Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

TRYEZE NDERFETARE NE STATEN ISLAND, NY

by

*Qendra Shqiptare Kulturore Islame, në Staten Island shënojë përvjetorin e 13-të, Ditët e Komunitetit -” me një tubim ndërfetar/
* Tryezë ndërfetare : “Mirësia dhe partneriteti mes të gjitha besimeve fetare”, në Nju Jork”/
Nga Beqir SINA – New York/
STATEN ISLAND NY: Qendra Shqiptare Kulturore Islame, në Staten Island – priti dje në përvjetorin e 13-të, “Ditët e Komunitetit” -“13th annual Community Days”, me një mëngjes pune, të gjithë liderit fetar të komuniteteve fetare të ishullit, si dhe disa përfaqësues të zyrtarëve të lartë të Shtetit, Qytetit, Policisë dhe Sigurisë Kombëtare.
Ky aktivitet, që tashmë, është bërë tradicional, u mbajt në Qendrën Shqiptare Kulturore Islame, në Staten Island, duke mbledhur së bashku në formë “Tryeze të rrumbullakët” – “Roundtable”, anëtarët dhe udhëheqës të ndryshëm fetarë të të gjitha komuniteteve fetare në Staten Island – për të planifikuar mënyrat më të mira për të shërbyer qytetit të Staten Island – në Nju Jork, me bashkëjetesën ndërfetare.
Ky aktivitet ndërfetar vazhdon të mbahet në ishullin njujorkez, Staten Island, për 13 vjet, me klerikët nga Sinagogat, Kishat, Tempujt dhe Xhamitë me kryesore të qytetit.
Këtë vit pjesëmarrës ishin : Rev Bob dhe Maria Hansen, nga Kisha evangjelike “Amazing Grace Church”, Dr Ram Nair nga Tempulli “Hindu Temple”, Rabbi Sussman, nga Sinagoga ” Mona Zaloom Building Bridges”, At Liami O’Doherty, nga Kisha Katolike “Zoja e Këshillit të Mirë”, Imam Dr. Zurkani Vardar,, Ferid Bedrolli , Dr. Tahir Kukaj, nga qendra shqiptare islame AICC, dhe, nga Këshilli i Kishave të qytetit Staten Island, Rev. Janet Jones, dhe Rev. Terry Troia,
Në mesin e pjesmarrësve, edhe disa oficerë të lart të policisë së qytetit, dhe nga Department of Homeland Security, Washington DC – Dr. Erroll G. Southers, DPPD (Universiteti i Kalifornisë Jugore) dhe z Ehsan Zaffar, nga Department of Homeland Security, Washington DC.
Si dhe, zyrtarë të lart të Nju Jorkut, përfaqësuar nga përfaqësuesit e tyre, Guvernatori A. Cuomo u përfaqësua nga z. Andrew Crowford, Kryetari i Bashkisë, DeBlasion u përfaqësua nga z. Charles Fall, Kontrollori i Qytetit Scott Stringer u përfaqësua nga z. Kevin Alkins, Assemblyman M. Cusick përfaqësuar nga Gentiana Ame , Drejtori i Komisionit Ezekutiv për të Drejtat e Njeriut, Alexander Korkhov. Shefi i Policisë Edward Delatorre, , Inspektori i Policisë Thomas H. Delahanty, Komandant i Operacioneve të Policisë, Lt. Tania Kinsella dhe Lt. Raffet Awad nga Community Outreach Staten Island.
Me këtë rast, duke i u uruar mirëseardhjen dhe përshëndetur pjesëmarrësit, Dr. Tahir Kukaj, zëvendës President i Qendrës Kulturore Islame Shqiptare, ka hapur veprimtarinë.
“Ky takim është vjetor, dhe daton qysh 13 vite më parë, duke pasur për qëllim krijimin e urave të bashkpunimit dhe mirëkuptimit, në mesin e komuniteteve ndërfetare, tha Dr. Kukaj, dhe shtoi se Qendra Islame Kulturore Shqiptare, është një prej qëndrave themeluese të kësaj organizate ndërfetare në ishullin e Staten Island në Nju Jork”.
Pas diskutimit të temave të ndryshme, liderit fetar bën prezentimin e projekteve humanitare, që secila qendër fetare e civile do t’i ofroj qytetit të Staten Island për vitin 2015. Ndërkohë, duke folur për historikun e ” Community Days ” oratorët vunë në pah rëndësinë e punës së kësaj organizate, frutat dhe mundin, përpjekjet e liderve fetarë dhe civile në përmirësimin e marrëdhënieve në mesin e komuniteteve të ndryshme në ishullin Staten Island.
Duke marrë fjalën përfaqësuesit e Department of Homeland Security, vlerësuan shumë këtë punë, saqë u shprehën se:” kjo veprimtari vejtore, do të prezentohet tek qarqet më të larta të Administratës në Uashington, me qëllim përhapjen e saj – që të inkurajojmë këtë shpirt mirëkuptimi e bashkëpunimi në të gjithë SHBA”.
Në konkluzion, organizatorët thanë se kjo veprimtari vjetore, ka për qëllim që të inkurajojë qendrat të tjera kudo që të bashkpunojnë dhe të krijojnë atmosferë, mirësie dhe partneriteti mes të gjitha besimeve fetare në Nju Jork.
Pritia në përvjetorin e 13-të, Ditët e Komunitetit -“13th annual Community Days” me një mëngjes pune – tryezë e rrumbullakët, nga të gjitha komunitetet fetare të ishullit, si dhe disa zyrtarët e lartë të policisë dhe Sigurisë Kombëtare, u mbyll me një lutje fetare, e kryer nga At Liam O’Doherty.
Kurse, në fund vlen të theksohet se Qendra Kulturore Islame Shqiptare, e cila është organizuese e kësaj veprimtarie që nga themelimi i saj, si dhe i tubimeve të tjera që kan për qëllim ndërtimin e urave të bashkpunimit dhe mirëkuptimit, dallohet në mesin e qendrave fetare .
Në të njëjtën kohë AICC, thotë se me këto aktivitete ndërfetare në Nju Jork, ajo po promovon vlerat tona kombëtare dhe fetare. “Me krenari e deklarojm, thanë udhëheqësit e kësaj qendre, se Populli shqiptar është unik në botë për shumë gjëra e në mënyrë të veçant për tolerancë dhe mirëkuptimin fetare gjatë shekujve. Ne jemi pupolli i vetëm në Europë që asnjëherë nuk kemi pas ndër vete luftëra fetare”.

Talentia shqiptare Dea Elezaj – shkëlqen në Carnegie Hall

by

Kori i Talenteve të Reja të Qytetit të Nju Jorkut, dha koncert në Carnegie Hall në Manhattan – New York, për zonat e prekuar prej cunamit që shkatërroi pjesë të Japonisë në vitin 2011/
Nga Beqir SINA – New York/
NEW YORK CITY : Të mërkurën, më 11 mars, në përvjetorin e katërt të tërmetit dhe cunamit që shkatërroi pjesë të Japonisë në vitin 2011, Kori i Taleneteve të Reja të Qytetit të Nju Jorkut, e udhëhequr nga Elizabeth Nunez, u bashkua me korin e Talenteve të Reja nga Japonia, dhe të tjera nga mbarë SHBA, në një festival për të përkujtuar datën e fakeqësisë natyrore në Stern Auditorium në Carnegie Hall.
Përfitimet, materiale së bashku me koncertet e tjera si donacione, do t’i dërgohen në zonat e prekuara prej cunamit, që shkatërroi një pjesë të Japonisë në vitin 2011.
Koncerti, i parë, u zhvillua të Mërkurën (11 Mars 2015 në orën 8 në mbrëmje), në Isaac Stern Auditorium, sallën Ronald D.Perelman në Carnegie Hall në Manhattan – New York, dhe titullohej :”New York, Chours festival” Ai u organizua në bashkëpunim me agjencinë Japoneze të bashkëpunimit kulturor e artistik – Konsullatën Japoneze në New York, me qëllim mbledhjen e fondeve materiale, për viktimat dhe familjet e të prekurëve nga tërmeti dhe cunami që goditi Japoninë katër vite më parë.
Ky Festival, i cili do të vazhdoi për disa ditë, në qytete të tjera në SHBA- është sponsorizuar dhe mbështetur nga Konsullata e Përgjithshme e Japonisë në NY, Këshilli i Marrëdhenieve me Jashtë në Ministrin e Jashtme të Japonisë, Organizata Asahi Shimbun e Marrëdhënieve Sociale, Dhoma e Tregtisë dhe Industrisë Japonezo – Amerikane, Shoqata e Miqesise Amerike-Japoni, Groupi i Komunikimit Ndërkombëtar Fujisankei, dhe organizata të tjera.
Në këtë koncert merrnin pjesë 3 grupe nga Amerika edhe 2 grupe të ardhur enkas nga Japonia për këtë qëllim: Young People’ Chorus of New York,(pjestare e të cilit është edhe talentia shqiptare Dea D. Elezaj),Vocal Ensemble Anima (Japan),The Nippon Club Women’s Chorus(USA),The Amapola Women’s Chorus (Japan) & SoHarmoniums Women’s Choir (USA).
Në një shikim shumë të veçantë të programit, nga “Kori i Talenteve të Reja të Qytetit të Nju Jorkut – Young People’ Chorus of New York”, e udhëhequr nga muzikantia e njohur Elizabeth Nunez, është pjesëmarrja dhe preformanca e shkëlqyer dhe e duartrokitur gjatë, ndaj talentes shqiptare – 15 vjeçares Dea Elezaj. E cila është këngëtare, njohur dhe e duartrokitur më parë, edhe në festivalet e muzikës shqiptare, Festivali i Kishës Katolike Shqiptare Zoja e Shkodrës, dhe festivalet e fëmijëve shqiptarë në SHBA. Talente, kjo e dalë në skenë nga shkolla shqiptare e muzikës, si “produkt” i ish kitaristit të Ansamblit Shtetëror të Këngëve e Valleve Popullore, Edi Xhani.
Muzikani i njohur Edmond Xhani, ka thënë, vite më parë se:” Dea Elezaj – është një këngëtare, sipas tij e vogël – por, që premton shumë për të ardhmen. Interpretimi i saj është i saktë ku bie në sy sidomos vokali i ëmbël i saj si dhe shqiptimi mjaft i mirë i fjalëve të këngës”.
Gjithashtu, 15 vjeçarja shqiptare Dea Elezaj, është e njohur për shqiptarët e Amerikës, edhe për këndimin e dy hymneve kombëtare, të, të dy vendeve, SHBA dhe Shqipërisë në disa aktivitete të rëndësishme kombëtare, në komunitetin shqiptar.
Dea, është bërë pjesë e Korit të Talenteve të Reja në Nju Jork :” Young People’s Chorus of New York” dy vjet më parë, që kur ajo këndonte në divizionin Cantare, të këtij kori, mbasi ajo kishte kaluar nëpër një experience të pasur më parë me korin e fëmijëve të Metropolitan Opera.
Drejtuesit e këtij programi dhe sidomos udhëheqësia dhe badhkëthemeluesja e :” Young People’s Chorus of New York”, Elizabeth Nunes, është shprehur me fjalët më të mira, për Dean – talentin e shkëlqyer shqiptar, siç e quan ajo Dean – duke vënë në pah së pari talentin e saj – njëkohësisht, Nunes, ka shprehur edhe respektin më të madh për punën e ndihmesën e Dea’s, në mbarëvajten e programit të këtij kori të talentuar njujorkez, të rejave .
Këtë e tregon më së miri edhe përzgjedhja e talentit shqiptar , nga Nunez, e cila është ndër të paktët koriste që do të perfaqsojë tani “:” Young People’s Chorus of New York”” në çdo aktivitet, në turneun e saj nëpër SHBA, prej se kur Dea, po merr pjesë në kuadër të këtij kori të madh.
Axhenda e saj për këtë vitë është mjaft e pasur me koncerte madje në sallat më prestigjoze të muzikës në SHBA. Në fillim të Marsit, Dea, do të interpretonte solo së bashku me korin në Rose Hall në Jazz at Linkoln Center – New York, e ndjekur shumë aktivitete të tjera, ku ajo është si e përzgjedhura e koncerteve. Më datën 28 Mars, Dea, ka një koncert në Metropolitan Museum of Art, dhe në 8 Prill , ajo është zgjedhur për të kënduar përsëri në Carnegie Hall, për një koncert të titulluar “Transmigration of Souls by John Adams”.
Ndërsa, në javën e parë të korrikut, Dea D. Elezaj, do të profermojë së bashku me një grup këngëtarësh të korit të talenteve të reja ” Young People’s Chorus of New York”, duke përfaqsuar shtetin e New Yorkut, në festivalin e koreve të SHBA në “San Francisco Golden Gate Choral Festival”.

KENI RAST TE NDIHMONI SHKOLLEN SHQIPE NE BRONX

by

SHKOLLA SHQIPE NE BRONX ORGANIZON: Mbrëmje festive/
Të ndihmojmë Shkollen Shqipe
21 Mars, 2015
7:00 PM
Maestro’s
1703 Bronxdale Avenue Bronx NY 10462
Darkë me meny te pasur, muzikë Shqiptare, me kengetar të njohur të komunitetit Agim Gerbeshi, Albrije Hadergjonaj, Ansambli I Shkolles Shqipe dhe Ansambli Bashkimi Kombetar.
Në mbrëmje marrin pjesë Shoqatat atedhetare të komunitetit, ansamblisti Mark Gjonaj dhe TV-të e mediat e shkruara.
Të gjitha mjetet e mbledhura nga kjo mbrëmje do të I kalojn Shkolles Shqipe ne Bronx.
Jeni të mirseardhur,
Bileta: $100 për të rritur
$30 për femijë nen moshen 12 vjecare)
Për rezervime kontaktoni:
423-747-5100
646-206-9709
914-528-3985

Në kujtim të Elez Mersin Ndreu – 4 shkurt 1929 – 8 mars 2015

by

Nga Beqir SINA – New York/
Elezi u lind më 4 shkurt 1929 në katundin Sllovë – Dibër, dhe ndërroi jetë ditën diel, më mars 8, 2015 si një banor i Monterey, në Kaliforni/
MONTEREY BAY CALIFORNIA : Këto ditë u nda nga jeta në moshë 86 vjeçare, në Monterey – Kaliforni, Elez Ndreu. Bir i Mersin Ndreut, nga një familje, që do bëhej simbol i Dibrës. Anëtarë, i fisit Ndreu të Dibrës, ose fisit më të madh dhe të dëgjuar, jo vetëm në këtë trevë – por dhe si një fis që ka zënë vend të rëndësishëm edhe në historinë e kombit Shqiptarë. Elezi, u lind në Sllovë të Dibrës më 1929. Ai rridhte nga një familje e madhe e fisnike dhe ishte djali i madh i patriotit të përmendur, Mersim Ndreu. I cili, së bashku me anëtarë të tjerë familjes e të fisit, ndër ta Cen e Sufë, Dik Xhelili dhe Qazim Hazizi (Ndreu), u bënë një grup i rëndësishëm dhe bashkëluftëtarë të Elez Isufit (gjyshi i Elezit ), i cili, ka hyrë në histori si “Gjenerali me Shajak” ose ”Arusha e Malit”, dhe populli i këndoi.
Mirëpo, fatkeqësisht, ashtu si e pësuan familjet më të mira të kombit, nga e gjithë Shqipëria, nën regjimin komunist, i cili ushtroi represionin më të egër ndaj familjes Ndreu, pësuan edhe disa anëtarë të familjes së Elez Ndreut. Të cilët u përfshinë në genocidin ndaj kësaj familje; patriotësh të mëdhenj, trima dhe luftëtar të shquar në mbrojtjen shekullore të vatanit,. Presekutim – i cili nisi me 1946 me Cen Elezin, për të kulmuar më 1956 me pushkatimin dhe me burgosjen e disa anëtarëve të Ndreut të Dibrës, dhe me interrnimin e më pas të pothuajse gjithë familjeve të këtij fisi, të madh – duke i syrgjënosur ata nëpër kampet e interrnimit, prej Bënçës së Tepelenës, Porto Palermos, Berat – Uznovës, Sevasterit, Maliqit dhe Fabrikës së Tullave dhe deri në Savër, Gradishtë, Grabian, Gjazë, Libofshë, Shtyllas, Xhuherinë dhe Lubonjë.
Dhe, megjithse, për afro gjysmë shekulli – regjimi komunist dhe sllavo komunist për dekada të tëra me diktaturë u perpoq t’a denigrojë figurën e tyre, t’a “fëshijë’ nga historia jonë kombëtare, kurrësesi nuk mundi t’i largojë ata nga mendja, zemëra dhe kujtesa, e bashkëluftëtarëve të ndershëm e patriotë, popullit, shqipëtarë, të cilët në këto vite të lirisë dhe demokracisë, jo vetëm që i kënduan me krenari atyre, por duke rivleresuar kontributet e shquara të tyre në 100 Vjetorin e pavarësisë së Shqipërisë – Kuvendi i Shqipërisë ish Kryeparlamentaria Jozefina Topalli – krahas figurave të tjera, kombëtare të cilat luftuan për liri dhe pavarësinë e Shqipërisë, i bëri dhe një vlerësim zyrtar edhe figurës së Elez Isufit.
Me motivacionin :” Strateg dhe udhëheqës popullor në luftën për mbrojtjen e pavarësisë kombëtare. Në krye të forcave atdhetare dibrane u ndesh me pushtuesit serbë. Tre herë forcat serbe, ja dogjën kullat e familjes Ndreu. Mbështeti qeverinë kombëtare të Vlorës dhe udhëhoqi kryengritjen e armatosur në krahinën e Dibrës. Në janar të vitit 1916, Franc Jozefi – perandori i Austro-Hungarisë dekoron Elez Isuf Ndreun me Kryqin e Konturës të Oficerëve të Urdhërit të Franc Jozefit (dekoratë lufte). Ka marrë pjesë në Revolucionin e Qershorit 1924 dhe vdiq në betejën e zhvilluar në Peshkopi kundër forcave të Ahmet Zogut.”
Elez Ndreu – ka lindur në Sllovë më 4 shkurt 1929. Ai ngelet jetim në moshë të re, pasi në nëntorin e vitit 1943, në një rrethim, që i bëjnë gjermanët – shtëpisë së nacionalistit Cen Elezi dhe mbarë familjes Ndreu , në Sllovë, Elezi humb babën e tij, Mersinin, i biri i Elez Isufit
Shkollën fillore dhe atë 8 vjeçare, ai e kryen në Internatin e Kastriotit( Peshkopi) dhe më pas shkon në gjimnazin e Tiranës, ku mbaron studimet. Me ardhjen e komunizmit, Elezi, në moshën 19 vjeçare, së bashku me një grup (ku bënin pjesë Abas Lita, Jakup Lita dhe miqt e familjes Çiniu , Jaho dhe Duro Çiniu po ashtu dhe Qemal Haliti nga Kalaja e Dodës, Ismail Skutera ) arratiset, duke dalë fillimisht në Ish Jugosllavi, në nëntor të vitit 1946.
Një këtë arratisje, ata u ndihmuan nga pozicioni i përshtashëm i fshatit të Lita-ve me kufirin, nga shtëpia e dajave të tij -( ngaqë ishte nipi i Osman Litës) Litet e Kalas Dodës, një fshat kufitar i njohur si kundërshtar i regjimit të Enver Hoxhës.
Mbasi arratisen në “Jugosllavi”, si shumë ish nacionalist, u lidhën në anën tjetër të kufirit shqiptaro – shqiptarë, me familjet patriote e atdhetare në Kosovë. Kështu – teksa qëndron në Prizren dhe më pas shkon në Mitrovic , fillon punë si mësues i gjuhës shqipe në një shkollë shqiptare, të Mitrovicës, duke ndjek edhe studimet njëhereshit edhe për Albanaogji dhe gjuhët sllave, në universitet.
Pas prishjes së ish Jugosllavisë së Titos me Rusinë dhe afrimin e tyre me Amerikanët, largohet nga “Jugosllavia”, duke dalë në Itali, aty ku ishte qendra e nacionalizmit shqiptar në mërgim, duke rënë në kontakt me figura të shquara të kombit, si Isa Ndreun, Ernest Koliqin, Nexhat Peshkëpin, dhe emigracionin politik, mbarëkombëtarë.
Në Itali veprimtaria e tij – nisi me botimet në revistën Shejzat dhe Koha e Jonë, si dhe shtypin shqiptarë në mërgim me pseudonimin “Omar Mali”, për të “mbrojtur” vëllezërit, e tij që kishte lënë në Shqipëri.
Në vitin 1959 niset për në kryeqendrën e të arratisurve shqiptarë – duke emigruar në Shtetet e Bashkuara. Me të ardhur këtu i futet studimeve teksa regjistrohet në universitetin ” Indiana Universety” nga dhe ku mbaron studimet dhe diplomohet në vitin 1967. Më pas fillon punë si pedagogë në kolegjin, ku përgaditeshin ushtarakët amerikan dhe agjentët, shkollën për mësimin e gjuhëve të huaja – në Monterey Bay California – “Defense Language Institute Foreign Language School and Presidio of Monterey, California”, deri ditën sa del edhe në pension.
Në atë Institut, thuhet se ishin dhe miqt e tij, të përhershëm si: zoti Zef Nekaj nga Mirdita dhe zoti Zef Logareci nga Shkodra. Në Amerikë, Elezi, ka qenë shumë i lidhur dhe ka pasur kontakte të rregullta me mikun e vjetër të familjes së Cen Elezit,Harry J Fulz, dhe më pasë bijat e Fulzit, disa ish diplomat, dhe ish ushtarakë të tjerë amerikan, që gjatë Luftës së Dytë Botërore, operuan në Shqipëri.
Elezi, ka qenë një nga Vatranët më të herëshëm i angazhuar në të gjitha veprimtaritë e Federatës PanShqiptare të Amerikës VATRA, qysh se kur erdhi në Amerikë, së bashku me kushurinjët e tij, Hyqmetin (Australi) dhe Hakiun, dhe një nga veprimtarët më të dalluar të komunitetit, kushuririn e parë të tij, Jonuz Ndreun, një vatran i përkushtuar, ndër vite.
Kronologjia e tij, do të mbetej e pa plotësuar në se nuk do të përmendej edhe fakti se në luftën e Kosovës 1999, ai tregohet mjaft aktiv në përkrahje të Kosovës. Simbas, dokumentave që vajzat e tij ruajn ai lobon me miqt tij ushtarak Amerikan, ku e bija thotë si ai ka komunikuar edhe drjetëpërsëdrejti, gjatë luftës së Kosovës me ish Sekretaren e Shtetit Madelin Olbright.
Ndërsa, nëpëmjet kontakteve të tij personale, ishte i lidhur si para lufte dhe kur ai u bë President i Kosovës, me Rugovën
Elezi, ka pasur në dorëshkrim një libër për historinë e fisit dhe familjes Ndreu dhe Dibrës , libër, ky që pritej të dilte në dritën e botimit, shumë shpejt. Vajza e tij thotë: “Aq merak, e kishte këtë libër, sa edhe dy ditë para se të shtrohej në spital – ku megjithëse, ai ishte duke u kuruar, dhe i sëmurë, punonte pak nga pak, për të edituar dhe redaktuar, dhënë dorën e fundit dorëshkrimit e përfunduar librin, i cili është një libër me dokumenta të mbledhura nëpër arshivat e Washingtonit dhe disa kryeqendra në Europë, për çështjen shqiptare dhe veprimtarin e kontributin e shqiptarëve të Amerikës”. Bijat e tij, kan premtuar se mbas vdekjes, do ta nxjerrin së shpejti librin në dritën e botimit.
Ai u martua me një amerikane – zonjën Iren Sider më 1964 me të cilën kishte dy fëmijë – dy vajza
Me vdekjen e tij ka lënë pas vetes, dy vëllezër Skënderin ( në Vlorë) dhe Hetemin ( në Tiranë), dy vajzat Naimen dhe Dijen, dhe dy mbesa Dëshira dhe Liriana, vajzat e Dijes, e cila, është prokurore shtetit në një gjykat federale, ne Kaliforni .
Varrimi i tij u bë në varrezat “El Carmelo Cementerey” në qytetin Pacific Grove, Monterey Bay – California më 10 mars 2015 – Në varrimin e tij përveç dy vajzave ishin edhe nipat, e tij, Mersini, Ritvani, Viktori dhe Cezari( Photo credit Cezar Ndreu).