Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Jahjaga i uroi Krishtlindjet Ortodokse Peshkopit Teodosije

by

-Urimi i Presidentes Jahjaga me rastin e Krishtlindjeve Ortodokse/
-President Jahjaga’s felicitations on the occasion of Orthodox Christmas/
PRISHTINË, 6 Janar 2016/ Presidentja Republikës së Kosovës, Atifete Jahjaga ia uroi Krishtlindjet Ortodokse Peshkopit të Rashkës dhe Prizrenit, Teodosije si dhe të gjithë besimtarëve ortodoksë, të cilët sot e festojnë festën e Krishtlindjeve sipas kalendarit julian.
“I nderuar Peshkop Teodosije,
Me rastin e Krishtlindjeve, festës më solemne të krishterimit, Juve dhe të gjithë besimtarëve të fesë ortodokse në Kosovë ju përcjell urimet më të përzemërta.
Uroj që këtë festë më të gëzuar kristiane, ta festojmë në paqe, shëndet, lumturi dhe respekt të ndërsjellë. Që familjet tona të jenë të bekuara me fëmijë dhe që me shumë dashuri e harmoni ta ndërtojmë Kosovën tonë të përbashkët.
Nata e krishtlindjeve dhe Krishtlindja le të na sjellë ngrohtësinë dhe lumturinë në çdo shtëpi dhe le të na kujtojë lindjen e Jezu Krishtit. Festat e krishtlindjeve e kthejnë ndjenjën e bashkimit dhe faljes dhe na kujtojnë të gjithëve që në vete mbajmë dashuri, lumturi, mirëkuptim dhe tolerancë.
Krishtlindjet si dhe viti i cili është para nesh, le të na sjellin forcë, këmbëngulje dhe vendosmëri deri te përmbushja me sukses e qëllimeve tona të përcaktuara. Që në frymën e respektit dhe të tolerancës së ndërsjellë t’iu ndihmojmë të gjithë atyre të cilëve u nevojitet ndihma. Që së bashku të punojmë për mirëqenien e të gjithë qytetarëve, duke ecur përpara me hapa të përbashkët drejt një Kosove më të mirë dhe proevropiane.
I nderuari Peshkopi Teodosije, Juve dhe të gjithë besimtarëve ortodoksë ju uroj edhe një herë, që këto ditë feste t’i kaloni në paqe, gëzim, mirëqenie shpirtërore dhe lumturi familjare”, shprehet në urim Atifete Jahjaga,
Presidentja e Republikës së Kosovës./b.j/

President Jahjaga’s felicitations on the occasion of Orthodox Christmas/

President of the Republic of Kosovo, conveyed her felicitations to His Grace, the Bishop of Rashka and Prizren, Teodosije, as well as to all the orthodox believers for the Orthodox Christmas, celebrated today in accordance with the Julian calendar.
The felicitatory note states:
Honourable Bishop Teodosije,
On the occasion of Christmas, the most solemn feast of Christendom, to You and all believers of the Orthodox faith, I would like to convey my most cordial felicitations.
I wish that this most cheerful Christian holiday, you celebrate in peace, in good health, in happiness and mutual respect. That our families are blessed with children and that we build our common Kosovo with love and harmony.
Let Christmas Eve and Christmas bring warmth and happiness in every home and let us remind ourselves of the birth of Jesus Christ. Christmas holidays bring back the feeling of togetherness and forgiveness and remind us that within ourselves we carry love, happiness, understanding and tolerance.
Let Christmas, and the year ahead bring us strength, persistence and determination to achieve our predetermined ambitions. Let us in the spirit of respect and mutual tolerance help all those who are in need of help. Let us work together for the wellbeing of all citizens, and let us walk ahead in synchronised steps towards a better and a more pro European Kosovo.
Honourable Bishop Teodosije, to You and all orthodox believers I wish once again that these holidays you celebrate in peace, joy, spiritual wellbeing and happiness within your families.
Atifete Jahjaga
President of the Republic of Kosovo

Austria aplikon për kodin telefonik të Kosovës

by

– Edita Tahiri: Konfirmimin zyrtar për aplikimin e Austrisë për kodin telefonik për Kosovës e kemi marrë nga Bashkimi Evropian dhe nga Ambasada e Austrisë në Kosovë/
-Sipas Planit për zbatim, ITU do t’ia alokoj kodin telefonik Kosovës në pjesën e parë të muajit mars 2016. Kodi i ri unik 383 i Kosovës do të përdoret në tërë territorin e vendit dhe nga të gjithë operatorët e telefonisë mobile dhe fikse/
Prishtinë, 5 janar 2015/ Ministrja kosovare për Dialog, Edita Tahiri, ka deklaruar se Austria ka aplikuar dje pranë ITU për kodin telefonik të Kosovës, në pajtim me marrëveshjen e Brukselit për telekomunikacionin. “Konfirmimin zyrtar për aplikimin e Austrisë për kodin telefonik për Kosovës e kemi marrë nga Bashkimi Evropian dhe nga Ambasada e Austrisë në Kosovë”, tha ministrja duke falënderuar me këtë rast shtetin austriak për angazhimin e saj shumë të rëndësishëm në mënyrë që Kosova ta ketë kodin e saj telefonik ndërkombëtar.
Ministrja Edita Tahiri theksoi se, kodi telefonik i Kosovës do të jetë 383 dhe marrja e kodit ndërkombëtar nga Organizata ndërkombëtare e telekomunikacionit (ITU) i mundëson Kosovës njohje dhe sovranitet ndërkombëtar në fushën e telekomunikacionit, që do të thotë se Kosova konsolidon identitetin e vet shtetëror në fushën e telekomunikimeve.
“Sikurse që dihet, Kosova që nga fundi i luftës më 1999 ka bërë përpjekje të pareshtura që ta ketë kodin e vet telefonik, dhe pas gjashtëmbëdhjetë vitesh më në fund duke iu falënderuar Dialogut të Brukselit, angazhimit të Bashkimit Evropian, SHBA-ve dhe Austrisë, shteti jonë do ta ketë kodin e vet telefonik ndërkombëtar”, tha ajo.
Kodi telefonik ndërkombëtar i Kosovës, vijoi Tahiri, ka rëndësi të shumëfishtë për shtetin tonë si në planin politik, ekonomik dhe të sigurisë si dhe të do mundësojë shërbime më cilësore dhe me kosto më të favorshme për qytetarët.
“Sipas Planit për zbatim, ITU do t’ia alokoj kodin telefonik Kosovës në pjesën e parë të muajit mars 2016. Kodi i ri unik 383 i Kosovës do të përdoret në tërë territorin e vendit dhe nga të gjithë operatorët e telefonisë mobile dhe fikse”, theksoi minsitrja.
Ajo tha se, me zbatimin e kodit të ri unik, do të eliminohen pengesat e krijuara nga mungesa e kodit, respektivisht përdorimi i tri kodeve të ndryshme (aktualisht +377, + 386, dhe +381), të cilat e kanë bërë të pamundshëm implementimin e disa mekanizmave të rëndësishëm për mbrojtjen e konkurrencës, orientimin e trafikut si në shkuarje ashtu edhe në ardhje, si dhe menaxhim më adekuat të resurseve të kufizuara numerike.
“Po ashtu, përfitimet ekonomike janë të mëdha pasi që operatorët në radhë të parë nuk do të jenë të detyruar që të paguajnë kosto të larta financiare, të cilat direkt i atribuohen mungesës së kodit, e që reflektohen edhe në ofrimin e shërbimeve më cilësore dhe më të lira ndaj konsumatorit. Kostot e përgjithshme të shkaktuara deri më tani nga mungesa e kodit telefonik ka arritur shifrën në mbi 200 milionë euro”, përfundoi ministrja Tahiri./b.j/

Kosova nis me prokurimin elektronik

by

-Kryeministri Isa Mustafa, ambasadori i SHBA-ve në Kosovë, Greg Delawie dhe përfaqësuesi i Zyrës së BE-së, Libor Chlad, në inaugurimin e platformës/
PRISHTINË, 5 Janar 2016-B.Jashari/Prokurimi elektronik rrit transparencën dhe minimizon korrupsionin në proceset e prokurimit, tha sot kryeministri i Kosovës, Isa Mustafa. Kreu i qeverisë kosovare, ambasadori i SHBA-ve në Kosovë, Greg Delawie dhe përfaqësuesi i Zyrës së BE-së, Libor Chlad, morën pjesë në inaugurimin e platformës së prokurimit elektronik “Go Alive”, ku u prezantua faza e parë.
Kryeministri Mustafa, e ka quajtur të mbarë vitin 2016, i cili po fillon me aplikimin e prokurimit elektronik në Kosovë dhe që pritet të zgjerohet në të gjitha agjencionet kontraktuese në gjysmën e këtij viti. Ai ka vlerësuar se ky është një proces shumë i rëndësishëm për Kosovën.
Përfaqësuesi nga Zyra e Bashkimit Evropian në Kosovë, Chlad, ka theksuar rëndësinë e prokurimit elektronik në rritjen e transparencës, lehtësimin e procesit dhe në zvogëlimin e të gjitha parregullsive.
Në inaugurimin e platformës, organizuar në Prishtinë nga Komisioni Rregullativ i Prokurimit Publik,u bë prezantimi i arkitekturës dhe funksionimit të sistemit të prokurimit elektronik.

OPERACIONI I RRALLE NE TRU U REALIZUA NE TIRANE

by

“NYT Magazine” reportazh për operacionin e rrallë në tru të kryer në QSUT/
Pas realizimit të një operacioni të rrallë në Tiranë, ku për herë të parë pacienti ishte zgjuar ndërkohë që kryhej ndërhyrja në tru, revista prestigjioze “New York Times Magazine”, në kopertinën e saj ka pasqyruar këtë operacion.
Për herë të parë, në Tiranë në muajin gusht u zhvilluar një lloj kirurgjie e rrallë në tru, teksa pacienti është i zgjuar dhe i vetëdijshëm gjatë të gjithë procedurave, që mjekët ndjekin hap pas hapi.
Karl Ove Knausgaard, shkrimtari i famshëm norvegjez u bë dëshmitar i kësaj kirurgjie, eksperiencë të cilën vendosi ta rrëfejë për lexuesit e prestigjiozes amerikane.
Në rrëfimin e tij, autori të njeh me personazhet që e shoqëruan në rrugëtimin në Shqipëri, duke dhënë njëkohësisht edhe përshtypjen që mori nga vendi ynë.
Në operacionin e doktor Henry Marsh asistuan edhe mjekët shqiptarë, Prof. Dr. Mentor Petrela dhe Dr. Florian Dashi.
Ekipi në Shqipëri ishte përgatitur prej 6 muajsh dhe kishte zgjedhur dy raste, që ishin veçanërisht të përshtatshme për të demonstruar metodën.03brainsurgery-ss-slide-HVXU-superJumbo
Doktor Henry Marsh është një nga boshtet kryesore në rrëfimin e tij, pasi ishte doktori që mori përsipër të kryente për herë të parë në Shqipëri të ashtuquajturën “kirurgji në tru, teksa pacienti do të mbetej i zgjuar”.
Tumore të tilla prekin më shpesh moshat e reja dhe për to, fatkeqësisht nuk ka kurë. Pa kirurgji, 50 për qind e pacientëve vdesin brenda 5 viteve, 80 për qind brenda 10 vitesh, ndërsa një operacion u zgjat jetën atyre nga 10 deri në 20 vite, por ka raste edhe më shumë.
Prof.Dr_.-Mentor-Petrela-Foto-Flor-AbaziSakaq, Dr. Mentor Petrela, shefi i Shërbimit të Neurokirurgjisënë një intervistë dhënë për ATSH-në është shprehur se “pas një operacioni të tillë, i pari i këtij lloji në vendin tonë, neurokirurgjia shqiptare futet në standardet e kohës të qendrave më të mira të neurokirurgjisë europiane, edhe pse jo në të gjitha këto klinika, në Evropë apo SHBA, kryhet ‘operacioni zgjuar’.
(Sipas ATSH-se)

Kosovë-Dimër me dëborë

by

-Javë me reshje, pas dëborës së parë në 2016-tën/
-Trafik në kushte dimri, pa pritje e pa kolona në vendkalimet kufitare Kosovë-Shqipëri/
-Në rrugët e Kosovës, në 24 orët e fundit 109 aksidente/
PRISHTINË, 4 Janar 2016-B.Jashari/* Në Kosovë, këtë javë do të mbajë mot kryesisht i vranët dhe me reshje të kohë pas kohëshme të shiut dhe dëborës.
Sipas Institutit Hidrometeorologjik të Kosovës, gjatë pesë ditëve temperaturat minimale do të lëvizin ndërmjet -3 deri 1 gradë celsius, kurse maksimalet e ditës nga zero ditën e hënë deri 8 gradë celsius të premten. Do të fryjë erë kryesisht nga jugu dhe verilindja me shpejtësi 1-6 metra në sekondë.
Kosova është mbuluar dje bardh nga dëbora e parë e vitit 2016. Reshjet nisën në orët e herëshme para mëngjesit.
Trafiku zhvillohet në kushte dimri. Në vendkalimet kufitare Kosovë-Shqipëri, në Vërmicë-Morinë, ku kalohet nëpër autostradë, dhe në Qafë të Prushit dhe Qafë të Morinës, nuk ka pritje e kolona, kalohet për 1 deri në 5 minuta, sipas njoftimeve në këto momente të Qendrës Kombëtare për Menaxhim Kufitar.
Në Kosovë, në 24 orë kanë ndodhur 109 aksidente në trafikun e zhvilluar në kushte të reshjeve të dëborës dhe si pasojë e pakujdesisë dhe mungesave të pajisjeve dimërore për automjetet.
Në kryeqytet, Prishtinë, në katër raste të aksidenteve zingjirore janë përfshirë 44 autovetura, bën të ditur Policia e Kosovës.
Sipas raportit të 24 orëve të fundit, të dërguar nga Policia, në asnjërin nga 109 aksidentet nuk ka pasur humbje jetësh, ndërsa në 19 kishte të lënduar, e në 90 të tjerat ka vetëm dëme materiale.
Referuar kushteve atmosferike si dhe numrit të lartë të aksidenteve, Policia e Kosovës bën apel tek të gjithë qytetarët dhe pjesëmarrësit në trafik që t’i respektojnë dispozitat ligjore, të iu përmbahen kushteve të rrugës dhe atyre atmosferike, të posedojnë pajisjet dimërore, përfshirë edhe gomat, që të parandalohen aksidentet dhe të ketë një siguri më të madhe në trafik.
Në të kundertën, Policia e Kosovës paralajmëron se do të merr masa ligjore ndaj të gjithë shkelësve të ligjit.
Në mëngjesin e 27 nëntorit 2015, më pak se një muaj para ardhjes së dimrit me kalendar, kryeqyteti Prishtina zbardhi me dëborën e pare të këtij dimri, të reshur edhe në anë tjera të Kosovës.
* Foto Gazeta Dielli – Behlul Jashari: Reshje dëbore në Kosovë, mbrëmja e 3 janarit 2016