Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

SHBA: Shteti Islamik, një kërcënim për Evropën

by

UASHINGTON, 6 shtator – Personat e pajisur me pasaporta evropiane dhe që luftojnë në radhët e Shtetit Islamik në Irak dhe në Siri përbëjnë një kërcënim ”të drejtpërdrejtë” në vendet e tyre të origjinës, theksoi sot një prej drejtuesve amerikan të antiterrorizmit.
”Duke marrë parasysh numrin e tyre shumë të lartë, xhihadistët evropianë janë gjithashtu shumë më të rrezikshëm se luftëtarët amerikanë, të cilët janë me dhjetëra në radhët e Shtetit Islamik (EI)”, sipas Pentagonit.
”Shteti Islamik mendohet të ketë tërhequr gjithashtu rreth 2 000 xhihadistë evropianë, në sajë të pranisë shumë të madhe në internet”, sipas shërbimeve sekrete.
“Kërcënimi është relativisht shumë i madh për Evropën”, deklaroi Matthew Olsen, i cili drejton qendrën kombëtare të antiterrorizmit.
Bashkëpunimi mes agjencive amerikane të shërbimeve sekrete dhe homologëve evropianë është riforcuar me shpresën për t’i mbikëqyrur më mirë këta xhihadistë, ndërkohë që disa vende evropiane tremben përsa i përket rreziqeve që përfaqësojnë ata, kryesisht pas rikthimit nga Siria apo Iraku.
SHBA kërkoi dje formimin sa më shpejt të një koalicioni të gjerë për shkatërrimin e Shtetit Islamik, gjatë një takimi me nëntë vende të tjera në kuadër të samitit të NATO-s në Njuport (Britani e Madhe).
”Nuk ka kohë për të humbur për ndërtimin e një koalicioni të gjerë që parashikon të dobësojë dhe në fund të shkatërrojë Shtetin Islamik”, deklaruan sekretarët amerikanë, John Kerry dhe Chuck Hagel në një komunikatë të përbashkët në përfundim të një takimi me homologët e tyre britanik, francez, gjerman, italian, turk, polak, australian, danez dhe kanadez.

ISIS-i mban peng rreth 100 fëmijë

by

BEJRUT, 6 shtator / Rreth 100 fëmijë irakianë, shiitë dhe jazidë, janë marrë peng dhe po mbahen si të tillë në Mosul, qytet në veri të Irakut, nga xhihadistët e Shtetit Islamik (ISIS), njoftuan burime që gjenden brenda qytetit të Mosulit për faqen kurdo-irakiane të internetit, Rudaw. Megjithatë, ky njoftim nuk mund të konfirmohet ende në mënyrë të pavarur. Sipas këtyre burimeve, 50 fëmijë shiitë dhe 45 jazidë, mbahen peng në një jetimore, në lagjen ”Zuhir”, në qytetin që gjendet nën kontrollin e xhihadistëve të ISIS-it. Të vegjëlit bëjnë pjesë në një grup prej qindra personash, në pjesën më të madhe gra dhe fëmijë, të rrëmbyer nga xhihadistët që në muajin qershor në lokalitetet e Tellafarit dhe Shingalit, në lindje të Mosulit.
31 të vdekur gjatë sulmeve ajrore të regjimit
BEJRUT, 6 shtator– Të paktën 31 persona, civilë dhe xhihadistë, vdiqën gjatë sulmeve ajrore të kryera sot nga aviacioni i regjimit në qytetin Raqa të kontrolluar nga grupi i Shtetit Islamik në lindje të Sirisë, raportoi një OJQ.
“Avionët ushtarakë të regjimit kanë kryer tetë sulme ajrore mbi qytetin Raqa dhe rretthinat e tij”, njoftoi drejtori i Vëzhguesit Sirian për të Drejtat e Njeriut (OSDH), Rami Abdel Rahmane. Sulmet ajrore vranë 16 civilë, mes të cilëve tre fëmijë dhe dy gra si dhe 15 xhihadistë.
Që prej disa javësh, regjimi kryen sulme ajrore kundrejt zonave që janë nën kontrollin xhihadist në veri dhe në lindje të Sirisë.
Sulme ajrore janë kryer edhe gjatë ditës së martë në provincën Deir Ezzor në lindje të Sirirsë, ku humbën jetën 16 persona ku 10 ishin fëmijë

SHBA : U vra lideri i grupimit islamik Al- Shabab

by

Lideri i grupit islamik somalez Al- Shabab është vrarë gjatë një sulmi ajror amerikan në fillim të javës.
Lajmin e konfirmoi Pentagoni.
Sipas BBC, SHBA e kreu sulmin ajror mbrëmjen e së hënës. Shënjestra ishte një autokolonë, ku po udhëtonte Ahmet Abdi Godane.
Një zëdhënës i Pentagonit tha: “Të heqësh Godanen nga fusha e betejës është një humbje e madhe operacionale dhe simbolike për Al- Shabab”.
Ai ishte një nga njerëzit më të kërkuar të Departamentit të Shtetit.
SHBA kishte vënë një çmim prej 7 milionë dollarë për kokën e tij.
Zëdhënësi i Pentagonit the se sulmi i 1 shtatorit i solli vdekjen atij.
SHBA ka mbështetur Unionin Afrikan në aksionet ushtarake për të nxjerrë këtë grup islamik nga kryeqyteti Mogadishu.
Grupi Al- Shabab, i lidhur me Al Kaedën, kërkonte të rrëzonte qeverinë somaleze, të mbështetur nga OKB, dhe ka sulmuar disa herë forcat qeveritare.
Godane u bë lider i këtij grupimi islamik në vitin 2008, pasi SHBA vrau paraardhësin e tij, Aden Hashi Ayro.
Ishte dënuar me burgim të përjetshëm në mungesë për një sulm në vitin 2009.
Ai studioi në Pakistan dhe Sudan, ku edhe u radikalizua.
Thuhet se ka luftuar në Afganistan.
Sipas BBC, ai kishte reputacion si orator dhe poet.

Arrestohet Guvernatori Fullani

by

Policia e kryeqytetit ka arrestuar mbrëmjen e sotme, Guvernatorin e Bankës së Shqipërisë, Ardian Fullanin dhe kryeinepktoren e këtij insituicioni, Elivar Golemi.
Guvernatori Fullani akuzohet nga prokuroria e Tiranës për “shpërdorim detyre” pas vjedhjes së 713 milionë lekëve nga Thesari i Shtetit.
Policia ka ekzekutuar urdhrin e Prokurorisë për masën e arrestit me burg për Guvernatorin Fullani. Ndërkohë vetëm rreth 20 minuta më pas është shoqëruar në polici edhe Inspektorja e Përgjithshme e Bankës së Shqipërisë, Elivar Golemi.
Sipas informacioneve që përcjell për News24, gazetari Spartak Koka, Fullani ndodhet në ambientet e Drejtorisë së Policisë së Qarkut Tiranë. Mësohet se Fullani do i nënshtrohet të gjitha masave ligjore dhe do merret në hetim sa i takon skandalit të vjedhjes së Thesarit të Shtetit. Nesër Ardian Fullani pritet të dal para gjykatës, për tju konfirmuar masa e arrestit.
Sot paradite, në Prokurorinë e Tiranës dëshmuan për 6 orë me radhë dy anëtaret e Këshillit Mbikqyrës së Bankës së Shqipërisë, Ermelinda Meksi dhe Ela Golemi, së bashku me ish-inspektoren e Bankës Qëndrore Teuta Baleta dhe drejtorin juridik Altin Naçi.
Më vonë, Drejtuesi i prokurorisë së kryeqytetit, Petrit Fusha, sqaroi për mediat se hetimet janë drejt fundit dhe të gjithë personat që kanë dijeni për vjedhjen do të thirren në Prokurori,duke përfshirë këtu dhe Guvernatorin e Bankës, Ardian Fullani.
Pas arrestimit të Guvernatorit Fullani, reagoi Kryetari i Komisionit Parlamentar të Ekonomisë, Erion Braçe në rrjetin social “Facebook”, i cili shkruan se “duhej vetëm durim.Gjërat kanë ndryshuar njëherë e përgjithmonë në këtë vend.Përgjegjësia është e para”.

Arrestimi
Mësohet se arrestimi i Guvernatorit Fullani ka ndodhur mbrëmjen e sotme në Bankën e Shqipërisë, në zyrat e institucionit të tij, pranë sheshit “Avni Rustemi”. Kështu, shkon në 19 numri i të arrestuarve në lidhje me super skandalin e vjedhjes së BSH-së. Nga 17 të arrestuarit, duke mos përfshirë dy të arrestuarit e natës së sotme, për skandalin e vjedhjes së bankës, Ardian Bitraj, ish-përgjegjës i Arkës Stok, që ka pranuar se ka marrë 713 milionët dhe i ka shpenzuar të gjitha në kazino dhe lotot e sportit. Bitraj dhe kolegia e tij, Mimoza Bruzia, nuk i janë drejtuar Gjykatës së Apelit për të kërkuar ndryshim mase sigurie. Të dy u kallëzuan nga BSH për abuzime financiare. Fill pas dëshmive kyçe në Prokurori ditën e sotme të Ermelinda Meksit dhe Ela Golemi, të dyja anëtare të Këshillit Mbikëqyrës në BE, siç duket ka ardhur dhe arrestimi i Fullanit.
“Gjykata e Tiranës ka firmosur masën e “Arrest me Burg” për Fullanin në mungesë. Rëndon akuza për shpërdorim detyre, pas analizimit që është bërë në Prokurorinë, nga Adriatik Llalla. Ka qenë një analizë e detajuar, që ka nisur me një rrëfim të Ardian Bitrajt dhe më pas të gjithë institucioneve homologe. Ka prova të forta që Fullani ka shpërdoruar detyrën. Ka pasur dëshmi kyçe, që Fullani ka shpërdoruar me detyrën. Nuk përjashtohen mundësitë që të përjashtohen mundësitë për arrestime të tjera të anëtarëve të tjerë në Bankën e Shqipërisë.”-përcjell për News24, gazetarja Klodiana Lala.
Kush do ta drejtoi Bankën e Shqipërisë?
Në bazë të ligjit të Bankës së Shqipërisë, ku për një arsye dhe një tjetër kur titullari është në kushte pamundësie për të drejtuar, i kalon zëvendësguvernator të parë, që i takon Elizabeta Gjonit. “Pritet të ketë një reagim nga Banka e Shqipërisë, dhe ende nuk ka nje qëndrim zyrtar. Duket të ketë një mbledhje urgjente sa i takon situatës së krijuar, ndaj do të shohim dhe qëndrimin e tyre.”-përcjell për News24, Aurora Sulçe.(Kortezi: News 24 TV & Balkanweb)

Beogradi: Myftiu Zukorliq ngre njësitin e tij ushtarak në zemër të Rashkës

by

*Mediat serbe tmerrojnë lexuesit me raportimet e tyre nga Sanxhaku: “Uniformat e gjelbërta kanë parakaluar nëpër qytet dhe kanë nderua kriminelin ( duke aluduar në Aqif Blytën)” – raporton Blic./
Nga Ismet Azizi/
Liderët fetar marshuan nëpër qytetin e Pazarit të Ri të përcjellur nga 100 nxënës të shkollave të mesme të cilët ishin veshur me uniforma të gjelbërta me stemën e Sanxhakut në kraharor dhe me fesa (qeleshe) të kuq në kokë. Blic fajëson myftiun e Sanxhakut Muamer Zukorliq për irredentizëm. Më tutje,Blic vlerëson se Zukorliq është“i njohur për deklaratat ndezëse dhe separatiste dhe se nuk ndalet së provokuari dhe së ndjellurit frikë”.
Gjatë një marshimi në lagjen Haxhet në Pazar të Ri, ku 70 vjet më parë janë ekzekutuar viktimat e komunizmit, Zukorliq me veti mori më tepër se 100 përkrahës të tij të veshur me uniforma të gjelbërta me stemën e Sanxhakut dhe me fesa të kuqe në kokë. Blic shkruan se kjo njësi, kryesisht e kanë përbërë nxënësit e shkollave të mesme,të cilat kontrollohen tërësisht ngaZukorliqi.
Kjo gazetë por edhe mediet tjera serbe, vlerësojnë se Zukorliqi ka provokuar rëndë serbët. Fakti që në mesin e viktimave, ku ndodhet edhe kreu politik dhe ushtarak i kësaj periudhe përfshirë Aqif Effendi Blytën, mjafton që historianët serbë të konsiderojnë se ai se Blyta është përgjegjës për krimet e kryera kundër serbëve gjatë Luftës së Dytë Botërore.
Gazeta “Kurir” e akuzon myftiun për rekrutim të të rinjve në njësitin etij ushtarak, të cilin e quan “ Hanxhar divizija”. Këto akuze shtrihen edhe në formën kinse Zukorliq bënë rekrutimin e të rinjve për luftën në Siri.
Zoran Dragishiq, profesor i fakulteti të sigurisë, për gazetën në fjalë, ka thënë se kjo çështje duhet të trajtohet nga shërbimet e sigurisë, të cilat duhet të përcaktojnë nëse kemi të bëjmë me ndonjë tubim militant apo me një tubim të thjeshtë për ti nderuar Boshnjakët e ekzekutuar.
“Duke përdorur “armët e vjetra”– sensacionalizimin e tij, Zukorliq, këtë herë me mbështetjen e Partisë së Aksiont Demokratik (SDA), përsëri tërheqë vëmendjen për vete duke abuzuar, para se gjithash, me fëmijët, nxënësit e medresesë por edhe me momente tragjike dhe neuralgjike të historisë së re të boshnjakëve. Çdo qytetar i ndershëm i Sanxhakut mund të jetë i brengosur me pamjen e nxënësve të uniformuar të cilët janë abuzuar për qëllime politike” – thotë zëdhënësi i Partisë së Rasim Lajiqit, Muamer Baçevac, siq transmeton Blic.
“Zukorliq me këtë veprim thellon konfliktet dhe krijon ndarje të reja”, tha Dushan Spasojeviq, ish ambasador i Serbisë në Turqi.
-Spasojeviq ka deklaruar se ky është një lloj i manipulimit me ndjenjat dhe kthim në të kaluarën për të tërhequr vëmendjen e mediave dhe vëmendje të tjera në favor të tij. Me këtë veprim Zukorliq thellon ndarjet ekzistuese dhe krijon ndarje të reja.
Zukorliq nuk ka dashur të deklarohet në lidhje me “njësitin” në fjalë. Në Bashkësinë Kulturore Boshnjake, e cila është bashkë-organizatore, deklaruan se pjesëmarrësit janë veshur me kostume normale, jo me uniforma ushtarake.
“Është zgjedhur ngjyra e gjelbër për shkak se ajo është ngjyra e myslimanëve dhe fesi (qeleshja) është veshur, sepse ajo është pjesë e kostumeve tona. Janë bartur flamujt e bashkësisë islame, sepse simbolizojnë Sanxhakun dhe besimin tonë” – thotë Admir Muratoviq, presidenti iBKB.
Manifestimi i sotshëm,si duket, i ka zbutur raportet në mes Uglaninit dhe Zukorliqit.
Nga partia e Ugljaninit PAD (SDA), e cila mori pjesë në manifestim, u tha se me pjesëmarrjen e tyre në manifestim, ata treguan respektin për viktimat e krimit komunist.