Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

T’u prehte Shpirti ne Paqe, Bujar Demirali!

by

BUJAR DEMIRALI – PERKUJTIMORE/

Nga Stefan Kochi/

“Rrofte Shqiperia!” Keshtu e mbyllte im ate urimin sa here ngrinte goten per te bere “Gezuar”, pavaresisht festes dhe vendit ku ishte. Keshtu e pershkroi Nekiu, babane e tij Bujar Demirali, perpara qindra njerezve te mbledhur te zyra e sherbimeve funerale per te respektuar njeriun te cilin e kishin takuar para gjashtedhjete vjetesh kur ishin arratisur nga Shqiperia apo gjashte jave me pare te qendra tregetare.

“Rrofte Shqiperia!” Pse dikush ndjehej keshtu gjate gjithe jetes se tij ndaj vendit ku ai vuajti aq shume kur ishte aty, prej nga ku ishte arratisur si nje adoleshent i ri me familjen e tij dhe ku me siguri do te kishte vdekur ne burg nese do te kishte qendruar pas?

Ky ishte Bujar Demiraliu. Aq patriot ishte ai. Bujari, i cili nderroi jete ne 12 shtator, 2013, u lind ne Shqiperi ne 1933. Verleni, fshati ku ai u lind e u rrit, kishte pjesen e vet te historise dhe emigracionit. Fshati ndodhet ne zonen e Devollit, disa ore larg nga Korca, dhe pothuajse ne te njejten distance nga kufiri me Greqine. Te dyja keto pika gjeografike, Korca dhe kufiri me Greqine, u bene shume te rendesishme ne jeten e Bujarit.

Fshati i tyre, bashke me fshatra te tjera te zones, u bene deshmitare te perpjekjeve te kombit te ri shqiptar per te ndertuar institucionet e veta, kufirin, ligjet, dhe natyrisht qeverine. Zona e Devollit ishte ne krye te perpjekjeve per te konsoliduar gjuhen e tyre: shqipen. Ne nje nga udhetimet e tij per te siguruar libra ne gjuhen shqipe, gjyshi i Bujarit u vra, sipas gjasave nga ushtaret greke.

Per kete arsye, babai I Bujarit, Abduli emigroi ne Amerike. Shume shpejt atij ju bashkua dhe djali i madh Myfiti. Bujari dhe vellai i tij Aliu u rriten se bashku dhe ishin shume te lidhur. Nena e tyre Samija i rriti vete te dy djemte dhe vajzen e saj Kike. Pas perfundimit te luftes dhe mbylljes se kufijve, familja u perball me shume situata te veshtira qe i shtyne ata te arratisen ne vitin 1951. Si pasoje e shume ndryshimeve qe u ndermoren nga regjimi komunist, familja pa se si ju moren pronat me force, si ju burgosen te afermit si dhe shume kercenime te tjera, kryesisht per arsye te lidhjes se tyre me SHBA.

Vitet ishin te veshtira dhe kjo si perfundim i detyroi ata te arratisen, por per sa kohe ishin ne Shqiperi Bujari dhe Aliu ishin te vendosur te shkonin ne shkolle. Megjithese Korca ishte disa ore larg, ata shkuan ne shkolle ne Korce per disa vjet. Ne vitet e mepasme, ata e kujtonin me dashuri dhe respekt kohen e shkolles. Nuk ishte e pazakonte per femijet e tyre e me vone per nuset e dhenduret te degjonin histori te ndryshme se si Bujari dhe Aliu ecnin ose vraponin per ne shkolle me ore te tera nga shtepia e tyre ne fshat per ne Korce. Sa i veshtire ishte dimri i Korces per dy djemte. Te gjitha keto histori ata I tregonin me gezim e hare, asnje prej tyre nuk permbante trishtim apo meri. Disa tregime bile ata I tregonin si aregetuese, p. sh. se si duhet te varnin buken ne tavan, qe te mos ta hante miu kur ata ishin ne shkolle.

Ne korrik 1951 familja vendosi te arratisej. Njerez qe e kane bere kete gje, kurre nuk e harrojne arratisjen. Arratisja e tyre do te mbetej ne kujtese per faktin se naten qe ata kaluan kufirin nje hene e plote ndriconte ne zonen e kufirit duke trembur grupin prej 23 vetash dhe nje kale. “Ate nate na ruajti Zoti. Nuk dime se si nuk na pane ushtaret” thoshin Bujari me Aliun kur tregonin historine. Nuk ka shpjegim tjeter me kaq shume ushtare rreth e rrotull dhe henen qe ndriconte mbi ta.

Pasi kaluan disa muaj ne kampe refugjatesh ne Greqi, familja u largua per ne Amerike. Gradualisht ata u vendosen ne Uoterberi, ne shtetin Konektikat, nje qytet i njohur per traditen e tij shqiptare. Pervec punes qe Bujari bente per te mbeshtetur veten dhe familjen, ai punoi shume qe te mesonte e pervetesonte gjuhen e re: anglishten. Gjithe I perkushtuar ndaj arsimit, per vete, dhe per femijet e niperit e mbesat me vone. Ishte ky lloj dedikimi per shkollen dhe arsmimin qe i beri te dy vellezerit te punonin shume ne vitet e ardhshme ne SHBA se bashku me bashkeatdhetare te tjere nga Shqiperia per te hapur e mirembajtur institucionet shqiptare ne Uoterberi, si xhamine, shkollen shqipe, festivalin shqiptar, ceremonine e ngritjes se Flamurit shqiptar, etj.

Ne 1958 Bujari u martua me Dilen, nje vajze e re nga Turqia, prinderit e se ciles ishin gjithashtu me origjine shqiptare. Martesa e tyre e bekuar zgjati 55 vjet, ashtu sic e thote edhe shprehja “deri sa vdekja te na ndaje”. Per ne qe I njohem Bujarin dhe Dilen nga afer, martesa e tyre ishte shembull I dashurise dhe respektit. Ata gjithmone udhetonin ne vende te ndryshme, dhe natyrisht, benin ngjarjen me te dashur: takim me familjen dhe shoket.

Ashtu sic edhe pritej nga nje njeri qe vlereson punen dhe ndershmerine, Bujari punoi shume gjate gjithe jetes se tij per te mbeshtetur gruan dhe tre djemte e tij, Xhonin, Nekiun dhe Rein. Dhe ashtu sic thane edhe djemte e tij gjate perkujtimores, ai asnjehere nuk u ankua. ”E ndjeva qe dicka nuk shkonte me shendetin e tij”- tha Dilja disa dite perpara se Bujari te nderronte jete. “Per here te pare ne jeten tone te perbashket Bujari po ankohej se kishte dhimbje. Kurre nuk e kishte bere kete me pare. Kurre!”

Bujari me shume deshire festonte arritjet e familjes dhe shokeve. Ai do te mbeshteste kedo: mik I ri apo I vjeter. Bujari gezonte te shikonte femijet e tij, niperit e mbesat e tij, femijet e shokeve te luanin teater, concerte, mbaronin shkollen, apo dasmat. Bujari respektonte dhe ndihmonte kedo qe kishte nevoje. Ai donte qe njerezit te mbaronin pune, te arrinin sukses. Ai festonte me ta suksesin e tyre. Ai ishte “gjyshi” per niperit e mbesat, “xhaxhi” per familjen dhe komunitetin.

Zyra funerale ku u bene sherbimet ishte mbushur plot me njerez qe vinin per te bere homazhe ndaj Bujarit. Ishte dite jave, jo fundjave, e megjithate njerezit vazhdonin te vinin. Te gjithe donin te shprehnin respektin e tyre ndaj Diles, djemve dhe pjeses tjeter te familjes. Respekti i madh qe kishin krijuar per Bujarin gjate viteve te shkuara i beri ata qe te vinin. Shume prej tyre ai u kishte sherbyer mengjes ose dreke tek “Robinnon’s Lunch” ne Nogatak, nje restorant qe Bujari e kishte ne pronesi per afro 30 vjete. Te tjeret e kishin takuar ne shkollat e femijeve, ne aktivitete te qytetit ose e kishin pare si Kryetar Nderi i Bashkise gjate Dites se Flamurit, nje aktivitet shume i rendesishem per komunitetin shqiptar ne Uoterberi. Ky aktivitet, se bashku me shprehjen e mirenjohjes ndaj njerez qe kane ndihmuar komunitetin, tregon ndikimin e rendesishem qe komuniteti ka ndaj jetes politike, ekonomike dhe ceshtjeve te tjera te qytetit. Kryetari i vertete i Bashkise eshte pjese e festimeve dhe ashtu ka qene prej vitesh, qe ne ditet kur z.Bergin ishte kryetar. Shqiptaret e sapoardhur te atyre viteve dhane shume nga jeta e tyre per qytetin nderkohe qe perpiqeshin te ndertonin jeten dhe familjet e tyre. Bujari ishte anetar i grupit nismetar per te krijuar xhamine ne vitin 1968. Ai ishte President i xhamise per disa vjet si dhe prezantues i mjaft ceremonive dhe aktiviteteve shqiptare. Dilja me shijen dhe pasionin e saj, qepi kostume popullore per brezat e rinj. Dhe kjo vazhdoi per shume e shume vjet.

Ky ishte Bujar Demirali. Keshtu e jetoi cdo dite te jetes se tij. Kjo eshte arsyeja pse nipi i tij Douglas e quajti “shembulli im ne jete”. Kjo eshte pse familja e tij kujton “Rrofte Shqiperia” si urimin e tij per cdo gote te ngritur neper festa. Bujari hyri po aq thelle ne shpirtin e njerezve qe takoi ne jete sa edhe Shqiperia hyri ne shpirtin e tij. I perjetshem kujtimi!

Bujar Demirali – t’u prehte shpirti ne paqe!

SHBA: Christie, dhe Cuomo kanë shpallë gjendjen e jashtëzakonshme

by

New Yorku, po përgatitet për gjendjen e jashtëzakonëshme, masa janë marrë në të gjithë qytetin në pritje të stuhisë së fortë që po vjen/

NGA BEQIR SINA, New York City/

TRENTON New Jersey: – Goverantori i shtetit Chris Christie, ka shpallur gjendjen e jashtëzakonshme në shetin e New Jerseyt, në pritje të borës që mendohet se do të bjerë sonte dhe nesër .
Deklarata e governatorit, gjithashtu, urdhëron që të mbyllen të gjitha zyrat, spitalet, shkollat dhe instucionet e tjera shtetërore të premten gjatë gjithë ditës .
” Ndryshimi i menjëhershëm i kushteve të motit gjatë ditëve të ardhshme do të “prodhojnë” një shumëllojshmëri të kushteve të rrezikshme të udhëtimit në të gjithë shtetin , ” tha Christie . ” Unë e kam autorizuar zyrtarët e shtetit që të marrin të gjitha masat e nevojshme përpara stuhisë , dhe Administrata ime do të vazhdojnë të punojnë në kushtet monitoruese në të gjithë pjesën që pritet të preket prej stuhisë . ”
Stuhia, sipas Entit Shtetror të Motit pritet të sjellë diku 10 inç në disa zona , dhe do të sjellë erërat të forta me më shumë se 30 mph në orë dhe temperatura shumë të ulëta .
Urdhri i Emergjencës bën thirrje për të gjitha drejtorit e shtetit që merren me menaxhimin e emergjencave për të bashkërenduar përpjekjet e tyre në përgjigje të situatës që pritet të vijë, pra bëhet fjalë për një kordinim të detyrave në mes të qarqeve , komunave dhe agjencive të tjera qeveritare .
Policia e Shtetit, ka bërë thirrje nëpërmjet televizioneve , radiove dhe gazetave të përditëshme, duke kërkuar nga qytetarët që të udhëtojnë me kujdes gjatë stuhisë, dhe në rast se nuk e kan shumë të nevojshme për të dalë, në rrugë të rrinë në shtëpi, të paktën këto dy – ditë .
” Kushtet e motit sonte natën dhe nesër në mëngjes do të jenë mjaft të vështira , ” tha koloneli Rick Fuentes ,inspektor i Policisë së Shtetit dhe drejtori i Zyrës shtetëror të Menaxhimit të Emergjencave . ” Ne po kërkojmë nga banorët New Jerseyt, që të qëndrojnë të informuar në lidhje me kushtet e Motit, dhe po u tregojmë planet tona të gatishmërisë , duke u bërë thirrje qyteatrëve, që të tregojnë kujdes ose të lajmërojnë emergjencën për anëtarët e familjes dhe miqtë e tyre që janë të moshuar , ose me aftësi të kufizuara apo të izoluar nga të ftohti” tha Fuentes.
Të njëjtën thirrje bëri sot në konfrencë shtypi me Policinë e Shtetit, edhe Guvertantori i Shtetit të New Jersey, Christ Christie duke bërë thirrje njerëzve që të qëndrojnë në ambiente të mbyllura gjatë stuhisë, të evitojnë lëvizjet e panevojshme me automjete, nëpër rrrugët e New Jerseyt dhe të qendrojnë në shtëpi .
” Unë inkurajoj të gjitha Jerseyanët për të mos dalur jashtë nëse është e mundur në mënyrë që të jenë sa më të sigurtë, në përgjigje të situatës së jashtëzakonshme , ” tha guvernatori i New Jerseyt Christ Christie .

Edhe, New Yorku po përgatitet për gjendjen e jashtëzakonëshme,

Edhe Kryetari i ri i Bashkisë së New Yorkut, Bill de Blasio, tha se do të presë deri në mëngjes herët pasi të afrohet stuhia e parë e dimrit 2014 që ka për të goditur qytetin – për të njoftuar nëse po apo jo ai do të jap urdhër të mbyllen të gjitha shkollat dhe institucionet shtetrore të premten .
Megjithatë, tha de Blasio, qyteti po përgatitet për 5 deri në 9 inç, dëborë në pesë prej njësive bashkiake dhe se Departamenti i Mirëmbajtjes së Qytetit, po merr masa për zhbollikimin e kanalizimeve. Janë vënë në punë deri tani 450 makina hedhësa të kripës nëpër rrugët e qytetit dhe 1700 kamionë për të pastruar dëborën , tha kryetari Bill de Blasio në një konferencë për shtyp pasdite .
” Për shkak se ne jemi duke folur për rreth 1.1 milion fëmijë të shkollave në qytet- plus dhe të gjitha familjet e punonjësve , ne duhet të sigurohemi për masat që duhen marrë qysh tani , ” tha kryetari i Bashkisë së New Yorkut, gjatë një konference për shtyp gjatë mbrëmjes, së sotme në Zyrën e Menaxhimit të Emergjencave . ” Deri tani , ne thjesht nuk e dim sa të mjaftueshme janë mast për të marrë një vendim të prerë . Ne duhet të shohim se si do të kaloi situata . ”
Ndërkohë , edhe agjencitë e tjera të qytetit kan marrë masat e duhura, ato të transportiti të udhëtarve, kan planifikuara për nesër për të pakësuar shërbimet e tyre gjatë stuhisë në disa linja hekuruodhore dhe ato të autobusave urban në qytet.
MTA njoftoi se metroja nuk do të punojë në disa linja gjatë natës deri në orën 5:45 të mëngjesit të nesërm.
Trenat do të vazhdojnë të lëvizin , tha MTA , por në nivel lokal në linjat e të nëndheshme, të cilat janë të mbrojtur nga bora pra kryesishtë në Manhattan e për rreth tij në të pesë njësit bashkiake .
Metro- North, thanë ata do të zvogëlojë shërbimin pas orës 08:00 të mbrëmjes sot, por do të ofrojnë shërbim për orë të tëra në të gjitha tre linjar kryesore .
Qyteti ka pezulluar anën alternative të parkimit në rrugë , dhe u zotua për të mbajtur shkollat publike të hapur për aq kohë sa të jetë e mundur .
Sipas Shërbimit Kombëtar të Motit , qyteti po përballet me një stuhi të fortë, erë dhe borë -5 deri në -9 inç në mes natën e enjte dhe të premten .
Kryetari i Bashkisë, de Blasio tha se ai e kishte shqyrtuar planet e përgatitjes të qytetit për Situatë Emergjente me komisionerin Doherty, dhe ka shtuar përpjekjet për heqjen e borës nga rrugët kryesore, duke u fokusuar së pari në vevojat e domosdoshme të komunitetit, si në Rockaway dhe në Queens .
Goveranatori i New Yorkut Andrew Cuomo, tha se ka vënë të gjitha agjencitë shtetërore, në gjendjen e gadishmërisë në mënyrë të që ti dali përpara situatave të emergjencës dhe urdhëroi mbylljen e autostradës Statet Thruway New York , dhe I- 84 si dhe Long Island Expressway nga mesnata deri në orën 5:00 të mëngjesit të ditës së premte.

 

Noel Malcolm nderohet nga Mbretëresha Elizabeth e II-të me titullin “Sir”

by

Përgatiti: Jeni Myftari/

Gazetat Britanike The Times dhe The Daily Telegraph të datës 31 Janar 2013 kanë publikuar listën e personave të nderuar, nga Madhëria e Saj Elizabeta e II-të, Mbretëreshë e Britanisë së Madhe dhe Irlandës së Veriut, me tituj të ndryshëm për merita të veçanta në shërbim të shoqërisë. Në këtë listë është edhe emri i Dr. Noel Robert Malcolm, studiues dhe historian britanik,  i njohur jo vetëm në Britani por edhe në mediat dhe qarqet akademike shqiptare.

Dr. Noel Malcolm është lauruar me titullin Knights Bachelor (Kt), një rank ky që daton në shekullin e 13-të gjatë mbretërimit të Henrit të III-të dhe që është pjesë e sistemit të nderimeve në Britani, dhe që nga dita e sotme mban titullin “Sir. Noel Robert Malcolm”. Ky është një titull që i ipet vetëm meshkujve, të cilët bëhen kalorës nga monarku por jo si anëtarë të “Urdhërit të Kavalerisë”.

The Times bën të ditur se i ipet titulli Knights Bachelor për shërbime politike dhe publike, Dr. Noel Robet Malcolm, Hulumtues i Lartë në Kolegjin All Souls, në Universitetin e Oksfordit, për shërbime në Studime Akademike, Gazetari dhe Histori Evropiane.

Dr. Malcolm u bë i njohur për publikun shqiptar, më 1998 kur botoi librin historik “Kosovo-a Short History”-“Kosova-Një Histori e Shkurtër”, një libër ky me vlera të padiskutueshme për historinë shqiptare dhe që u mirëprit gjerësisht nga publiku mbarëkombëtar por, që u përball me kritika të shumta, të paargumentuara shkencërisht, nga qarqet ruse dhe serbe.

Dr. Malcolm ka kryer studimet për Histori në Peterhouse, Kembrixh, gjatë viteve 1974-78. Ai ka mbrojtur titullin Doktor i Shkencave (PhD) në filozofi në Trinity College në Kembrixh dhe ka qenë Bashkëpunëtor dhe Ligjërues në Gonville and Caius College, në Kembrixh nga1981 deri më 1988.

Si gazetar, ai ka patur rubrikën e tij politike, në revistën The Spectator, gjatë viteve 1987-1991 dhe më pas ka qenë redaktor i jashtëm më 1991-92. Po kështu ka patur rubrikën e tij politike në gazetën The Daily Telegraph gjatë viteve 1992-95.

Dr. Malcolm është nderuar me çmimin Thomas Edwin Utley, për Gazetari Politike më 1991.

Ai është Bashkëpunëtor i Lartë Shkencor që nga 2002, në All-Souls College, Oksford, ku dhe jeton e punon ende.

Ndërmjet aktiviteteve të tjera të shumta Dr. Malcolm është dhe anëtar i Shoqatës Mbretërore (Britanike) të Letërsisë (FRSL) që nga 1997, anëtar nderi i së cilës ka qenë edhe rilindasi shqiptar Pashko Vasa në fund të shek të 19-të.

Po kështu Dr. Malcolm është bërë anëtar i Akademisë Britanike me 2001, anëtar i jashtëm i Akademisë së Shkencave dhe Arteve të Kosovës, që nga viti 2010 është Anëtar Nderi i Peterhouse, Kembrixh  dhe më 2011 Anëtar Nderi i Trinity College, Kembrixh.

Përveç nderimeve dhe çmimeve të tjera të shumta, Dr. Noel Malcolm është lauruar me medalje nga Akademia Britanike në shenjë mirënjohje për punën e tij titanike në përgatitjen dhe përktimin, nga Latinishtja në Anglisht, të librit “Thomas Hobbes Leviathan” botuar nga Oxford University Press, 2012. Libri është botuar në tre vëllime dhe ka 1832 faqe.

Dr. Malcolm në vazhdimësi ka dhënë dhe vazhdon të japë një kontribut të pashëmbullt për historinë dhe në ndihmë të shqiptarëve. Ai është Kryetar i Shoqatës Anglo-Shqiptare në Londër, të themeluar nga Aubrej Herbert (ish-anëtar i Parlamentit Britanik), më 1912 dhe është anëtar i Bordit Akademik të Qendrës për Studime Shqiptare, Londër.

Ai është dekoruar nga i ndjeri Presidenti Ibrahim Rugova me Medaljen e Artë të Lidhjes së Prizrenit dhe nga is-Presidenti Alfred Moisiu me Medaljen e Artë për Merita.

 

 

 

NATE E PERGJAKU NGA AKSIDENTET

by

Fatkeqësisht, ne radhen e viktimave, edhe një 40 vjeçar shqiptar në Bronx,  Albert Marku,  ka vdekur gjate aksidentit me motorçikletë/

NEW YORK CITY : Policia tha se po heton vendin e ngjarjes , ku një grua 50 – vjeçare është goditur dhe vrarë nga një motoçiklist në kryqëzimin të rrugës së “rrezikëshme” e ashtuquajtur Bulevardit Kuinsit në kryeqëzim me 58- St në Sunnyside , Queens , të shtunën. Motoçiklisti që goditi gruan  vdiq edhe vetë .

Ishte kjo pjesë e raportit të policisë njujorkeze vetëm për ditën e djeshme ku gjatë veta kanë gjetur vdekjen nga aksidentet e kësaj nate si shka i aksidenteve me motorçikleta.   Në raport mëtej theksohet se po këtë natë të “përgjakëshme” edhe një motoçiklist tjetër një 31 – vjeçar dhe një kalimtar 78 -vjeçare, grua, e cila thuhet po ecte në të kundër të dritës, ishin në mesin e katër njerëzve të vrarë në aksidentet e të shtunës, thotë raporti i policës dhe dëshmitarët .   Mirpo në raportin e mëngjesit të policisë njujorkeze, thuhet se “kjo natë ishte nata e aksidenteve me motorçikleta”. Sepse, sipas, saj kan qenë dhe tre të tjerë në të njëjtën natë që kan pësuar aksidente me vdekje në Queens.

Dhe katër prej tyre po në të njëjtin rrugë, të thirrur këtu edhe si “The Boulevard of Death” and “The Boulevard of Broken Bones” – “Bulevardi i Vdekjes” dhe “Bulevardi kockave të thyera” në  Queens në lagjen Sunnyside. Poliicia thotë se në orën 16:30 , sipas dëshmitarëve dhe autoritetetet e ruajtjes së rendit një motoçiklist përfundoi i përplasur jashtë rruge.

Ishte pikërishtë Darien Baker , një 31 vjeçar  nga  Yonkers New York , i cili ngiste  një motor Suzuki 2013 ngjyrë të zezë dhe bardhë kur u përplas me një grua, e cila priste të kalonte në kryqëzimin në 58 Street.
Baker humbi kontrollin e motoçikletës së tij dhe dhe u përplas në një pemë , tha një dëshmitarë .
” Ai erdhi shumë afër në anën e gardhit -. Dhe pastaj ai e goditi gardhin dhe u përplas në pemë dhe fluturoi si me “katapultë” jashtë motorit , “tha Catherine Geoffroy , 33 vjeçarja, nga Montreali , e cila ishte duke shitur pemët e Krishtlindjeve në afërsi të vendin e ngjarjes .
Poliicia deklaroi se Baker dhe gruaja vdiqën nga traumat të rënda në qendrën spitalore Elmhurst Medical Center , thanë autoritetet .
Raporti i policisë për këtë natë “që përgjaku” rrugët e Nju Jorkut, tha se do të ishte fatkeq edhe për një 40 vjeçar shqiptar.  Policia, thotë se jo më pak se një gjysmë ore, më herët se të merrte njoftimet mibi aksidenetet e më sipërme në Bronx , një 40 – vjeçar i quajtur  Albert Marku, mbeti i vdekur nga aksidenti me motorçikletë

Ai vdiq thotë policia – kur motori i tij tipit Honda goditi një veturë gri Toyota Corolla e vitit 2007 në segmentin e rrugës Williamsbridge Road në Neill Ave.

Marku , një banor i qyteti të Bronxit , u deklarua e vdekur në Spitalin Jacobi . Shoferi i automjetit tha policia ka qëndruar në vendin e ngjarjes , duke thënë se ai ” nuk kishte fajë rreth vdekjes së motoristit” .

Viktima  Albert Marku, 40-vjeçar, është i lindur në Bronx. Një ambulancë u thirr në vendngjarje por kur mbërriti në spital, dhe mjekët konstatuan se viktima kishte vdekur.
Aksidenti ndodhi në orën 4 të mbasdites, në 21 janar, në Williamsbridge Road, të lagjes së njohur Morris Park, ku jetojnë e punojnë shumë shqiptarë.
Sipas policisë (e cituar nga media lokale Televizioni NY1 dhe Brox News 12) motori i tipit Honda po shkonte lëvizte drejt jugut në Williamsbridge, kur u godit nga një makinë e tipit “2007 Toyota Corolla”, ngjyrë gri, që po përpiqej të kthehej majtas në Neill Avenue.
Shoferi i makinës nuk u largua nga skena e aksidentit, por qendroi për t’u intervistuar nga policia theksojnë mediat lokale duke shtuar se rasti është duke u hetuar por për momentin shoferi nuk është arrestuar.

Raporti i policisë u mbyll me vdekjen tragjike të një burri 51 – vjeçar në qytetin e Bruklinit kur ai u godit dhe mbeti i vdekur nga një veturë ngjyrë të zezë në lagjen East PKWY në Rockaway Ave. në orën 09:23 , tha policia . Policia tha se kur vajti në vend ngjarje shoferi qe larguar dhe ata po kërkojnë atë ./Beqir SINA/

 

Kosova dhe Shqipëria me “autostradë energjetike”

by

Të dyja vendet nënshkruan marrëveshje për një linjë shkëmbimi të energjisë elektrike që cilësohet ai projekti më i madh i përbashkët pas autostradës tokësore.

Kosova dhe Shqipëria nënshkruan marrëveshjen për ndërtimin e linjës 400 kilovatëshe të energjisë elektrike.
Marrëveshja u nënshkrua simbolikisht në shtëpinë e Lidhjes së Prizrenit, simbol i Kuvendit të vitit 1878 kur shqiptarët kishin hedhur themelet e lëvizjes për çlirim nga Perandoria Osmane.
Ndërtimi i linjës që u quajt autostrada energjetike, e gjatë 240 kilometra, do të financohet nga Banka zhvillimore Gjermane KFË, një pjesë si dhurim dhe një pjesë në formë të kredisë. Në Shqipëri projekti pritet të kushtojë rreth 42 milionë euro, ndërsa në Kosovë 16.5 milionë euro, ndërsa zbatimi  i projekteve do të bëhet nga një kompani sllovene dhe një kroate.
Autoritetet e të dyja palëve thanë se “kjo linjë do të sjellë përfitime për të dyja vendet dhe qytetarët e tyre”. Të dyja palët e vlerësojnë fillimin e ndërtimit të kësaj linje  si projektin më të madh pas ndërtimit të autostradës që lidhë të dyja vendet.
Projekti që pritet të përfundojë brenda dy vjetësh, do të mundësojë shkëmbimin e energjisë, duke rritur mundësitë e shfrytëzimit të hidro energjisë nga Shqipëria gjatë dimrit dhe atë të përfituar nga qymyri në Kosovë, gjatë stinëve më të thata.
Të dyja vendet përballen ende me mungesa të furnizimit të mjaftueshëm me energji elektrike që kushtëzojnë shpesh shkurtime të ashpra dhe vështirësi në rritjen ekonomike.(Sipas Zerit te Amerikes)