Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Taulant Mehmeti, performance në “Blue Note Jazz Club”

by

Taulant Mehmeti, performance në “Blue Note Jazz Club” – Greenwich Village, New York City
Nga Beqir SINA, New York/
Greenwich Village, New York City: Në kuadrin e koncerteve në nderim të legjendës së muzikës xhaz – Jazz, 90 vjetirt të lindjes së tij Roy Haynes ’90’ Birthday Celebration” në klubin e famshëm njujorkez “Blue Note” në Nju Jork, javën e kaluar më 22 Mars, mes të ftuarve të veçantë si Pat Metheny, Christian McBride, Roy Hargrove dhe Savion Glover, ka performuar edhe një muzikan i talentuar shqiptarë, Taulant Mehmeti.
Lajmin për këtë e jep në rrjetin social facebook – nëpërmjet fotografive të postuara prej tij – fotografi Illir Rizaj, i cili shkruan se çfarë, kënaqësie dhe nderi, ka pasur ai për të dëgjuar dhe të fotografuar atë siç e ka quajtur ai ” compadre supremely” i talentuari Taulant Mehmeti”, si mysafir i legjendarit Vic Juris, shkruan Rizaj.
Nëndërsa, në faqen e tij të facebook vetë Taulant Mehmeti, pos një falënderimi drejtuar të gjithëve atyre që e ndoqën koncertin e tij në klubin e famshëm njujorkez Blue Note Jazz Club, NY, ai thotë se” Kurr, nuk kam pasur në përvojën time, një kënaqësi më të mirë muzikore ndonjëherë, se sa duke luajtur me një muzkant të preferuar si kitaristi Vic Juris dhe nën ritëmin e Almog Sharvit dhe Connor Parks!
“Në sajë të fotografive të mahnitshme, të fotografit Ilir Rizaj për këto fotot e bukura !! gjejë rastin të faleminderojë edhe dhe”The New School for Jazz and Contemporary Music” dhe Phil Ballman për të bërë këtë të koncert !!” shkruan në në faqen e tij të facebook Taulant Mehmeti,
Ja vlen të përmendet me këtë rast se “Blue Note Jazz Club” është një klub xhazi dhe restorant i vendosur në (131 West 3 Street) një nga rrugët më të frekuentuara në qytetin e Nju Jorkut në Greenwich Village, New York City. Ky klub u hap më 30 shtator, 1981 nga pronari i saj dhe themeluesi Danny Bensusan me Nat Adderley Quintet ka qenë preferomues i parë në këtë kulb.
Blue Note Jazz Club në në Greenwich Village, New York City është duke u konsideruar edhe në ditët e sotme si një nga objektet më të famshme në botë të xhazit dhe një nga më të njohur dhe më i shtrenjtë në Nju Jork. Klubi aktualisht mban koncerte të muzikës xhaz – Jazz në metropolet e botës, si në Tokio dhe Nagoya, Japoni dhe në Milano, e Romë, Itali, Londër – Angli, Parisë – Francë, Amsterdam – Hollandë, dhe Berlin – Gjermani..

Këtu kan preformuar, muzikan të këtij zhanrri nga më të njohurit në botë duke përfshirë Chris Botti, Dave Brubeck, McCoy Tyner, Nancy Wilson, dhe shumë të tjerë.

Dita e Sulltan Novruzit

by

Dita e Sulltan Novruzit, politikanët vizitë në Kryegjyshatën Botërore të Bektashianëve
TIRANË, 22 Mars/Në një ditë të shenjtë për të gjithë besimtarët bektashinj, festës së Sulltan Novruzit, politikanët shqiptarë vizituan Kryegjyshatën Botërore Bektashiane në Tiranë, ndërsa uruan të gjithë besimtarët dhe shqiptarët kudo ndodhen për sa më shumë paqe dhe begati.
“Uroj që kjo ditë e veçantë për të gjithë besimtarët të sjellë sa më shumë paqe, begati, mirësi”, deklaroi Presidenti Bujar Nishani, pas vizitës që zhvilloi në selinë e Kryegjyshatës, i shoqëruar nga zonja e parë, Odeta Nishani.
Presidenti i Republikës i bëri thirrje politikanëve që të “orientohen nga mirësia dhe të punojnë për zgjidhjen e problemeve të shqiptarëve”.
Pas tij, nga selia e Kryegjyshatës edhe kryeparlamentari Ilir Meta uroi shqiptarët për më shumë paqe e dashuri.
“Në këtë festë të veçantë të Sulltan Nevruzit, në këtë festë që simbolizon ringjalljen, shpresën, ripërtëritjen dhe paqen, uroj të gjithë besimtarët dhe shqiptarët”, u shpreh z. Meta. Këto festa, tha ai, janë të të gjithëve dhe kjo na bën të jemi krenarë.
Kryetari i Kuvendit, Ilir Meta nuk pranoi të komentojë vendimin e Prokurorisë së Përgjithshme, e cila i kërkoi dy ditë më parë Kuvendit heqjen e mandatit dy deputetëve të maxhorancës për arrestimin e tyre. “Më shumë qetësi dhe dashuri me njëri-tjetrin”, tha Meta.
Kryetari i Partisë Demokratike, Lulzim Basha nga selia e Kryegjyshatës uroi festën e Sulltan Novruzit, ndërsa u bëri thirrje shqiptarëve të bashkohen kundër krimit. Në këtë ditë të shënuar, tha ai, përkujtojmë edhe një ngjarje të rëndësishme, 24 vjetorin e fitores së demokracisë mbi tiraninë e diktaturën.
“Shpreh besimin se shqiptarët, ashtu sikundër 24 vite më parë u bashkuan për të hedhur poshtë diktaturën, për t’i hapur rrugën demokracisë dhe për t’iu bashkuar Europës, edhe sot do të bashkohen kundër krimit e diktaturës së krimit, për një politikë të pastër nga krimi”, tha ai.
Festën e Sulltan Novruzit, shqiptarëve ua uroi edhe ish-presidenti i Kroacisë, Stjepan Mesić, i cili po viziton Shqipërinë këto ditë.
Festa e Sulltan Novruzit, është dita e përkujtimit të Imam Aliut, dijetarit dhe shenjtorit më të madh, që luftoi ndaj diktaturës, injorancës, duke sjellë paqe, dashuri dhe mirësi.
Gjatë paradites së sotme në selinë e Kryegjyshatës Botërore të Bektashinjve në Tiranë, është mbajtur edhe ceremonia e drejtuar nga Kryegjyshi Botëror.

CËSHTJA DOSHI- KUSH ËSHTË I TRETI?

by

Në interes të hetimit janë realizuar përgjime ambientale ndërmjet Tom Doshit dhe Durim Bamit, nga ku rezultoi se Durim Bami i qëndron faktit se ngjarja është e sajuar nga ai dhe Toma, madje përmend dhe nje person te trete pa emër cituar, këtë gjë e dimë unë, ti dhe ai…..
Personi i tretë të cilit i referohet Durim Bami, por emrin e të cilit nuk e tregon, besohet nga Prokuroria, të jetë organizatori kryesor i gjithë skenarit të pretenduar për vrasjen e deputetëve Tom Doshi dhe Mhill Fufi.
Por burime nga organi i akuzës, bëjnë të ditur se Durim Bami ua ka treguar prokurorëve emrin e personit enigmatik, e bashkë me të, ka hedhur dritë mbi motivin e gjithë skenarit të vrasjeve politike.
Të njëjtat burime, sqarojnë se kjo nuk është zbuluar as në relacionin dërguar kuvendit, pasi është e nevojshme të kryhen hetime shtesë mbi dy deputetet Doshi e Frroku, për të cilët është kërkuar leja e Parlamentit për arrestimin e tyre.
Për akuzën, ekzistojnë dyshime të forta se ideatori kryesor i skenarit nuk është as Doshi e as Frroku, por dikush tjetër. Dhe këtë version, e ka mbështetur me dëshminë e tij Durim Bami.
Bashkëpunimin mes Doshit dhe Frrokut, që së bashku kanë detyruar Bamin të flasë për një skenar të paqenë, e saktëson edhe Prokuroria në dokumentin dërguar deputeteve në Kuvend.
Ndërkohë, mësohet se edhe i vetmi person i arrestuar deri më tani nga Krimet e Renda per ngjarjen, Durim Bami, i ka kaluar për kompetence Prokurorisë se Tiranës, pasi tashme ai nuk është me i dyshuar per akuzën e vrasjes se mbetur ne tentative te funksionareve publike, por per kallëzim te rreme.
I kontaktuar nga Vizion Plus, avokati mbrojtjes i Bamit, Ilir Murati tha se pas kalimit te dosjes ne Prokurorinë e Tiranës, kësaj te fundit i duhet qe brenda 10 ditësh te beje rivlerësimin e masës per Bamin, ndërsa vete mbrojtja do te kërkojë lirimin e tij.(Kortezi- VIZION PLUS)

Ambasadori Lu ne Konferencen Islami dhe Paqja

by

Donald Lu: Thirrjet Tuaja për paqe dhe mirëkuptim, të dëgjohen më shumë se ata që nxisin dhunë dhe shkatërrim…/
Pergatiti: SHefqet Kercelli/
Duke folur në konferencën e organizuar nga Komuniteti Islamik Shqiptar, në bashkëpunim me Ambasadën Amerikane dhe Bashkimin Europian më datën 20 mars 2015, Ambasadori Lu iu drejtua udhëheqësve dhe akademikëve myslimanë, pjesmarrës nga rajoni dhe bota: “Unë e përshëndes punën tuaj të palodhur për të bërë që thirrjet tuaja për paqe dhe mirëkuptim, të dëgjohen më shumë se ato që nxisin dhunë dhe shkatërrim. Puna dhe përpjekja juaj është shprehja më e mirë e besimit që ju keni.”
Speaking at the “Islam and Global Peace” conference organized by the Albanian Islamic Community, in cooperation with the U.S. Embassy and the European Union on Friday morning, Ambassador Lu addressed the assembled participants of Muslim leaders and scholars from around the region and the world: “I applaud your tireless work to ensure that your voices that counsel peace and understanding are heard over those inciting violence and destruction. Your work and your struggle is the truest expression of your faith.”

LLOGARA-DHUNOHET PERMENDORJA QE PERKUJTON MASAKRAT GREKE

by

Nga Arben LLALLA/
Dhunohet për herë të dytë (herën e parë u dhunua në Janar, 2014, me rastin e aneksimit të jugut të Shqipërisë nga ana e Greqisë), Përmendorja në Llogara gjatë rrugës Vlorë-Himarë, që përkujton masakrat greke 1912-1917. Kjo përmendore tregon luftën heroike të shqiptarëve në mbrojtjen e pavarësisë së Shqipërisë. Përmendorja është dhunuar me rastin e 25 Marsit, festës së Pavarësisë së Greqisë. Dhunimi mban shkrimin MAVI, organizatës terroriste greke që lufton për aneksimin e jugut shqiptar. Në prill të 1994, një komando terroriste greke e organizatës “MAVI” sulmon repartin ushtarak shqiptar në fshatin Peshkëpi të Gjirokastrës, duke vrarë kapitenin Fatmir Shehu dhe ushtarin Arben Gjini. për vrasjen e vitit 1994 janë akuzuar disa persona, një grek që sot është deputet në Athinë dhe një minoritar që mund të jetë në zgjedhjet e 21 Qershorit, kandidat për kryetar Bashkie. Këto persona u akuzuan si pjesëmarrës, por akuzat nuk u vërtetua asnjëherë nga prokuroria greke.
Organizata MAVI, për disa vite nuk ishte aktive, kjo është hera e parë që shfaqet pas 20 viteve.

*Arben Llalla, Historian dhe publicistë