Kronike – Page 196 – Dielli

Kosova, perspektivë të qartë e të hapur evropiane

November 17, 2017 by dgreca

1 Haradinaj-Mogherini-17 11 2017

-Kryeministri i Kosovës Haradinaj u takua sot në Bruksel me Përfaqësuesen e BE-së, Mogherinin/

1 Haradina diaspora -Takim edhe me bashkatdhetarë: Diaspora në Belgjikë është lidhja e Kosovës me Evropën/

1 ok Diaspora Harad

BRUKSEL, 17 Nëntor 2017-Gazeta DIELLI/Kryeministri i Republikës së Kosovës, Ramush Haradinaj, u takua sot në Bruksel me Përfaqësuesen e Lartë të BE-së për Politikë të Jashtme dhe Siguri, Federica Mogherini, me të cilën bisedoi për perspektivën dhe rrugën evropiane të Kosovës. Kryeministri Haradinaj theksoi se me dinamikën e përcaktuar me qeverisjen e re është përshpejtuar edhe procesi i përmbushjes së Axhendës së Reformave Evropiane dhe kriteret e përcaktuara me Marrëveshjen e Stabilizim Asociimit.Kryeministri Haradinaj tha se Kosova është e përkushtuar dhe po punon në reformat në fushën e sundimit të ligjit, në zhvillimin ekonomik, në arsim e shëndetësi dhe synon që të arrijë deri në fund të vitit 2018 statusin e vendit kandidat për anëtarësim në BE. Ai tha se perspektiva evropiane e Kosovës duhet të jetë e qartë dhe e hapur dhe nënvizoi rëndësinë e përmbylljes së procesit të liberalizimit të vizave me BE-në. Ai tha se Kosova ka mbetur vendi i fundit dhe i vetmi në Evropë pa lirinë e lëvizjes dhe përshpejtimi i këtij procesi do të ndihmonte qytetarët dhe vendin.

Kryeministri Haradinaj theksoi se Kosova ka përmbushur obligimet e saj në këtë proces dhe tha se kriteri i mbetur i marrëveshjes së demarkacionit me Malin e Zi ka nis të adresohet me fillimin e punës së Komisionit të ri shtetëror.Ai tha se gjetjet e komisionit në raportin përfundimtar do të analizohen dhe pas kësaj do të procedohet më tutje.Kryeministri Haradinaj tha se anëtarësimi i Kosovës në të gjitha organizatat ndërkombëtare duhet të bëhet pa pengesa.Ai theksoi se Kosova është faktor stabiliteti dhe po dëshmon përkushtim në ndërtimin e marrëdhënieve të mira me fqinjët përfshirë edhe Serbinë, me të cilën po zhvillon dialog për normalizim marrëdhëniesh.Kryeministri Haradinaj theksoi se dialogu duhet të riformatohet të afatizohet dhe të përfundojë me një rezultat konkret, të njohjes reciproke ndërmjet dy shteteve.Në takim me Përfaqësuesen e Lartë të BE-së, Federica Mogherini, morën pjesë edhe zëvendëskryeministri dhe ministër i Jashtëm, Behgjet Pacolli, dhe ministrja e Integrimeve Evropiane, Dhurata Hoxha.

DIASPORA, EDHE ZHVILLIM PËR KOSOVËN

Kryeministri i Republikës së Kosovës, Ramush Haradinaj, mbrëmë në ambientet e Ambasadës së Republikës së Kosovës në Bruksel, ka takuar bashkatdhetarët që jetojnë në Belgjikë.
Diaspora kosovare në Belgjikë është lidhja e Kosovës me Evropën dhe puna e tyre për vendlindjen është e madhe dhe e pakursyer.
Kryeministri Haradinaj ka thënë se mbështetja për diasporën do ta ndihmojë zhvillimin e vendit dhe do ta forcojë rrugën e Kosovës drejt integrimeve.
“Në përgatitje për takimin e Këshillit të Stabilizim Asociimit këtu në Bruksel, është e pashmangshme të mos takojë edhe njerëzit tanë që e duan dhe jetojnë me atdheun e tyre”, ka thënë kryeministri Haradinaj./b.j/

Dezertojnë katër ushtarë të Forcave Komando

November 17, 2017 by dgreca

Zyra e shtypit në Ministrinë e Mbrojtjes bën me dije se: Katër ushtarë të Forcave Komando, që kishin shkuar për një trajnim në Britaninë e Madhe, kanë qëndruar në Londër, duke mos u kthyer në Shqipëri me pjesën tjetër të grupit. Ushtarakët duhet të ktheheshin nga misioni në fund tetorit, por kjo gjë nuk ka ndodhur. Në momentin kur është konstatuar se ushtarakët nuk janë kthyer, janë njoftuar autoritetet britanike. Eshtë bërë shpallja në kërkim e 4 komandove, Ylber Tokrri, Aleksander Shkulaku, Klevis Lamkaj dhe Reni Ajazi. Më tej është bërë kallëzimi në prokurori. Prej disa javësh, mbeshtetur ne “Kodin Penal Ushtarak”, ndaj 4 efektivëve është depozituar kallëzim penal “Për dezertim”, pranë Prokurorisë së Rrethit Tiranë. Katër komandot shqiptarë që dezertuan duke mos u kthyer nga trajnimi në Londër, rrezikojnë deri në 5 vite burg, bazuar tek Kodi Penal Ushtarak. Në nenin 33 të Kodit, theksohet se shmangia nga shërbimi ushtarak ose dezertimi dënohet me 5 vite burg.

foto ilustruese

Shprehimisht:

Kodi Penal Ushtarak

SHMANGIA NGA SHERBIMI USHTARAK
Neni 33
Dezertimi Largimi nga reparti ose vendi i shërbimit, i ushtarëve dhe nënoficerëve, me qëllim shmangie përgjithmonë nga shërbimi ushtarak, si dhe mosparaqitja e tyre me të njëjtin qëllim në repartin ose vendin e shërbimit me rastin e emërimit, transferimit, kthimit nga misioni, nga spitali ose nga leja, dënohet me burgim deri në pesë vjet.

Po kjo vepër e kryer në kohë lufte ose në gjendje të jashtëzakonshme, dënohet me burgim nga pesë deri në pesëmbëdhjetë vjet dhe, kur ka sjellë pasoja të rënda, me burgim jo më pak se dhjetë vjet. {Sh.K}.

Kosovë-Thaçi në Kanada, Haradinaj në Bruksel

November 16, 2017 by dgreca

-Presidenti Thaçi ka udhëtuar në Kanada, pjesëmarrës në Forumin Ndërkombëtar të Sigurisë në Halifax. Kryeministri Haradinaj në Bruksel në takimin e dytë të Këshillit për Stabilizim Asociim Kosovë-BE. Presidenti e kryeministri takim në Aeroportin e Prishtinës/

1 Haradinaj-Thaci

PRISHTINË, 16 Nëntor-Gazeta DIELLI-Behlul Jashari/ Presidenti i Republikës së Kosovës, Hashim Thaçi, ka udhëtuar sot në Kanada, ku do të jetë pjesëmarrës në Forumin Ndërkombëtar të Sigurisë, që do të mbahet në Halifax.Krahas homologëve dhe përfaqësuesve të lartë, presidenti Thaçi do të jetë njëri ndër folësit kryesor në këtë Forum, i cili mbledh më shumë se 300 përfaqësues të 70 shteteve të ndryshime të botës.Presidenti Thaçi, para shumë përfaqësuesve të shteteve, instituteve prestigjioze dhe kompanive të sigurisë, do të paraqesë të arriturat e Kosovës, si një faktor i paqes në Ballkan dhe Evropë.Në kuadër të forumit, presidenti Thaçi do të zhvillojë takime të ndryshme me përfaqësues të Kanadasë, të NATO-s dhe shteteve pjesëmarrëse në këtë forum.Gjatë këtyre takimeve, presidenti do të kërkojë vazhdimin e mbështetjes së këtyre shteteve në forcimin e subjektivitetit ndërkombëtar të Kosovës.

Forumi Ndërkombëtarë për Siguri në Halifax është i njohur si një ngjarje vjetore, e cila krijon hapësirë për vendimmarrësit që të gjejnë bashkërisht zgjidhje për çështje të vështira, sidomos ato që kanë të bëjnë me sigurinë globale. Ndërsa, kryeministri Ramush Haradinaj, sot në mëngjes, ka bërë të ditur se para nisjes drejt Brukselit për takimin e rradhës të Këshillit të Stabilizim Asociimit Kosovë-BE ka zhvilluar edhe një bashkëbisedim me Presidentin e vendit Hashim Thaçi në Aeroportin e Prishtinës për rrugën evropiane të Kosovës.Në Bruksel nesër do mbahet takimi i dytë i Këshillit për Stabilizim-Asociim dhe me këtë rast për Kosovën do të shikojë progresin e arritur gjatë këtij viti dhe do të vendosen prioritetet kyçe për vitin 2018, sipas paralajmërimeve në Prishtinë.Qeveria e Kosovës në mbledhjen e pasditës së djeshme miratoi dokumentin për qëndrimin shtetëror në takimin e dytë në Bruksel për zbatimin e Marrëveshjes së Stabilizim Asocimit.

Në mbledhjen e qeverisë u theksua se, dokumenti shpreh qëndrimin për shqyrtimin e progresit të Kosovës në rrugën e saj drejt Evropës, si dhe përkushtimin për zbatimin e plotë të Marrëveshjes së Stabilizim Asocimit të vitit 2016, si thelb i marrëdhënieve ndërmjet Kosovës dhe Bashkimit Evropian.Fokusi në zbatim është edhe udhërrëfyes i Kosovës drejt arritjes së statusit të vendit kandidat për anëtarësim në Bashkimin Evropian, i cili mbetet prioritet kryesor.Në mbledhjen e 10 nëntorit, qeveria e Kosovës ka miratuar dokumentin “Prioritetet kyçe të Axhendës Evropiane për vitin 2018”, ndërsa ka paralajmëruar fillimin e procesit të diskutimit të tyre me institucionet e BE-së dhe shoqërinë civile. “Angazhimi dhe puna e mirë e qeverisë në përmbushjen e Axhendës Evropiane do të krijojë një momentum të ri për Kosovën që të aplikojë për statusin e vendit kandidat për anëtarësim në Bashkimin Evropian”, ka theksuar kryeministri Haradinaj.

Zëdhënësi i qeverisë së Kosovës, Arbër Vllahiu, ka deklaruar për median se në takimet e kryeministrit Haradinajt në Bruksel do të diskutohet kryesisht për zbatimin e Marrëveshjes së Stabilizim Asocimit dhe se pjesë e axhendës së Këshillit të Stabilizim Asocimit është kryesisht rruga e Kosovës drejt Bashkimit Evropian, posaçërisht reformat në vend dhe prioritetet, nëse janë zbatuar ose jo.Këshilli për Stabilizim Asociim në mes të Bashkimit Evropian dhe Kosovës mbajti takimin e tij të parë më 25 nëntor 2016. “Ky takim inaugurues shënon një fazë të rë të rëndësishme të marrëdhënieve BE-Kosovë”, theksonte komunikata nga Brukseli, dërguar nga Zyra e Bashkimit Evropian në Prishtinë. Bëhej e ditur se, Këshilli për Stabilizim Asociim mirëpriti hyrjen në fuqi të Marrëveshjes për Stabilizim Asociim (MSA) në 1 prill 2016. Bashkimi Evropian bëri me dije se MSA-ja është në thelbin e marrëdhënieve mes BE-së dhe Kosovës. Ajo ofron kornizën kontraktuale në kuadër të së cilës BE-ja dhe Kosova do të intensifikojnë bashkëpunimin dhe do të kontrollojnë zhvillimet e marrëdhënieve të tyre.

Të dyja palët mirëpritën përzemërsisht nënshkrimin e sotëm të marrëveshjes për pjesëmarrjen e Kosovës në programet e Bashkimit, e cila do të ofrojë mundësi të reja për popullsinë e Kosovës, duke filluar nga hulumtimi deri te shkëmbimi i studentëve.Gjatë takimit, pati diskutime mbi zhvillimet e fundit kryesore në lidhje me përmbushjen e kritereve politike, si dhe gjendjen aktuale të kritereve ekonomike, bashkëpunimit financiar dhe zbatimit të Marrëveshjes për Stabilizim Asociim.

Shuhet Sava Kuqeshi,emblema e vuajtjeve dhe persekutimeve

November 11, 2017 by dgreca

Është shuar në moshën 105 vjeçare, Sava Kuqeshi nji nga gratë emblemë të vuajtjeve dhe persekutimeve… Nji përfaqesuese e denjë e gruas shqiptare, e qëndresës së saj dinjitoze në kohra, grua e njëmijë sakrificave, nënë e kultit të ndershmërisë dhe drejtësisë, zonjë sa e hekurt aq edhe e duarve te arta, mëmë e dashurisë pafund për fëmijët, nipat dhe sternipat e shumetë…
Nënë Savën në moshën 47 vjeçare, mbasi ia vrane burri dhe ia sekuestruan pasurine, me 8 fëmijë (i fundit 1 vjeç) e hodhën ne një kamp interrnimi… dhe sot Ajo vdiq po në atë kamp internimi kur e sollën në vitin 1959… për të dëshmuar edhe me vdekjen e saj, se asgjë s’ka ndryshuar; për të dëshmuar se shoqatat e shumta të të përndjekurve politike, vetëm emrin e kanë të tillë sepse asnji vlerë për ta nuk kanë simbolet e qëndresës; për të dëshmuar se në Shqipëri mediat janë po aq qorre sa edhe vuve… për të dëshmuar me keqardhje se ne jemi pjesë e një turpi kolektiv që përditë e më tepër po hahet me bukë…
I lehte të qoftë dheu o grua e rrallë e Leskovikut, o nënë e gjithë atyre që pësuan padrejtësi dhe dhimbje pafund, po që nuk u nënshtruan kurrë prej saj, Ti Nënë Sava mbete etaloni më i përkryer që ndan të Mirën nga e Keqja, të Drejtën nga Padrejtësia, Të Vërtetën nga Mashtrimi, Lirinë nga Dhuna, Diktaturën nga Demokracia…
Nëse të ndëshkoi Diktatura dhe nuk të nderoi “Demokracia” tregon që nuk ka pasur demokraci!!! Nëse të përndjekurit nuk e mbështetën figurën tënde, për figurat e mijra Nënave shqiptare, tregon se nuk ka pasur të përndjekur të vertetë ndër ata që drejtuan… Nëse institucionet heshtën ndaj teje tregon se ata bënë nji lojë te ndyre demagogjike dhe nuk deshën kurrë që shoqëria shqiptare të pajtohej e te paqtohej me veten. Duke mbrojtur krimet, Ata nuk patën kohë të mbrojnë ty dhe Gruan Shqiptare!
Ngushëllimet më të sinqerta 8 fëmijëvë të Nënë Savës, dhjetra nipave mbesave e stërnipave të saj…
Unë do të kujtoj gjithnji ashtu si të kam dashur, si ajo gruaja me të zeza që rriste trëndafilë dhe dinte tua dhuronte trëndafilët atyre që me mirësi e nderonin…
Të përqafoj për të fundmen herë o Nënë Savë e dashur! Për ty kam luftuar në emër të mijra nënave dhe kam bërë për ty më shumë se për Nënën time, sepse ti meritoje shumë… sepse ti do të meritosh gjithnji shumë…
Kortezi: Jozef Radi, 11 nentor 2017

Prishtinë-Unioni i Gazetarëve Shqiptarë ndanë çmime për gazetarinë shqiptare

November 10, 2017 by dgreca

-Çmimi Karriera u dha post mortum për Andrea Stefanin dhe Ramiz Kelmendin/

1 gazet Salle 1 cmimet-gazetari-2 2 Qan a qesh 1 Unioni i gazet

-Janë ndarë çmimet “Vangjush Gambeta” për gazetarinë ekonomike në Shqipëri, Kosovë dhe Maqedoni dhe çmimi “Raportimi më i mirë i vitit”/

-Në Nëntor 2015 fitues i Çmimit Karriera të Unionit të Gazetarëve Shqiptarë ishte korrespondenti në Kosovë i Gazetës DIELLI, për shumë vite në gazetarinë e Kosovës, Shqipërisë e gjithëshqiptare/

1 Cipa Jashari PRISHTINË, 10 Nëntor 2017-Gazeta DIELLI/ Organizuar nga Unioni i Gazetarëve Shqiptarë dhe përkrahur nga Japan Tabaco International (JTI), sot në Prishtinë, janë ndarë çmimet “Vangjush Gambeta” për gazetarinë ekonomike në Shqipëri, Kosovë dhe Maqedoni.

Me këtë rast Unioni i Gazetarëve Shqiptarë ndau edhe dy çmime “Karriera”, një çmim “Raportimi më i mirë i vitit” dhe katër çmime “Vangjush Gambeta”.

Dy çmimet ”Karriera” u dhanë post mortum për Andrea Stefanin dhe Ramiz Kelmendin. Kryeministri i Republikës së Kosovës, Ramush Haradinaj, pjesëmarrës në ceremony, ndau çmimin “Karriera”, në emër të Unionit të Gazetarëve Shqiptarë, për shkrimtarin, publicistin dhe gazetarin tashmë të ndjerë Ramiz Kelmendi, si përfaqësues dhe kontribuues me shumë gjurmë për më tepër se 60 vjet në gazetarinë shqiptare dhe themelues i shkollës së parë të gazetarisë shqiptare në periudhën e pas okupimit në Kosovë.“Ramizin e kam njohur dhe e kam pasur mik, kam kaluar shumë kohë të mirë së bashku, ai ka qenë i ri në shpirt”, tha kryeministri me rastin e ndarjes së këtij çmimi.Po ashtu, në këtë ceremoni kryeministri Haradinaj tha se është një mundësi që t’i bashkohet diskutimit për ekonominë dhe informalitetin, një punë e mirë që e bënë Unioni i Gazetarëve Shqiptarë dhe kryetari Aleksandër Çipa.“Temat që keni nxjerrë janë tema të rëndësishme, dhe besoj shumë që trajtimi i këtyre temave nga ju e ka një domethënie të madhe. Secili nga perspektiva që ka, po ashtu e ka edhe një zgjidhje si të ndryshojë gjendja në informalitet, ose në plot tema tjera të cilat mund të jenë të dobishme kur bashkohen këto perspektiva”, tha kryeministri i Kosovës, Ramush Haradinaj.Në ceremoni ku mori pjesë edhe ambasadori i Shqipërisë në Kosovë, Qemal Minxhozi, çmimi Reporteria e Vitit i është ndarë gazetares Alma Çupi, ndërsa me çmimin “Vangjush Gambeta” janë nderuar Vjollca Kongjoni, Blerinë Hoxha, Enis Veliu dhe Evis Halili Mehmedaliu.Kryetari i Unionit të Gazetarëve Shqiptarë, Aleksandër Çipa duke përshëndetur të pranishmit tha se ky është edicioni i nëntë i ndarjes së çmimeve “Vangjush Gambeta” i cili i kushtohet gazetarit me të cilin lidhen fillet e një gazetarie ambicioze ekonomike dhe i cili për arsye politike internohet nga viti 1974 deri më 1989.Ambasadori Kent Braun, përfaqësues i JTI tha se janë prezentë në këtë ceremoninë sepse ndajnë të njëjtat qëndrime me qeveritë dhe publikun e rajonit për sa i takon nevojës për të luftuar “ekonominë gri” në të gjitha aspektet e saj.“Në mbështetje të sundimit të ligjit, JTI është plotësisht e vendosur të luftojë kundër infomalitetit. Suksesi i Kosovës kërkon kontroll të plotë tregut duke luftuar tregun ilegal të çdo produkti, të cilat nga ana e tyre ushqejnë korrupsionin dhe krimin e organizua”, tha ambasadori Kent.

Ai theksoi se JTI është bërë pjesë të rëndësishme të politikave globale të bashkëpunimit me përfaqësuesit e qeverive dhe me përpjekjen për të shtuar kapacitetet e agjencive të zbatimit të ligjit dhe për të bashkëpunuar me rajonin për të luftuar kriminelët.Duke përkrahur këtë manifestim JTI ka mbështetur dhe inkurajuar mendimin e lirë të gazetarëve, analizat dhe rekomandimet për zhvillimin e ekonomisë me fokus të veçantë luftën kundër korrupsionit, tregtisë ilegale dhe informalitetit.

“Vendet tuaja janë duke u afruar me BE-në hap pas hapi; unë mendoj që gazetarët kanë dhënë mbështetje të madhe për ta bërë këtë udhëtim më të shpejtë. Të gjitha vendet përballen me sfida ne procesin e zhvillimit ekonomik në shkallë të ndryshme, dhe nëse gazetarët mund të ndihmojnë në nisjen e një dialogu në shoqëri, atëherë mund të themi që media e lajmeve është bërë platforma ku idetë më të mira mund të publikohen, dhe do të japin kontributin për të gjetur zgjidhjet më të mira”, tha ambasadori Kent .

NË NËNTOR 2015 UNIONI I GAZETARËVE SHQIPTARË ÇMIMET I NDAU NË PRIZREN

Në 13 Nëntor 2015 Unioni i Gazetarëve Shqiptarë Çmimet i ndau në një veprimtari në qytetin historik të Prizrenit. Me atë rast, fitues i Çmimit Karriera të Unionit të Gazetarëve Shqiptarë ishte korrespondenti në Kosovë aktualisht i Gazetës DIELLI, korrespondent i Agjencisë Shtetërore-zyrtare të lajmeve të Shqipërisë (ATSH) në Kosovë nga 24 maji 1992 e themelues i bashkëpunimeve të para të medias Kosovë-Shqipëri prej mëse çerek shekulli, gazetar shumëvjeçar, kryeredaktor i parë-themelues i gazetës së përditëshme të rezistencës “Bujku” që nisi të dalë në Prishtinë nga 18 janari 1991, pjesë e lëvizjes për liri, pavarësi e demokraci me orientim e përcaktim të fuqishëm properëndimor euroatlantik, kryeredaktor i gazetës tradicionale shqiptare të Kosovës Rilindja nga fillimi i vitit 2002 e deri në numrin e fundit që doli në fund të vitit historik 2008 të shpalljes së Pavarësisë e të njohjeve ndërkombëtare të shtetit të ri të Kosovës.

Kryetari i Unionit, Aleksandër Çipa, duke prezantuar motivacionin për çmimin tha se, “Behlul Jashari është dëshmia e gjallë e qëndresës së gazetarit përballë shtypjes dhe terrorit okupues. Jo vetëm shembull i gazetarit korrekt në një kohë kur sundonte censura e shumëfishtë dhe sidomos ajo shtetërore.
Behlul Jashari është emri i gazetarit jetëgjatë në profesion që përjetoi e përballoi sakrifica të mëdha. Ai si rrallë kush mori në dorë gazetën ‘Bujku” kur pushteti serb mbylli të vetmin titull të përditshëm “Rilindjen”.
Behlul Jashari ishte kryeredaktor i parë-themelues i gazetës së përditshme të rezistencës e pjesë e lëvizjes për liri e pavarësi “Bujku” që nisi të dalë nga 18 janari 1991 dhe si korrespondent i parë nga Kosova i një mediumi të Shqipërisë nga 24 maji 1992.
Raportimet e tij janë pjesë e rëndësishme e historisë së raportimit gazetaresk për krejt hapësirën shqiptare”.
Gazetari Behlul Jashari, duke pranuar çmimin u shpreh se ndihet shumë i nderuar që merr çmimin më të lartë të gazetarisë shqiptare, duke theksuar se para një çerek shekulli nisi raportimet për median në Shqipëri nga Kosova në rrethana të jashtëzakonshme dhe pjesë e atyre raportimeve ishte edhe reportazhi për “kufirin ndërshqiptar si mur, si fundi i botës”.
“‘Udhëtimi për në Prizren’, ishte reportazhi që kam shkruar në fundvitin 1996, në kohën e viteve të rënda të okupimit, kur me shkrimet futuristike e shihja dhe e përshkruaja Kosovën e së ardhmes, të lirë, shtet, të ëndërrave. Personazhi, e nisura nga Arta, jugu i trojeve ku flitet shqip, në kërkimet e saj drejt ‘Mollës së Kuqe’, ku tregohet se dikur ishte kufiri verior, erdhi edhe në Prizren, qytetin e Lidhjes Shqiptare, ku ndodhte diç e ngjashme si sot”, vijoi ai në ceremoninë e ndarjes së çmimeve të gazetarëve nga të gjitha trojet shqiptare.
Ai reportazh është botuar edhe në Kosovë, edhe në Shqipëri, në 31 dhjetor 1996, duke thyer kufirin e hekurt me shkrimet shqip.
“‘Udhëtimi për në Prizren…’ ishte përsëri titulli i shkrimit që bëra për ATSH para takimit të parë historik të qeverive të Shqipërisë e Kosovës mbajtur në 11 janar 2014 pikërisht këtu në Prizren”, vijoi Jashari.
“Edhe sot të gjithë së bashku jemi në udhëtim për në Prizren, dhe do jemi”, theksoi Behlul Jashari dhe duke e përmbyllur fjalën u shpreh: “Ishte një rrugë shumë e gjatë. Edhe shumë e vështirë…”