Komente – Page 140 – Dielli

Për herë të parë, festa u shënua në 10 Maj 1908…

May 13, 2019 by dgreca

Dita e Nënës e ka zanafillën në Shtetet e Bashkuara të Amerikës, por festohet në shumë vende anembanë botës.
Anna Jarvis, një amerikane e lindur në Virxhinian Perëndimore dhe e shpërngulur në Filadelfia, e mori nismën në emër të punës së nënës së saj.
Për herë të parë, festa u shënua në 10 Maj 1908. Anna Jarvis filloi
fushatën për t’i dhënë festës njohje kombëtare. Pas gjashtë vjetëve,
më 1914, e diela e dytë e Majit u caktua si Dita e Nënës.
Në intervistën e znj. Jarvis për revistën Inquirer në maj 1913, ajo
thotë se synimi është që burrat dhe gratë të kuptojnë përgjegjësitë
individuale dhe e kundërshtonte me shpirt komercializimin e festës.
Te Dielen me 12 Maj 2019 gjatë meshës së të dielës në Vatikan, Ati i Shenjtë u ndal dhe i përgëzoi nënat për punën e tyre për rritjen e mbrojtjen e fëmijës.
Ashtu si më shumë se një shekull më parë kur nisi përkujtimi i ditës, Papa vlerësoi dhuratën e paçmueshme shpirtërore e morale që përfaqëson nëna. Ati i Shenjtë kishte folur më gjatë për figurën e nënës në një fjalim të mbajtur më 4 Maj gjatë vizitës në Bazilikën e Shën Mërisë së Madhërishme. Nëna kryen një detyrë madhore sepse e ndihmon fëmijën t’i përballoj problemet e jetës “pa e humbur rrugën”, tha ai. Dhe, shtoi se nëna është ajo që e ndihmon fëmijën të kuptoj domethënien e lirisë, në një kohë kur është kaq e vështirë për njerëzit të vendosin për rrugën e tyre në jetë.

DIELLI uron Gëzuar Ditën e Nënës! (Rafaela Prifti)

Përse grekët ekstremistë hoqën tabelat shqip-greqisht më 10 Maj?

May 11, 2019 by dgreca

Nga Arben LLALLA/

Ekstremistët grekë kishin paralajmëruar se me rastin e 6 mujorit të vrasjes së kriminelit nga Bularati Kostandinos Kacifas do bëni akte kombëtare që do tju tregojnë shqiptarëve se gjaku i Kacifës nuk shkojë kot. Më 11 Maj, të shtunën në Bularat, në kishën e Shën Athanasit, u mblidhën grekët që mbështesin idenë irredentiste të Kacifës për aneksimin e Jugut të Shqipërisë dhe u çorrën për hakmarrje e luftë.

Ish-deputeti dhe ish-zv/ministri i ekonomisë dhe punës Andonis Bezas, pikërisht më 10 Maj promovojë librin e tij kundër çamëve dhe Çështjes Çame. Librin Andonis Bezas ia kushtonte aktit kriminal të Kostandin Kacifës. Ndërsa më 12 maj, Mitropoliti i Konicës Andreas, në kufirin greko-shqiptar do mbajë një meshë për aktin e Kacifës, si dhe do mallkojë çamët dhe Çështjen Çame. (Çamët dhe Çështja Çame janë hala në sytë e Greqisë, u është bërë kancerë grekëve, vuajnë shumë kur shohin aktivitet për Çamërinë). Vendosja me aq nxitim i tabelave greko-shqiptare të prodhuara në Greqi nga kryetari i bashkisë së Finiqit, Leonidhas Kristos ishte me prapavija politike të urdhëruara nga Athina sepse gjërat dolën qartë vetëm pas dy ditëve. Leonidhas Kristos duke mos bërë asgjë për banorët e Finiqit që vuajnë nga mungesa e ujit, rrugëve dhe kujdesia shëndetësore, gjeti strehë tek akti antikushtetues e provokativë duke mohur gjuhën shqipe. (Leonidhas Kristos do jetë kandidat i pavarur për bashkinë e Finiqit përballë kryetarit të partisë së pakicës greke MEGA, Kiço Kristos)

E kuptoni deri ku arrin mentaliteti i sëmurë i deputetëve dhe ministrave të Greqisë?

Siçshihet janë strukturat shtetërore dhe partitë politike në Greqi që nxisin urrejtje etnike dhe fetare midis pakicës greke dhe shqiptarëve etnik.

Por shteti shqiptar çfarë bënë? Strukturat e Shqipërisë merren me vetveten, me karrierat politike individuale, duke nxjerrë sytë e njeri-tjetrit dhe nuk shohin jugun e Shqipërisë që Greqia ka hedhur betonin e katit të parë.

Aktet të tjera provokativë do të ndodhin këtë periudhë në jugun e Shqipërisë nga strukturat e Greqisë sepse sa herë që mbahen zgjedhjet atje, për humbjen e njërës palë, fajin e ka Shqipëria dhe shqiptarët.

E gjitha fushata e trefishtë të zgjedhjeve për eurodeputet, prefektë dhe kryetar bashkie do të përqendrohet tek britmat naziste për çlirimin e motrës së vogël greke Veriu i Epirit. (Nuk e dimë cila është motra e madhe e grekëve sepse këtë të voglën e mësuam).

Por grekët dhe Greqia duhet të kenë diçka parasysh sepse mbi kryet e tyre qëndron hanxhari i Turqisë që është gati. Pa folur për luftën e brendshme e kishës e cila pritet të shpërthejë shumë shpejtë, duke patur parasysh se në Greqi funksionojnë shumë kisha ilegale të kalendarëve të ndryshme si dhe shkurtimin e fondeve shtetërore që BE ka vendosur si kusht qeverisë Tsiprase.

Problemet e brendshme Greqia dhe grekët nuk mund ti fshehin me britma dhe kërcënime ndaj Shqipërisë dhe shqiptarëve, por duke menduar për fqinjësi të mirë, paqe dhe stabilitet afatgjatë të rajonit.

Protesta e opozitës, SHBA: Refuzoni dhunën

May 10, 2019 by dgreca

Në Shqipëri ambasada e Shteteve të Bashkuara i bëri sot thirrje mbështetësve të opozitës që në protestën e thirrur nesër prej saj në Tiranë, “të refuzojnë dhunën për të siguruar një protestë paqësore dhe konstruktive”

Protesta e nesërme e opozitës është e 12-ta që prej muajit shkurt kur ajo u largua nga parlamenti duke hequr dorë nga mandatet e deputetëve të saj. Shpesh në protestat e organizuara në Tiranë janë rregjistruar përplasje të dhunshme me policinë e cila ka përdorur dhe gazin lotsjellës për të shpërndarë manifestuesit.

Në deklaratën e saj ambasada amerikane thekson se “përgjatë muajve të fundit, pjesa më e madhe e pjesëmarrësve kanë ushtruar të drejtën e tyre për të protestuar paqësisht. Megjithatë, në çastin kur një protestë paqësore njolloset nga një akt dhune, qoftë edhe nga një individ, qëllimi demokratik i protestës kompromentohet. Është e paligjshme dhe jo demokratike të kryesh akte dhune, përfshirë edhe shkatërrimin e pronës”, nënvizon deklarata.

Opozita kërkon dorëheqjen e kryeministrit Edi Rama dhe krijimin e një qeverie kalimtare që të përgatisë zgjedhje të parakohshme, ndërsa ka parlajmëruar se nuk do të lejojë organizimin e zgjedhjeve vendore të 30 qershorit. Nga ana e saj shumica ka përsëritur se nuk do të ketë shtyrje të zgjedhjeve vendore dhe se ato do mbahen në datën e caktuar.(VOA)

Lojë me fjalë

May 6, 2019 by dgreca

Nga Astrit Lulushi/

Kushdo që vallzon duhet të jetë shumë i dehur ose i çmendur, thoshte Ciceroni. Vallëzimi, përveç në lidhje me disa ceremoni, konsiderohej degradues nga romakët që nga periudha më e hershme. Mes romakëve, profesionet më të ndershme ishin bujqësia dhe lufta; kjo e fundit u mundësonte atyre që ta pushtonin tokën me shpatë, dhe bujqësia i mësonte që ta nënshtronin atë për qëllimet e tyre – punim, mbjellje e mbarështimit.
Tregtia shihej me përbuzje dhe u lihej plebejve; patrikët e konsideronin veten të punësuar në mënyrë të përshtatshme vetëm kur hynin në luftë a ushtri, ose bujqësi e blegtori, “pecus”, gjedhët, që rrjedh nga pecunia, nga rrjedhin fjalët bagëti, para e pronë. Me përdorimin e patkuajve – këmbët e kuajve – lindi profesioni i fabrit ose i farkës a farkëtarit.
Karrigia Kurule thuhet se ishte importuar, me artikuj të tjerë të mobiljeve shtetërore, nga Etruria. Karrigia Kurule i ngjan asaj otomane, por me këmbët prej fildishit në formën e këmbëve të elefantit toskanin, çka merret si provë për origjinën e saj etruske. Ka të tjerë që thonë se karrigia Kurule është përdorur shumë kohë para romakëve nga faraonët e Egjiptit të lashtë. Sidoqoftë, në Karrigen Kurule ulej vetëm perandori ose kryetari, dhe nga “Kurule” rrjedh “Karrigia ku ulet kryetari”.

JO HELENIZIMIT TE JUGUT TE SHQIPERISE

May 4, 2019 by dgreca

“Kastriotët e Dardanisë” : Jo toponimeve në gjuhën greke, para atyre në gjuhën Shqipe në jugun e Shqipërisë administrative/

Në një deklaratë politike nga kryetari i Iniciativës Qytetare “Kastriotët e Dardanisë” (dërguar në redaksinë e Diellit) , iu bëhet thirrje të gjitha partive e organizatave, sidomos atyre që thirren në emër të Çamërisë, që ta pengojnë me çdo kusht e mjet helenizimin e jugut të Shqipërisë së sotshme.

Sipas “Kastriotëve të Dardanisë”, atdhetarët e kanë një javë afat që t’i riformulojnë qëndrimet e veta dhe të veprojnë me mënyra paqësore për mbrojtjen e interesave të vendit, e kjo vlenë sidomos që të largohen të gjitha ato mbishkrime në gjuhën greke që janë të vendosura para gjuhës Shqipe nëpër tabela në gjithë jugun e Shqipërisë.

Veprimet e tilla nuk janë kurrsesi të drejtuara kundër minoritetit grek dhe interesave të tij, por kundër shovinizmit dhe pretendimeve territoriale të Greqisë ndaj asaj pjese të vendit. Në këtë deklaratë thuhet që vetëm pasi të lejohen mbishkrimet në Gjuhën Shqipe në Çamëri, tek pastaj do të lejohen në zonat ku banon i ashtuquajtur “minoriteti grek” edhe mbishkrimet në gjuhën greke.

“Nëse jeni bijë të Gjergj Kastriotit e Adem Jasharit, bëhuni gati për ta mbrojtur paqësisht vendin që nuk e mbrojnë udhëheqësit tanë të shpifur”, thuhet në atë deklaratë të nënshkruar nga z. Kastriot Berishaj.