Featured – Page 875 – Dielli

Zgjedhjet-Rezultatet e Ores 14.00

June 25, 2013 by dgreca

Koalicioni i majte vazhdon avantazhin ne 10 qarqe ne vend, duke perjashtuar Kukesin.Fundi i numerimit te Diber ka nxjerre ne krye te majten, por me nje barazim sa u takon mandateve. Nderkohe qe oren 11.55 eshte mbyllur numerimi ne qarkun e Korces, me kryesimin e se majtes.Komisioni Qendror i Zgjedhjeve ka bere me dije se jane numeruar gjithsej 80,59% e kutive, ose 4439 kuti nga 5508 qe jane ne total.

VLORE
numerohen 411 kuti nga 432
ASHE 61.61% 75276 vota
APMI 30.87%, 35958
Arben Malaj 2.28%, 3007 vota
AK 0.73%, 851 vota
FRD 1.01%, 1179 vota

ELBASAN
numërohen 450 nga 540 kuti,
ASHE 57.96%, ka marrë 80568 vota
APMI 40.18%, 55846
FRD 1.36%, 1954 vota
AK 0.48%, 689 vota

KUKES
Numërohen 162 nga 169 kuti gjithsej
ASHE 39.46%, ka marrë 17880 vota
APMI 59.42%, 26914 vota
FRD 0.61%, 276 vota
AK 0.42%, 192 vota
DURRËS
janë numëruar deri tani 348 nga 444 kuti gjithsej
ASHE 51.92%, 61103 vota
APMI 44.52%, 52759 vota
FRD 3.03%, 3593
AK 0.48%, 567 vota

FIER
janë numëruar deri tani 432 nga 576 kuti gjithsej
ASHE 62.98%, 94797 vota
APMI 31.54%, 47475
FRD 1.50%, 2253 vota
AK 0.37%, 556 vota.
Dritan Prifti 3.50%, 5264 vota

LEZHË
Numërohen deri tani 207 nga 258 kuti gjithsej
ASHE 52.83%, ka marrë 32915 vota
APMI 45.63%, 28425
FRD 1.10%, 688 vota.
AK 0.38%, 235 vota

TIRANË
janë numëruar aktualisht 964 nga 1422 kuti
ASHE 54.46%, ka marrë 163581 vota
APMI 42.13%, 126525 vota
FRD 2.16%, 6496 vota
AK 1.15%, 3448 vota

BERAT
janë numëruar deri tani 270 nga 302 kuti
ASHE 73.94%, 61704 vota
APMI 25.10%, 20997 vota
FRD 0.6%, 802 vota
AK 0.33%, 274 vota

GJIROKASTËR
janë numëruar 163 nga 237 kuti
ASHE 69.63%, ka marrë 26000
APMI 29.43%, 10990
FRD 0.56%, 290 vota
AK 0.33%, 120 vota

SHKODËR
janë numëruar deri tani 338 nga 417 kuti
ASHE 52.48%, ka marrë 53214 vota
APMI 44.09%, 45536 vota
FRD 2.10%, 2127 vota
AK 0.43%, 432 vota .

DIBER, eshte mbyllur numerimi
Nga 264 kuti te numeruara, ASHE ka marre 49.56% te votave, ose 36964 vota.
APMI ka marre 46.93%, ose 35005 vota.
FRD ka marre 3.11%, ose 2322 vota
AK ka marre 0.33%, ose 247 vota

KORCE, mbyllur numerimi
ASHPE, 60.4% , 88710 vota
APMI 38.4% , 56488 vota
FRD 1.0% 1391 vota
AK 0.2% 294 vota

Qendra votimi te perfunduara sipas KQZ 64,72% = 3565 nga 5508

Në qarkun Korçë janë numëruar 435 nga 447 kuti
ASHE 60.02%
APMI 38.74%

Në qarkun Berat janë numëruar 214 nga 302 kuti
ASHE 74.22-%
APMI 24. 88%

Në qarkun e Gjirokastrës janë numëruar 127 nga 237 kuti
ASHE 69.52%
APMI 29.55%
FRD 0.59%

Në qarkun e Shkodrës janë numëruar 301 nga 417 kuti
ASHE 52.51%
APMI 44.86%
FRD 2.11%

Në qarkun Elbasan janë numëruar 357 nga 540 kuti
ASHE 57.35%
APMI 40.81%
FRD 1.32%

Në qarkun Fier janë numëruar 337 nga 576 kuti
ASHE 63.40%
APMI 31.27%
FRD 1.33%

Në qarkun Lezhë janë numëruar 207 nga 258 kuti
ASHE 52.83%
APMI 45.63%
FRD 1.09%

Në qarkun Tiranë janë numëruar 628 nga 1422 kuti
ASHE 55.85%
APMI 40.62%
FRD 2.29%
AK 1.13%

Në qarkun Durrës janë nuëmruar 212 nga 444 kuti
ASHE 52.80%
APMI 43.77%
FRD 2.86%

Në qarkun Kukës janë numëruar 138 nga 169 kuti
ASHE 38.23%
APMI 60.69%
FRD 0.66%

Në qarkun Vlorë janë numëruar 348 nga 432 kuti
ASHE 65.14%
APMI 30.80%
FRD 1.02%
Kandidati i Pavaruar Arben Malaj 2.16%

DIBRA e ka mbyllur numerimin, fiton e majta
Nga 264 kuti te numeruara, ASHE ka marre 49.56% te votave, ose 36964 vota.
APMI ka marre 46.93%, ose 35005 vota.
FRD ka marre 3.11%, ose 2322 vota
AK ka marre 0.33%, ose 247 vota

KQZ po ashtu bëri me dije edhe pjesëmarrjen në votime, ende jo përfundimtare. Në rang kombëtar kanë marrë pjesë në zgjedhje 53,24%. Pjesëmarrja në Berat 58,27% ; Dibër 69,57% ; Durrës 47,74% ; Elbasan 52,98% ; Fier 48,30% ; Gjirokastër 50,09% ; Korcë 53,24% ; Kukës 58,61% ; Lezhë 50,63%, Shkodër 42,48% ; Tiranë 55,71%; Vlorë 44,35%.

Bashkia Delvinë mbyll numërimin

Ka përfunduar pas mesnate numërimin bashkia Delvinë, duke nxjerre ne krye koalicionin e Aleances per Shqiperine Evropiane, me 5850 vota, nderkohe qe kolaicioni i djathte ka marre 2939 vota.

Agron Kohila, kryetar i KZAZ nr.87, i zgjedhur nga subjekti politik i PS-se bëri publike se në zgjedhjet e 23 qershorit në Delvine morën pjesë 45 përqind e votuesve të rregjistruar sipas listave të zgjedhësve. Sh. DINE

PS ka marrë 3147 vota
PD ka marre 1422 vota
LSI 1095 vota
Arben Malaj 218 vota
PBDNJ 1123
MEGA 727 vota.

Mbyllet numërimi në bashkinë Sarandë

SARANDE- Ka perfunduar rreth ores 15.00 procesi i numerimit ne KZAZ nr.88 në Sarandë. Mbyllja e numerimit nxorri ne krye Koalicionin Aleanca për Shqipërinë Europiane me 7560 vota, nderkohe qe koalicioni i djathte mori 3860 vota.
Hariz Mema kryetar i KZAZ nr.88, i zgjedhur nga subjekti politik i PD bëri publike se në zgjedhjet e 23 qershorit në Sarandë morën pjesë 42 përqind e votuesve të rregjistruar sipas listave të zgjedhësve.
Gjatë gjithë kohës së numërimit të votave kandidatët për deputet Koço Kokëdhima i dyti në listën e PS dhe Arben Ristani i dyti në listën e PD në Qarkun e Vlorës, kanë qenë në qendrën e numërimit.

“S’MË DHIMBSET GJYSHI, MË DHIMBSET BURRËRIA E TIJ”

June 25, 2013 by dgreca

Shkruan: Fadil LUSHI/

Lexuesit e mi të nderuar besoj se do më ndjejnë nëse paragrafin e parë të këtij shkrimi paksa do ta personalizoj. Ka shumë kohë që motra ime gjegjësisht ajo heroina fatkeqe e gjeneratës së saj, që dikur pavullnetshëm u çatdhesua dhe u degdis në pjesën e Trakisë turke, nuk m’i lexon shkrimet. Se pse nuk m’i lexon vështrimet, me të drejtë ajo do të ketë arsyet a provat e saj. Më thotë se në vijimësi vështrimet i ke pesimiste, popullorçe dhe njëkohësisht të “qëndisura” me atë fjalorin tënd të “ndotur”! Sipas saj, lëre që ky stil i të shkruarit nuk e nderon lexuesin, por njëkohësisht abuzon rregullat dhe udhëzimet që duhet zbatuar në fushën e gazetarisë! Më sugjeron që në të ardhmen shkrimet a opinionet t’i kem më optimiste, më humaniste dhe më të drejtpërdrejta. Që ta bësh këtë, mor vëllaçko, është koha të heqësh inatet, po edhe të adaptosh një filozofi krejt tjetër fare…, sikur donte të më thotë, duhet t’u shmangesh “shkrimeve me isharete dhe me temsile”!? …, t’i mund të shkruash për vlerat tona e të tjera. I premtova se do të bëj a do të veproj siç më thotë ajo…, me gjithë faktin që e di se ajo, nuk do ta lexojë këtë “shkarravinë” të radhës.

Unë nuk dua që ky vështrim të jetë një kopje e zbehtë e atyre paraprake, nuk dua ta gënjej as motrën, as lexuesin, as vetveten po as nihilistët, dhe për këtë do të më lejohet t’i referohem piktorit dhe shkrimtarit kosovar, Rexhep Ferri, i cili në një gazetë prestigjioze të Tiranës, në kuadër të temës: “Na ishte njëherë fjala”, pos të tjerash, kishte shkruar edhe këto fjalë:”…, krejt në fund po ju tregoj se romanin tim të fundit e mbylla me dy vargje të një poezie që e kam shkruar vite e vite më herët: S’më dhimbset gjyshi, më dhimbset burrëria e tij. Një kafe një lirë, dy kafe një gjysmë lire”!

Ti, lexues i nderuar, nëse takati yt mental të mundëson ta zbërthesh filozofinë e këtyre dy vargjeve të lartpërmendura, atëherë të mbetet të lexosh një shkrim kryekëput pesimist. Unë sot e gjithë ditën e Perëndisë do të parashtroj pyetjen se mos vallë filozofia e këtyre dy vargjeve të zotit Ferri, nuk ka moral të dyfishtë, a mos vallë, mund të themi se ai nuk ka të drejtë në këtë kontekst, a mos vallë logjika e këtyre dy vargjeve nuk duket a nuk hetohet në përditshmërinë tonë, a mos vallë kjo nuk u hetua në orët e para të mëngjesit të ditës së zgjedhjeve parlamentare diku në një lagje të Laçit, a mos vallë ca militantë (pavarësisht se cilës parti politike i takojnë) nuk u futën në votime me këmbën e gabuar, nuk u futën me atë “nijetin e tyre të keq”, a mos vallë nuk kemi të drejtë, të themi se neve nuk na dhimbset hiç fare vota e viktimës përkundrejt jetës së tij…, a mos vallë nuk kam të drejtë t’i them sime motre se mendimin e ka gabim…, a mos vallë nuk kemi të drejtë të themi se jeta e një votuesi vlen një gjysmë lek!? Mua nuk më dhimbset Shqipëria londineze, sa më dhimbset imazhi i saj, nuk më dhimbset historia e saj (sa e lavdëruar, po aq e nëpërkëmbur), sa më dhimbset e ardhmja dhe standardet demokratike të saj…, mua nuk më dhimbsen recidivistët e rrezikshëm, sa më brengos ajo heshtje varri e intelektualëve…, nuk më dhimbsen lekët e humbur dhe të abuzuar të partive politike, sa më habit butaforia mashtruese e politikanëve. Mua nuk më dhimbset jorgani, më vjen inat pse e dogja për një plesht!?

Ti, i nderuar lexues, nëse nuk të bezdisa me këto “broçkulla”, do të më lejosh që këto dy vargje të z. Rexhep Ferri t’i “zhvendos” në Republikën e Kosovës, në atë vend ku edhe dolën…, në hapësirat e pas luftës kosovare, në vendin që njihet me ato katër palë histori: me historinë e robërisë, me historinë e familjes së Jasharajve, me historinë e autokracisë si dhe me historinë e protagonistit të saj, gjegjësisht të ushtarakut të UÇK-së, i cili edhe sot mbijeton me ndihma sociale, me grumbullimin e kanaqeve, me lëmoshën e njerëzve të mirë. Ushtaraku që nuk do t’i besojë “pakujdesisë” së pushtetarëve a autokratëve, të cilët ashtu rehatshëm janë ulur në kryeminderet e institucioneve kushtetuese të shtetit…, nuk do të besojë se edhe në të ardhmen statusi i tij do të mbetet pambarimisht në mëshirën e dallkaukëve politikë…, ai nuk do të mbetet i papërfillshëm, i parëndësishëm dhe i padobishëm, së paku për familjen, për kalamajtë, për shoqërinë…, ai nuk do të “besojë” se ishte një ndër kërkuesit e lirisë së munguar të vendit. Ai nuk do t’u besojë atyre dy vargjeve të dala nga poezia e Rexhep Ferrit…, ai nuk do të besojë se bashkëluftëtarët e tij të dikurshëm, sot janë “konvertuar” në autokratë tok me familjet e tyre…, ai nuk beson se bashkëluftëtarëve të tij u munguaka vetvetja, ndërgjegjja a edhe ekuilibri moral, ai nuk do të besojë se shokët e luftës, ashtu detyrimisht dhe pavullnet-

shëm u “divorcuan” nga idealet dhe nga e kaluara e tyre!?

Ushtaraku me paterica prej druri nuk do të shndërrohet në skllav barbari e barbarizmi, nuk do të bëhet rob vandali e vandalizmi, në skllav bastardi.., ai nuk do të trokasë në dyert e… dhe miqve të tij të dikurshëm, ai nuk do të trokasë në dyert e miqve të tij të cilët anashkalojnë kujdesin ndaj kësaj kategorie njerëzish, të atyre që dhunojnë fjalën e lirë, në dyert e atyre që hiç nuk u ha palla…, ai nuk do të ulet pranë tryezës a tavolinës së (mbi)populluar me sojsëzë, kulakë, kumarxhinj, me “reformatorë, liberatorë, a edhe me njerëz të përmjerrë”!? Ai kurrën e kurrës nuk do të frekuentojë hapësirat e politikanëve për të kërkuar lëmoshë…, ai nuk do të takojë njerëzit me prepotencë mendore dhe me mentalitet provincial…, ai nuk do t’i përfillë njerëzit që pështyjnë mbi vlerat e dala nga lufta…, njerëzit të cilët e kanë për qejf që prej budallait të bëjnë të mençur dhe prej këtij të fundit të marrë, analfabetin do ta bëjnë intelektual dhe këtë të fundit lesh…, nuk do të lejojë që t’i thonë se burrëria, ndërgjegjja (po edhe dinjiteti yt) vlen një gjysmë lire, vlen sa dy kënaqe, vlen një gjysmë llaf, vlen sa një… etj.

O milet, po më thoni a mos vallë ky ushtarak dhe të tillë të tjerë si ai, nuk meriton diç më tepër, a mos vallë ai dhe ata nuk meritojnë një rrëfim a shpjegim ndryshe, a mos vallë ata nuk janë sui generis, apo në instancë të fundit duhet t’i harrojmë një herë e përgjithmonë.

William Shakespeare dikur kishte thënë: “Bekuar qoftë ai që ruan varrin tim, mallkuar qoftë ai që lëviz këtë gur nga varri im”! Kësaj thënieje të Shekspirit ushtari i UÇK-së nuk do t’i shtojë asnjë presje. Ja, pra, pse këto lloj shkrimesh dalin çapraze dhe fare pak optimiste. Është mirë të jesh “dhëndër i engjëllit”(!???)…, ai t’i fshin mëkatet, por, po deshe, edhe t’i shton “sevapet”!?

Ime motër e dashur, të fala nga Vatani!

UPDATE ON SITUATION IN LAC. KUKAN: ONE SHOULD NOT DRAW PRELIMINARY CONCLUSIONS

June 23, 2013 by dgreca

The General Directorate of the State Police stated that today, June 23rd 2013, at 08:46 hrs, a serious incident was registered outside the premises of “At Shtejfën Gjeçovi” high school in the city of Laç, northwest of Albania. As a result, Socialist Movement for Integration (SMI) supporter and resident of Laç, Gjon Gjoni lost his life, whereas the Democratic Party candidate Mëhill Fufi was injured and is currently receiving special care at the regional hospital of Lezha. DP supporter Kastriot Fufi was also seriously injured during the incident and according to medical personnel displays precarious health conditions. Police authorities of the Lezha District reached the area immediately after the incident took place and is currently carrying out investigations in view of identifying the perpetrators.

In a follow-up to the incident, Socialist Party leader Edi Rama, and Socialist Movement for Integration leader Ilir Meta travelled to the city of Laç. Mr. Meta expressed distrust and made direct accusations against the State Police, saying, “The State Police is working to manipulate the elections in favor of the Democratic Party. We will protect the ballots in Laç, Mamurras and all over Albania. Sali Berisha cannot leave power without blood. He will leave [power] at any cost. This is a done deal.” Rama stated that the socialists will protect every vote: “This is an attempt to frighten people and to change the will of the Albanian people. The police must serve the citizens and the elections.”

In response, the head of the DP candidate list in the Lezha district and the current Minister of Foreign Affairs of Albania, Mr. Aldo Bumçi, stated that: “We condemn violence. Violence has no color and political affiliation. State Police are trying to investigate the incident and politicians should refrain from intolerable language. Mr. Rama and Mr. Meta are taking an unacceptable stance, came and took the role of the prosecutor and the judge. Hot heads do not serve anything, so they must distance themselves from this aggressive language.”

The head of the European Parliament delegation for relations with South Eastern Europe, Mr. Eduard Kukan, who is also leading the EU Parliament observing delegation to Albania, after meeting Rama, suggested: “Violence is unacceptable in elections, but should be investigated. One should not draw preliminary conclusions and keep from making statements.”

Në vend të reagimit

June 22, 2013 by dgreca

Për ngjarjen kulturore të Monodramës,,Unë Jam Adem Jashari,,botuar në gazetë Dielli online,,(më datën 20 qershor 2013)nga gazetari Beqir Sina është përvjedhur një gabim mbase pa dashje të autorit kur thuhet,,Janë gati tre vjet që punojmë me regjisorin Xhevat Limani dhe djalin tim Lebit Murtishi(!),,në vend që të thuhet (lexo:djali i aktori Jeton Murtishi),është përmendur emri i autorit të manodramës Lebit Murtishi!Për hirë të rëndësisë dhe peshës që pati ngjarja kulturo-kombëtare në Nju Jork dhe për autorin Lebit Murtishi,i cili më dekada kaloj një pjesë të jetës nëpër burgjet sllavomaqedonase për çëshjtjen e kauzës sonë kombëtare dhe për monodramën për heroin e Drenicës Adem Jashari,sikur e pati pjesë të amanetit të brezave që ranë në altarin për lirinë dhe pavarësinë e Kosovës,përmes këtyre rreshtave (në vend të reagimit)ti kërkohet falje autorit dhe lexuesve të nderuar të gazetës,,Dielli,.

Me respekt,
Skënder Karaçica,
Çikago

A DONI “TEK A ÇIFT ?!”…

June 22, 2013 by dgreca

Nga Fritz RADOVANI/

Kush di me luejtë cilendo prej lojnave din me hjedhë edhe shortin…

Shumica e lojnave kanë arbitra, të cilët hjedhin shortin para fillimit të lojës. Zakonisht ata pyesin njenin nga dy lojtarët se çka kerkon “çift a tek”? Zgjedhja e njenit i jep të drejten tjetrit me kenë fitues i anës tjeter të monedhës që albitri hjedhë me percaktue të drejten “me zgjedhë”… mbas ramjes monedhës në tokë. Ky asht shorti. Deri këtu arbitri asht i paanshem…

Në politikë nuk pyesin kurrë “a doni çift a tek ?!”, ata perdorin tjera fjalë që janë marrë nga ato që perdornin të huejtë kur na sundonin në shtëpinë tonë, p.sh. “a do turrë a jazë?”…ose kur në të shumten e rasave ata ishin arbitrat tonë, që drejtonin “lojen e vet” me lojtarët tanë.

Në kohen e osmanllinjëve nuk e kam idenë se çka mund të na kenë pyet ata ne. Dij se në këta 100 vjet të shkueme, pothuej askush nuk e ka pyet popullin as per qeverisje as qeveritarë.

Pleqtë tregonin se kur e kanë pyet Luigj Gurakuqin një rreth miqësh pse nuk martohesh, Luigji u ka thanë: “Per me u marrë me politikë dhe me kenë i drejtë në Shqipni, politikani nuk duhet kurrë me u martue!” Pra, duhet me kenë “tek”, që mos me lanë familjen rrugash…

Edhe Ahmet Zogut kur i hodhi “shortin” Pashiq në Bristol të Beogradit, në gusht të 1924, Ahmet Zogu i tha: “Due turrë” dhe i ra “turra”… E filloi me Luigj Gurakuqin, Bajram Currin e Hasan Prishtinen…e shkoi “turra” deri në fund të Shqipnisë…e besa, edhe të Dardanisë.

Në vitin 1941 erdhi në Tiranë një tjeter “trajner” politik nga Beogradi, njëfarë Dushan Mugoshet, të cilit nuk besoj se do t’ia harrojnë emnin Shqiptarët edhe nja 250 vjet tjera… Edhe ky i pat hjedhë “short” Enver Hoxhës, i cili i kerkoj “turrë”, ndersa “jaza” i takoi Qemal Stafës, Vasil Shantos, Zef Malës me “mbarë” Shkodren, e pak ma vonë edhe grupit Korçës… Edhe kur ndokush e pyeste Enverin “a do çift a tek?”, ky i pergjegjej “turrë”, pra kerkonte “çift” se me “tek” as nuk u ulte me fillue lojen e vet… Edhe në vitin 1948, vazhdoi me “çift” kur luejti me kokat e Koçi Xoxes e kompani… Prap vazhdoi me “çift” kur hodhi shortin per Tuk Jakoven dhe Bedri Spahiun… Prap me “çift” kur erdhi Hrushovi, me Liri Belishoven e të shoqin Maqo Çomo.

Në vitet 1970 – 74 nuk e perdori ma fjalen “çift”, po thonte “turrë”…e kriste turra nga ministria e mbrendshme e deri naltë në Byro politike, prej Kadri Hasbiut, Feqorr Shehut, Abdyl Këllezit, Koço Theodhosit, Beqir Ballukut dhe turrës gjeneralave…derisa, vetem njëherë i tha Nexhmijes, dua “çift” dhe ajo ia plotsoi dëshiren me “çiftin” Mehmet e Fiqrete Shehun… Kur u plak e nuk mujte me hjedhë ma as shortin, i la porosi Ramizit, që para se me thanë “turrë a jazë”, gjithmonë shiko në sy Nexhmijen, mbasi ai kurrë nuk kishte hjedhë short pa shikue ate. Asht kenë qefli taullet, aqsa kur dilte në balkon kur ishte budallosë dhe i bante rojeve të bllokut me dy pllambët e veta te vendosuna tek hunda, thërriste me të madhe “haps”; i dukej si taullë ambjenti perrreth…e kur vriste ndonjë njeri dhe harronte, i thonte Nexhmijes, “më ke fshehur gurin!!”

Ramizi ishte mjeshter i vjeter në hjedhje shorti. E pat fillue lojen me kosovarë në 1944, dhe njihej si mjeshter i zhdukjes së “turrave” të Shqiptarëve… Vetem njëherë kur iu desht me sigurue “t’ardhmen” e postit PPSh, kerkoj “tek” dhe na solli Hysni Kapon në arkivol nga Parisi.

Edhe në vitet 1990 – 91 kur lojen e fitoi Regan, dhe komunizmit i erdhi fundi… Ramizi, mbasi kishte vra Djelmët fatzezë nder kufinjë, në fjalen e vete në Byro politike tha: “Dua çift!” dhe zgjodhi “çiftin” Nano – Berisha… I çoi në Venecia…Atje një trajner italian, i hodhi shortin… Nano kerkoj “turrë” dhe i ra “turra e komunistëve”, ndersa Berisha, kerkoi “jazë”, dhe i rane të gjithë agjentët e sigurimit dhe të “persekutuemit politik ‘antikomunistë”…

***

Tashti, sigurisht, që koha e ka ba të veten… Jo vetem arbitrat, po edhe lojtarët janë shumë të specializuem dhe komunikues me grupet “turrë” të atyne, që shumica kujtojnë se me të vertetë janë kundershtarë me njenitjetrin. Sigurisht, kanë ndonjë keqkuptim kur bisedojnë per “turrat” e eurove apo të rrezervave nder banka, por shpejtë i pajton qellimi dhe prejardhja e vjeter…

Asht gja e bukur me i pa kur bajnë sikur janë zemrue…E mandej…i pajtojnë gratë! Sa të jetë gjallë Nexhmija nuk kanë nder mend me u prishë per gjana të vogla. As këta asnjeni nuk ia prishin as qejfin as zemren asaj… I ka dashtë fort qyshë të rijë…i ka rritë vetë (edhe si veten).

Tashti në zgjedhjet e vitit 2013, shorti do të hidhet mes Berishës dhe Ramës… Tashti nuk ka ma as Berisha “jazë” se gati – gati janë ba të dy grupet “turrë”…”të persekutuemit” u harruen!

Shqiptarët mundohen me hjedhë “short” po sa herë hjedhin monedhat nalt…u bijnë “jazë” se nuk janë mësue me lujtë me pare…vazhdojnë me kujtue se po lozin me “letrat me vlerë”…

Prap si dikur…kur të shkoni me votue hidhni shortin…kujt ti bijnë “turra” jepni voten!

Ka shkue puna; si ka turra si ka jaza… “qeverinë e ka n’ dorë masa…”!

Kam harrue si asht ajo fjala… a thohet: “Turrë, turrë, bahesh mur…”?

Uuuuuuaa…si i binte “turra” gjithnjë atij…!?

Kam vetem një shpresë: “Në dorë të Zotit”, se mjaft me dreqin!

Melbourne, 2013.