Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

LETRA e aktorit serb për ministrin serb

by

LETRA  e aktorit serb për ministrin serb: Bëhuni  burrë dhe uroni Kosovën për FIFA e UEFA/

Një aktor serb i quajtur Cedomir Petroviç i ka shkruar një letër ministrit të Sportit të Serbisë, Vanja Udoviçiç duke i thënë që t’ia zgjatë dorën Fadil Vokrrit dhe t’i urojë pranimin në FIFA dhe të lërë anash luftën dhe inatin politik, shkruan Dialogplus.ch.

Petroviç shkruan se futbollistët e Kosovës dhe fansat e futbollit në Kosovë e meritojnë si gjithë të tjerët të gëzohen dhe të garojnë në nivele të barabarta me të gjitha shtet tjera.

Madje ai shkruan se do të ishte mirë që Serbia të ndihmonte Kosovën në këtë proces e mos ta pengonte, duke treguar kështu vullnetin e saj për dialog e përmirësim marrëdhëniesh.

Aktori i njohur serb i kujton ministrit të Serbisë se pro Kosovës votuan 141 shtete dhe kjo tregon më së miri çfarë debakli ka pësuar Serbia duke u mbështetur vetëm nga 23 shtete.

Në fund Petroviç shkruan edhe për sukseset e Vokrrit si futbollist dhe kontributin e tij.

Zoti Ministër,

njerëzit si ju në shkollën fillore dhe në fund i kemi quajtur spiunë të vegjël. Sa mirë do të ishte nëse Serbia do të votonte për anëtarësimin e Federatës së Futbollit të Kosovës në FIFA. Sikur t’i kishte ndihmuar, si fqinji i parë. Sa rëndësi do të kishte kjo për rrjedhën e mëtutjeshëm të bisedimeve me Prishtinën. Sa do të shihej dëshira jonë e vërtetë dhe vullneti që ato bisedime t’i zhvillojmë sinqerisht.

Nuk ka fuqi në botë që mund t’ua ndalojë futbollistëve të Kosovës dhe fansave të tyre, të cilët e duan futbollin si ne, për të cilët jetë e vërtetë është gara me reprezentacionet e tjera, që të luajnë futboll me të gjitha reprezentacionet e botës.

Ata s’kanë uniforma ushtarake. Ata bartin fanella me numra, me mbiemrat e tyre. Dija, shkathtësia, kondicioni, ferplej, këto janë armët me të cilat disponojnë futbollistët e Kosovës.

Nuk mund të bëhet fjalë për «goditje të rëndë ndaj sportit» për shkak të interesave politike. Ju jeni djalë i ri. Sportist. E dini shumë mirë si ndihen futbollistët dhe sportistë e tjerë kur janë të mbyllur në qark në vendin e tyre. Kur s’mund të dalin nga oborri i tyre dhe nga livadhi i tyre. Kur s’mund t’u tregojnë edhe të tjerëve se janë futbollistë me cilësi të njëjtë në mos më të mirë se shumë të tjerë. Nuk do të ishte mirë që në këto kohë krizash për futbollin tonë të luajnë me ne. Ndoshta FIFA do pyeste veten nëse e kemi merituar të jemi anëtar i saj.

Edhe sportistët tanë kanë qenë të goditur nga sanksionet. E dinë si është ko. Ju thoni – nuk do të heqim dorë nga lufta! Cila luftë, zoti Ministër? Garën e sportistëve nganjëherë e quajmë «luftë», duke dashur që ashtu të tregojmë rivalitet të madh sportiv. Ðokoviçi zhvilloi një luftë të rëndë kundër Nadalit…

Do t’i padisni në gjykatë? Nëse vetë e keni sajuar këtë deklaratë, harrojeni sa më shpejt. Nëse keni marrë urdhër, refuzoni ta zbatoni. Jepni dorëheqje, që të mos e shkatërroni prestigjin tuaj sportiv, i cili nuk është i vogël.

Rezultati i votimit për pranimin e Federatës së Futbollit të Kosovës në FIFA është 141 me 23. Ju, si sportist e dini se kjo është humbje katastrofale e atyre që ishin kundër pranimit.

Fadil Vokrri erdhi në Partizan në vitin 1986, kur e braktisën Zdravko Varga dhe Dragan Mance, i aksidentuar tragjikisht. Si mesfushor Vokrri u bë lojtari i dashur i jugut të Partizanit. Në Partizan Vokrri kaloi tre stinorë të ligës së parë, ka luajtur 55 ndeshje të ligës së parë dhe ka dhënë 18 gola në ligën e parë. Për reprezentacionin e Jugosllavisë ka luajtur në periudhën 1984-1987. Ka luajtur dymbëdhjetë ndeshje me reprezentacionin dhe ka dhënë gjashtë gola. Sot Fadil Vokrri është kryetar i Federatës së Futbollit të Kosovës. Urojani. Bëhuni njeri.

Bëhuni sportist. Harrojeni funksionin e ministrit. Dikur s’do të jeni më. A do t’ju vijë turp për këtë deklaratë? Gjithçka varet nga ju. Sportistët janë njerëz të kuptimeve të tjera dhe të vlerave morale.

 

Prishtinë-AAK e Nisma në protestë kërkuan zgjedhje të parakohëshme

by

Raporton nga Prishtina korrrespondenti i Diellit Behlul JASHARI/

– Protesta në Prishtinë, AAK-Nisma: Dhjetëra mijëra pjesëmarrës nga gjithë Kosova, Policia – rreth 5.000 pjesmarres- AAK: Pse po rren policia?/

-Foto Gazeta Dielli – Behlul Jashari: Protesta AAK-NIsma ne Prishtinë, 14 maj 2016/

PRISHTINË, 14 Maj  2016/ Sipas organizatorëve, në Prishtinë në protestën e sotme opozitare AAK-Nisma kundër qeverisë ishin dhjetëra mijëra qytetarë nga gjithë Kosova, kurse sipas Policisë kosovare rreth 5 mijë.

Njofimi i sapodërguar nga AAK-Nisma thekson se, dhjetëra mijëra qytetarë nga gjithë Kosova sot kanë dëshmuar qytetari dhe vendosmëri për të kundërshtuar gjendjen e rëndë në vend dhe fajtorët kryesorë të kësaj gjendjeje.

“Edhe në këtë protestë është vërtetuar se populli opozitar në Kosovë është në rritje. Kultura e demonstruar sot nga qytetarë të të gjitha viseve, që si asnjëherë kishin mbushur Sheshin Skenderbej, është forca e Boshtit Opozitar, se ai është në rrugë të mirë për të adresuar çështjet që sot e prokupojnë qytetarin e Kosovës, kjo pa dallim përkatësie”, thuhet në njoftim.

Shtohet se, të gjithë ata qytetarë që sot, edhe pse mot me shi, vendosën të ishin pjesë e protestës në Prishtinë, ishin zemra e kundërshtimit të këtij pushteti dhe shpresa se Kosova do të kthehet në rrugë të mbarë.

“AAK dhe Nisma i falëndëron të gjithë ata që kontribuan që kjo protestë të ishte masovike, e qetë dhe qytetare, duke përfshirë aktivistët e shumtë, mediat dhe opinionin publik, si dhe organet e rendit”, vijon njoftimi.AAK dhe Nisma më tej theksojnë se janë të vendosur që rrugës së kundërshtimit t’i shkojnë deri në fitore të plotë, që është përfillja e vullnetit të sovranit, dhe ne do të jemi në shërbim të tij.“Protesta e sotme, ishte edhe një mundësi më shumë, që ata që ende hezitojnë t’i ngjiten këtij kundërshtimi qytetar, të reflektojnë”, përfundon njoftimi i nënshkruar nga AAK & Nisma.Ndërsa, në komunikatën e dërguar pak më parë nga Policia e Kosovës thuhet: Me qëllim të informimit të opinionit publik lidhur me protestën e lajmëruar nga këshilli organizativ i protestës ashtu siç parashihet me ligjin mbi tubimet publike, e cila është mbajtur sot (14.05.2016) në orën 14:00 në Prishtinë, Policia e Kosovës me kohë ka bërë të gjitha përgatitjet e nevojshme, duke hartuar planin operativ për menaxhimin e protestës, i cili ka pasur për qëllim mbajtjen e rendit, qetësisë dhe sigurisë publike, para, gjatë dhe pas protestës.Policia e Kosovës (PK) si institucion i zbatimit të ligjit ka ndërmarrë të gjitha veprimet konform Kushtetutës së Kosovës, ligjeve në fuqi dhe planit të hartuar, për të garantuar rendin dhe qetësinë publike, për mbarëvajtjen e protestës si dhe krijimin e mundësisë së lëvizjes së lirë të të gjithë qytetarëve.Institucioni i PK-se e njeh të drejtën e qytetarëve për tubime publike, fjalën e lirë në tubime publike, protesta e manifestime, në pajtim me Kushtetutën e Republikës së Kosovës dhe ligjet në fuqi. Protesta në të cilën kanë marrë pjesë rreth 5.000 protestues, pas fjalimeve të disa personaliteteve, rreth orës 15:05 minuta ka përfunduar e qetë dhe pa incidente.Policia e Kosovës çdo herë do të jetë profesionale, në respektimin dhe zbatimin e ligjit duke respektuar të drejtat e qytetarëve, si dhe duke treguar sjellje profesionale gjatë realizimit të detyrave policore, përfundon komunikata.

AAK: Pse po rren policia
Kjo udhëheqja e policisë së Kosovës, ka nevojë të shkojë edhe njëherë në shkollë fillore. Jo për tjetër, po nuk është shteg me na dëshmu se dijnë me numru më shumë dhe 10. Herën e kaluar, Bakia e nisi me 8 mijë, e tash e paska ulë “kanarin” hala.

Respekt për ata policë që sot ishin dinjitozë në protestë, po ju që merrni udhëra, i koritët edhe ata.

Ne nuk dham numra, për të mos gabuar, po paskemi mujt me thanë se kanë qenë 300 mijë. Kjo do të ishte rrenë shumë më e vogël se ajo e policisë.

Mos rreni ma!

AAK

Mbahet mbledhja e parë e Komisionit Parlamentar për Stabilizim Asociim, BE-Kosovë

by

Foto Gazeta Dielli – Behlul Jashari: Kosova drejt Bashkimit Evropian – Pamje nga Prishtina/

 -Marrëveshja për Stabilizim Asociim, e cila krijon për herë të parë marrëdhënie kontraktuale me BE-në, është vlerësuar ngjarja më e rëndësishme e Kosovës që nga shpallja e pavarësisë në 17 shkurtin historik 2008/

– Kryeministri i Kosovës, Isa Mustafa: Në 16 dhe 17 maj do të kemi prezencën e përfaqësuesve të Bashkimit Evropian, përkatësisht më datë 17 prezencën e Komisionerit Hahn me të cilin ne do të punojmë bashkërisht në promovimin e Marrëveshjes së Stabilizim Asocimit/

PRISHTINË, 14 Maj 2016-B.Jashari/.-Mbledhja e parë e Komisionit Parlamentar për Stabilizim Asociim, BE-Kosovë do të mbahet fillimjavën e ardhshme, në 16 e 17 maj, në Prishtinë.

Axhenda e mbledhjes do të njofohet të hënën, kur gjatë paraditës mbahet takimi përgatitor i Komisionit Parlamentar për Stabilizim Asociim të Kuvendit të Kosovës, ndërsa paralajmërohet prezanca e përfaqësuesve të Bashkimit Evropian.“Në 16 dhe 17 maj do të kemi prezencën e përfaqësuesve të Bashkimit Evropian, përkatësisht më datë 17 prezencën e Komisionerit Hahn me të cilin ne do të punojmë bashkërisht në promovimin e Marrëveshjes së Stabilizim Asocimit, që është një marrëveshje e parë kontraktuale e Kosovës me BE-në, e cila hap shumë rrugë jo vetëm të zhvillimit ekonomik, të marrëdhënieve tregtare, por edhe të forcimit të shtetit ligjor dhe përmirësimit edhe avancimit të mëtutjeshëm të marrëdhënieve me fqinjët”, është shprehur kryeministri Isa Mustafa në një konferencë shtypi para një jave.

I krijuar në Kuvendin e Kosovës, para më shumë se një muaji Komisioni Parlamentar për Stabilizim Asociim ka mbajtur mbledhjen e tij të parë – konstituive, ku miratoi Rregulloren e Punës, si dhe draftaxhendën e takimit të parë të Komisionit Parlamentar për Stabilizim Asociim, Kosovë-BE.

Këtë vit, në 1 prill, nisi zbatimi i Marrëveshjes së Stabilizim Asociimit në mes të Kosovës dhe Bashkimit Evropian, e nënshkruar në 27 tetor 2015 në Strasburg  dhe e ratifikuar në Parlamentin kosovar pas pak ditësh, në 2 nëntor. Marrëveshja për Stabilizim Asociim, e cila krijon për herë të parë marrëdhënie kontraktuale me BE-në, është vlerësuar ngjarja më e rëndësishme e Kosovës që nga shpallja e pavarësisë në 17 shkurtin historik 2008.

Programi Kombëtar për zbatimin e Marrëveshjes së Stabilizim Asociimit me Bashkimin Evropian është miratuar në 10 mars 2016  nga Kuvendi i Republikës së Kosovës.

Ky Program është dokumenti kryesor strategjik kombëtar për zbatimin e axhendës evropiane që mbulon periudhën pesëvjeçare 2016-2020 dhe fokusohet në tre aspekte strategjike të anëtarësimit në BE: Përmbushjen e detyrimeve të MSA-së; Përafrimin e legjislacionit kombëtar me legjislacionin e BE-së; Zbatimin e legjislacionit të përafruar.

Programi mbulon të gjithë kapitujt e Acquis së BE-së. Bazuar në strukturën e Kritereve të Kopenhagës, të gjitha masat dhe prioritetet janë të ndara në tre blloqe: Kriteret Politike, Kriteret Ekonomike, dhe Standardet Evropiane.

Programi përcakton masat dhe prioritetet legjislative dhe zbatuese në dy faza: masat afatshkurtra (për vitin 2016) dhe prioritetet afatmesme (për vitet 2017-2020). Programi gjithashtu përcakton qartë përgjegjësitë e institucioneve për zbatimin e tij, si dhe afatet kohore të përmbushjes së këtyre veprimeve dhe burimet buxhetore.

Procesi për hartimin e Programit është koordinuar nga Ministria për Integrim Evropian,  me përfshirje të të gjitha institucioneve shtetërore dhe në një proces gjithëpërfshirës dhe konsultativ me shoqërinë civile dhe palët tjera të interesuara.

Zbatimi i Programit ka filluar menjëherë me hyrjen në fuçi të MSA-së, me fillimin e muajit prill 2016.

Në 27 tetor 2015 kryeministri i Republikës së Kosovës, Isa Mustafa dhe përfaqësuesja e Lartë e BE-së për Punë të Jashtme dhe Politika të Sigurisë, njëherësh zëvendës presidente e Komisionit Evropian, Federica Mogherini, kanë nënshkruar në Strasburg Marrëveshjen e Stabilizim Asocimit ndërmjet Kosovës dhe Bashkimit Evropian.

Në ceremoninënë e zhvilluar, Marrëveshja është nënshkruar edhe nga ministri i Integrimit Evropian të Kosovës, Bekim Çollaku dhe komisioneri i BE-së për Politika të Fqinjësisë Evropiane dhe Negociata të Zgjerimit, Johannes Hahn.

Negociatat për marrëveshjen e Stabilizim-Asociimit, kanë nisur në 28 tetor të vitit 2013.

Kosova dhe Komisioni Evropian kanë vënë inicialet në Marrëveshjen e Stabilizim Asociimit qysh në korrik të vitit 2014.

Procesi i nënshkrimit është ngadalësuar për shkak të mungesës së konsensusit brenda vetë Bashkimit Evropian, përkatësisht mosnjohjes së Kosovës ende nga pesë vende të BE-së.

Më vonë, megjithatë, është rënë dakord që Marrëveshja e Stabilizim Asociimit të mos ratifikohet nga parlamentet e secilit shtet anëtar veç e veç, ashtu siç ka qenë praktika me vendet e tjera.

Në 22 tetor 2015 Këshilli i Bashkimit Evropian miratoi Marrëveshjen e Stabilizim Asociimit ndërmjet Kosovës dhe Bashkimit Evropian. Në 24 tetor, nisma për lidhjen e Marrëveshjes për Stabilizim Asociimin ndërmjet Bashkimit Evropian dhe Kosovës u miratua nga qeveria kosovare.

Marrëveshja ka strukturë dhe përmbajtje të njëjtë sikur marrëveshjet e të gjitha vendeve të rajonit dhe përfshinë të gjitha elementet e një bashkëpunimi të plotë politik, ekonomik  ndërmjet Kosovës dhe Bashkimit Evropian. MSA, marrëveshja e parë kontraktuale ndërmjet Kosovës dhe Bashkimit Evropian, përmban 597 faqe, në X tituj, VII anekse dhe 5 protokolle.

Prishtinë-Protestë e ftuar nga dy parti opozitare, AAK e Nisma

by

PRISHTINË, 14 Maj 2016/ Dy parti opozitare, AAK e Nisma, kanë ftuar për sot pasdite në Prishtinë protestë paqësore  që “do të jetë më e madhja që është mbajtur në Kosovë”. Në protestat e opozitës kundër qeverisë, kur organizatore ishte edhe Vetëvendosje, së fundi më e madhja ishte në 17 shkurt me 100 mijë pjesëmarrës sipas organizatorëve e rreth 15 mijë sipas Policisë së Kosovës.

Është paralajmëruar se protesta do nis në ora 14:00 me një marsh nga Biblioteka Kombëtare drejt Sheshit Skenderbej, para ndërtesës kryesore të qeverisë kosovare.

 Për t’i harmonizuar veprimet për mbarëvajtjen e protestës së sotme në Prishtinë organizatorët kanë zhvilluar dje  takim me Policinë e Kosovës.

“Duke u nisur nga fakti se protesta është shumë e madhe, dhe drejt Prishtinës do të nisen mijëra automjete organizatorët kanë kërkuar mbështetjën e Policisë, që qarkullimi tyre të jetë i papenguar dhe maksimalisht i lehtësuar”, theksonte njoftimi i opozitës.

Policia nga ana e saj, sipas AAK-së, është treguar e gatshme që të ndërmarrë krejt çka është e nevojshme, që protesta të përmbyllët e qetë, çka është edhe përcaktim i organizatorëve të saj.

Në 8 prill  bëhej e ditur se, pas konsultave të njëpasnjëshme që nga anulimi i protestës së opozitës së bashkuar që e përbënin tre subjekte, përfshirë Vetëvendosjen, e paraparë që të mbahej me 26 mars, AAK ka marrë vendim për mbajtjen e një proteste gjithpopullore në 14 maj.

“Një vendim i tillë është marrë pas diskutimeve me të gjitha forumet e AAK-së dhe një përcaktimi të palëkundur, që të vazhdohet me kundërshtimin e kapjes së shtetit”, thuhej në njoftim.

Paralajmërohej se, AAK do të konsultohet edhe me partitë tjera opozitare dhe me shoqërinë civile  e me grupet e interesuara, në mënyrë që protesta të jetë sa më e fuqishme./b.j/  Foto Gazeta Dielli – Behlul Jashari/

Deputeti socialist “kaubojsi” në New York

by

Deputeti i Partisë Socialiste Eduart Ndocaj ndodhet në Shtetet e Bashkuara, me bashkëshorten e tij, sikurse dëshmojnë edhe fotot e publikuara së fundmi.

Ndocaj i bëri jehonë rreth 1 muaj më parë lajmit se ishte ftuar nga disa kongresmenë që t’i vizitonte në Amerikë.

Para pak kohësh ai publikoi edhe marrjen e vizës.

Tani a ndodhet në “Mollën e Madhe” dhe ka shkuar në të nëjjtin moment me kryetarin e Kuvendit, Ilir Meta, që po zhvillon një vizitë zyrtare.

Ndoshta kjo është një rastësi, ose jo, deri në provë të kundërt.

Ndërkaq, “Kauboji” ka shëtitur dje rrugëve të Nju Jorkut me një Bentley të bardhë, si një boss i vërtetë.

Ndryshe nga shumë politikanë që kanë përdorur politikën për t’u pasuruar dhe që mundohen t’i fshehin pasuritë e tyre, Ndocaj mund t’ia lejojë vetes këtë luks, duke qenë se suksesin e tij e ka ndërtuar në Itali si sipërmarrës privat dhe jo me taksat e shqiptarëve të gjorë.(Mapo)