon sipas tij edhe reagimet nacionaliste lokale.

***

Edi Rama për Euronews: Kjo qasje shmang kurthet e politikës

Kryeministri shqiptar Edi Rama theksoi për mikrofonin e Euronews Greece, se dy janë mundësitë për zgjidhjen e çështjes së detit mes Shqipërisë dhe Greqisë, ose ndërmjetësim nga një vend i tretë, ose në gjykatë. Kjo është zgjidhja më e mirë për kryeministrin që eliminon sipas tij edhe reagimet nacionaliste lokale.

“Është shumë e thjeshtë. Vende në këto rrethana kanë zgjedhur një vend tjetër miqësor dhe konsensual për ndihmë, të lehtësojë dialogun por nga ana tjetër kanë përdorur edhe Gjykatën Ndërkombëtare të së Drejtës. Kjo është një ide e vjetër dhe është një mundësi që gjithmonë e kam menduar si më të mirën për të shmangur kurthet e politikës vendore, ndezjen e qëllimeve nacionaliste dhe patriotizmit të rremë, thjesht duke na ndarë dhe duke krijuar keqkuptime mes popujve tanë”, tha ai.

Sa për zgjerimin e Greqisë me 12 milje, Rama e cilësoi si një të drejtë që i vjen nga Konventa e Detit, por nuk aplikohet në rastin e Shqipërisë.

“Është e drejtë e Greqisë dhe është e bazuar në Konventën Ndërkombëtare të se Drejtës së Detit në të cilën shumë qartë thuhet se çdo vend mund të zgjerojë kufirin e tij brenda zonës detare aty ku është e mundur. Qartësisht ky nuk është rasti me Shqipërinë dhe për këtë na duhet marrëveshja, pra është legjitime për Greqinë që ta thotë këtë”, theksoi ai.

Shefi i qeverisë tha për Euronews Greece se Greqia dhe Turqia janë të afta ta zgjidhin vetë konfliktin mes tyre dhe si mik i presidentit Erdogan, siguroi se ky i fundit nuk ka ndjenja antigreke.

“Presidenti Erdogan nuk ka ndjenja anti-greke. Sigurisht që ka probleme dhe eksperienca tregon se mes Turqisë dhe Greqisë ka një mënyrë për t’i zgjidhur ato përmes dialogut dhe përmes mirëkuptimit pa patur nevojë që të tjerë të ndërhyjnë sepse nuk bëhet fjalë vetëm për Greqinë dhe Turqinë por bëhet fjalë për Europën, bëhet fjalë për Turqinë si instrumenti për sigurinë për Europën dhe Greqinë që është pararojë e Europës në kufirin me Turqinë dhe të tjerët”, theksoi Rama.

***

Juristi tregon “gabimet” që po bën Rama për çështjen e detit

Kryeministri i Shqipërisë, Edi Rama deklaroi nga Athina se çështja e ndarjes së kufirit detar me Greqinë mund të zgjidhet përmes ndërmjetësimit të një pale të tretë ose duke e çuar çështjen në Gjykatën Ndërkombëtare të Drejtësisë.

Për këtë çështje të nxehtë, Euronews Albana zhvilloi një bisedë me juristin e njohur Jordan Daci. Duke folur në aspektin juridik, z. Daci u shpreh se çështja e “detit” mund të dërgohet edhe në Gjykatën Ndërkombëtare të Drejtësisë, por kur evidentohen disa specifika konkrete, të cilat sipas tij nuk përmbushen në rastin e Shqipërisë dhe Greqisë.

“Juridikisht mund të ndodhë, por nuk jemi në kushtet që duhet të ndodhë. Që në të shkojmë në gjykatë, ne duhet të kemi një mosmarrëveshje. Ne me Greqinë nuk kemi mosmarrëveshje në kuptimin formal të fjalës. Pse? Marrëveshja që ishte dakordësuar në 2009, që u shfuqizua nga Gjykata Kushtetuese, ishte dakordësuar nga të dyja palët. Kjonënkupton që jemi para nevojë për të rinegociuar, sepse Greqia nuk ka thënë se ne nuk do të rinegociojmë. Nëse ajo do të mbante këtë pozicion (ti qëndronte marrëveshjes së 2009), atëherë do të duhej të shkojmë në gjykatë. Greqia nuk thotë dhe nuk ka thënë asnjëherë të paktën publikisht se nuk është dakord për një rinegocim të dytë. Nëse rinegocimi nuk do pranohej, atëherë sigurisht zgjidhja do ishte Gjykata Ndërkombëtare e Drejtësisë”, tha ai.

Teksa komentoi deklaratën e kryeministrit Rama në Athinë për caktimin e kufirit detar, juristi hodhi dyshime se mund të jenë shkëmbyer biseda sekrete mes të dyja palëve. Ai thotë se askush nuk ka të drejtë të flasë për detin, pa marrë më parë “bekimin” e Presidentit të Republikës së Shqipërisë.

“Kjo deklaratë për mua nënkupton një gjë që unë do doja që mos të ishte e vërtetë, që me siguri mund të jenë zhvilluar biseda sekrete mes dy vendeve. Edhe pse në rastin tonë në shkelje flagrante të kushtetutës, sepse nuk kanë plotfuqishmëri që askush të bisedojë pa autorizimin e presidentit. Kjo mund të jetë edhe sepse kryeministri do ta çojë në Gjykatën Ndërkombëtare të Drejtësisë, edhe pse nuk ia di radhën punëve as ai as këshilltarët e tij. Çdo lloj bisede që bëhet për detin është e paligjshme. Askush në Shqipëri nuk ka të drejtë të diskutojë asnjë fjalë me askënd pa autorizimin e presidentit”, shtoi ai.

***

Përplasje për detin, Rama e Bakoyannis replika për “ndërhyrjen” turke në vitin 2009

Çështja e kufirit detar me Greqinë ka përplasur kryeministrin Edi Ramën, i cili e paditi në Gjykatën Kushtetuese marrëveshjen e 2009 dhe Dora Bakoyannis ish-ministre e Jashtme dhe firmëtare në atë dokument.

Gjatë konferencës “Ballkani Perëndimor përtej 2020-s”, organizuar nga revista britanike “The Economist” në Athinë, Bakoyannis u shpreh e zhgënjyer që marrëveshja e 2009 u anulua duke e thënë publikisht se “gisht” në këtë punë kishte Turqia.

“U mërzita shumë kur dëgjova për vendimin e Gjykatës Kushtetuese dhe kjo nuk përbën një justifikim që 10-12 vite më pas nuk kemi një marrëveshje. Për të qenë e sinqertë, ndërhyrjet e vendeve të treta në këto lloj çështjes nuk ndihmojnë. Ne e dimë që Turqia ka qenë kundër kësaj marrëveshjeje”, tha ish-ministrja e Jashtme greke.

Por sinqeriteti i znj. Bakoyannis për Kryeministrin shqiptar ishte një e pavërtetë duke u shprehur se aso kohe, Presidentin Erdoan nuk e njihte.

“Më duhet të kundërshtoj Dorën për një pikë, Gjykata Kushtetuese e Shqipërisë ka marrë vendim për këtë marrëveshje në vitin 2009 dhe në atë kohë unë kurrë nuk e kisha takuar, e kurrë nuk kisha folur, e kurrë nuk kisha dëgjuar nga Presidenti Erdogan. Ideja që kjo është një marrëveshje e parandaluar nga ndërhyrja e Turqisë është absolutisht e pavërtetë”, deklaroi Rama.

Ndërsa debatet dhe replikat për këtë çështje vijojnë, Kryeministri Rama propozoi dy mënyra që do t’i jepnin zgjidhje kësaj çështjeje e do të çonin në një marrëveshjeje mes dy vendeve për kufirin detar.

Deklarata erdhi pas takimit që Rama zhvilloi mbrëmjen e djeshme me homologun e tij grek, Kiriakos Mitsotaqis. Për këtë takim qeveria greke në njoftimin për mediat theksoi se “u ra dakord që dy vendet të punojnë së bashku në mënyrë që të dy vendet të zgjidhin shpejt çështjet e mbetura pezull dhe të çlirojnë potencialin e madh që mund të krijojnë marrëdhëniet strategjike midis dy vendeve”.

***

‘Deti’ në Gjykatën Ndërkombëtare, Rama: Marrëveshja me Greqinë mund të zgjidhet në Hagë

Kryeministri Edi Rama deklaroi në Athinë se çështja e ndarjes së kufirit detar me Greqinë mund të zgjidhet përmes ndërmjetësimit të një pale të tretë ose duke e çuar në Gjykatën Ndërkombëtare të Drejtësisë.

Sipas tij, kjo zgjidhje do të ishte më e gjithëpranuar nga të gjitha palët.

“Është një marrëveshje që është hedhur poshtë nga Gjykata Kushtetuese. Jam besimplotë që jemi në rrugën e duhur. Kemi zhvilluar një dialog intensiv me qeverinë e shkuar për çështje që duhen shqyrtuar dhe zgjidhur, pasi herë as herë kthehen në çështje të nxehta, ndërkohë që janë vetëm çështje të thjeshta në marrëdhëniet mes dy vendeve.

Që kjo të çështje të mos përdoret nga forca të errëta kundër të dyja vendeve, kam një ide shumë të thjeshtë që e kam paraqitur më parë.

Kur bëhet fjalë për çështje detare të mund ta zgjidhim me ndihmën e të tjerëve, që do të thotë përmes një pale të tretë, ose akoma më mirë nëpërmjet gjykatave ndërkombëtare. Kjo do të jetë e drejtë, objektive dhe nuk mund të përdoret nga patriotët.

Imagjinoni, kryeministri i Greqisë fliste në parlament për një të drejtë legjitime të Greqisë, mbështetur në konventën ndërkombëtare për të shtritë kufijtë e vet detarë me 12 milje dhe shndërrohet në çështje në rrjetet sociale në Shqipëri dhe në qarqet politike në Shqipëri”, tha kryeministri shqiptar.

(Kortezi TV-Euronews Albania)

Murtaja e bardhë troket në Mal të Zi

September 17, 2020 by dgreca

Diskursi demografik–

Murtaja e bardhë troket në Mal të Zi–

Në sajë të dhënave nga institucioni i statistikës MONSTAT-it, del se në pesë-gjashtë vitet e ardhshme Mali i Zi do të bëjë pjesë në ato vende që më tepër do të vdesin se sa do të lindin, ku në pozitë më të pavolitshme janë Veriu i vendit por edhe disa komuna tjera ku bën pjesë edhe Ulqini si kryeqendra e shqiptarëve në këtë mjedis, çështje kjo shumë shqetësuese për të ardhmën me pasoja shumëdimensionale–

Shkruan: Nail Draga–

Çështjet e shtimit natyror të popullsisë në Mal të Zi, mbetet preokupim i subjektëve përkatëse në nivel shtetëror, që prezantohet kohë pas kohe në sajë të dhënave statistikore. Kështu në sajë të dhënave nga MONSTAT-i numri i fëmijëve të lindur në vitin 2009 ishte 2.780 më i lartë së numri i të vdekurve. Por, një numër i tillë në fund të vitit të kaluar ka rënë në 630. Një e dhënë e tillë dëshmon se shtimi natyror viteve të fundit ka rënë nën 1000 individë, me tendecë të rëniës së vazhdueshme. Dhe nga një e dhënë e tillë del qartë se për pesë gjatë vite, Mali I Zi do të jetë në grupin e vendëve që kanë shtim natyror negative.

Një dukuri e tillë nuk është specifike vetëm plr Malin e Zi, por ajo ka përfshi tërë regjionin, sespe murtaja e bardhë ka përfdhi Bosne e Hercegovinën, Kroacinë, Slloveninë, Serbinë. Maqedoninë e Shqipërinë. Sipas të dhënave nga disa demografë del se situate me kritike në këtë aspect është në Serbi, sepse atje çdo vit humbet nga një qytet mesatar. Kështu gjatë vitit 2018, në Serbi kanë lindur rreth 64.000 foshnjë, por në të njëjtën periudhë kanë vdekur 101.000 persona.

Shtimi natyror I popullsisë në Mal të Zi(2009-2019)

Në sajë të projeksioneve nga viti i kaluar sipas Kombëve të Bashkuara, trendet negative demografike, do të ndikojnë në rënien e numrit të banorëve në Mal të Zi, ku deri në vitin 2050, këtu do të jetojnë 589.000 banorë. Një e dhënë e tillë përafërsisht i përgjigjët numrit të popullsisë sipas regjistrimit të vitit 1981. Sipas tyre parashikimeve deri në vitin 2100 Mali I Zi do të kthehet në vitin 1950, me gjithsej 454.000 banorë.

Sipas Stategjisë nacionale të zhvillimit të qendrueshëm të Qeverisë deri në vitin 2030, thuhets e rezultatet e fundit nga regjistrimi I popullsisë, kanë treguar rritje të ngadalshme të popullsisë në dekadat e fundit. Deri sa shkalla e shtimit natyror në vitin 1951 ka qenë 20.8 për mijë, ndërsa dhjetë vite më pas 20.4 në njëmijë banorë, në dy regjistrimet e fundit ishte tjetërsisht fare 4.3 në vitin 2003 dhe vetëm 2.2. në vitin 2011.

Në strategjinë për nga fusha e demografisë cekët politika për natalitetin, sigurimi I nivelit të ndihmave sociale për fëmijë etj.

Se kemi rënie të lindshmërisë dëshmon konstatimi se sipas Zyrës së statistikës së Bashkësisë Europiane(EUROSTAT), vitëve të fundit numri I fëmijëve të lindur pët një familje arrinë nga 1.7 dhe 1.8.

Pa program demografik qeveritar

Gjendja aktuale demografike nuk është e rastit por ka vazhdimësi, sepse nuk ka ekzistuar përkushtimi qeveritar në nivel qendror dhe ate lokal. Patjetër duhet të miratohen plane për ripërtëritjen demografike, sepse nëse vazhdohet me të njëjtën heshtje si deri më tash, pasojat do të jenë të mëdha. Çdo vend i cili çështjet e tilla i trajton në mënyrë serioze, duhet të miratoj strategjinë e ripërtëritjes demografike, duke paraparë mjete të konsiderueshme si dhe formimin e ekipeve profesionale të cilët do të merren me këtë temë me rëndësi shoqërore.Më këtë rast duhet cekur se çiftëve të rinjë janë përpjekur me iu siguruar kredi për banesa, në sajë të projektit “1.000 plus”, që më tëpër mbeti si dëshirë se sa realitet në këtë kohë të krizës jo vetëm ekonomike.

Kosova në plus 18.500 banorë ndërsa Serbija me minus të dyfishtë

Sipas të dhënave nga EUROSTAT-i për vitin 2018, Mali i Zi gjindet në grupin e katër vendëve të regjionit ku ende kanë shtimin natyror pozitiv, ku bëjnë pjesë edhe Shqipëria, Kosova dhe Maqedonia e Veriut. Kështu Kosova është ende në vend të parë, sepse në fund të vitit 2018, ka qenë “në plus” 18.500 banorë, Shqipëria 7.130 dhe Maqedonia e Veriut me 1.600 banorë.

Nga ana tjetër, me shtimin natyror negativ është Bosnje e Hercegovina, Kroacia, Sllovenia e Serbia. Minusi më i lartë është evidentuar në fund të vitit të kaluar në Serbi me -37.680 banorë, Kroaci -15.761, Bosnje e Hercegovinë 8.277 dhe Slloveni -900 banorë.

Nëse analizojmë të dhënat demografike për Malin e Zi, del se këtu ende kemi shtim pozitiv të popullsisë, por nëse e analizojmë sipas komunave del se vazhdon trendi negativ i shtimit të popullsisë. Kështu shtimi natyror negativ në vitin 2013 është shënuar në tetë komuna,dhjetë në vitin 2014, në 2015(12), në 2016 dhe 2017 në 13 komuna.

Ndërsa në sajë të dhënave nga institucioni i statistikës MONSTAT-it, del se në pesë-gjashtë vitet e ardhshme Mali i Zi do të bëjë pjesë në ato vende që më tepër do të vdesin se sa do të lindin, ku në pozitë më të pavolitshme janë Veriu i vendit por edhe disa komuna tjera ku bën pjesë edhe Ulqini si kryeqendra e shqiptarëve në këtë mjedis, çështje kjo shumë shqetësuese për të ardhmën me pasoja shumëdimensionale.

Duhen masa stimulive nga shteti

Deri tash në Mal të Zi nuk kemi informacione se në kuadër të qeverisë, apo të ndonjë ministrie është trajtuar çështja demografike apo e politikës popullative. Sepse është e udhës që të ekzistojë strategjia e nxitjës së natalitetit, me qasje ekonomike dhe jo vetëm deklarative, duke ndarë mjete të konsiderueshme financiare. Mbeshtetja financiare me rastin e lindjës së fëmijeve është e karakterit të përkohshëm, andaj duhet gjetë modele të qendrueshme në këtë aspekt duke marrë parasysh se gjinia fëmërore është më pak e punësuar, dhe më shumë e ngarkuar në rritjen e fëmijeve. Modeli I Serbisë mund të shërbejë edhe për Malin e Zi, sepse ata japin shtesa për fëmijë deri në moshën dhjetë vjeçare. Ndërsa duhet pare mundësinë e rikthimit te pensionëve për femrat të cilat kanë lindur tre e më shumë fëmijë, që iu mohua në vitin 2017 nga ana e qeverisë, më ç’rast u kriju paknaqësi e madhe duke protestuar në rrugë për të rikthyer të drejtën e mohuar.

Vetëm më aktivitete konkrete nga ana e qeverisë me qellim të nxitjes së natalitetit dhe zhvillimit të qendrueshëm popullativ, duke marrë modele nga vendet e ndryshme, mund të kemi ndryshime pozitive, në të kundërtën e ardhmja do të jetë me pasoja të mëdha shoqërore.

(Shtator 2020)

Kryeministri Hoti: Udhërrëfyes i dialogut është Kushtetuta e Republikës së Kosovës

September 16, 2020 by dgreca

Kryeministri i Republikës së Kosovës, Avdullah Hoti, ka marrë sot pjesë në Tryezën e diskutimit: “Kryeministri i Kosovës përballë platformës së shoqërisë civile për dialog”, të organizuar nga Instituti Demokratik i Kosovës.

Në fjalën e tij hyrëse, kryeministri Hoti ka folur për kronologjinë e procesit të dialogut, si dhe për transparencën në këtë dialog, por edhe rrugën që Qeveria e Kosovës do ta ndjekë deri në arritjen e marrëveshjes finale për njohje reciproke ndërmjet dy vendeve.
Kryeministri Hoti ka përmendur angazhimet e qeverisë përgjatë tre muajve sa i përket qasjes ndaj dialogut me Serbinë duke theksuar se udhërrëfyes që nga dita e parë kur e ka marrë detyrën për procesin e dialogut është Kushtetuta e Kosovës.

“I kemi rikonfirmuar edhe një herë parimet tona për dialogun duke besuar se këto parime i nxjerrin jashtë loje komplet konspiracionet e shumta për takimet gjoja jopublike që kanë ndodhur mes delegacionit kosovar dhe atij serb:, tha kryeministri Hoti duke shtuar se “integriteti territorial i Kosovës është i panegociueshëm dhe se kjo nuk është shtruar asnjëherë para meje në tre muajt e fundit në çdo tavolinë të dialogut që unë kam marrë pjesë”. E dyta, vijoi ai, organizimi kushtetues i Kosovës nuk mund të preket, që nënkupton se ruhet karakteri unitar i shtetit, se nuk ka asociacion me kompetenca ekzekutive në Kosovë dhe për të dyja këto parime të procesit të dialogut, ka mbështetje të plotë nga partnerët tanë ndërkombëtarë dhe parimi i tretë që marrëveshja duhet të jetë plotësisht në përputhje me Kushtetutën e Republikës së Kosovës.

Po ashtu, kryeministri Hoti ka theksuar se ky proces duhet të rezultojë vetëm me njohje reciproke dhe assesi të mos mbetet një proces që e konsumon vetëm veten dhe që nuk prodhon rezultate në fund dhe se produkt i marrëveshjes dhe obligim i BE-së duhet të jetë që ta kalojmë problemin me pesë vendet anëtare që nuk e njohin Kosovën, mandej shfuqizimi i Rezolutës 1244 dhe anëtarësimi në OKB, organizata ndërkombëtare dhe hapja e perspektives për Kosovën për integrime euroatlantike, si dhe adresimi i të gjitha çështjeve pa përjashtim.

Kryeministri Hoti ka folur edhe për takimin e parë të nivelit të lartë më 16 korrik duke thënë se njëra nga temat ka qenë për personat e pagjetur dhe se kanë insistuar që ta fillojnë këtë dialog me personat e pagjetur, për shkak të ndjeshmërisë që e ka, por edhe për çështjet ekonomike dhe se në këtë aspekt është zhvilluar progres.

Ndër të tjera, kryeministri Hoti ka ripohuar se pa e arritur njohjen reciproke me Serbinë, nuk mund të adresohen çështjet e tjera, pasi çështjet e tjera janë derivat i njohjes reciproke.

Duke folur për marrëveshjen e arritur në Uashington, kryeministri Hoti tha se ka elemente kryesisht ekonomike, politike, por edhe të të drejtave të njeriut e edhe çështje të tjera.

“Janë dy komponente që janë shumë të rëndësishme, pjesa ekonomike që është një listë e projekteve kryesisht infrastrukturore, por edhe mbështetje për ndërmarrje të vogla dhe të mesme edhe që në total vetëm për pjesën tonë të Kosovës shkon në 1 miliard dollar amerikan. Janë disa agjenci në SHBA që e kanë marrë financimin e këtyre projekteve”, tha kryeministri Hoti duke bërë të ditur se në fund të shtatorit pret një vizitë nga përfaqësues të këtyre agjencive për të konkretizuar se si do të lëvizet më tutje.

Në këtë tryezë diskutimi, kryeministri Hoti ka folur edhe për njohjen nga Izraeli si pjesë e marrëveshjes në Uashington, duke thënë se është thyer një bllokadë që Kosova e ka pasur në njohjet ndërkombëtare tash e tre vjet dhe se njohja nga Izraeli hap një kapitull komplet të ri të konsolidimit të shtetësisë së Kosovës në arenën ndërkombëtare.

“Dhe, unë besoj se pritjet e mia janë që gjatë kësaj periudhe njëvjeçare ne duhet ta mbyllim çështjen në mes të Kosovës dhe Serbisë. Nuk ka momentum më të mirë, ka një interesim të drejtpërdrejtë të presidentit të ShBA-së, Trump dhe kryeqendrave të BE-së për këtë proces dhe ndoshta për arsye gjeopolitike që të mbyllet ky regjion i Ballkanit Perëndimor për ndërhyrjet që vijnë vazhdimisht nga Lindja”, tha kryeministri Hoti.

Gjithashtu, Kryeministri Hoti ka thënë se ka bërë kërkesë që të raportojë në Kuvendin e Kosovës, siç edhe kanë kërkuar deputetët që të raportohet pas çdo raundi të bisedimeve.

“Pas nënshkrimit të marrëveshjes në Uashington, ne jemi kthyer në Bruksel, në vazhdimin e dialogut në takimin e nivelit të lartë për të adresuar tash çështje të tjera”, pohoi kryeministri Hoti, i cili, po ashtu, tha se është zotuar që nga dita e parë se për të gjitha temat do të jetë transparent si para shoqërisë civile, deputetëve dhe qytetarëve.

Me këtë rast, kryeministri Hoti vlerësoi se duhet një konsensus politik për të ratifikuar këtë marrëveshje.

Në përmbyllje të kësaj tryeze, kryeministri Hoti iu është përgjigjur edhe shumë pyetjeve të parashtruara nga përfaqësuesit e shoqërisë civile dhe të mediave.

Mëmëdhe(Nëno) mos ki frikë se ke djemtë në Amerikë…!

September 15, 2020 by dgreca

…Ç’thot’ ajo e ve e gjorë,
-Mbretëreshë pa kurorë-
Faqe-çjerrur, lesh-lëshuar,
Shpirt e zëmër përvëluar;
Gjysm’ e vdekur: “O Shqiptarë,
Nënës mos ia bëni varrë!”
Mbahu, Nëno, mos kij frikë
Se ke djemtë n’Amerikë…(Noli, maj 1917)

Shkruan: Ajet Delaj, New York-*

Thënia profetike e Nolit të madh: Mëmëdhe(Nëno) mo ski frikë se ke djemtë në Amerikë është dhe duhet të jetë fanar orientues për sot e për nesër në orientimin e diasporës shqiptare në Shtetet e Bashkuara të Amerikës.

Për të vërtetën, të njëjtin orientim duhet të mbajnë edhe shetet shqiptare në Gadishullin Ilirik së bashku me faktorët e rëndësishëm shtet-formues në Maqedoninë e Veriut e Malin e Zi gjë që fatekeqësisht nuk ka ndodhur pargjatë katër viteve të Presidencës Trump dhe ka tendencë të mos respektohet vizioni modern i angazhimit të diasporës shqiptare që duhet të jenë gjithnjë me institucionet Amerikane duke respektuar vullnetin e popullit Amerikan.

E them këtë me bindje pasi diaspora shqiptare e Amerikës në tërësinë e saj nuk është faktor përcaktues në zgjedhjet për senat e kongres e aq më pak në zgjedhjet e përgjithshme presidenciale.

Reshtimi i disa shqiptarve përkrah kandidatit Biden nuk shkon në interes të kombit shqiptar në tërsinë e tij në hapsirat e Gadishullit Ilirik e aq më pak në interes të vetë komunitetit shqiptar të Amerikës.

Pikpamjet e preferencat politike të gjithsecilit është biznes personal i gjithsecilit dhe natyrisht gjithkush është i lirë të votojë apo të shprehi simpati për një krah politik apo kandidat por kur vjen puna për t’u shprehur në emër të komunitetit, gjithsecili duhet të mendojë se nuk e ka një tager të tillë pasi fatekeqësisht diaspora shqiptare nuk ka një institucion qëndror koordinues të aftë për të marrë një vendim në emër të diasporës.

Megjithse, edhe po të ketë në raste shumë të rralla e madje të mirëstudijura dispora mund të marrë një vendim për t’u pozicionuar apo mbështetur një krah politik apo person preferencial në fushatën presidenciale Amerikane. Pra, kur ta gjykojmë bashkarisht nëpërmjet institucioneve të diasporës që shpresojmë t’i kemi në një të ardhme jo të largët(Jo ata që ka emëruar qeveria Rama).

Shembulli i keq i pozicionimit politik i Kryeministrit Shqiptar në fushatën elektorale Presidenciale Amerikane të 2016-ës ka lënë një shije e praktike të keqe që fatkeqësisht ka vazhduar përgjatë gjithë mandatit presidencial të Presidentit Trump në shtypin mediat e portalet shqiptare që nuk kanë lënë letër pa marrë në kanalet e gjirizit të botës mjafton që të shkruanin apo më mirë të themi të shpifnin ndaj presidentit Trump duke i botuar në faqet e para të gazetave apo ballinat e portaleve të tyre.

Qëllimi i këtij reagimi të shkurtër nuk është vazhdimi i përçarjes së diasporës siç kanë bërë zonjat dhe zotërinjtë majtistë pse jo radikal majtistë që në shqip do të thotë komunistë e titistë që janë pozicionuar publikisht në krah të Joe Baiden madje duke iu bërë edhe thirrje të tjerëve që të rreshtohen krah tij.

Unë thellësisht mendoj se kjo nuk i shërben çështjes sonë kombëtare por meqë zotërinjtë majtistë ishin munduar të gjenin disa arsye se përse ishin rreshtuar përkrah z. Biden gjë që për mua nuk qëndrojnë dëshiroj të bie në vëmendjen e gjithsecilit arsyen se përse Presidenti Trump triumfoi në 2016-ën e me siguri do triumfojë edhe në 2020-ën për arsyen e thjeshtë se misioni vazhdon, gjë që thellësisht mendoj se shkon në drejtim të interesit kombëtar shqiptar.

Logoja e fitores së Presidentit trump ishte “Dry the swamp in Washington and demolish rigged system together with establishment corruption in Washington DC!”- çfarë do të thotë tharjen e korrupsionit në Washington e shkatërrimin e strukturave të shtetit të kapur në Washington.

A vlen kjo praktikë e filozofi e Presidentit Trump për shoqërinë shqiptare në Gadishullin Ilirik për tu çliruar nga shtetet e korruptuara madje super të korruptuara shqiptare në Gadishullin Ilirik që e kanë kthyer Shqipërinë dhe Kosovën ndër vendet më të korruptura dhe më të varfra të kontinentit dhe a është kjo një ndër arsyet themelore që estabilishmentet e korruptura në Shqipëri dhe Kosovë janë rreshtuar fort kundër Presidentit Trump madje që kur z. Trump ishte kandidat për president por kishte shpalosur platformën e tij? Sigurisht që po, madje duke llogaritur edhe ndihmën e Administratës Trump.

Lulëzimi i korrupsionit madje instalimi i antishtetit në Shqipëri e Kosovë ka ndodhur gjatë mandateve Clinton dhe Obama ku padyshim në të dytin një rol të rëndësishëm ka pasur në atë kohë zv/Presidenti Biden, sot kandidat për në Shtëpinë e Bardhë.

Nëqoftëse ndonjë shqiptar i diasporës së Amerkës e më gjerë që ka ikur nga Shqipëria përgjatë 30 viteve të fundit e nga Kosova përgjatë 20 viteve nuk është dakort me mua se në Shqipëri e Kosovë sundon antishteti atëherë me bindje të plotë mund të them se individë të tillë kanë mashtruar atoritetet e emigracionit në Amerikë dhe Evropë për të marrë lejë qëndrimi.

Shumica dërmuese e shqiptarëve kanë argumentuar para institucioneve të specializuara Amerikane se krimi i organizuar në Shqipëri e Kosovë kanë kapur majat dhe se antishteti në këto dy vende është në fuqi dhe ka rrezikuar jetët e tyre dhe të familjeve të tyre, gjë që institucionet Amerikane i kanë gjetur të vërteta duke iu garantuar mbrojtje nëpërmjet leje qëndrimit.

E thashë këtë se mbrojtja apo tentativa për të mbrojtur status quo-në në Shqipëri e Kosovë është veprimtari e pastër kundër interesave të popullit shqiptar në hapësirat e Gadishullit Ilirik gjë që garantuesin e kësaj status quo-je padyshim që e shohin tek z. Biden.

Zotërinjtë majtistë që publikisht janë rreshtuar përkrah z. Biden realisht janë pjesë e estabilishmetit të korruptuar në Shqipëri e Kosovë që e shohin z. Biden si shpresë për ta pasi doktrina Trump i rrezikon seriozisht trashëgiminë komuniste e titiste që janë arkitektët dhe zbatuesit e kapjes së shtetit në Shqipëri e Kosovë për interesat e tyre kriminale por që kanë pasur lidhje direkte me stabilishmentin e korruptuar të Washingtonit. Këtë mendoj se tashmë shqiptarët e dinë.

Presidenti Trump nga foltorja e United Nation në paraqitjen e tij të parë iu ka bërë thirrje patriotëve të gjithë botës që të ngrihen në këmbë në shërbim të kombeve të tyre ashtu siç Presidenti Trump i shërben kombit të vet “America First” gjë që vlen edhe për shqiptarët pasi God Bless America (Zoti e Bekoftë Amerikën) na e ka lejuar që t’i shërbejmë me besnikëri Amerikës por edhe Shqipërisë .

Unë thellësisht mendoj se duke u rreshtuar me hajnat në Amerikë apo Shqipëri nuk i shërbejmë asnjërës por i shërbejmë vetëm krimit të organizuar ndërkombëtar ku padyshim Ukraina, Kina dhe Ballkani janë egzemplarë.

Qytetar i ndershëm i këtij vendi është ai që rreshtohet kundër shtetit të kapur këtu në Amerikë përkrah Presidentit Trump por edhe atdhetar i mirë shqiptar nëse rreshtohet kundër status quo-së 20-30 vjeçare në Shqipëri e Kosovë.

Gjithçka tjetër është demagogji e pastër sllavo-komuniste që i bën dëm Amerikës e kombit shqiptar.

Artikulli paraqet opnionin e artikullshkruesit dhe nuk ka të të bëjë me vijë editoriale të Gazetës”DIELLI”dhe të Federataës “VATRA. Ne jemi të lirë për cdo opinion.

Kosovo President Thaci Hires US Diplomat as Consultant

September 15, 2020 by dgreca

By Taulant Osmani*-President Hashim Thaci has engaged his former critic William Walker, a veteran US diplomat who was the head of the OSCE’s Kosovo mission during wartime, on a contract worth 35,000 euros.

Kosovo President Hashim Thaci and the Walker Foundation, a body set up by William Walker, the wartime head of the OSCE Kosovo Verification Mission, have signed a contract worth 35,000 euros, which will be funded by the state budget, BIRN has learned.

The five-month agreement for consultancy services between the Office of the President of Kosovo and the Walker Foundation, which BIRN has seen, started in August 2020 and is worth 7,000 euros per month, a bill footed by the Kosovo taxpayer.

The procedure did not involve a public procurement process

The foundation is tasked with providing expertise on Kosovo’s international image, its diplomatic efforts and its Euro-Atlantic integration.

The contract states that “the service provider… will provide advanced expertise in matters that include, but are not limited to, the following: Kosovo’s internal and external representation, expansion and strengthening of Kosovo’s relations with other states, strengthening the democratic functioning of institutions of the Republic of Kosovo, and advancing economic initiatives and the integration of Kosovo in Euro-Atlantic structures”.

The agreement is set to expire in December 2020, with the option to extend for another six months.

Strict confidentiality agreements are also contained within the contract. “During the contract and after its expiry, the service provider is not allowed to disclose confidential information regarding work duties, the subject of this contract, or activities of the Office of the President of Kosovo, without a written approval from the Cabinet of the President,” it states.

When contacted by BIRN, the Walker Foundation declined to further comment on the services it is providing to President Thaci.

“The conditions of the contract oblige us to keep this information confidential,” said Hasan Salihu, an executive director at the foundation.

However, Salihu did say that Walker is often directly involved in the consultancy provided by the foundation.

“Usually, all the reports, advice and other professional activities are prepared by Ambassador William Walker,” he said.

Walker has previously had a fractured relationship with Thaci. In 2010, he accused Thaci of profiting from corruption during his tenure as prime minister, and publicly backed the opposition Vetevendosje party.

In an interview with RTV Dukagjini in 2017, Walker said that Thaci “is a handsome man, but I do not admire him – the only thing Thaci knows how to do is to keep the internationals happy”.

Walker often visits Kosovo in January to commemorate the Recak/Racak massacre, which he declared a crime against humanity in 1999 after visiting the scene of the killings the following day.

After the commemoration this year, he met Thaci and publicly thanked and shook hands with the president, while Thaci stated that Walker’s criticism was always meant with good intentions.

“Certainly Ambassador Walker has been a critic of those of us who are in politics, but his criticisms have always been welcome, as it improved us, even me personally,” Thaci said.

“Therefore, even when he criticised us, we loved him, respected and valued his work and commitment for the people and the state of Kosovo,” he added.

*Caption: The OSCE’s former Kosovo mission chief, William Walker, receives a symbolic ‘golden key’ to Kosovo from President Hashim Thaci at a ceremony in Pristina in November 1999. Photo: EPA-EFE/ANTONIO BAT.*BalkanInsight