Agim Baçi/

Rrëmuja që ka ndaluar prej kohësh para derës së PD-së duket se ka hequr vëmendjen e shqiptarëve nga një skandal që duhej të ndalej vetëm me hetimin në zyrat më të larta të qeverisë shqiptare, madje në zyrën e Kryeministrit Rama.Për këdo që nuk ka ndjekur lajmet me kujdes, mjafton të dëgjojë se, një nga katër personat që akuzohet se ka mundur të fusë në dorë të dhënat shumë të rëndësishme për qytetarët shqiptarë, Endri Ikonomi, ka qenë i punësuar për një nga miliarderët rus, Oleg Viktorovich Boyko, të përfolur më së shumti jo për pasurinë e tij dhe si një nga 100 bisnesmenët më të pasur rusë, por më shumë për historitë që lidhen me këtë emër. Kështu, sipas të dhënave që janë bërë publike, rezulton se një raport inteligjence i Senatit të SHBA e citon oligarkun Boyko si person me lidhje shqetësuese me qeverinë ruse, inteligjencën dhe shërbimet e sigurisë së Rusisë dhe me lidhje me krimin e organizuar. Ky raport përshkruan edhe se “shtypi moldav ka raportuar se Boyko ishte i përfshirë në një operacion të mbeshtetur nga Kremlini për influencimin e jashtëm të zgjedhjeve atje”.Gjithashtu, platforma investiguese e gazetarëve rumunë “Black Sea” e citon Oleg Boykon si investitorin e Fashion TV që së bashku me një partner në Letoni e kanë përdorur Maltën si parajsë fiskale për të operuar në Europë dhe SHBA ndërsa kanë fituar shuma marramendëse për kredi emergjente tek më të varfrit e Europës pa paguar taksa.Pas daljes në dritë të këtyre të dhënave vlen të pyesim: Prokuroria e Tiranës vërtet do ndalet në këtë version të vjedhjes vetëm për një shitje banale të të dhënave, që ka të bëjë me presionin ndaj personave të ndryshëm- që gjithsesi mbetet një shkleje shumë e rëndë për sigurinë dhe privacinë e çdo qytetari- apo do hetojë edhe lidhur me sigurinë kombëtare të cënuar nga zotërimi që kanë këto të dhëna nga shtetas që hetohen për lidhje nga më të dyshuarat në veprimtarinë e tyre të përditshme? E nëse cënohet siguria, a do arrijë prokuroria të marrë nën hetim krerët e AKSH-it, dhe ata që kanë mbrojtur këtë institucion si në rastin e daljes së patronazhistëve ashtu dhe pagave e targave, përfshi këtu edhe Kryeministrin Rama që bëri gjithçka për të mbrojtur institucionin që menaxhon të dhënat e shiptarëve?Ka në fakt një mënyrë që kryeministri mund të shmangë prokurorinë në këtë rast: ta hedh si sondazh me qytetarët te platforma e bashkëqeverisjes, duke pyetur fare hapur nëse duhet ta lejojë ai prokurorinë e Tiranës apo SPAK-un ta hetojnë atë dhe vartësit e tij apo jo…

Robert Budina/

Për herë të parë në ekranin e televizionit vjen një film serial dramatik shqiptar, mbi përpjekjen e tre gazetareve investigative, që zbulojnë një mega skandal, se si politika në bashkëpunim me biznesin dhe duke përdorur krimin vjedh pasuritë e shqiptarëve. Çfarë fshihet pas këtij skandali? Sa do të rrezikojnë gazetaret tona? Filmi serial KATRORI I PUSHTETIT do të shfaqet nga e diela, datë 9 janar 2022 për tetë të djela rresht në TV KLAN. Filmi e merr frymëzimin nga realiteti i hidhur social politik shqiptar dhe sfidat me të cilat njerzit e përgjegjshëm në këtë vend duhet të përballen përditë, që nga mbijetesa, presionet e deri tek kërcënimet kur i kundërvihen një pushteti mafioz që po gllabëron përveç pasurive të vendit edhe fjalën e lirë.
Dy fjalë të regjisorit Robert Budina
Përpjekja për të qënë një krijues i pavarur dhe trajtuar problemet që shqetësojnë vendin tim ka qënë sfida e kahershme në të gjitha krijimet e mija, që kur isha student për regji teatri në Akademinë e Arteve në fundin e diktaturës. Të jetuarit në kohë me konflikte të mprehta politike e sociale, më bëri të reflektoj se krijimi artistik nuk është thjesht një shprehi estetike. Atë e kam konceptuar gjithmonë, si një faltore ku të mund të tregoj mëkatet e mia dhe të qenies njerëzore në përballje me të keqen, si një katharsis shoqëror. Pas një eksperience profesionale dhe njerëzore të gjatë, në përballje me mekanizmin e katrorit të pushtetit, vendosa ta rrefej shqetësimin tim si krijues, për mënyrën se si ai shfaqet në jetën tonë të përditshme, përmes një zhanri pak të eksploruar tek ne, ai i “filmit serial”. Përtej realitetit, ky projekt synon të ringjall besimin se media dhe gazetaria mbeten instrumenti i vetëm për të rrëfyer të vërtetën në favor të interesit publik pa kompromis. Të jesh kritik me pushtetin në Shqipëri është një sport i vështirë, dhe të bësh art duke qënë hapur kundër pushtetit është utopi. Pa lëre pastaj të bësh art të angazhuar. Ka nga ata, që e kuptojnë sikur po bën politikë dhe jo art, sepse realizmi socialist i ka rrënjët e thella dhe ende një pjesë e madhe filmin e shohin si propogandë. Mos flasim për autocensurën që shumë prej nesh nga frika e mbijetesës e japin gratis në këmbim të lirisë tyre. Arti nëse do të jetë i vërtetë dhe pro publikut, është i destinuar të jetë në opozitë, sepse duhet të trajtojë problemet që shqetësojnë një shoqëri nëse përndryshe nuk do të kthehet në propogandë.Arti ka qënë mjeti i parë opozitar që njerzimi ka shpikur. Link: https://we.tl/t-vuBqW6bs62

Dr. Ndoj Mhilli

Sot kam vendos të ju flas shqiptarëve në lidhje me një fatur marramendëse, të çuditshme dhe të pabesueshme të zhvatjes së xhepave të shqiptarëve normal, në Sheshin Skënder Bej. Një gjë e tillë askund në botë nuk ndodh. Madje një faturë e tillë as një hoteli me 5 Yje si Plaza apo Rogner etj., nuk i shkon për shtat dhe as nuk justifikohet në asnjë llojë logjike ekonomike. Kësisoj krimi ekonomik ( spese kjo nuk është fatur, por zhvatje) nuk e di as nuk vepron, çuditerisht. Kryetari i Bashkzezës nuk e di, sepse po bën gati ndonje leje tjeter rrënimtare të qyteteit, pra një leje ndërtimi, që të rrit pasurinë e tij dhe lukunisë që e ndjek nga pas si qeni i Shën Rrokut, mbi kurrizin e popullit dhe veçanarisht të varfërve. Një pjesë sigurisht i shërben për piarin e tij (që të imitoj diktatorin duke bëre çdo ditë foto me fëmij, në një përpjekje pedofilie politike) dhe siç u pa për lukunin e këshillëtarëve të tij, të cilët me sa duket janë aq të “ditur”, saqë e kanë këshilluar që të gropos njëherë e përgjithmonë kryeqytetin e shqiptarëve nga pikëpamja infrastrukuturore dhe kulturore.

Të gjithë e dimë se varfëria lind nga korrupsioni, jo se ajo lind bashkë me qenien – njeriun, që të kuptohemi. Ndërkaq, për këtë nuk ka dijeni as Ministria e Financave, madje nuk e di as Kryetari i Shqipove, sepse s’ka si ta dij, sepse ka rënë në gjumë letargjik si gjithë klasa politike 30 – 108 vjeçare shqiptare. E dini ju pse heshtin të gjithe këta?

Heshtin, sepse ju shkon ne xhep përqindja e fitimit nga këto biznese të oligarkisë, në të vërtet të ndonjë aksh politikani. Biznesmen që më ngjajnë me vapmire me fytyra të pangopësisë, zhvatjes, rrënimit, pra vetë satanajt. Provojeni ju njerzit normal te këtij vendi të gjorë ta bëni një gjë të tillë, dhe do përballeni me pasoja aq shpejt sa as nuk e merrni me mend. Mirëpo, porblemi kryesore nuk është çmimi i faturës në vetvete, por dëmi dhe ajo që shkakton fatura mbi shoqërinë, sepse fatura të tilla ndeshim kudo dhe ngado.

Mirëpo është e pa pranueshme dhe e tmerrshme një faturë e tillë.

E dini pse? Sepse një i ri (qenia njerëzore) që me te drejten e Zoti dhe shanseve te barabarat do të festoj, me një rrog normale nuk e perballon dot, pra ai simbas kësaj logjike satanike nuk ka të drejtë të festoj në këtë shoqërinë tonë të zezë, të kalbur, hajdutë, zhvatës dhe çnjerëzorë. Kësisoj, duke qenë se e ka nevojë të domosdoshme dhe jetike të festoj si të gjithë njerëzit e tjerë, kjo fatur zhvatje do ta çoj ate, me sakt do ta detyroj të bëhet pjesë e botës së krimit, korrupsionit, pra të keqes, thjesht e vetëm për të qenë normal si të gjithë të tjeret.

Dihet se ne nuk jemi shoqëri e normalitetit, por, mjerisht e anormalitetit, prandaj si bënë më njeriu përshtypje as shetit, as popullit, as prostitutave politike të mediave, që paguehn, siç u pa,  me rroga marramendëse. Pra askujt. Me pak fjalë heshtja kaplonë të gjithë shoqerinë tonë për ballë të keqes. Shenjë kjo e apatisë, vdekjes së virtyteve dhe vlerave njerezore si dhe mungesës së dinjitetit njerëzor.

Ndër të tjera kjo fature si fenomen i përhapur kudo nëpër Shqipëri po i detyron shqiptarët të ikin nga sytë-këmbët nga ky vend, sepse ligji, rendi, drejtësia dhe barazia nuk ekzisojnë fare. Ky problem i vogël në dukje në thelb është problemi aq i madh dhe ekzistencial për një shoqëri, sa që buqet, mirëpo shtetarët tanë zagarë dhe hajdute pjesē e botës së krimit, të zhytur deri në fyt, këtë gjë as nuk e ndjejn as nuk e kanë fare problem. A dini pse ? Sepse ata dhe bota e krimit të oligarkisë rrënimtare, fëmijeve dhe familjeve të tyre ua mundesojnë të përballojnë atë dhe cdo lloj  fatur tjeter, sepse ua vjedhin popullit në fond e tendera publik, apo nëpërmjet drogës, pastrimit të parave dhe çdo vepre tjetër kriminale fitimprurëse. Pikërisht ketij modeli ne si shoqëri duhet ti japim fund me çdo kusht e çmim. Sidoqoftë, o shqiptar duhet ta dini se një gjë e tillë arrihet vetem me rrezimin me çdo kusht e çmim të këtij sistemi satanist dhe çnjerëzor, të pa shpirtë që kemi ndertuar ne si shoqëri mjerane.

Pjesëmarrja e drejtpërdrejtë e SHBA-së në dialog dhe zgjidhjen e konfliktit ndërmjet Kosovës dhe Serbisë është qenësore

Nga MA. AGIM ALIÇKAJ

Nju Jork, Me 3 Janar 2022         

I nderuar  Zoti President Biden, 

         Si shumë shqiptaro-amerikanë të tjerë, unë votova për ju në zgjedhjet presidenciale të vitit 2020, edhe pse jam republikan i regjistruar. Vota ime ishte e bazuar në respektin e madh për shërbimin tuaj të gjatë për popullin amerikan dhe dy çështje tjera shumë të rëndësishme, njëra e brendshme e tjetra ndërkombëtare. Çështja e brendshme ishte e fokusuar në afrimin dhe bashkimin e popullit amerikan pas vitesh përçarje ekstreme; dhe e dyta ishte shpresa se do t’i kushtoni vëmendje më të madhe situates në Ballkan. Besoj se për të parën duhet më shumë kohë sepse është proces i vazhdueshëm. Fatkeqësisht, çështja e dytë nuk është as afër ndonjë zgjidhjeje të drejt e të qëndrueshme.

          Në letrën time të parë të hapur që ju dërgova menjëherë pasi që ju u bëtë President, unë paraqita arsyet pse SHBA-ja dhe ju personalisht duhet të angazhoheni drejtpërdrejt  në Ballkan dhe zgjidhjen e konfliktit midis Kosovës dhe Serbisë. Meqë të gjitha argumentet e bëra atëherë vlejnë edhe sot, po e jap qasjen: https://gazetadielli.com/leter-presidentit-biden/

         Që nga ajo letër, shteti hegjemonist shovinist serb, i mbështetur nga Rusia, po vazhdon sjelljen e tij destruktive, me urrejtje dhe armiqësi të hapur ndaj popullit shqiptar, si dhe destabilizimin e Kosovës, Bosnjës. Malit të Zi dhe Maqedonisë së Veriut. Sunduesit e Serbisë, kriminelët e mundshëm Vuçiq, Daçiq dhe Vulin po ndjekin të njëjtat politika të mentorëve të tyre, kriminelëve të luftës Millosheviç, Karaxhiç dhe Mladiq. Ata po punojnë ngushtë me Rusinë dhe Kinën kundër interesave të SHBA-së dhe BE-së në Evropën Juglindore.

         Diplomatët perëndimorë  po përpiqen pa sukses të tërhjekin Serbinë nga aleanca me Rusinë dhe Kinën në kurriz të popullit shqiptar. Z. Josep Borrell dhe z. Miroslav Lajçak përgjegjës për dialogun, po veprojnë më shumë si agjentë serbë sesa ndërmjetës të paanshëm. Me pesë vende evropiane që nuk e njohin pavarësinë e Republikës së Kosovës, Be-ja nuk ka mundësi të sjellë asnjë zgjidhje. Përfaqësuesit dhe populli i Kosovës kanë arsyje shumë të forta për të mos i besuar BE-së. Historikisht, Evropa ka toleruar ose mundësuar tre gjenocide ( rreth viteve 1887, 1912 dhe 1945) të Serbisë kundër popullit shqiptar.

         SHBA-të janë shpresa e vetme për një zgjidhje afatgjate të konfliktit. Megjithatë, politika e administratës suaj në Ballkan, edhe pas emërimit të ambasadorëve të fuqishëm në Prishtinë dhe Beograd, si dhe të dërguarit special me përvojë për Ballkanin Perëndimor, Z. Gabriel Escobar, është ende shumë e paqartë dhe e paqëndrueshme.

         Nuk ka mbështetje të mjaftueshme nga SHBA-të për liderët e pakorruptuar, të aftë, me arsim të lartë, me shumë përvojë, properëndimorë të Kosovës, Presidenten Vjosa Osmani dhe Kryeministrin Albin Kurti. Pas më shumë  se një dekade keqmenaxhimi nga ish qeveritë e korruptuara dhe të shantazhuara të Kosovës, ata po mundohen shumë të zhvillojnë ekonominë, të luftojnë korrupsionin dhe të ndërtojnë demokracinë, si dhe të përballen me përpjekjet serbe për ta destabilizuar dhe shkatërruar shtetin e Kosovës.

         Ata po përpiqen të bëjnë çdo gjë siç duhet në koordinim të afërt me Perëndimin dhe nuk po vlerësohen. Nga ana tjetër serbët e udhëhequr nga Vuçiq po i bëjnë të gjitha të këqijat në të gjitha mënyrat dhe po konsiderohen normal nga përfaqësuesit ndërkombëtarë.

         Dialogu midis  Kosovës dhe Serbisë, i ndërmjetësuar nga Evropa për 13 vjet, ka dështuar plotësisht. Shumica e 30 marrëveshjeve të nënshkruara nuk zbatohen nga Serbia. Përfaqësuesit evropian po i bëjnë presion Kosovës për të respektuar vetëm një marrëveshje të dëmshme antikushtetuese për formimin e “asociacionit të pastër etnik serb”. Një shtet multietnik me entitete të pastra etnike nuk ka kurrëfarë kuptimi dhe është kundër vlerave dhe politikave amerikane dhe evropiane. Ende ka përkrahje të kërkesës mizore serbe për ndryshim kufijsh dhe ndarje të Kosovës. Praktikisht, Qeverisë së Kosovës po i bëhet presion që të pranojë shkatërrimin e shtetit të vet.

         Përfaqësuesit tanë amerikanë po e tolerojnë këtë politikë të padrejtë dhe të dështuar. Ju lutem zoti President, kërkoni nga ata që të mos i bëjnë presion liderëve të Kosovës për të krijuar asociacion të pastër etnikisht serb dhe për të pranuar çfarëdo ndryshimi të kufijve. Ata nuk mund ta pranojnë këtë gjë sepse kjo paraqet tradhëti ndaj interesave shtetërore dhe kombëtare. Prandaj edhe populli shumicë i Kosovës i votoi ata në mënyrë demokratike. Për më tepër, ky popull nuk do të heqë dorë kurrë nga liria e tij e fituar me gjak dhe sakrifica të shumta.

         Marrëveshja e Shtëpisë së Bardhë e 4 Shtatorit 2020, e organizuar nga ambasadori amerikan jodiplomatik proserb, z. Richard Grenell, është gjithashtu dështim në mënyra të ndryshme. Kjo e ashtuquajtur “Marrëveshje për normalizim ekonomik” është plotësisht e parealizueshme përderisa agresori serb nuk ia njeh të drejtën viktimës (Kosovës) për të ekzistuar. Për më keq, barazimi në mes të së drejtës së Kosovës për të kërkuar njohje dhe përpjekjeve armiqësore të Serbisë për ti bllokuar ato, ishte i gabuar dhe ofendues. E vetmja gjë e mirë e takimit në Uashington ishte njohja e vonuar e pavarësisë së Kosovës nga Izraeli. Ndërkohë Kosova ka hapur ambasadën në Jerusalem, ndërsa Serbia nuk e ka as ndërmend ta zhvendosë ambasadën e saj nga Tel Avivi në Jerusalem.

         Realiteti është se zoti Grenell orkestroi marrëveshjen për nevojat e fushatës zgjedhore të ish-Presidentit Trump për ta paraqitur ate si një “paqebërës” të madh.

Të gjithë serbo-amerikanët e mbështetën Trumpin. Pothuajse të gjithë shqiptaro-amerikanët (demokrat dhe republikanë) ju mbështetën juve. Ne fituam dhe ata humbën. Qëllimi i marrëveshjes së Uashingtonit ka përfunduar me zgjedhjen tuaj President i Shteteve të Bashkuara të Amerikës.

         Vendimi i Departamentit të shtetit për shpalljen “non-grata” të disa bosëve serbë të krimit të organizuar në pjesën veriore të Kosovës është me vend dhe i rëndësishëm. Do të ndihmojë shumë në luftimin e korrupsionit dhe krimit të organizuar si dhe zhvillimin e demokracisë në Ballkan. Është nevojë e ngutshme që edhe kriminelë tjerë dhe lider të korruptuar të Ballkanit të futen në këtë listë.

         Edhe pa njohjen e pavarësisë nga Serbia, Republika e Kosovës është në rrugë të drejt për t’u bërë një shtet i qëndrueshëm demokratik properëndimor. Pengesë kryesore e cila po vështirëson gjithçka është sjellja destruktive e presidentit të Serbisë Aleksandar Vuçiq dhe e kryeministrit të Shqipërisë Edi Rama. Pasi nuk arritën ta ndajnë dhe shkatërrojnë Kosovën, ata kan zbuluar një projekt tjetër për të izoluar dhe dominuar Kosovën, për të krijuar përbindëshin “Serbi e Madhe”, si dhe për të futur Shqipërinë dhe Serbinë në bllokun rus.

         Shumica e popullit shqiptar është kundër këtij projekti të errët. Ai ju kujton atyre politikën mashtruese të “kufijve të hapur” midis shteteve komuniste, të shpallur nga komunistët gjatë dhe pas Luftës së Dytë Botërore, e cila i kushtoi popullit shqiptar me më shumë se 50 mijë viktima të pafajshme. Ky ishte gjenocidi i tretë serb mbi popullin shqiptar.

         Vuçiq, Rama dhe shumë zyrtar tjerë që ju shërbejnë atyre, janë gjithashtu të përfshirë në korrupsion dhe të lidhur me elementë kriminal në të dyja shtetet, të Serbisë dhe Shqipërisë. Ata po e minojnë demokracinë dhe po punojnë drejtpëdrejt kundër interesave të BE-së dhe SHBA-ve në Ballkan. Ata duhet të ndalen me çdo kusht. Për fillim, ata janë kandidatë shumë të mirë për statusin “non-grata”.

         Deklarimi “persona non grata” nga SHBA-të i ish-liderit antikomunist pro-amerikan të Partisë Demokratike të Shqipërisë, z. Sali Berisha, i cili mbajti edhe dy postet e Presidentit dhe Kryeministrit të Shqipërisë, duket i panevojshëm dhe jopërfitues për interesat amerikane në Ballkan. Sigurisht që, ishte në të drejtën e Departamentit të Shtetit ta bënte këtë dhe ata nuk kan nevojë ta dokumentojnë vendimin e tyre.

         Por, edhe pas shtatë muajsh, nuk ka asnjë fakt të besueshëm të dëshmuar për ta vërtetuar korrupsionin dhe ndonjë sjellje të tij kriminale. Sipas standardeve tona amerikane, çdokush është i pafajshëm derisa të provohet fajësia e tij.  Ai ishte jashtë pushtetit për tetë vitet e fundit. Nuk është qëllim i imi të mbroj zotin Berisha. Përkundrazi, vetëm do të doja të theksoja rolin e tij të rëndësishëm në periudhën postkomuniste. Ai e orientoi Shqipërinë tërësisht drejt Perëndimit, duke e anëtarsuar në NATO dhe duke siguruar liberalizimin e vizave. Përkrahësit e tij të shumtë në mbarë Trojet shqiptare janë me shumicë antikomunistë dhe proamerikanë. Një pjesë e madhe e tyre ishin të persekutuar dhe të burgosur politikë të cilët humbën edhe anëtarë të familjeve nga kthetrat komuniste në Shqipëri.

         Shumica e anëtarëve të Partisë Socialiste të Shqipërisë, përfshirë kryeministrin Rama, kanë nostalgji për epokën komuniste me prirje më shumë pro ruse sesa pro amerikane. Alternativa e zotit Berisha brenda partisë Demokratike të Shqipërisë, z. Lulzim Basha është treguar lider shumë i dobët dhe i dështuar, pa karakteristika drejtuese. Me gjithë të mirat dhe të këqijat, zoti Berisha dhe mbështetësit e tij duket se janë basti ynë më i mirë në Shqipëri, në këtë kohë. Duhet shpresuar se e ardhmja do të sjellë liderë më të mire dhe të pakorruptuar në Shqipëri, si znj. Vjosa Osmani dhe z. Albin Kurti në Kosovë.

         Përfundimisht, është fakt i pamohueshëm se shqiptarët e duan dhe e respektojnë Amerikën më shumë se çdo komb tjetër në botë, ndërkohë që të gjithë e dinë se shumica e populllit serb e mban gjithmonë anën e Rusisë para Amerikës. Kjo gjë nuk do të ndryshojë kurrë.

         Për t’i mbrojtur interesat strategjike amerikane dhe për ta përfunduar me sukses investimin amerikan në Kosovë, ka ardhur koha që SHBA-të  të marrin pjesë drejtpërdrejt në dialog. Ka ardhur koha që vendi më proamerikan në botë Kosova, të anëtarsohet në NATO, të binden pesë vendet e mbetura të BE-së që ta njohin pavarësinë e Kosovës, të miratohet liberalizimi i vizave dhe të fillojë procesi i gjatë i hyrjes së Kosovës në Bashkimin Evropian. 

         Vetëm Amerika, e udhëhequr nga ju zoti President, mund ta bëjë këtë.

         Kombi shqiptar është ndarë padrejtësisht dhe çnjerëzisht i detyruar të jeton në 6 shtete të ndryshme të Ballkanit. Krejt çka dëshiron populli shqiptar është që të mund të ekzistojë dhe të jetojë i lirë në shtëpitë e veta në trojet stërgjyshore, që t’i ketë të garantuara të drejtat e tij njerëzore dhe nacionale kudo, që të mund të komunikojë pa pengesa dhe të merr frymë lirshëm si një komb i të njëjtit gjak, gjuhë dhe prejardhje kombëtare.

Gëzuar Vitin e Ri 2022 zoti President!

Zoti ju bekoftë ju, familjen tuaj dhe kombin amerikan!

Zoti e bekoftë kombin shqiptar!

The direct US involvement in Dialogue and solution to the conflict between Kosova and Serbia is essential

SECOND OPEN LETTER TO THE PRESIDENT OF THE UNITED STATES OF AMERICA JOSEPH BIDEN

By AGIM ALIÇKAJ, MRSC.    

New York, January 3, 2022

Dear President Biden,

         As many other Albanian-Americans, I voted for you in the 2020 presidential election, even though I am a registered Republican. My vote was based on the great respect for your long time service to the American people and two very important issues – one domestic, one international. The domestic issue was focused on bringing the American people together after years of extreme divisiveness; and the second was the hope that you would give better attention to the situation in the Balkans. I believe that the first one needs more time since it is ongoing process. Unfortunately, for the second issue, it seems we are nowhere near any lasting solution.

         In my first open letter sent to you shortly after you became a President, I laid out reasons why the US and you personally need to get directly involved in the Balkans. I am providing the link, since all of the arguments made then, are still valid today. https://gazetadielli.com/an-open-letter-to-the-president-of-the-united-states-of-america-joseph-biden/

         Since that letter, the chauvinistic hegemonic country of Serbia, supported by Russia, is continuing its destructive behavior, with open hatred and enmity against Albanian people, as well as destabilization of Kosova, Bosnia, Montenegro and North Macedonia. The leaders of Serbia and potential criminals Vucic, Dacic and Vulin are pursuing the same policies of their mentors – war criminals Milosevic, Karadzic and Mladic. They are working closely with Russia and China against the interests of the US and EU in Southeastern Europe.

          Western diplomats have been trying unsuccessfully to win over Serbia from their alliance with Russia and China at the expense of the Albanian people. Mr. Josep Borrell and Mr. Miroslav Lajcak in charge of Dialogue, are acting more like Serbian agents than unbiased mediators. With five European countries not recognizing the Republic of Kosova, EU will never be able to bring to any solution. The representatives and the people of Kosova have very good reasons to distrust EU. Historically Europe has tolerated or enabled three genocides (around years 1887, 1912, 1945)  committed by Serbia against the Albanian people.

         The USA is the only hope for any long term solution to the conflict. However, the policy of your Administration in the Balkans, even after the newly appointed Ambassadors to Prishtina and Belgrade as well as the experienced, competent Envoy to the Western Balkans Mr. Gabriel Escobar, is still very unclear and unstable.

         There is not enough support by the US for the uncorrupt, highly educated, very experienced, pro-western leaders of Kosova, the President Mrs. Vjosa Osmani and the Prime minister Mr. Albin Kurti. After more than a decade of mismanagement by former corrupt governments of Kosova, they are trying very hard to fight corruption, develop the economy and build democracy, while standing-up to the Serbian efforts to destabilize and destroy the country. 

         They are trying to do everything right in close coordination with the West and are getting little or no credit. Serbian rulers led by Vucic are working with Russia, and doing everything wrong in every way possible and are getting away with it.

          The Dialogue between Kosova and Serbia, mediated by Europe for 13 years has failed. Most of the 30 signed agreements are not being implemented by Serbia. European representatives are pressuring Kosova to honor only one unconstitutional harmful agreement for the formation of “ethnically clean Serbian association”. A multiethnic country with ethnically clean entities does not make any sense. It is against American and European values and policies. Some are also supporting the Serbian atrocious idea for a border change and division of Kosova. With these propositions, the Government of Kosova is essentially being pressured to accept the destruction of their own country. 

         Our US representatives are going along with this unfair, unjust and totally failed policy. Please Mr. President, ask them not to pressure Kosova leaders to create ethnically clean Serbian association and discuss any form of border changes. They will not and cannot accept it, betraying the interests of the state and the nation. That is why they were elected. Moreover, the people of Kosova will never give up their freedom. 

         The September 4^th 2020 Whitehouse agreement, organized by the pro-Serbian undiplomatic US Ambassador Mr. Richard Grenell is also a failure in so many ways. The so called “Agreement for economic normalization” is not workable as long as Serbian aggressor does not recognize the right of the victim (Kosova) to exist. Even worse, equality between the right of Kosova to seek recognition and arrogant unjustified desire of Serbia to block it was wrong and offensive. The only good thing about the meeting in Washington was the long time overdue recognition of the Republic of Kosova by Israel. Kosova has opened the Embassy in Jerusalem while Serbia has yet to move its Embassy from Tel Aviv to Jerusalem.

         The reality is that Mr. Grenell orchestrated the agreement for former President Trump’s campaign need to claim that he is a great “peacemaker”. All Serbian-Americans supported Trump. Almost all Albanian-Americans (Democrat and Republican) supported you. We won and they lost. The purpose of the Washington agreement has ended with your election as the President of United States of America.

         The Decision by the State Department to declare “Non Grata” several Serbian bosses of organized crime in Northern part of Kosova is very important. It will definitely help with fighting corruption and organized crime, as well as developing democracy in the Balkans. More criminals and corrupt leaders of the Balkans should be put on the list.

          Even without Serbian recognition of Kosova independence, the Republic of Kosova is in the right path to become a stable democratic pro-Western country. The main obstacle which is making everything more difficult is the destructive behavior of the President of Serbia Aleksandar Vucic and the Prime Minister of Albania Edi Rama. After failing to divide and destroy Kosova, they have come up with another very perfidious project, so called “Open Balkans”. This is another attempt to isolate and dominate Kosova, create the monster of “Greater Serbia” as well as bring Albania and Serbia under the Russian block.  

         The majority of the Albanian people are against this dark project. It reminds them of the “open boarder” policy between communist countries, proclaimed by communists during and after World War II, which cost Albanian people more than 50 thousand innocent lives. This was the Serbian third genocide against the Albanian people.

         Vucic, Rama and many other government officials serving them, are also heavily involved in corruption with ties to the criminal elements in both countries. They are undermining democracy and working directly against the EU and US interests in the Balkans. They must be stopped. They are very good candidates for “non-grata” status. 

         The declaration “a person non-grata” by the US of the former anti-communist pro-American leader of the Democratic Party, Mr. Sali Berisha who held both positions of the President and the Prime Minister of Albania appears to be unnecessary and not beneficiary to the US interests in the Western Balkans. Of course, it was within the rights of the State Department to do so and they do not have to document their decision.  

          But, even after seven months, there are no reliable proven facts of his corruption and any criminal behavior. By our US standards anyone is innocent until proven guilty. He was out of power for eight years. It is not my intent to defend Mr. Berisha. Rather, I would like to point out his role in the post-communist era. He oriented Albania completely to the West, by joining NATO and getting visa liberalization. His supporters all-over Albanian lands are anti-communists and most pro-American, many of them political prisoners and people who lost family members at the hands of communists in Albania.

          Most of the Socialist Party members including PM Rama have nostalgia for the communist era and tend to be more pro-Russian than pro-American. The alternative to Mr. Berisha within Democratic Party of Albania, Mr Lulzim Basha has shown to be very weak and a failed leader with no leadership characteristics. With all the good and the bad, Mr. Berisha and his supporters appear to be our best bet in Albania at this time. We are hoping that the future would bring better uncorrupt leaders in Albania, the likes of Mrs. Vjosa Osmani and Albin Kurti in Kosova.

         In conclusion, it is a fact that Albanian people love and respect America more than any other nation on earth, while everyone knows that the majority of the Serbian people would always side with Russia over America. This will never change. 

         In order to protect American strategic interests and bring its investment in Kosova to a successful conclusion, it is time for the US to get directly involved in the dialogue. It is time to give the most pro-American country in the world membership in NATO, convince the five remaining EU countries to recognize Kosova’s independence, approve visa liberalization and start the long process of Kosova’s entry in the European Union. Only America, led by you Mr. President, can do it.

         The Albanian nation has been unjustly, inhumanly divided and living in 6 different countries in the Balkans. All Albanian people want is to be able to exist and live freely in their homes in their ancestry lands, to have their human and national rights preserved everywhere, to be able to cooperate with each other and breathe as one nation of the same blood, language and national background.

Happy New Year 2022 Mr. President!

May God bless you, your family and the American nation! 

May God bless the Albanian nation!

Alma N. Lico/

Nostalgjia feminore eshte nje rrugëtim qe ndalet dhe rikthehet ne menyre spontane, sa here e ftoj!… Pertej përkufizimit te bere nga psikologet, e perceptoj fare thjeshte ate!Nostalgji…per cdo kujtim me përjetime te bukura qe mallëngjejnë, qe rikthejne situata, mbresa te pashlyeshme, shoqëruar nga persona te dashur. Nostalgji…per perrallat e treguara nga gjyshja me fantazi, nderkohe qe me perkedhelte e me bënte te ndjehesha heroina e saj.Nostalgji…edhe per gershetat qe thurja me flokët e gjyshes, teksa ajo i lëshonte enkas qe te zbavitesha me to.Nostalgji…per gështenjat qe se bashku nxirrnim nga prushi i mangallit te bakërt. Cveshja e lëvoreve te tyre me vinte ne gare me vëllane. Sa lumturohej kur fitonte! Nostalgji…edhe per vrapin e shpenguar ne rrugicën me kalldrëm dhe kafshatat e bukës qe ndaja me fëmijët e tjerë. Sa hareshem ndiqnim fluturimin e balonave prej gazete te bera me duart tona.Nostalgji…per shëtitjen me karroce te motrës se vogël, sytë e kaltër dhe te ëmbël te se cilës pasqyronin mrekullinë e qiellit.Nostalgji…edhe per detin ndërsa im ate përpiqej te me mësonte notin. Frika dhe kënaqësia ndërthureshin ne nje ekzaltim dhe triumf feminor…dhe lot qe bënin bashke te qeshurën dhe te qarën. Madje as qe i kuptoja. Nostalgji…per ndonjë zenke ne klase, si dhe pajtimin e përqafimin qe vinte me pas.Nostalgji…edhe per ndonjë gënjeshtër te vogël, te pafajshme, artikuluar me ze te dredhur. Eh…lipsej “sakrifice” per te dale nga ndonjë situate e papëlqyer. Faqet e skuqura tradhetonin. Nostalgji…per këshillat e prindërve, shpesh here te perserituara, qe aso kohe kokfortesisht i ndjeja te tepruara…sot i konsideroj thesar qe me shtruan rrugën e pashkelur te jetës. E shume, shume te tjera…sa nostalgji…