Komunitet – Page 92 – Dielli

Shqip nëpër Gjithë Nju Jorkun dhe në online nga Alba Life, Ambasador i Kombit

October 9, 2022 by s p

Nga Keze Kozeta Zylo/

“Viktimat e Gjuhës janë më të shumta se ato të shpatës”. Sami Frashëri

Nxënësit e Shkollave Shqipe “Alba Life” Ambasador i Kombit filluan mbarë vitin mësimor akademik 2022-2023, nëpër gjithë Nju Jorkun, si në Staten Island, Brooklyn, Queens, Bronx, Online…

Në te gjitha shkollat shqipe Alba Life nëpër New York dhe në Online nxënësit u ulën në bangat e tyre për të mësuar GJUHËN SHQIPE. Vitin e ri akademik e filluam me Bronxin para katër javësh, në Qendrën “Illyria” siguruar nga z. Mark Gjonaj “Nderi i Kombit. Duke parë se numri i shkollave është rritur vepruam me shumë kujdes dhe durim derisa morëm lejet nga Bordi i Edukimit për të mësuar Shqip në shkollat publike amerikane.

Disa nxënës që kanë vite që e vazhdojnë shkollën takoheshin me një mall të papërshkruar me njeri tjetrin, ata tregonin me dashuri dhe plot gëzim se ku i kishin kaluar pushimet verore. Disa krenoheshin me Tiranën, Ulqinin, Kosovën, Dibrën, Shkodrën, Sarandën, ndërsa disa të tjerë me vende pushuese rreth Amerikës.

Ajo që më bënte më shumë përshtypje në bisedat e tyre ishte gëzimi që u ndrinte në sytë e tyre për t’u takuar me shokët më të vjetër dhe për t’u prezantuar me të rinjtë.

Prindërit e rinj ishin shumë të interesuar që fëmijët e tyre të mësonin sa më shumë Gjuhën Shqipe. Më vjen keq tha një gjyshe që nuk e kam ditur më parë, kam humbur gati dy vjet kohë, ndërkohë mbesa e saj ishte 6 vjeçe. Mamaja e saj dukej që ishte shumë e etur për të mësuar shqip. E kam tmerr vazhdoi ajo, kur vajza ime nuk më flet me prindërit e mi në skype në shqip, ngase ata nuk kuptojnë qoftë dhe një fjalë anglisht. E vendosa së bashku me burrin që do ta çonim në shkollë shqipe për këtë vit mësimor dhe pasi përfundoi filloi një ngashërim me lot… U ndjeva shumë keq, e di mire se çdo të thotë largësia dhe moskomunikimi me gjyshërit nuk e kam për herë të parë që shoh ngashërime të tilla…

Të gjitha mësueset e perkushtuara i mblodhen si zogjtë plot cicërima pranë vatrës së Shkollës Shqipe.

Nuk ka më kënaqësi kur fëmijët shqiptarë mblidhen së bashku dhe kanë dëshirën e madhe për të mësuar shqip. Prindërit që i kanë sjellë dhe po i sjellin e dinë mirë se ata i dorëzojnë në duar mësuesesh plot përvojë dhe të zonjat në profesion. Shkolla Shqipe “Alba Life” është një shkollë serioze, me autoritet që jo vetëm ju mëson nxënësve Gjuhën Shqipe, por dhe i përfshin në mjaft aktivitete kulturore dhe artistike. Ne kryejmë pesë aktivitetet të shoqeruara me koncerte në skenë si për festën e Flamurit, të fundvitit, Pavaresine e Kosoves, 7 Marsit dhe të perfundimit të shkollës me Festival te shkollave Shqipe “Alba Life, të cilat janë nga më mbresëlënëset dhe më kuptimplotet pasi nxënësit njihen më shumë me historinë e Kombit dhe ndihen më pranë vendit të të parëve të tyre. Ja, që sot Bronxi filloi provat për Festën e Flamurit duke kënduar Himnin Kombëtar si: Rreth flamurit të përbashkuar/ Me një dëshir` e një qëllim/ Të gjith` atij duk` ju betuar/ Të lidhim besën për shpëtim/ Prej lufte veç ai largohet/ Që është lindur tradhëtor/ Kush është burrë nuk friksohet/ Po vdes, po vdes si një dëshmor!

I degjoja me shumë vëmendje dhe kënaqësi pasi të pakten këto mësuese të apasionuara arrijnë të ulin numrin e asimilimit të Gjuhës Shqipe në Diasporë sepse sic thotë Rilindasi I shquar Sami Frashëri: “Viktimat e Gjuhës janë më të shumta se ato të shpatës”.

Fillimi i vitit akademik 2022-2023 është një sukses për Shkollat Shqipe çka të kujton thënien e popullit se fillimi i mbarë është gjysma e punës.

Dyertë e shkollës Shqipe “Alba Life” janë të hapura dhe ne i mirëpresim cilindo që dëshiron të gjej kohë dhe të mësojë SHQIP!

8 Tetor, 2022

New York

Metropolitan Ilia of Philomelion passed away at 85

October 8, 2022 by s p

Rafaela Prifti/

Metropolitan Ilia (Katre) of Philomelion of the Albanian Orthodox Diocese of America passed away at the age of 85. The announcement was posted today by the Orthodox Observer News. “It is with deep sorrow and every hope in the Lord’s resurrection that His Eminence Archbishop Elpidophoros of America announces the sudden passing of Metropolitan Ilia (Katre) of Philomelion of the Albanian Orthodox Diocese of America,” the notification read. The Archbishop called his passing “a significant loss for Orthodoxy in America.”

Although he was advanced in years, the remarkable bishop was highly involved and actively engaged with the Church. The sudden departure of Metropolitan Ilia comes at a critical time for the Albanian Orthodox Diocese of America. He was ordained to the Holy Priesthood by Bishop Mark in Holy Trinity Church, South Boston and assigned to be pastor of that parish in 1962. Forty years later, Ecumenical Patriarch Bartholomew proposed that a widowed Father Ilia be ordained bishop for the Albanian Orthodox Diocese of America of the Ecumenical Patriarchate.

In 2014, on the second anniversary of consecration of the Resurrection of Christ Cathedral, a Divine Liturgy in Tirana was celebrated by Archbishop Anastasios and other members of the Holy Synod of the Autocephalous Orthodox Church of Albania, among whom was His Grace Ilia.

In a November 2016 video, Bishop Katre and Father Emmanuel Lemelson performed the blessing of a property where a family chapel was being built in Vermont, dedicated to St. Catherine of Alexandria. It is a ceremony rooted in the tradition of the Orthodox faith.

Bishop Ilia, who has ministered in the Church of Albania, was elevated to the rank of archbishop and granted the title of Metropolitan in 2019.

This is a developing story. More updates will follow.

VEPRIMTARI E BUKUR FESTIVE NË QYTETIN QUINCY AFËR BOSTONIT

October 4, 2022 by s p

Nga Fuat Memelli

Organizohet festival i parë ku mernin pjesë disa qindra shqiptarë si dhe miq të tyre.

Pas dy vite e ca mbyllje për arsye të kovidit, kjo ngjarje ishte shumë e mirëpritur nga shqiptarët. Ata prisnin si të thuash një “sinjal” për të dalë nga kjo qetësi, për t’u mbledhur e festuar së bashku. Dhe ja, “sinjalin” e dhanë organizatorët e kësaj veprimtarie të bukur që ishin Katedralja e Shën Gjergjit në Boston, “Alba restorant” me pronar Leonard Keka si dhe Shoqata “Mass. Besa”. Ishte një program miks ku kishte ushqime të përgatitura nga restorant “Alba”, muzikë, valle, këngë, fotografi nga mjeshtri i kësaj fushe, Bujar Veseli, lodra zbavitëse për fëmijë, etj. Flamujt e simbolet e tjera shqiptare, e zbukuronin këtë festë. Në podiumin e ngritur me këtë rast, dy violinistet shqiptare Rina Sojli dhe Rozita Fishta, performuan me mjeshtëri duke u ”shpërblyer” me duartrokitjet e të pranishmëve. Nga qyteti i Usterit kishte ardhur grupi i fëmijëve “ Vallet tona” i krijuar para 16 vjetësh, që drejtohet nga koreografi i pasionuar, Dhimitraq Demiri. Vallet e bukura të fëmijëve tërhoqën vëmendjen e pjesëmarrësve, të cilët disa herë iu bashkuan grupit të tyre. Nxënësit e Shkollës Shqipe në Boston emocionuan të pranishmit me poezinë e bukur të Fan Nolit “Jepni për nënën”. Pas çdo strofe që recitonte drejtuesi i grupit, Robert Ngjele, fëmijët vazhdonin në kor:” Mbaju nëno mos ki frikë/ se ke djemtë në Amerikë”. Kjo poezi është shkruar nga Noli në vitin 1917 për t’i dhënë kurajo Shqipërisë dhe popullit shqiptar në ato ditë të vështira kur rezikohej ekzistenca e tyre. Poezia mbetet aktuale, pasi është si një apel edhe për emigrantët e sotëm për të ndihmuar Shqipërinë dhe popullin shqiptar, pasi kanë nevojë edhe për ndihmën e tyre.

Një moment i veçantë i kësaj veprimtarie ishte vlerësimi për kancelarin e Katedrales së Shën Gjergjit në Boston, At Artur Liolinin. Para disa muajsh ai ka dalë në pension, por gjurmët që ka lënë te kjo kishë ky pasues i Nolit, janë të pashlyera. Si gazetar më ka rënë rasti të ndjek mesha dhe veprimtari të ndryshme të zhvilluara në Katedralen e Shën Gjergjit të drejtuara nga At Arturi, ku kanë marë pjesë shqiptarë të besimeve të ndryshme fetare si dhe nga qytete të ndryshëm të Amerikës. Për to mund të shkruash gjatë, por le tja lemë fjalën atyre që folën në këtë veprimtari. Për kontributin e tij foli në fillim Gazmend Aga, imam i xhamisë në Waterbury, shprehje kjo jo vetëm e miqësisë së tyre, por edhe e harmonisë fetare. “At Artur Liolini është bërë model frymëzimi edhe për ne klerikët e tjerë” theksoi folësi ndër të tjera. Në emër të Katedrales së Shën Gjergjit, përshëndeti At Jani Trebicka. Ai theksoi se “puna e palodhur e At Artur Liolinit në shërbim të perëndisë, është një shëmbull jo vetëm për ne klerikët por edhe për komunitetin shqiptar. Në gjithë veprimtarinë e tij ka spikatur dashuria e respekti për njerëzit e të gjitha besimeve. Dyert e kësaj kishe kanë qënë të hapura për gjithë shqiptarët. Në fillimet e demokracisë, në vitin 1991, ai ishte ndër të parët që shkoi në Shqipëri dhe bëri disa mesha e pagëzime. Përkushtimi i tij për kishën dhe besimtarët shqiptarë të Bostonit për një periudhë 50 vjeçare, do të kujtohet gjithmonë”. Një përmbledhje të jetës dhe kontributit 50 vjeçar të At Artur Liolinit, bëri edhe e reja, Polikseni Manxhari. Për kontributin e tij të shquar, At Arturi u nderua me çmimin “Fan Noli” nga Kisha Orthodokse Shqiptare e Amerikës. Shumë pjesëmarrës e uruan At Arturin pas mbarimit të ceremonisë dhe bënë fotografi me të.

Atmosferën festive e “ndezi” pastaj këngëtarja e njohur kosovare, Arbërije Hadërgjonaj, duke kënduar jo vetëm këngë kosovare, por edhe të krahinave të tjera të Shqipërisë. Një paradë e vogël e një grupi fëmijësh me veshje tradicionale, ishte pjesë e kësaj veprimtarije festive, ose “festivali” siç quhet nga amerikanët, por që ky term po përdoret edhe nga shqiptarët.(Zakonisht në gjuhën shqipe “festival” quhet një program (konkurim) me këngë. Për dy fëmijët që u vlerësuan për kostumin më të bukur shqiptar, pronari i restorant “Alba” Leonard Keka, dha nga 250 dollarë .

Kështu u mbyll kjo veprimtari e bukur e zhvilluar për herë të parë në zonën e Bostonit. (Theksoj se veprimtari të tilla në shtetin e Massachuttses janë organizuar nga shqiptarët në qytetin Worcester.) E ftohta dhe era, nuk i pengoi shqiptarët për të marë pjesë, megjithatë ata sugjeruan që veprimtari si kjo që zhvillohen jashtë, të organizohen në një muaj tjetër, jo në tetor kur nis e ftohta. Shkrimtari Sami Milloshi duke parë shqiptarët e shumtë që kishin ardhur në këtë veprimtari, theksoi se për të mbajtur gjallë frymën e shqiptarizmit, në Boston dhe qytetet e tjerë të shtetit të Massachuttses, ka mundësi të organizohen më shumë veprimtari me karakter artistik e kulturor.

Kryeministri i Malit Të Zi, Dr. Dritan Abazovic u takua me Diasporën Shqiptare Amerikane në Staten Island, NY

September 27, 2022 by s p

Nga Keze Kozeta Zylo/

Në Li Greci’s Staaten Restaurant, Kryeministri i Malit të Zi, Dr. Dritan Abazovic u takua me Diasporën Shqiptare Amerikane në Staten Island, NY. Kryeministri i Malit të Zi, Dr. Dritan Abazovic është shqiptari i parë që arriti ne këtë detyre të lartë shtetërore.

Kryeministri shoqërohej nga z. Fatmir Gjeka, Ministër i të Drejtave të Minoriteteve në Mal të Zi, z. Ilir Harasani Sekretar i Përgjithshëm i Malit të Zi, z. Djordje Radulovic, Këshilltar i Kryeministrit për Marrëdhëniet me Jashtë dhe ish Ministër i Punëve të Jashtme, z. Ivo Soc këshilltar ligjor dhe znj. Ana Rasoviq, shefe e kabinetit.

Në presidium ishin dhe Dr. Bari Ceka i cili u mirëprit disa herë me duartrokitje për shërbimet mjekësore që iu ka dhënë familjeve shqiptare në Diasorë dhe Mëmëdhe si dhe gazetari dhe analisti i njohur nga Tirana z. Mentor Nazarko.

Ky takim u organizua nga Shoqata “Ulqini” me kryetar z.Xhemo Lanica. Z. Lanica i uroi mirëseardhjen Kryeministrit të Malit të Zi z.Dritan Abazovic dhe shprehu krenarinë që këtë takim e organizonte Shoqata “Ulqini” në bashkëpunim me shoqatat e tjera.

Salla ishte mbushur plot e përplot me pjesëmarrës nga Diaspora Shqiptaro Amerikane nga Mali i Zi, kryetar të shoqatave, aktivistë nga Ana e Malit. , Plava – Guci, Ulqini, Kraja etj. Ardhja e Kryeministrit të Malit të Zi shqiptarit Dritan Abazovic u mirëprit me duartrokitje të pandërprera, cka tregonte për krenarinë që ndjejnë shqiptarët për kryeministrin më të ri në Ballkan. Të pranishëm ne kete aktivitet ishin kongresmenja znj. Nicole Malliotakis, këshilltari i Bashkisë së Nju Jorkut z. David Carr, kandidati për Senat z. Joseph Tirone, kandidati për në Asamblenë ne shtetin e Nju Jorkut z. Sam Pirozzolo.

Aktiviteti u moderua nga zonjusha Arta Qyqalla.

Kryeministri foli për punët e mëdha që e presin përpara, vizionin që ka për të ardhmen e Malit të Zi dhe njëkohësisht suksesin që ka për luftën kundër korrupsionit që ka kapluar këtë shtet.

Kryeministri Abazovic vlerësoi lart rolin e Diasporës Shqiptaro Amerikane dhe tha se ajo ka pasur një rol kyc në proceset e zhvillimit të Kombit tonë. Ai premtoi se do të luftojë për ta integruar Malin e Zi në Bashkimin Europian si dhe do të bëjë përpjekje për t’u siguruar popullit një të ardhme më të mirë se në të kaluarën.

Këshilltari i Bashkise se Nju Jorkut z. David Carr vlerësoi me çertificatë mirënjohjeje Kryeministrin Abazovic. Me çertificatë mirënjohje u vlerësua dhe nga kongresmenja znj. Nicole Malliotakis dhe nga z.Xhemo Lanica në emër të shoqatës “Ulqini”.

Në këtë takim përshëndetën Imami i Xhamise në Staten Island z. Tahir Kuka fjalimi i të cilit ishte plot mesazhe bashkimi dhe të një oratori të shkëlqyer. Imami shqiptar nga Kosova është i zgjedhur si përfaqësuesi kryesor në policinë e Nju Jorkut, i detyrave islame ose siç njihet ndryshe NYPD Muslim Chaplin.

Nga salla u drejtuan shumë pyetje për Kryeministrin, meraku i të cilëve ishte lulëzimi i Atdheut të tyre dhe ndryshimet që duhet të sjellë z. Abazovic.

Në fund pjesëmarrësit bënë fotografi me kryeministrin dhe i uruan atij punë të mbarë në të mire të Kombit shqitpar.

Aktiviteti u filmua nga TV “Alba Life” me themelues dhe producent z.Qemal Zylo dhe kameraman Enes Basha. Së shpejti do të transmetohet në kanalet televizive.

26 Shtator, 2022

Staten Island, New York

Shpalosja e vlerave kombëtare në “Javën kulturore Shqiptare” në Staten Island

September 24, 2022 by s p

New York, Shtator 2022

Nga Merlin Tushe

Prof. Dr. Skënder Asani është gjithashtu autor i librit “Rrugëtimi”, ku flitet për shpëtimin e qindra hebrejve nga nipi i Heroit tonë kombëtar Isa Boletini, ish Prefekt i Elbasanit Tafil Boletini në vitin 1943.

Nën drejtimin e Imam Prof. Dr. Tahir Kukaj, në Qendrën Kulturore Islamike Shqiptare në Staten Island, New York, u organizua një veprimtari kulturore me përfaqësuesit e Institutit të Trashëgimisë Shpirtërore e Kulturore të Shqiptarëve në Shkup dhe komunitetin shqiptar në Staten Island.

Delegacioni i ITSHKSH që udhëheq “Javën Kulturore Shqiptare” në SHBA, përfaqësohej nga Drejtori i këtij Institucioni Prof. Dr. Skënder Asani, Kryetar i Këshillit Sevdail Demiri, Sefer Tahiri – Sekretar shkencor dhe Dr. Zeqirja Ibrahimi – bashkëpunëtor shkencor, të cilët nëpërmjet hulumtimeve të tyre shkencore po shpalosin për disa ditë në SHBA botimet e tyre më të fundit, dedikuar letërsisë, fesë, holokaustit e historisë shqipe në tërësi, titulluar: “Shkupi, vetë historia e Kosovës”, “Adresat e reja të një kujtese”, “Xhamitë dhe Teqetë në Shkup” me autor Skënder Asanin dhe Nora Maliqi Zylaj, “Ditët e Alfabetit – II”, etj.

Prof. Dr. Skënder Asani si historian e hulumtues në shumë aspekte të jetës patriotike, shkencore, fetare e humanitare të shqiptarëve, theksoi rolin e Institutit që ai drejton së bashku me kolegët e tij, si dhe misionin e veçantë që ky Institucion mbart në evidentimin e vlerave e virtyteve të larta të trashëgimisë shpirtërore e kulturore të shqiptarëve kudo ndodhen.

Prof. Dr. Skënder Asani është gjithashtu autor i librit “Rrugëtimi” ku flitet për shpëtimin e qindra hebrenjve nga nipi i Heroit tonë kombëtar Isa Boletini, ish Prefekt i Elbasanit Tafil Boletini në vitin 1943. Në këtë tubim të rëndësishëm diskutuan drejtuesit e ITSHKSH, Imam Tahir Kukaj, veprimtarë të Qendrës Kulturore Islamike Shqiptare në Staten Island dhe përfaqësueset e Organizatës së Gruas “Shpresë & Paqe” në SHBA, vëmendja e të cilave u përqëndrua kryesisht tek figura e Nënë Terezës – Anjezë Gonxhe Bojaxhi, fituese e Çmimit “Nobel për Paqen”, në lidhje me “Shtëpinë Memorial” ose Muzeun e ngritur në qendër të Shkupit, për nder të saj nga qeveria maqedonase, por që sot drejtohet nga një shqiptar.

Ruajtja e gjuhës, fesë, kulturës e traditave shqiptare ishin në qendër të kumtesave së bashkëfolësve nga Instituti i Trashëgimisë Shpirtërore e Kulturore në Shkup, të cilët folën edhe për përpjekjet e shqiptarëve të Maqedonisë së Veriut për mos asimilimin e shpërnguljen nga tokat e tyre nga ana e propagandës serbo-maqedonase.

Z. Asani i bëri një pasqyrim të gjerë organizimit të edicionit të katërt të “Javës Kulturore” në SHBA, si dhe theksoi se: “Instituti ITSHKSH si një qendër e respektuar albanologjike, ka si objektiv kryesor ngritjen e Departamentit të Mërgatës Shqiptare dhe qendrave rajonale të trashëgimisë që do të themelohen së shpejti”.

Takimi, i cili u moderua nga Z. Sefer Tahiri, kaloi i ngrohtë, miqësor e i hapur për bashkëpunime të reja, duke shënuar kështu një urë lidhëse mes shqiptarëve në mbarë botën. Pas pyetjeve e përgjigjeve në sallë, për të pranishmit u shtrua edhe një kokteil.