Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

ME 11 Janar perkujtohet Abaz Kupi ne New York

by

LAJMERIM/

Partija “Levizja e Legalitetit”- Dega e SHBA-se ne bashkepunim me familjen Kupi ka nderin te njoftoje komunitetin shqiptar, entet fetare dhe politike, mbreteroret shqiptare, anetaret e partise “Levizja e Legalitetit”, miqte dhe dashamiret e familjes Kupi se edhe sivjet, si cdo vjet, diten e Shtune me date 11 Janar 2014, ne oren 12:30pm pasdite do te mblidhemi tek varri i Gjeneral Abaz Kupit, ne varrezat Maple Grove Cemetery, ne Kew Gardens per te perkujtuar 38 vjetorin e vdekjes se udheheqesit te nacionalizmit shqiptar, burrit qe, ne krye te trupave te Mbretit Zog, I zbardhi faqen Shqiperise me 7 Prillin e 1939-es, dhe themeluesit te Organizates Kombetare te Levizjes se Legalitetit.

Te gjithe shqiptaret jane te mirepritur.

Salla ku do te mbahet perkujtimorja ndodhet :

Directions

127-15 Kew Gardens Road, Kew Gardens, New York 11415

Telephone: 718-544-3600, Fax: 718-544-2227

Kryesia e Partise Levizja e Legalitetit per SHBA.

Hakik Mena

Hiqet Statuja e Stalinit nga qyteti Telavi i Gjeorgjisë

by

Një monument 3 metra i diktatorit sovjetik, Josef  Visarionovic Stalin, është larguar nga qyteti i Gjeorgjisë, Telavi/

Nga BEQIR SINA, New York/

GEORGIA : Një statujë e diktatorit sovjetik Stalinit që i përket epokës së sundimit komunist është larguar duke e hedhur poshtë nga një shesh në qytetin Telavi, qyteti kryesor i provincës lindore të Kakhetit të Gjeorgjisë, shkruan Washington Post. Një autovinç i kohës së ish Bashkimit Sovjetik, dhe një prift me dy policë civilë, përfshirë edhe disa punonjës të komunës mbasi ia hoqën vidat, e thyen me matravid dhe e ngarkuan në një kamion aty afër statujën 3 metra të lart ngjyrë kafe punuar me gurë mermeri. Monumenti 3 metra i Stalinit, që kishte mbetur si relike e një kujtim i Luftës së Dytë Botërore,  ishte vendosur në këtë vend – mbasi statuja ishte dëmtuar disa herë nga demokratët, por që ishte rivendosur kur në fuqi erdhën forcat e majta në pushtet nga grupi i nostaligjikëve i ashtuquajtur Stalinistët dhe grupi i Komunistëve  Bashkimi i Veteranëve në qytetin e Telavi – Gjeorgji.

Statuja që një her vendoset dhe një her hiqet në këtë qytet këto dekadat e fundit – kësaj rradhe qe vendosur në shtator pranë një monumenti kushtuar ushtarëve që vdiqën gjatë Luftës së Dytë Botërore . Statuja e Stalinit, është vandalizuar disa herë dhe riparuar disa herë.Persona të paidentifikuar brenda natës, një natë para heqjes nga ku ishte vendosur kishin derdhur mbi trupin e Stalinit bojë portokalli.

Policia, megjithëse, ka qenë prezente gjatë heqjes së tij- nuk pati probleme për ndonj?7 ndërhyrje, sepse si thonë axhensitë e lajmeve nuk pati asnjë far incidenti. Megjithëse, autoritetet e qytetit të Telavit, thanë se monumenti ishte vendosur pranë Memorialit të Veteranëve të Luftës së Dytë Botërore, pa leje zyrtare.

Monumenti, thanë axhensitë e lajmeve është bërë me paratë e mbledhura nga organizata joqeveritare Stalinist dhe Grupi i Komunistëve Bashkimi i Veteranëve të Gjeorgjisë. Udhëheqësi i organizatës Stalinistit, Shota Lazariashvili, ka thënë se vendimi i autoriteteve, për të hequr monumentin është një “turp” sipas tij.

Qeveria gjeorgjiane ka bllokuar muajin shtator 2013, një nismë nga e qytetit të Gorit për të ri-ngritur një statujë tëdiktatorit sovjetik Joseph Stalin, e cila është hedhur poshtë tre vjet më parë ka deklaruar Ministria e Brendshmegjeorgjiane në një njoftim në lidhje me këtë statujë në faqen e saj zyrtare të premten.

Stalini lindi në Gori më 21 dhjetor 1879. Statuja e tij e famshme thonë se është duke u ruajtur në ambjentet e Muzeut të Stalinit, në vend se të ekspozohej në sheshin qendror të qytetit, ku ishte para vitit 2010.   Lajmet njga Gjeorgjia thonë se komunistët që janë shumicë në Gjeorgji vazhdojnë të çmojnë kujtimin e Josif Stalinit. Trekomuna, nga më të mëdhat në vend duke përfshirë edhe qytetin e Telavi, që e hoqi dje e kishin ri-ngritur statujën e epokës sovjetike të tij.

Telavi, ndodhet rreth 110 kilometra larg vendlindjes së Stalinit, Gori, në qendër të Gjeorgjisë.

 

NDËRROI JETË NË NEW YORK ATUSH DANI

by

Njoftojmë komunitetin shqiptar në Amerikë dhe në vendlindje se ka ndërruar jetë në New York Atush Dani, bashkëshortja e të ndjerit Ramiz Dani. 

   Familja njofton komunitetin shqiptar se shërbimet funerale do të kryhen të Premten me 3 Janar nga ora 2 pm deri 9 pm në Shtëpinë Mortore  “Schwartz Brothers Funeral Home” në Queens- New York.

Varrimi i së ndjerës do të kryhet të Shtunën me datë 4 Janar 2014 në Maple Grove Cemetery, që ndodhet në adresën:

127-15 Kew Gardens Rd, Kew Gardens, NY 11415
Tel: (718) 544-3600

RUGOVASIT, KOKTEJL PER FESTA

by

*Me urimet e përbashkëta të të gjithë pjesëmarrësve për një vit të ri me shumë suksese, me gëzime, lumturi e gjithë të mirat Gezuar Viti i Ri 2014 – u mbyll ky koktel i Shoqatës Rugova në Bronx New York/

* Shoqata Rugova në Nju Jork, mbajti koktel me rastin e festave të fundvitit/

Nga BEQIR SINA, New York/

ARTHUR AVENUE – BRONX (NY) :  Dy ditë para vitit të ri rugovasit u takuan në lokalin e shoqatës ”Rugova” në Arthur Avenue në Bronx për të mabjtur një koktejl për anëtarët e shoqatës, rugovasit në zonën e Tri-Shtetshit dhe të ftuar nga komuniteti me rastin e mbylljes së këtij viti dhe ardhjes së Vitit të Ri 2014.  Kokteli i shtruar me rastin e krmetimit të festave të fundvitit, ishte një koktel i pasur, e i pregatitur mirë nga anëtarët e kryesisë së Shoqatës Rugova, me pije dhe specialitetet e ushqmit të njohur tradicional të kësaj krahine, si dhe me një preformancë të bukur të instrumentistëve popullor të Ansamblit Rugova me këngë krakteristike të kësaj krahine.

Me këtë rast kreu i i kësaj shoqate në New York, zoti Adem Muriqi shprehu mirenjohje për rugovasit dhe urojë Vitin e Ri. Ai veçoi me këtë rast disa nga ngjarjet më të rëndësishme të Shoqatës Rugova në këndvështrimin e kreut të kësaj shoqate.

Kështuqë, Muriqi duke e vlerësuar kontributin e tyre të suksesshëm, dhe mjaft të gjerë, gjatë vitit që lamë mbas, me një numër të madh aktivitetesh – arriti  të veçoi, festimin e Pavaërësisë së Kosovës, Piknikun Rugovas me rastin e 2 Korrikut, dhe festimin e krijimit të Shoqatës Rugova, si dhe mbajtjen e zgjedhjeve të reja në shoqatë.

“Shfrytëzojë, rastin, që në emër të Shoqatës Rugova, tha kryetari i kësaj shoqate, zoti Adem Muriqi , kryesisë së saj dhe antëarsisë së gjërë, që ky vitë të jetë edhe më i suksesësshëm se viti që lam pas. Me më shumë begati dhe lumturi në familjet tona dhe të një afrimimi edhe më të tutjeshëm të shoqatës Rugova me shpresë, që ky vitë të jetë edhe më i begatë, për Rugovasit, se viti që po lëmë pas. Gjithashtu, përfitojë nga ky koktel – t’ju urojë bashkëkombasve tanë dhe të gjithë shqiptarëve kudo që janë Gëzuar Vitin e Ri 2014!” tha ai

Ndërkohë, shtoi ai se kartolina e Shoqatës Rugova për vitin 2014-të, është shpresa jonë e madhe se këtë vit ne rugovasit do t’i realizojmë disa nga planet tona që kemi marrë – sidomos, atë për ndërtimin e një qendre kulturore për të gjithë shqiptarët në qytetin e Bronxit, pavarësisht se nga janë.

Kurse, Valon Nikqi anëtar i kryesisë së kësaj shoqate me këtë rast shpalli të hapur regjistrimin e rugovasve në Amerikë. Ai bëri thirrje që rugovasit në Amerikë të regjistrohen duke mbushur një formuluar që kjo shoqatë ka përgatitur për regjitrimin e kësaj popullate në SHBA.

“Qëllimi kryeaorë i këtij regjistrimi tha zoti Nikqi, është të regjistrohen të gjithë njerëzit nga krahina e Rugovës të cilët jetojnë aktualisht në SHBA, si ata të lindur në Kosovë dhe ata të lindur këtu në SHBA, por që janë natyrisht me prejardhje nga Rugova. Regjistrimi, sipas tij përpos shumë qëllimeve tjera, ndihmon edhe në mbajtjen e komunitetit tonë, sidomos në kontakt me rrjedhshmërinë në vendlindje tonë dhe na ndihmon që të përmbushim misionin tonë, tha Nikqi, duke shtuar se “misoni ynë është t’a ruajmë kulturën, traditën, dhe kultivimin e indetitetit kombëtar, ndër gjeneratat që kan lindur në Shtetet e Bashkuara të Amerikës, dhe gjeneratat e ardhëshme”.

Ai duke shpërndar formularët sqaroi më tej se ky regjistrim – nuk është formular anëtarësimi, dhe nuk kërkon pagesë , pra është vetëm një obligim moral i yni si Rugovas në Amerikë. Gjithashtu, për më shumë informacion nënvizoi Nikqi, ju mund të drejtoheni edhe në e-mail adresën e shoqatës  : info@shoqatarugova.com ose në kutin postare 2322 Arthur Ave. Suite 202 – Bronx , NY 10458

Me urimet e përbashkëta të të gjithë pjesëmarrësve për një vit të ri me shumë suksese, me gëzime, lumturi e gjithë të mirat Gezuar Viti i Ri 2014 – u mbyll ky koktel i Shoqatës Rugova në Bronx New York, qe u ndoq nga gazetaret beqir Sina, Dalip Greca, Halil Mulaj.

 

BUKURIA E PËRBASHKIMIT TË SHQIPTARËVE TË AMERIKËS FRYMËZON QËNDRIMIN KOMBËTAR TË SHTETEVE SHQIPTARE

by

SHKRUAN: ARTUR VREKAJ/

Shqiptarët e Ballkanit edhe pse me dy shtete Shqiptare, me prani të OKB, EULEX, NATO në Kosovë dhe një monitorim Amerikano-Europian në Shqipëri nuk kanë arritur të marrin akoma mbështetjen e plotë të të gjithë Diasporës së Bashkuar me mundësitë që me të vërtetë mund të japin Shqiptarët e Amerikës të gjithë së bashku me biznesmenë, shoqata atdhetare e organizatat fetare.

Pse? Sepse nuk kemi një ende një bashkëkuvendim për një platformë kombëtare të përbashkët të të gjithë faktorëve të Mërgatës në Amerikë. Edhe sepse Shqipëria e ka harruar fare këto 23 vjet demokraci sikundër e luftoi dhe e përndoqi për 46 vjet me Hoxhën.

Kosova ka një qasje më të mirë me Draft-Strategji për Mërgatën dhe një program në vazhdimësi për të forcuar lidhjet Vëndlindje-Mërgatë jo vetëm në Europë por edhe duke e parë Mërgatën Shqiptare një e të pandarë me Shqiptarët e trojeve Shqiptare.

Rasti më i fundit këtë Dhjetor 2013 është projekti që u bashkëkuvendua nga Ministria e Diasporës së Kosovës për rrjetëzimin e bizneseve me pronësi të origjinës Shqiptare në Europë dhe Amerikë. Janë shembuj realë dhe frymëzues. Që Mërgata Shqiptare të investojë më mirë në çdo qytet Shqiptar të Shqipërisë Natyrale.

Ne në Amerikë rrojmë me orën e Shqipërisë Natyrale! Na vjen shumë keq për çka ndodh keq me Shqiptarët edhe kur fajin më shumë e kanë shtetarët Shqiptarë edhe kur e kanë fqinjët apo edhe faktori ndërkombëtar. Sepse edhe diplomacia Europiane nuk është e kulluar, apo edhe sepse ne Shqiptarët e sotëm nuk dimë të bëjmë diplomaci për Shqipëri e komb, sepse sillemi si provincialë si në Bruksel dhe New York apo Uashington ku përcaktohen fate të Shqiptarëve të Ballkanit.

Ndërkohë, në New York shoqatat e Dibrës më 20 Dhjetor 2013 i ftuan dhe bashkuan në protestë para Kombeve të Bashkuara drejtues dhe Shqiptarë veprimtarë të shoqatave më në zë të Shqiptarëve të Amerikës si të Dibrës, VATRA, AACL, Albanian Roots, Ana e Malit, Forumi për Demokraci etj, për ti bërë të qartë opinionit ndërkombëtar se po shkelen Konventa Ndërkombëtare për devijimin e rrjedhës së lumit Radika nga derdhja në Adriatik.

Fill pas kësaj në Shqipëri më datën 26 dhe 27 Dhjetor 2013 sipas të përditshmeve Panorama, Dita dhe Tema deputeti Bogdani nxori një material sekret nga mbledhja e komisionit të Jashtëm të Kuvendit të Shqipërisë lidhur me kërkesën e Maqedonisë dhe Greqisë e devijimit të lumenjve Radikë dhe Vjosë nga shtetet fqinje?! Duke mos cekur rëndësinë e sekretit, u pa se sekreti kishte dalë për këtë projekt anti-Shqiptar që disa javë më parë, sepse në rrjetet sociale Shqiptarët e Amerikës ndjeheshin të shqetësuar për fatin e vëndlindjes së tyre, (Dibrës).

Protesta e Mërgatës në New York për këtë qëllim e dha efektin e saj edhe si një thirrje për qeveritë Shqiptare apo Shqiptarët shtetformues në Maqedoni që të mos lëshojnë pe në dëm të interesave kombëtare.

Por, nga ana tjetër është edhe mbështetje e pastër për shtetarët Shqiptarët lokalë apo qëndrorë të Shkupit dhe Dibrës.

Si ka mundësi që media Shqiptare në Tiranë nuk e vë në dijeni publikun Shqiptar për çdo të mirë që manifeston apo prosteston Mërgata Shqiptaro-Amerikane? Ku është misioni kombëtar i medies?

Apo ju duken pak TV-ve apo gazetave të financuara nga pushteti i Tiranës veprimtaritë përfaqësuese të Mërgatës në Amerikë? Pra, çalon dhe shumë bile promovimi i Mërgatës. Herë-herë biem në siklet se më shumë vlerësohet nga klasa politike e Tiranës klientela e biznesit në Amerikë se sa ndonjë shoqatë atdhetare që nuk ta mbush shumë synë se nuk ka emër në Shqipëri. Sepse mirëorganizimi dhe përbashkimi me bashkëkuvendim apo veprimtari të përbashkëta të Mërgatës e rrit frymëzimin për një qëndrim të pastër kombëtar të shteteve Shqiptare.

Ne e shohim mbështetjen me media dhe njëherësh vetëveprimin si një lloj fryti të bashkëkuvendimit të përditshëm, të hapur e të lirë midis Mërgatës së Amerikës dhe Shqiptarëve kudo.

Disa syresh mund të thonë që Shqiptarët e Ballkanit kanë dy shtete tani e më ndryshe duket sensibilizimi për bashkëpunim. Unë prapë them se nuk  e ka në axhendë Shqipëria Mërgatën e Shqiptarëve të Amerikës. Herë-herë zë vënd folklorizmi dhe ahengu në Amerikë ku janë të pranishëm dhe shtetarët Shqiptarë si mundësi promovimi e përfitimi personal të tyre. Por, po u ftoh kombëtarizmi Shqiptar në Amerikë prej asimilimit e keqdrejtimit a mosprogramimit të një platforme programore të përbashkët edhe ndihma morale dhe diplomatike e Mërgatës Shqiptare për vëndlindjen do të jetë e pakët dhe e vakët.

Historikisht Mërgata ka bërë më shumë për Shqipërinë edhe ka patur hallet e saj bashkuese e ndarëse, që kur hyri Zogu e Hoxha në pushtet.

Por nuk duhet të harrojmë se Amerika e merr në konsideratë mendimin dhe vetëveprimin e Shqiptarëve të Amerikës për fatet e kombit Shqiptar. Dhe kjo nuk do fakte. Por ajo që shohim në realitet se çfarë ndodh me Mërgatën dhe me vëndlindjen duken gati-gati po njëlloj.

Ka më shumë vendnumëro dhe përgjumje kur bie fjala për të rizgjuar fuqinë e përbashkimit të Mërgatës në Amerikë. Kjo do të ndodhë kur vetë Mërgata e Amerikës të ulet këmbëkryq me të gjithë faktorët e saj aktivë, individë apo organizata kombëtarë dhe fetare e të sjellë në skenën e së ardhmes Kuvendin e parë të Shqiptarëve të Amerikës për të përcaktuar qartë prioritetet e këtij shekulli për fuqizimin e saj dhe të Identitetit Kombëtar.

Sepse do të frymëzojmë më shumë një ardhmëri më të kthjellët për fatin e përbashkuar të kombit Shqiptar që i kërcënohen me ligj e presion policor simbolet në Maqedoni, Mal të Zi dhe Serbi.

Nëse duam që me të vërtetë të jemi në krah të Shqiptarëve të Ballkanit me aksion të plotë kombëtar, bashkëkuvendues e bashkëveprues duhet të reflektojmë të gjithë njeherësh në New York, Tiranë, Prishtinë dhe Shkup.