TRAGJEDI SHQIPTARE NE TEXAS

February 5, 2013 by dgreca

Dy motra14 dhe 17 vjeçe mbetën të vdekura në aksident.Vëllai i madh, dhe dy të tjerë mbeten të plagosur dhe u shtruan në spital/ Nga Beqir SINA/
KLIGORE – TEXSAS : Sipas gazetës Kligore News Herald : Liradona Bojkaj dhe Mërgimtare Bojkaj që të dyja studente nga shkolla e pavarur Kilgore Independent School District, mbetën të vdekura në një aksident ditën diel në Teksas. Ngjarja tragjike që mori jetën e dy vajzave fare të reja nga Kosova, me banim në Teksas, ndodhi kur u përplasen me automjetin e tyre në jug të autostradës State Hwy. 259 afër qytetit Kilgore. Ndërkohë, që tre pasgjerë e tjerë, mes tyre dhe vëllai i madh i dy viktimave të ndodhur në të njëjtëtin automjet, janë dërguar në spitalet lokale për trajtim të mëtejshëm.Sipas Departamentit të Policisë(Trooper) për Siguri Publike, zëdhënsit të saj Jean Dark, thuhet se :” Përplasja ndodhi në rreth orës 10:00 të mesnatës e ditës së diel. Simbas hetimeve paraprake automjeti drejtohej nga shoferia Hava Shala, 33 vjeçe, nga qyteti Kilgore, e cila po udhëntote drejt veriut në autostradën Statet Hwy 259 – në drejtim për në veri të qytetit Henderson, kur në tentativë për të shmangur një objekt që i ka dal në rrugë, doli nga rruga dhe u përplasë fuqishëm me hekurat mbrojtës të rrugës. Drejtuesia e automjetit Hava Shala, shtoi zoti Dark, e cila drejtonte një automjet të tipit Honda – SUV të vitit 2001, duket se për momentin e humbi kontrollin ndaj automjetit dhe e përplasi fuqishëm atë në manovër e sipër mbas hekurave, saqë minevena filloi të shkatërrohet derisa ai është kthyer disa herë në mes të rrugës.

Hava Shala shoferia e automjetit dhe pasagjeri në sediljen e parë Bennie Shala, 37 vjeç, pas aksidentit u transferuan në East Texas Medical Center në Henderson, tha ai, duke shtuar se gjendja e Murtezait dhe të Hava Shalës së paku është aktualisht duke u përmisur.
“Përplasja është ende nën hetim,” tha Dark dhe shtoi se ky : “Raport nuk është përfundimtar” sipas tij.
Tre pasagjerët e tjerë ishin në ulset e mbrapëme të automjetit kur ndodhi aksidenti.

Gazeta Kligore News Herald më tej shkruan se nxënësia e klasës së 8-të Liradone Bojkaj, 14 vjeçe, nga shkolla Maude Laird Middle School, u deklarua e vdekur e para – qysh në vendngjarje. Motra e saj, nga shkolla e mesme Kilgore High School Junior Mergimtare Bojkaj, 17 vjeç, e cila kishte dalë nga makina gjatë përplasjes vdiq më vonë në një spital aty afër zonës në qytetin Tyler.
     Vëllai i vajzave, Murteza Bojkaj, 19 vjeç, edhe ai një student nga shkolla e mesme Kilgore High School Junior megjithse kishte dal nga makina gjatë përplasjes, dhe u gjetë i gjallë në rrugë u transportuar në Spitalin më të afërt në Trinity Mother Frances Hospital, për trajtim, dhe mendohet së së bashku me tre të tjerët është jashtë rrezikut për jetën.
Superintendenti i Përkohshme nga shkolla e mesme Kilgore High School Junior Dennis Williams ka lëshuar një deklaratë pas mësimit të aksidentit fatal, që mori jetën e dy studenteve të reja të kësaj shkolle.
   “Ne jemi thellësisht të pikëlluar, kur kemi marrë lajmin e kombshëm në këtë mëngjes se kemi humbur dy studentet më të mirë në një aksident me automjetin e tyre natën e fundit,” tha ai. Mësuesit dhe nxënësit stafi i shkollës, sot janë duke vizituar shokët e klasës së dy vajzave, për të ngushëlluar ato për humbjen tronditëse, duke shtuar se sot të gjitha: “Zemrat tona dhe mendimet tona janë me familjen e kësaj humbje të rëndë.” tha Superintendenti i Përkohshme nga shkolla e mesme Kilgore High School Junior Dennis WilliamsMurtezai, ka qenë një student i diplomuar në vitin 2011 në shkollën e mesme Kilgore High School Junior dhe ka luajtur në ekipin e futbollit të Shkollës Kilgore.Sipas një nga mësuesve të kësaj shkolle Greg Brown, një numër i studentëve, sot ditën martë kan vendosur për të vizituar të shokun e tyre në spital, si edhe ata do të shprehin ngushëllimet pë humbjen shoqeve të klassës së tyre Mergimtare dhe Lirodona.
“Unë për vete jam thellësisht i pikëlluar me humbjen e papritur e dy vajzave kaq të mira,” tha Brown, duke shtuar se Liradona ishte një anëtare i ekipit të tenisit MLMs dhe një ndihmëse në bibliotekën e Shkollës.     Drjetori i Shkollës April Cox, u shpreh për gazetën lokale Kilgore News Herald se:”Ne jemi të pikëlluar se kanë humbur jetën dy anëtar të familjes sonë,” tha drejtori MLMs April Cox. “Gjithkush sot në qytetin tonë janë në zi për humbjen. Ato të dyja gjithmonë kishin një buzëqeshje në fytyrën e tyre dhe kan qenë me të vërtetë të respektuar në familjen e tyre dhe shoqërinë tonë” tha Cox, duke shtuar se”Lutjet tona të shkojnë të gjitha për familjen e saj.”
    Qytetarët e qytezës Kilgore në Teksas, kan hapur një fond për mbledhje mjetesh për familjen Shala dhe Bojkaj në një xhirollogari, që është e hapur nga qytetarët dhe bëhet nëprmjet Bankës së Kilgores “Citizens Bank of Kilgore”. Banka gjendet në adresën 301 East Main St., ndërkohë, që një filial i saj ndodhet në Kilgore’s Brookshire’s në adresën 747 N. Henderson Blvd.

PRINCI LEKA II FITON TE DREJTEN E PRONAVE

February 5, 2013 by dgreca

Leka Zogu II fiton të drejtën ligjore për të kërkuar kthimin e pronësisë/

Leka Zogu II, i njohur si Princ Leka, fiton të drejtën ligjore për të kërkuar kthimin dhe kompensimin e dy pasurive të familjes së tij, një prej të cilave është Pallati i Brigadave.
Me pretendimin se janë pronë e gjyshit të tij, Mbretit Zog, dhe se deri tani e ka pasur të pamundur ta kërkojë këtë të drejtë, Leka Zogu II i është drejtuar Gjykatës në janar 2013. Pak ditë më parë togat e zeza kanë pranuar kërkesën e Princ Lekës për rivendosje në afat të kërkesës së tij drejt Agjencisë së Kthimit dhe Kompensimit të Pronave për këto prona.
Sipas vendimit të Gjykatës, pronat në fjalë janë dy pasuri të paluajtshme, të njohura si “Pallati i Princeshave”, sot Biblioteka e Librit të Huaj, si dhe “Pallati Mbretëror”, sot Pallati i Brigadave, njoftojnë mediat në Shqipëri.
Në vendimin e shpallur më 25 janar nga gjyqtarja Blerona Hasa, thuhet se kërkuesi, Princi Leka, nuk ka pasur mundësi të kërkonte më parë kthimin dhe kompensimin e pronës, pasi nuk zotëronte dokumentet e pronësisë.
Sipas vendimit, këto dokumente trashëgimtari i vetëm i familjes mbretërore i ka “shtënë në dorë” vetëm pas datës 17 janar 2013. Referuar ligjit përkatës, ish-pronarët mund t’i drejtoheshin AKKP-së deri më datë 31 dhjetor 2008. Pas kësaj date e drejta për të depozituar kërkesën mund të bëhej vetëm nëpërmjet gjykatës.

KUJTESE-ME 4 SHKURT U NDA NGA JETA NE LAS VEGAS POETI AVNI MULAJ

February 4, 2013 by dgreca

Tre vjet të shkuara, me 4 shkurt 2010, u nda nga jeta në Lasvegas poeti dhe dramaturgu Avni Mulaj. Po e risjellim si homazh kujtese dhe nderimi përcjelljen që i bëri studuesi dhe përkthyesi Pirro Dollani, marrë nga arkivi i gazetës Dielli si dhe cikel poezish te po atij numri!I perjetshëm kujtimi dhe vepra e poetit!(Dielli)/

LUM AI PER KUJTIMIN QE LA PAS!

Nga Pirro Dollani/

Askush nuk do të dëshironte të fliste në një tubim të tillë, askush! Dhe aq më pak kur objekt i kësaj fjale të përmortshme është miku ynë, babai, vëllai, bashkëshorti, njeriu dhe poeti Avni Mulaj! Vdekja është gjithnjë tragjike, madje kur është e parakohshme dhe kur merr njerëz të tillë si Avniu, ajo bëhet edhe më e papërballueshme. Eshtë kjo arsyeja, që pa i mbyllur sytë mirë, disa gazeta, revista këtu në Amerikë dhe Shqipëri filluan të botojnë artikuj mbi vdekjen e tij nën tituj të ndryshëm: Revista online “Bota Sot” me datë 4 shkurt, pikërisht ditën që Avniu u nda prej nesh, njoftoi lajmin nën titullin “Vdes dramaturgu Avni Mulaj.”

Revista “Voice of Albanians –Zëri i Shpiptarëve” po me date 4 Shkurt, botoi shkrimin me titull “Vdiq në Las Vegas “Poeti dhe dramaturgu i njohur shqiptar.”

Revista poetiko-letrare POETEKA, që botohot në Shqipëri, dhe shpërndahet në disa universitete të ndryshme të botës, në numrin e saj që sapo doli, i ka kushtuar 10 faqe krijimtarisë së Avniut me titull:Homazh për Avniun.

Edhe reagimi i miqve dhe i qarqeve letraro-artistike ka qenë i menjëhershëm. Nga shumë miq të mi, që janë njëherazi edhe miq të Avniut, kam marrë me dhjetëra mesazhe, dhe pikërisht pak çaste mbas vdekjes së tij. Më lejoni t’ju citoj disa prej tyre:

Poeti Arjan Leka, njëkohësisht edhe kryeredaktor i revistës POETEKA, më shkruan kështu për të: “Avniu ishte njeriu që kurrë nuk deshi të binte në sy!”

Shkrimtari Viktor Canosinaj: “Mbaj mend që më ka lexuar vëllimin e parë me poezi dhe ishte njeri tepër pozitiv. Pikërisht këta njerëz Zoti nuk i lë të jetojnë gjatë. Mister.”

Poeti Rudolf Marku shkruan kështu: “Lajmi për Avniun është tronditës. Një Poet dhe një Mik më pak, në këtë botë do të thotë më shumë banalitet dhe ligësi.”

Aktori Mirush Kabashi shkruam: “I qoftë i lehtë dheu; dhe i lumi ai për kujtimin që la!”

Mesazhe të kësaj natyre kanë cuar, edhe shumë shkrimtarë e artistë të tjerë, ndërmjet tyre, gazetari Dalip Greca, poetja Luljeta Lleshanaku, regjisori Saimir Kumbaro, shkrimtarët Zija Cela, Gjergj Vlashi, Moikom Zeqo, Met Dervishi, Hajg Zahariaj, Petraq Risto, etj. Por më lejoni të përmend edhe një herë fjalët lapidare të Mirush Kabashit: “dhe i lumi ai për kujtimin që la!!!” Vërtet: i lumi Avni për kujtimin që po lë!”

Këtë mëngjes më zgjoi zilja e telefonit. Ishte shkrimtari Pëllumb Kulla nga Nju Jorku. Mbasi më ngushëlloi edhe mua si shok e mik i Avniut dhe i Teutës, shtoi “më vjen keq që nuk mund të jem aty pranë Avniut, por të lutem thuaji Teutës, Ervinit e Sidit që në orën 10 të Nju Jorkut, që është ora 1 me të Las Vegasit, miqtë e tij këtu në Nju Jork, të gjithë ne, do të jemi zemër e mendje aty me ju.”

C’magji kishte Avniu që njerëzit e cmojnë dhe e duan kaq shumë? Përvec talentit poetik e aftësisë për të kapur nuancat më të holla të ndjesisë njerëzore, ai kishte edhe një shpirt kaq bujar, delikat e njerëzor, e ishte kaq paqësor saqë po të ishte Presidenti i Shqipërisë, pa dyshim partitë politike në Shqipëri e Kosovë do t’i shihnim duke u puthur me njëra-tjetrën! Kur punonte në teatrin e Durrësit si libretist, ai ishte debulesa e aktoreve të bukura. Dhe kur Avniu nuk ua varte, ato shkonin ankoheshin tek Teuta për indiferentizmin që tregonte ndaj tyre. Do të thoni ju pse nuk ua varte? Sepse Avniu zemrën ua kishte dhënë dy dashurive: Poezisë dhe Teutës! (Njerëzit që e njohin Avniun me mirë sesa unë, thonë që përvec këtyre dy dashurive, Avniu kishte edhe pikturën e shahun! Ai ishte një piktor e shahist i shkëlqyer!) Ja si shkruan në një poezi që i ka kushtuar Teutës, një poezi që ka vetëm tri vargje, por që nga ngarkesa emocionale ka peshën e një poeme dashurie:

Mrekullitë mbeten gjithmonë Shtatë,

Për shkak të ligjit të rotacionit,

Teuta, mrekullia ime e tetë, konstante!

Në një poezi tjetër dashurie, këtu jam i paaftë të them nëse ia ka kushtuar Teutës, Poezisë, Pikturës, Shahut, apo ndonjë tjetre, psh. Frides “së shkretë” që qysh prej 10 vjetësh Avniu e mbajti me shpresa (ndoshta gënjeshtra!!!) se do t’i bënte një vjershë. Poezia mban titullin:

Për të gjithë kafazet

Pse kërkon të më mbyllësh në kafaz e dashur

Kafaz me shufra hekuri të rëndë

Më kot e ke, unë hekurat i zbus

Dal jashtë dhe ti prap brenda më gjen.

Si poet Avniu ka botuar 7 libra me poezi dhe ka shkruar 2 drama, njëra nga të cilat “Gërsheti i Luftrave” që i kushtohet Shote Galicës, eshtë shfaqur shumë herë në Televizionin shqiptar. Avniu bë i njohur si poet i talentuar qysh me veprën e parë poetike “Valbona e Kaltër” që e botoi kur ishte 24 vjec. Përmes librit të tij, Valbona u bë simboli i bukurisë shqiptare, simbol i natyrës dhe i shpirtit njerëzor. Pas këtij botimi emri Valbona u bë shumë popullor, brenda e jashtë vendit.

Edhe pse Avniu ka qenë i rrethuar gjithnjë nga dashuria e miqve, e shokëve, dhe e lexuesve të tij, përsëri durrsakët, sidomos djemuria e dikurshme, janë njëcikë prishaqejf dhe të prekur në sedër që ky djalosh simpatik, ashtu sic në legjendat e lashta shqiptare e si në eposin e kreshnikëve, zbret nga bjeshkët e kaltra, kapton nëntë male e fusha, nëntë lumenj, liqene e ujëvare e zbret në Durrës e u rrëmben durrsakeve vajzën më të bukur, pikërisht atë që mban edhe emrin e mbretëreshës ilire, Teuta.

Për Avniun mund të flasësh pa fund, jo vetëm për jetën, por edhe për qëndrimin stoik gjatë sëmundjes së flamosur që e ndau prej nesh. Ai iku nga kjo jetë ashtu i qetë, pa u ankuar, pa bezdisur askënd. Pikërisht ashtu sic edhe jetoi cdo sekondë të jetës së tij. Por a iku vërtet?. . .

Një pjesë e tij vërtet do të iki, por shpirti, zemra, ndjenjat, emocionet, zëri e fjalët e tij, dashurinë për jetën, miqtë, Teutën, Ervinin, Sidin, për Shqipërinë dhe Kosovën që aq shumë e donte, do të mbesin gjithnjë me ne. Ja, mjafton të zgjatim dorën e të hapim librat e tij, “ai do të zbresë e do jetë përherë me ne.”

“Lum ai për kujtimin që po lë pas!” Las Vegas, 6 shkurt 2010

Avni Mulaj

SERUM

Pikë pikë

Kur asidentalisht ndalon

Një bip alarmon ajrin

Vena e njerëzimit

Kërkon ndihmë.

DITË NË SPITALIN SUNRISE

Krevat i ngushtë plot butona, sinjale

Si shtrat topi kundërajror.

DHOMË PACIENTI NË SPITALIN SUNRISE

Gjithë kohës dera gjysëm hapur

lëvizje bluzash të bardha

Karroca me kazanë gjellësh

Barrela emergjence, nën carcaf: njeriu

S`duket asgjë prej tij, veç forma

Dikur dikush bërtiti fort:

A keni derë në shtëpinë tuaj?

LULE TË FRESKËTA TE KOMODINA

Bob Shuman, më gjeti në gjumë

La te komodina dy-tri lule të freskëta

Dhe një urim me shkrim dore

Mbi një kartolinë të improvizuar

Me një copë kartoni.

MALL PËR DURRËSIN

Ika larg s’di si ika

Një udhë tjetër digu larg

Me ty në mendje Durrës

Hepohem, kreshpohem sa s’bi.

Kur befas ti më mban-

Vegim I vagullt lumturues

Endërr, zgjëndërr drejtpeshues.

Kur të kthehem

Si nga dëshirë e ëmbël për të vdekur

Le të shtrihem në supeduart – vig.

Gjithkund u mbajta fort, s’rashë,

Aty symbyllur le të bie.

LEJOME

(Kosovës time të lirë)

Mbi kokën e lartë krenare

Të vë kurorën e lirisë-

Lejomë.

Martirëve panumër

T’u bie në gjunjë

Lejomë

të vdes e të ringjallem

Në gazmendin e sharkive

Të mbaj plisin tënd të bardhë

Të krenohem me ty

Lejomë

Të mbaj zemrën tënde

Mes duarsh pishtar

Të çoj shekujve lajmin e fitores

Lejomë!

E DESHA NJE VATER

E desha një vatër me Diell, si Dielli

Frymë Perëndie që s’e le të shuhet,

Flakë që rritën në qiell prej shkëndijash,

Duar-zemra pleksur, trazuar si urët.

Një vatër fjale shqipe të magjishme,

Një vatër urtësie prej Rilindasish,

Një vatër besëlidhje gjaku, vëllazërimi,

Ideali kombëtar- yll i zjarrtë që ndrit.

Një vatër korifejsh-maj’ e lavdisë,

Një Nol, një Fishtë, një Konicë, një Kadare,

Një vatër –tempull i mirësisë, shënjtërisë,

Një Nënë Terezë-gjith mrekullia mbi dhe.

Një vatër gjith rrethore Dibre, Çamërie, Kosove,

Sofër përplot shtruar në gosti natyre,

Vargmale, lumenj, detra, liqene përrallore,

Katër stinë-tablo pikture të përkryer.

E desha një vatër ku të mos ndjehem vetëm

Rrezet t’i nis me shpejtësinë e dritës,

Një vatër-flakadan-një shekulli termetesh

Si “Vatra”- shqipja jonë e Amerikës.

Disa nga titujt e veprave të poetit Avni Mulaj

Valbona e kaltër poezi 1974
Orët e mia poezi 1976
Currila poezi 1978
Sirena të qytetit tim poezi 1984
Gërsheti luftrave dramё 1985
Serish galicët dramё 1998
Versionet e botёve poezi 2003
Njeriu shkurtabiq me dërrasën e gjatë mbi sup poezi 2008
Flamujt e kopshtit poezi 2009

Veç titujve të sipërshënuar krijimtaria e tij poetike është botuar periodikisht në

“Zëri i Rinisë”, Studenti”, “Drita”, “Nëntori”, “Albania e Vogël”, “Poeteka”, “Dielli”, “Illyria” etj.

2013 : Parashikimi: “Një mot i pazakontë në New York, – Një pranverë e hershme!”

February 3, 2013 by dgreca

BEQIR SINA, New York/

“Parashikuesi i motit” një lloj specie e veçantë e kafshëve nëntokësorë i llojit të Urithëve, të cilin njujorkezët e kan quajtur Staten Island Chuck, ka treguar me shenja hijen e tij se: “Ky sesion do të nisi sipas tij me nje pranverë të hershme!” Pra, sipas “metereologot” njujorkez Staten Island Chuck,:”nuk do të kemi më dimër dhe pranvera po vjenë!” /

TATEN ISLAND NEW YORK : Sipas një tradite njujorkeze Kryetaria e Këshillit të Bashkisë së Qytetit të New York, Christine Quinn, e shoqëruar nga disa zyrtarë të lartë të qytetit dhe ata lokal, në praninë e më shumë se 25 mijë qytetarëve, u “takua ” dje në mëngjes në praninë e gazetarëve njujorkez, në koposhtin zologjik të ishullit Staten Island me “parashikuesin e motit” i cili quhet Staten Island Chuck, për të marrë nga ai parashikimin e motit për sesionin e ri 2013.

Mirepo kësaj rradhe Kryetari i Bashkisë së New Yorkut, Michael Bloomberg, i cili këto vitet e fundit e ka vizituar gati për çdo vjet Urithin – Staten Island Chuck, dhe dje nuk ishte vizitor ngaqë vitin e kaluar Urithi e pati kafshuar atë, tha se ky parashik kësaj rradhe nuk është i vërtet.

Multimiliarderi në fjalë, Kryetari i Bashkisë Bloomberg, sipas gazetarëve nuk e ka bërë këtë vit vizitën në kopshtin zoologjik Staten Island, më “shumë për zhgënjimin e tij”. Megjithatë, Kryetaria e Këshilli të Bashkisë së Qytetit Christine Quinn së bashku me Presidentin e Manhattanit Scott M. Stringer, me një duzinë zyrtarësh lokla ishin të pranishm në festën njujorkeze të 2 Shkurtit Groundhog Day.

Christine Quinn e “hodhi” poshtë dekleratën e Kryetari i Bashkisë Bloomberg, duek thënë: “Ne kemi pasur sot një konferencë të vogël me Staten Island Chuck, dhe duke “ironizuar” Bloomebergun, ajo tha se ” Staten Island Chuck, i kishte thënë asaj për të dhënë kryetarit të Bashkisë një parashikim të mirë- “nuk do të kemi më dimër dhe pranvera po vjenë!”.

Gazetarët thanë se prediction – parashikimi i Staten Island Chuck, është i ndryshëm me paparashikimin e entiti meterologjik, i cili është konsideruar si nji nga prognostikatorët e çuditëshëm. Ata thonë se:”Kemi te bëjmë me shenjat e tij, të cilat i kuptojn vetëm kujdëstarët e tij dhe zoologët në kopshtin zoologjik në ishullin njujorkez Staten Island,” thuhet në një deklerat për median, të cilat “tregojnë, “se Urithi i quajtur nga njojorkezët Staten Island Chuk, edhe kësaj radhe, në ornë 7:30 të mëngjesit të djeshëm nuk e ka parë hijen e tij, “, gjatë një ceremoni e cila u zhvillua në kopshtin zoologjik Staten Island.

Nentokesori i quajtur Chuck, një lloj specie e cila ngjanë shumë me Urithin, në Shqipëri, tregon se ka parashikuar se moti këto ditë do të jetë më i butë, dhe ka të ngjarë të jetë i tillë(megjithëse sot ka rënë një borë e lehtë), në New York, deri në pranverën sesionale që fillon më 1 Mars sipas kalendarit vjetor –

Deri tani thuhet se “Të gjithë njujorkezet janë të çuditur me parashikimin kaq të saktë të Staten Island Chuck në kopshtin zoologjik, mbasi këto ditë me të vërtet i gjithë New Yorku, është i përfshirë në një mot të butë, me perjashtim të këtij mëngjesi i cili filloi ka gdhirë me “një mantel” shumë të hollë bore.

Ky parashikim tradicional në New York, i njohur si 2 Shkurtit Groundhog Day vjen nga Staten Island Chuck, një lloj nëntoksori, i ngjashëm me Urithin që njohim ne shqiptarët, dhe më zyrtarisht kjo datë njihet ketu në New York, si dita e përcaktuar nga Charles G. Hogg .

Sipas meterologëve njujorkez, është pikërishtë kjo specie që është zgjedhur për prognozuar – parashikuar motin, njësojë si ndonjë meteorologjist zyrtar motin po në të njëjtin sesion ne New York City. Pra, është Staten Island Chuck, i cili parashikon kohëzgjatjen e dimrit çdo 2 shkurt në Ditën e që thirret Groundhog. Ditë, kjo që zyrtarisht tërheq vëmëndjen e opinionit njujorkez, çdo vit në këtë kohë.

Specialistët thonë se Staten Island Chuck, e bën këtë në bazë të një parashikimi i cili rezulton duke parë hijen e tij në orën 07:30 të mengjesit, kur ai del nga kasollaja e tij në 2 Shkurt ditën që quhet Groundhog Day. Kjo ceremoni në kopshtin zoologjik shpesh herë është pjesë zyrtare e cila ndiqet edhe nga Kryetari i Bashkise së Qytetit të New Yorkut dhe autoritete vendore.

“Parashikimi” i motit prej Urithit Staten Island Chuck , sipas meterologve është në mosmarreveshje me parashikimin shkencor Punxsutawney Philadelfia , mbasi Staten Island Chuck, ka treguar shenjat që tregojnë se “Këtë sesion New Yorku është në një pranvere të hershme, ndërkohë që Punxsutawney Philadelfia nuk mendon ashtu si Staten Island Chuck”.

NGJARJE NGA TROJET ETNIKE- PROTESTUAN SHQIPTARET E PLAVE- GUCISE

February 3, 2013 by dgreca

Nën Organizimin e të gjitha subjekteve politike shqiptare dhe të Shoqatës ” Alpet Shqiptare”, (01.02.2013) në Plavë u mbajt Protesta popullore e Shqiptarëve, kundër shkeljes te të drejtave të popullit tonë nga ana e institucioneve lokale e shtetërore të Malit të Zi.Protesta u mbajt para Pallatit të Kulturës, në Plavë, ku në ato çaste mbante mbledhjen Kuvendi Komunal i Plavës .Në proteste, folën kryetarët e Degëve të Partive Shqiptare të Plavës e Gucisë .
Nga folësit u parashtruan dhe kërkesat e tyre e të protestuesve. Kërkesat kryesore të kësaj proteste ishin:

1. Kuvendit komunal Plavë,që të shfuqizohet vendimi antikushtetues i aprovuar me 23.11.2012.
2. Kërkojmë nga gjykata kushtetuese të respektoj kushtetutën dhe të anuloj vendimin e Kuvendit Komunal (të Plavës) të datës 23.11.2012.
3. Kërkojmë nga kuvendi komunal që në asnjë mënyrë mos t’i miratoj rezultatet e referendumit për statusin e komunës së Gucisë, për shkak të shkeljes së procedurës zgjedhore.
4. Kërkojmë nga Ministria e Punëve të Brendshme që ta anuloj mendimin nr; 011/12-2279 të datës 29.10.2012, në bazë të ankesës së subjekteve politike të Plavës dhe Gucisë, në lidhje me elaboratin për arsyeshmerinë ekonomike të komunës së Gucisë.
5. Ftojmë vëllezërit boshnjak që të mos i përkrahin iniciativat e disa individëve për ndarje dhe përçarje, duke pas parasysh të kaluarën, të sotmen dhe të ardhmen e përbashkët.
6. I bëjmë apel faktorit ndërkombëtar që të shfrytëzoj ndikimin e vet tek institucionet e Malit të Zi , kundër shkeljes te të drejtave tona, për ndryshe integrimi i Malit te Zi drejt Bashkimit Evropian do të mbetet një rruge qorre .
7. Ftojmë Tiranen dhe Prishtinën zyrtare që të merren më seriozisht me problemet e popullit të vet në Serbi dhe në Malin e Zi.

Gjatë protestës dëgjoheshin dhe brohoritje me përmbajtje të ndryshme nga protestuesit, të cilët mbanin edhe pankarta në duar. Disa nga brohoritjet e tyre, mes të tjerash ishin:
‘Shqipëri Etnike’ , ‘Duam të drejtat tona’ , ‘Plavë-Guci , Jemi Një’ , ‘ Shkelja mbi të drejtat tona, nuk është teren i sigurt’ …etj.
Pankartat që mbanin në duar, ishin shumica në gjuhën Shqipe, dhe ndonjë në gjuhën Angleze e Boshnjake (për t’u kuptuar dhe nga tjerët). Në to kishte përmbajte të ndryshme, si për shembull : ‘Shkelja mbi të drejtat tona nuk është teren i sigurt’, ‘S’vendoset për neve, pa neve’, ‘Plavë-Guci – Jemi Një’, ‘Nuk jemi numër i madh, por jemi “kafshatë” e madhe’, ‘ Ata që kërcënojnë Shqiptarët me gojën e kujt po flasin ?’, ‘You can’t go in EU, by walking upon the rights of Albanians (Ju nuk mund të ecni drejt EU-së, duke shkelur mbi të drejtat e Shqiptarëve)’ … etj.
Protesta përfundoi e qetë dhe pa incidente.

Për Malesia.Org: Skender Hasangjekaj , Plavë