Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

NDËRROI JETË NË NJU JORK DEDË ELEZAJ , FUNERALI TE PREMTEN

by

34 Dedaok.JPG

Nju Jork, 31 Tetor 2018- Mbrëmjen e 30 tetorit ndërroi jetë në Nju Jork ne moshen 78 vjecare, veprimtari i komunitetit shqiptar, anëtar i Federatës VATRA Dedë Elezaj. Vdekja e Dedës la në pikëllim të thellë bashkëshorten Ariana Elezaj , dy djemte Nick dhe John; dy vajzat Dea dhe Teuta si dhe dhe vëllain Gjergji me bashkëshorten Vera; si e vellain Tomë.

Funerali per te ndjerin Dede Elezaj do të mbahet ditën e premte, më 2 nëntor 2018, në Yorktown Funeral Home, ne adresen 945 East Main Street, Shrub Oak, NY 10588, nga ora 2 deri në 9 të mbrëmjes.
Trupi i të ndjerit do të varroset në Vendlindje. Diten e Shtunë, më 3 nëntor 2018, trupi i të ndjerit do të përcillet në vendlindjen e tij, ku do të bëhën shërbimet në Shtëpinë Funerale në Shënkoll të Ulqinit, më 4 nëntor 2018, nga ora 17-22 dhe të hënën më 5 nëntor, nga ora 10-13, kur do të varroset në varrezën familjare, te Kisha e Shënkollit…
Vatra i shpreh ngushëllimet më të thella Arianës, djemeve dhe vajzave si dhe të gjithë Familjes Elezaj, miqve dhe të njohurëve.
(Dielli)

$42,623.96 për Nëna dhe Fëmijë -‘Meet Us Halfway’ në Nju Jork

by

U ngritën $42,623.96 në ngjarjen vjetore të Aksionit për Nëna dhe Fëmijë, ‘Meet Us Halfway’ në Nju Jork/

2 Fonde.JPG

Nju Jork, 17 Tetor 2018- Fondacioni ‘Aksioni për Nëna dhe Fëmijë’ (ANF), mbajti mbrëmjen e saj të tretë të bamirësisë në Shtetet e Bashkuara të Amerikës, në Yale Club të qytetit të Nju Jorkut më 16 tetor 2018.Shumë mbështetës dhe dashamirë të punës së ANF-së u mblodhën për ta bërë këtë mbrëmje një sukses. Folëse e mbrëmjes ishte Shkëlqesia e saj, Ambasadorja Besiana Kadare, Përfaqësuese e Përhershme e Republikës së Shqipërisë në Organizaten e Kombeve te Bashkuara në Nju Jork, e cila mbështeti punën e mirë të Aksionit dhe bëri thirrje për mbshtetjen e këtij misioni humanitar. Musafire nderi ishte edhe Ambasadorja Teuta Sahatqija që vahzdon mbështetjen e saj tash disa vite.

Gjatë kësaj mbëmje, Aksioni ndau çmimin për Kontribut Jetësor, biznesmenit dhe filantropit,Richard Lukaj, për kontributin e jashtëzakonshëm dhe punën e palodhshme për nënat dhe fëmijët në Kosovë.

Gjatë mbrëmjes shumë njerëz dhanë kontributin e tyre dhe dhuruan fonde në koktelin dy-orësh. Pjesë e organizimit të ngjarjes ishte edhe një ankand i qetë, i cili përfshinte kreacion nga Besë Rugova, bizhuteri nga Sara Shala, pjata graniti të punuara nga Dhe by Granita, një foto sesion nga Fadil Berisha, dy darka në restoranin ‘Çka ka qëllu’, shërbime të formësimit të vetullave ngaSabrie Celaj. Gjithashtu pjesë e ankandit ishte edhe kompania Angleze e syzeve të punuara nga druri Campbell Marson Eyewear, Restaurant Angeletto të cilët dhuruan një darkë dhe verë, Eddy Bogaert i cili dhuroj një vepër të tij të artit, Body Cosmetica të cilët dhuruan procedura të kirurgjisë plastike si dhe darkë Restaurant Vero.

Suksesi i kësaj mbrëmje nuk do të ishte i mundur pa mbështetjen e Konsullatës së Kosovës në Nju Jork dhe Ambasadores Sahatqija, si dhe pa mbështetjen e miqeve tane Fadil Berisha, Bledar Asllani, Drin Kukaj, Mark Kosmo, Sara Shala dhe  Valon Xharra.

Fondet e ngritura nga  shitjet e biletave dhe nga donacionet e gjatë kësaj mbrëmje filantropie do të dedikohen për mbështetjen e programeve të Fondacionit në Kosovë, specifikisht në: furnizimin me pajisje mjekësore, mbështetjen e dorëzimit të medikamentit Surfaktant, zhvillimin e sistemit të transportit neo-natal, zgjerimin e ‘Klasave për Nëna‘ si dhe skrinimin e kancerit të qafës së mitrës.

PERCJELLJELLJA E ESHTRAVE TE MITHAT FRASHERIT NE NEW YORK, 10 NENTOR 2018

by

Mithat Frasheri
– Njoftim i Ambasades Shqiptare ne Washington/
2Njoftimi i ambasades1
Ambasada shqiptare ne Washington norton komunitetin se Ceremonia zyrtare e kthimit në atdhe të eshtrave të patriotit të shquar shqiptar Mid’hat Frasheri do te organizohet me
10 nëntor 2018 në New York.
Detajet e mëtejshme mbi protokollin e ceremonisë, sopas njoftimit te ambasades, do të publikohen së shpejti në #facebook

ARIZONA-PROMOVOHET LIBRI ‘’FAIK KONICA,DRITEHIJET E NJE DIPLOMATI”

by

1 agron LulzimNGA LULZIM MULLIQI/ SHBA/1 faik-konica-dritehijet-e-nje-diplomatiKeto dite ne ambientet e lokalit Nick & Beni’s Pizza,prone e bashkeatdhetarit tone,Arben Tafilica,ne Surprise te shtetit te Arizones nen patronatin e Shoqates se grave shqiptaro-amerikane te Arizones dhe Shoqates kulturore shqiptaro-amerikane “ Shqipe e Arizones “ u mbajt promovimi i librit “ Faik Konica,dritehijet e nje diplomati” te  autorit Agron Alibali.Ne kete promovim te ketij libri moren pjese nje numer simbolik i bashkeatdhetareve tane qe jetojne,punojne dhe veprojne ne shtetin e larget te Arizones.

1 agroni flet

1 MulliqiGjithashtu merrnin pjese edhe intelektualet,prof.dr. Shahin Berisha,ligjerues ne disa Kolegje dhe Universitete amerikane dhe prof.dr. Zeqir Veselaj nga Universiteti i Prishtines.Vlene te permendet se njera nga organizatoret e ardhjes se autorit,Agron Alibali ne Arizona ishte veprimtarja e dalluar e Shoqates se grave shqiptaro-amerikane te Arizones,zonja Kristina Kellici.Kete promovim e shpalli te hapur veprimtari i dalluar i komunitetit shqiptaro-amerikan te Arizones,prof.dr. Arben Lasku.Ai ne fillimi pershendeti autorin e librit,Agron Alibalin dhe te gjithe pjesemarresit e pranishem ne kete takim.Dr.Arben Lasku,theksoi se autori ne kete liber ka pershkruar me nje mori dokumentash figuren e Faik Konices si nje diplomat i shquar i kohes,si dijetar dhe atdhetar i devotshem qe ndihmoi ne forcimin e mardhenieve mes SHBA-ve dhe Shqiperise.Me pas e mori fjalen autori i librit” Faik Konica,dritehijet e nje diplomati”,Agron Alibali,i cili theksoi se per veprimtarine letrare dhe artistike te Faik Konices eshte shkruar edhe me heret nga autore te tjere,por e vecanta e ketij libri eshte se ne kete liber eshte perfshire veprimtaria diplomatike,zakonore, Juridike dhe kushtetuese e Faik Konices,gjate qendrimet te tij si diplomat ne SHBA.Ai theksoi se libri bazohet ne arkiven e legates shqiptare ne SHBA,si dhe ne tere praktiken diplomatike dhe konsullore te legates se Konices dhe konsullit Prifti ne Boston.Pra risia e ketij libri eshte vete mbeshtetja ne dokumente paresore,historike dhe arkivore  ku shfaqet veprimtaria e legates shqiptare ne Uashington ne lidhje me raportet dypaleshe ne mes Shqiperise dhe SHBA-ve,si dhe mardheniet

e legates shqiptare me komunitetin shqiptaro-amerikan dhe Shoqaten e shqiptareve te Amerikes “ Vatra”,gjate kohes kur Faik Konica sherbeu si diplomat.Gjithashtu autori Agron Alibali,u ndal duke analizuar ngjarjet kronologjike te kohes,duke vene ne dukje gjykimet e sakta te Faik Konices per etapat e ndryshme te shtetit iliro-shqiptar,qe nga kohet e lashta si Mbreteria e Bardhylit,deri ne mesjete.Autori nje vemendje te vecante i kushtoi edhe shtetit autonom te Ali Pashe Tepelenes,perpjekjeve per pavaresi ne periudhen e Rilindjes sone kombetare,qeverise se Vlores dhe te drejtes zakonore shqiptare..Ne vijim e mori fjalen edhe gazetari  Mr.Sc.Lulzim Mulliqi,i cili theksoi se vete titulli i librit eshte shume kuptimplote,keshtu qysh nga titulli kuptohet se lexuesi ka te beje me nje perzonash te vecante sa te kompletuar,por aq edhe kompleks dhe kontravers,sepse ne njeren ane paraqet shkelqimin e diplomatit ne etapa te caktuara kohore dhe ne anen tjeter paraqet edhe zbehjen e figures se tij sidomos ne raportet e tij me Fan Nolin te cilin e kishte denoncuar tek autoritet amerikane,duke e quajtur si bolshevik.Ne anen tjeter,gazetari Lulzim Mulliqi theksoi se ne veprimtarine e tij diplomatike,Faik Konica shkelqeu,duke u bere njeri nga diplomatet me te zeshem te kohes dhe njeri nder hartuesit  e pare te terminologjise juridike dhe diplomatike ne gjuhen shqipe.Gjithashtu,Lulzim Mulliqi vleresoi larte kontributin e Faik Konices ne rrafshin e diplomacise,duke nenvizuar rolin e tij te rendesishem ne zhvillimin e maredhenieve dypaleshe (bilaterale) ne mes te Shqiperise dhe SHBA.Ku njera nga arritjet me te medha te Konices ishte lidhja e disa traktateve dypaleshe ne mes SHBA-ve, dhe Shqiperise ne mes te dy lufterave boterore sic ishin:Traktiti i Natyralizimit,ai i Ekstradimit dhe Arbitrimit nderkombetar.Me pas pati nje numer diskutimesh dhe pyetjesh nga te pranishmit si nga:prof.dr. Shahin Berisha,prof.dr. Zeqir Veselaj,Dr. Elonia Lasku,Kristina Kellici etj.Ne fund te ketij promovimi u dhe nje koktej,ku te pranishmit u sherbyen me ushqime tradicionale shqiptare dhe pije te ndryshme.

Ngjarja bamirëse ‘Meet Us Halfway’ rikthehet përseri në Nju Jork

by

1 Meet Us Halfway

12 Tetor 2018- Pak ditë po na ndajnë nga ngjarja tashmë tradicionale “Meet Us Halfway” e cila po mbahet për herën e tretë me radhe në qytetin e Nju Jork-ut.  Kjo mbrëmje filantropie e cila po organizohet nga fondacioni Aksioni për Nëna dhe Fëmijë është ngjarje e cila do të ngritë fonde për shpëtimin e jetëve të nënave dhe fëmijëve në Kosovë. Kjo mbrëmje e bamirësisë do të mbahet në klubin prestigjoz Yale të Qytetit të Nju Jork-ut me datën 16 Tetor 2018 nga ora 18:30 deri në 21:00.

Gjatë kësaj mbrëmje do te ketë Muzikë, Rrjetëzim, Koktel dhe Ankand të Qetë, ku shumë personalitete nga bota e biznesit, kultures ,politikës dhe arteve kanë konfirmuar pjesëmarrjen dhe mbështetjen e tyre. Folëse e mbrëmjes do jetë Shkëlqesia e saj, Ambasadorja Besiana Kadare, Përfaqësuese e Përhershme e Republikës së Shqipërisë në Organizaten e Kombeve te Bashkuara në Nju Jork, ndërsa musafore nderi do të jetë Ambasadore Teuta Sahatqija. Me këtë rast do të ketë edhe një pike muzikore nga këngëtarja me origjinë Angleze – Cara Frew.

Në vitin 2016 për here te parë u mbajt ngjarja bamirëse ‘Meet us Halfway’, ngjarje e cila tashmë është shndërruar në aktivitet të vjetor të Fondacionit për mbledhje të fondeve dhe rritje të vetëdijësimit. Shuma e mbledhur nga sponsorizimet dhe shitja e biletave gjatë dy ngjarjeve “Meet Us Halfway” të viteve të kaluara ka arritur në shumën rreth $86,025.0, shumë e cila është përdorur e gjitha për programe dhe shërbime që u dedikohen nënave dhe fëmijëve.

Gjithashtu fondet e ngritura nga  shitjet e biletave dhe nga donacionet e dhëna në ngjarjen e cila do mbahet me 16 Tetor 2018 do të dedikohen për mbështetjen e programeve të Fondacionit në Kosovë, specifikisht në: furnizimin me pajisje mjekësore, mbështetjen e dorëzimit të medikamentit Surfaktant, zhvillimin e sistemit të transportit neo-natal, zgjerimin e ‘Klasave për Nëna‘ si dhe skrinimin e kancerit të qafës së mitrës.

Kjo mbrëmje nuk do ishte e mundur pa mbështetjen e miqve  dhe anëtareve të bordit të fondacionit që jetojnë dhe veprojnë në Amerikë siç janë,  Ambasadore Teuta Sahatqija dhe mbështetja e jashtëzakonshme e Konsulatës Gjenerale të Kosovës në Nju Jork, Fadil Berisha,  Bledar Asllani, Drin Kukaj, Mark Kosmo, Sara Shala dhe  Valon Xharra.

Për të qenë pjesë e ngjarjes, bileten tuaj mund ta bleni përmes platformës Eventbrite të cilin mund ta gjeni në vegëzen vijuese: https://www.eventbrite.com/e/meet-us-halfway-iii-tickets-46105538908.