PRISHTINA, Jan 28 /– A United States Senate delegation will visit Kosovo on the ninth anniversary of the country’s independence on February 17, newspaper Express reported on Saturday.The Senate delegation, led by Republican Senator John McCain and comprising other senior Senators, will express support for Kosovo.The new administration of the US president, Donald Trump, has confirmed the continued support for Kosovo. The US Defence Secretary James Mattis stated in a report for the Senate that the Kosovo Security Forces need to turn into an army, and that Serbia should recognize Kosovo before EU accession.
Shteti nuk është facoletë…
Nga Skënder MULLIQI/Liria të cilën e kemi sot në Kosovë shumë po ngjanë në lirinë e botës shtazore. Ne xhungël secila shtazë ka lirinë e vet të të sjellurit dhe të jetuarit. Por në fakt shumë lloje të shtazëve i mbizotërojnë të tjerat , se fizikun e kan më të fuqishem . E kështu gadi të gjitha shtazët kategorizohen …Të dalim të njerëzit e Kosovës . Liria jonë shumë po ngjanë në lirinë e shtazeve .Liria njerëzore mvarët nga vet njeriu. Ne , në Kosovë i kemi lënë një kategori njerëzish të mbizotërojnë në këtë nënqiell më të gjitha, edhe më lirinë tonë . Sigurisht së punet i kemi llogaritur gabim. Nuk kemi llogaritur punët mirë ,dhe tash po mbizotërojnë karshi njerëzve të tjerë .Liria thelemore por edhe liria e plotë mvaret së sa dhe si e kërkojmë ne ate . Shumë shteteve iu janë dashur revolucionet e ndryshme dhe luftërat për të arritur lirinë në kuptimin e plotë të fjalës. Ne, në këtë vendin tonë të varfër e kemi pranuar lirinë sipas kutit të atyre të cilët janë në pushtet , e kemi pranuar aq liri sa po na dhuron kategoria e cila ka bërë pasuri përrallore .Çfarë shteti është Kosova? Ne, kemi hequr dorë nga bukuritë dhe pasuritë natyrore të cilat na i ka falë Zoti. Kemi hequr dorë , mw atw ditw kur e kemi pru këtë kastë të mjerë politike në pushtet. E kemi pranuar kapitulimin, si shtet dhe si popull kur po i lejojmë një kategori bazhibuzukesh, një kategori hajnash, një kategori kriminelësh ta kalerojnë shtetin si pelën pa fre.Ne, po i kryejmë të gjithë obligimet karshi shtetit , kurse ata që janë ngjitur në pushtet po paguajnë pak karshi të ardhurave shumë të larta dhe benifiteve te cilat po i gëzojnë . Nuk ka gjë më tragjike së kur shumica bëjnë përpjekje titanike për shtet , kurse ata në hierakinë e lartë shtetërore e rrënojnë ate . Askush nuk po e garanton shumicën për asgjë . Nuk ka siguri në rrugë , nuk ka siguri në lokale e gjetiu… Pak kush nga pushtetarët u përgjigj para ligjit për të bëmat e tyre të pista karshi shtetit .Po dënohen njerëzit e thjeshtë si mbulesë të vjedhjeve të rnëdha të cilat po bëhën nga sundimtarët . Nuk ka kush që i dënon së vet janë bërë ligji .Thjesht nuk po ndërtojmë dhe nuk kemi shtet si duhet . Çfarë sistemi kemi kur gjithëqka po funksionon më defekte të mëdha . Nuk kemi arsim në nivel dhe as shëndetësi, nuk kemi organe të sigurisë në nivel të duhur, nuk po formojmë ushtri. Kur njerëzit vritën edhe mbrenda organeve policore dhe në burgje , për çfarë shteti mund të bëjmë fjalë ? Dhe , nuk mund ta ndërtojmë kurrë shtetin pa u larguar strukturat e kriminalizuara dhe të korruputara .Nuk ka gjë më të mirë dhe më të bukur sot, së njeriu kur krenohet më familje të mirë, nuk ka ndjenjë më të bukur së kur kemi gjithqka para dhe rreth vetit të bukur . Sigurisht së nuk ka gjë më madhështore së sa të kesh pushtet në nivel të duhur . Nuk ka më kenaqësi në këtë botë së kur e ke sigurinë përsonale dhe sigurinë kolektive …Shteti nuk është faculetë …Shteti është bashkësia e cila i ruan qytetarët e vet …Shteti është i të gjithëve pa dallim …Të gjithë kan të drejtë të jetojnë lirshem , të jetojnë dha ta shijojnë lumturinë. Kur të gjithë trajtohen barabarësisht para ligjit, atëherë edhe mund të bëhët fjalë për funksionim të shtetit ligjorë dhe demokratik. Askush nuk largohet për pikë të qejfit nga vendi i vet, siq po ndodhë më shqiptarët rregullisht. Nuk ka gjë më tragjike për atë shtet dhe atë komb së kur populli largohet nga bashkëombasit e vet pushtetarë …
SHBA,ndal emigrimit nga nga shtatë vende myslimane
Trump urdhëroi masa për ndaljen e imigrimit nga 7 vende myslimane/
Presidenti amerikan, Donald Trump, ka urdhëruar ndaljen e pakufizuar të hyrjes së refugjatëve sirianë në Shtetet e Bashkuara dhe pezullimin e vizitave nga disa vende të tjera myslimane.Zoti Trump mbrëmë vonë, duke shprehur përkushtim për mbrojtjen e vendit nga “terroristët e jashtëm”, ka urdhëruar suspendimin e migrimit nga shtatë vende me popullatë shumicë myslimane për 90 ditë, derisa të implementohet procesi i ri rigoroz “ekstrem i vërtetimit”.Shtëpia e Bardhë tha se në shënjestër të këtyre urdhërave janë Siria, Iraku, Irani, Libia, Somalia, Sudani dhe Jemeni.Zoti Trump, po ashtu, ka urdhëruar pezullimin katërmujor të programit amerikan për refugjatë për Irakun, Afganistanin dhe Pakistanin.Ai e ka përcaktuar numrin prej 50 mijë refugjatëve nga e gjithë bota, që Shtetet e Bashkuara do t’i pranojnë këtë vit.Një përjashtim madhor për ndalesën e refugjatëve është bërë për të krishterët sirianë, për të cilët Trump tha se janë të shtypur në vendin e tyre.Duke folur për urdhrat e tij, gjatë qëndrimit në Pentagon, Donald Trump tha:“Po krijoj masa të reja të vërtetimit, që terroristët radikal islamikë të mbahen jashtë Shteteve të Bashkuara. Ne nuk i duam ata këtu. Ne dëshirojmë të sigurojmë se ne nuk i pranojmë në vendin tonë kërcënimet për ushtarët tanë që luftojnë tej oqeanit”.“Ne vetëm dëshirojmë që në vendin tonë t’i pranojmë ata që do ta mbështesin vendin tonë dhe do ta duan thellësisht popullin tonë”. Për presidentin Trump, kjo është mbrojtje e kufijve të SHBA-së nga terroristët e jashtëm.
“Kjo është mbrojtje e vendit nga hyrja e terroristëve të jashtëm në Shtetet e Bashkuara. Ne të gjithë e dimë se çka do të thotë kjo. Kjo është çështje e madhe”, shtoi Donald Trump.
Grupet për të drejtat e njeriut i kanë dënuar këto masa duke i vlerësuar si diskriminuese dhe jokushtetuese, meqë cak i tyre është vetëm një religjion specifik.
Këto grupe thonë se lëvizjet, të cilat Trump i kishte paralajmëruar gjatë fushatës së tij, do t’i bllokojnë refugjatët në vendet e rrezikshme dhe do të kenë efekt të urrejtjes ndaj Shteteve të Bashkuara në botën myslimane dhe do ta dëmtojnë reputacionion e SHBA-ve si vend që i mirëpret migrantët dhe “masat më të varfra dhe më të ndjeshme” në botë.
“Shqyrtimi ekstrem është vetëm një eufemizëm për diskriminim kundër myslimanëve”, tha Anthony Romero, drejtor ekzekutiv i Unionit Amerikan Të Lirive Civile.
Ahmed Rehab, nga Këshilli për raportet Amerikano – Islamike, tha se grupi i tij do të luftoj kundër urdhrave të presidentit Trump në gjykata, me të gjitha mjetet.
“I merr në shënjestër njerëzit bazuar në religjionin e tyre dhe origjinën kombëtare, e jo për nga karakteri i tyre ose kriminaliteti i tyre”, tha Rehab.
Mbrojtësit e imigrimit thonë se urdhrat kanë një ndikim kaotik të menjëhershëm në njerëzit që kanë planifikuar t’i vizitojnë Shtetet e Bashkuara ose për ata që përpiqen t’i sjellin të afërmit e tyre për vizitë në Shtetet e Bashkuara, nga vendet që gjenden në urdhërat e presidentit, Donald Trump.
Demokratët e kanë dënuar këtë lëvizje si joamerikane, dhe kanë thënë se do ta dëmtojnë reputacionin e Shteteve të Bashkuara.
“Urdhri i sotëm ekzekutiv nga presidenti, Donad Trump, është më tepër për shkak të ksenofobisë ekstreme se sa kontrolli ekstrem”, tha në deklaratën e tij, senatori demokrat, Edward Markey.
Por, disa republikanë, përfshirë kryesuesin e Komitetit të drejtësisë të Dhomës Përfaqësuese, Bob Goodlatte, e kanë mbështetur vendimin, duke theksuar se grupi ekstremist, Shteti Islamik, ishte kërcënuar për ta përdorë sistemin e imigrimit në Shtetet e Bashkuara.Para se të shpalleshin urdhrat e presidentit amerikan, Donald Trump, disa njerëz të njohur nga vendet në shënjestër të urdhrave, thanë se ata do ta bojkotojnë udhëtimin në Shtetet e Bashkuara në shenjë të protestës.Përgatiti: Fatmir Bujupi
Kuvend kombëtar me të përndjekurit politikë- A DO TE DENOHET ENVER HOXHA?
*A do të kërkojnë rishikimin e datave simbol të sistemit komunist që shënojnë instalimin e diktaturës komuniste në Shqipëri?/
*A do të kërkojnë bërjen publike të gjitha dokumentave që dëshmojnë krimet komuniste?/ *A do të kërkojnë hapjen e dosjeve të ish-bashkëpuntorëve të Sigurimit të Shtetit?/
*A do të kërkojnë heqjen nga të gjitha funksionet qe kanë sot në nomenklaturën/ shtetërore ish- prokurorët, ish-gjykatësit dhe ish-drejtuesit e lartë të organeve të diktaturës?/ *A do të kërkojnë gjetjen dhe rivarrosjen e gati pesëmijë të rënëve për liri dhe demokraci, kundër diktaturës së egër komuniste?/
Deklarate për shtyp*
Këto ditë një lajm i bujshëm po qarkullon në vendin tonë. Më datën 28 janar në sallën kryesore të Pallatit të Kongreseve do t’u organizoka një kuvend kombëtar me të përndjekurit politikë ku do të shpallet edhe një parti e tyre dhe sipas të dhënave, organizatori i saj do të jetë ish-anëtari i komisionit të posaçëm të Partisë Socialiste për hartimin e programit të kësaj partie dhe drejtori aktual i Institutit të Integrimit të Përndjekurve Politikë, Bilal Kola. Organizimi i një kuvendi të tillë në një sallë të tillë kushton disa miljona lekë që organizatori i saj ia di burimin dhe ai është Partia Socialiste që e sponsorizon Per cilët të përndjekur e quan veten përfaqësues të tyre personi i mësipërm? Të përndjekurit politikë jo të gjithë kanë të njejtin ideal. Midis tyre ka të djathtë dhe të majtë, ka demokratë, republikanë, liberalë, ballistë, monarkistë, socialist, social-demokratë, madje edhe komunistë. Një pjesë e tyre kanë patur idealin e Shqipërisë Etnike dhe janë sakrifikuar për Liri, për Shqipëri, për Flamurin Kuq e Zi ndërsa të tjerë idealin komunist por që përfunduan në burg apo interninm për ndonjë tekë apo mosmarrëveshje jo parimore me idhullin e tyre diktator. Madje ka patur edhe nga ata të dënuar ordinerë që vidhnin apo kryenin veprime incesti me familjarët e tyre dhe regjimi totalitar, për t’i dënuar më tepër, u shtonte edhe akuzat politike për agjitacion dhe propagandë apo tentativë arratisjeje, si dhe të tjerë që u thyen dhe u vunë në shërbim të nomenklaturës së kuqe duke spiunuar deri edhe shokët e tyre Atëherë prej cilës prej këtyre shtresave të përndjekurish do përbëhet partia e tij? Mos vallë me këto të fundit? Do të jetë një parti e djathtë apo e majtë? Cilët do të jenë aleatët e saj? Në rast se do e quajnë veten parti të djathtë, mos do të hyjnë në aleancë me Partinë Socialiste dhe aleatët e saj komunistë ashtu si ati i tij, Kurt Kola, që me partinë “Rruga e lirisë” u bë pjesë e kësaj aleance?
Lidhur me sa më sipër neve na lindin këto pyetje:
A do të kërkojnë dënimin e diktatorit Enver Hoxha?
A do të kërkojnë rishikimin e datave simbol të sistemit komunist që shënojnë instalimin e diktaturës komuniste në Shqipëri?
A do të kërkojnë bërjen publike të gjitha dokumentave që dëshmojnë krimet komuniste?
A do të kërkojnë hapjen e dosjeve të ish-bashkëpuntorëve të Sigurimit të Shtetit?
A do të kërkojnë heqjen nga të gjitha funksionet qe kanë sot në nomenklaturën shtetërore ish- prokurorët, ish-gjykatësit dhe ish-drejtuesit e lartë të organeve të diktaturës?
A do të kërkojnë gjetjen dhe rivarrosjen e gati pesëmijë të rënëve për liri dhe demokraci, kundër diktaturës së egër komuniste?
A do të kërkojnë rishikimin e librave shkollore, rikthimin në muze të burgjeve politike, si dhe ngritjen e memorialeve në nderim të shqiptarëve të rënë për liri dhe demokraci?
A do të kërkojnë organizimin e një konference kombëtare me pjesëmarrjen e përfaqësuesve të parlamentit, qeverisë, partive politike, shoqatave të të persekutuarve si dhe të ekspertëve të OJQ-ve, për krimet e kryera nga regjimet totalitare?
Ne kemi bindjen se, duke u nisur nga veprimet e tij të deritanishme nuk do të ketë kurajon të kërkojë një gjë të tillë. Po mundët na ktheni përgjigjen tuaj për të gjitha këto pyetje.
Ne u bëjmë thirrje të gjithë të përndjekurve politikë, të mos marrin pjesë në këtë lëvizje sharlatanësh pasi ajo është kuvendi i hipokritëve, është kuvendi i servilëve të regjimit të perënduar komunist dhe sundimtarëve të sotëm, që nuk kanë asnjë lidhje me të përndjekurit politikë të vërtetë. U bëjmë thirrje të mos bini pre e manevrave të ulta politike të ideatorit të kësaj lëvizje të re, Kryeministrit Rama, që ka si qëllim përçarjen e të përndjekurve politikë të vendit gjë që nuk do të mund ta realizojë kurrë.
*Shoqata Antikomuniste e të Përndjekurve Unioni Mbarëkombëtar i Integrimit
Politikë Demokratë të Shqipërisë të Përndjekurve Politikë
Shoqata e të Përndjekurve Politikë Shkodër(Titulli i Diellit, foto-arkiv)
KOSOVA në punimet e Asamblesë Parlamentare të Këshillit të Evropës
Kosova, akreditim nga APKE me status të përhershëm/
-Delegacioni i Kuvendit Kosovës në punimet e Asamblesë Parlamentare të Këshillit të Evropës/
PRISHTINË, 27 Janar 2017-B.Jashari/ Delegacioni i Kuvendit të Republikës së Kosovës, i përbërë nga kryetari i delegacionit të përhershëm, Xhavit Haliti, dhe anëtarët Aida Derguti e Slobodan Petroviç, është duke marr pjesë në punimet e Sesionit të Parë të rregullt të Asamblesë Parlamentare të Këshillit të Evropës (APKE) në Strasburg, e cila është duke zhvilluar punimet nga 23 deri 27 janar.Delegacioni nga Kuvendi i Kosovës, për herë të parë është akredituar nga APKE me status të përhershëm, pjesëmarrësit e delegacionit nga Kuvendi i Kosovës janë pajisur me kartela identifikuese të APKE-së dhe tani posedojnë edhe zyrë si çdo delegacion tjetër anëtar në APKE. Bazuar në Rezolutën 2094 të vitit 2016, Kuvendit të Kosovës i është ofruar e drejta që të përfaqësohet me delegacion në Asamblenë Parlamentare të Këshillit të Evropës. Në ditët e ardhshme, Byroja e APKE-së do të miratojë të drejtat e delegacionit të Kuvendit të Kosovës në APKE.Delegacioni i Kuvendit te Kosovës, i ftuar nga presidenti i Asamblesë Parlamentare të Këshillit, Pedro Agramunt, ka zhvilluar një takim, në të cilin është njoftuar me mundësitë që do të ketë për të funksionuar i barabartë me delegacionet tjera në APKE.Po ashtu, me ftesë nga Delegacioni përfaqësues i Gjermanisë, delegacioni i Kuvendit të Kosovës ka zhvilluar një takim, në të cilin temë e diskutimit ishin të drejtat e delegacionit përfaqësues të Kosovës në APKE. Delegacioni gjerman nën udhëheqjen e Axel E. Fischer, i cili është edhe nënkryetar i APKE-së, uroi delegacionin përfaqësues të Kosovës për arritjet në APKE dhe shprehu mbështetjen e delegacionit të Gjermanisë në procesin e anëtarësimit të Kuvendit të Kosovës në APKE. Delegacioni nga Kuvendi i Kosovës ka takuar edhe përfaqësuesen nga shteti i Luksemburgut, ish-kryetare e APKE-së (2014-2016), Anne Brasseur, e cila, po ashtu ka uruar për punën e madhe dhe për arritjet në procesin e përfaqësimit në APKE. Brasser bëri të ditur se do të vizitojë Kosovën në shkurt, me ç‘rast do të merr pjesë në Samitin e kryetareve të komisioneve për punë të jashtme, e që do të mbahet në Prishtinë. Po ashtu, Brasseur ka shprehur përkrahjen e plotë të Luksemburgut në procesin e dhënies së të drejtave që kanë edhe delegacionet tjera në APKE.Lidhur me këtë, gjatë takimit u theksua nevoja që kjo çështje të diskutohet dhe miratohet, mundësisht me konsensus, në Byronë e APKE-së gjatë sesionit të saj.Njoftohet se, delegacioni i Serbisë është i angazhuar që nëpërmjet lobimit brenda Këshillit të Evropës të pengoj të drejtën legjitime të miratuar nga APKE, që në sallën e Asamblesë delegacioni i Kosovës të ketë të drejtën e barabartë, sikurse e parasheh rezoluta 2094 (2016), neni 13, që delegacioni i Kosovës të ketë të drejtën e fjalës dhe ulësen në APKE.Delegacioni i Kosovës ka fituar të drejtën e fjalës në të gjitha komisionet dhe nen-komisionet, si delegacion me të drejta të plota në APKE.
- « Previous Page
- 1
- …
- 215
- 216
- 217
- 218
- 219
- …
- 479
- Next Page »