Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Talat Xhaferi pritet t’i dërgojë letër Ivanovit për mandatin qeveritar

by

Deputetë të VMRO-DPMNE-së bllokojnë zyrën e Talat Xhaferit/

Xhaferi Telat

Ne Foto:Kryetari i ri i Kuvendit të Maqedonisë, Talat Xhaferi/Kryetari i ri i Parlamentit të Maqedonisë, Talat Xhaferi, pritet që t`i dërgojë letër zyrtare presidentit të Maqedonisë Gjorge Ivanov, me të cilën do të t’i kërkohet që t’i dorëzojë Zoran Zaevit mandatin për formimit e qeverisë së re.

Situata duket se është komplikuar pasi organet kuvendore akoma nuk janë vënë nën kontroll të kryetarittë parlamentit Xhaferi, po akoma janë në duart e kryesuesit të seancës konstituive, Trajko Veljanovski .

“Sot në Kuvend deputetët e shumicës parlamentare bashkë me Kryetarin e Kuvendit Talat Xhaferi janë duke kryer obligimet e tyre administrative të punës. Në mënyrë që Kuvendi të rivihet në funksion, z. Xhaferi, në atmosferë normale pune dha udhëzimet e nevojshme administrative“, ka shkruar në faqen e tij në facebook deputeti, Artan Grubi.

Gazetarët nuk kanë pasur qasje tek kabineti i kryetarit të Parlamentit të Maqedonisë, ndërkohë që deputeti i VMRO DPMNE-së Antonio Milloshovski në rrjetin e tij social facebook, ka publikuar një fotografi ku duket se si po qëndrojnë deputetët e kësaj partie në kabinetin e Trajko Veljanovskit.

Deputeti i VMRO-DPMNE, Antonio Miloshovski publikoi në facebook një fotografi te deputetëve të Partisë në zyrën e kryesuesit Veljanovski

Deputeti i VMRO-DPMNE, Antonio Miloshovski publikoi në facebook një fotografi te deputetëve të Partisë në zyrën e kryesuesit Veljanovski.

Ai ka shkruar se çdo deputet ka mandat dhe obligim që të respektojë rregulloren e punës së Parlamentit, ligjet dhe kushtetutën e Maqedonisë.

“Kundër dy deputetëve Ferit Muhiq dhe Goran Misovski, të cilët vepruan në kundërshtim me rregulloren e punës, nxitën dhunë politike, do të ngremë padi penale në organet përkatëse.

Maqedonisë tani nuk i duhet kryetar jo-legjitim i cili mund të shkaktojë dëme dhe pasoja të pariparueshme. Platforma e Tiranës nuk është më e rëndësishme se rregullorja e Kuvendit, ligjet dhe Kushtetuta ”, ka shkruar në rrjetin social deputeti i VMRO DPMNE-së Antonio Milloshovski

Nga ana tjetër VMRO DPMNE e cila drejtohet nga ish kryeministri Nikolla Gruevski edhe sot përmes një komunikate me shkrim ka theksuar se zgjedhja e Talat Xhaferit është bërë në kundërshtim me rregulloren e punës së Parlamentit të Republikës së Maqedonisë.

Njohësit e çështjeve juridike për Radion Evropa e Lirë thonë se kryesuesi i seancës konstitutive duhet t`ia dorëzojë zyrën kryeparlamentarit të ri, Talat Xhaferit, në të kundërtën do të pasojnë padi penale ndaj tij për pengim në kryerjen e detyrës zyrtare.Kortezi: RFL- Zërijeta Hajro Jajaga/

***

Deputetë të VMRO-DPMNE-së bllokojnë zyrën e Talat Xhaferit/

Deputetë të partisë VMRO-DPMNE e kanë zënë zyrën e kryetarit të parlamentit dhe nuk ia lirojnë atë kreut të sapozgjedhur, Talat Xhaferi. VMRO-ja thotë se zoti Xhaferi nuk u zgjodh në mënyrë të ligjshme. Por, ndryshe mendojnë ekspertët ligjorë në Maqedoni. Ndërkaq, Bashkimi Demokratik për Integrim thotë se po pret që vendimi për zgjedhjen e Xhaferit në krye të parlamentit të dalë në fletoren zyrtare.Ish-kryetari dhe kryesuesi i seancës konstituive pas zgjedhjeve parlamentare të dhjetorit, Trajko Veljanovski nuk ia dorëzon zyrën kryetarit të zgjedhur më 27 prill, Talat Xhaferit dhe kjo situatë duket se çon edhe më tej drejt thellimit të krizës. Madje një grup ligjvënësish të partisë VMRO-DPMNE në krye me Nikolla Gruevskin, ish–kryeministër, janë futur në zyrë, e kanë bllokuar kabinetin dhe nuk kanë lejuar zotin Xhaferi të hyjë. Ky i fundit nuk është prononcuar mbi këto zhvillime, ndërsa përfaqësuesit e VMRO-së nuk kanë lejuar as qasjen e medias.

Ekspertët ligjorë, siç është profesori Mersim Maksuti vlerësojnë se kryetari i ri i parlamentit duhet të marrë të gjitha detyrat që i takojnë me ligj:“Të gjitha ingerencat kalojnë tek kryetari i ri, Talat Xhaferi, duke përfshirë edhe ]ështjen e sigurimit të tij personal dhe të gjitha të drejtat që i gëzon si kryetar i parlamentit të këtij vendi”, thotë z. Maksuti.

VMRO-DPMNE nuk e njeh legjitimitetin e Talat Xhaferit duke u përpjekjur për ta vënë në dyshim mënyrën e zgjedhjes së tij.

Në lidhje me zërat se partia apo subjekte të afërta me VMRO-në të mund ta kontestojnë zgjedhjen e zotit Xhaferi përmes një nisme në Gjykatën Kushtetuese, analisti Maksuti është i bindur se vendimi i fundit i parlamentit nuk mund pengohet:

“Gjykata Kushtetuese edhepse ka të drejtë të vlerësojë kushtetutshmërinë e akteve juridike, pra edhe të veprimeve politike, në rastin konkret, zgjedhja e kryetarit të parlamentit është krejtësisht legjitime dhe në asnjë moment Gjykata Kushtetuese nuk mund ta kontestojë tashmë vendimin e ri të parlamentit të Maqedonisë, i cili me shumicë votash zgjodhi kryetarin e ri, z. Talat Xhaferin”, thotë eksperti ligjor Mersim Maksuti.

Maksuti thotë se hapi i ardhshëm që i takon Xhaferit ta bëjë, është që ta njoftojë me shkrim presidentin e vendit Gjorgje Ivanov për shumicën ekzistuese në parlament dhe t’i kërkojë atij që ta japë mandatin për formimin e qeverisë.

Në këtë kuadër, kreu i parlamentit Xhaferi ka paralajmëruar se do t’i lejojë një afat prej dhjetë ditësh presidentit lidhur me mandatin, në të kundërt parlamenti do të vepronte përmes alternativave që i mundësojnë ligjet dhe kushtetuta e vendit.

Nga ana tjetër, edhepse gjatë takimeve të së hënës të zyrtarit të lartë të Departamentit amerikan të Shtetit, Hoyt Yee, u duk se qëndrimet, sidomos të presidentit Ivanov të ishin zbutur, për sa i përket formimit të qeverisë, mbështetësit e VMRO-së nuk heqin dorë nga protestat përpara parlamentit. Ata kanë njoftuar për vazhdimin e protestave të marten në mbrëje, ndërkohë që një pjesë e protestuesve të dhunshëm të cilët sulmuan deputetët më 27 prill i kërkojnë presidentit të vendit që të shpallë amnisiti për të akuzuarit. Edhe VMRO-DPMNE bën thirrje për ndalimin e arrestimeve duke i quajtur të pafajshëm ata që u përfshinë në sulmet e dhunshme kundër ligjvënësve të Lidhjes Social Demokrate dhe Ziadin Selës të Aleancës për Shqiptarët dhe duke i cilësuar këta të fundit si provokues dhe nxitës të skenarëve të dhunshëm.(VOA)

 

FYERJA DHE SHPIFJA, DUHET TË SANKSIONOHEN SI VEPRA PENALE

by

*Pse u “dorëzua” Ministria e Drejtësisë para zhurmës së gazetarëve e të “shoqërisë civile”/

* Ligjet duhet t’iu përshtatën kushteve, traditës dhe mentalitetit të vendit, duke mbrojtur vlerat sublime/

Përmbajtja e dispozitave të cilat “vdiqën para se të lindnin”/

Nga Adil FETAHU/

Kohë më parë, Ministria e Drejtësisë e Republikës së Kosovës, inicoi plotësimin e Kodit Penal, duke propozuar që në atë ligj të futën dy nene të reja, sipas të cilave shpifja inkriminohej si vepër penale, për të cilën, varësisht nga rrethanat dhe vlerat që sulmohen me atë vepër, parashihej dënimi deri pesë vjet burgim.  Bëhej fjalë për plotësimin e Kapitullit XIV të Kodit Penal të Kosovës, në të cilin janë përcaktuar veprat penale kundër rendit kushtetues dhe sigurisë së Republikës së Kosovës. Konkretisht ishte propozuar që pas nenit 134, të futeshin si plotësim të Kodit, neni 134/C dhe 134/D, me këtë përmbajtje:

Neni 134/C: – Shpifja ndaj shetit dhe simboleve shtetërore

 

  • Kushdo që publikisht, në një takim, ose nëpërmjet shpërndarjes së materialeve të shkruara: 1.1: fyen apo me keqdashje shprehë përbuzje ndaj Republikës së Kosovës ose ndaj rendit të saj kushtetues, ose 1.2: fyen ngjyrat, flamurin, stemën apo himnin e Republikës së Kosovës,- dënohet me burgim deri në tre (3) vjet, ose me gjobë.
  • Kushdo që heq, shkatërron, dëmton, e bënë të papërdorshme ose palexueshme, ose ndryshon me dashje flamurin e ekspozuar publikisht të Republikës së Kosovës, ose një emblemë shtetërore të vendosur nga një autoritet publik i Republikës së Kosovës, dënohet me burgim deri në tre (3) vjet, ose me gjobë.
  • Kushdo që me qëllim mbështetë përpjekjet kundër vazhdimit të ekzistencës së Republikës së Kosovës ose kundër parimeve të saj kushtetuese, dënohet me burgim deri në pesë (5) vjet.
  • Tentativa për kryerjen e veprave penale të përcaktuara në këtë nen është e dënueshme.

 

Neni 134/D: Shpifja ndaj organeve kushtetuese

 

  • Kushdo që publikisht, në një takim ose nëpërmjet shpërndarjes së materialeve të shkruara shpif ndaj një organi kushtetues, Presidentit, Kuvendit, Qeverisë, Gjykatës Kushtetuese të Republikës së Kosovës ose një prej anëtarëve të tyre në këtë kapacitet në një mënyrë të dëmshme për respektimin e shtetit dhe kështu qëllimisht mbështetë përpjekjet kundër vazhdimit të ekzistencës së Republikës së Kosovës ose kundër parimeve të saj kushtetuese, do të dënohet me burgim nga tre (3) muaj deri në pesë (5) vjet.
  • Vepra penale nga paragrafi 1 i këtij neni mund të ndiqet vetëm me autorimin e oranit kushetuese apo anëtarit të organit të sulmuar me këtë vepër.

 

* * *

Për qartësinë, gramatikën as sintaksën e tekstit të dispozitave të cituara, nuk do të flasim. Sipas informacioneve që ka dhënë Ministria e Drejtësisë, dispozitat e mësipërme janë kopje e dispozitave gjegjëse të Kodit Penal të Gjermanisë, prandaj as nuk më habitë mish-mashi i tekstit të përkthyer.

Sidoqoftë,  ndaj plotësimeve të paralajmëruara me dy dispozitat e cituara, reaguan disa media dhe ndonjë  organizatë e të ashtuquajturës “shoqëria civile”, duke pretenduar se kështu po atakohet liria e fjalës dhe e shprehjes. Reagimit, kinse,  iu bashkangjit edhe përfaqësuesi i Zyrës së BE-së në Kosovë, gjoja se këto ndryshime qenkan  në kundërshtim me “trendet ndërkombëtare”. Zhurmaxhinjtë e inkriminimit të shpifjes, duke përfshirë këtu edhe përfaqësuesin e Zyrës së BE-së, thonë  se “legjislacioni civil në Kosovë ofron masa të mjaftueshme në lidhje me shpifjet dhe fyerjet.

A është shteti i Kosovës më demokratik se Gjermania etj.?!

Vet fakti që dispozitat e cituara më sipër janë kopje e dispozitave në fuqi të Kodit Penal të Gjermanisë, flet se dispozita të tilla përmbajnë kodet penale të shteteve demokratike. Këtu përveç Gjermanisë, po përmendim se shpifja dhe fyerja, si vepra penale,  janë të penalizuara edhe në kodet-ligjet penale të Austrisë, Belgjikës, Bullgarisë, Çekisë, Danimarkës, Finlandës, Greqisë, Holandës, Italisë, Letonisë, Lituanisë, Luksemburgut, Hungarisë, Maltës, Polonisë, Portugalisë, Sllovenisë, Sllovakisë, Spanjës, Suedisë. A mos është Kosova shtet ma demokratik se ato, apo ne po duam të bëhemi “ma katolik se papa”, duke lejuar që gjuha e sharje-fyerjes dhe urrejtjes te mos kete kufi.  Dispozitat në ligjet e shteteve të përmendura, nuk janë “mbeturinë  arkaike e një epoke të kaluar”, siç pretendon dikush, por janë ligje në fuqi. Pse, a s’mund t’i ndërrojnë ato “mbeturina” shtetet e përmendura? Po, ato mbrojnë vlerat dhe dinjitetin e shtetit e të qytetarëve të vet. Dhe, kur kësaj ia shtojmë profesionalizmin dhe pavarësinë e mediave, dhe kulturën e popullit të atyre vendeve, del se në Kosovë këto dispozita duhet të mbahen në fuqi së paku edhe për pesëdhjetë vjetët e ardhshme. Madje, tradita dhe mentaliteti i popullit në Kosovë është i tillë, që për një fyerje apo një shpifje, lindin konflikte me pasoja, deri edhe vrasje. Prandaj, fyerjen dhe shpifjen duhet t’i parandalojë shteti, me ligje e masa të rrepta, për të mbrojtur dinjitetin e njeriut e të shtetit dhe për të ndaluar pasojat ma të rënda që mund të derivojnë prej tyre.

Procedura civile nuk ofron   mbrojtje efikase kundër fyerjes e shpifjes

Pretendimi se mbrojtja e dinjitetit të njeriut e të shtetit është e garantuar mjaftueshëm me ligjet civile, është i pabazë. Këtë e vërteton gjendja aktuale e përhapjes së këtyre shprehjeve në praktikë, kudo e ndaj çdokujt, dhe pambrojtja ndaj sulmeve të tilla. A din dikush të më tregojë, se sa veta u gjobitën dhe me çfarë shuma për sharje, fyerje e shpifje publike që u bëhen njerëzve, institucioneve, simboleve të shtetit.  Sa veta e çfarë shuma (adekuate)  morën kush si kompensim të dëmit moral (dhe material) të shkaktuar nga fyerja ose shpifja?Jo këtë nuk mund të ma thotë askush, sepse kjo procedurë është e panjohur dhe nuk funksionon në sistemin tonë gjyqësor, edhe ashtu joefikas për çfarëdo çështje e procedure.

Kodi Civil i Kosovës, në nenin 159 par.4, ka përcaktuar se përgjegjësia civile për shpifjen dhe ofendimin rregullohen me ligj special, kurse në dy dispozita (neni 213 par.2, dhe neni 214) përmend kompensimin e dëmit moral dhe material të shkaktuar me shpifje dhe ofendime, dhe këtë çështje e lë të rregullohet me ligj të veçantë. Për vlerësimin e dëmit moral, thotë se duhet  duhet të merrën parasysh rrethanat e rastit, duke përfshirë intensitetin, kohëzgjatjen dhe pasojat e dëmit, dhe se ligji mund të përcaktojë se si llogaritet kompensimi i dëmit moral.

Ligji mbi Marrëdhëniet e Detyrimeve (neni 182), shpërblimin e dëmit jomaterial e parasheh ashtu që: në rast të cënimit të së drejtës së personalitetit, gjykata mund të urdhërojë shpalljen e aktgjykimit, përkatësisht të përmirësimit me shpenzime të dëmtuesit, ose të urdhërojë që dëmtuesi ta tërheqë deklaratën me të cilën është bërë shkelja, ose diç tjetër me të cilën gjë mund të realizohet qëllimi që arrihet me shpërblim. Kjo dispozitë është aq e përgjithshme, sa që nuk përcakton as sqaron asgjë sa i përket efikasitetit të mbrojtjes kundër fyerje-shpifjeve. Po çfarë efekti arrihet  për të fyerin a të shpifurin me tërheqjen e deklaratës, është sikur të krahasosh shpërndarjen nga aeroplani të  një thesi pupla, e pastaj të përpiqesh t’i bledhësh ato!

Një ligj special për këtë fushë është Ligji Civil kundër Shpifjes dhe Fyerjes (Ligji Nr.02/L-65; UNMIK/Rreg.2007/13). Ligji parasheh kompensimin e dëmit të shkaktuar me shpifje e fyerje (neni 14 e 15), por është aq fleksibil, sa nuk garanton kurrëfar mbrojtje efikase, as “ndëshkimi” të fyesit/shpifsit. Për shembëll, në nenin 14 par. 2 dhe 3 të atij ligji, thuhet: Kompensimi për humbjen reale financiare, ose dëme materiale, të shkaktuara nga një shpifje do të caktohet nga gjykata vetëm kur humbja është konstatuar në mënyrë të veçantë. Lartësia e kompensimit për dëmin jomaterial ose dëmin që nuk mund t’i përcaktohet lartësia në vlera monetare…, do të caktohet nga gjykata duke marrë parasysh peshën e dëmit të shkaktuar nga shpifja dhe gjendjen materiale të personit i cili ka shkaktuar shpifjen. Për fyerjet, ligji është edhe më i butë dhe gati-gati nuk ofron kurrëfarë mbrojtje as satisfaksioni. Po si do ta përcaktojë gjykata peshën e dëmit të shkaktuar nga fyerja ose shpifja?! Dhe gjykata u dashka të jetë e mëshirshme për gjendjen e keqe materiale të shpifsit/fyesit!

Mediat tona, të shkruara dhe elektronike, e sidomos disa portale, çdoditë gëlojnë me sharje, fyerje e shpifje kundër individëve, me akuzat më të rënda, për të cilat do të duhej të përgjigjej ose i shpifuri, ose shpifësi, sepse dy të vërteta të kundërta nuk ekzistojnë. Ato thuhen nga urrejtja dhe me qëllim dënigrimi të nderit dhe autoritetit personalitetit të cilit i drejtohen.  Të vjen tugu kur nëpër portale të ndryshme lexon sharje, fyerje, shpifje të nivelit më të ulët, duke hyrë thellë në privatësinë e njerëzve e të familjeve. Madje sharje, fyerje e shpifje shqiptohen edhe në debatet në kuvende të komunave e në Kuvendin e Kosovës, apo gjetkë. Skena publike dhe mediat janë bërë arena ku mund të flitet gjithçka, të fyhet e shpifet gjithkush, pa kurrëfar turpi e konsiderate, dhe pa kurrëfar pasojash për fyesit e shpifësit! Këto “vlera” na i solli  liria e shprehjes sipas  standardeve evropiane. Këto nuk përkojnë me  traditën, kulturën dhe mentalitetin tonë. Për sharje, fyerje e shpifje të tilla, shumëkush ka hëngër dajak, por ka pasur edhe pasoja më të rënda, dhe nuk do të thotë se ai mentalitet është çrrënjosur, sa të durohet gjithkush e gjithçka. Prandaj, fyerja dhe shpifja, gjithësesi duhet të penalizohen në Kodin Penal të Kosovës, dhe të gjykohen e dënohen sipas rastit dhe peshës. Në Kushtetutën tonë është përcaktuar se “dinjiteti i njeriut është i pacënueshëm dhe është bazë e të gjitha të drejtave dhe lirive themelore të njeriut”. A nuk është cënim i dinjitetit kur dikush fyhet në mënyrën më të vrazhdë dhe shpifet me shpifjet më të rënda?

Nuk është e vërtetë se penalizimi i fyerje/shpifjes është në kundërshtim me standardet evropiane,  siç mundohen ta paraqesin disa “ekspertë të demokracisë evropiane”, e aq më pak  me lirinë e shprehjes, të përcaktuar me Konventën (evropiane) për Mbrojtjen e të Drejtave dhe Lirive Themelore të Njeriut. Përkundrazi, sipas dispozitës së nenit 10 par.2 të asaj Konvente, “ushtrimi i lirisë së shprehjes, bartë me vete detyra dhe përgjegjësi, mund t’u nënshtrohet formaliteve, kushteve ose dënimeve që parashikohen me ligj dhe që janë të domosdoshme në një shoqëri demokratike, në interes të sigurisë kombëtare, të tërësisë territoriale ose të sigurisë publike, për parandalimin e trazirave ose të krimit, për mbrojtjen e shëndetit ose moralit, për mbrojtjen e emrit ose të të drejtave të tjerëve…”. A thua nuk e dinë përmbajtjen e asaj Konvente shtetet demokratike të Evropës, të cilat i kanë të sanksionuara në ligjet e tyre   fyerjet/shpifjet si vepra penale. Ku dolëm ne më të mënçur e më demokratë?!

Jam i vetëdijshëm se shumëkush nuk do të pajtohet me këtë opinion timin, sidomos përfaqësues të mediave e të shoqërisë civile, dhe ata që gojën e kanë plot sharje, fyerje, shpifje e denigrime, por e mira e përgjithshme e do që këtyre shprehjeve t’iu ndalet hovi, e të ruhet dinjiteti i secilit dhe kultura e komunikimit. Ka mjaft hapësirë të flitet e të luftohen rastet a dukuritë negative në shoqëri, në mënyrë më të kulturuar e të argumentuar, pa përdorë sharje, fyerje e shpifje. Këto nuk janë argumente, por mungesë e kulturës dhe edukatës elementare të  atyre që i përdorin. Prandaj duhet të sanksionohen, gjykohën e dënohen.

Ekstremizmi sllavo-maqedonas ose zhbërja e Maqedonisë

by

Ekstremizmi sllavo-maqedonas përshpejton zhbërjen dhe copëtimin e Maqedonisë!/

Shkruan Asllan Dibrani/

Përshkallëzimi i situatës politike në Maqedoni nuk ka dyshim se po nxitet dhe përmes dhunës dhe cenimit te të drejtave të shqiptarëve në Maqedoni.

Grupi terrorist në Parlamentin e Maqedonisë me veprimet vandale ekstremiste skenar i serbo-rusëve po ndjekin  rrugën e dhunës,nga e cila po e fut vendin edhe ma tepër ne qorrsokak.
Paraliza e re nga pushteti shtetëro,qe po u bëhet shqiptarëve, na bën të besojmë se terroristet sllavo–maqedonas po i fryjnë zjarrit  te ndizet edhe se ashtu është  i ndezur  nga e cila pritet te digjen vet në te…

Vandalizmin dhe  skenat rrëqethëse i këtyre ditëve qe krijuan pran opinionit botëror, është dëshmia ma e mirë se ky popull i modeluar nga populli serb, primitivizmin e vet e shprehin  drejt një vet shkatërrimi ,kur te kihen parasysh pozicioni  i tyre i pa identitet dhe pa histori?.
Shqiptarët është momenti i fundit që të jenë si popull shtet-formues me të drejta të plota ose shkatërrim dhe copëtim të Maqedonisë, pa ju shmangur edhe ndarjes se saj sipas etniteteve shqiptaro-bullgare. Në rrethanat politike që janë krijuar deri me sot, është se shqiptarët mbeten pa të drejta gjuhësore ,përdorimin e simbolit ,përdorimin e kulturës se vet etj.

Pikërisht këtu lind pyetja, se a mund ta durojnë shqiptaret ma një terror administrativ nga terroristet sllavo-maqedonas?A mund të ketë ndonjë shpresë për të ardhmen e vet pa kurrfarë te drejtash ?…
-Si pasojë e kësaj që po shihet,është se edhe liderët shqiptarë, atje nuk krijuan një politikë  adekuate dhe një unitet të duhur politik?!. Më shumë, po ndikojnë veprimet e përbashkëta në trekëndëshin Amerikë-Tirane dhe Prishtinë për interesin e gëzimit te të drejtave të shqiptarëve në Maqedoni se sa ata vet që janë protagonistet qe mundin të ndryshojnë veprimtarinë në interesin e vet politik… Në Maqedoni liderët partiak shqiptar e luftojnë njeri tjetrin,duke i hap rrugë shtypjes së shqiptareve nga një grusht sllavesh të përzier si race e pa identitet !?.
Maqedonia nuk ka qenë kurrë shtet, as nuk duhet te ekzistoje në të ardhmen. Ata janë përpjekur ta shtojnë numrin e vet ne kurrizin e shqiptarëve ,turqve,romëve,bullgareve  etj!
Ata me rastin e formimit të një republike artificiale maqedonase, në ish sistemin jugosllav përfituan pikërisht në demin e shqiptarëve që ja shkëputen mbi gjysmën e territorit qe i takonte  historikisht Shqipërisë dhe popullit shqiptar autokton. Ti marrim si kujtim, fjalët e të madhit Faik Konicës kur thekson se;”Shqipërinë e fali Zoti, e shpëtoi rastësia, politikanët e shkatërruan dhe e ndanë në mbi 6 shtete”…A ka ndryshuar kjo e thënë nga atëherë?.

Jo, as pak. Shqiptarët akoma janë të coptuar  dhe shkapërderdhur… Tanimë dihet se me shumë se gjysma e Maqedonisë ka qenë shqiptare ndërsa,Shkupi i çliruar nga Hasan Prishtina me 30 mije luftëtar shqiptarë, dëshmon shumë mirë se 1912,Shkupi ishte kryeqyteti i Dardanisë Iliriane.

Besoj se amerikanët dhe evropianët duhet të ndërgjegjësohen duke i përmirësuar gabimet historike në dëmin e shqiptarëve me ndikimin e Rusisë se asaj kohe!.
Prandaj ngjarjet e fundit në Maqedoni tregojnë dhe janë mesazh  më i mir për rritjen e unitetit ndër shqiptar më qëllim qe mos ti lëmë hapësirë Rusisë të ndikoj në politiken e brendshme ballkanike duke e ndërsye Maqedoninë e vockël kundër një populli të lashtë dhe shumë fish me numër më të madh se maqedonasit dhe me një kulturë autoktone. Problemin  duhet t’a zgjedhim sot,te cilin e krijuan rusët me evropianët në 1878,1913,1919,dhe në vitin 1945.

Nuk duhet t’i lëmë ma tutje që të tregtohet me trojet shqiptare pansllavistët barbar!!!

Prandaj ky vandalizëm, aq brutal i sllavo–maqedonasve kundër shqiptarëve është sinjali dhe një skenar që përshpejton zhbërjen dhe copëtimin e Maqedonisë,drejt ndarjes secili hisen e vet.

A është Maqedonia shtet i shqiptarëve?

by

Ali Ahmeti dhe çështja e (pa)zgjidhur shqiptare në Maqedoni/

Disa qasje politike të SHSH-së në Çikago/
Nga Skënder Karaçica/
 
Për popullin shqiptar në Maqedoni,që nga viti 1945,ata e patën statutin e pakicës kombëtare dhe përmes këtyre ,,ligjeve,,ata janë anashkaluar në margjinat e kohës dhe tërë jetën e kanë zhvilluar përmes rrugëve të mërgimit ,që me paratë e fituara me mund i bënë tërë ekonominë familjare,kështu rithekson SHSHA në Çikago në disa qasje politike  aktuale sot.
 
Ngjarjet e vandaliste të bandave kriminele të Nikolla Gruevskit në parlamentin e përgjakur të Maqedonisë,tregon më së miri se në çfarë gjendje e ka sjell këtë vend multietnik qeveria për këto tetë vjetë që,për fotin jo të mirë në kualicion ishte partia shqiptare(BDI) e Ali Ahmetit.Çfarë u bë me ,,programet,,e fjalëve të mëdha për çështjen e (pa)zgjidhur shqiptare në Maqedoni?-SHSHA pyet Ali Ahmetin.Për tetë vjet të ,,qeverisjes,,vetëm numër në qeverinë e Gruevskit,shqiptarët nuk fituan asgjë,madje asgjë në planin e gjerë dhe veçmas në kahet e zhvillimit dhe të politikave të investimeve në Maqedoninë Përendimore ku populli shqiptar është shumicë.Për tetë vjet sa denar ka investuar qeveria në këtë pjesë dhe sa investitorë të huaj janë nisur me projektet e tyre të investimeve?-bënë aktuale për opinionin e BE-së dhe të SHBA-së,shqiptaro-amerikanët në Çikago.
 
Krejt zhvillimi i ekonomisë famljare shqiptare që nga Kumanova e deri në Dibër,është bërë me paranë e fituar me djersën e mërgimit nëpër botë dhe SHBA,ku pushteti maqedonas vetëm ka marrë valutën e mërgimtarëve shqiptarë,ndërsa nuk ka dhënë asgjë për të mirën e tyre.Çfarë bëri pushteti për këto vite,SHSHA e pyet Ali Ahmetin që,edhe sot nuk e kemi të qartë pse BDI nuk e pati selinë qendrore në Shkup,por në Tetovë?
 
Po ritheksojmë se çështja shqiptare në Maqedoni ende nuk është zgjidhë drejt përmes aktit më lartë kushtetues dhe,në dritën e kohës pse shqiptarët nuk janë në pozitën e barazisë kombëtare si shtetformues
por mbetën tash e një shekull pakicë kombëtare.Për këto tetë vjetë Ali Ahmeti nuk është marrë seriozisht me çështjen e (pa)zgjidhur shqiptare në Maqedoni
dhe me shumë është marrë me retorikën e tij të urtë e të butë:Fol dhe vepro vetëm ashtu si thotë shteti(!).
 
Tashti edhe pas ngjarjeve në parlamentin e përgjakur nga bandat kriminele të Gruevskit dhe të bekimit nga ana e presidentit Ivanov,Ali Ahmeti në takimet me zyrtarët ndërkombëtare të BE-së dhe SHBA-së nuk thotë asnjë fjalë për çështjet aktuale shqiptare në Maqedoni dhe nuk e kemi të qartë pse kaq shumë ik nga problemet e ditës dhe,e drejta prej tij dëgjojmë një retorikë ,,politike,,shterpë që qarqet e këtyre diplomacive kur e dëgjojnë në këtë rrafsh,e lanë të qetë nën tymin e kohës politike që e ka kapluar këtë vend.
 
Pse shqiptarët nuk veprojnë me një zë dhe me një platformë të përbashkët politike?-pyet sërish SHSHA.Pse veprimi politik dhe kombëtar zhvillohet në fronte të ndara dhe në përqarje të skajshme,
që pozitën e shqiptarëve e ka sjellë para aktit të kryer në margjinat e kohës dhe në favor të pushtetit maqedonas.Pse tash sa kohë në Maqedoni,partitë shqiptare dhe BDI e Ali Ahmetit nuk e thonë të vërtetën për çështjen e (pa)zgjidhur kushtetuese të shqiptarëve.
 
Zgjedhja e Talat Xhaferit si kryeparlamentar  në kohën kur bandat kriminele nën flamurin nacionalist dhe kundër popullit shqiptar të orkestruara nga komanda e Nikolla Gruevskit dhe me bekimin e presidentit Ivanov,kanë thelluar edhe më shumë krizën politike deri në eskalim ndëretnik me rreziqe për rajonin e Ballkanit,ku roli i tij as që do të ketë ndonjë peshë të jetës demokratike parlamentare.Në këto
rrethana aktuale,do të ishte mirë që faktori politik shqiptar mos të bëjë yrysh për karrigën e (p)ushtetit,por të nisë një rreshtim të ri kombëtar që pozita e shqiptarëve duhet të rregullohet me Kushtetutë dhe jo me fjalë të konferencave për shtyp.
 
Për gjendjen e krizës së  thellë politike në Maqedoni,mbanë përgjegjësi BDI e Ali Ahmetit dhe konsiderojmë se ata nuk e kanë fuqinë dhe as rolin udhëheqës të ,,shumicës,,në jetën demokratike parlamentare që kriza politike të zgjidhet në favor të çështjes shqiptare,bënë të ditur për opinion SHSHA në Çikago.Atëherë,çfarë më tutje?Do të ishte kërkesë ditës që të formohet një rrafsh i ri kombëtar poltik,ku të gjitha partitë politike shqiptare të veprojnë në një front të përbashkët që me pushtetin maqedonas të nisin debatin për ndryshimet e Kushtetutës për avancimin e çështjes shqiptare në shtetformues dhe të shkallës së barazisë kombëtare si bashkësi i dytë shumicë kombëtare.Nëse këtë rrafsh politik të aktualitetit nuk mund të bartë mbi supet e veta Ali Ahmeti,ne konsiderojmë se do të mirë që politikani nga Kërçova të japë dorëheqje dhe të lirojë udhën për forcat tjera kombëtare që mund të vijnë nga hapësira shqiptare në Maqedoni dhe nga diaspora në Amerikë.
 
Kjo është politika e ditës për Ali Ahmetin,thekson në fund SHSHA.
 

Marrëveshja e Konçulit, është koha të rishikohet!

by

Shkruan: Mr.Sc.Refik  HASANI/

Që nga koha e arritjes së nënshkrimit të Marrëveshjes së Konçulit, asnjë takim nuk është mbajtur për tu konsultuar, vlerësuar implementimi  i këtyre pikave në praktik. U bën mbi gati dy  dekada, të gjitha anët pozitive dhe negative kemi munduar t’i shohim të ksaj marrëveshje. Për këtë kohë edhe nenet dhe preambulla e çdo kushtetute më të avancuar do të dilte në pah se çka duhet të përmirësohet. Popullata shqiptare ishte ngritur në kryengritje të armatosur dhe përmes UÇPMB-së mbrojti pragun, nderin dhe dinjitetin e Shqiptarëve. Me kërkesën dhe këmbëngulësinë e faktorit politik u vendos që luftimet duhet të ndërpriten se do të garantohen të drejtat individuale dhe kolektive të kësaj Krahine. Me ndërmjetësimin e faktorit ndërkombëtar, në emër të tyre, marrëveshjen e nënshkroi i dërguari i NATO-s, z.Pieter FEITH, i cili ndërmjetësoi vazhdimisht ndërmjet Qeverisë së Beogradit dhe UÇPMB-së. Kjo marrëveshje ishte rezultat  që u arritë duke u konsultuar të gjithë liderët e partive politike, Drejtues politik të Ushtrisë son dhe Komandanti  i Përgjithshëm i UÇPMB-së, z.Shefket  MUSLIU.

Gati dy dekada pas, kjo marrëveshje ka shumë arsye të rishikohet, pasi:

Beogradi jo që nuk e ka respektuar marrëveshjen e Konçulit, por i ka shtuar forcat e armatosura, paramilitare, forcat e rregullta, forcat policore, grupet e civilëve të armatosur, paramilitarët, gardën kombëtare, milicinë, policinë kufitare, rezervistët ushtarakë, policinë ushtarake dhe shërbimet e inteligjencës. Edhe pse jemi dëshmitarë të kohës, deri më sot askush nuk ka kërkuar që kjo marrëveshje të plotësohet, duke u përmirësuar me elemente që me kohë nuk janë paraparë

– Prezenca e forcave serbe është shtuar edhe më shumë në këto zona,
– Amnistia e ish-ushtarëve të UÇPMB-së nuk është respektuar,
– Kemi baza të shumta ushtarake si   ,,Sitilia ” dhe fusha mbi qytetin e Preshevës i quajtur livadhi i Shehut dhe pjesë të tjera në rajonin e kësaj Krahine shqiptare,
– Forcat e të gjitha llojeve të Beogradit jo që janë tërhequr nëpër kazerma, por edhe më shumë pozicionohen nëpër vendbanime dhe lokalitete shqiptare,
– Policia multietnike nuk është instaluar në bazë të përqindjes së popullatës së kësaj krahine,
– Shqiptarët në hierarkinë komanduese në policin multietnike nuk janë të përfaqësuar,

                  Së paku të tërhiqet vëmendeja që pikat e ksaj nuk jan duke u respektuar

Çdo nismë për të filluar që kjo marrëveshje të plotësohet me elemente nga terreni. Vendbanimet dhe lokalitetet shqiptare për çdo ditë ballafaqohen me telashe duke u përballur me vështirësi dhe me padrejtësi të madha. Kjo të rikthehet edhe një herë në një marrëveshje ose të shpallet botërisht se Qeveria e Beogradit është shkelësi i kësaj. Është në interes të ruajtjes së sigurisë dhe investimin për sjelljen e paqes i faktori ndërkombëtar, përveç që bëri ndërmjetësimin, nuk është e mjaftueshëm, pasi edhe duhet të monitorojë respektimin në tërësi të pikave të kësaj marrëveshje. Popullata shqiptare nga kjo krahinë tanimë ka krijuar një identitet dhe përvojë, ka ditur të organizojë referendumin më 1 e 2 mars 1992 për një autonomi territoriale dhe me të drejtë bashkëngjitjeje me shtetin  amë. Mbi të gjitha ka ditur ta bartë barrën për organizimin dhe formimin e ushtrisë për çlirimin e Medvegjës, Bujanocit dhe Preshevës. Por, edhe do të  marrë përgjegjësit e kësaj ane kanë ditur dhe kanë kërkuar për ndërprerjen e luftimeve dhe uljen në tryezën e bisedimeve dhe kjo të bëhet me një marrëveshje që do ta implementohej dhe që do ta garantonte faktori politik dhe ushtarak ndërkombëtar. Kur kemi ditur të gjithë këto është momenti pasi pikat e marrëveshjes nuk janë askund duke u respektuar, atëherë duhet të kërkojmë unanimisht të dalim me një qëndrim për këtë marrëveshje.
Më së paku  përmendët dhe asnjë takim a konsultim nuk është mbajtur për  mbi dhjetë.  Shumë pak zihet në gojë kjo marrëveshje, prandaj të gjithë akterët duhet të kërkojn të rishikohet pasi nuk është implementuar si duhet. Pala serbe ishte pyetur, konsultuar edhe për detaje, por nuk kishte pranuar të nënshkruante, prandaj pikërisht kjo palë askund nuk i’u ka përmbajtur pikave të këtij dokumenti çështja e pazgjidhur e Krahinës Shqiptare.

1  Maj  2017

 

(Autori, përveqë këtij vështrimi ka edhe një  punim  të prezentuar në  konferencë shkencore mbi  rolin dhe rëndësin  marrëveshjes së Konçulit).