Emigracion – Page 134 – Dielli

Shqiptarët dhe Zelanda e Re në ndërrimin e viteve

December 6, 2017 by dgreca

-Në Zelandë të Re, manifestimet për festat e krishtlindjeve dhe vitit të ri nisin që në ditët e para të dhjetorit, muajin kur mbaron pranvera dhe nis stina e verës këtu në Ishullin e largët./

-Zelandezët, bashkë me ta edhe vizitorët e ardhur, gëzojnë privilegjin për ta festuar, për ta uruar ardhjen e Vitit të Ri, për ta parë lindjen e diellit, /me 1 janar/ para të gjithë të tjerëve në rruzullin tokësor: Pesëmbëdhjetë orë para amerikanëve në Losë Anxhelos, dymbëdhjetë orë para evropianëve në Berlin, Cyrih, Bruksel, Paris, Romë, 12 orë para shqiptarëve në Tiranë, Prishtinë, Shkup, Preshevë, Ulqin…, tetë orë para kinezëve në Hong Kong, gjashtë orë para qytetareve në Tajlandë dhe dy orë para australianeve në Melburn./

-Vendi më i preferuar për shqiptarët është Mission Bay Beach, në të cilin ata argëtohen, lahen, pushojnë, takohen, bisedojnë shqiptarçe për hallet, mallin për vendlindjen, “përgojojnë” njeri tjetrin, “rrahin gjoks” dhe merren me aktivitete sportive./

Shkruan Sabit Abdyli/ Dielli/

Shtëpitë, oborret e tyre, marrin pamje festive me drita, figura, ikonografi në përmasa natyrore që lidhen me festen e krishtlindjeve dhe vitit të ri. Gjithçka shkëlqen. Gjithçka!

Në Zelandë të Re, manifestimet për festat e krishtlindjeve dhe vitit të ri nisin që në ditët e para të dhjetorit, muajin kur mbaron pranvera dhe nis stina e verës këtu në Ishullin e largët. Organizohen koncerte maratonike me muzikë në ambiente të hapura. Sheshi i qytetit, rrugët, dyqanet stolisen me drita e “pemë”. Shtëpitë, oborret e tyre, marrin pamje festive me drita, figura, ikonografi në përmasa natyrore që lidhen me festen e krishtlindjeve dhe vitit të ri. Gjithçka shkëlqen. Gjithçka! Bëhen parakalime rrugëve kryesore në stilin e karnavaleve. Gra e burra të të gjitha grup moshave veshur me maska, në këmbë, në qerre kuajsh racash të ndryshme e mjete tjera transporti, banda muzikore me instrumente me të rëna e frymore, imitues kafshësh dhe kloun parakalojnë rrugëve kryesore duke u ofruar kënaqësi shikuesve të shumët. Dyqanet gumëzhijnë nga blerësit, që duken sikur bëjnë gara se kush po blen me shumë. Kulmi arrin natën e Krishtlindjeve /24 dhjetor/ për të përfunduar në orët e para të mëngjesit të 1 janarit. Gjatë netëve të përmendura tolerohet ahengu me këngë, muzikë e valle deri në orët e vonshme të natës edhe në apartamente. Si asnjëherë tjetër, fqinji toleron fqinjin për t’u argëtuar qoftë edhe në mënyrë paksa të shfrenuar. Qytetarët me familjet e tyre dalin në plazhe dhe pika tjera turistike, me të cilat qyteti i Aucklandit dhe krejt Zelanda është e njohur, prej ku në orën fiks 24:00 shikojnë fishekzjarrët për 30 minuta, që e spërkasin qiellin me ngjyra gjithfarëshe dhe forma të ndryshme. Të rinjtë për natën e ndërrimit të viteve shkojnë në mënyrë të organizuar jashtë qytetit me makina, mjete lundruese, kurse ata që i kanë “xhepat e nxehtë” fluturojnë me avion drejt ishujve afër Zelandës dhe shteteve tjera si: Australi, Tajlandë, Indonezi, Losë Anxhelos… Shteti me i afërt me Zelandën është Australia, rreth 3 orë fluturim me avion. Në muajin dhjetor – janar, si asnjëherë tjetër gjatë vitit, vijnë shume vizitorë nga katër anët e botës. Zelanda është joshëse për evropian, amerikan, aziatikë e të tjerë për bukuritë natyrore, lumenjtë, liqenet, valët e Paqësorit, ujëvarat, ujërat termal, pyjet, kodrat vullkanike, qetësinë, rregullin, plazhet, botën bimore tepër të pasur, peshkim të lirë, klimën, kulturat e ndryshme që bashkëjetojnë në harmoni të plotë, gjeografinë dhe historinë e saj. Vijnë e kënaqen këtu adhuruesit e natyrës, valëve të detit, sporteve në ujë, rrëshqitje mbi valë, lundrim me jaht.., aeronautikës, peshkimit, ecjeve në natyrë, ushqimit qind për qind natyral, restoranteve të shumta, hipodromeve, kuajve të racës… Zelandezët, bashkë me ta edhe vizitorët e ardhur, gëzojnë privilegjin për ta festuar, për ta uruar ardhjen e Vitit të Ri, për ta parë lindjen e diellit, /me 1 janar/ para të gjithë të tjerëve në rruzullin tokësor: Pesëmbëdhjetë orë para amerikanëve në Losë Anxhelos, dymbëdhjetë orë para evropianëve në Berlin, Cyrih, Bruksel, Paris, Romë, 12 orë para shqiptarëve në Tiranë, Prishtinë, Shkup, Preshevë, Ulqin…, tetë orë para kinezëve në Hong Kong, gjashtë orë para qytetareve në Tajlandë dhe dy orë para australianeve në Melburn. Në aktivitetet e përmendura marrin pjesë edhe shqiptarët, të cilët për pak kohë, /shumica prej tyre kanë ardh këtu në vitin 1999/ kanë arrit të adaptohen në mjedisin e ri. Shqiptarët e ardhur, besohet të jenë diku 160 familje, janë të vendosur në qytetin më të madh të Zelandës së Re, në Auckland.

Lindja e diellit në Zelandë të Re. Zelandezët, bashkë me ta edhe vizitorët e ardhur, gëzojnë privilegjin për ta festuar, për ta uruar ardhjen e Vitit të Ri, për ta parë lindjen e diellit, /me 1 janar/ para të gjithë të tjerëve në rruzullin tokësor: Pesëmbëdhjetë orë para amerikanëve në Losë Anxhelos, dymbëdhjetë orë para evropianëve në Berlin, Cyrih, Bruksel, Paris, Romë, 12 orë para shqiptarëve në Tiranë, Prishtinë, Shkup, Preshevë, Ulqin…, tetë orë para kinezëve në Hong Kong, gjashtë orë para qytetareve në Tajlandë dhe dy orë para australianeve në Melburn.

Vendi më i preferuar për shqiptarët është Mission Bay Beach, në të cilin ata argëtohen, lahen, pushojnë, takohen, bisedojnë shqiptarçe për hallet, mallin për vendlindjen, “përgojojnë” njeri tjetrin, “rrahin gjoks” dhe merren me aktivitete sportive.

Sabit Abdyli, Zelandë e Re

Arkivi i Kosovës në Kongresin Amerikan

December 4, 2017 by dgreca

1 Jusuf Azemi

SHSHA në Çikago do të dërgojë në Kongresin Amerikan publikimet e Arkivit të Kosovës/

Skënder Karaçica/

Ende ka hapësirë për publikimet shkencore historike,arkivore,gazetareske dhe të fushës së publicitikës që hedhin dritë për kohën vrastare të regjimit të Serbisë për ,,Tokën e djegur,,të Kosovës,kështu thuhet në kumtesën për opinion të SHSHA-së në Çikago.

Në këtë kumtesë nga Çikago thuhet se publikimet shkencore dhe të orëve historike të kohës nëpër të cilat kanë kaluar shqiptarët dhe Kosova karshi regjimit vrastar të Serbisë në kohën e rëndë(1844-1999),tregon më së miri se deri ku kishte arritur skenari shfarosës deri në shkallën e gjenocidit ndaj shqiptarëve të përgjakur e të vrarë në mbrojtje të hapësirës së vet kombëtare.

Për të hedhë dritë në tërë katrahurën historike vrastare të Serbisë ndaj Kosovës,SHSHA në Çikago në bashkëpunim me LQSHA Joe DioGuardi në Nju Jork,para do kohe në Bibliotekën e Kongresit e të Senatit në Washington,

dërguan disa ekzemplarë të publikimeve shkencore-historike të autorëve Mr.Jusuf Buxhovi dhe Prof.dr.Nusret Pllana që,si thuhet në këtë kumtesë paraqet rëndësinë historike për informimin e miqëve tanë në Shtëpinë e Bardhë.

Për të shtuar numrin e botimeve të veçanta shkencore në sirtarët e Bibliotekës së Kongresit e të Senatit në Washington,SHSHA do të dërgojë dy botimet e Arkivit të Shtetit të Kosovës ,,The Serb Government,s Crimes in Kosova 1998-1999 si dhe ,,Serbia,s Crimes Against Children in Kosova,,të prof.dr.Jusuf Osmani të botuara në Prishtinë.

Një praktikë e bashkëpunimit të SHSHA-LQSHA me Kongresin dhe Senatin Amerikan në Washngton do të vazthdoj edhe në të ardhëm,në mënyrë që e vërteta historike mos të mbetët pengë e propagandës antishqiptare të Serbisë,që në historinë kombëtare shqiptare gjithherë ka luajtur skenarët,,Vrajë natën e qaj ditën,,-kështu ka mbetur sot e kësaj kohe kujtesa jonë kombëtare për regjimet antishqiptare të Serbisë,thuhet ndër të tjera në kumtesën për opinion të SHSHA-së në Çikago.

FESTA E FLAMURIT KUQ E ZI NE AUCKLAND, ZELANDE E RE

December 2, 2017 by dgreca

Shkruan: Sabit Abdyli/

Auckland, 2 dhjetor 2017/

DREKË E PËRBASHKËT ME RASTIN E E FESTËS SË FLAMURIT/

Me rastin e Ditës së Flamurit mërgata shqiptare festuan së bashku në vikendin e parë pas Festës, pikërisht me 2 dhjetor 2017. Gjithë ditën e kaluan së bashku nëpër mot të bukur e ambient të mrekullueshëm në parkun gjigant të qytetit. U kënaqen me llafe, mahi e humor, pije e ushqime tradicionale tona. Emocione malli e krenarie tek manifestuesit zgjoi Ilir hoxha me recitimet e poezive të tija për Flamurin kombëtar . Nuk besoj të ketë në planetin tokë shqiptar më larg nga vendi i origjinës se ne shqiptarët në Zelandë të Re. Për të ardhur në Kosovë na duhet së paku 25 orë fluturim me avion. Shqiptarët këtu janë te përqendruar në qytetin e Aucklandit. Jemi diku 100 -150 familje nga gjitha tokat shqiptare. Ardhje në numër të madh shqiptarësh pati në vitin 1951. 1997 dhe 1999. Të parët ishin të ikurit nga ardhja në pushtet e komunistëve në tokat tona në vitin 1945, të dytët pas trazirave e shkatërrimeve të vitit 1997 në Shqipëri, kurse këta të fundit janë të përndjekurit me dhunë nga shtëpitë e tyre gjatë gjenocidit në Kosovë nga regjimi shovinist i Beogradit, Shqiptarët e ardhur kanë gjetur vetën në ketë shtet me demokraci të konsoliduar. Gëzon fakti se shumë të rinj shqiptarë kanë kryer studimet në universitet prestigjioze të Aucklandit. Më duhet ta them se në shënimin e festave nuk është më ai entuziazmi si dikur. Zbehja e entuziazmit ndoshta po ndodh për faktin se mërgata priste shumë më shumë punë, angazhim e arritje në Kosovën e çliruar. Mërgimtari brengën e mallin më të madh e ka për atdheun. Gëzohet për sukseset, por edhe merakoset shumë për ngecjet.

Dita e Flamurit Kuq e zi festohet në Vjenë

December 1, 2017 by dgreca

Një kurorëzim afirmativ i konkursit letrar mbështetur nga Ministria e Diasporës. Në prozë, tregimi “I huaj” me autor Hazir Mehmetin, çmimi i parë. Në poezi, vjersha “Në shkon ti…” me autor Besim Xhelilit dhe “Serenatë” e Hazir Mehmetit fituese të çmimit të parë. Mirënjohje për gjithë konkurruesit./

Shkruan nga Vjena Hazir MEHMETI/*

“Evropa ka nevojë për shqiptarë autentik, për shqiptarë të vetvetes”
(Adem Demaqi. Vjenë, 20 nëntor 2012, nga takimi me kryesinë e Lidhjes)

28 nëntor 2017, Vjenë/

Në një ambient të bukur ku flet arti, në “Der Kunstraum”, në qendër të Vjenës u mbajte orë festive letrare e organizuar në Javën e Kulturës Shqiptare në Austri, nga Lidhja e Shkrimtarë dhe Krijuesve Shqiptarë “Aleksandër Moisiu” dhe Këshillit Koordinues të Shoqatave Shqiptare në Austri. Programi u prezantua me shije nga moderatoria, Kaltërina Durmishi. Të pranishmit me një minutë heshtje nderuan të ndjerën Dr.Vlora Mehmeti-Tërshani, e cila ishte pjesë e realizimit të disa aktiviteteve letrare që nga themelimi i Lidhjes. Në emër të nikoqirit, përshëndeti Hubert Thurnhoffer, pronari i ,,Der Kunstraum’’ Galeri duke falënderuar për prezencën dhe bashkëpunimin: “Ju falënderoj për prezencën tuaj në hapësirat e sallës sonë ku ofrohet ambient i mrekullueshëm për ata që adhurojnë artin”, tha mes tjerash ai. Në fjalën e tij Anton Marku, kryetar i Lidhjes së Shkrimtarëve dhe Krijuesve Shqiptarë në Austri, uroi të pranishmëve 28 Nëntorin-Ditën e Pavarësisë së Shqipërisë dhe falënderoi të pranishmit. “Është nderë për ne të jemi pjesë e programeve të Këshillit Koordinues të Shoqatave Shqiptare në Austri, ku sonte do kurorëzojmë Konkursin Letrar me shpalljen e fituesve. Falënderojmë Ministrinë e Diasporës e cila e mbështeti këtë eveniment. Lidhja jonë po shënon suksese në botime ku tani kemi dy antologji nga krijuesit shqiptarë, “Iliricum I” dhe “Iliricum II”. Në gjashtë vjet jetë Lidhja jonë mbajti orë letrare të shumta në gjithë Austrinë”. Këtë mbrëmje e nderoi me pranin e tij dhe Dr. Musa Ahmeti, ligjërues në UN-e Budapestit i cili kishte ardhur enkas për këtë ngjarje.

Zyrtari, z. Shani Hamitaga, përfaqësues i Ministrisë së Diasporës së Kosovës i uroi të pranishmit, mes tjerash shtoi: “Ndihem i nderuar sonte të ju uroj dhe përshëndes në këtë ditë feste nga ky vend mik siç është Austria e cila e përkrahu vazhdimisht kombin tonë në momentet vendimtare historike, andaj një falënderim i veçantë këtij vendi mik…Shumë bijë e bija nga mërgata lanë rahatinë dhe me dashuri iu bashkëngjitën radhëve në luftë për liri të cilën e gëzojmë sot. Edhe tani rinia jonë po shkollohen në gjithë botën dhe po merr dije që nesër të mund të kontribuojnë në vendin e tyre. Sot shumë bijtë e bijat mërgimtare po radhitën në Top-listen, në shkencë, sport, kulturë, art në të gjitha vendet. Mirënjohje për të gjitha ato familje që japin aq shumë për vendin, progresin, për të ardhmen tonë”. Nga Ambasada e Shqipërisë z. Idlir Kaba, sekretari i dytë i saj, ua uroi festën. “Sot është festë e veçantë për shqiptarët, shpallja e pavarësisë u bë për të gjitha trevat shqiptare, por fatkeqësisht një vit më vonë u njoh vetëm një territor i ngushtë. Fatmirësisht kjo padrejtësi historike u rregullua, ne tani kemi dy shtete, një komb dhe detyrat tona janë të shumëfishta drejtë ruajtjes së vlerave kombëtare dhe lidhjes me diasporën. Shembulli më i mirë nga diaspora është ai i rilindësve tanë, edhe pse ishin jashtë trevave shqiptare dhanë shumë për çështjen kombëtare. Dhe sot përgëzimet e mia për Lidhjen e Shkrimtarëve këtu e kudo në diasporë për afirmimin e vlerave artistike e të gjuhës sonë”. Z. Imer Lladrovci, konsull në emër të Ambasadës së Republikës së Kosovës uroi të pranishmit. “Që nga nëntori i krye heroit kombëtar Gjergj Kastrioti – Skënderbeu, nëntori i Vlorës, nëntori i ditëlindjes së Komandantit Legjendar, Adem Jashari, janë bazamenti i krenarisë sonë kombëtare. Sot Kosova e njohur nga shtetet më të fuqishme të botës do ec drejtë demokracisë e zhvillimit”. Tingujt e flautës luajtur nga studentja, Fortesa Softa freskuan të pranishmit në ambientin e bukur.

Programi letrar filloi me promovimin e romanit të autori, tani i njohur, nga Budapesti, Driton Smakaj, romani i tij i tertë i radhës “D11” të cilin shkurtas e prezantoi poeti Besim Xhelili. “Driton Smakaj, u lind në Abri të Drenicës, aktualisht jeton e punon në Hungari, ishte pjesëtar i Ushtrisë Çlirimtare të Kosovës që nga ditët e para të luftës deri në mbarimin e saj. Është veprimtar e krijues i njohur, ky është romani i tij i tretë”. Për një analizë përmbajtjesore të romanit foli Dr. Etleva Lala, ligjëruese në UN e Budapestit, Katedra e Albanologjisë. Ajo në fjalën e saj e përshkroi veprën të një niveli të bukur artistik dhe përmbajtjesorë si nga ana gjeografike të shtrirjes së temë, po ashtu me elemente figurative të realizuara me sukses. Një roman që duhet përkthyer në gjuhët tjera”. Në fjalën e tij autori, Driton Smakaj, falënderoi të gjithë ata që e ndihmuan realizimin e veprës dhe promovimin e saj.
Ora letrare vazhdoi me leximin e poezive nga disa autor mes tyre ishte edhe Bardha Mance e cila kishte ardhur nga Athina, pastaj lexuan Gjin Morina, Vjollca Koni, Mërgim Osmani, Marigona Ramadani, Rreth realizimit të fituesve të konkursit nga juria në përbërje: Dr.Ina Arapi, Entela Kasi dhe Hasan Qyqalla, foli Dr. Ina Arapi. “Konkurrimi ishte tërësisht anonim dhe ne kemi vlerësua sipas kritereve letrare artistike të krijimeve në poezi dhe prozë. Fituesve sukses të reja”, tha mes tjerash. Shpërblimi i parë në prozë i takoi Hazir Mehmetit me tregimin “I huaji”; i dyti: Edona Reshidi me tregimin “Ajo”; të tretin: Angjelina Marku, me tregimin “Helena”. Në poezi shpërblimi i parë me pikë të njëjta u takoi dy krijuesve; Besim Xhelili me poezinë “Në shkon ti…” dhe Hazir Mehmeti me poezinë “Serenatë”; të tretin autorja Violeta Allmuça me poezinë “Miklimi i Jetës”. Për të gjithë konkurruesit u ndanë mirënjohje: Marigona Ramadani, Anton Marku, Alban Kastrati, , Vjollca Koni-Ajasllari, Uran Krasniqi, Melita Sulejmani, Mërgim Osmani. Shkodran Elshani. Nën përkujdesjen e Besim Xhelilit, nga punimet e konkurruesve u nxor fletushka “Konkursi 2 letrar 2017”, të cilën Lidhja… ua shpërndau të pranishmëve si dhuratë mbrëmje. Në fund u dha një koktej rasti shoqëruar me pije vendore. U organizua dhe këndi i librave nga autorët e shumtë që jetojnë në Austri.

Lidhja e Shkrimtarëve dhe Krijuesve Shqiptarë “Aleksandër Moisiu” është një shembull i mirë për gjithë diasporën në rrugën e saj në afirmimin e krijimeve letrare nga kombi ynë në ambientet shumë kulturore në Austri. Disa nga autorët shqiptarë janë tani më anëtarë të asociacioneve letrare më të njohura në Austri, PEN-Club-it dhe Lidhjes së Shkrimtarëve në Austri, janë pjesë e antologjive në gjermanisht krahas krijuesve të njohur vendës.

*Hazir Mehmeti eshte bashkepunetor i Gazetes “Dielli” ne Vjene.

Komuniteti Shqipetar ne Chicago Kremtoi Festen e Flamurit

November 30, 2017 by dgreca

1 Chikago 2 ok Cikago 1 Rizai 1 Zijadin.JPG 3 ok Cikago.JPG 2 Chikago 1 cikat e cikagos

Nga Shaban Zenuni/Chicago/

Ne nje ambient festiv ne sallen e mbushur plot te Diplomat West, vullnetaret e Komunitetit Shqiptaro -Amerikan ne Chicago organizuan manifestimin qendror te 105 vjetorit te pavaresise se Shtetit Shqiptar. Pervec nje numri te madh te bashkatedhetare ne kete nate festive ishin te pranishem edhe perfaqesuesit e shoqatave dhe organizatave te ndryshme te cilat bashkepunojne me AACI. Evenimenti u moderua nga Ilir Borova dhe Shaban Zenuni te cilet falemenderuan mysafiret per pjesmarrjen e tyre. Ato njeherazi perkujtuan te pranishmit per miqesine mes popullit tone dhe atij Amerikan si dhe njiheri I bene thirrje publikut te perkrahin Komunitetin Shqiptaro-Amerikan me pune vullnetare dhe mjete financiare per avancimin e brezave te ri.Zoti Borova lexoi letren e Ambasodores se Shqiperise, zonjes Floreta Faber, e cila dergoj urimet dhe kenaqesin e saj per ”Arritjet e AACI te cilat jane nxitje dhe frymezim per te gjithe”… 1 Flamuri kulla 1 salle Cikago 1 ne shesh cikago 24210333_1237347159742762_688452777347357764_o 24059631_1237332579744220_5667266593771149187_o 24129694_1237340899743388_1197561326494693211_n

Ne vazdim Moderatoret ftuan Kryetarin e Komunitetit Z.Gjaneto Harusha te hape mbremjen festive. Ai falenderoi pjesmarresit per perkrahjen e tyre ndaj AACI-se, organizate jofitimpruese e cila ne misionin e saj ka per qellim edukimin dhe bamiresine.Kryetari Harusha nenvizoi disa objektiva te rendesishem te kesaj organizate dhe gjithashtu I beri thirrje bashkatdhetareve te antaresohen ne AACI dhe te japin kontributin maksimal ne edukimin ruajtjen e gjuhes dhe traditave kombetare ne shtetin e Ilinois.

Lideri I AACI z.Harusha falenderoi sponsoret kryesore: Manuela Papazisi Real Estate Broker Caldwell Banker; Ilir Numani me Country Financial; Amazing Trucking and Dassler Logistics, Alfred Karalli me Mobile & BP gas stations, Kosta Shamata Luxara Real Estate Kris Maranda me Maranda Real Estate Group, Aurel Maranda me Fairway Independent Mortgage Corporation dhe shume te tjere.Ne kete mbremje festive ishin te prenishem dhe perfaqesuesit e qendrave fetare. At Konstadin Tuda, Prifti I kishes Orthodoxe Shqiptare, nder te tjera nenvizoi rendesine e ruajtjes te gjuhes tone ne megrim, mision ky, te cilin jua perkujtoi nenave Shqiptare dhe gjithe prinderve qe sa me shume te flasin gjuhen shqipe ne familjet e tyre.Mbremjen festive e shoqeruan tingujt e muzikes popullore per te cilen u kujdesen kengetaret e njohur Irma Libohova, Genta Ismaili, Shpat Kasapi dhe Grupi Muzikor Memedheu.Po ashtu vlen te permendet edhe Pjesmarrja e 97 vjecarit Hafuz Jusuf Azemi I dekuruar me Cmimin “ Nderi I Kombit” vitin e kaluar nga president Nishani.Ndersa Xhemail Elezi, nxenes I shkolles shqipe Drita nga Rokford, interpretoi Hymnin Amerikan me saksofon.Vallet dhe kenget popullore ne Diplomat West u degjuan deri ne oret e hershme te mengjezit, ku te pranishemit u larguan me buzeqeshje dhe perqafime me shprese se do takohen se shpejti ne muajin shkurt te vitit te ardheshem ne kremtimin e pavaresise se Shetetit te Kosoves.Solemeniteti I festes kombetare vazhdoje ne qender te Chicagos te marten me 28 Nentore Ku ngritjen e flamurit gjigant e beri Mysafiri specilal z.Ziadin Sela, deputet ne parlamentin e Maqedonise. Ai nder te tjera shprehi kenaqesine te jete prezent ne mesin e Komunitetit Shqiptare te perbere nga gjitha krahinat ne nje “Mini Shqiperi” Ziadin Sela pergezoi Komunitetin Shqiptaro- American per organizimin e kesaj dite te rendesishme e cila bashkon gjith Kombin tone.Ne vazhim te ketij evenimenti fjalen e rastit e moren Dan Shure, Ish president I dhomes ekonomike Israelo-Amerikane dhe president i BeShure LLC ne Chicago,ish kryetar I AACI Profesor Ilijaz Kadriu,Memo Gjonzeneli dhe kryeteri I tanishem I AACI-se, z.Gjaneto Harusha . Ky I fundit duke shfletuar momentet e rendesishme te historis se kombit nder te tjerat theksoi fatin e madhe qe Shqiperia kishte prane saj Shtetet e Baskuare Aleati me I fuqishem ku njeri I liderve te saj JFK tha” Mos pyet se cfare beri sheti per juve por cfare ju mund te beni per shtetin Tuaj” Duke reflektuar situaten e sotme ne shtetet shqiptare e sidomos luften kunder korupciont zoti Harusha nenvizoi se secili nga ne mund te beje me teper nese fokusohemi tek edukimi I gjenerates se re te punojme me teper se bashku dhe te luftojme te zgjidhemi ne organet lokale ku jetojme ne Sh.B.A.Te avancojme agjenden e cila na bashkone dhe fuqishem te luftojme ndarjet Krahinore apo fetare.”Ky do ishte falenderimi me I madhe qe I kishim bere Ismail Qemalit,Isa Boletinit ,Luigj Gurakuqit dhe Heronjve te tjere” Zoti I bekofte Shqipetaret kudo qe jane, zoti I bekofte Shtetet e Bashkuara te Amerikes ishin fjalet e fundit te kryetarit te AACI I cili e mbylli manifestimin e ngritjes se Flamurit Kombetar ne Chicago.