Flamur Vezaj/

Me një atmosferë të ngrohtë, pjesëmarrje të gjerë dhe emocione të shumta, u përmbyll me sukses edicioni i dytë i Festivalit të Filmit Shqiptar “Fan S. Noli” në Boston, një festë e vërtetë e artit dhe shpirtit shqiptar në Diasporë. Për tri ditë me radhë, salla e Katedrales Ortodokse Shqiptare “Shën Gjergji” në jug të Bostonit, u mbush me zëra shqip, me duartrokitje dhe krenari kombëtare.

Festivali u organizua nga Qendra Kulturore dhe Libraria “Fan S. Noli”, në bashkëpunim me Katedralen Ortodokse Shqiptare “Shën Gjergji”, dhe u udhëhoq me pasion nga regjisori i njohur Bujar Alimani, drejtor artistik i festivalit. Me të njëjtin përkushtim, Presidenti i Festivalit, Robert Tochka, dha një kontribut të çmuar për ta kthyer këtë edicion në një moment të paharruar për artdashësit shqiptarë.

Ky aktivitet u mbështet nga një sërë organizatash të komunitetit shqiptar në Massachusetts, përfshirë VATRA në Boston, Albanians Fighting Cancer, MaasBesa, Labëria, Albanian Community Center (Çunat e Bostonit), Albanian American Bar Association, Eagle Soccer Academy, Gocat e Bostonit dhe të tjerë, dëshmi e unitetit tonë kulturor dhe përkushtimit ndaj trashëgimisë sonë kombëtare.

Në këtë festival u shfaqën 21 filma nga Shqipëria, Kosova, Maqedonia e Veriut dhe Diaspora, 6 filma artistikë me metrazh të gjatë, 7 të shkurtër, 5 dokumentarë dhe 6 filma të animuar. Secila shfaqje shoqërohej me diskutime të drejtpërdrejta me aktorët, regjisorët dhe producentët, që kishin ardhur enkas për të qenë pranë publikut të tyre në Boston.

Në fund të festivalit, juria e përbërë nga Rafaela Prifti (kryetare), Herion Mustafaraj, Enkelejda Klosi, Sevdije Kastrati dhe Dhimitër Cika, ndau çmimet kryesore, sipas kategorive përkatëse:

Më çmimin e filmit më të mirë artistik u cilësua “Tre dritare dhe një varje”, me regjisor Isa Qosja, ku shpalos një rrëfim i fuqishëm për plagët e shoqërisë shqiptare, që preku audiencën dhe jurinë. Po ky film mori edhe çmimin e publikut. Regjisori më i mirë i këtij Festivali u shpall Gjergji Xhuvani për filmin “Liqeni im”, një rrëfim i ndjerë dhe artistik që vë në pah hijet dhe dritat e shpirtit njerëzor.

Regjisori Robert Budina u vlerësua me çmimin, si Skenaristi më i mirë për mjeshtërinë narrative në filmin “Streha Mes Reve”.

Irene Aliu u shpall Aktorja më e mirë për interpretimin e fuqishëm në dramën “Tre Dritare dhe Një Varje”.

Aktori I shumë filmave edhe në Hollivud, Arben Bajraktarai fitoi çmimin si Aktori më i mirë për rolin e tij të ndjeshëm dhe të thellë në “Streha Mes Reve”.

Për muzikën më të mirë në këtë festival, juria nderoi Lola Gjoka, që shoqëron me ndjeshmëri dokumentarin “Lola Aleksi Gjoka”.

Çmimin për dokumentarin më të mirë, juria përzgjodhi Eneos Carka për veprën e tij tronditëse “Another Day”.

Elvis Lule u vlerësua për Filmin më të mirë të shkurtër me intrigen inteligjente “Shija e Derrit”.

Rikarda Nenshati dhe Ergys Faja sollën një vizion të veçantë dhe u shpërblyen për Filmin më të mirë të animuar “Balada e Druvarit”.

Aktorja më e mirë në rol dytësor në këtë festival u shpall, Luiza Xhuvani, për prurjen e thellë emocionale në disa filma, përfshirë “Liqeni Im”, “Emili”, “Mbjellja” dhe “Pemet”.

Tristan Halilaj u shpall Aktori më i mirë në rol dytësor për rolin e tij mbresëlënës në filmin “Liqeni im”. Ndërsa çmimi i veçantë i Jurisë iu dha filmit “Një Filxhan Kafe dhe Këpucë të Reja Veshur”, për origjinalitet dhe ndikim të veçantë artistik.

Ardhja e krijuesve të disa filmave në Boston, kulmoi me prezencën e aktores së mirënjohur Luiza Xhuvani, aktores dhe regjisores Rovena Lule, shkrimtarit dhe skenaristit Luan Rama, producentit Alket Veliu, regjisores Rina Gjoka dhe regjisorit Tan Kazazi, të cilët diskutuan pas shfaqjeve të filmave me publikun që këtë herë mbushte çdo natë sallen e katedrales së kthyer kinema.

Kjo përmbyllje dinjitoze kulmoi me një mbrëmje gala në ambientet e restorantit të njohur të Leo Keka, mik i përhershëm i aktiviteteve shqiptare në zonën e Bostonit. Të ftuarit u argëtuan me muzikën e këngëtares së dashur Ermira Babaliu, duke ndarë emocionet e një nate që ndërthurte krenarinë shqiptare me dashurinë për artin.

I gjithë eventi, që nga dita e parë u fiksua nga kamera e USALB TV Gjergji Kovaçi që erdhi nga Nju Jorku, për të dytin vit! Ndërsa statujat e Fan S.Nolit të derdhur në bronz i ka punuar Ekskluzivisht për këtë festival, artisti shqiptar skulptori Ilmi Kasemi.

Festivali “Fan S. Noli” po bëhet jo vetëm një ngjarje kulturore, por një urë shpirtërore mes brezave dhe brigjeve, që na lidh përmes filmit, gjuhës dhe identitetit këtu në Shtetet e Bashkuara të Amerikës. Sepse kur ekrani flet shqip, zemrat rrahin më fort.

Foto: Artan Malaj

We’re excited to invite you to be part of a historic and vibrant celebration — the 1st Official Albanian Parade in New York City, followed by a Street Festival

*Parade:*

Tommorrow, Saturday, June 21st, 2025

Begins at: Central Park W & 81st St

Ends at: Central Park W & 68th St

Start Time: 10:00 a.m.

*Street Festival Information:*

Central Park W & W 72nd St

Let’s make history together and show the richness of Albanian heritage in the heart of New York City!

_“If you want to go fast, go alone. If you want to go far, go together.”_ -Proverb

Me një ceremoni festive dhe emocionuese, Shkolla Shqipe e QKSHA-Struga përmbylli vitin shkollor, duke e cilësuar atë si një vit të suksesshëm dhe të mbushur me arritje.

Nxënësit e shkollës, përmes një programi të përgatitur me kujdes, recituan poezi, interpretuan këngë dhe morën çertifikatat përfundimtare të vitit. U ndanë gjithashtu vlerësime dhe mirënjohje për kontributin dhe përkushtimin gjatë vitit shkollor.

Atmosfera u ngroh edhe më shumë nga prania e prindërve entuziastë, të cilët fiksuan çastet më të bukura me fotografi, ndërsa mësueset përshëndetën me emocion nxënësit e tyre.

Drejtoresha e shkollës, znj. Gonxhe Meta, në fjalën e saj përshëndetëse falënderoi të gjithë ata që kontribuuan në suksesin e këtij viti shkollor, duke veçuar kryetarin e organizatës, z. Sinan Alimi, stafin administrativ dhe mësueset. Ajo shprehu mirënjohje të veçantë për gjithë stafin e organizatës për angazhimin dhe përkushtimin e tyre të vazhdueshëm.

Gjatë këtij viti shkollor, nxënësit u përfshinë në aktivitete të shumta, si festa kombëtare, shfaqje artistike, ekskursione në natyrë dhe punëtori edukative si “Traditat e Gatimit”, arti figurativ dhe shumë të tjera që ndihmuan në ruajtjen dhe promovimin e gjuhës dhe kulturës shqiptare.

Shkolla Shqipe e QKSHA-Struga uron të gjithë nxënësit për pushime të mbara verore dhe mezi pret rikthimin e tyre në klasë me energji të reja dhe ide të freskëta për të vazhduar misionin e përbashkët: ruajtjen dhe kultivimin e gjuhës shqipe, traditave dhe kulturës sonë të çmuar.

Juljana Latifi/

Ardhja e Qershorit dhe ditëve të nxehta ka sjellë dhe fundin e vitit mësimor në shkollën shqipe Skenderbej me qendër Brooklyn, New York. Nën drejtimin e Shoqatës Shqiptaro-Amerikane Skenderbej me qendër në Staten Island, NY, nën kujdesin e vecantë të bordit drejtues si dhe kontributin profesional të mësuesve të përkushtuara dhe me përvojë znj. Adelina Laçaj, Geltjana Bulku, Juljana Latifi dhe Anisa Gani Preza, shkolla shqipe Skenderbej në Brooklyn, ka luajtur një rol thelbesor dhe të çmuar në ruajtjen, promovimin dhe përcjelljen e vlerave kombëtare dhe trashigimisë kulturore shqiptare tek brezat e rinj të komunitetit tonë. Viti mësimor 2024-2025 ishte një vit i mbushur me një program mësimor të larmishëm, aktivitete, këngë, valle dhe gjithashtu pjesëmarrje në eventet më të rëndësishme shqiptare të organizuara në New York. Nxënës të grupmoshave të ndryshme iu janë

bashkuar orarit mësimor duke marrë njohuritë bazë në gjuhën shqipe, duke u njohur kështu më tej me traditat, zakonet, kulturën, kjo nëpërmjet punimeve me kraft, këngëve e valleve dhe lëndëve mësimore. Eksperiencat dhe mbresat kanë qenë të ndryshme, përfshirë këtu dhe shoqërinë me njëri-tjetrin e shprehur në gjuhën e bukur shqipe.

Për të kujtuar të gjitha këto dhe për të dhënë frytet e një punë kolosale të kryer nga mësueset dhe anëtarët e shkollës Skenderbej, nxënësit kanë realizuar projektet e tyre me tematika të ndryshme dhe i kanë prezantuar në klasë nëpërmjet programeve

kompjuterike, power point apo google slide. Çdo punim kishte veçantinë e vet, por e përbashkëta e tyre ishin përfimet mësimore dhe nostalgjia e pjesëmarrjeve në aktivitetet e ndryshme që shkolla ka organizuar. Një nga nxënëset e kësaj shkolle, Emma

Bermuça, përveç punimeve artistike që kishte realizuar, solli në fokus aktivitetet e shkollës që ajo do t’i mbajë mend gjatë. Njëri prej tyre ishte vizita në bashkinë e qytetit, ulja në një nga tavolinat brenda këtij ambienti e memorizuar me foto dhe veshjet e bukura popullore shqiptare. Emma nëpërmjet gjuhës shqipe theksoi dhe një moment tjetër të rendësishëm, kërcimin e valles “Përtej oqeanit” në shkollën e saj PS.102, ku së

bashku me disa nxënëse të tjera, po pjesë të shkollës Skenderbej, e kanë realizuar në mënyrën më përfekte të mundshme dhe plot krenari përpara stafit dhe nxënësve të shkollës amerikane.

E veçanta e kësaj përformance ishte dhe fakti që pjesë e vallës janë bërë dhe nxënësit e tjerë të kombësive të tjera, të cilën e kanë mësuar vallen dhe e kanë kërcyer duke u njohur kështu me një nga pasuritë tona, që janë vallet, me të cilat në krenohemi pafund! Amelia Bermuça, një tjetër nxënëse e kësaj shkolle, ka zgjedhur të vijë me një punim kushtuar shëndetit, sesi mund të kemi një jetë të shëndetshme nëpërmjet ecjes në natyre, ushqimeve organike dhe frutave të ndryshme, të cilat gjithashtu mësueset e shkollës Skenderbej i kanë shpjeguar me emrat përkatëse në gjuhën shqipe. Madje një shembull konkret ka qenë dhe mbjellja e tyre në klase, ku nxënësit kanë ndjekur hap pas hapi kultivimin dhe benefitet që vijnë nga konsumimi i tyre.

Një tjetër nxënës, Enzo Rustani, ka sjellë diçka ndryshe nga të tjerët, punën e tij e ka fokusuar tek projektimet onlinë të objekteve të ndryshme, përfshirë këtu kuzhinën e banesës së tij apo atë të një parashute hedhëse e shumë të tjera, ku tregoi se për këtë

të fundit i janë dashur të punojë mbi 12 orë për ta realizuar. Enzo është një nga ato talentet e rralla për moshën që ka dhe ka filluar hapat e parë në botën e projektimit që është sa e vështirë dhe e bukur në të njëjtën kohë.

Një nga nxënësit e rregullt të kësaj shkolle dhe tepër i përkushtuar në të gjitha nismat që janë ndërmarrë është Kelvin Rustani, i cili ka zgjedhur që punimin e tij ta fokusojë tek gjithçka që ka mësuar në këtë vit shkollor. Ai solli disa momente te bukura nga 8 Marsi

dhe na rikujtoi aktivitetet e bukura që janë organizuar përfshirë këtu festat e Nëntorit, festat e fundvitit, momentet historike shqiptare, Dita Ndërkombëtare e fëmijëve e shumë aktivitete të tjera që shkolla ka organizuar. Nxënës të tjerë shpjeguan mes tyre kujtimet e këtij viti shkollor, miqësitë e reja të

krijuara dhe fjalët që kanë mësuar në gjuhën shqipe. Në fund vijuan përgatitjet për paradën e madhe që do të mbahet më 21 Qershor, 2025, ne Manhattan, ku flamuri kuqezi do të valëvitet me krenari në rrugët e New York-ut. Shkolla shqipe Skëndërbej do

të jetë pjesë e saj me më shumë se 10 valle të përformuara nga nxënësit e kësaj shkolle me shumë krenari.

Një nga mësueset e kësaj shkolle, e cila ka dhënë një kontribut tepër të madh në mësimdhënie, Adelina Lacaj, është shprehur se ky vit shkollor ka qenë një përpjekje e madhe në unifikimin e grupmoshave dhe me shumë përpjekje janë ndërthurur kengët dhe vallet dhe nxënësit arriten të përfshihen me njëri-tjetrin përmes një lidhje tepër organike. Më tej mësuesja ka falenderuar anëtarë të shoqatës shqiptaro-amerikane Skenderbej për financimin e programit mësimor si dhe mësueset e kësaj shkolle për kontributin e dhënë. Bordi i shkollës iu uron nxënësve gezuar festën e baballarëve si dhe gjithë festat verore në vazhdimësi duke iu uruar atyre suksese të mëtejshme.

E nderuar familja Marku – Preka

Fort i dashur e i nderuar miku ynë i çmuar Paulin

Me keqardhje të thellë e dhimbje të madhe mësova lajmin e largimit të parakohshëm nga jeta tokësore të motrës suaj të dashur e të pa harruar Zamira Marku – Preka në moshën 39 vjeçare. Në emër të Federatës Pan- Shqiptare të Amerikës VATRA, të gazetës Dielli, në emër të të gjithë vatranëve e të familjes sime ju përcjelli ngushëllimet tona më të sinqerta e më të dhimbshme për humbjen e motrës suaj të shtrenjtë Zamira Marku – Preka.

Zoti ju dhashtë forcë për të përballuar pikëllimin e dhimbjen e madhe për humbjen e njeriut tuaj të zemrës. Të gjithë bashkë si vatranë jemi pranë jush e familjes Marku e Preka, familjarëve, miqve e dashamirësve tuaj në këto ditë të vështira trishtimi, zie, lamtumire e dhimbje të pafundme.

Jeni në lutjet dhe mendimet tona.

Zamira pushoftë në paqe e përjetësi. Qoftë ëngjëll mbrojtës në qiell për 3 vajzat e saj të vogla. Parajsa qoftë banesa e saj e përjetshme.

I pikëlluar

Pranë jush dhe me nderime

Kryetari i VATRËS

Dr.Elmi BERISHA