Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kosovë-Serbi, zgjatet kolona kufitare në Merdare

by

Nga Behlul Jashari/ PRISHTINË, 16 Gusht 2015/ Në kufirin mes Kosovës e Serbisë edhe sot paradite janë krijuar kolona më të gjata pritjesh në dalje të vendkalimeve.
Në Merdare, te Podujeva, në hyrje drejt Kosovës nuk ka pritje, por vetëm kohëzgjatja të procedurave normale, ndërsa më dalje drejt Serbisë kolona është rreth një kilometër dhe pritjet zgjasin 3 deri 4 orë, varësisht prej frekuentimit të automjeteve.
Në vendkalimet Dheu i Bardhë e Muqibabë te Gjilani ka kryesisht vetëm procedura normale dhe pritje deri 20 minuta, ndërsa në Mutivodë drejtimi i fshatit Keçekollë, rajoni i Prishtinës, në hyrje drejt Kosovës nuk ka pritje të gjata, ndërsa në dalje drejt Serbisë pritjet janë deri gjysëm ore.
Nga ana e zyrtarëve të Policisë së Kosovës në pikat kufitare me Serbinë, sipas njoftimit dërguar pak më parë, puna është duke u zhvilluar normalisht me kapacitete dhe intensitet të shtuar, mirëpo kolonat-pritjet janë nga fluksi i madh i automjeteve dhe procedurat që aplikohen gjatë plotësimit të dokumenteve-formularëve për kalim kufitar.
Policia e Kosovës thekson se për të shmangur kolonat mund të shfrytëzohen pikëkalime tjera kufitare, ku nuk ka apo ka më pak pritje.
Në 12 gusht qeveria kosovare njoftonte se nga mesnata kishte hyrë në fuqi zbatimi i Memorandumit të Mirëkuptimit për Njohjen e Reciproke të Sigurimeve të Automjeteve, të nënshkruar në Bruksel në 23 qershor 2015 në prani të kryeministrave të Republikës së Kosovës dhe Serbisë si dhe Përfaqësueses së lartë të BE-së.
“Kjo marrëveshje mundëson lirinë e lëvizjes së qytetarëve të të dyja vendeve me mjetet motorike të regjistruara në njërën nga shtetet, Kosovë ose Serbi, e që posedojnë sigurim valid për territorin e palës tjetër”, theksonte njoftimi.

Kosovo- Albania railway, project of the future

by

PRISHTINA, Aug 16– By Behlul Jashari/ The railway to link Kosovo with Albania is project of the future following the highway which has seen the highest number of travelers on record heading to the Albanian coast.
“The project for railway connection with Albania is to be devised,” the new PM of Kosovo, Isa Mustafa, is quoted as saying during the presentation of his govt. programme in a parliament session in December 2014.
“A very big investment is to be made,” Kosovo PM told a news conference this Thursday adding that Kosovo and Albania in 2016 will inaugurate the energetic highway whereas the railway linking them is described as project of the future.
Minister of Transport and Infrastructure of the Republic of Albania when asked by ATA reporter during his visit to Prishtina on Jan 26, 2015, said: “The railway Albania –Kosovo will be built up to European standards.”
Kosovo Minister of Infrastructure Zharku told the media that for construction of the railway, part of Albania 108 km, and part of Kosovo 17, the relevant authorities will apply for funding in the framework of Investment Framework for the Western Balkans.

Ish-studentët e trajtuar me bursa nga Departamentit Amerikan të Shtetit, mblidhen në Tiranë

by

Transformimi i konflikteve dhe lidershipi transformues me qëllim ndikimin në ndryshimet sociale, si pushteti, konfliktet apo organizimi i komunitetit, janë në fokus të trajnimit me të rinj nga rajoni, ish-studentë të bursave të Departamentit Amerikan të Shtetit. Aktiviteti u përshëndet nga shefi i zyrës së Marrëdhënieve me Publikun, i Ambasadës së Shteteve të Bashkuara në Tiranë, Ryan Robert, i cili vuri në pah rolin e rëndësishëm të programeve të shkëmbimit të mbështetura nga Departamenti Amerikan i Shtetit dhe përkushtimin për t’u dhënë mundësinë të rinjve të marrin pjesë në programe, që shërbejnë si ura bashkëpunimi mes vendeve të ndryshme.
Të rinjtë pjesëmarrës u përshëndetën dhe nga Zv.ministrja e Jashtme, Odeta Barbullushi, e cila shprehu mbështetjen e qeverisë për nisma të tilla dhe vullnetin për të punuar në fushën e bashkëpunimit rinor me vendet e tjera të rajonit, me synim ndërtimin e dialogut, njohjes dhe bashkëpunimit të të rinjve në sektorë prioritarë të ekonomive të vendeve tona.
Sh.K.

‘The Times’: Britani, bllokohen 7 grupe kriminale shqiptare

by

‘The Times’ e Londrës shkruan se nga 19 rrjetet kriminale që merren me trafikimin e qenieve njerëzore dhe që janë shkatërruar nga policia, vetëm në zonën e Calais, në pikën hyrëse mes Francës e Britanisë, 7 prej tyre janë shqiptare. Sipas shtypit britanik, aktiviteti i tyre kriminal ka gjeneruar vetëm brenda një viti një fitim prej 2 milionë eurosh. Kjo shifër konfirmon një rritje të grupeve kriminale që merren me organizimin e udhëtimit të emigrantëve drejt Britanisë në krahasim me vitin 2014, kur në total policia arriti të shkatërronte vetëm 6 rrjete kriminale.
Arrestimet e kësaj jave të njërit prej grupeve kriminale shqiptare ishin pjesë e një hetimi të fshehtë të nisur nga policia kufitare në muajin maj. Nga 1 shkurti deri në 10 gusht të këtij viti, grupimi shqiptar kishte organizuar 44 udhëtime me 250 emigrantë shqiptarë që kërkonin të hynin në Britani. Vetëm në 24 nga këto udhëtime, dërguan në ishull 150 prej tyre.
Këto grupime thuhet se janë të armatosura dhe posedojnë shuma të mëdha parash të thata dhe bashkëpunojnë me shoferët e huaj të mauneve që transportojnë mallra drejt Britanisë së Madhe.
Shumë prej tyre organizojnë udhëtime duke rekrutuar shtetas francezë në gjendje të keqe ekonomike nga periferitë e Parisit, duke u paguar për udhëtimet e duke marrë makina me qira për të shmangur dyshimet e policisë.
Dyndjet e shqiptarëve drejt Britanisë kanë pësuar rritje gjatë vitit të fundit, ku shumica janë të rinj e minorenë që kërkojnë azil për gjakmarrje, prostitucion, orientim seksual apo për t’iu shmangur radikalizimit fetar, ndërkohë që shumica e të rriturve rrinë në të zezë dhe një pjesë angazhohen në aktivitete të tjera kriminale.

Ikja e Profesor Esatit

by

Nga Ramadan Bozhlani/
Dita e 15 gushtit 2015, perëndoj pikëllushëm duke marr me vete një qenie akademike dhe duke e lënë natën që të përballet me dhimbjen shqiptare. Ç’banimi i këtij shpirti njerëzor nga kjo jetë e pushoj nga përkushtimi një mendje të mpreht, një ndërgjegjje të pastërt dhe një zemër fisnike të një profesori të së drejtës të quajtur Esat Stavileci. Përkushtimi i tij i zellshëm ndaj diturisë e ngriti në nivelin më të lartë shkencor, nga cila maje zbriste me modesti nëpër qindra mendje studentore duke ju hapur horizonte diturore përmes të cilave më pas ata kontribuan në jetën shoqërore shqiptare me të njëtën frymë.
Profesori Esat Stavileci shquhej në çdo drejtim për një korrektësi shembullore dhe për ta vën në pah atë më duhet të zbres në vitet studenteske.
Si studenta ishim mësuar me abuzimet e profesorëve që vinin me vonesë ose nuk vinin fare për të ligjëruar dhe pas pritjeve të gjata dëshpërushëm niseshim drejt stacionit për t’u kthyer me autobusët e ngarkuar nëpër qytete dhe fshatra të largëta. Një gjë e tillë asnjëherë nuk ka ndodhur kur kishim ligjirata nga lënda e së drejtës administrative sepse atë e ligjironte profesori Esat Stavileci, i cili na priste para portës së amfiteatrit deri sa u mbushte salla pastaj e mbyllte portën dhe ngjitej në podium me një eleganc mbreslënëse. Orët e ligjiratave i hapte me një dashuri të madhe sa që edhe mendjet e lodhura i tërhiqte me një mjeshtri admiruse për t’u bërë pjesë aktive e atij ambienti të denjët shkencor.
Metoda pedagogjike e tij përfshinte një zbërthim teorik dhe praktik, analizë dhe shqyrtim të lëndës sa që çdo mendje studentore e mveshte mrekullisht me njohuri të thella. Nga njëherë me shembuj joshës nxiste një zbavitje edukative pastaj përsëri na kthente te bërthama e leksioneve. Ai asnjëherë nuk e cenoj shenjtërin e ligjiratave përmes temave politike siç ndodhte jo rrallë me profesorët e tjerë. Orët e ligjiratave i shndërronte në një pasion dhe frymëzim fisnik për të drejtën. Ai me një natyrshmëri e mbjellte diturin tek çdo student dhe e nxiste që ta kultivonte fuqishëm atë. Kur dilnim nga ligjiratat e së drejtës administrative, e ndjenim trurin të stërvitur në nivel të kënaqshëm. Pastaj provimet rezultojshin të sukseshme.
Veprat shkencore, studimet, analizat dhe funksionet e rëndësishme të Esat Stavilecit do të peshojnë në përjetësi si perla rrezatuese tek çdo brez që është nisur të vij si shqipfolës në këtë planet.
Mbas gjithë kësaj përshtypje pozitive, kur e mendojm si të ndjer profesorin
Esat Stavileci përjetojm një tronditje shpirtërore, e cila vazhdon e përfshin çdo qenie shqiptare dhe përfundon tek themelet e shtetit.
Përmasat e jetës së tij të lavdishme natyrshëm do të harmonizohen me vatrën e parajsës!
I leht të qoft dhéu profesor, atje ku do të pushosh ndërgjegjshëm!