ATHINË, 28 qershor / – Parlamenti grek miratoi sot në orët e para të mëngjesit referendumin e propozuar nga qeveria e Aleksis Ciprasit lidhur me ofertën e fundit të kreditorëve, që rrezikon një stuhi financiare para datës së zhvillimit të tij më 5 korrik.
Referendumi u miratua me 178 vota pro dhe 120 kundër në parlamentin me 300 vende.Deputetët e SYRIZA-s dhe aleatët e Grekëve të Pavarur votuan për referendumin ashtu si edhe ata të ”Agimit të artë”, në ndërkohë që votuan kundër deputetët e ”Demokracisë së re” dhe të PASOK-ut, ashtu si ata të KKE-së dhe të ”Potami”-t.”Populli grek do t’i thotë një ‘jo’ të madhe ultimatumit të kreditorëve”, deklaroi Cipras.Në këtë referendum, grekët do të përgjigjen me ”po” ose ”jo” masave të kreditorëve të vëna qeverisë Cipras./
Denoncimi i ‘Alarm’, shkarkohet nga detyra kreu i AKU, Aleksandër Kalemaj
Pas publikimit të fakteve në emisionin “Alarm” në Ora News, se kreu i Autoritetit Kombëtar të Ushqimit Aleksandër Kalemaj akuzohej për falsifikim të produkteve ushqimore ka ardhur edhe reagimi i Ministrisë së Bujqësisë.
Kjo e fundit me kërkesë të Kryeministrit, kreu verifikimet e duhura për këtë person dhe pas këtyre verifikimeve, Aleksandër Kalemaj është larguar nga detyra dhe nuk kryen më funksionet e Përgjegjësit të Sektorit të Ushqimit, në Drejtorinë e Menaxhimit të Riskut, pranë Autoritetit Kombëtar të Ushqimit.
Zbulimi i emisionit Alarm
“Policia e Vlorës gjatë operacionit të koduar “Porosia”, ka bërë të mundur arrestimin e Gramoz Bilbil Kalemaj, 56 vjeç, Aleksandër Bilbil Kalemaj, 58 vjeç dhe 25 vjeçarit Detjon Namik Dapaj, të tre banues në Vlorë.Arrestimi erdhi pasi nga hetimet e kryera ka rezultuar se këta shtetas, në bashkëpunim me njëri-tjetrin kishin përshtatur një magazinë e cila ndodhej në lagjen “29 Nëntori” në Vlorë, brenda së cilës në mënyrë artizanale prodhonin sasi të konsiderueshme dhe të ndryshme pijesh alkolike, si konjak, uzo, raki verë etj., të cilën e ambalazhonin në shishe, i vendosnin etiketa me mbishkrimin e subjektit “KALEMI” dhe më pas e tregtonin në qytet. Këtë veprimtari ekonomike këta shtetas dyshohet se e kryenin në mënyrë të paligjshme pasi nuk ishin pajisur me dokumentacion përkatës, si dhe nuk paguanin detyrimet financiare. Sipas të dhënave të policisë Gramoz Kalemaj ka qenë i dënuar më parë për veprën penale “Prodhimi i kundërligjshëm i mallrave ushqimore dhe industrialë”.
Ky është njoftimi i policisë së shtetit i datës 31 tetor 2012, për arrestimin e Aleksandër Kalemaj që në serinë e fundit të emisionit “Alarm” ishte personazh kryesor i investigimit, pasi edhe pse i akuzuar për një vepër të rëndë penale dhe jo vetëm, drejton sot institucionin që i shmnagej në mënyrë të jashtëligjshme. Njeriut që prodhonte produkte ushqimore të falsifikuara në një bodrum pa asnjë kriter, tashmë qeveria i ka besuar AKU-n. Një skandal ky që i ka shkuar si uji në mulli edhe Partisë Demokratike që ka bërë denoncimin e radhës.
“Kryeministri ia ka besuar sigurinë ushqimore të shqiptarëve, Aleksandër Kalemajt, i arrestuar më parë për prodhim dhe shitje të ushqimeve të rrezikshme për shëndetin.Personi i akuzuar se një magazinë në Vlorë e kishte kthyer në fabrikë ku prodhonte pije dhe mallra të tjera të rrezikshme për jetën e qytetarëve dhe konsumatorëve, është sot personi që Edi Rama i ka besuar drejtimin e AKU-së, kësaj agjencie që garanton cilësinë dhe standardet ushqimore në vend.Me këtë emërim, Edi Rama ka treguar se nuk ka më turp nga asgjë, dhe se arrin deri këtu, sa një prodhues të paligjshëm të pijeve e të ushqimeve, të arrestuar dhe të akuzuar në tetorin e vitit 2012, pas një hetimi të gjatë të policisë dhe prokurorisë, ta bëjë përgjegjës për sigurinë tonë ushqimore. Edi Rama e gjeti këtë person të zhytur në paligjshmëri, si më të përshtatshim për ta bërë përgjegjës të sigurisë ushqimore në vend. Kjo është rilindje” tha deputetja demokrate Voltana Ademi në një deklaratë për mediat.
Ekon-Biznesi kërkon heqjen e barrierave për shkëmbimet me Kosovën
Biznesi shqiptar shprehet i shqetësuar lidhur me shfaqjen sërisht të problematikës së bllokimit të eksporteve drejt Kosovës nga vendimarrja e Autoriteteve Doganore kosovare për të ndryshuar proçedurat e zhdoganimit te mallit nga vendi jonë. Nëpërmjet një deklarate për mediat Drejtori Ekzekutiv i (QKB) Gjergj Prebibaj thotë se, është një bllokim që po i bëhet eksporteve drejt Kosovës, konkretisht të materialeve të ndërtimit si Tulla dhe Tjegulla. Në këtë mënyrë shtohen procedurat, burokracite dhe kostot. Jemi në kushtet e shkeljes së marrëveshjes së CEFTA dhe marrëveshjeve dypalëshe për lehtesimin e procedurave dhe barrierave për shkëmbimet tregtare. Kemi të bëjme me artifica te cilat praktikisht e bëjnë të pamundur eksportimin e materialeve të ndërtimit drejt Kosovës si Tulla dhe Tjegulla. Qendra e Klasterave të Biznesit sqaron se bëhet fjalë për një kosto shtesë totale prej 240 Euro që është vendosur për kamion, malli i te cilit ka vlerë përafersisht 800 Euro ( kostoja shkon mbi 30% e vlerës totale të mallit) që ka sjellë bllokimin e tregtisë. Kjo praktike përbën një problem mjaft shqetësues edhe për industritë e tjera eksportuese (çimento etj) duke i bërë më pak konkurues në treg por në rastin e tullave dhe tjegullave duke qenë se vlera totale e mallit është e vogël, kjo procedure e bllokon totalisht.
Nga Shqipëria në drejtim të Kosovës shkojnë rreth 1050 kamiona me vlerë të përafërt
850 000 Euro ne muaj, ose 10 Milion Euro ne Vit. Qendra e Klasterave të Biznesit bën të ditur se këto vlera janë vetëm për produktet Tulla dhe Tjegulla dhe po të merret në konsideratë e gjithë gama e produkteve, humbja është shumë herë më e madhe.Lidhur me këtë shqetësim Qendra e Klasterave te Biznesit ka informuar menjeherë Ministrine e Ekonomisë dhe Drejtorine e Pergjithshme të Doganave të Shqipërise duke ju kërkuar ndërhyrjen institucionale për zgjidhjen e problemit.
Kjo situatë vazhdon prej 4 ditësh dhe sipas informacioneve më te fundit nga bashkëpuntorët tonë në Kosovë të cilët kanë qenë në bisedime të vazhdueshme me Autoritete Doganore Kosovare ka sinjale pozitive për zgjidhjen e problemit gjatë dites së sotme. QKB shpreson në arritjen e një zgjidhjeje përfundimtare për këtë problem dhe jo të përkohshme si marrëveshja e Gushtit 2013
FMN, 330 mln euro për Shqipërinë
Borxhi, nje kredi e bute shoqerohet me porosine: Kujdes borxhin, zbatoni reformat/
Bordi Ekzekutiv i Fondit Monetar Ndërkombëtar ka miratuar fondin prej 330.9 milionë eurove për tre vjet për Shqipërinë. Kjo është një kredi e butë me qëllim rimëkëmbjen e ekonomisë së vendit.Mësohet se kësti i parë i kësaj kredie do të jetë një shumë prej 24 milionë eurosh. Fondi Monetar Ndërkombëtar kërkon që qeveria shqiptare të marrë masa të tjera përsa i përket politikave të taksave dhe shpenzimeve, të mbështetura nga një menaxhim i mirë i financave publike dhe reforma të reja në administratën tatimore pasi duhet të ulet borxhi publik.
David Lipton, Zëvendësdrejtor Administrativ i FMN-së deklaroi se “prespektiva ekonomike e Shqipërisë pritet të përmirësohet në vitin 2014, nxitur nga reduktimi i planifikuar i rreziqeve themelore në fushën fiskale, shlyerjen e borxheve, trajtimin e kredive me probleme dhe nisjen e reformave strukturore” .
Por nga ana tjetër Lipton shtoi se rreziqet në ekonominë shqiptare mbeten të mëdha.
“Borxhi i lartë publik i Shqipërisë nxjerr si domosdoshmëri konsolidimin fiskal që ka për qëllim uljen e borxhit në nivelin e 60 për qind të Prodhimit të Brendshëm Bruto”.
FMN sygjeron se lehtësimi i mëtejshëm i moderuar i politikës monetare mund të ndihmojë për të mbështetur rimëkëmbjen ekonomike, ndërsa thekson se ruajtja e stabilitetit financiar mund të arrihet permes nxitjes së kredimit si dhe zgjidhjes së kredive me probleme.
Fondi mirëpret planet e qeverisë shqiptare për reformën në pensione, energji, financa e pushtetin vendor, si dhe në përmirësimin e klimës së biznesit por vë theksin në zbatimin e tyre.
“Nëse këto plane do të zbatohet siç duhet atëherë, do të rritet aftësia e Shëipërisë për të tërhequr investitore të huaj për të garantuar një rritje ekonomike të qëndrueshme e për të zvogëluar rrisqet fiskale.
Marrëveshje me BERZH për krijimin e Këshillit Kombëtar të Investimeve
Kryeministri Edi Rama dhe Presidenti i BERZH Suma Chakrabarti firmosën Marrëveshjen kuadër për bashkëpunimin mes Qeverisë së Shqipërisë dhe Bankës Europiane për Rindërtim dhe Zhvillim. Marrëveshja u nënshkruar gjatë Konferencës së Investimeve me temë ”Investing in Ëestern Balkans”, organizuar nga Banka Europiane për Rindërtim dhe Zhvillim, që u mbajt në Londër.
Siç u shpreh Kryeministri “me nënshkrimin e kësaj marrëveshje ne jemi duke bërë një hap të madh përpara, në çlirimin e potencialit ekonomik të vendit. Krijimi i mjedisit të duhur të biznesit është tani më kritik se kurrë dhe ne jemi të sigurtë se me ndihmën e BERZH do të përparojmë shumë shpejt”.
Marrëveshja parashikon gjithashtu edhe krijimin e Këshillit Kombëtar të Investimeve si një strukturë që do të trajtojë me përparësi çështjet e lidhura me investimet në vend dhe do të jetë një organ i rëndësishëm referimi dhe orientimi për Këshillin Ekonomik Kombëtar.
Pjesë e delegacionit shqiptar, Ministri i Zhvillimit Ekonomik, Tregtisë dhe Sipërmarrjes Arben Ahmetaj, diskutoi në panelin me temë “Klima e Investimeve” përkrah personaliteteve të njohur si zv. Presidenti i politikave të BERZH, zv. Kryeministri i Maqedonisë, Drejtoresha e Bankës Botërore për Europën Juglindore E. Goldstein etj
.Reformat e Qeverisë në kuadër të përmirësimit të klimës së biznesit në vend, intensifikimit të komunikimit me bizneset, thjeshtësimin e procedurave ligjore dhe administrative, luftimin të informalitetit në sektorin privat e publik dhe krijimin e një marrëdhënie të re besimi dhe bashkëpunimi mes sektorit publik dhe atij privat, ishin në qëndër të fjalimit të Ministrit Ahmetaj.Prezentë në këtë konferencë ishin delegacione nga vende të ndryshme të Ballkanit Perëndimor, si Kryeministri i Kosovë Hashim Thaçi dhe krerët e qeverive të Bosnje- Hercegovinës, Malit të Zi, Maqedonisë, Kroacisë etj, me qëllim promovimin e potencialeve të vendeve të tyre por edhe të rajonit si i një i tërë përpara investitorëve të huaj, shpalosjen e platformave dhe pikëpamjeve në fushën e bashkëpunimit ekonomik, të energjisë, transportit, turizmit, projekteve strategjike etj. Në fjalën e tij Ministri Ahmetaj iu referua kuadrit makroekonomik të ekonomisë shqiptare, ecurisë së deritanishme dhe masave të marra nga Qeveria e re për përmirësime të ndjeshme në të gjithë sektorët në mbështetje të zhvillimit ekonomik të vendit. Ai theksoi se raporti i Doing Business është një tregues i rëndësishëm për ekonomitë e të gjitha vendeve, por debati për të nuk është thjesht një çështje renditjeje të përvitshme.
“Më shumë se sa klasifikimi në këtë raport, duhet të shqetësohemi për avancimin dhe cilësinë e reformave tona, për shpejtësinë me të cilën po i realizojmë ato dhe mbi të gjitha, për cilësinë dhe kapacitetin vendimmarrës për përmirësimin e klimës së biznesit nga njëri vit në tjetrin. Mbas çdo indikatori të Doing Business, qëndron një politikë specifike ekonomike, financiare apo ligjore e administrative, dhe përtej vendit në klasifikim, duhet të shohim përmbajtjen e politikave dhe cilësinë e zbatimit të tyre në praktikë, duhen analizuar shkaqet dhe faktorët e suksesit apo dhe dështimeve të mjaft reformave”, theksoi Ministri Ahmetaj.Projektet strategjike të Qeverisë në fushën e investimeve të huaja direkte dhe objektivat kryesorë të saj ishin një tjetër element i rëndësishëm i fjalës së Ministrit Ahmetaj në diskutimin e tij.