Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Berisha takon drejtoreshën e BB, shpreh shqetësimin për fatin e administratës

by

Kryeministri Berisha priti sot një grup të Bankës Botërore, të kryesuar nga znj. Ellen Goldstein, Drejtore për Shqipërinë dhe Koordinatore Rajonale për Europën Juglindore dhe Azinë Qendrore.Znj. Goldshtein i tha Kryeminstrit që erdhi në këtë takim për të përcjellë vlerësimet më të larta dhe falenderimet më të përzemërta të drejtuesve të BB dhe të gjithë ekipeve që kanë punuar me qeveritë Berisha për 8 vitet e qeverisjes së fundit e më parë. Ka qenë një bashkëpunim i ngushtë dhe shumë i fryshëm, një partneritet konsekuent dhe i fuqishëm, në reformat e mëdha të ndërmarra dhe që ne shpresojmë, u shpreh ajo, që BB të ketë kontributin e saj nga bashkëpunimi, në arritjet tuaja.

“Ju keni luftuar dhe keni bërë që Shqipëria nën drejtimin tuaj të cilësohet si kryereformatore e ekonomisë. Falë lidershipit tuaj, nuk është aspak tepër të thuhet që Shqipëria ia doli mbanë të lundrojë mbi krizën globale, të mbajë një ekonomi të qëndrueshme e me rritje”, – tha znj. Goldstein.

Kryeministri Berisha e falenderoi znj. Goldstein për bashkëpunimin e gjatë e të mrekullueshëm të Bankës Botërore me qeverinë e tij, si partnere e rëndësishme në arritjet e vendit në këto 8 vjet. Institucioni që ju përfaqësoni dhe zyra e tij në Tiranë , u shpreh Kryeministri, ka qenë gjithmonë një partner eficent e frutdhënës, që i ka dhënë vendit një ndihmë të paçmuar.

Përfaqësuesja e BB i tha Kryeministrit që institucioni i saj do të vazhdojë mbështetjen e qeverisë së re për vazhdimësi e zhvillim të qëndrueshëm, siç ka bërë dhe deri më sot, duke i sugjeruar qeverisë së re si fusha përqendrimi të bashkëpunimit: energjinë, menaxhim financiar, forcimin e konkurueshmërisë dhe shtimin e vendeve të punës, mbrojtja sociale, mbrojtja e ambientit etj..”I kemi sugjeruar qeverisë së re, të krijojë vazhdimësi e të mos fshijë rezultatet pozitive të reformave dhe institucioneve të ndërtuara, por të vazhdohet e çohet më tej investimi në ato fusha e sektorë”.

Kryeministri Berisha u shpreh se socialistët kanë përcjellë mesazhe konfuze në lidhje me biznesin. Deklarata e tyre për të ashtuquajturën vendosje të kriterit të meritës në rekrutim është thjesht një maskim i përpjekjes për të çmontuar administratën shtetërore ekzistuese. Ata po përpiqen me të gjitha format për të larguar nga puna me mijëra e mijëra punonjës e për t’i zëvendësuar ata me militantët që duan të shpërblejnë. Qeveria e re po përpiqet të zhbëjë të gjitha praktikat dhe arritjet e deritanishme. Kështu, deklaratat e tyre për masterplane të reja në bregdet e gjetkë kanë synim mbrojtjen e bizneseve të tyre.

Znj. Goldstein e falenderoi dhe një herë Z. Berisha për gjithë kontributin dhe bashkëpunimin e dhënë në zhvillimet e vendit dhe i kërkoi bashkëpunim po aq të frytshëm edhe si opozitar.

Kryeministri Berisha i ktheu falenderimet edhe njëherë dhe i premtoi se do të qe një opozitar shumë aktiv, në të gjitha momentet e zhvillimit të vendit, si zëdhënës e mbrojtës i interesave të të gjithë shqiptarëve.

Këshilli Kombëtar Shqiptaro – Amerikan në Kosovë

by

Partneriteti rajonal i rëndësishëm për tërheqjen e investitorëve Amerikan/

“Këshilli Kombëtar Shqiptaro – Amerikan është çdo ditë e më tepër i përkushtuar në promovimin e Kosovës përball investoreve amerikan duke i inkurajuar ata për të investuar. Është e vërtet se duhet të bëhet më tepër në eliminimin e barrierave të ndryshme në mes shteteve të rajonit me qëllim të promovimit të partneritetit dhe dialogut të mirëfilltë dhe nga e tera kjo do të reflektojënjëfryme e re pozitive e cila do të inkurajoje këtainvestorëpër të investuar në një treg gjeografikisht më të zgjeruar dhe me popullatenumerikishtë më të madhe”, theksoi z. AvniMustafaj – Drejtor Ekzekutiv i Këshillit Kombëtar Shqiptaro – Amerikan gjatë vizitës që i beri sot Odes Ekonomike tëKosovës me ç’rast u prit nga Kryetari i OEK-ut z. Safet Gërxhaliu me bashkëpunëtorë.

Jemi tëvetëdijshëmpërrëndësinë e bashkëpunimit me Shtetet e Bashkuara të Amerikës nëveçanti falë kontributit që SHBA-të kanë dhënepërKosovën qoftënë të kaluarën por edhe tani në shumë aspekte si politik , ekonomik, social , kulturor , edukativ etj. Prandaj e tëra kjo na obligon tëavancomi sa mëtepër qëështë e mundur në bashkëpunimin ekonomik në mes të dy shteteve mike.

Nëveçanti duhet vlerësuar lartë kontributin e KëshillitKombëtar Shqiptaro – Amerikan për angazhimin unik përçështjenshqiptare e në veçantipërçështjen e Kosovës. Biznesmen nga ky Këshillëkanë qenë dhe janë ndër shtyllat kryesore të procesit të privatizimit në Kosovëku kapitalin e tyre te fituar në SHBA e investuan në Kosovë. Ky Këshillëështënjë dritare promovuesee realitetit kosovare dhe mbi të gjitha promotor i vlerave shqipëtare në SHBA ku përmes aktiviteteve permanente përmirëson imazhin e Kosovës kudo.

Është koha kur përinvestorët e huaj të krijohen kushte më të favorshme e në veçanti përmërgatënshqipëtare kudo qëështë të kemi një pako të veçantë stimuluese për investime. Duhet tëeliminohendukuritë negative me të cilat ata ballafaqohen në Kosovë dhe vërtet ekonomia të ju prezantohet si prioritet nacional, theksoi Kryetari i OEK-ut z. Safet Gërxhaliu me këtë rast.

Në fund të dyja palët u pajtuan që të konkretizojnë bashkëpunimin me aktivitete të përbashkëta konkrete në sferën ndërkombëtare.(Bota Sot)

Albania’s New Leaders Slam Port Privatisation Deal

by

The Socialist Party, which won June’s parliamentary elections, promised to reverse a decision by the outgoing centre-right government to privatise the ferry terminal in the port of Durres.

“The privatisation of the port of Durres, announced on August 19, is another attempt to plunder public assets based on a process that lacks transparency,” Socialist MP Ermonela Felaj told a press conference on Sunday evening.

Felaj promised that the decision will be reversed by the new Socialist government at its first cabinet meeting next month.

“We call on the prosecutor’s office to launch an investigation over the plundering of public assets,” she added.

The port of Durres is Albania’s main trade and transportation centre, with nearly 850,000 passengers and 3.2 million tons of cargo passing through its docks every year.

The tender for awarding a concession for the port’s ferry terminal was held on June 20, but it was only recently revealed by the public procurement agency that it was awarded to a joint venture from Betailigunsgezelshaft MBH and Global Albania Networking, working together under the name Albanian Ferry Terminal Operator.

The company will pay 3.2 million euro to state coffers, with proposed investments of 4.15 million euro.

The ferry terminal was built with a 15 million euro loan from the European Bank for Reconstruction and Development. It includes 5,000 square metres of service and duty-free space, and a parking lot for 2,000 cars.(Besar Likmeta)

 

“Shqipëria e Gjeneratës Tjetër ”: Do hapim një epokë të re për territorin

by

Shqipëria gjendet në kushtet e një emergjence sa i përket zhvillimit urbanistik të vendit. Me këtë këmbanë alarmi e ka nisur ditën e parë të konferencës me temë “Shqipëria e Gjeneratës së Re”, kreu i PS dhe kryeministri i ardhshëm Edi Rama. Sipas Ramës, nevojitet hapja e një epoke të re për një zhvillim të integruar, dhe për këtë shtoi ai, duhet ndryshuar modeli i qeverisjes së territorit, duke ndjekur modelet më të mira dhe më suksesshme të vendeve të BE.

“Ne sot jemi në kushtet e një emergjence kombëtare. Gjendjen jashtë kontrollit duhet ta trajtojmë si një gjendje të jashtëzakonshme dhe masat që do marrim do jenë të tilla. Kemi dhe sfidën e një transformimi të madh social. Për ne territori është ekonomi. Duhet të mbyllet epoka kur paratë e shqiptarëve u investuan kuturu, planet kuturu, zhvillimet në qytete kuturu. Të hapet një epokë e re e një zhvillimi të integruar. Do ndryshojmë modelin e qeverisjes së territorit, duke ndjekur modelet më të mira dhe më sukseshme të atyre vendeve që janë sot pjesë e BE” tha ai.Rama tha se socialistët nga sot hynë në rrugën e alternativës për të cilën u votuan pasivisht teksa e krahasoi ndryshimin me atë që ndodhi në vitin 1992.

“Nga sot ne hyjmë në një rrugë tjetër, në rrugën e asaj alternative që ne kemi propozuar dhe jemi votuar masivisht nga shqiptarët. Për një ndryshim, që për nga nevoja e brendshme, është e krahasuar vetëm me ndryshimin e vitit 1992″

Prej kohësh, theksoi Kryesocialisti, kemi konstatuar që modeli i ndjekur në të gjithë këto vite ka shterruar, duke hapur plagë të mëdha në territorin e vendit, në jetën sociale dhe ekonominë e vendit.

“Sot mblidhemi me një grup të gjerë protagonistësh, planifikues urbanë, arkitektë, ekonomistë, të ardhur nga e gjithë bota, për përpjekjen e madhe të një modeli të zhvillimit të vendit që sot ka nevojë urgjente për të adresuar problemet e veta në një qasje krejt të re. Modeli i zhvillimit i ndjekur gjithë këto vite ka shteruar duke hapur plagë të mëdha në zhvillimin e vendit dhe ekonominë e vendit. Sfidat janë të mëdha, në fokus do të jetë territori dhe ekonomia. Ne besojmë që deri sot vendi ka rënë viktimë e një zhvillimi kautik. Pika më e dobët e konstatuar edhe nga KE, aletatët dhe partnerët tanë është hendeku në rritje mes asaj që ligjërojmë në letër dhe asaj që zbatojmë në realitet. Këtu jemi për të vendosur piketet për drejtimin e vendit” deklaroi Rama.

Për përballimin e kësaj sfide Kryeministri i ardhshëm theksoi se vendit tonë më shumë se kurre i nevojitet ndihma, kontributorët dhe partneriteti nga jashtë.

 

“Për të ndryshuar krejtësisht Shqipërinë na duhen kapacitete planifikuese, implementuese, dhe kapacitete njerëzore, të cilat i kemi të pamjaftueshme për të përballuar sfidën. Ndaj na duhet partneritet në këtë përpjekje. Kemi fatin të punojmë në kushtet kur Shqipëria ka miq dhe partnerë shumë të mirë, institucione ndërkombëtare të gatshme për të ndihmuar. Të gjithë këta kontributorë ne duam që të shtohen dhe të mbeten të lidhur me një proçes sa qeverisës aq dhe emancipues si për pushtetin vendor ashtu dhe atë qëndror”  shtoi ai.

Lidhur me zhvillimin urban, Rama nënvizoi se nevojitet kalimi në plane rajonale, përmes të cilave shteti duhet të  jetë ai që të drejtojë zhvillimin e territorit, jo individi.

“Para se të vija këtu, fola me një ekspert nga Hollanda e do doja që ai të shpjegonte zhvillimin urban atje ai ku nuk shihet si proces i izoluar nga zhvillimi social. Një nga arsyet e falimentimit të planeve të territorit është se ato janë zhvilluar në kundërshtim me tendencën e zhvillimit social në Shqipëri, nisur që nga ndryshimet demografike të mëdha. Asnjëhërë nuk u mor përsipër përballimi i qasjes me këtë sfidë të kohës. Të ashtuquajturat plane rregulluese kanë rezultuar tërësisht të padobishme për këta që janë stabilizuar rreth e qark qyteteve.Komunat kufitare janë kthyer nga territore të zhvillimit rural në sheshe ndërtimi për banesa e vetëm banese. Pra, ne duhet të kalojmë në plane rajonale. Një nga gjërat që duam të bëjmë është që ta vëmë nga një ndjekës impotent të zhvillimeve në drejtues. Kjo është e mundur në rast se që nga ministrat e pastaj drejtuesit e niveleve të ndryshme do të kuptojnë atë që u tha këtu se duhet të shkrijmë kufijtë e vendosur mes sektorëve, mes administrative dhe të ndërtojmë një qasje të integruar. S’mund të bëjmë më plane si piktura në letër që s’kanë lidhje me realitetin për të marrë nga donatorët fonde për të ndërtuar strategjira pas strategjirash, sepse kemi krijuar një bibliotekë të madhe me letër të pavlefshme, “-tha Rama.

Ndërkaq Zv.Kryeministri i ardhshëm, Niko Peleshi, tha se nuk jemi në zhvillim, por në nisjen historike të proçesit.

“Kjo e sotmja nuk është një zhvillim, por një rinisje historike nga fillimi dhe që përkon me fundin e tranzicionit shqiptar. Me këtë takim ne duam të marrim ide, që mund të jenë edhe të kundërta dhe do na duhet neve që jemi këtu për të ndërtuar ato qëndra që po diskutohen, ato qëndra kreative dhe ku pjesëmarrja e profesionistëve shqiptarë të fushës do jetë e pashmangshme.”

Eglantina Gjermeni, e cila do të mbulojë fushën e turizmit në qeverinë Rama tha se “ne synojmë të marrim modelet më të mira të rajonit dhe do të mbështetemi në atë që është bërë më mirë deri tani.”

Arkitektët dhe urbanistët e ardhur nga vende të ndryshme të botës do të marrin pjesë, më datat 26-27 gusht, në konferencën “Shqipëria e Gjeneratës tjetër”, që është organizuar nga Partia Socialiste. Ndersa sot diskutimet ekesperteve te huaj do te perqendrohen mbi territorin, neser debati do jete i fokusuar ne ekonomi.

 

Siri, forcat amerikane dislokohen në afërsi të Sirisë

by

Washington, 24 gusht (E plotësuar) – Pentagoni po dislokon trupa ushtarake në afërsi të Sirisë, ka pohuar sekretari amerikan i Mbrojtjes, duke shtuar se Shtetet e Bashkuara janë duke marrë në konsideratë mundësitë për ndërhyrje ajrore kundër regjimit të Bashar Al-Asadit.  
Hagel nuk dha detaje te tjera, por raportet ne media pohojnë se prania e marinës amerikane të luftës në lindje të Mesdheut është shtuar ndjeshëm. 
Sulmi i pretenduar me armë kimike ndaj civilëve, në mesin e të cilëve edhe shumë fëmijë, ka shkaktuar zemërim të madh në Shtëpinë e Bardhë, por edhe në kryeqytetet e fuqive të mëdha botërore. Për hetimin e përdorimit të helmit kimik në Bagdad tashmë ka arritur edhe ekipi i OKB-së, or ai ende nuk po lejohet të vizitojë vendin e ngjarjes. Madje, edhe Rusia, një aleate e Asadit iu bashkua apeleve te drejtuara Damaskut që të bashkëpunojë me ekspertët e OKB-së dhe t’i lejojë të hetojnë dyshimet mbi përdorimin e armëve kimike në rrethinat e kryeqytetit. Moska shtoi gjithashtu se nga kundërshtarë të regjimit pretendohet të garantojnë kalim të sigurt për misionin e OKB-së.

 NDOSHTA – SIRIA SI RASTI I KOSOVES PER NDERHYRJE HUMANITARE

Pas dyshimeve se në Siri forcat qeveritare mund të kenë përdorur armë kimike kundër popullsisë civile, administrata amerikane është duke peshuar opsionet e reagimit, ndërsa këshilltarët e sigurisë kombëtare të presidentit Obama po studiojnë modelin e sulmeve ajrore të NATO-së, ashtu si në Kosovë, pa një mandat paraprak të Kombeve të Bashkuara. Kështu shkruan sot e përditshmja The New York Times, për të shtuar se Rusia me gjasë do të vinte veto ndaj çdo veprimi ushtarak në Këshillin e Sigurimit, ndërsa presidenti amerikan po përballet me dilemën nëse mund të anashkalojë Kombet Bashkuara.“Nëse SHBA-ja sulmon një vend tjetër pa një mandat të OKB-së dhe pa prova të qarta, pyetjet që shtrohen janë se a e mbështet një gjë të tillë ligji ndërkombëtar dhe a kemi një koalicion që kjo të realizohet”, tha Obama të premten për rrjetin televiziv CNN, në komentin e tij të parë publik pas sulmit vdekjeprurës të mërkurën, transmeton RTK.
Kosova është një precedent i qartë për Obamën, shkruan gazeta njujorkeze, sepse ashtu si në Siri, atje u vranë civilë, ndërsa Rusia kishte lidhje të gjata me qeveritarët (Serbinë) që akuzoheshin për abuzimet.
“Në vitin 1999, presidenti Bill Clinton përdori miratimin e NATO-së dhe logjikën e mbrojtjes së një popullsie të pambrojtur për të arsyetuar sulmet ajrore 78 ditëshe,” shkruan The New York Times.
Zyrtarë të administratës i kanë thënë gazetës se precedenti i Kosovës (i ndërhyrjes së ngjashme ushtarake) ishte një nga shumë çështjet që po diskutohej në takimet e vazhdueshme të Shtëpisë së Bardhë, kur është fjala për krizën në Siri.
Clinton e dinte se nuk kishte asnjë shpresë të sigurohej një rezolutë nga Këshilli i Sigurimit që autorizonte përdorimin e forcës (në Kosovë). Rusia ishte një mbështetës i moçëm i Millosheviqit dhe ishte e vendosur të vinte veton e saj në Këshillin e Sigurimit për të bllokuar ndërhyrjen, shkruan gazeta njujorkeze.
“NATO ndërmori sulmet ajrore para se Millosheviqi të pranonte kërkesat e NATO-s”, shkruan ndër të tjera gazeta amerikane duke evokuar luftën e Kosovës si një shembull i mundshëm i reagimit të bashkësisë ndërkombëtare.