Featured – Page 154 – Dielli

ARRESTIMET E KRERËVE TË SHTETIT TË KOSOVËS PËR TË KËNAQUR SERBINË

January 27, 2021 by dgreca

AI QË FSHEH KRIMIN ËSHTË I BARABARTË ME KRIMINELIN/

Muhamet Bilalli, Kordinator Kombëtar dhe Kryetar i Shoqatës së Familjeve të Dëshmorëve të UÇK dega Shtimë, në një rrëfim ekskluziv dhënë gazetarit Sokol PAJA, për gazetën “DIELLI”, Organ i Federatës Panshqiptare të Amerikës VATRA, New York, deklaron se: Arrestimet e themeluesëve të UÇK-së si dhe luftëtarëve të lirisë janë bërë për dëshirë të Serbisë. Akuzat ndaj Ushtrisë Çlirimtare të Kosovës nuk kanë asnjë të vërtetë të vetme. Serbia bëri genocid dhe masakra në sytë e Europës. Serbia duhet të hetohet dhe të dënohet.

MUHAMET BILALLI ERDHI NGA ZVICRA QË TË LUFTOJË PËR KOSOVËN

Që nga viti 1988 unë isha në Zvicër mirëpo duke parë zhvillimet e fundit në Kosovë, që na imponohej lufta unë vendosa t’ju bashkangjitem Ushtrisë Çlirimtare të Kosovës në të cilën u inkuadrova nga data: 07.06.1998, së pari në Budakov pastaj duke vazhduar në Grejqevc-Komuna e Therandës në brigadën 60 e shtabit të përgjithshëm të UÇK-së. Luftime kemi pasë shumë dhe në shumë vende të Kosovës ishin njësitë për intervenim të shpejtë mirëpo nga krejt momentet që kam kaluar dua të veçoj 15 dhe 17 Janarin e vitit 1999 në Reçak ku u zhvillua një luftë tejet e ashpër. Në Reçak ushtria serbe tentuan shumë herë të hynin por hasën në rezistencë të madhe ku nga kjo rezistencë plagoset zëdhendës komandanti i njësitit Ali Beqa nga Kaqaniku ku i njëjti ende pa u shëruar mirë nga plagët e marra doli në front më 15 janar dhe bie heroikisht për të mos vdekur kurrë, në ditën e njëjtë, më 15 janar po ashtu plagoset rëndë komandanti i njësitit që ishte luftëtar i ditëve të para nga Likovci i Skenderajit i cili ishte një luftëtar i dalluar pasi mori pjesë në shumë vende si në: Llapushnik, Kleqkë, Rancë, Jezerc, pra ky trim njihej me emrin komandant Qopa. Në afërsi 5 metra po ashtu ndodhi edhe plagosja ime nga luftimet e asaj dite por që kisha fatin t’u mbijetoj plagëve e të jetoj ditët në liri, por që gjithmonë në kujtim të shokëve e të gjithë luftëtarëve që luftuan e dhanë jetën që fëmijët tanë t’a gëzojnë lirinë, jam pafundësisht krenar për Ushtrinë Çlirimtare të Kosovës, ne luftuam pastër kundër armikut, mbrojtëm tokat tona dhe i fituam me gjakun e derdhur të Dëshmorëve që i bëjnë roje lirisë. Andaj lavdi e përjetshme githë të rënëve për liri.

ARRESTIMET E KRERËVE TË SHTETIT TË KOSOVËS PËR TË KËNAQUR SERBINË

Arrestimet e themeluesëve të UÇK-së si dhe luftëtarëve të lirisë janë bërë për dëshirë të Serbisë, pasi në asnjë mënyrë të vetme pjesëtarët e ushtrisë Çlirimtare të Kosovës nuk kanë kryer krime. Këto arrestime gjoja për krime lufte janë të përgatitura prej vitit 1999 me ardhjen e UNMIK-ut dhe të prokuroëve të saj me detyrën e tyre rreth hetimeve të krimeve serbe të kryera në Kosovë gjatë viteve 1998-1999 të cilët me ndihmën e prokurorëve të shtetit gjenocidal serb si dhe me ndihmën e Dik Martit e krijuan, që shihet mirë se e kanë forcën pasi asnjë akuzë e pretenduar nga Dik Marti më nuk ekziston dhe pikërisht nga akuzat e pretenduara për trafikimin e organeve është formuar kjo gjykatë.

EVROPA PO BËN NJË PADREJTËSI NË DËM TË SHQIPTARËVE TË KOSOVËS

Evropa edhe kësaj rradhe po bën një padrejtësi ndaj popullit shqiptar të Kosovës, Duke kujtuar paqën e Shën Stefanit 1878, konferencën e Berlinit 1878 si dhe konferencën e Londrës 1912 ku u coptua shteti i Shqipërisë. Një pjesë u dha Greqisë, nje pjesë Serbisë dhe një pjesë Malit të zi. Në luftën e fundit të vitit 1998-1999 u shkaktuan: Mbi dhjetramijë të vrarë dhe të masakruar, mbi1000 fëmijë të masakruar, mbi 20 000 femna të dhunuar, qindra masakra të kryer nga Serbia, E gjithë ekonomia e shkatrruar, Mbi 1700 persona të shdukur, afër 1 million njerëz të dëbuar (spastrim etnik). Gjithë ky terror dhe gjenocid është kryer nga policia dhe ushtria e Serbisë kurse Evropa krijon gjykatë speciale për UÇK-në. Gjithçka mund ta quajmë, por vetëm drejtësi jo (padrejtësi ndaj Kosovës).

AKUZAT NDAJ UÇK TË PA VËRTETA

Akuzat ndaj Ushtrisë Çlirimtare të Kosovës nuk kanë asnjë të vërtetë të vetme. Pasi kemi dëshmuar se ne kemi formuar një ushtri nga vetë populli dhe ky popull në asnjë rrethanë nuk ka bërë asnjë krim madje nuk kanë dëshiruar të ketë as edhe luftë, por kjo situatë e luftës iu është imponuar pasi nuk lejuam të dorëzohemi para armikut. Ushtria jonë ka qenë më e reja në botë më e organizuara dhe mjaftë e fortë. Këtë e them duke e ditur potencialin që kishim ne si ushtri në krahasim me ushtrinë e shtetit kriminel, pasi ushtria jonë kishte numër të vogël të pjesëtarëve si dhe të armatimit dhe të gjithë e dimë ushtrinë e mobilizuar me armë të shumta e mjete të shtetit Serb.

AI QË E FSHEH KRIMIN ËSHTË I BARABARTË ME KRIMINELIN

Sa i përket turpit të Evropës këtë le të gjykojë bashkësia ndërkombëtare ku shumë mirë dihen masakrat në Kosovë që agresori Serb i bëri në sy të Evropës e cila e mohon, të gjitha këto që ndodhën në Reçak, Mehë, Poklek, Obri, Prekaz e shumë shumë vende të tjera Evropa dhe e tërë bota i ka parë. Dua ta jap një shembull të një rasti që ka ndodhë në Dragaqin të Suharekës ku KFOR-i gjerman nxorri nga bunari 12 banorë të cilët ishin të shtyer në moshë ku ata që i nxorrën këta trupa panë torturat e tmerrshme jonjerëzore që kishin ushtruar ndaj tyre, e nga ky rast asnjë njeri nuk u akuzua e lëre më të dënohej ndokush. Po ashtu në fshatin Rancë të Shtimës janë 11 anëtarë të familjes Asllani të cilët i masakruan duke filluar prej më të moshuarit që ishte 78 vjeç e deri te vajza më e vogël e familjes që quhej Antigona Asllani vetëm gjashtë muajshe. Ky krim dhe shumë krime të tjera kundër një populli të pafajshëm u fsheh dhe këtë e bëri shteti kriminel serb. Dhe tani dua t’a përmbyll me një thënie: “Në drejtësi ai që e fsheh krimin është i barabartë me kriminelin”!

SITUATA SOT NË KOSOVË ËSHTË DËSHPËRUESE

Populli jonë është ndjerë keq sepse u arrestuan luftëtarët e lirisë që rrezikuan jetët e tyre në mënyrë të sjellin lirinë që ne sot e gëzojmë, sidomos tani ku dihet padrejtësia që po bëhet me popullin tonë, ka shumë fakte dhe qëndrime të popullit tonë shqiptar për krimet që janë bërë pasi shumë familje janë të prekur nga lufta ku ju mungon më i afërmi i tyre i cili luftoi të sjellte lirinë e shumëpritur, është dëshpruese për ta e sidomos për gjithë shqiptarët kudo që janë se këtu po shkelen të drejtat tona duke na arrestuar njerëzit që vetëm lirinë e deshën dhe luftuan për të. Dua të them edhe thënien se i forti të godet, por s’të lë të qash.

PANDEMIA NDALON TUBIMET NË MBROJTJE TË UÇK Në vazhdim ne jemi duke përcjellur gjendjen që ne jemi në kohë pandemie dhe është shumë e vërtetë se ne nuk do qëndrojmë duar kryq, duke ditur edhe kidnapimet nga Bashkësia Evropiane që morën krerët e organizatës së veteranëve të Ushtrisë Çlirimtare të Kosovës për çështje të Bashkësisë Evropiane ku vërehet mirë se materiali ka rrjedhë nga dhomat e tyre 2000km larg nesh

KUJTESA- ME 27 JANAR 1990, DIASPORA I DHA LAMTUMIRËN NIK MRNAÇAJ

January 26, 2021 by dgreca

27 JANAR 1990- Ishte një ditë e ftohtë dimri 27 Janari i viti 1990. Komuniteti shqiptar ishte tronditur nga një ngjarje e pazakontë; 5 ditë më pare 9me 22 Janar) ishte përcjellë lajmi se një aksident i pazakontë në rrethana të dyshimta kishte marrë jetën e të riut Nik Mrnacaj, i biri i Marash dhe Mrije Mrnacaj. Me 27 Janar u përcoll trupi i të ndjerit…. Shërbimet funerale u kryen në Bronx, New York, ku të riut Mrnaçaj, i dhanë lamtumirën e fundit mijëra bashkatdhetarë të komunitetit shqiptar të Amerikës. Mesha e Dritës u celebrua me datën 27 Janar 1990, në Kishën Katolike Shqiptare, nga të Pëndershmit Don Rrok Mirdita dhe Don Pjetër Popaj….

***

Rikujtesa: Vitin 1990 kishte nisë me demonstrata të shumtë në Diasporën Shqiptare të Amerikës. Dredhëritë e Ramiz Alisë në Shqipëri dhe urdhërat që përcilleshin në Misionin Shqiptar të Nju Jork-ut i kishin hedhur më shumë benzinë zjarrit.Me 20 Janar, në Nju Jork, ishte zhvilluar një demonstratë e madhe për lirinë dhe demokracinë e munguar shqiptare. Demonstrata u zhvillua para Misionit të asaj që quhej Republika Popullore Socialiste e Shqipërisë. Mijëra njerëz, burra, gra dhe të rinj, shkruante Dielli në faqen e parë, morën pjesë në protestë. Turma e madhe u mblodh rreth orës 11 paradite dhe manifestoi me thirrje të fuqishme:” Lironi Shqipërinë”!, Reforma për Popullin Shqiptar”!…”Demokraci dhe Liri!” si dhe parrulla të tjera kundër diktaturës shqiptare.

Shkëpusim nga kronika e Diellit(editor në atë kohë ishte Eduard Liço) : “Ndërmjet atyre që merrnin pjesë në këtë demonstartë na zuri syri edhe bashkëkombasin tonë Tom Christo nga New Hampshire, i cili është kandidat për Senatin Amerikan, profesori amerikan nga New Jersey John Cardino… Ishte i pranishëm edhe Reverand Sassu, përfaqësuesi i Kishës Orthodokse Rumune në New York. Krahas fjalimeve, u recituan edhe poezi nga tribuna e protestës, ku më së shumti duartrokitje fitoi poezia e Zef Pashko Dedës, shkruar enkas për këtë rast.

Shqiptarët e New York-ut, shkruante Dielli, ishin mbledhur me mijëra, po kishin ardhë edhe nga qytete të tjera, të afërta dhe të largëta. Nga Chicago kishte ardhë Rev. Jusuf Azemi me shumë shokë të tjerë; nga Detroiti Ekrem Bardha me shokë dhe bashkëpunëtorë të tij të Këshillit Kombëtar Republikan Shqiptaro-American; nga Connecticut Ligori dhe Kostandin Vangjeli,Ali Demiral ; nga Nju Jorku Dr. Turdiu me zonjën dhe vajzat, Luan Isufi me zonjën, Ramiz Dani, Abdulla Kaloshi, Seid Kryeziu, Rexhep Krasniqi, Nerim Kupi, vëllezërit Bytyçi dhe shumë të tjerë. Po ashtu kishin ardhur edhe nga Florida e shtete të tjera të Amerikës. Në krye të turmës binte në sy një grupim energjik i të rinjëve me në krye Nikoll (Nik) Mrnaçaj, që i jepnin ritëm demonstrimit. Nikolla kishte motive të forta për të dalë në krye të protestës: Vuajtjet e fisit të tij në Shqipëri, kalvari në burgje dhe kampet e internimit, burgosja dhe vdekja e axhës së tij, Nikolla Mrnaçaj nga torturat e diktaturës,e kishin mbushur shpirtin e tij, dhe e kishin bërë aktiv në demonstratat antikomuniste në SHBA. Atë e gjeje kudo ku demonstrohej, në Washnigton, New York, Michigan etj.

Gjatë demonstratës u mbajtën shumë fjalime të ashpra kundër diktaturës dhe u bënë thirrje për Liri e Demokraci; Foli kandidati për Senator Tom Christo, i cili dënoi dhunën dhe shtypjen e gjatë të shqiptarëve nën diktaturën komunisto-staliniane. Ai dënoi edhe dhunën që po ushtrohej nga regjimi i Beogradit kundër qytetarëve të pafajshëm shqiptarë të Kosovës, duke besuar se pas rënies së diktaturës staliniste në Shqipëri, opinioni do të fokusohej më mirë në Kosovë. Folën gjithashtu edhe Dr. Gjon Buçaj dhe Dr. Fuad Myftija.

Demonstrata e Shqiptarëve antikomunistë u ndoq nga shtypi i New York-ut, nga radio dhe televizionet. Në edicionet qendrore të lajmeve gati të gjithë televizionet dhanë pamje nga demonstrata, duke i komentuar ato, informonte Dielli.

Demonstrata e antikomunistëve demokratë shqiptarë para Kombeve të Bashkuara kishte tronditë edhe Tiranën zyrtare, e cila ende bënte qëndresë dhe i lëshonte me pikatore te drejtat e mohuara njerzore. Një demonstratë e tillë antikomuniste do të organizohej edhe në Detroit, por duket se Misioni Shqiptar në Nju Jork kishte urdhër për një antiprotestë,antimiting atje. Vetë shefi i Misionit kishte udhëtuar të nesërmen e demonstartës së Nju Jork-ut, drejt Detroitit. Grupimi i të rinjve antikomunistë me Nikoll Mrnaçaj e kishin mësuar lajmin dhe u nisen për në Detroit, që t’u vinin në ndihmë bashkatdhetarëve antikomunistë, demokratë atje. Edhe pse qe një ngjarje që provokoi tension, të rinjët nuk ranë në kurthin e përplasjes vëllavrasjes, duke shmangur gjakderdhjen. Gjithësesi Misioni shqiptar dështoi në orvajtjen e vet.Por në kthim ndodhi tragjedia,për të cilën dyshohet se aksidenti ka qenë i qëllimshëm.

Gazeta e Dielli e ka regjistruar ngjarjen në numrin e saj 15 Shkurtit 1990. Ishte një kronikë e thjeshtë që përcillte dhimbje. Nën titullin”Një humbje tragjike” Dielli shkruante: Me datën 22 Janar 1990, në një aksident automobilistik, humbi jetën Nikoll Mrnaçaj, në moshën 31 vjeçare. Aksidenti ndodhi në Pennsylvania, ndërsa Nikolla së bashku me Mark Tinaj, po ktheheshin nga Detroiti, ku morën pjesë në demonstrimin kundër regjimit stalinist të Tiranës. Dielli shkruan se Mark Tinaj shpëtoi për mrekulli, ndërsa Nikolla humbi jetën.

Shërbimet funerale u kryen në Bronx, New York, ku të riut Mrnaçaj, i dhanë lamtumirën e fundit mijëra bashkatdhetarë të komunitetit shqiptar të Amerikës. Mesha e Dritës u celebrua me datën 27 Janar 1990, në Kishën Katolike Shqiptare, nga të Pëndershmit Don Rrok Mirdita dhe Don Pjetër Popaj. Merrnin pjesë në meshë më shumë se një mijë shqiptarë dhe amerikanë. Nikolla u varros në St. Raymonds Cemetery, me nderimet më të madha që Komuniteti shqiptar mund t’i akordojë një personi, shkruante gazeta e Vatrës.

Dielli komentonte: Nikolla vjen nga një familje që gëzon respekt të konsiderushëm, për tradita fisnike, bujari dhe atdhedashuri. Gjatë jetës së tij të shkurtër, i ndieri Nikoll, la kujtimet më të mira, me sjellje, urtësi, dhe edukatë familjare, që kudo i sillnin dashuri dhe respekt nga të gjithë. Nikolla la mbrapa prindërit Marash dhe Mrije, bashkshorten Maria, djalin 5 vjeçar Michael, dy vllazën Paulinin dhe Lekën, dy motra dhe një rreth familjar të gjanë, si këtu, ashtu dhe në Atdhe.

Redaksia e Diellit në fund të kronikës i paraqiste ngushëllimet më të ndieshme Familjes Mrnaçaj për këtë humbje të rëndë e të pazëvendësushme.

Ashtu siç e përcolli me nderime në ikjen nga jeta, po ashtu komuniteti shqiptar e nderon për çdo vit Nikën. Katër muaj pasi kishte humbë jetën(22 Janar 1990), pikërisht në fillim të majit 1990, Nikolla u përkujtua me nderim nga Bashkia e White Plains , duke e ngritur Flamurin shqiptar pa yll tek zyrat e Bashkisë. Tash çdo vit, në fillim të muajit Maj, Martiri i Demokracisë, Nik Mrnaçaj, përkujtohet e nderohet nga Bashkia dhe nga komuniteti shqiptar me ceremoni nderuse, me fjalime, me programe artistike dhe me ngritjen e Flamurit Kuq e zi. Ajo që tashmë ka zënë vend për rreth tri dekada në kalendarin e veprimtarive të Prefekturës së White Plains, dhe të Komunitetit Shqiptar, të Kishës Katolike Shqiptare “Zoja e Shkodrës”, të Shoqërisë Artistike Kelmendi, të Vatrës dhe shumë shoqateve të tjera në Nju Jork, thirret “Dita e Lirisë Shqiptare” dhe i kushtohet Nik Mrnaçaj.

Edhe në vendlindje Nika është nderuar me dekoratën”Martir i Demokracisë” , ndërkohë që shkolla e mesme ne Tamarë – Kelmend, mban emrin “Nik Mrnaçaj”, ndërkohë që ai është vlerësuar “Nder i Kelmendit”, ka dhe rrugë me emrine tij.

Gjate Javes se kaluar, Dom Pjetër Popaj, famullitar i Kishës Katolike Shqiptare”Zoja e Shkodrës”, çoi meshë në nderim të Nikës, ndërkohë që ka kujtuar dhe eshte lutur edhe per axhën e Nikës,babain e Mark Mrnaçaj, Nikoll Mrnaçaj, me rastin e 31 vjetorit të vdekjes, pas një kalvari të gjatë në burgjet dhe kampet e internimit! Pushofshin në Paqe!(DG)

NJË KAPITULL I RI PËR ALEANCËN TRANSATLANTIKE NATO

January 26, 2021 by dgreca

NGA FRANK SHKRELI/ Ditën e betimit të Presidentit të ri të Shteteve të Bashkuara, Z. Joe Biden dhe Zëvëndës presidentes Kamala Harris, më 20 Janar, 2021, Sekretari i Përgjithëshëm i Aleancës Transatlantike, NATO, Z. Jens Stoltenberg, në emër të Aleancës që ai drejton, uroi udhëheqsit e ri të Amerikës, duke u shprehur se, “Kjo ditë shënon një kapitull të ri për Aleancën transatlantike.”

“Lidhja midis Amerikës së Veriut dhe Evropës është gurthemeli i sigurisë sonë dhe një NATO e fortë është mirë si për Amerikën e Veriut ashtu edhe për Evropën. Për më shumë se 70-vjet, Aleanca jonë transatlantike ka garantuar lirinë, paqën dhe sigurinë për popujt tanë. Udhëheqja e SHBA” në NATO i ka shkruar Sekretari i Përgjithëshëm, Z. JensStoltenberg, Presidentit Joe Biden, “Mbetet thelbësore, ndërsa punojmë së bashku për të mbrojtur demokracitë tona, vlerat tona të përbashkëta dhe rendin ndërkombëtar, të bazuar në rregulla dhe ligje.” Në letrën e tij, drejtuar Shefit të ri të Shtëpisë së Bardhë, me rastin e inaugurimit të tij president i Amerikës, udhëheqsi i NATO-s përmendi disa prej sfidave me të cilat përballen, së bashku, aleatët e kësaj organizate ushtarake, sfida siç janë kërcënimi që paraqet Kina ndaj sigurisë botërore, terrorizmi, gjendja në Rusi, në Afganistan dhe në Irak.

“Askush prej nesh nuk mund të përballet me këto sfida vetëm, por së bashku në NATO, ne përfaqësojmë një miliard njerëz dhe gjysmën e fuqisë ushtarake dhe ekonomike të botës. Kështuqë, unë pres që të bashkpunoj ngusht me Presidentin Biden dhe ta mirëpres atë në Samitin e NATO-s në Bruksel më vonë këtë vit”, përqëndrimi i të cilit do të jetë nisma “NATO-2030”, me qëllim për ta bërë Aleancën tonë edhe më të fortë dhe më të aftë për tu përballur me problemet në të ardhmen, është shprehur Sekretari i Përgjithshëm i NATO-s, Z. Stoltenberg në urimin e tij drejtuar Presidentit të ri të Shteteve të Bashkuara, Z. Joe Biden.

(NATO Archive photo)

Siç duket, në një përpjekje për të siguruar pa vonesë aleatët e NATO-s për mbështetjen serioze të administratës së re amerikane ndaj Aleancës ushtarake transatlantike, edhe Sekretari i ri i Mbrojtjes në kabinetin e Presidentit Biden, Z. Lloyd J. Austin III, nuk humbi asnjë minutë, por me të arrijtur në Pentagon, ditën që emërimi i tij u miratua nga Senati, telefonata e tij e parë drejtuar një udhheqësi botëror ishte biseda me Sekretarin e Përgjithshëm të NATO-s, Z. Stoltenberg, për të rithekësuar rëndësinë që Shtetet e Bashkuara i kushtojnë Aleancës NATO.

Sipas një njoftimi nga Zyra e shtypit e Pentagonit, të dy udhëheqësit e lartë ushtarakë biseduan për rëndësinë e mbrojtjes së vlerave të përbashkëta, mbi gjëndjen aktuale të sigurisë në botë, mbi përpjekjet për të pasur një NATO të fortë në të ardhmen dhe mbi misionet e vazhdueshme të Aleancës në Irak dhe në Afganistan.

Më vonë, udhdheqësi i Pentagonit, Z. Lloyd J. Austin III zhvilloi gjithashtu një bisedë telefonike edhe me Ministrin britanik të Mbrojtjes, Z. Ben Waallace. Sipas Pentagonit, dy zyrtarët e lartë të mbrojtjes amerikane dhe britanike ,“rithekësuan rëndësinë e marrëdhënieve të veçanta midis dy vendeve tona” dhe shkëmbyen mendime mbi përballimin me çeshtjet strategjike të interesit të përbashkët, përfshir kërcënimet nga Kina dhe Rusia.

Dy ditë para inaugurimit të Presidentit Joe Biden në Washington, Sekretari i Përgjithëshëm i NATO-s, Z. Jen Stoltenberg — në një takim virtual në Paris ka folur për të ardhmen e NATO-s dhe për marrëdhëniet midis NATO-s dhe Amerikës – ndërsa është shprehur se, “NATO është e vetmja organizatë ku Evropa dhe Amerika Veriore bashkohen çdo ditë”, duke shtuar se kjo aleancë, “përbën një platformë unike”, e cila përdoret për të biseduar mbi çështje që i përkasin sigurisë së përbashkët në përgjithësi, çeshtje me të cilat — sipas Sekretarit të Përgjithshëm të NATO-s, Z. Stoltenberg — “As Amerika, as Evropa nuk mund të përballen, vetëm”, me këto sfida pasi janë çeshtje që as njëra palë vetëm nuk mund t’i zgjidhin në mënyrë të kënaqëshme, pa bashkpunim dhe bashkrendim me njëra tjetrën. Sikur të dy palët donin të theksonin për botën rëndësinë e këtij bashkpunimi dhe hapjen e një kapitulli të ri në marrëdhëniet midis Washingtonit dhe NATO-s, njoftohet se sot Presidenti Joe Biden dhe Sekretari i Përgjithëshëm i NATO-s zhvilluan një bisedë telefonike. NATO – News: NATO Secretary General speaks with US President Biden, 26-Jan.-2021

Jam i bindur se Sekretari i Përgjithëshëm i NATO-s, Z. Stoltenberg e di se Presidenti Joe Biden është një mbështetës i vjetër i Aleancës ushtarake NATO, si due i lidhjeve të ngushta të kësaj aleance me Shtetet e Bashkuara dhe të lidhjeve transatlantike në përgjithësi midis Shteteve të Bashkuara due Evropës. Ekspertët besojnë se pas katër vjetë marrëdhëniesh të ftohta midis ish-administratës Trump dhe NATO-s, administrata e re në Washington e kryesuar nga Presidenti Biden pritet që të bashkpunojë ngusht me Sekretarin Stoltenberg dhe me NATO-n, në përgjithësi, për të forcuar mëtej lidhjet midis Amerikës veriore dhe Evropës. Gatishmëria nga të dy palët, për hapjen e një kapitulli të ri në marrëdhëniet midis NATO-s dhe Shteteve të Bashkuara, vihet re nga komunikimet tepër të ngrohta dhe të sinqerta të ditëve të para midis udhëheqësve më të lartë të administratës së re në Washington dhe Sekretarit të Përgjithshëm të NATO-s, Z. Jens Stoltenberg.

Ndoshta është e tepërt të thuhet se marrdhëniet e ngushta midis Shteteve të Bashkuara dhe NATO-s janë edhe në interesin e Shqipërisë, si anëtare e NATO-s, por edhe në interesin e Kosovës që aspiron antarësimin eventual në NATO. Lidhjet e forta midis Washingtonit dhe NATO-s janë jetike edhe për interesat shqiptare në përgjithësi përfshir sigurinë due lirinë e tyre – kur të merret parasysh ndërhyrja e kësaj organizate ushtarake e udhëhequr nga Shtetet e Bashkuara – për herë të parë në historinë e saj – në luftën kundër Serbisë për të çliruar Kosovën*.

*Ishte pikërisht 12 Prilli i vitit 1999, kur Këshilli i Aleancës së Atlantikut Verior, vendosi në një mbledhje të jashtëzakonshme në Bruksel mbi gjëndjen në Kosovë, objektivat e saja për çlirimin e Kosovës – objektiva të cilat disa ditë më vonë u miratuan nga udhëheqsit e shteteve dhe të qeverive në një mbledhje për këtë qëllim mbajtur në Washington – më 23 Prill, 1999.

Frank Shkreli

A US F-15E Strike Eagle takes off.

JIM(XHIM) XHEMA DHUROI $10.000 PËR PROJEKTIN E VATRËS

January 26, 2021 by dgreca

Kryetari i Federatës Panshqiptare të Amerikës”VATRA”z. Elmi Berisha arkëtoi në arkën e Vatrës 10 Mijë dollar të dhuruara nga bashkatdhetari Jim (Xhim) Xhema. Dhurimi shkon për Projektin e Historisë së plotë të Federatës Panshqiptare të Amerikës”VATRA”, sipas dokumenteve të plota arkivore, ideuar nga akademiku Prof. Dr. Beqir Meta.Projekti u referua nga kryeredaktori i gazetës Dielli Dalip Greca në mbledhjen e Kryesisë së Vatrës me 6 Qershor 2020. Pas diskutimeve anëtarët e kryesisë e miratuan me vota të plota projektin që do të ketë pesë vëllime. Kryetari i Vatrës z. Elmi Berisha mori përsipër gjetjen e burimeve financiare që do të mundësojnë botimin. Gjatë vizitës në Tiranë, me 5 tetor 2020, ai i dorëzoi udhëheqësit të projektit shumën prej 10 mijë dollarësh, dhuruar nga biznesmeni Kadri Morina, ndërkohë që mori dhe një premtim në të njëjtën shifër.

Kryetari i Vatrës, z. Berisha, e falenderon z. Jim Xhema për dhuratën bujare dhe fton bashkatdhetarët dhe vatranët që të bëhen mbështetës të këtij projekti.

“BIJTE E SHQIPES” VLERESON BISNESMENET – HERONJ TE PANDEMISE

January 26, 2021 by dgreca

Nga:Tajar Domi/

Vecanёrisht nё periudhat e vёshtira , dalin nё dukje njerёzit me vlerat e tyre. E kёta mund tё jenё jo vetёm emra udhёheqёsish apo bisnsmenёsh tё mёdhenj, por edhe njerёz tё zakonshёm qё japin nga vetja dashuri e kontribut pёr tё tjerёt. Mё kujtohen disa vargje tё shumё viteve mё parё, qё dikush i recitonte nё njё program televiziv: “Heroizmi o shokё, i ka rrёnjёt nё popull, ju kёrkoni heronj, ato i keni rrotull“. Megjithatё sa herё qё fjala bie pёr heronjtё, na del pёrpara imazhi i tyre fizik i fuqishёm si dhe pёrballja me armikun e rёnia e tyre nё kёtё luftё nё mbrojtje tё atdheut. Vec kёtyre jemi mёsuar tё shohim apo tё njohim edhe njё grup tjetёr heronjsh, ata tё punёs, qё ishin mbi tё tjerёt me volumin, cilёsinё e organizimin e saj duke i sjellё shoqёrisё njё produkt mё tё lartё me shembullin e tyre. Ndёrsa sot, kёtu nё Amerikё, unё (dhe si unё besoj edhe tё tjerёt) kemi hasur fjalёn “hero” nё shumё raste, ndoshta edhe pёr ndodhi tё “vogla” pёr rreth nesh, shpesh duke e dёgjuar nё biseda tё ndryshme apo nё ekrane televizive.

Kёtё fjalё e dёgjojmё tё pёrdoret si vlerёsim gojor pёr persona tё ndryshёm tё pёrfshirё nё njё aksion shpёtimi pёr hirё tё detyrёs (shprehja: ata ishin heronj), e dёgjojmё nga fёmijtё qё jo rrallё i simbolizojnё prindёrit e tyre me heronjtё pёr punёn e gjithanshme tё tyre (shprehja: ata janё heronj pёr mua), apo veprimi i dikujt nё njё ngjarje e situatё duke mbrojtur jetёn e tjetrit (shprehja: ai u tregua hero)…etj. Nё kёtё mёnyrё ne i vecojmё, i respektojmё e i vlerёsojmё kёto njerёz pёr atё cfarё bёjnё, dhe nё dallim nga ne tё tjerёt, ata e bejnё edhe pёr tё tjerёt. Dhe kёta u evidentuan edhe gjatё kёtij viti pandemic, duke pёrfshirё stafet shёndetsore nё spitalet e ndryshme si nё tё gjithё botёn edhe kёtu nё Filadelfia e Nju Xhersi, punonjёsit e plolicisё qё u bёnё barrikadё ndaj atyre qё shkelnin ligjin a rregullat mbi pandeminё, dhe tё dy kёto grupe shpёtuan shumё jetё njerёzore me angazhimin e tyre. Por nuk ishin vetёm kёta. Pati pёrvec njerёzve tё punёsuar nё kёto dy sektor jetёsor, (midis tyre edhe shumё shqiptar), edhe njё grup jo i vogёl biznesesh qё u vunё nё shёrbim tё njerёzve nё nevojё. Edhe kёtu, shqiptarёt u panё me dashuri e me vlerёsim tё jashtёzakonshёm nga popullsia amerikane.

Po kush ishin shqiptarёt me tё cilёt u ndjemё krenarё:

Kemi shkruar edhe mё parё pёr emra konkret mjekёsh, infermjeresh, farmacistёsh, inxhinierёsh e tё tjerё shqiptare qё nёpёrmjet qёndrimit tё tyre nё pozicionet e punёs, dhanё kontributin sё bashku me mijёra tё punёsuar tё tjerё nё kёta sektor. Nё qendёr tё kёtij shkrimi sot, janё perfaqёsuesit e tre bisneseve tё restaurantёve bashke me stafet e punёs tё tyre, qё ushtrojnё aktivitetin nё Filadelfia e Nju Xhersi. Konkretisht: Alex A. Daku qё zotёron “Amici Restaurant“, Astrit Shini dhe vёllezёrit Jashar e Hekuran Daku qё zotёrojnё “Il Fiore Restaurant“, si dhe vёllezёrit Gani e Bujar Daku dhe Mefail Kupa me grup restaurantet “La Fontana“, pёr tё cilёt Shoqata “Bijte e Shqipes” njoftoi vendimin pёr dhёnien e Certifikatave tё Mirёnjohjes me motivacionin e mёposhtёm : “PЁR KONTRIBUTIN E MADH QЁ DHANЁ DUKE DHURUAR SHPRESЁ E USHQIM FALAS TEK NJERЁZIT NЁ NEVOJЁ , TEK PERSONELI SHЁNDETESOR I SPITALEVE DHE EFEKTIVAT E POLICISЁ QЁ ISHIN NЁ VIJЁN E PARЁ TЁ MBROJTJES SЁ JETЁS , GJATЁ PERIUDHЁS SЁ PANDEMISЁ COVID -19 TЁ VITIT 2020 “. Grupe nga kryesia e kёsaj shoqate nёn drejtimin kryetarit z. Bujar Gjoka sё bashku me zoterinjtё Dritan Matraku, Llazar Vero, Tajar Domi, Haki Collaku, Mexhit Koboci, Bujar Velia e anetari i shoqatёs Hysё Hasa, i shpёrndanё kёto vlerёsime drejt pёr sё drejti nё adresat e kёtyre restauranteve. Nё bisedat me to, e ndjemё mё afёr situatёn e atyre ditёve, vecanёrisht tё muajve tё parё tё pandemisё, kohё gjatё sё cilёs, thuajse tё gjithё ne mundoheshim tё mbyllnim edhe vrimat e celsit nё shtёpitё tona pёr tu mbrojtur nga armiku i padukshёm. Ndёrsa kёta bashkatdhetar sё bashku me punonjёsit e tyre qёndronin me derёn hapur (sipas rregullave tё njoftuara nga autoritetet shtetёrore) nё shёrbim tё tё tjerёve. Duke sfiduar rrezikun edhe tё jetёs, ata nё grup u gjenden nё shёrbim tё njerёzve. Tek shikonim fotot dhe videot e shpёrndara nё FB prej tyre, por edhe nga shoqata “Bijte e Shqipes”, tek kujtonim edhe shkrimet e intervistat e bёra nga kanale tё ndryshme televizive si Zeri i Amerikes, TVSH, Top Channel, Klan etj, mendonim me vete duke e thёnё edhe me zё tё lartё: Kёta janё heronjtё tanё nё Filadelfia, qё na bёjnё tё gjithёve krenar. Nёnё Tereza shqiptare na mёson qё tё mos presim pёr tё bёrё gjёra tё mёdha, por le tё nisim me tё voglat. Tё dhurosh ёshtё dashuri , shpirt gjёrёsi , mbrojte jete, dhёnie shprese, ёshtё moral, ёshtё tё shijosh jetёn. Bashkatdhetarёt tanё tё restauranteve tё mёsipёrme e ndjenё kёtё. Prandaj gjatё atyre muajve, ne njoftimet e pёrditёshme u bёhej thirrje njerёzve nё nevojё tё mos rrinё me barkun bosh nё shpi, por tё afrohen nё sportelet tona ku do t’ju shёrbehet supё e bukё falas, ose njoftoni qё t’ua sjellim nё shpi . Ata tregojnё, se u afruan njё numёr i konsiderueshёm, qё ndoshta nuk e kishim imagjinuar mё parё. Alexi, Bujari e Hekurani, duke kujtuar moton e fushatёs sё tyre “Tё ndihmojmё ata qё kanё nevojё”, i rremben dёshira qё ky motiv tё jetё pёrgjithmonё. Nuk ka qenё e lehtё, por ishin ditё tё vёshtira, edhe pse para nesh ishte zgjedhja pёr ta mbyllur bisnesin, sic vepruan shumica. Por duke menduar pёr vete, mendonim edhe pёr punonjёsit, familjet e tё cilёve do tё ndodheshin ndoshta pёrballё vёshtёrsive. E biseduam me to, pёr mё tё mirёn, e pёr t’ju ardhё nё ndihmё tё tjerёve. Shpenzuam energji, kohё e me rrezikun e padukshёm mbi kokё. “Ju keni shpenzuar edhe sasi tё konsiderueshme financiare gjatё kёsaj fushate “- nderhyn z. B.Gjoka nё bashkebisedimin me Alexin. Jo, nuk ёshtё e vertetё. Shumica e asaj qё dhuruam na u kthye shumё shpejt, thotё Alexi. Nё shtator, kur filloi rihapja e lokaleve, ata qё na frekuentonin para pandemisё, filluan tё vinin e po na falenderonin nga zemra pёr ndihmat qё kishim shpёrndarё nё njerёz tё vecantё e institucione. Njё pjesё e tyre, nё shenjё mirёnjohje ndaj nesh, vazhdon Alexi, filluan tё linin cheqe me shuma jo tё vogla, kёshtu qё ato qё ne dhuruam po na vijnё mbrapsh.Si pёr tё konfirmuar fjalёn e urtё tё popullit, “hidhe nё det se tё del nё tokё”, na erdhi nё ndihmё vendimi i qeverisё amerikane dhe i shtetit tё Nju Xhersit pёr tё ndihmuar financiarisht bisneset, midis tyre edhe ato tё nivelit tonё. Kёshtu thotё Hekurani, duke falёnderuar edhe punёn e stafit tё tij tё atyre ditёve si dhe shoqatёn Bijte e Shqipes pёr pasqyrimin me detaje tё asaj pune e angazhimi tё jashtёzakonshm qё nuk do tё harrohet kollaj.

Me Bujarin, u takuam nё njёrin nga restaurantet e “Daku Group” nё Atlantik City. Ai ёshtё ndёr tre tё parёt qё u arratisёn nga vendlindja nё vitin 1989, nё moshёn 17 vjecare, dhe brenda pak muajsh u ndodhen nё vendin e ёndrrave, nё Amerikё. Puna e pasioni i pёrditshёm pёr rritjen e bisnesit, kanё cuar qё sot familja e tij sё bashku me tё vёllait, Ganiut, tё zotёrojnё njё rrjet bisnesesh kёtu nё Filadelfia e nё Nju Xhersi. Duke marrё certifikatёn e Mirёnjohjes, Bujari vlerёson sё pari angazhimin intelektual e atdhetar tё antarёve tё kryesisё sё shoqatёs pёr veprimtaritё dhe shkollёn shqipe qё po funksionon online, dhe sё dyti pёr mirёnjohjen qё kam nё dorё e cila nuk ёshtё e vetmja prej jush. Me mund e djersё e kemi arritur kёtё qё kemi, faleminderit zotit- thotё Bujari. Nё grupin tonё kishim me vete edhe veprimtarin e palodhur tё komunitetit shqiptar z. Enver Parllaku, i cili po menaxhon se bashku me djalin e tij Arjanin, restaurantin La Fontana Della Cita nё qendёr tё Filadelfias. Ky restaurant ёshtё bёrё njё vend i pёrhershёm pritje, bashkimi, ndihme e punёsimi pёr shqiptarёt e veprimtaritё e shoqatёs vecanёrisht pёr mbledhje fondesh.

Do tё kontribojmё edhe mё tepёr nё tё ardhmen, sepse prej kohesh shoqata Bijte e Shqipes ёshtё bёrё njё emёr i njohur e me punёn e transparencёn financiare po i bashkon mё shumё shqiptarёt.

Bashkatdhetarёt e mёsipёrm janё ata bisnesmenё qё me punёn e angazhimin e tyre nё ditёt e vёshtira tё pandemise, ndihmuan tё tjerёt dhe na benё krenar tё gjithёve ne. Ata janё njё shembull pёr tu ndjekur edhe nga bisnese tё tjera tё shumta shqiptare kёtu. Dhe ata janё nga e njёjta zone prej sё cilёs kanё ardhur, nga Kalaja e Dodes. Sigurisht origjina flet shumё nё kёtё drejtim. Sё bashku me tё tjerё persona e familje tё kёsaj zone qё banojnё e zotёrojnё bisnese kёtu nё Filadelfia, si Qazim Kupa, Kalosh Kupa, Shpetim Daku, Nuri Kupa, Gezim Kupa, Mefail Kupa, Jakup Domi, Ismet Ajvazi , Hamit Kupa etj, e kanё vendosur veten ndёr tё parёt nё kontributet financiare tё dhuruara pёr shoqatёn Bijte e Shqipes e shkollёn shqipe, pёr raste fatkeqёsish tё bashkatdhetarёve e ndihmё pёr tёrmetin nё Shqiperi.

Nё respekt tё vendlindjes tё kёtyre heronjve tё periudhёs sё pandemisё covid-19, por edhe tё tё tjerёve qё cituam mё lartё, do t’ju njohim shkurt me zonёn e Kalase se Dodes dhe tё vecantat e saj: Ajo shtrihet nё zonёn verilindore tё Shqiperise, rrёzё malit tё Korabit. Qe nga viti 1952 pesё fshatrat e saj janё pjesё administrative e Dibres, ndёrsa para kёtij viti dhe historikisht kanё qenё pjesё e Lumёs. Lartesitё e bjeshkёve tё bukura tё Korabit, ju kanё dhёnё kёtyre banorёve pёrvec detyrimin pёr tё qenё punёtor e tё aftё pёr tё pёrballuar vёshtёrsitё e jetёs tё familjeve, edhe krenarinё e tyre pёr tё qenё bashkё e nё ndihmё tё njёri tjetrit. Atdhetar dhe luftёtar pёr kombin, kanё qenё e janё banoret e Kalase se Dodes. Deshmori i parё i betejes nё luftёn e Kolesnjanit ku serbёt lanё 12 mijё tё vrarё, ishte Ibrahim Zeqiri i Radomirёs. Dy herё shtёpitё e tyre janё djegur nga serbёt, ndёrsa shumё banorё janё vrarё e prerё nё pabesi, sic ky armik shekullor ka bёrё vazhdimisht mbi shqiptarёt. Por ato nuk i lёshuan kurrё trojet. Eshte popull qe i pёlqen jo vetёm liria nё gjithanshmёrinё e saj, por edhe vetё qeverisja. Nё periudhёn e komunizmit, pёrjashtuar raste tё vecanta, vizitor nё shtepinё e njё komunisti apo punonjёsi shteti, ishte edhe njё kulak apo pa triskё fronti, si dhe anasjelltas. Kjo dёshmonte bashkimin, c’ka e detyronte shtetin e asaj kohe te ishte mё i matur nё ekstremet e tij. Burrat kane punuar fort, nё kёrkim tё parasё nё cdo cep tё Shqiperisё, me qёllim qё familja tё mos vuante nga mungesat pёr tё jetuar. Dhe ja kanё arritur qёllimit. Kёshtu veprojnё shqiptarёt dhe e gjithe bota sot, nё kёrkim tё punёs e fitimit tё parasё, pёr njё jetё mё tё mirё. Familja nё Kala tё Dodes, ka jetuar mirё nё cdo kohё , falё punёs tё burrave e respektit ndaj grave.

Miku im nga Fieri kёtu nё Filadelfia, z. Llazar Vero, nё festimin e ditёlindjes time para disa vitesh, u drejtohet tё pranishmёve: “Kam bredhur nё tё gjithё Shqiperinё si gazetar por dy herё nё jetёn time, kam fjetur si mbret, njё natё nё Voskopojё dhe herёn tjetёr nё Kala tё Dodes. Dhoma e gjumit e vecantё, e shtruar me qilim e sixhade, krevati shkёlqente me bardhёsinё e carcafёve e jorganin prej atlasi…”. Ndёrsa mёsuesi nga Dukati i Vlores , z. Ismet Kutelaj, i cili punoi nё njёrёn nga shkollat e zonёs pёr gjashtё vite nё vitet ’80 , shkruan kёshtu nё njё mesazh nё FB pёr kёta banorё: “Janё njerёz tё zgjuar. Janё trima e patriotё. Janё tё kurbetit e sakrificёs. Janё njё popull shumё mikpritёs. Janё shumё punetor, sa qё anglezi kur shkojnё emigrantё pёr tё kёrkuar punё, i pyet: Je nga Kalaja e Dodes? Jane pastёrtor e tё respektueshёm. Janё tё besёs, tё fjalёs e tё kuvendit. Qendrojne lartё … Une flas njё realitet tё jetuar nga afёr, kam ndenjur nё vatёr tё zjarrit”.

Brezi i te rinjve tё pas ’90 -ёs i kesaj zone, kudo qё janё nё bote, janё nё pararojё tё punёs. Kёshtu janё edhe ata kёtu nё Filadelfia. Janё duke shkolluar fёmijtё e tyre nё universitetet mё tё njohura tё Amerikes. Por pёrvec punёs, me sa duket ata kanё trashёguar edhe cilёsitё e mёsipёrme tё para ardhёsve, vlerat njerёzore e humane qё ata kanё manifestuar nё vite e shekuj. Prandaj, ndoshta kjo trashegimi i bёri heronjtё tanё tё pandemisё covid-19 nё Filadelfia , tё ishin vetёm ata me origjinё nga Kalaja e Dodes. Nё fund tё kёtij shkrimi po sjell edhe disa vargje tё kёngёs sё mёposhtme :

Kudo shkojn’ djemt’ e Kalase Dodes,

N’Amerike apo n’Europe,

Dinё respektin si ta bёjnё,

E vendlindjen ta nderojnё.

JU LUMTE!

Filadelfia , me 25 Janar 2021