Analiza – Page 788 – Dielli

Po, ne shqiptarët ku jemi ?

June 19, 2015 by dgreca

Nga Fahri XHARRA/

Për të gjithë ata që pyesin se pse Muslimanët kanë ngecur në zhvillim, Prof.Nexhat Ibrahimi i qaset kesaj teme, jashtëzakonish në mënyrë profesionale, lexojeni me vëmendje!
Perse muslimanet kane ngecur….Lexoni dhe mendoni pak! Të dhena demografike dhe statistikore:

Numri i hebrenjve në botë është 14 milionë dhe atë:
– 7 milionë në Amerikë
– 5 milionë në Azi
– 2 milionë në Europë
– 100 mijë në Afrikë

Numri i muslimanëve në botë është 1,5 miliardë dhe atë:
– 1 miliardë në Azi / Lindja e afërt
– 400 milionë në Afrikë
– 44 milionë në Europë
– 6 milionë në Amerikë

– Për çdo hebrej ka 107 muslimanë

Përfundimi:
14 milionë hebrejë janë më të fuqishëm se 1,5 miliardë muslimanë
– Për çdo hebrej ka 107 muslimanë

Përse?
Ja disa nga shkaqet:

Personalitetet që kanë dnryshuar rrjedhat e historiesë janë:

Albert Einstein – hebre
Sigmund Freud – hebre
Karl Marx – hebre
Paul Samuelson – hebre
Milton Friedman – hebre

Personalitetet që kanë bërë kthesë në medicine janë:
– Vaccinating Needle: Benjamin Ruben – hebre
– Polio Vaccine: Jonas Salk – hebre
– Leukaemia Drug: Gertrude Elion – hebre
– Hepatitis B: Baruch Blumberg – hebre
– Syphilis Drug: Paul Ehrlich – hebre
– Neuro muscular: Elie Metchnikoff – hebre
– Endocrinology: Andrew Schally – hebre
– Cognitive therapy: Aaron Beck – hebre
– Contraceptive Pill: Gregory Pincus – hebre
– Understanding of Human Eye: G. Wald – hebre
– Embryology: Stanley Cohen – hebre
– Kidney Dialysis: Willem Kloffcame – hebre
Ftuesit e Çmimit Nobel:

Në 105 vitet e fundit 14 milionë hebrej kanë fituar 180 çmime nobelë, derisa 1.5 miliardë muslimanë kanë fituar vetëm tre Çmime Nobel.

Zbulimet që ndryshuan historinë:
-Micro- Processing Chip: Stanley Mezor hebre
-Nuclear Chain Reactor: Leo Sziland hebre
-Optical Fibre Cable: Peter Schultz hebre
-Traffic Lights: Charles Adler hebre
-Stainless Steel: Benno Strauss hebre
-Sound Movies: Isador Kisee hebre
-Telephone Microphone: Emile Berliner hebre
-Video Tape Recorder: Charles Ginsburg hebre
Firmat e fuqishme botërore:

-Polo: Ralph Lauren hebre
-Coca Cola hebre
-Levi’s Jeans: Levi Strauss hebre
-Starbucks: Howard Schultz hebre
-Google: Sergey Brin hebre
-Dell Computers: Michael Dell hebre
-Oracle: Larry Ellison hebre
-DKNY: Donna Karan hebre
-Baskin & Robbins: Irv Robbins hebre
-Dunkin Donuts: Bill Rosenberg hebre

Intelektualët/ politikanët me ndikim:

– Henry Kissinger , US Sec of State hebre
– Richard Levin, President YaleUniver sity hebre
– Alan Greenspan , US Federal Reserve hebre
– Joseph Lieberman hebre
– Madeleine Albright , Formar US Sec of State hebre
– CasperWeinberger , US Sec of Defence hebre
– Maxim Litvinov , USSR Foreign Minister hebre
– DavidMarshal , Singapore Chief Minister hebre
– Isaacs Isaacs, Gov-GenAustralia hebre
– Benjamin Disraeli, British Statesman hebre
– Yevgeny Primakov, Russian PM hebre
– Barry Goldwater , US Politician hebre
– Jorge Sampaio, President Portugal hebre
– Herb Gray, Canadian Deputy – PM hebre
– Pierre Mendes, French PM hebre
– Michael Howard, British Home Sec. hebre
– Bruno Kriesky, Austrian Chancellor hebre
– Robert Rubin , US Sec of Treasury hebre

Mediat globale dhe personalitetet influencuese:

– Wolf Blitzer, CNN- hebre
– Barbara Walters, ABC News hebre
– EugeneMeyer, Washington Post hebre
– Henry Grunwald, Time Magazine hebre
– Katherine Graham, Washington Post hebre
– Josip Lelyeld, New York Times hebre
– Max Frankel, New York Times hebre

Përse hebrenjtë janë aq të fuqishëm në skennë botërore e muslimanët nuk janë?

Ja përse?

– Në tërë botën muslimane prej 57 shteteve, ka vetëm 500 universitete.
– Vetëm në SHBA ka 5.758 universitete
– Asnjë universitet ne tere boten muslimane nuk bene pjese ne 500 universitetet me te mira boterore.
– Arsimimi ne boten kristiane është 90%.
– Arsimimi në botën muslimane është 40%.
– Në 15 shtete me shumicë kristiane arsimimi është 100%
– 98% të popullsisë në vendet kristiane është me shkollë fillore të kryer.
– Vetëm 50% në vendet muslimane kanë kryer shkollën fillore.
– 40% e popullsis[ në vendet kristiane studion ndonjë fakultet.
– Në vendet muslimane vetëm 2% vazhdon studimet në ndonjë fakultet.
– Në vendet me shumicë muslimane 230 shkencëtarë ka në 1 million banorë.
– Në SHBA ka 5000 shkencëtarë në 1 milion banorë .
– Në botpën kristiane ka 1000 teknikë në 1 milionë banorë.
– Në tërë botën arabe ka vetëm 50 teknikë në 1 milion banorë.
– Bota muslimane shpenzon në hulumtime / zhvillim 0,2% për kokë banori.
– Bota kristiane shpenzon 5% në hulumtime/zhvillim për kokë banori.
Përfundimi:
Bota muslimane nuk ka aftësi të prodhojë dije.

Mënyra tjetër për verifikim dhe shkallës dhe shtrirjes së dijes:

– Në Pakistan ka 23 gazeta për 1000 banorë;
– Në Singapor ka 460 në 1000 banorë;
– Në Angli ka 2000 tituk/ libra në njpë millionë banorë;
– Në Egjipt ka 20 tituj në një muilionë banorë.
Përfundimi:

Bota muslimane nuk ka arritur ta shtrijë dijen.
Aplikimi i dijes: Eksporti i prodhimeve HIGH-TECH
– Pakistan 0,9%
– Arabia Saudite 0,2%
– Kuvejti, Maroku dhe Algjeria 0,3%
– Singapori vetëm vetë eksporton 68%

Po , ku jemi ne shqiptarët , eh mo`zo`ma keq për ne !
Ps. ‘Nexhat Ibrahimi’ u rrit në një familje autoritative hoxhallarësh me ndjenja fetare dhe atdhetare. Shkollën fillore e kreu në Opojë e Prizren, kurse Medresenë e Mesme “Alauddin” në Prishtinë gjatë viteve 1974-1979. Gjatë viteve 1980-1984 i kreu studimet në Fakultetin e Shkencave Islame në Sarajevë.
Nexhat Ibrahimi merret edhe me shkrime dhe përkthime. Ka përkthyer mbi 70 vepra islame të zhanreve të ndryshme dhe ka shkruar mbi 20 vepra autoriale islame, ka shkruar dhe përkthyer disa qindra artikuj në dhjetëra gazeta e revista në Kosovë, Maqedoni, Shqipëri, Mal të Zi, Bosnje, ka marrë pjesë në disa simpoziume e tribuna shkencore, ka shkruar disa dhjetëra recensione kritike.
Nexhat Ibrahimi jeton në Prizren. Është i martuar dhe baba i tre fëmijëve. (burimi ::https://sq.wikipedia.org/wiki/Nexhat_Ibrahimi

Fahri Xharra , 19.06.15 Gjakovë

Evropa, kolonia e re e Afrikës!?

June 18, 2015 by dgreca

Nga Aurel Dasareti, USA/

Sipas ligjit të Australisë, varkat me refugjatë detyrohen të kthehen prapa prej nga kanë ardhur para se të mbërrijnë në brigjet australiane. Refugjatët që vijnë me anije pengohen për të kërkuar azil. Dhe, asnjë “azilkërkues” nuk kërkon më fatin në Australi. Ndërkaq, politika e çmendur e sotme e azilit (e BE) ka çuar në një zhvendosje kolektive masive të njerëzve nga Afrika në Evropë. Ajo për një kohë relativisht të shkurtër do të minojë qëndrueshmërinë ekonomike dhe kulturore të vendeve që i pranojnë këta “azilkërkues” fals, dhe ka për ta ndryshuar tërësisht demografinë e vendeve pritëse, pasojat do të jenë fatale.

***

Sistemi i azilit në rrugën për parodi dhe avari. Nga ikja individuale në emigracion masiv të ”legalizuar”. Evropa krijon më shumë probleme sesa zgjidh. Lufta dhe mjerimi nuk janë asnjë bazë për azil – sipas konventave ndërkombëtare në këtë fushë. Azili është vetëm për të mbrojtur individin kundër ndjekjes së rëndë politike dhe jo kundër luftës dhe varfërisë. Sipas të drejtës ndërkombëtare shtetet kanë të drejtë të japin azil, por asnjë detyrim.

***

Emigracioni i paligjshëm është një rrezik i madh për sigurinë e Evropës. Një numër i madh i emigrantëve të paligjshëm sidomos afrikan por edhe aziatik që vijnë në Evropë duke arritur brigjet e Italisë, Spanjës dhe Greqisë, tani edhe Shqipërisë, FYROM-it, Kosovës, përbëjnë një kërcënim shumë serioz të sigurisë në drejtim të terrorizmit dhe infiltrimit kriminal edhe për faktin se 95% e tyre nuk dëshirojnë të identifikohen ose japin identifikime false. Imigracioni i paligjshëm i “azilkërkuesve” të rrejshëm është një kërcënim për të gjithë Evropën, sidomos për territoret e shkapërderdhura shqiptare dhe vet shtetin Shqiptar.

Që nga viti 2008 shumë mijëra terroristë nga organizata terroriste si është, Al-Shabaab dhe Boko Haram kanë kërkuar azil në vendet e Evropës Perëndimore. Janë konfiskuar telefonat mobil që tregojnë torturë, copëtimin e organeve dhe masakrime tjera barbare.Shtrohet pyetja: Sa është i madh numri i terroristëve të njohur që gjenden në liri dhe sa është numri i të tjerëve që asnjëherë nuk do të zbulohen?

***

Kush janë kërkuesit e vërtetë të azilit dhe refugjatët? Sa prej tyre janë thjesht llum kriminelësh në lëvizje? Të tillët gjithashtu i dëmtojnë edhe të pafajshmit. Shumica e azilkërkuesve afrikan-aziatik që vijnë në Evropë, gënjejnë në lidhje me identitetin e tyre. Kërkojnë azil, por a e bëjnë këtë për shkak se ata me të vërtetë janë të përndjekur? Shumica e atyre që vijnë nuk janë azilkërkues të vërtetë, 95% prej tyre gënjejnë në lidhje me identitetin e tyre, gënjejnë në lidhje me vendin e tyre të origjinës, gënjejnë në lidhje me arsimimin/profesionin, moshën, janë ata njerëz që duan të abuzojnë/shpërdorim me sistemin e azilit.

Është puna e policisë speciale e çdo shteti për transportimin jashtë vendit të azilkërkuesve të cilëve nuk u është dhënë leja e qëndrimit dhe të cilët nuk largohen vullnetarisht. Por, para se ata mund ta kryejnë këtë detyrë duhet të kenë një identifikim të verifikuar për ta, që të dinë vendin ku t`i shkarkojnë.

***

Sot ne e dimë se ka shumë shtetas të huaj afrikan-aziatik të cilët janë ende në shtetet evropiane përkundër faktit se duheshe ta lëshojnë vendin pas refuzimit të kërkesës; dhe kanë qenë ose janë të përfshirë në një numër shumë të madh krimesh prej më të rëndave si për shembull: vjedhje të rënda, mashtrime të pastra financiare, shitje të lëndëve narkotike, grabitje të rënda, sulme/dhunë të rëndë, sidomos përdhunime seksuale të femrave dhe vrasjeve të tmerrshme.

Para disa ditësh një koleg evropian Perëndimor më shkroi: “Politikanët aventurier të BE me sy hapur kanë drejtuar një politikë budallonjës që mbart me hapa të shpejtë drejt kufijve të ekspozimit shkatërrimtarë të vetvetes si një kulturë dhe si një komb. Ndryshimit demografik. Shpërbërjes së vetvetes. Herët apo vonë raca evropiane do të shënohet si një pakicë etnike në listën botërore të OKB-së – të njëjtës OKB që sot kërkon që na të kujdesemi për një numër kolosal “azilkërkuesish” nga Afrika që historikisht nuk kanë asnjë lidhje me Evropën. A është e drejtë nga politikanët të shkatërrojnë të ardhmen biologjike të brezave tonë të ardhëm, për të lehtësuar një zhvillim të tillë? A është e drejtë për të lejuar një zhvillim të tillë vetëvrasës që do të jetë trashëgimia jonë për ta?”

***

Emigracioni i azilit në Evropë vazhdimisht arrin lartësi të reja. Vitin e kaluar afër 1 milion njerëz nga Afrika-Azia kanë kërkuar azil në Evropë. Paramendoni sa do të vijnë sivjet. Po vitet e ardhme?

Arsyeja për politikën e sotme të çmendur idiote evropiane të azilit është një Konventë e vjetruar e vitit 1951, e cila kishte për qëllim që t`u jap mbrojtje dhe qëndrim refugjatëve të zhvendosur brenda vendit dhe disidentëve në Luftës së Ftohtë në Evropë. Qëllimi nuk ishte që Evropa të shpërbëjë vetveten, ndryshimin demografik të saj me aventuristë afrikan-aziatik etj që ikin për shkaqe ekonomike ose të luksit.

***

Vazhdojnë të shfaqen konflikte të reja në gjithë rruzullin tokësor. Gjithnjë e më shumë vende në Lindjen e Mesme dhe Afrikë janë në shkatërrim e sipër dhe do të shkatërrohen nga lufta civile dhe terrorit. Grupe të ndryshme terroriste për çdo vit krijojnë dhjetëra milionë refugjatë. Ndërkohë, ka edhe shumë aventuristë që lënë atdheun e tyre me shpresën e një të ardhme më të mirë ekonomike në Evropë. Zgjidhja nuk mund të jetë për të sjellë të gjithë ata 5-6 miliardë njerëz në Evropë.

Rrjeti kriminel i azilit prodhon dhe furnizon klientët e sajë me histori origjinale që i përshtaten rregullores të shtetit evropian në të cilin azilkërkuesi fals dëshiron të vendoset. Histori që ata (të përkrahur nga disa “organizata humanitare“ dhe mediume matrapazësh), me “lot në sy” do t`ua tregojnë organeve zyrtare “profesionistë” të vendeve “mikpritëse”.

Natyrisht se kur në një vend është gjendje lufte ata pasanik që kanë shumë lek kontaktojnë kontrabandistët, mbledhin familjen dhe ikin për në Evropë, por qysh më përpara kanë informatat e duhura se cili shtet jep më lehtë azil, cili vend është më i pasur dhe më i përshtatshëm për stilin e jetës së tyre parazitësh, në cilin shtet funksionon më lezetshëm enti për ndihma sociale, dhe planeve që pastaj ta bëjnë ribashkimin familjar me ata 300-400 anëtarë që për momentin mbeten në Afrikë. Dhe, ata nuk janë budallenj të kërkojnë azil në Greqinë e falimentuar, Bullgari, Portugali, Poloni, por atje ku “rrjedhin lekët” dhe njerëzit janë më naiv: Gjermani, Angli, Suedi, Norvegji etj. Pra, fukarenjtë, ata që vuajnë me të vërtetë, nuk kanë asnjë shanse të ikin sepse xhepat i kanë bosh.

***

Institucioni i azilit është një shpikje evropiane-amerikane për një skemë që realizohet vetëm në vendet Perëndimore. I ka tejkaluar koha. Skema e Azilit është një çmenduri komplete me pasoja komplekse, shumë serioze dhe dramatike sidomos për vendet e Evropës Perëndimore që e praktikojnë këtë skemë. Institucioni i azilit duhet të hiqet, shpërbëhet sa më shpejt që të jetë e mundur, dhe paratë që shkojnë në këtë skemë duhet të përdoren për të ndihmuar njerëzit në zonat e fatkeqësisë dhe të luftës. Me parat që jepen për vendosjen në Evropë vetëm të 1 “azilkërkuesi”, mund të ushqehen me qindra nevojtarë atje në vendet e tyre të origjinës. Kjo do të ishte humanizmi i vërtetë.

Shpresoj se pajtoheni me mua, prandaj shikoni punët e juaja, përdorni shkopinjtë kundër politikanëve të juaj mafioz, kriminelë dhe tradhtarë, ndihmoni fukarenjtë e vendit, jo lot deveje për të huajt, mos u brengosuni për azilkërkuesit e paftuar që shkelin tokat tona arbërore pa na pyetur aspak neve të cilëve na takon ajo tokë. Budallallëku dhe kozmopolitizmi ekstrem i juaj do t`ju kthehet si bumerang. Ju në vend që të pastroni vendin nga bërlloku i afërt (që është edhe obligimi juaj) përpiqeni ta kolonizoni edhe më keq me bërllok tjetër që vinë prej së largu.

* ekspert i shkencave ushtarake-psikologjike (dasaretiaurel@yahoo.com.au)

PËRPARËSITË E POLITIKËS SË JASHTËME AMERIKANE NDAJ BALLKAN

June 17, 2015 by dgreca

NGA FRANK SHKRELI/

Administrata e Presidentit Obama i ka paraqitur Kongresit prioritetet dhe planet e politikës së jashtëme amerikane karshi Europës dhe Euroazisë, prëfshirë dhe vendet e Ballkanit Perëndimor, për vitin e ardhëshëm financiar. Kërkesa e Administratës së Presidentit Obama për buxhetin e vitit 2016 për këtë rajon është $953.3 millionë dollarë. Është ky një ritual që bëhet çdo vit, pasi Kongresi, sipas kushtetutës, duhet të miratojë buxhetin për financimin e shpenzimeve për realizimin e prioriteteve të politikës së jashtëme amerikane për zona të ndryshme gjeografike të botës. Ndonëse ky është vetëm fillimi i procesit dhe shumë gjëra mund të ndryshojnë si përfundim i ngjarjeve në rajon, dëshmia të martën e kësaj jave e Koordinatores së Departamentit të Shtetit për Ndihmat Amerikane për Europën, Euroazinë dhe Azinë Qëndrore, Alina Romanowski para Nën-Komisionit të Kongresit që merret me çështjet europiane dhe euro-aziatike –mund të shërbejë si një tregues i përparësive të politikës së jashtëme amerikane ndaj Europës dhe Euro-Azisë në përgjithësi dhe ndaj vendeve të Ballkanit Perëndimor në veçanti, për vitin që vjen.

Përfaqsuesja e Departamentit Amerikan të Shtetit (DASH) fillimisht falenderoi anëtarët e nën-komisionit të Kongresit për Punët e Europës dhe të Euro-Azisë për mbështetjen që ligjvensit e të dy partive — republikanë dhe demokratë – që sipas saj i kanë dhënë përpjekjeve të administratës për të zgjëruar dhe për të forcuar, “Një Europë të tërë, të lirë dhe në paqë”. Ajo u tha ligjvënsve se për arsye të agresionit të Rusisë në Ukrainë, ky vizion tani gjëndet përball një kërcënimi më të madh se çdo herë tjetër ç’prej mbarimit të Luftës së Ftohtë. Ajo falënderoi gjithashtu kongresistët për interesimin dhe vizitat e tyre që bëjnë në Europë, përfshirë Ballkanin, gjë që tha ajo, “ka ndihmuar për të siguruar aleatët tanë atje për angazhimin e Shteteve të Bashkuara ndaj sovranitetit, demokracisë, paqës dhe begatisë, si gurthemeli i interesit dhe sigurimit tonë kombëtar.”

Ajo vlerësoi ndihmat e SHBA për Europën Lindore ç’prej shëmbjes së komunizmit (me një vlerë prej $27.5 miliardë dollarësh) gjatë 25 viteve të kaluara, duke thënë se ato kanë provuar fuqinë transformuese të SHBA-ave, në forcimin e lirisë, sigurisë dhe të begatisë anë e mbanë një rajoni që ishte mbërthyer nga totalitarizmi, armiqësitë ideologjike dhe nga shkatërrimi ekonomik. Ajo vuri në dukje se ç’prej

vitit 1990, 12 prej vendeve ish-komuniste që merrnin ndihma gjatë asaj periudhe, tani janë anëtare të NATO-s dhe 11 prej tyre bëjnë pjesë në Bashkimin Europian. Për më tepër, shtoi Koordinatorja e DASH për Ndihmat Amerikane për Europën, Euroazinë dhe Azinë Qëndrore, Alina Romanowski, 11 prej vendeve të Europës Qëndrore që dikurë merrnin ndihma amerikane, tashti ato japin ndihmë në mbështetje të demokracisë, të tregjeve të lira dhe të dinjitetit njerëzor, vendeve në nevojë nga Ukraina e deri në Afganistan.

Por megjithë sukseset e dukshme të çerek shekullit të kaluar në Europë, zyrtarja e lartë e DASH i tha Kongresit se, harta e një Europe “të lirë, demokratike dhe e bazuar në tregje të lira”, nuk është ende e plotë. “Korrupcioni, papunësia e lartë, zmbrapsjet në zhvillimet demokratike, shtypja e medias, tensionet etnike dhe konfliktet e tejzgjatura prekin gjithnjë shumë shtete të këtij rajoni.” Ajo posaçërisht theksoi influencën e rrezikshme të Rusisë në vendet e Ballkanit Perëndimor, si një prej faktorëve që po pengon antarësimin e këtyre vendeve në Bashkimin Europian dhe në NATO, duke sjellur si shembull krizën e fundit politike në Maqedoni.

Alina Romanowski përqëndroi një pjesë të madhe të kumtesës së saj para Kongresit, duke folur për ndihmat dhe politikën e SHBA-ve ndaj Ukrainës, ndërsa theksoi përpjekjet e vazhdueshme të Rusisë për të shkelur dhe zhdukur vlerat mbi të cilat janë bazuar marrëdhënjet ndërkombëtare pas Luftës së Ftohtë, por ajo nuk mungoi të fliste edhe për prioritet e politikës së jashtëme amerikane me vendet e rajonit të Ballkanit Perëndimor.Ajo i tha Kongresit se ndërsa SHBA janë në krye të përpjekjeve për integrimin e këtij rajoni në organizmat Euro-Atlantike, “Ne duhet të vazhdojmë tu ofrojmë të gjithë atyre që aspirojnë zbatimin e standardeve Euro-Atlantike, ndihmën politike, ekonomike dhe morale në përpjekjet e tyre për t’ju bashkuar këtyre organizmave.” Ajo u tha ligjvënsve amerikanë, të cilët eventualisht duhet të miratojnë fondet ndihmesë për vendet e Ballkanit Perëndimor se, “Ndihmat e SHBA-ave do të përqëndrohen në bërjen e reformave që janë të nevojshme për të përshpejtuar antarësimin e tyre në Bashkimin Europian, dhe në zbatimin e marrveshjeve për normalizimin e marrëdhënjeve midis Serbisë dhe Kosovës”, ndër të tjera. Ajo theksoi gjithashtu se, “Në Kosovë, ndihmat tona janë një investim i vazhdueshëm për zhvillimin e një demokracie me të vërtetë multi-etnike, ku të gjithë qytetarët e saj kanë besim në qeverinë e vet dhe ku siguria e pajisjes me energji është e garantuar.”

Në buxhetin për ndihmat e jashëtme që po i kërkohet Kongresit për miratim për vitin e ardhëshëm, përfshihen edhe projektet në sektorin e drejtësisë, si dhe ndihmat për organizatat e shoqërisë civile në mbarë rajonin, si një mjet për të luftuar korrupcionin. Koordinatorja e DASH për Ndihmat Amerikane për Europën, Euroazinë dhe Azinë Qëndrore, Alina Romanowski, përmendi Shqipërinë si shembëll, ku ne tha ajo, “Jemi duke mbështetur një projekt në sektorin e drejtësisë i cili ka për qëllim të shtojë transparencën dhe përgjegjësinë në këtë fushë, me instalimin e mjeteve për inçizimin e procedimeve gjyqësore në gjykatat krahinore dhe në ato të apelit anë e mbanë vendit”, theksoi ajo. Por, zyrtarja e lartë e DASH u shpreh se ndihma të tilla nuk mund të kenë sukses pa mbështetjen politike në radhët e qeverive, të shoqërive civile dhe të qytetarëve të këtyre vendeve. Ne, vazhdoi ajo, jemi duke u përpjekur të pengojmë prirjet në rritje e sipër në rajon që synojnë për t’i, “mbyllur hapësirën pluralizmit politik, debateve publike dhe kundërshtarëve politikë”. Në një numër gjithnjë e më të madh vendesh në Europë dhe Euroazi, theksoi Alina Romanowski, udhëheqës të ndryshëm politikë kanë kufizuar hapësirën e veprimtarisë së organizatave të shoqërisë civile dhe të medias së pavarur, me qëllim për t’u mbyllur gojën kritikëve dhe në përpjekje për të këthyer mbështetjen publike në favor të tyre. Në përgjithësi, nënvijoi ajo, “Ndihmat tona kanë për qëllim të aftësojnë qytetarët që të angazhohen me qeveritë e tyre, qoftë nepërmjet organizatave të shoqërisë civile, qoftë nepërmjet medias së pavarur, sektorit të drejtësisë, ose nepërmjet aktiviteteve të partive politike demokratike”. Shtetet e Bashkuara, theksoi zyrtarja e DASH, mbështesin organizatat e shoqërisë civile dhe median e pavarur, ndërkohë që ato përpiqen të informojnë publikun dhe të hedhin pak dritë mbi sfidat me të cilat përballet demokracia dhe qeverisja e mirë në vendet e Ballkanit Perëndimor.

Më në fund, ajo foli edhe për ndihmën ushtarake të SHBA-ave, “në fushën e sigurisë, të mbrojtjes, të modernizimit ushtarak, të doktrinës dhe taktikave ushtarake amerikane si edhe për bashkpunimin dhe bashkveprimin e forcave ushtarake të Shteteve të Bashkuara dhe NATO-s.” Është interesant fakti se duke folur për ndihmat dhe bashkpunimin në fushën e mbrojtjes, Koordinatorja e DASH për Ndihmat Amerikane për Europën, Euroazinë dhe Azinë Qëndrore, Alina Romanowski, përmendi Kosovën ndër vendet ku, tha ajo, ” Shtetet e Bashkuara do të vazhdojnë të bëjnë investime strategjike në fushën e mbrojtjes me Aleatët dhe me partnerët tanë, kryesisht me Poloninë, Rumaninë, Bullgarinë, me Kosovën dhe shtetet Baltike”.

Ajo theksoi edhe kontributin e Bashkimit Europian për ndihmat që i akordon vendeve të këtij rajoni duke thënë se ndihmat amerikane dhe europiane përputhen

me njëra tjetrën dhe se të dy palët janë duke bashkpunuar për të sjellur përvojën dhe praktikat më të mira ekonomike të vendeve ish komuniste të Europës Qëndrore dhe Lindore, në vendet e Ballkanit Perëndimor dhe në hapësirën e vendeve post-sovjetike.

Koordinatorja e DASH për Ndihmat Amerikane për Europën, Euroazinë dhe Azinë Qëndrore, Alina Romanowski përfundoi dëshminë e saj para Nën-Komisionit të Kongresit për Punët Europiane dhe Euro-Aziatike, duke thënë se, “Ndihmat tona kanë përmirësuar jetën e miliona njerëzve dhe se buxheti i kërkuar për vitin që vjen për këtë rajon, është një vazhdim i këtij misioni” u angazhua ajo para Kongresit. “Ne”, përfundoi, zyrtarja e lartë e DASH, “megjithë kufizimet me të cilat përballet buxheti për ndihmat e jashtëme, zotohemi se do punojmë me zell, efektivisht dhe me imagjinatë, ashtuqë burimet financiare të dhëna nga populli amerikan, të përdoren në shërbim të forcimit të vlerave tona si dhe në mbështetje të interesit tonë kombëtar, për të forcuar demokracinë, stabilitetin dhe begatinë anë e mbanë rajonit”, të Europës dhe Euroazisë.

Zgjedhjet e 21 Qershorit-Zbardhet e shkuara kriminale e kandidatëve për zgjedhjet vendore

June 17, 2015 by dgreca

Tashmë i takon votuesve t’i refuzojnë këta kriminelë që përbëjnë tallje për sistemin politik të Shqipërisë…/

Ne Foto: Gjurmete krimit…Te eprfshire ne trafik Droge…./

Të dhëna policore të marra nga BIRN në Itali dhe Zvicër tregojnë se së paku tri kandidatë që garojnë në zgjedhjet e së dielës kanë të shkuar kriminale.Shqiptarët do të votojnë të dielën për të zgjedhur kryebashkiakët dhe këshilltarët e 61 bashkive, në një palë zgjedhjesh që konsiderohen si shumë të rëndësishme për ambiciet e vendit në përparimin e procesit të integrimit në Bashkimin Europian.Gjithsesi, të dhëna të mbledhura nga BIRN nga agjencitë ligjzbatuese nëpër Europë tregojnë se një numër kandidatësh të nominuar nga partitë politike kanë të shkuar kriminale. Madje, disa janë akuzuar për kontrabandë të sasive të mëdha të drogës mes vendeve të ndryshme të Europës.Prova të siguruara nga BIRN tregojnë se dy kandidatë që garojnë për koalicionin e udhëhequr nga Partia Socialiste, Artur Bushi dhe Elvis Rroshi, të cilët kërkojnë postet e kryebashkiakëve në Krujë dhe Kavajë, kanë qenë të arrestuar për trafik droge.Një kandidat nga Partia Demokratike për bashkinë Këlcyrë, Gentian Muhameti, është ndërkohë i dënuar për trafik droge.Gjithsesi, Partia Demokratike më vonë e tërhoqi Muhametin nga lista e saj e kandidatëve, dukshëm nën presion nga BE dhe SHBA-të.Partia në pushtet nuk e ka bërë këtë. Një zëdhënës për kryeministrin Edi Rama, kryetar i Partisë Socialiste, mohoi akuzën që partia e tij ka nominuar “ndonjë kandidat të dënuar penalisht nga ndonjë gjykatë vendëse apo e huaj, qoftë me vendim të formës jo të prerë”.Një zëdhënës i Rroshit i tha BIRN se akuzat janë të pavërteta dhe të motivuara politikisht. Ndërsa zëdhënësi i Bushit nuk iu përgjigj kërkesës së BIRN për koment.Kryetari i Partisë Demokratike, Lulzim Basha nuk komentoi arsyen pse demokratët e patën mbështetur më herët kandidimin e Muhametit për ta tërhequr atë më pas.

Ambasadori i SHBA-së në Tiranë, Donald Lu dhe kreu i Delegacionit të BE-së, Romana Vlahutin, i thanë BIRN se vendosmëria e dukshme e partive për të kandiduar njerëz të dyshuar për krime përbën një poshtërim të popullit shqiptar.Që të dy kanë bërë thirrje që votuesit të refuzojnë kandidatët e dyshuar, kur të hedhin votën të dielën.Vlahutin shtoi se kandidimi i njerëzve me të shkuar kriminale do të ketë edhe pasoja negative në procesin e integrimit të Shqipërisë në BE.

Pas një bojkoti gjashtëmujor të opozitës në parlament, në dhjetor 2014, me ndërmjetësim të Parlamentit Europian, socialistët në pushtet dhe demokratët arritën një marrëveshje dhe premtuan se do të zgjidhin problemin e njerëzve me të shkuar kriminale që garojnë për poste publike.Gjithsesi, provat e mbledhura nga BIRN tregojnë se partitë politike thjesht po shtireshin përballë Brukselit.Ironikisht, Artur Bushi si ish deputet, mbështeti në janar një rezolutë të parlamentit, ku bëhej thirrje ndaj partive politike që të pastronin radhët e veta nga njerëzit me të shkuar kriminale.Para se të bëhej deputet më 2013, policia italiane e arrestoi Bushin më 11 qershor 2010 në qytezën e Gallaratës.Ata e mbajtën atë deri më 24 korrik atë vit, të dyshuar si pjesë e një organizate kriminale, të njohur si banda e Morriggia-s.Franco Novati, një ish komandant policie në Gallarate, i cili drejtoi hetimin, i tha BIRN se kjo bandë importonte kokainë nga Hollanda në Itali.“Kur ne i vumë nëntë prej tyre nën përgjim, ata folën për ‘pjesë këmbimi’, por ne e dinim se kjo qe fjala në kod për kokainën,” rikujtoi ai.Novati tha se kokaina vinte nga Amsterdami përmes korrierëve dhe shitej me shumicë te bosët vendorë në Breshia, Modena, Luka dhe Piacenza.“Ne ndërhymë në transportin e fundit të 10 apo 11 kileve të kokainës nga Hollanda dhe arrestuam bandën,” shtoi ai.Gjithsesi, megjithëse Bushi u arrestua, ai nuk u dënua, tha për BIRN zyra e prokurorisë së Busto Arsizio.“Çështja e Bushit u nda mënjanë nga çështja nr. 1986/2010RGNR mbi bandën Moriggia. Numri i çështjes së re qe 7257/2010,” shpjegoi një zëdhënës.“Më 20 mars 2011, çështja e Bushit u arkivua dhe u mbyll pa dënim kundër tij,” shtoi zëdhënësi.Novati tha se Bushi pretendoi në gjykatë se ai po shkonte në Hollandë bashkë me të tjerët, thjesht për të blerë makina dhe për t’i shitur në Itali dhe se nuk kishte dijeni për atë se çfarë bënin të tjerët në Hollandë.“Policia qe e sigurt që ai qe i përfshirë, por provat nuk qenë të mjaftueshme në gjykatë,” tha Novati. “Ai qe pranë bosit të bandës Morrigia”, shtoi ish-shefi i policisë, aktualisht në pension.

Një kandidat tjetër i akuzuar në të shkuarën – dhe i dënuar – për trafik droge, është ajo e kryetarit të bashkisë Kavajë Elvis Rroshi, i njohur gjithashtu si Ervin Rroshi.Rroshi, i cili u zgjodh më 2011 si kryebashkiak, po kërkon aktualisht një mandat të dytë në këtë bashki.Para se të bëhej kryebashkiak, Rroshi qe dënuar në Zvicër për shpërndarje droge.Një zyrtar i Zvicrës, i cili foli në kushtin e anonimatit, i tha BIRN se të dhënat policore të Zvicrës tregojnë se Rroshi qe subjekt procedimi penal nga viti 1993 deri më 1997.“Ai u hetua për trafik droge dhe shpërndarje, por nga ajo që mund të shoh unë, qe një peshk i vogël,” tha zyrtari i policisë për BIRN.“Atij iu dha një dënim i vogël dhe u deportua në Shqipëri pas periudhës së paraburgimit,” shtoi ai.I njëjti burim tha se autoritetet e Shqipërisë patën kërkuar informacion në vitin 2011 nga homologët e tyre zviceranë nëse Rroshi qe dënuar për trafik droge dhe pastrim parash dhe se ata e patën marrë përgjigjen.“Interpol Tirana mori të njëjtin informacion,” specifikoi zyrtari zviceran.

Zëdhënësi i Rroshit, Shpend Barameta i tha BIRN se ai nuk ka qenë asnjëherë i dënuar.“Na vjen vërtet keq që situata dhe histori të tilla sajohen sa herë ka fushata zgjedhore…,” tha ai.Endri Fuga, këshilltar i kryeministrit Edi Rama, gjithashtu mohoi që ndonjë nga kandidatët e koalicionit të udhëhequr nga socialistët, Aleanca për Shqipërinë Europiane, qe dënuar për krime.“Partia Socialiste dhe Aleanca për Shqipërinë Europiane po punojnë për një ligj europian dhe demokratik, përmes të cilit të vendoset një vijë e kuqe që ndalon zgjedhjen apo emërimin në detyrat publike të personave me rekorde kriminale,” tha ai“Të tjerat janë politikë e llojit të ulët që merr rëndom formën antidemokratike të gjuetisë së shtrigave, të cilën, Partia Socialiste e refuzon me bindje të plotë si mjet famëkeq të së kaluarës diktatoriale apo gjysmëdiktatoriale,” shtoi Fuga.Gentian Muhameti, kandidat për Këlcyrën, i cili më pas u tërhoq nga Partia Demokratike, qe arrestuar gjithashtu në Itali më 1997, për trafik droge.Eliana Martella, zëdhënëse e policisë për qytetin e Leçes në Italinë e jugut i tha BIRN se Muhameti qe arrestuar më 20 janar 1997 në Melendugno, provinca e Leçes, me 30 kilogramë marijuanë.

“Ai u dënua me dy vjet burg dhe me 15 milionë lireta [gjobë] (në atë kohë rreth 7,500 euro],” shtoi Martella.“Ai e pranoi fajin dhe përfitoi një dënim [të reduktuar] prej një viti e gjashtë muajsh burg dhe 10 milionë lireta [gjobë] më 15 mars 1997”, shtoi ajo.Më 9 qershor, Komisioni Qendror i Zgjedhjeve votoi për të hequr Muhametin nga lista e kandidatëve për Partinë Demokratike. Kolegji Zgjedhor, një gjykatë e specializuar për mosmarrëveshjet zgjedhore, e la në fuqi këtë vendim.KQZ, njësoj si partitë politike, ka qenë nën presion nga SHBA dhe BE për të ndaluar kandidatët me të shkuar kriminale në zgjedhje.Drejtuesja e delegacionit të BE-së në Tiranë Vlahutin, i tha BIRN se kjo qe një çështje për të cilën BE “ka lobuar fort… për shkak se zyrat publike janë për t’i shërbyer popullit”.“Të vendosësh nëpër lista njerëz për të cilët ka të dhëna se janë të përfshirë në aktivitet kriminal, veçanërisht trafik droge, trafik qeniesh njerëzore dhe prostitucion, është fyese dhe poshtëruese për qytetarët, votat e të cilëve kërkojnë këto parti politike,” tha ajo.“Në procesin e integrimit do të analizohet gjithashtu angazhimi për t’i dhënë qytetarëve qeverisjen më të mirë, kështu që do të ketë efekt, por ne duhet të jemi njësoj, madje edhe më shumë të shqetësuar për pasojat që kjo do të ketë mbi shoqërinë [shqiptare],” shtoi Vlahutin.Ambasadori i SHBA-së në Tiranë, Donald Lu, i cili ka bërë gjithashtu përpjekje kundër nominimit të kandidatëve me të shkuar kriminale, thotë se Shqipëria meriton të ketë kandidatë më të mire.“Nëse do të zgjidhen, ata do pretendojnë se ju mbështesin, ndërkohë që vjedhin paratë tuaja për të financuar Mercedezët e zinj luksozë, vilat anës detit apo rezidencat e tyre skandaloze. Shqipëria meriton më shumë,” tha ai mbi këta kandidatë.

“Tashmë i takon votuesve t’i refuzojnë këta kriminelë që përbëjnë tallje për sistemin politik të Shqipërisë,” shtoi ai.(Kortezi:Besar Likmeta, Fausto Biloslavo, Aleksandra Bogdani | BIRN | Tiranë dhe Milano)

Kur paralajmëron gjenerali me fletarrest ndërkombëtar për krime lufte

June 17, 2015 by dgreca

Shkruan:Fetnete Ramosaj –Bashkëpunëtore profesionale në Institutin për Hulumtimin e Krimeve të Luftës (IHKL) – Prishtinë/Këto ditë nga Beogradi zyrtar u dha alarmi mediatik për sulmet që do të ndodhkan në Kosovë dhe në Kosovën Lindore gjatë kësaj vere. Parashikimet për “sulme terroriste në Kosovë” fillimisht u bënë nëpërmjet medieve serbe, të cilat i plasuan masivisht “copy/paste” edhe mediet shqiptare. Sipas këtyre paralajmërimeve pompoze vetëm ndërmjet datave 25-28 qershor, qenkan planifikuar të kryhen “tri aksione terroriste” nga shqiptarët!

Është interesant fakti se këtë informacion e bën publik hiq më pak se kryetari i Komisionit Parlamentar për Kontrollin e Shërbimeve të Sigurisë në Parlamentin e Serbisë, gjenerali Momir Stojanoviq, njëherësh deputet nga radhët e Partisë Progresive të Serbisë (SNS) të kryeministrit serb Aleksandar Vuçiq. Stojanoviq shkon edhe më larg në elaborimin e informacioneve për sulmet e paralajmëruara, duke thënë se “kreatorët e këtyre sulmeve janë të vetëdijshëm se kjo nuk do të komplikojë situatën e sigurisë. Qëllimi i tyre është para së gjithash që të eliminohen disa persona që mund të jenë dëshmitarë kundër ish-pjesëtarëve të UÇK-së, para gjykatës për krime lufte, që pritet të formohet në Kosovë. Duke qenë se formimi i kësaj gjykate është paralajmëruar për shtator, terroristët kanë për detyrë që deri atëherë të eliminojnë të gjithë dëshmitarët e palakmueshëm”! Informacionet e tilla, të cilat ua ka dhënë medieve, Stojanoviq ka thënë se i ka marrë nga burime të mirinformuara që nuk mund t’i zbulojë, ndërkaq i pyetur nëse ka leje që t’i transmetojë në opinion, ai ka thënë se nuk i duhet leja për publikimin e tyre dhe se për këtë nuk ka nevojë të kërkojë leje prej askujt!

Kur kemi të bëjmë me paralajmërime të tilla, që natyrisht nuk janë as të parat as të rastit, pa mëdyshje se ndër pyetjet e para që na vije ndërmend është: Kush është kryetari i Komisionit për Kontrollin e Shërbimeve të Sigurisë në Parlamentin e Serbisë Momir Stojanoviq?

Në politikë zyrtarisht u kyç në vitin 2007 në radhët e Partisë Radikale Serbe (SRS) të Sheshelit, për t’u pozicionuar një vit më pas në Partinë Progresive të Serbisë (SNS) të Tomislav Nikoliqit (të cilën tash e kryeson Vuçiq). Fillimisht u zgjodh deputet në Parlamentin e Serbisë në vitin 2012, dhe gjatë legjislaturës së kaluar i kryesoi Komisionin Parlamentar të Mbrojtjes dhe Punëve të Brendshme të Serbisë dhe Komisionin Parlamentar për “Kosovë e Metohi”. Ndonëse tani përfaqëson rajonin e Nishit, vendin e lindjes e ka në Kosovë – Gjakovën. Por, para angazhimit në politikë, Stojanoviqi më herët ka pasur një varg pozitash të rëndësishme ushtarake. Në vitin 2003, gjenerali Stojanoviq e pasoi mentorin e tij Aca Tomiq në krye të Agjencisë së Sigurisë Ushtarake të SMZ-së (Unionit Serbi-Mal i Zi) përgjegjëse për zbulim dhe kundërzbulim ushtarak. Kjo agjenci (serbisht: VBA – Vojno Bezbednosne Agencije) më herët është njohur si “KOS”-i ushtarak serb, dhe vetëm përmendja e emrit të këtij formacioni ka ngjallur tmerr tek popullata shqiptare, madje jo vetëm tek ajo. Stojanoviqi qëndroi në krye të VBA-së, deri pas deklarimeve që i bëri në janar e shkurt të vitit 2004, kur deklaroi publikisht se gjatë vitit që po e lëmë pas VBA-ja e ka rivendosur rrjetin e agjentëve në Kosovë, duke përmendur edhe shifra prej disa mijëra agjentësh të tillë, që ishte një deklaratë e pazakontë për kreun numër një të inteligjencës ushtarake të një shteti.

Që në vitet ’90-ta të shekullit të kaluar veprimtarinë e tij e ka zhvilluar në Kosovë në kuadër të KOS-it ushtarak serb. Gjatë viteve 1993-1996 ishte zëvendësshef i KOS-it ushtarak, ndërkaq gjatë katër viteve në vijim (1996-1999), pra edhe gjatë luftës frontale në Kosovë ishte kryesues i KOS-it ushtarak serb për Kosovën.

Nga ajo që dihet botërisht, së pari, po të bëheshin vetëm pak përpjekje për të vënë drejtësinë në vend, Momir Stojanoviqi, nuk do të duhej të ishte në krye të njërit prej mekanizmave më të rëndësishëm të sigurisë së Serbisë, por do të duhej të ishte vënë para drejtësisë për urdhërdhënie dhe pjesëmarrje në kryerjen e krimeve të luftës, gjenocidit kundër njerëzimit dhe spastrimit etnik gjatë luftës në Kosovë, me theks të veçantë si njëri ndër përgjegjësit kryesorë për Masakrën e 27 prillit 1999 në Mejë e Korenicë të Gjakovës, ku Stojanoviq kishte rol aktiv. Madje, dëshmitarët okularë, dëshmitë e të cilëve i posedon Instituti për Hulumtimin e Krimeve të Luftës (IHKL) – Prishtinë, e kanë vënë theksin te urdhrat e tij për djegiet, shkatërrimet dhe spastrimin etnik të rajonit të Rekës së Keqe nga popullsia shqiptare (të cilëve paraprakisht ua konfiskuan e shkatërruan të gjithë dokumentacionin personal) si dhe ekzekutimin e qindra banorëve të kësaj ane. Brenda një dite forcat ushtarako-policore serbe i ekzekutuan në masë 377 civilë shqiptarë, të besimit islam e katolik, në mesin e tyre edhe fëmijë. Kufomat e tyre më pas i transportuan, i dogjën dhe i fshehën për t’i zhdukur pa gjurmë në varrezat masive nën asfaltin e poligoneve të stërvitjes së Njësive për Operacione Speciale (JSO) të Sigurimit Shtetëror (DB) të Serbisë në Batajnicë, në afërsi të Beogradit. Eshtrat e 237 të ekzekutuarve në masakrën e Mejës, u gjetën në varrezën masive “Batajnica 2”, u identifikuan, u kthyen në Kosovë pas disa vitesh dhe janë varrosur në varrezat e përbashkëta në Mejë, por askush nuk është përgjigjur për të ekzekutuarit pa gjyq në këtë masakër, që shënon masakrën me numrin më të madh të të vrarëve gjatë luftës në Kosovë.

Për masakrën e kryer në Mejë e Korenicë të Gjakovës më 27 prill 1999, në shkurt të këtij viti Interpoli nxori një urdhërarrest ndërkombëtar për shtatëmbëdhjetë ish-drejtues të forcave ushtarake e policore serbe përgjegjës për masakrën e Mejës e Korenicës. Ndonëse lista e personave përgjegjës për këtë masakër nuk është e plotë, lista e të kërkuarve nga Interpoli kryesohet pikërisht nga gjenerali Momir Stojanoviq.

Por, që nga ajo ditë, edhe pse me urdhërarrest aktiv ndërkombëtar të lëshuar nga Interpoli, Stojanoviqin nuk e ka shqetësuar askush dhe asgjë, sepse shteti serb qëndron pas tij dhe të tjerëve si ai, ose thënë më mirë ata janë vet shteti, duke filluar që nga presidenti i Serbisë, kryeministri, shefi i Shtatmadhorisë së Ushtrisë e shumë e shumë të tjerë, që e përbëjnë listën e personave të dyshuar për pjesëmarrje në krimet e luftës në Kosovë.

Stojanoviqi vepron i patrazuar nga organet e drejtësisë, vetëm pse të ekzekutuarit e rastit në trajtim në Mejë e Korenicë janë shqiptarë dhe askujt nuk i bëhet vonë për t’i nxjerrë përgjegjësit para drejtësisë. Ai edhe më tutje vazhdon t’i ketë fiksim Kosovën dhe Sanxhakun, shqetësohet për rrezikun që po i vika prej këndej, shqetësohet edhe për “Shqipërinë e Madhe” edhe për “ekstremizmin islamik” të shqiptarëve, por s’i ka shkuar mendja të sqarojë pak rastin e dhjetorit të vitit të kaluar, të Sllobodan Gavriqit, i cili vazhdon të mbahet në paraburgim, por që rastin e tij çuditërisht po vazhdon ta përcjellë heshtja mediale e politike.

Sikur të ndodhte, që inspektori i lartë aktiv i njërës nga ministritë e Serbisë fqinje, Sllobodan Gavriq, të mos kapej me eksploziv e të arrinte të finalizonte aktin terrorist ndaj Katedrales “Nënë Tereza” në Prishtinë, me hiq më pak se 12 kilogramë eksploziv plastik ushtarak, dhe atë në ditën e dytë të Krishtlindjeve, nuk ka fare dyshim se Serbia automatikisht do t’i fajësonte shqiptarët, sikurse ka bërë edhe në shumë raste të tjera. Do t’i akuzonte shqiptarët si “fundamentalistë islamikë”, dhe përmasat e mëpastajme të fushatës antishqiptare sikurse edhe rezultatet e saj nuk është vështirë të dihen. Serbia vet e kreu aktin terrorist të vrasjes së të rinjve serbë në kafenenë “Panda” në Pejë (dhjetor ’98) për çka për pesëmbëdhjetë vjet me radhë i fajësuan shqiptarët, por më në fund e pranuan autorësinë e këtij akti terrorist ndonëse ende askënd nuk e kanë vënë para drejtësisë për të. Ngjashëm veproi edhe në rastin e vrasjes së serbëve në fshatin Grackë e Vjetër të Lipjanit, pas përfundimit të luftës në Kosovë, madje edhe në rastet e likuidimit të dëshmitarëve të përpunuar nga shërbimet sekrete serbe. Edhe në dhjetëra raste të tjera jemi dëshmitarë, kur Serbia i viktimizoi minoritarët serbë në Kosovë për qëllime politike. Edhe aktet e paralajmëruara së fundi nga gjenerali me fletarrest aktiv ndërkombëtar për krime lufte, duhet parë në këtë prizëm dhe duhet marrë seriozisht.