Kronike – Page 320 – Dielli

Kosovë, dy deputetë të VV arrestohen

December 8, 2015 by dgreca

-Policia ka arrestuar në ambientet e Kuvendit të Kosovës deputetin Faton Topalli, ndërsa deputeten Albulena Haxhiu teksa po shkonte në një tubim në Gjilan/ PRISHTINË, 8 Dhjetor 2015/ Mbërrin në dy numri i deputetëve të Kuvendit të Kosovës të arrestuar sot, që të dy nga subjekti më i madh opozitar, Lëvizja Vetëvendosje. Sapo njoftohet se, Policia e Kosovës ka arrestuar në ambientet e Kuvendit të Kosovës, deputetin Faton Topalli. Ndërsa, paradite u arrestua deputetja Albulena Haxhiu, teksa po shkonte në një tubim në Gjilan.Dje, deputeti i AAK-së, Pal Lekaj, pas orësh qëndrimi i ftuar në Polici dhe Prokurori, është liruar me procedurë të rregulltë.Në 30 nëntor, arrinte në pesë numri i deputetëve të Kuvendit të Kosovës të arrestuar, pasi policia konfirmonte shoqërimin në stacionin policor të Ismail Kurteshit e Fisnik Ismaili të VV dhe Haxhi Shalës së Nisma-s.Më parë, është arrestuar në selinë e VV-së Albin Kurti, Donika Kada Bujupi e AAK është arrestuar në shtëpinë e saj, ndërsa kërkoheshin dy të tjerë – Albulena Haxhiu e Faton Topalli, të VV. Për këta deputetë kishte fletë arreste pas zhvillimeve në Kuvend me gaz lotsjellës dhe përplasje tjera.Në reagime opozita sot thekson se, “veprimet e deputetëve të opozitës brenda Kuvendit të Republikës së Kosovës janë në funksion të mbrojtjes së sovranitetit të shtetit. Opozita e bashkuar nuk do të ndalet deri në tërheqjen e marrëveshjeve të 25 gushtit me Serbinë dhe për demarkacionin me Malin e Zi”.Sipas opozitës, “Kosova sot është përballë një problemi politik, një krize politike, një krize parlamentare dhe logjika që problemet politike të zgjidhen me mjete policore nuk mund të interepretohet ndyshe përpos si shtypje e lirive politike”.“Arrestimi i deputetëve ka qenë një veprim i nxituar, dhe përgjegjësinë për këtë e mbajnë vetë urdhërdhënesit, të cilët kanë rënë në kurthin që e kanë ngritur vetë. S’ka shtet normal që mban kaq shumë deputet në burg, në të njejtën kohë”, thuhet në reagimet e opozitës./b.j/

Ne foto:Deputeti Faton Topalli, ne mes

Kosova përkrahet nga Banka Evropiane e Investimeve

December 8, 2015 by dgreca

-Kryeministri Mustafa: Reformat e Qeverisë po krijojnë kushte të favorshme për zhvillim ekonomik/Prishtinë, 8 dhjetor 2015/ Kryeministri i Republikës së Kosovës, Isa Mustafa, priti sot në takim zëvendësdrejtorin e përgjithshëm të Bankës Evropiane të Investimeve, Romualdo Massa Bernucci. Gjatë takimit, u bisedua për mbështetjen e Bankës Evropiane të Investimeve në projekte konkrete që lidhen me zhvillimin ekonomik në Kosovë, siç janë projektet në infrastrukturën hekurudhore, në efiqencën e energjisë, mbështetja e ndërmarrjeve të vogla dhe të mesme, si dhe përkrahja e sektorit privat përmes bankave komerciale në Kosovë. Kryeministri Isa Mustafa e njoftoi për progresin në Kosovë dhe për hapat e ndërmarrë nga Qeveria e Kosovës në zhvillimin ekonomik, me theks të posaçëm për reformat fiskale dhe stabilitetin financiar që është arritur.Kryeministri Mustafa, po ashtu, prezantoi orientimet e mëtejshme të Qeverisë dhe mundësitë e zhvillimit në të gjithë sektorët e ekonomisë. “Qeveria e Kosovës, gjatë kësaj periudhe, është përcaktuar që prioritet kryesor t’i jap zhvillimit ekonomik. Kemi bërë reforma të shumta sidomos të fushës fiskale, kemi miratuar në Qeveri Projektligjin për Investime Strategjike, i cili do të mundësojë investime të mëdha në Kosovë, kemi miratuar Ligjin për Garantimin e Kredive dhe një varg hapash të tjerë të cilët do të rezultojnë me krijimin e kushteve të favorshme për zhvillim ekonomik dhe hapje të vendeve të reja të punës”, tha kryeministri Isa Mustafa, duke përmendur edhe rëndësinë e marrëveshjes me FMN-në. Zëvendësdrejtori i Përgjithshëm i Bankës Evropiane të Investimeve, Romualdo Massa Bernucci, vlerësoi të arriturat e deritashme në Kosovë. Bernucci, gjatë takimit, shprehu përkrahjen e mëtutjeshme të Bankës Evropiane të Investimeve për projekte konkrete në Kosovë./b.j/

PROTESTA E PARTISE DEMOKRATIKE NE KRONIKEN E NEWS 24

December 8, 2015 by dgreca

Në 25-vjetorin e rrëzimit të regjimit komunist dhe Lëvizjes Studentore që përmbysi këtë regjim, Partia Demokratike proteston para kryeministrisë. Sapo lideri i PD-së Basha mori fjalën turma u ndez dhe po përplaset fuqishëm me kordonin policor në shkallët e kryeministrisë. Ata po qëllojnë me ç’të munden ndërsa kanë thyer edhe dyert e Kryeministrisë.

Edhe më herët tensioni dhe incidentet kanë shoqëruar fjalimet e deputetëve opozitarë që bënin thirrje për rrëzimin e qeverisë në podiumin e ngritur enkas për protestë. Me të nisur deputetët fjalën, nga turma u lëshuan vezë, shishe, shashka, gurë, tymuese me ngjyrë blu, shkopinj. Kur kishin kaluar vetëm 30 minuta nga nisja e protestës, një qytetar çau kordonin policor duke u ngjitur në Kryeministri. Ndërsa një orë më vonë nuk munguan as përplasjet mes protestuesve e policisë. Policia më tej reagoi duke normalizuar situatën, ndërsa shoqëroi personat që tentuan të thyejnë gardhin policor.

Turma kërkonte largimin e Ramës mes thirrjeve ‘Rama ik” “Rroftë Azem Hajdari”, ndërsa nuk nguruan të djegin edhe një dordolec, i cili kishte foton e kryeministrit.

Në podium, krahas fjalës së Bashës pritet të marrin fjalën mbi 20 persona, zyrtarë të lartë të PD-së, ish-dhjetoristë dhe përfaqësues të kategorive të ndryshme shoqërore. Ashtu si dhe në protestat e shkuara, nuk pritet që ish-kryetari i PD-së, Sali Berisha, të ketë fjalë krahas simbolikës që mbart 8 dhjetori për të.

Burime nga selia blu konfirmuan për “Gazeta Shqiptare” se kryedemokrati Basha nuk do të largohet nga sheshi, por do i shoqërojë qytetarët gjatë gjithë kohës në protestën e tyre, e cila do të zgjasë disa orë. Gjithçka do të vendoset nga qytetarët dhe zemërimi i tyre kundrejt qeverisë. PD gjithashtu ka marrë masa për mbarëvajtjen e protestës, por qytetarët kanë të drejtën e tyre për të protestuar me çdo mënyrë paqësore. Në protestë do jenë të pranishëm edhe ish-të përndjekurit dhe studentët, të cilët kohët e fundit kanë përdorur gjuajtjen me vezë si formë protestë ndaj godinës së qeverisë dhe Kuvendit.

BASHA: TË SHPORRIM QEVERINË FATKEQËSI, ZGJEDHJE TË PARAKOHSHME
Ora 12:57-Kryetari i Partisë Demokratike, Lulzim Basha me tone të ashpra pohoi se nuk ka rrugë të mesme, veç asaj të largimit të Qeverisë Rama-Meta. Nga ana tjetër, kryeopozitari theksoi se zgjidhja është një qeveri teknike, deri në zhvillimin e zgjedhjeve të parakohshme.

“Të dashur qytetarë të Tiranës dhe mbarë Shqipërisë. Zonja e Zotërinj. Sot në ditën tonë më të bekuar, në ditën e lirisë jemi mbledhur në këtë ditë për të kërkuar një zëri si një trup i vetëm për të kërkuar largimin e qeverisë Rama-Meta dhe krijimin e një qeverie teknike që do beje gati zgjedhjet e parakohshme. Rama ik-Meta ik. Par anesh shtrohen sot vetëm dy zgjidhje, lose të largojmë qeveri-fatkeqësinë, ose të bëjmë sehir largimin e popullin. Ose të rrëzojmë Qeveri-Fatkeqësinë, ose do jetë vonë. Rrugë të mesme nuk ka dhe nuk do tu japim më kohë,. Qeverise së Edi Ramës me 40 hajdutë nuk do presim më. Pritja e mbaroj kohën e saj. Propaganda dhe mashtrimet e mbaruan kohën e tyre dhe ngjallin debate.”.
PATOZI: TË RRËZOJMË QEVERINË E KORRUPTUAR
Ora 12:53- Deputeti Astrit Patozi u kërkoi qytetarëve të rrëzojnë shkakun e dëshpërimit dhe humbjes së shpresës në vend, sipas tij qeverinë e korruptuar. “Në këtë marshim gjigand përfaqësojmë Shqipërinë e revoltuar që kërkon zgjidhje. Ne nuk e nderojmë dot aktin e studentëve që më 8 dhjetor ‘90 nisën shembjen e diktaturës. 25 vjet më parë Shqipëria ishte në udhëkryq për shkak të mungesës së lirisë, sot sërish në buzë të greminës. Edi Rama me Ilir Metën nuk na e risjellin dot diktaturën, por korrupsioni aq i rrezikshëm sa komunizmi dikur. Duhet t’ia heqim prenë nga goja kësaj bande mafiozësh. Rama na katandisi brenda një kohe të shkurtër që të mos e ndajmë dot deputetin nga vrasësi. Ne nuk kemi atdhe tjetër as për ta ndërruar, as për ta braktisur. Nuk mund të presim që ky vend të zbrazet nga qytetarët e dëshpëruar. Ne mund të rrëzojmë shkakun e këtij dëshpërimi, qeverinë e korruptuar. Ju ftoj ta marrim vetë fatin tonë në dorë. Të shembim qeverinë”, tha Patozi.

PROTESTUESIT QËLLOJNË ME GURË NË DREJTIM TË KRYEMINISTRISË.
Ora 12:40- Momente tensioni janë regjistruar sot në protestën, pasi ka pasur përplasje mes protestuesve dhe forcave policore. Mësohet se protestuesit kanë qëlluar më gurë në drejtim të Kryeministrisë, duke thyer kështu dhe ndriçuesit e godinës. Sakaq, protestuesit e dhunshëm janë shoqëruar në polici, ndërsa nuk dihet ende numri i saktë i tyre. Momentet e tensionit janë regjistruar në kohën kur në podium fliste deputeti i opozitës Argon Duka. Ndërkaq, përfaqësues të PD-së, persona që merren me sigurinë e protestës kanë ndërhyrë tek Policia për të negociuar për lirimin e protestuesve dhe shmangien e një përshkallëzimi të dhunës. Ka qenë një moment acarimi pranë piramidës. Pak minuta më parë një person u shoqërua në polici, pasi tentoi të hynte në Kryeministri.

MBESA E AT ZEF PËLLUMBIT: KRYEMINISTRI TË TËRHEQË DEKORATAT PËR XHELATËT E KOMUNIZMIT
Ora 12:38- Angjelina Gjeka, mbesa e At Zef Pëllumbit ka kërkuar që kryeministri Rama të tërheqë dekoratat për xhelatët e komunizmit dhe persekutonin e xhaxhait të saj dhe klerikëve të tjerë. “Kam dhënë për vendin tim. Jam bashkuar në këtë protestë dhe ndaj me ju të njëjtat halle. Thikë pas shpine dekorimi i persekutonit të At Zef Pëllumbit dhe shumë klerikëve të tjerë.
Ne nuk e meritojmë këtë sjellje. Kërkojmë që kryeministri të tërheqë dekoratat për xhelatët e komunizmit. Të gjithë këtu nuk harrojmë. Nderi është pasuria e vetme që kemi nga të parët tanë. Ndërsa sot që këtij vendi po i rrëmbehen pasuri e katandi, ne nuk do të lejojmë që edhe nderin të na e shkelin. Kjo situatë e ka një emër, është Edi Rama. Ai duhet të largohet!”, deklaroi ajo.

DUMA: KY ËSHTË FUNDI I KËSAJ QEVERIE
Ora 12:31- Sekretarja për Marrëdhëniet me Publikun në PD, Grida Duma deklaroi para protestuesve se ky nuk është fundi i shqiptarëve por fundi i kësaj qeverie. “Varfëria nuk është blu, nuk është rozë. Varfëria është e zezë dhe e zezë është hija që qëndron mbi shqiptarët. 25 vite më para shqiptarët, studentët ndërruan historinë. Shqiptarët po prekin sot fundin me varfërinë e tyre. Askush nuk fal më prindër që mbetën rrugëve duke kërkuar punë dhe kërkojnë borxh për të kaluar muajin. Askush nuk fal më të vjedhësh tenderë. Askush nuk të fal më të taksosh me miliona dhe nga ana tjetër të jenë të papunët. Si mundesh ti kryeministër të qeverisësh mjerimin e 2 milionëve. Ky nuk është fundi i shqiptarëve, është fundi i kësaj qeverie”, deklaroi Grida Duma.

DASHAMIR SHEHI: QEVERIA KA ARDHUR PËR TË QEVERISË E JO PËR TË SUNDUAR
Ora 12:28- Kreu i LZHK-së, Dashamir Shehi pohoi sot nga Bulevardi “Dëshmorët e Kombit” se Shqipëria është nën dorën e disa sunduesve, ndërsa theksoi se duhet të fillojë një marshim i pandalshëm.

“Kjo qeveri nuk e ka kuptuar se nuk është këtu për të sunduar, por për të na qeverisur. Ne i themi jo dhe nga sot e deri ditën që do mbyllet kjo punë, unë mendoj se duhet të fillojmë një marshim të pandalshëm. Populli demokrat nuk është se nuk i do taksat, por s’duhet të paguajnë vetëm disa. Nuk mund ta sundojnë vetëm disa njerëz Shqipërinë. Ne që jemi këtu, nuk mund të gdhihemi milionerë, por me një qeverisje mund të gdhihemi me punë e ti dalim për zot fëmijëve tanë. Nga kjo turmë nuk ka ardhur kurrë as luksi.”, tha Shehi.

DUKA: KJO QEVERI NUK NJEH GJË TJETËR VEÇ DHUNËS
Ora 12:25- Edhe deputeti i opozitës, Agron Duka bëri thirrje për largimin e qeverisë. “Sot ndeshemi me varfërinë. Qindra shqiptarë i janë drejtuar eksodit. Shqipëria më e varfër se kurrë. Kjo qeveri nuk njeh gjë tjetër veç dhunës. Rama më komunist se ata që njihnin veç ideologjinë e burgosjes”, tha Duka.

BUMÇI: DO VAZHDOJMË PROTESTAT E ZGJEDHJE TË PARAKOHSHME
Ora 12:20- Gjatë fjalës së tij, deputeti i Partisë Demokratike, Aldo Bumçi deklaroi se ka vetëm një rrugë për të zgjidhur të gjitha problemet e shqiptarëve, protesta. “Erdhi dhe rriti energjinë, çmimin e naftës, prishi 9 mijë biznese e ndërtime. Kryeministri që do mbahet mend, që mbylli shkolla e hapi burgje. 38 mijë shqiptarë të arrestuar e ndaluar nga Edi Rama për 1 vit. Në vitin 2015 vet qeveria tha se ka rënën konsumi, pse duhet të presim dhe një vit më shumë? Që të varfërohemi akoma më shumë? Na e tha dhe Rama se këtë vit mos prisni që të rriten rrogat, apo pensionet. Pa vetëm një zgjidhje; protestë, protestë, zgjedhje të parakohshme.”, tha Bumçi.
BOGDANI: KËSAJ QEVERIE I KA ARDHUR FUNDIT

Ora 12:15- Deputeti Gert Bogdani tha se sot qytetarët janë pa shtëpi, pa prona, pa të ardhura në fund të muajit, pa shpresë. “Jemi në shesh për të mbajtur premtimin e të rinjve, studentëve që 25 vite më parë luftuan për liri e demokraci. Jemi këtu për thirrur se shqiptarët nuk e duan burgun, nuk duan të vdesin spitaleve dhe nuk duan të falimentojnë. I themi sot “Jo” reformës në arsim. I themi “Jo” reformës fiskale që dënon çdo biznes të ndershëm. I themi “Jo” gjobave 100 milionëshe. Jemi këtu për t’i thënë “Jo” reformës së pronës. Kësaj qeverie i ka ardhur fundi. I ka ardhur koha të ikë. Po i shtyp shqiptarët ndërkohë që pasuron një grup pushtetarësh. Kësaj qeverie i ka ardhur koha të ikë sepse nuk është më e qytetarëve. Para 2 viteve ky zotëria tha se kemi fituar dhe iu kemi dhënë 1 milionë shuplaka, sot ka ardhur koha të marrë 1 milion shqelma. Shqipëria nuk është e këtij piktori të dështuar, e këtij turisti që bredh nëpër botë me lekët e shqiptarëve. Shqipëria është e shqiptarëve, e të rinjve për një të ardhme më të mirë nesër. Fitore!”, deklaroi Bogdani.

PROTESTUESI THYEN KORDONIN, NGJITET NË KRYEMINISTRI
Ora 12:10- Një nga protestuesit, më një flamur të Partisë Demokratike ka arritur të çajë kordonin e policisë, ndërsa tentoi të futej në sheshin pushues të Kryeministrisë. Por, policia ka mundur ta neutralizojë në kohë të riun, ndërsa e kanë risjellë në turmë sërish.

Imzot Rrok Mirdita kaloi ne amshim!

December 7, 2015 by dgreca

NJOFTIM PËR SHTYP I ARKIDIOQEZËS METROPOLITANE TIRANË – DURRËS/

*Imzot Rrok Mirdita Arqipeshkev Metropolit i Arkidioqezes Tirane – Durres kaloi ne amshim! Pushofsh ne paqe Imzot Rroku!/

Arkidioqeza Metropolitane Tiranë-Durrës me shumë dhimbje njofton se sot me datë 7 dhjetor 2015, rreth orës 14.30, në Qendrën Spitalore “Nënë Tereza”, si pasojë e një hemoragjie cerebrale, ka kaluar në shtëpinë e Atit, Bariu i saj, Shkëlqesia i Tij Imzot Rrok Mirdita, Arqipeshkëv Metropolit i Arkidioqezës Metropolitane Tiranë – Durrës. Qysh me datë 4 dhjetor 2015 Imzot Mirdita ka pësuar një insult cerebral. Menjëherë i është nënshtruar atë ditë një ndërhyrje kirugjikale dhe është ndjekur në repartin e terapisë intensive të Neurokirigjisë ku ka vazhduar në gjëndje kome. Pavarësisht të gjitha përkujdesjeve dhe përpjekjeve nga ana e stafit të Neurokirigjisë, gjëndja e tij ka ardhur duke u përkeqësuar derisa sot ka ndërruar jetë.

Kush ka qenë Imzot Rrok Mirdita?

Mons. Rrok Mirdita ka lindur në Këllezen të Ulqinit (Mal i Zi), më 28 shtator 1939. Shkollën fillore dhe të mesme e ka ndjekur në vendlindje. Ka kryer Liceun Klasik dhe studimet filozofike dhe teologjike në Zagreb, me rezultate të shkëlqyera.
U shugurua meshtar më 4 korrik 1965 nga Arqipeshkvi i Tivarit, Aleksander Tokic. Deri në 1973 ka zhvilluar veprimtarinë e vet baritore ndër famullitë shqiptare të dioqezës së Tivarit (Mal i Zi). Në këtë vit dërgohet nga Arqipeshkvi i Tij Në Neë York për t’u ardhur në ndihmë emigrantëve shqiptarë në nevojat baritore pranë qendrës “Zoja e Këshillit të Mirë” në Bronks (Bronx).
Në përkim me Arqipeshkvin e Tivarit Eminenca e Tij Card. Terence Cook, Arqieshkvi i Neë York,
me një dekret të 19 qershorit 1981 e inkardinon në dioqezën e tij duke e ngarkuar me veprimtarinë baritore pranë qendrës “Zoja e Këshillit të Mirë”.

Në 1985 Eminenca e Tij Kradinal O’Connor Arqipeshkëv i Neë York-ut e emëron administrator të qendrave Katolike Shqiatare “Zoja e Këshillit të Mirë” dhe “Shën Pali”.

Në 28 shtator 1989 emërohet nga i njëjti arqipeshkëv, famullitar i famullisë së re “Zoja e Shkodrës”, e themeluar nga vetë Mons. Rrok Mirdita.

Gjatë viteve në Neë York do të merret me përkushtim të veçantë me çështjen e të larguarve nga Shqipëria, me të cilët bashkëndan dramën e dhimbjes e fatkeqësinë e të afërmve të mbetur në atdhe, të cilët i trajtojnë si tradhëtarë.

Në 1991 viziton Shqipërinë, që e kishte njohur përmes emigranëve shqiptarë të Sh.B.A-së dhe solidarizohet me plagët e këtij vendi të martirizuar.

Në 1992 Papa Gjon Pali i II e emëron Arqipeshkëv i Durrës – Tiranë. Pas këtij emërimi largohet për tu vendosur në Shqipëri duke u përkushtuar për ngritjen shpirtërore dhe promovimin njerëzor të popullit besuar kujdesit të tij baritor.

Më 24 prill 1993shugurohet Ipeshkëv nga Papa Gjon pali i II, gjatë udhëtimit të tij apostolik në Shqipëri , në Katedralen e Shkodrës, së bashku me tre klerikë të tjerë të mbijetuar nga regjimi komunist. Të njëjtën ditë bën hyrjen zyrtare në dioqezë së bashku me Atin e Shenjtë.

Në vitet 1994-2000 është president i Caritasit Shqiptar dhe angazhohet fuqishën në lehtësimin e vuajtjeve të shkatuara nga lufta e Kosovës. Më 29 mars 1999 i bën thirrje institucioneve të ndryshme Katolike të Europës për t’iu ardhur në ndihmë popullsisë në nevojë të skajshme, thirrje së cilës i përgjigjen me efktshmëri shumë prej tyre.

Në vitin 1996 zgjidhet Kryetar i Konferencës Ipeshkvnore të Shqipërisë dhe kryetar i parë i Shoqërisë Biblike Ndërkonfensionale në Shqipëri, shoqëri e sapo themeluar.

Në vitin 2000 Sovrani i Maltës i jep titullin Kapelan i Kryqit të Lartë ad honorem duke e vënë në kategorinë e mësuesit të madh.

Në vitin 2002 përfundon ndërtimin e Kishës Katedrale të Shën Palit Në Tiranë, duke i dhuruar bashkësisë katolike një pikë referimi për rritjen shpirtërore, gjë që do të lejë shenjë në zhvillimin shoqëror e shpirtëror të vendit.

Në janar të vitit 2005 Papa Gjon Pali i II e lartëson në rangun e Arqipeshkvit Metropolit dhe më 29 qershor të të njëjtit vit merr nga Papa Benedikti i XVI në Bazilikatën e Shën Pjetrit Platinium e Metropolit.

Kryetari i Bashkisë së Tiranës i jep titullin Qytetar Ndrei, duke vlerësuar ndihmesën e jashtakonshme të Arqipeshkvit për zhvillimin e harmonisë fetare, rilindjen e besimit në të gjithë vendin dhe maturinë me të cilën ka ndihmuar në kapërcimin e vështirësive politike. Po të njëjtin titull i jep edhe Kryetari i Bashkisë Rrëshen për ndihmesën e shkëlqyer në ndërtimin e strukturave kishtare.
Për më se 13 vite Arqipeshkvi është angazhuar që Kisha Katolike më Shqipëri në këtë dioqezë të rëndësishme, t’i vijë në ndihmë të gjithë kategorive të popullsisë.
Për këtë arsye i ka nxitur misionarët që të angazhohen në fushën e arsimit, atë shëndetësore, në mbrojtjen e fëmijëve, në mbështetjen e familjeve në vështirësi dhe në strehimin e të braktisurve përmes hapjes së shkollave fillore ( fillore, e të mesme), azileve, qendrave sociale, shkollave profesionale, qëndrave shëndetësore, dhe atyre për fëmijët e braktisur, si dhe një qendër për rekuperimin e të rinjve të prekur nga droga, dhe e gjithë kjo pa bërë diskriminime fetare e shoqërore.

Në vitin 2006 Presidenti i Republikës së Shqipërisë Z. Alfred Moisiu i ka akorduar “Urdhërin Nënë Tëreza” me motivacionin: “për kontributin e dhënë në ndërtimin e institucioneve të Kishës Katolike në Shqipëri; për vëmedjen e veçantë të dialogut ndërfetar; për nagazhimin në themelimin einstitucioneve të ndihmës sociale dhe ndihmesës së njerëzve në kushte të pafavorshme”.

Në maj 2006 asambleja e zakonshme e Konferencës Ipeshkvnore të Shqipërisë e zgjedh rishtas Kryetar të saj.

Ne vitin 2010 presidenti i Republikes Z. Bamir Topi i akordon urdherin Gjergj Kastrioti Skenderbeu, me 13 maj 2013 Akademia Ndekombetare Bonifaci 8 i akordon titullin Akademik Nderi.(E percolli: Dom Gjergj Meta)

Jahjaga takon liderët e opozitës, kryeministrin dhe kryeparlamentarin

December 7, 2015 by dgreca

PRISHTINË, 7 Dhjetor 2015/ Presidentja e Republikës së Kosovës,Atifete Jahjaga priti sot në takim kryetarët e subjekteve politike opozitare, Visar Ymeri, kryetar i Lëvizjes Vetëvendosje, Ramush Haradinaj, kryetar i Aleancës për Ardhmërinë e Kosovës dhe Fatmir Limaj, kryetar i NismA për Kosovën, në përpjekje për të tejkaluar situatën e krijuar në vend.Gjatë ditës, Presidentja ka takuar edhe kryeministrin Isa Mustafa dhe kryetarin e Kuvendit, Kadri Veseli, bën të ditur njoftimi dërguar sonte nga Presidenca e Kosovës, pa dhënë hollësi gtë tjera./b.j/

*****

President Jahjaga met with leaders of the oposition parties, Prime Minister Mustafa and Speaker of the Parliament Veseli

President of the Republic of Kosovo, Mrs. Atifete Jahjaga, received today at a meeting Chairmen of the political parties of the opposition, Mr. Visar Ymeri, Chairman of the Vetëvendosje Movement, Mr. Ramush Haradinaj, Chairman of the Alliance for the Future of Kosovo and Mr. Fatmir Limaj, Chairman of NISMA (Initiative) for Kosovo, in an attempt to overcome the situation created in the country.During the day, Madam President also met with the Prime Minister Isa Mustafa and Speaker of the Parliament, Mr. Kadri Veseli.