Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

JOHAN PELUSHI: “KU KA DASHURI, NUK KA VEND PËR URREJTJE”

by

-Mesazh i mitropolitit të Korçës, Hirësisë së tij, Johan Pelushi, me besimtarët e kishës shqiptare “Shën Trinia” në Boston-/

  Shkruan: Fuat Memelli / Dielli

Ditët e fundit ishte në Boston , mitropoliti i Korçës, Johan Pelushi. Kishte ardhur te qyteti  ku ka  studjuar për teologji, ku ka edhe njerzit e tij. Si njeri në shërbim të fesë, nuk mund të rinte pa bërë vizitë te kishat shqiptare në Boston. Një javë më parë kishte qënë te kisha e “Shën Gjergjit” dhe tani  e kishte rradhën ajo e Shën Trinisë, ku shumica e besimtarëve janë nga qyteti i Korçës dhe fshatrat e këtij rrethi. Shumë nga besimtarët e njohin Johanin si bir i qytetit të tyre. Në mbarim të meshës së mbajtur nga At Jani Trebicka, pasi mitropoliti Ilia Ketri ndodhej jashtë Bostonit me shërbim, përshëndeti Hirësi Johani, ku ndër të tjera, theksoi: “Isha në Boston dhe nuk mud të rija pa vizituar kishat shqiptare këtu. Sot  në këtë kohë të globalizmit, shqiptarët janë shpërndarë në Shqipëri e nëpër botë. Fatkeqësisht mjaft njerëz janë dhënë pas parasë, pas fitimeve të padrejta, janë dhënë pas pijeve dhe narkotikëve.  Kjo ka bërë që njerzit të urrejnë njëri-tjetrin. Fatkeqësisht këtë fenomen e vëren edhe brenda familjes. Kjo ndodh se ata janë larguar nga jeta shpirtërore. Për këtë është e nevojshme të studjohet ungjilli. Shumë pyetje që shtrohen sot, e kanë përgjgjen në ungjill. Mbi të gjitha ne duhet të duam njëri-tjetrin. Ku ka dashuri, nuk ka vend për urrejtje, pasi forca e dashurisë, e mposht urrejtjen. Me që jemi në prag të Krishtlindjeve dhe Vitit të Ri, dua t’ju uroj: gëzuar këto ditë të shënuara!”. Në emër të besimtarëve  si dhe të mitropolitit Ilia Ketri, Aleko Dhima falenderoi Hirësi Johanin për vizitën që bëri te kisha e tyre dhe për fjalët që tha.

Bashkëbisedimi me Johan Pelushin vazhdoi edhe gjatë kafes. Duke ditur pasionin e tij për letërsinë dhe artin, e ngacmuam për këto fusha dhe ai foli për shkrimtarët e tij të preferua si Dostojevski, Tolstoin, Gëten, etj. Autori i këtij shkrimi e njoftoi se vitin që vjen është 170  vjetori i kishës së Sinicës në rrethin e Devollit dhe, i kërkoi që Mitrop[olia e Korçës të bashkëpunojë që kjo ngjarje të përkujtohet sa më bukur, njëkohësisht e ftoi për të marë pjesë në këtë ditë të shënuar për bashkëfshatarët e tij. Besimtarët bënë pastaj foto me mitropolitinJohanin dhe e uruan për Krishtlindjet e Vtin e Ri.

HOMAZH PËR KRITIKUN DHE STUDIUESIN SHQIPTAR, LUSH PALOKAJ

by

Shkruan: Lekë Mrijaj /

Në orët e paraditës te 5 dhjetorit 2019 nga New Yorku, përmes mediave elektronike të shkruara, morëm lajmin e idhët për kalimin në amshim të mikut, kolegut e studiuesit të mirënjohur shqiptar, tashmë të amshuarin, Lush Palokaj, i cili është edhe një nder pinjollët me radhë të kullës së Pren Palokës, apo siq njihët edhe konkret babai i hit reperit të botës shqiptare, UNIKATILIT… Gurakoci dhe Republika e Kosovës e njihnin shumë mirë këtë intelektual, personalitet të shquar dhe të mprehtë i cili veç tjerash ishte edhe një studiues i mirënjohur me vlera multidimensionale, kombëtare, kulturore e njerëzore si dhe një nder profesorët e parë të gjuhës angleze në Klinë…. Gjatë karierës e jetës së tij, përmes mediave të shkruara elektronike ditore ka hulumtuar, shkruar, trajtuar shumë tema të ngjeshura të natyrave të ndryshme shkencore kombëtare, historike e letrare gjë qe shumë kumtesa të tilla që i kishte në dorëshkrim, mbetën akoma të pazbuluara e të pabotuara… Ai, përmes opinioneve të tij faktike, dinte t’i afronte atdhetarët, kolegët si dhe njerëzit e kulturës dhe të artit shqiptar në përgjithësi. Palokaj, ishte edhe një kritik dhe analist i thuktë, i cili kohë pas kohe ka shkruar dhe është prezantuar me opinione të tija të ndryshme të rrafshit politik e gjithëperfshirës… Me këtë homazh kujtimi shfrytëzoj rastin ti ngushëlloj të gjithë familjën e ngushtë dhe të gjërë Palokaj, farefisin si dhe mbarë të dashurit e tij. I ndjeri Lushi e gëzoftë jetën e LUME dhe pushoftë në paqe!

MARKO KEPI MIREPRITET NE MICHIGAN

by

Marko Kepi, kandidati për në Asamblenë e Shtetit të Nju Jork-ut, organizatori i suksesshëm i Paradave Shqiptare, këshilltar i Kryetarit të Federatës VATRA, shënoi sukses edhe në grumbulllimin e fondeve për pasojat e Tërmetit në Shqipëri, duke grumbulluar më shumë se 1 milion dollarë. Këtë fundjavë ai ishte i ftuar në Michigan me rastin e 107 vjetorit të Pavarë sisë dhe promovimin e Qendrës së re Kulturore e sportive”Nënë Tereza” pranë Kishës Zoja Pajtore.

Z. Kepi u mirë prit nga bashkatdhetarët dhe u përgëzua edhe për fushatën në ndihmë të të dëmtuarëve gjatë tërmetit të 26 nëntorit që shënoi 51 të vdekur dhe mbi 900 të plagosur, mijëra të pastrehë etj. Në këtë aktivitet përveç vatarnëve të Michiganit ishin edhe: Zef Balaj, Merita Bajraktari McCormack, Asllan Bushati dhe të tjere. Ne emer te Vatres pershendeti Asllan Bushati, ise nenkryetar i Vatres.

Vizita e Marko Kepit në Michigan u komentua edhe në faqet e facebookut. Dielli përzgjodhi shënimin-koment të Kolonel Dritan Demirajt,i cili shkroi në faqen e tij të fb:Kënaqësi të kalonim një darkë me komunitetin e Michiganit mbrëmë (30 nëntor) me rastin e festave dhe për grumbullimin e fondeve për të ndihmuar njerëzit në Shqipëri. Në mesin e Vatranëve te Michiganit pervec Z. Alfons Grishaj dhe Z. Mond Rakaj kishim dhe perfaqesuesin e Neë Yorkut patriotin Marko Kepi.Z. Kepi eshte duke grumbulluar nje sasi te madhe ndihmash financiare rreth 2 milione dollare, kontribut i Komunitetit Shqiptar ne Amerike. Pjese e rendesishme e diskutimit ishte mire menaxhimi i ketyre fondeve dhe mos dhenia e tyre tek oligarket e PPP-se, por tek fondacionet joqeveritare, ne menyre qe keto para te mos shkojne tek njerezit qe po vjedhin edhe qeset e ushqimeve edhe bataniet edhe …….Qeveria shqiptare ka te gjithe pergjegjesine te mobilizohet per ndertimin e banesave te prishura, te qendroje prane njerezve dhe te lere propaganden. Z. Marko Kepi i urojme sukses ne zgjedhjet e qershorit ne Neë York, ku padyshim qe te gjithe do mobilizohemi qe ta zgjedhim ne krye te Keshillit te Neë Yorkut, kete djalosh te shkelqyer, nga nje familje demokratesh te vertete Shkodrane. Marko God bless you!D.D.

“BIJTE E SHQIPES” NE FILADELFIA, FLAMURIN NE GJYSEM SHTIZE NE DITEN E PAVARESISE

by

NGA SADIK ELSHANI/Me 26 nentor, 2019 shqiptaret ne Filadelfia per te teten here e ngriten flamurin Kuq e Zi ne sheshin e bashkise se qytetit – kete radhe ne gjysme shtize. Kjo eshte nje ngjarje shume e rendesishme dhe shume e gezuar per bashkesine shqiptaro – amerikane te Filadelfias. Ne sheshin e bashkise jehon kenga dhe vallja shqiptare, sheh vetem fytyra te qeshura, por sot atmosfera ishte shume hijerande, seriooze, sepse vetem disa ore me pare Shqiperia jone e dashur ishte goditur nga nje termet shume i fuqishem qe shkaktoi edhe vdekjen e 24 bashkekombesve tane. Meqenese ne bashkepunim me institucionet perkatese te qytetit te Filadelfias data e ceremonise se ngritjes se flamurit ishte caktuar nje vit me pare dhe nuk mund ta shtynim per ndonje dite tjeter, atehere vendosem qe ceremonia te vazhdoje, por kete radhe pak me ndryshe se herave te tjera.

Prandaj, ne rrethana te tilla shume serioze per Shqiperine dhe gjithe kombin tone ne nuk mund te festonim, por mund ta ngrenim flamurin tone. Ne raste te gezueshme dhe ne raste te veshtira si sot, shqiptaret mblidhen rreth flamurit te perbashkuar, ashtu siç na therret edhe Himni yne Kombetar. Edhe ketu ne Filadelfia ne kete ceremoni hijerande shqiptaret u mblodhen rreth flamurit te perbashkuar dhe u zotuan se do ta ndihmojne Shqiperine ne keto çaste te veshtira. Qe aty filloi edhe fushata per mbledhjen e fondeve monetare.

Ceremonine e hapi z. Sadik Elshani, anetar i kryesise dhe ish kryetar i shoqates “Bijte e Shqipes”, i cili i pershendeti te pranishmit, duke e shprehur pikellimin per ngjarjen tragjike qe e ka goditur Shqiperine dhe i njoftoi te pranishmit per ndryshimet ne ecurine e ceremonise se ngritjes se flamurit. Pastaj ai i ftoi te gjithe te pranishmit qe te mbanin nje minute heshtje ne nderim te viktimave te termetit te sotem. Per te ngritur flamurin ishte caktuar zoti Banjamin Risilia, veprimtar i vjeter i bashkesise shqiptaro – amerikane ne Filadelfia. Pas kendimit te himneve kombetare te ShBA-ve dhe atij te Shqiperise, fjalen e rastit e mbajti z. Bujar Gjoka, kryetar i shoqates “Bijte e Shqipes”, i cili qe ne fillim e shprehu dhimbjen per viktimat dhe tragjedine qe e ka goditur Shqiperine. “Sot cerermonine e ngritjes se flamurit nuk do ta bejme si heret tjera, pasi siç jeni njoftuar, ne oret e para te mengjesit atdheu yne u godit nga lekundje te forta termeti e si pasoje deri me tani kemi14 viktima, rreth 300 te plagosur dhe shume deme materiale… Ne kooperim me personelin e bashkise kemi vendosur qe ne nder te viktimave flamuri yne kombetar te ngrihet ne gjysme shtize (half-staff). Qe sot ne do te fillojme fushaten per ngritjen e fondeve financiare dhe materiale per te ndihmuar sado pak familjet e demtuare”, u shperh z. Gjoka. Pastaj ai foli per rendesine e 28 Nentorit, kesaj Dite te Madhe, Dite te Shenjte, dites me te shenuar ne historine e lavdishme shumeshekullore te popullit tone. Ne vazhdim ai foli edhe per miqesine ne mes te ShBA-ve dhe Shqiperis, dashurine e shqiptareve per Ameriken. Gjithashtu ai e theksoi edhe rolin e shqiptareve, te cilet me talentin dhe punen e tyre ne te gjitha fushat e jetes jane duke e dhene ndihmesen e tyre per zhvillimin e Filadelfias dhe gjithe Amerikes.

Ne emer te kryebashkiakut (Mayor) te Filadelfias, Jim Kenney, pershendeti zonja Sheila Hess, Perfaqesuese e Qytetit te Filadelfias. Edhe zonja Hess qe ne fillim te fjales se saj e shprehu pikellimin e saj per tragjedine qe e ka goditur Shqiperine dhe u shprehu ngushellimet e saja gjithe te pranishmeve, Shqiperise dhe gjithe shqiptareve. Pas mbarimit te fjales se saj zonja Hess i dorezoi kryetarit Bujar Gjoka Proklamaten me te cilen kryebashkiaku Kenney e shpallte diten e marte, 26 nentor, 2019 si diten per te respektuar Diten e Pavaresise se Shqiperise. Ne emer te Zyres per Çeshtje te Emigranteve pershendeti drejtoresha e kesaj zyreje, zonjusha Amy Eusebio.

Edhe ne çaste te gezueshme edhe ne dite te veshtira gjithmone do te brohorasim: Rrofte 28 Nentori, Dita e Flamurit, Dita e Shpalljes se Pavaresise se Shqiperise! Rrofte Shqiperia.

Keshtu ndodhi edhe sot ne Filadelfia. Amerikanet per raste te tilla e perdorin fjalen, “bittersweet” (e embla e hidhur), nje ndjenje e perzierjes se gezimit dhe hidherimit.

Filadelfia, 26 nentor, 2019

Sadik eshte anetar i kryesise dhe ish kryetar i shoqates “Bijte e Shqipes” ne Filadelfia.

KA NDERRUAR JETE GJERGJ ZEF CAMAJ- SOT SHERBIMET FUNERALE

by

Familja Camaj ka njoftuar se me 23 nëntor 2019 është ndarë nga jeta në moshën 73 vjeç, Gjergj Camaj(5 shkurt 1946 – 23 nëntor 2019.)

Trupi i të ndjerit do të pushojë në shtëpinë mortore Funeral Home: Pleasant Manor Funeral Home, Inc. ‪575 Columbus Avenue Thornwood, New York 10594, sot, të martën me 26 Nëntor 2019, prej orës 2pm- 9pm.

Mesha e Dritës dhe salikimet e fundit do të kremtohen të mërkuren me 27 nëntor 2019, në orën 11am, në Kishën Katolike “Zoja e Shkodrës”. Pas meshës trupi i të ndjerit do të përcillet në varrezat Gate of Heaven,10 West Stevens Avenue- Hawthorne, NY 10532.