Komente – Page 199 – Dielli

,,Chicago Tribune,,përkujton Kosvën në kohën e Luftës

April 8, 2017 by dgreca

Gazeta,,Chicago Tribune,,përkujton kohën vrastare të Milosheviqit në Kosovë/

Në numrin e sotëm të gazetës së përditshme,,Chicago Tribune,,në Çikago,në rubrikën e përhershme më 7 prill…përkujton kohën vrastare të Milosheviqit në Kosovë.

Me tej thuhet në këtë rubrikë për lexuesit amerikaanë se regjimi i Beogradit me Presidentin e ish-Jugosllavisë,

Slobodan Miloseviç,po në këtë ditë refuzoi çdo nismë të zgjidhjes së problemit të Kosovës,prandaj në shenjë të shpëtimit të shqiptarëve etnikë,nisi fushata ushtarake NATO në bombardimin e caqeve ushtarke të Serbisë.Në këtë kohë,thotë gazeta ,,Chicago Tribune,,një milionë shqiptarë të Kosovës kishin lëshuar shtëpitë e tyre dhe ishin vendos në Shqipëri dhe në vendet fqinje.

Skënder Karaçica

Kosovë-Ushtria do të bëhet

April 7, 2017 by dgreca

-Presidenti Thaçi: Ushtria do të bëhet, ta gjejmë konsensusin/PRISHTINË, 7 Prill 2017-Gazeta DIELLI/ Presidenti i Republikës së Kosovës, Hashim Thaçi, sot ka marrë pjesë në konferencën “Forca e Sigurisë së Kosovës – Perspektivat e së Ardhmes”, e cila është organizuar nga Instituti Kërkimor për Çështje Evropiane dhe të Zhvillimit.

Në këtë konferencë, presidenti Thaçi theksoi se iniciativa për transformimin e FSK-së është veprim i menduar mirë, kurse dërgimi i projektligjit në Kuvend është rezultat i paaftësisë së institucioneve dhe partnerëve ndërkombëtarë, që gjatë tri vjetëve të kaluara të themelojmë Forcat e Armatosura të Kosovës.Presidenti ka thënë se përfaqësuesit e Listës Serbe për gjashtë muaj me radhë bojkotuan Kuvendin dhe Qeverinë e Kosovës, duke e bërë të pamundur që institucionet të sigurojnë përkrahjen dhe përfshirjen e tyre në ketë proces jetik.Që nga ndërmarrja e iniciativës ligjore e deri me sot, presidenti Thaçi theksoi se ka pasur dy zhvillime të rëndësishme, të cilat ofrojnë një perspektivë pozitive për përfundimin me sukses të themelimit të Forcave të Armatosura të Kosovës.“Zhvillimi i parë pozitiv është fundi i bojkotit dhe rikthimi i Listës Serbe në institucionet shtetërore, ndërsa zhvillimi i dytë është gatishmëria e partnerëve tanë strategjikë ndërkombëtarë që të përfshihen në mënyrë aktive për themelimin e Forcave të Armatosura të Kosovës nëpërmjet një procesi transparent dhe gjithëpërfshirës”, ka thënë presidenti Thaçi.Duke folur në një panel me ambasadorin amerikan, Greg Delawie, ambasadorin francez, Didier Chabert, zëvendëskryeministrin e Kosovës, Branimir Stojanoviç dhe profesorin amerikan Daniel Server, presidenti Thaçi ka thënë se me gjithë qasjet e ndryshme ka një konsensus për transformimin e FSK-së përmes ndryshimeve kushtetuese.“Unë si President dhe si Komandant i Përgjithshëm i FSK-së e kam për obligim që së bashku me të gjitha institucionet e tjera të Kosovës, ta themelojmë ushtrinë e Kosovës, por edhe ta ruajmë dhe forcojmë me tutje bashkëpunimin me partnerët tanë strategjikë’, ka thënë Thaçi, duke shtuar se ky qëllim është krejtësisht i arritshëm, meqë të gjithë partnerët strategjikë pajtohen se Kosova duhet të themelojë ushtrinë.Dallimi i vetëm deri më sot, sipas presidentit Thaçi, ka qëndruar në qasjen që duhet ndjekur për arritjen e këtij qëllimi të përbashkët.Presidenti ka thënë se duke marrë parasysh dy zhvillimet e fundit të rëndësishme, institucionet e Kosovës janë plotësisht të gatshme që së bashku me partnerët strategjikë të rifillojnë edhe një përpjekje të fundit serioze për transformimin e FSK-së në Forca të Armatosura të Kosovës nëpërmjet ndryshimeve kushtetuese.

“Në shërbim të arritjes së këtij qëllimi të përbashkët dhe duke marrë në konsideratë zhvillimet e fundit në vend, unë sot i kam dërguar një letër zyrtare kryetarit dhe anëtarëve të kryesisë së Kuvendit të Kosovës, nëpërmjet të cilës kam kërkuar që iniciativa ime ligjore për ndryshimin e mandatit dhe rolit të FSK të mos vihet në rënd të ditës për diskutim, përderisa institucionet tona dhe partnerët tanë strategjikë nuk përfundojnë edhe këtë përpjekje të fundit, për të siguruar mbështetjen e të gjitha komuniteteve që transformimi i FSK-së në Forca të Armatosura të Kosovës të bëhet nëpërmjet ndryshimeve kushtetuese”, ka theksuar Thaçi.

Presidenti Thaçi ka thënë se dëshiron që themelimi i ushtrisë të jetë një moment i bashkimit të qytetarëve të Kosovës, partive politike dhe shoqërisë civile.“Ne duam që edhe komuniteti serb që jeton në Kosovë të jetë pjesë e këtij procesi dhe të jap mbështetjen e vet nëpërmjet përfaqësuesve të vet politikë, njësoj sikur të gjitha komunitetet tjera”, ka shtuar Thaçi.

Presidenti Thaçi bëri thirrje që ky proces të mos keqpërdoret dhe keqinterpretohet nga askush, sepse gjithçka është në funksion të arritjes së qëllimit tonë të përbashkët.

“Unë përsëri ritheksoj se dua dhe jam duke punuar intensivisht që një qëllim i tillë jetik të përmbyllet me sukses me mbështetjen e të gjitha komuniteteve të Kosovës dhe të ndodh nëpërmjet ndryshimeve kushtetuese. Në rast të kundërt, e kam bërë të qartë që askush nuk do të mund të përdorë veto ose pengoj në çfarëdo forme themelimin e ushtrisë së Kosovës dhe kjo tashmë është e qartë”, ka shtuar presidenti Thaçi.

Në fund, presidenti ka theksuar se është esenciale që përfaqësuesit politikë të komunitetit serb të mos mendojnë qoftë edhe për një çast të vetëm se institucionet e Kosovës po heqin dorë nga themelimi i Forcave të Armatosura, sepse ky do të ishte një gabim i madh i tyre./b.j/

Çështje emri

April 7, 2017 by dgreca

Nga Astrit Lulushi/

Fise të lashtë që banonin dikur në trojet e shqiptarëve, as nuk e dinin se kishin një identitet të përbashkët, “Ilir”, sepse veten e quanin me emra të ndryshëm. Parë anasjelltas, shumë mes shqiptarëve mbajnë sot emrin “Ilir”, por a janë vërtet të tillë?

Ky emër hyri në qarkullim rreth viteve 1950, kur djali i diktatorit Hoxha u quajt Ilir. Prej asaj kohe, emri u vendos në listën e Zyrës së Gjendjes Civile, nga ku prindërit duhej të përzgjidhnin për fëmijët e tyre; kështu emri “Ilir” ose “Iliriana” filloi të popullarizohej, një zgjim i vonë masiv me dhunë për identitetin e lashtë Ilir.

Faik Konica ka qenë një prej kundërshtarëve, a ndoshta i vetmi mes patriotëve të shkolluar, të shpalljes së pavarësisë së Shqipërisë më 1912. Ai këmbëngulte se fillimisht duheshin bërë përpjekje, nëpërmjet arsimimit në shqip, për zgjimin e dëshirës masive për pavarësi, pastaj për shpalljen e saj. Por kjo nuk ndodhi, parti a udhëheqje elitare erdhën a u vunë një pas një në krye, ndërsa zhvillimet e sotme mund të jenë edhe pasoja të këtij fillimi të gabuar. Del se Konica kishte të drejtë.

Banorët e këtij kombi janë ndër më të vjetrit në Evropë

April 7, 2017 by dgreca

Nga Gëzim Llojdia/

(Foto Gjiri i Vlores 1916-17 ,trupat pushtuese)1.
Federica Mirabile në shkurt të 2011 shkruante rreth :”Marrëdhënieve midis Shqipërisë dhe Italisë në fillim të viteve ‘900: “çështja shqiptare” nga fillimi i saj në Luftën e Madhe” se :Kombi shqiptar është i dallueshëm etnik dhe i përcaktuar, banorët e të cilit janë ndër më të vjetrat në Evropë dhe banorët e saj mund të konsiderohet me të drejtë edhe sipas vendasve, pasardhësit nga familja e troco-ilire. Në kohët më të hershme ata kanë zënë pjesën më të madhe të Gadishullit Ballkanik dhe në veçanti pjesën në Dalmat të Kroacisë, Bosnje-Hercegovina, Maqedonia Perëndimore , Shqipëria aktuale, Epir dhe Thesalisë. Gjatë viteve këta njerëz kanë vuajtur pushtimin territorial të sllavëve dhe grekërve dhe ky proces ka sjellë në rajon që ti ngjajë një mozaiku kulturor.Shqipëria në gjysmën e parë të vitit 900 shkruan, Federica Mirabile u shfaq në thelb një vend i rrethuar me male dhe në varfëri të skajshme, të banuara nga njerëzit që nuk kanë kulturë dhe ankoruar në traditat ngurta. Ky izolim gjeografik ka bërë të sigurt gjithnjë lidhjen e tyre me tokën dhe me origjinën e tyre.Me shpërbërjen e Perandorisë Osmane dhe ngritja e nacionalistëve, ky popull ka arritur të marrë, në vitin 1912, pavarësinë dhe u përpoq për të mbrojtur veten kundër ambiciet ekspansioniste të fqinje grekët, malazezëve dhe serbëve. Pas pavarësisë gjykimi i Federica Mirabile është ky:Krijimi i Shqipërisë dhe më tej në 1913 si një njësi e pavarur gjeografikisht ishte rezultat i një “bisedimeve” midis Serbisë, të vendosur për të mbrojtur interesat e tyre dhe pastaj të përpiqet të përmbajë zgjerimin e shtetit të ri, Itali dhe Austri -Hungaria, në të kundërtën, me zgjerimin e saj me shpresën për të sjellë nën mbrojtjen e saj këtë unitet të ri politik dhe territorial.
Ekzistenca e një “çështje shqiptare” për Italinë mund të identifikohen gjatë ose para se fashizmi të marr pushtetin dhe Musolini filloi ta konsiderojë Shqipërinë një burim i domosdoshëm për kombin e tyre. Duket atribuohet dekadën e parë të shekullit të njëzetë, dhe kjo është periudha që paraprin formimin e Shqipërisë si shtet i pavarur formalisht.
2.
Qeveria italiane ishte në dijeni të varfërisë që po të mbysin Shqipërinë, por e kishte kuptuar edhe rëndësinë strategjike të pozicionit të saj gjeografik të vendosur në gojën e Adriatikut. Për këtë arsye një interes strategjik, në qoftë se ata kanë shtuar një tjetër politik-komerciale, duke pasur parasysh rëndësinë ,që ata kanë marrë në portet shqiptare duke siguruar një komunikim të drejtpërdrejtë për të arritur në pjesët e brendshëm të Ballkanit dhe Evropës.Në maj të vitit 1914 Itali, erdhi në anën e Antantës në një kohë ushtarakisht dhe ekonomikisht shumë të vështirë, pohoi të drejtat e tyre në kapitalin e vet se sa të kufizojnë territoret nën kontrollin e tyre, çlirimin nga militarizmit dhe pushtimit ekonomik, aneksimi i Gjermanisë në tokat italiane e papërmbushur dhe përfshirjen në tregtinë me Adriatik.
Federica Mirabile shqyrton në këtë artikull rivalitetin mes fuqive të Antantës.Kanë lindur, në këtë mënyrë, rivaliteti midis vendeve përkatëse për problemin e Ballkanit.Austro-gjermanët vazhduan avancimin e tyre paepur në drejtim të jugut dhe italianët u detyruan për të forcuar kështjellën e tyre në Vlorë dhe bartën ndërhyrjen humanitare me ndërtimin e spitaleve dhe shpërndarjes për popullatën e kininës për të çrrënjosin kamxhikun e malaries .Në fillim të viteve ‘900 dhe në mënyrë të veçantë me ardhjen e Luftës së Parë Botërore, udhëtimet në Shqipëri nuk janë kryer vetëm nga studiuesit apo aventurierë, por edhe nga gazetarët të cilët i kanë vendosur vetes qëllimin që të bëjë të njohur për të bashkatdhetarëve të tyre burimet natyrore dhe ekonomike të vendit. Shumica e udhëtarëve kanë gjetur veten në marrëveshje se ndërhyrja italiane, në qoftë se bëhet me kujdes, mund të lehtësojë integrimin e shqiptarëve në kontekstin ekonomik të vendit dhe përfshirjen e saj do të mund të përfitojë edhe në ekonominë italiane.
Shqipëria vuri në dukje se udhëtari Leonardo Azzarita në vitin 1918, është një vend i shkatërruar tërësisht nga politika e praktikuar nga serbët dhe malazezët.Në fakt, disa qendra tashmë primitive dhe të prapambetur, u dogjën dhe shkatërruan dhe më në fund bujqësia dhe bagëtia ishin të rrëzuar. Austro-Hungaria përbënin fuqinë kryesore të Italisë rivale në jug të Shqipërisë, pavarësisht italianët kërkojnë bashkëpunim me Austrinë që mbahet nga ekspansioniste dhe krijimin e një shteti shqiptar të pavarur dhe të përparuar në gjendje për të kthyer ekonominë e tyre si favor të vendeve të qytetërimit. Në Itali ka qenë e kredituar në gjendje për të fituar miqësinë e shqiptarëve dhe pastaj ta atë në favor të tyre duke i dhënë çmime të “mbrojtës dashamirëse”. Në mars të vitit 1917, në fakt, ata janë ngritur në qytete administratat autonome shqiptarë të cilat u lejuan të ngre flamurin shqiptar së bashku italiane.
Hapi më i rëndësishëm që Italia i ka bërë në Shqipëri është i ashtuquajturi Shpallja e Gjirokastrës: 25 maj 1917, për këtë rast, ka thënë se duke gjykuar një dekret përkatës zyrtare e cila nxjerr në pah qëndrimin e shtetit shqiptar nën mbrojtja dhe miqësinë e Italisë.Duke përfunduar Federica Mirabile thotë:
Populli shqiptar ka përjetuar momente dramatike, por në sajë të dijes që ai të fituara gjatë shekujve, ka arritur për të ringjallur fatin e tyre.

Kriza- Rama: Pres opozitën për dialog

April 6, 2017 by dgreca

Në Shqipëri kryeministri Edi Rama tha se mbetet në pritje të një përgjigje të opozitës për të dialoguar rreth çështjeve që lidhen me garancitë që ajo kërkon për zgjedhjet e 28 qershorit. Duke folur në parlament, ai tha se përpjekjet për të thënë se zgjedhjet nuk mund të bëhen nga opozita, janë sipas tij të sponsorizuara në mënyrë nga më të të ndryshmet. Një deklaratë e cila ngjan t’i referohet dy aleatëve të tij qeverisës të cilët kanë mbështetur këtë opsion./

Nga Armand Mero/VOA/

Kryeministri Edi Rama deklaroi dhe një herë tjetër sot se sipas tij, arsyeja e vetme e protestës së opozitës lidhet me frikën ndaj reformës në Drejtësi. Ai u shpreh megjthatë i gatshëm për të ndërmarrë të gjitha ndërhyrjet e nevojshme, që nga roli i policisë, “por pa e kthyer atë në një vegël të politikës”, te forcimi i masave ndëshkuese për rastet e përdorimit apo frikësimit të administratës, të blerjes së votës, apo formave të tjera të trysnisë ndaj votuesve.

Zoti Rama tha se ai ishte në pritje të një përgjigje të opozitës për të nisur dialogun, ndërsa këtë herë nuk e përmendi si kusht paraprak faktin se nuk mund të diskutohet për qeveri teknike apo për datën e zgjedhjeve: “Dua mirëkuptimin tuaj që sot të mos flas as për qeverinë teknike, as për datën e zgjedhjeve, për një arsye shumë të thjeshtë, se kam dy ditë që pres vendin dhe orën për të folur. Nuk kam orë, nuk kam vend. Shpresoj që ta kem orën dhe vendin, kudo qoftë, – unë preferoj në çadër, por nuk ka asnjë problem po të jemi diku tjetër – dhe në çfarëdo formati që të jetë; vetëm për vetëm, me shokë bashkë, me aleatë, pa aleatë, me të gjitha aleatët, si të jetë”.

Në pjesën më të madhe të seancës së sotme parlamentare mungonin deputetët e dy aleatëve të socialistëve, të LSI-së dhe të PDIU-s të cilët nisën të grumbullohen ndërsa po afrohej procesi i votimit të cilin më pas erdhi për t’a drejtuar vetë kryetari i parlamentit Ilir Meta.

Marrëdhëniet e socialistëve me aleatët janë në momentin më të vështirë. LSI-ja ka propozuar një “qeveri besimi”, duke u rreshtuar krah kërkesave të opozitës ndërsa ka paralajmëruar se nuk përfshihet në një proces zgjedhor ku opozita nuk merr pjesë. Të njejtin pozicion ka shprehur dhe PDIU-ja. E duket se kryeministri u referohej pikërisht atyre kur tha se: “Përpjekja për t’u thënë shqiptarëve se, pavarësisht të gjithave, zgjedhjet pa opozitën nuk mund të bëhen, është një përpjekje e sponsorizuar, e paguar. E paguar mbi dorë apo nën dorë. E paguar me para apo me peshqeshe, për të treguar një të pavërtetë”

Edhe opozita është shprehur e gatshme për dialog, por jo për pazare politike, sic ka nënvizuar disa herë. Megjithatë ende mes palëve nuk ka një lëvizje konkrete drejt një takimi të mundshëm.