Kronike – Page 581 – Dielli

NDAHET NGA JETA “BABAI” I SPELEOLOGJISE SHQIPETARE

December 18, 2012 by dgreca

Ditën e hënë, më 17 dhjetor 2012, u nda nga jeta Prof. Gezim Uruçi dhe padyshim njëri nga speleologët më të shquar në historinë e sepeleologjisë shqiptare./

NGA RAJMONDA MOISIU/

Profesor Uruçi konsiderohej nga të gjithë si “babai” i speleologjisë në vendin tonë, gjë të cilën ai e kishte vërtetuar më së miri.Profesor Gëzim Uruçi, ishte vetëm 5 vjeç, kur në vitin 1950 së bashku me babanë e tij, zbuluan shpellën e Gajtanit pranë fshatit Gur i Zi në Shkodër. Ky ishte vetëm fillimi i një pasioni të madh në fushën e speleologjisë për shkodranin Gëzim Uruçi, i cili konsiderohet si eksploratori më i madh shqiptar i të gjitha kohërave. 62-vjeçari është eksplorues i rreth 3200 shpellave në të gjithë botën dhe mban titullin Profesor Honoris në shkencat speleologjike. Ndonëse 12 vjet më parë një sëmundje e la invalid, ai me një përpjekje mbinjerëzore e mposhti atë. Edhe pse me paterica, Uruçi është pjesë aktive e ekspeditave ndërkombëtare. Shkodra njihet si qyteti që ka nxjerrë emra të shquar në fushën e artit, kulturës dhe të shkencës. Një prej tyre është Gëzim Uruçi. Në vitin 1994, Unioni Internacional i Speleologjisë në Bruksel i dha titullin Profesor; Federata Bullgare e Speleologjisë dhe Unioni Internacional i Astronomisë, e kanë nderuar me medalje; më 1994, në Spanjë iu dha çmimi “Juri Gagarin”.
Ndërsa më 2001, Instituti Biografik i Kembrixhit e përfshiu ndër intelektualët më të shquar të botës. Uruçi është përfshirë në 8 enciklopedi ndërkombëtare, ku e fundit është ajo e vitit 2006 (enciklopedia e speleologjisë së Bullgarisë). Aktualisht, 62-vjeçari që nderoi e nderon qytetin e tij të lindjes dhe Shqipërinë në arenën ndërkombëtare, merr pjesë çdo vit në mjaft konferenca ndërkombëtare.

/ Pasioni për Speleologjinë/

Gëzim Uruçi, pasionin për zbulime e kërkime e ka trashëguar nga babai i tij, Myftar Uruçi. Ky i fundit, i diplomuar në Perëndim, në vitin 1936, krijoi në Shkodër me disa shokë të tij, shoqërinë e bjeshkatarëve e shpellarëve, si pjesë e shoqërisë “Vllaznimi”. Po nga babai, Gëzimi trashëgoi dhe pasionin për alpinizmin. Në vitin 1970, ai krijoi grupin e parë të speleologëve shqiptarë. Por sipas urdhrit të dhënë nga qeveria e asaj kohe, ky grup speleologësh duhet të shkonin vetëm në disa shpella për eksplorim, si në atë të Jubanit dhe Zhylës në Shkodër; Pirogashit në Jug dhe e Piratëve në Dhërmi. Zhvillimi i speleologjisë do i çonte arkeologët në zbulime të rëndësishme; si mbishkrime të lashta; instrumente litikë; piktura neolitike, siç janë ato në shpellat e Dukagjinit e Kelmendit në Shkodër; në shpellën e Trenit në Korçë; në shpellat e Karaburunit; Dhërmiut e Himarës. Në vitin 1972, zbulimet e tij bëhen prezent në Akademinë e Shkencave, ku Gëzim Uruçi pranohet si bashkëpunëtor për speleologjinë, ndërsa punonte si teknik i mesëm në uzinën mekanike “Drini” në Shkodër.

/ Rreziqet/

Eksplorimet në shpellën e Gjolajve në Bratosh të Bajzës, atë të Bijës së Husit në Bogë, shpellën e Majës së Harapit në Theth, shpellat e Konispolit e Karaburunit, janë ato që kanë lënë dhe mbresat më të pashlyeshme tek speleologu Uruçi. Duke rrëfyer për emocionet dhe rrezikshmërinë, ai tregon se mjetet që përdoreshin ishin mjete primitive empirike, pasi mungonin pajisjet e posaçme dhe teknika përkatëse. “Këto mjete prodhoheshin nga ne, si gozhdët për shkëmbinj, ganxhetat, shkalla prej litari etj. Përdornim dhe mjetet e alpinizmit. Për kaskë mbrojtëse merrnim kapele minatorësh, të cilat i gjenim privatisht me anë të lidhjeve shoqërore e miqësore me minatorë”, – tregon 62-vjeçari. Ai thotë se ishte tepër e rrezikshme futja e lëvizja nëpër hapësirat e sifoneve, të cilat janë gropa në formë omega, si vezore të mbushura me ujë, në pozicione të ndryshme nën tokë, në thellësi 150-300 m. “Të gjitha pajisjet e zhytjes prodhoheshin nga ne. Maskat e fytyrës i bënim me lozen e gomave të vjetra të makinave, të cilat nuk përdoreshin më. Tek sytë vinim xham të zakonshëm si dhe faqet gominash të makinave Çentauer. Tubat lidhës i modifikonim me tuba gome të ndryshëm, dhe këto i bënim në fshehtësi. Kjo për faktin se nuk lejohej përdorimi tyre, pasi mund të përdoreshin për arratisje”, – rrëfen Uruçi. Sipas tij, disa prej këtyre mjeteve ruhen dhe sot në muzeun e tij privat. Gëzim Uruçi tregon se të dhënat që grumbullonin ia dorëzonin Akademisë së Shkencave. Në mjaft raste të studimeve, anëtarët e kësaj akademie u referoheshin të dhënave të tyre (speleologëve).

/ Apartamenti Muzè/

Shtëpia ku jeton Gëzim Uruçi së bashku me familjen e tij ndodhet në katin e pestë të një pallati në qytetin e Shkodrës, por ajo mund të quhet mjaft mirë një muze i arkeologjisë e speleologjisë, një qendër studimore ku arkivi, fototeka e biblioteka kanë zënë çdo hapësirë. Në çdo mur të apartamentit të tij shikon të ekspozuara objekte të gjetura në shpella apo gërmime arkeologjike. Ai ruan në arkivin e punës së tij (fototekë) filma dhe foto të bëra me teknikë dixhitale, rreth 1.300.000 të tilla të skeduara me indeks shkencor sipas sistemit të fototekës ‘Marubi’. Thuajse gjysma e tyre i përket studimeve speleologjike, me foto bardh e zi dhe kolor, ndërsa ka dhe mjaft diapozitiva. Edhe biblioteka e tij personale është ndër më të mëdha të biblioteka private, ku përfshihen mjaft literature për gjeografinë dhe speleologjinë. Lidhur me bibliotekën e tij personale, Uruçi sqaron se në vitin 1990 ka pasur oferta nga shteti i atëhershëm për t’ia dhuruar atij, kundrejt një këmbimi qesharak (do e dërgonin të punonte mësues në një fshat afër Shkodrës). Madje pas 1990-ës nuk i kanë munguar dhe interesimi për arkivin e tij nga universitete të huaja që kanë afruar çmime të pëlqyeshme, por që janë refuzuar, pasi dorëzimi i kësaj pasurie për Uruçin do të thotë të tradhtojë pasionin e jetës së tij si dhe traditën e familjes. Vetëm letërkëmbimi i familjes dhe i tij përmban rreth 13.000 letra në 18 gjuhë të ndryshme të botës, ku nuk mungojnë ato me 70 universitete të huaja dhe 30 akademi. Literatura që ka biblioteka familjare e tij, i përket fushave të etnografisë, astronomisë, arkeologjisë, speleologjisë, muzikës empirike, mjekësisë antike etj. Për të sistemimin e ruajtjen e kësaj pasurie e ndihmon dhe vajza e tij.

SHBA: 31 TRAGJEDI NE 13 VJET NGA TE SHTENAT ME ARME ZJARRI NE MASE

December 18, 2012 by dgreca

Njëra nga dy tragjeditë më të rëndat është ajo që ndodhi më të premten në mëngjes, më14 dhjetor 2012 , ku mbeten të vrarë 27 persona të cilët u qëlluan dhe u vranë në një Shkollë Fillore Sandy Hook në Newtown, Connecticut , në mesin e tyre 20 fëmijë të moshës 5 deri në 10 vjeç./

NGA BEQIR SINA, New York/

Të premten në mëngjes, më14 dhjetor 2012 , 27 persona u qëlluan dhe u vranë në një Shkollë Fillore Sandy Hook në Newtown, Connecticut . Sipas burimeve, 20 prej këtyre viktimave ishin fëmijë të moshës nga 5 deri në 10 vjeç. Kjo është një ndër dy ngjarjet më të rëndë në historinë e të shtënave masive në shkollat në SHBA. Duke iu referuar ngjarjes më të fundit kur Adam Lanze 21 vjeç pasi vrau nënën e tij në shtëpi, shkoi në shkollën fillore Sandy Hook dhe vrau 27 fëmijë dhe anëtarë të stafit të shkollës(mësueset) dhe më pas vrau veten, është ngjarja e 31 të, që ndodhë në historinë e hapjes së zjarrit me armë në masë në Shtetet e Bashkuara.

Sipas raporteve që ka nxjerrë shtypi amerikan këto ditë pas ngjarjes së fundjavës së kaluar nga nga 31 aktet të tilla ndaj atyre që kan ndodhur në shkollat në SHBA kjo është më e madhja që nga viti 1999 në Shkollën e Mesme Columbine kur 13 vetë u vranë, nga të shtënat e pakuptimta. Raportet tregojnë se shkalla e njerëzve të vrarë nga armët e zjarrit në duart e njerëzve SHBA është 19.5 herë më e lartë se nga vende të ngjashme me zhvillimin në botë. Në 30 vitet e fundit që nga viti 1982, Amerika ka mbajtur zi të paktën për 61 vrasje masive.

Më poshtë është një afat kohor 13 vjeçarë të vrasjeve në masë pas të shtënave me armë zjarrin në SHBA të cilat janë nxjerrë nga ajo që ndodhi në masakrën Shkollën Columbine High School:
11 dhjetor 2012. Të martën, 22-vjeçari Jacob Tyler Roberts ka vrarë 2 persona dhe veten e tij me një pushkë vjedhur në qendër të qytetit Clackmamas në Oregon. Motivi i tij është i panjohur.
27 shtator 2012. Pesë veta u qëlluan për vdekje nga 36-vjeçari Andrew Engeldinger në Accent Signage Systems në Mineapolis, Minnesota . Tre të tjerë u plagosën. Engeldinger qëlloi në masë me armëzjarri i “egërsuar” pas humbjes së punës së tij, në fund të fundit duke vrarë edhe ai veten.

5 gusht 2012. Gjashtë anëtarë të një tempulli sik, u vranë kur 40-vjeçari veteran i ushtrisë amerikane Wade Michael Page hapi zjarr në një ditë të shenjët të tyre në Oak Creek, Wisconsin. Katër të tjerë u plagosën, dhe Page më pas vrau veten.
20 korrik 2012. Gjatë premierës së mesnatës të filmit The Dark Knight Rising në Aurora, Colorado, 24-vjeçari Jejms Holms la të vranë 12 persona dhe plagosi 58 të tjerë. Holmes u arrestua jashtë teatrit.
29 maj 2012.. Ian Stawicki hapën zjarr mbi lokalin Racer Espresso Cafe në Seattle, Washington, duke vrarë 5 vetë dhe pas vetveten.
6 prill 2012. Jake Egland, 19 vjeç, dhe Alvin Watts, 32 vjeç, qëlluan me motive racore 5 burra të zinjë në Tulsa, Oklahoma, nga të shtënat tre vdiqën.
2 prill 2012. Një ish-student, 43-vjeçari One L. Goh ka vrarë 7 persona në Oikos University, një kolegj i Krishter Korean në Oakland, California. Të shtënat ishin vdekjeprurëse gjashtë të vdekur nga masakra e shkollës në SHBA dhe ishte sulmi i dytë vdekjeprurëse në një shkollë të lartë që nga viti 2007 masakrës Virginia Tech.
27 shkurt 2012. Tre studentë u vranë nga po i njëjti studentë i asaj shkolle i cili quhej Thomas “TJ” Lane, në një protestë në Shkollën e Lartë në Chardon Chardon, Ohaio. Tre të tjerë u plagosën.
14 tetor 2011. Tetë persona kanë vdekur nga të shtënat në një sallon e flokëve – Salloni Meritage në Seal Beach, California. I armatosuri, ishte 41-vjeçari Scott Evans Dekraai, gjashtë gra dhe dy burra mbeten të vdekur, ndërkohë që vetëm një grua ka mbijetuar. Kjo ishte vrasja më vdekjeprurëse në Orange County në të shtënat e pakuptimta në masë.
6 shtator 2011. Eduardo Sencion, 32 vjeç, hyri në një restorant IHOP në Carson City, Nevada dhe e qëlloi 12 njerëz. Pesë vdiqën në vend, duke përfshirë edhe tre anëtarë të Gardës Kombëtare.
7 korrik 2011. Shtatë persona u qëlluan për vdekje, kur Rodrick Dantzler sqëlloi në një tubim në Grand Rapids, Mchigan. Ai vrau ish-të dashurën e tij, motrën e saj, dhe vajzën 10-vjeçare të motrës së saj, ish-gruan e tij dhe vajzën e tij para se të vriste veten

8 janar 2011. Ish kongresistia demokrate e Arizonës Gabby Giffords u qëllua në kokë, kur 22-vjeçari Jared Loughner hapi zjarr mbi një turmë njerëzish në një miting elektoral në një qender tregtare në Safeway në Tucson, Arizona. Gjashtë njerëz vdiqën, përfshirë Gjykatësin e Përgjithshëm të Qarkut – Gjyqtarin Roll John, një prej anëtarëve të stafit Giffords ‘, dhe një vajzë 9-vjeçare. 19 veta gjithsej u qëlluan nga të shtënat e pakuptimta. Loughner është dënuar me shtatë herë dënim me vdekje plus 140 vjet, pa kusht.
3 gusht 2010. Omar S. Thornton, 34 vjeç, ka qëlluar me armë zjarri në Distributorin e Birrës në Hartford në Manchester, Connecticut , pasi u kapë duke vjedhur birrë. Nëntë u vranë, duke përfshirë Thornton, dhe dy të tjerë u plagosën.

5 nëntor 2009. Dyzet e tre persona u qëlluan nga një psikiatr i ushtrisë amerikane Nidal Malik Hasan në bazën ushtarake Fort Hood në Teksas. Hasan thuhet bërtiti “Allahu Ekber!” para hapjes së zjarrit, duke vrarë 13 ushtarë dhe duke plagosur 29 të tjerë.

3 prill 2009. Jiverly Wong, 41 vjeç, hapi zjarr në një qendër emigracioni në Binghamton, New York para se të kryete vetëvrasje. Ai vrau 13 persona dhe la 4 të plagosur.

29 mars 2009. Tetë persona kanë vdekur nga të shtënat në Qendrën Pinelake të Shëndetësisë dhe Pinelake dhe Shërbimit Shëndetësor të Rehabilitimit në Carthage, North Carolina. I armatosur, ishte një 45-vjeçar i quajtur Robert Stewart, i cili tha se ishte motivuar nga që punëdhënësit kishin larguar gruan e tij nga puna dhe e kishin ngacmuar sipas tij. Stewart u dënua me burgim të përjetshëm.

14 shkurt 2008. Steven Kazmierczak, 27 vjeç, hapi zjarr në një sallë leksionesh në pjesën veriore të Illinois University, duke vrarë gjashtë persona dhe plagosur 21 të tjerë. Njeri i armatosur e qëlloi atë dhe e vrau më pas ai vrau veten para se policia arriti. Ajo ishte ngjarja e pestë-vdekjeprurëse nga të shtënat në universitetet në historinë e SHBA.

7 shkurt 2008. Gjashtë njerëz kanë vdekur dhe dy të tjerë u plagosën në një sërë të shtënave në sallën e Pallatit të Sportiti të qytetit në Kirkwood, Missouri. I armatosur, ishte Charles Lee Thornton, i cili hapi zjarr gjatë një takimi publik, pasi ati i ishte mohohuar kontrata për ndërtimet në qytet qëai besonte se i takonin atij .Thornton u vra nga policia.

5 dhjetor 2007. Një 19-vjeçar, Robert Hawkins, qëlloi në një dyqan në qendër të qytetit Westroads në Omaha, Nevada. Hawkins vrau 9 njerëz dhe la 4 të plagosur para se të vriste veten. Ai përdori një armë pushkë gjysmë-automatike të cilën ai e kishte vjedhur nga shtëpia njerkut të tij.

16 prill 2007. Kampusi i Universitetit Virginia Tech u bë vendi i të shtënave vdekjeprurëse të shkollës në historinë e SHBA, kur një student, me origjinë koreane Seung – Hui Choi, hapi zjarrë të pakuptimtë me armë duke shtënë ndaj 56 njerëz. Tridhjetë e dy persona vdiqën në masakrën.

12 shkurt 2007. Në Salt Lake City supermarketi Trolley Square Mall, një person hapi zjarrë dhe vrau 5 persona dhe 4 të tjerë u plagosën nga 18-vjeçari Sulejman Taloviç. Një nga viktimat ishte një 16-vjeçarë.

2 tetor 2006. Një mirëmbajtës shkolle i racës Amish në Lancaster, Pennsylvania u qëllua për vdekje nga 32-vjeçari Charles Carl Roberts , Roberts ka ndarë duke detyruar ata djemtë nga vajzat, dhe ka nisë të shtënat duke vrarë vetëm vajzat. 5 vajzat e reja vdiqën, ndërsa 6 djem të tjerë u plagosën. Roberts ka kryer vetëvrasje më pas.

25 mars 2006. Shtatë vdekur dhe 2 të tjerë u plagosën nga 28-vjeçari Kyle Aaron Huff Kyle në një serë të të shtënave të pakuptimtë në Capitol Hill në Seattle, Washington. Masakra ishte vrasja më e keqe në Seattle që nga viti 1983.

21 mars 2005. Një i ri i quajtur Jeffrey Weise ka vrarë gjyshin e tij dhe të dashurën e gjyshit të tij përpara se të hapet zjarr mbi një turmë nxënësish të shkollës së mesme Red Lake Senior High School, duke vrarë 9 persona dhe plagosur në kampus 5 të tjerë. Weise më pasë vrau veten.

12 mars 2005. Në Kishën “Të jetosh me Perëndinë” u qëllua për vdekje nga 44-vjeçar prifti i Kishës Tarry Ratzmann Michael në një hotel Sheraton në Brookfield, Wisconsin . Ratzmann mendohet të ketë pasur motive fetare, për këtë akt dhe vrau veten pas ekzekutimit të pastorit, djalin e tij 16-vjeçar të pastorit, dhe 7 të tjerë.Katër të tjerë u plagosën.

8 korrik 2003. Doug Williams, një punonjës i kompanisë Martin Lockheed, qëlloi në fabrikë e tij në Meridian, Missouri në një tërbim i motivuar nga ndjenja racore. Ai qëlloi 14 persona, shumica e tyre afrikano amerikan, shtatë mbeten të vrarë përpara se ai të vriste veten.

26 dhjetor 2000. Punonjësi i kompanisë Edgewater Teknologji Michael “Mucko” McDermott ka qëlluar dhe ka vrarë shtatë bashkëpunëtorët e tij në zyrën në Wakefield, Massachusetts . McDermott jetonte me fantazi u tha sepse se ai kishte deklaruar se “kishte udhëtuar me në kohë dhe mendonte për të vrarë Hitlerin dhe gjashtë nazistët e fundit .” Ai u dënua me 7 fjali rresht(7 herë) të dënimit me vdekje.

15 shtator 1999. Larry Gene Ashbrook hapi zjarr në një koncert rock ndaj një turme besimtarësh të krishterë tubim lutje të rinjësh në Wedgewood Kisha Baptiste në Fort Worth, Teksas. Ai vrau 7 persona dhe u plagosën 7 të tjerë, pothuajse të gjithë adoleshentët. Ashbrook më pasë ka kryer vetëvrasje.

29 korrik 1999. Mark Orrin Barton, 44 vjeç, vrau gruan e tij dhe dy fëmijë me një çekiç para se të niste nga një akti i pakuptimtë ku nga të shtënat dy ditë i fshehur pas qendrave tregtare qëlloi në njërëz të pafajshën në Atlanta . Barton, një tregtar besohet të jetë motivuar nga humbje parave me shuma të mëdha . Ai vrau 12 vetë duke përfshirë edhe familjen e tij dhe plagosi 13 përpara se të vriste veten.

20 prill 1999. Prej të shtënave vdekjeprurëse të shkollës së lartë janë të parat e këtij lloji në historinë e SHBA, kur dy adoleshentët Eric Harris dhe Dylan Kiebold kan qëlluar në masë në shkollën e mesme Columbine High School në Littleton, Colorado Ata vranë 13 persona dhe plagosën 21 të tjerë. Ata vranë veten pas masakrës.

DITA NDERKOMBETARE E BAMIRESISE MERR EMRIN”NENE TEREZA”

December 18, 2012 by dgreca

TIRANE- Asambleja e Përgjithshme e Kombeve të Bashkuara e ka shpallur 5 shtatorin, ditën kur u shua e lumnuara Nënë Tereza, si Ditën Ndërkombëtare të Bamirësisë.
Ministria e Punëve të Jashtme e Republikes se shqiperise përmes një deklarate për mediat e ka përshëndetur këtë vendim, me te cilin, sipas saj, vendet anëtare të OKB-së, duke njohur e vlerësuar rolin e pazëvendësueshëm të akteve të bamirësisë në zbutjen e krizave humanitare dhe vuajtjeve njerëzore, i bëjnë një homazh të merituar aktivitetit e trashëgimisë së Nënë Terezës, e njohur ndërkombëtarisht dhe e vlerësuar botërisht për përkushtimin dhe punën e saj gjatë gjithë jetës në ndihmë të të sëmurëve, të varfërve e njerëzve në nevojë.
“Rezoluta, duke inkurajuar aktet e bamirësisë, bën thirrje që më 5 shtator, të gjitha shtetet anëtare të OKB-së, organizatat e Kombeve të Bashkuara, organizatat e tjera ndërkombëtare dhe rajonale, shoqëria civile, si dhe individët, të përkujtojnë Ditën Ndërkombëtare të Bamirësisë. Shqipëria ishte një nga vendet kryesore sponsorizues të kësaj rezolute dhe Misioni ynë në Kombet e Bashkuara pati një rol kyç në miratimin me konsensus të saj. Nëpërmjet një lobimi të fuqishëm, rezoluta arriti të marrë bashkësponsorizimin e më se 20 vendeve anëtare të Kombeve të Bashkuara”,- thuhet në deklaratën e MPJ-së.

SHOQATA “MALËSIA E MADHE” NË DETROIT MBAJTI KUVENDIN ZGJEDHOR

December 18, 2012 by dgreca

Nga Pjeter Jaku/

Me datën 16 Dhjetor 2012, nga ora 2:30 Pm deri afer orës 6:00 Pm, në një nga Sallat e Kishës së Shën Palit në Rochester Hills Michigan u bë takimi zgjedhor i Shoqatës “Malësia e Madhe.” Në këtë takim merrnin pjesë më shumë se 100 përfaqësues të kësaj Shoqate, që për kohën funksionuese ka bërë disa aksione të rëndësishme, të cilat i përmendi në raportin zgjedhor, Kryetari i kësaj Shoqate, Gjergj Ivezaj, raporti i të cilit po publikohet bashkë me këtë informacion.

Siç shihet nga numri i të pranishmëve, ineteresi për këto zgjedhje ishte më i madh se asnjëherë tjetër, që kur u krijua kjo shoqatë. Veç raportit që u ndëgjua me vëmëndje, të pranishmit i përshëndeti edhe Famullitari i kësaj Qendre, Don Fran Kola, i cili vuri në dukej rëndësinë dhe rolin që ka luajtur kjo shoqatë në ndihmat e vazhdueshme që ka dhënë, jo vetëm ëpr Malësinë, por edhe për Pavarësinë e Kosovës. “ Pa Malësi të bashkuar, – theksoi Don Frani, – nuk mund të ketë Shqipëri të bashkuar.”

Më pas u kalua direkt në rregullin e zgjedhjeve, ku më parë kryetari i deritashëm Gjergj Ivezaj, si drejtues i takimit, theksoi përcaktimin e numrit të kryesisë, ku u ra dakort të ishin 19 anëtarë dhe, më pas u kërkua të ndigjoheshin anëtarët e kryesisë se deritashme, nëse donin prapë të kandidonin. “Gjithë ata që duan të kandidojnë, ta kërkojnë publikisht dhe në mënyrë të hapur, – u tha nga drejtuesi i kësaj mbledhje.” Ish të zgjedhurit e mëparshëm Ruzhdi Gjokaj dhe Rush Dragu u tërhoqën, duke mos pranuar të kandidonin për një mandatë tjetër, ndërsa 27 tjerë u përcaktuan për kandidim, nga të cilët do të zgjidheshin me votë të fshehtë 17, pasi dy ishin të paracaktuar për pjesën e Malësisë që është në teritorin juridik të tanishëm të Shqipërisë.

Nga votimet rezultoi se:

Kryesia e re e shoqates me vota te fshehta per mandatin e ardhshem eshte:
1. Zef Gjonaj
2. Malot Ivezaj
3. Luke Juncaj
4. Marash Ulaj
5. Gjergj Ivezaj
6. Leke Gjonaj
7. Paloke Lulgjuraj
8. Gjergj Vulaj
9. Nreke Gjolaj
10. Tome Gjokaj
11. Prek Gjokaj
12. Nua Nikollaj
13.Pashko Gjokaj
14. Martin Ulaj
15. Viktor Camaj
16.Rrok Dedvukaj
17.Rrok Gjelaj

Mondi Rakaj dhe Ndue Gjekaj kalojne pa u votuar ne kryesi sipas nje rregulli te bere enkas per Malesine e Mbishkodres.Drejtuesit e Shoqatës do i zgjedh kryesia e sapozgjedhur Brenda 7 ditëve të ardhshme.

***

Fjala e Kryetari Gjergj Ivezaj me rastin e Kuvendit Zgjedhor te shoqates atdhetare “Malesia e Madhe” e mbajtur me 16 dhjetor 2012.

Te nderuar te prenishem. I nderuari famullitari i Kishes se Shen Palit Don Fran Kolaj, e nderuara kryesi e shoqates “Malesia e Madhe” mire se keni ardhe ne kete qender te madhe fetare dhe kombtare ku sot do te mbajme Kuvendin Zgjedhor te kesaj shoqate.

Prandaj me lejoni qe ne emer te kesaj shoqate t’iu pershendes te gjithve duke iu deshirue cdo te mire ne jeten Tuaj.

Sot do te mbajme zgjedhjet e pesta te shoqates tone ku besoj dhe deshiroj te plotsohemi me antar te ri ku do te sjellin fryme dhe energji te re qe kjo shoqate te vazhdoj me punen e saje per te mire te Malesise dhe me gjere.

Shoqata atdhetare “Malesia e Madhe” mision dhe qellim te vete ka: Te ndihmoj dhe te ndikoj ne permisimin dhe avancimin politik, ekonomik, dhe social kryesisht ne Malesi e mbetyr nen Male te Zi .Te ndihmoj njerzit ne nevoje, apo sic i kemi quajte skamnoret, te ndihmoj te semurit, studentet si dhe raste tjera ne nevoje.

Per fat te keq nevojat dhe kerkesat e Malesise nuk kane ndryshue shume prej atyre te para dhjete viteve kur ne jemi formue. Koha po verteton planin e kahmotshem te atye pushteteve sllave edhe pse munde te ndrrohen dhe te quhen edhe “demokratike” qe qellimi i tyre i vetem dhe kryesor ka qene dhe eshte moszhvillimi i trojeve tona te mbetura nen administrimin e shtetit malazez pa vullmetin tone, ndryshimi i struktures demografike, asimilimi i popullates shqiptare, shperngulja e tyre qe statistika tregon se dy pjese te popullates se saje gjinden jashte si pasoje e ketyre rrethanave, si dhe kolonizimin me popullate jo shqiptare sic po nodhe tash sa vite ne Malesi.

Per te vertetue mos vullnetin politik te atije shteti karshi nesh si popull autokton ne trojet tona shekullore me se miri konstatohet me pamundesine e realizimit te kerkeses se Malesise per nje Komune si te gjitha Komunat tjera ne Male te Zi. Komune qe i plotson te gjitha kushtet me pare se shtate komuna tjera ne ate shtet.

Komune e plote per Malesi eshte kerkese minimale sepse kerkesa e drejte jo vetem e Malesise por e te gjithe popullit shqptar sot te shperndar ne 6 shtete eshte bashkimi i tyre ne nje shtet te lire etnik dhe demokratik qe i thone Shqiperi.

Prandaj duke marre per baze situaten atje, Malesia ende ka nevoje per ne, dhe ne qe e kemi leshue ate, nuk duhet te harrojme se prej kah kemi ardhe, nuk duhet te harrojme se jemi bijte e asaj Malesi dikur krenare dhe flamurtare.

Kurse sot, e perbuzur, e lodhur dhe e merzitur, ne rrezik per te ardhmen e saje si Malesi shqiptare. Qellimi i atij pushtetit eshte qe Malesia te jete multietnike qe do te thote e gjithkujte dhe e askujte, por jo Malesi shqiptare.

Pra e kemi obligim moral dhe kombetar qe ta ndihmojme Malesin per te drejta njerzore, humanitare, politike dhe kombetare qe i garantojne te drejtat nderkombtare por te neglizhuara dhe te mos realizuara nga qeveria malazeze dhe disa njerez tone te shitur ne kete pushtet.

Shoqata jone prej fillimit te veprimtarise e deri sot mbrenda kapaciteteve dhe mundesive te saj eshte mundue qe Malesise t’i vine ne ndihme me menyra te ndryshme si me protesta, peticione, shkresa, ankesa, takime dhe kerkesa nga institucinet dhe personalitete te ndryshme amerikane, europiane shqiptare dhe malazeze.

Sikurse edhe me pare gjate mandateve tjera edhe gjate ketij mandati kemi pase takime me personalitete te njohur te politikes amerikane qe jane edhe te njohur si miq te medhenje te popullit shqiptar si: Vllezrit Senator dhe Congresman Carl dhe Sander Levin, Congresmanet Eliot Angel Gary, Peters dhe te tjere, qe shoqata jone i ka perkrah edhe financiarishte ne fushata te tyre zgjedhore.

Si pergjegjeje te kerkesave tona keta politikan amerikan iu jane drejtue per shqetsime te tyre per situaten e shqiptarve nen Male te Zi institucioneve me te larta si Departmentit shtetror dhe sekretares Clinton, si dhe Kryeministrit te Malit te Zi Millo Gjukanoviq.

Gjithashtu nje delegacion ne emer te shoqatave tona ne Diaspore ne gusht 2010 ka pas takim me zyrtarin e larte te departmentit shtetror z. John Buzbi ku i jane paraqite kerkesat dhe te pa drejtat qe po u bahen shqiprave ne shtetin malazez.

Si dhe ky delegacion ka pas takime me ambasaden e shtetit shqiptare, shtetit te Kosoves dhe Malit te Zi ne Ëashington, ku po ashtu jane shtrue te gjitha kerkesat tona dhe iu eshte dorzue Elaborati i punuar prej experteve te ndryshem qe verteton se Malesia e meriton Komunen e Plote me pare se 7 Komuna tjera ne Male te Zi,

Shoqata jone me letra, deklarata dhe shkrime te ndryshme shume here ka kundershtue politiken e qeverise malazeze ku ne disa raste edhe jane pergjegje tue pergnjeshtrue gjoja akuzat tona te pa baza si me rastin e gazetes ne gjuhen shqipe Koha Javore.

Jemi deklarue se nuk perkrahim te ashtuquajturen“Shpija Malazeze”ne Neë York ku per fat te keq drejtues dhe kontributor jane edhe disa te pa ditur apo te shitur shqiptar.

Me shkrim iu jemi drejtue qarqeve shtetrore malazeze dhe opinionit te gjere ku ke mi kundershtue ligjin per ndarjen teritoriale ne Male te Zi ku Malesia parashihet pa Komune, si dhe te drejten per perdorimin e Simbolit kombetar Flamurin tone Kuq e zi ku ligji parasheh marrjes se lejes speciale nga organet kompetente per perdorimin e tije.

Me 24 Tetor 2009 ne qytetin Do Bois te Pensellvenise u zhvillue takimi i kater shoqatave dhe aktivisteve tjere te komuniteteve tona . Nga shoqatat pjesmarrse ishin: Shoqata “Malesia e Madhe”nga Detroiti, Levizja “Atdheu na Bashkon” “Shoqata Ded Gjin Luli” si dhe “Fondacioni Malesia” nga Neë Yorku.

Qellimi i ketije takimi ishte Uniteti i Diaspores tone per realizimin e kerkesave te drejta te Malesise si kerkesa per Komunes se Plote te saj e tjera. Si dhe ne vazhdimsi per intersa te perbashkta tonat dhe te Malesise te veprohet ne emer te ketyre shoqatave qe eshte quajte keshilli per Komunen e Plote te Malesise.

Ne emer te ketyre shoqatave dhe Diaspores tone jemi drejtue shume institucioneve nderkombtare per problemet dhe kerkesat tona, si dhe shtetit tone ame shqiptar dhe institucioneve me te larta te tije, ku kemi kerkue vlersim te larte shtetrore per heroin tone kombetar Ded Gjon Luli dhe Malesine e Tije.

Po paraqes nje paragraf qe ka te beje me kerkesen tone:

Citoj: I nderuari Kryeminister: “Ne kete kontekst, duke na kosideruar si pjese e kombit, ju lutemi pranoni propozimin tone qe krahas nderimit te shtyllave te shtetit shqiptar si I. Qemali, H. Prishtina, N. Kacori, I. Buletini, L. Gurakuqi e te tjere, te parashikoni edhe vleresimin me dinjitetin qe e meriton te prijesit te Malsise se Madhe, heroin e popullit Ded Gjo’ Lulin, i cili me 6 prill 1911 ngriti flamurin kombetar ne Bratile te Deciqit duke i paraprire keshtu ngjarjes me madhore ne historine e re te kombit tone, shpalljes se pavaresise. Gjykojme se do t’i bente ndere kombit neqofte se ne nje nder qytetet kryesore te Shqiprise, per 100 vjetorin e pavaresise, do te ngritej nje monument per Kryengritjen e Malesise dhe prijsin e saj Ded Gjo’ Luli”.

Gjthashtu nga shteti shqiptar kemi kerkue mirnjohje per z. Pjeter Ivezaj ku rasti i te cilit me 1986 me burgosjen ne burgjet Jugosllave dhe lirimin e tije te detyrueshem nga Shtetet e Bashkuara te Amerikej bani buje te madhe nderkombetare dhe kombetare ne ate kohe e sidomos per ceshtje e Kosoves.

Meqense per kete rast ne publikim per opinjon eshte be nje leshim-gabim pa fajin e publikuesit, ku thuhet se kerkesa jone per Pjeter Iveza ka qene “Nderi I Kombit” Per hire te vertetes ne kerkesen tone qe iu eshte dergue shtetit shqiptar nuk ka qene kerkesa “Nderi Kombit” por vetem dekorim nga shteti shqiptar.

Po citoj paragrafin qe sqaron thelbin e kerkeses:

“Dy shoqatat e lartepermendura vlersojne se me rastin e jubileut gjithekombetar-100 vjetorit te Pavarsise se Shqiperise te dekorohen per kontributin patriotik edhe shqiptaret e Amerikes. Ne kete kuader propozojme qe te dekorohet Z. Pjeter Ivezaj”.

Perpos perpjekjeve ne aspektin politik dhe kombetar per t’u ndihmue Malesia dhe me gjere shoqata jone per kete periudhe kohore ka zhvillue aktivitete te ndryshme edhe shoqrore, letrare dhe kulturore.

Kemi organizue nje pritje madhshtore per lirimin e dy burgosruve politik te rastit famekeq “Fluturimi i Shqiponje” nga burgjet malazeze Kole dhe Rrok Dedvukaj.

Kemi perkujtue burgosjen dhe lirimin e 25 vjetorit te Pjeter Ivezaj nga buegjet Jugosllave.

Kurse ne aspektin letrar kemi organizue promovime librash te ndryshem.

Kemi promovue romanin “Meshira e Pameshirshe” te Shkrimtarit Fran Camaj.

Romanin “Dosja e Tmerrit” poashtu te Fran Camaj.

Romani “Vdekja e Valeve” te autorit Anton Gjuravcaj

Kemi promovue librin “Pishtaret e Lirise” te autorit Gjylafer Avdiu.

Kemi kremtue Festat Kombtare kryesisht ne Bashkpunim me Qendren dhe Kishen e Shen Palit, si dhe me qendrat dhe soqatat tjera si per rastin e fundit te kremtimit te 100 vjetorit te Pavarsise se Shqiperise.

Kurse kryetari i shoqates une Gjergj Ivezaj ka marre pjese ne mbledhjen komemorative dhe ne vorrimin e Akademik dhe Gjeneral Tome Berisha ne Malesi ku pati edhe fjale rasti.

Per kete perjudhe kohore edhe pse jemi gjinde ne kohen e krizes ekonomike prap se prap shoqata jone kuptohet cdo here me ndihmen e perkrahesve tone dhe te Malesise kemi ndihmue njerez ne nevoje dhe projekte dhe aktivitete qe ne kemi mendue se jane ne interes te Malesise dhe ceshtjes tone Kombetare.

Megjithse nuk kemi pas mundesi t’u pergjigjemi te gjitha kerkesave qe na kane ardhe.

Megjithate prej vitit 2009 e deri sot shoqata jone ka dergue dhe shpernda ne Malesi dhe me gjere ndihmat ne vijim.

Ne vitin 2009 jane ndihmue njerzit te nevoje ne Malesi me $ 12,300

Shoqates “Kosove Malesi” Martin Dreshaj per punen e tyre ne interest e Malesise dhe me gjere $2,000

Shoqates Rapsha ne Malesi per mbajtjen e Festivalit kombetar ne Vitoje $1000

Shoqates Bashkimi Kombetar nga Neë Yorku per pjesemarrje ne Gjirokaster $ 500

TV Boin dhe Nikolle Nikprelaj per programin e Vitit te Ri $3500

Valltarve Prane kishes se Shen Palit ne Detroit per pjesmarrje ne Gjirokaster $1,500

Shoqates Gruda ne Malesi per pjesemarrje ne Gjirokaster $1,000

Shoqates Besa e Trieshit-Nikolle Nikprelaj per kremtimin e 28 Nentorit $1,000

TV Boin nen organizimin e antarit te kryesise Malot Ivezaj ne shtepi te tije $5,000

Per Elaborat i punuar nga nje grup expertesh qe verteton qendrueshmerine ekonomike per Komune te Plote te Malesise $2,500. Elaborat qe eshte shpernda Departmentit shtetror te SH B A, shume Senatorve dhe Congresmanve Amerikan, Institucioneve te Bashkimit Europian, si dhe institucioneve me te larta shtetrore te Shqiperis, Kosoves dhe Malit te Zi.

Do te vecoja ne menyre te vecante nje aktivitet te shoqates tone per te cilin te gjithe jemi ndije mire dhe te lumtur qe patem mundesi qe ne kohe te duhur ta realizojme.

Fjala eshte per nje familje te cilen ne ate kohe e kishin kaplue problemet jo vetem te shkaktuara nga varferia, por te shumefishuara nga diskriminimi, burgosjet dhe torturat e policies malazeze qe ne menyre cnjerzore trajtoj keta dhe disa tjere me rastin famekeq “Fluturimi i Shqiponje” ne vitin 2006.

Rasti eshte i njohur per te gjithe dhe fjala eshte per familjen Berishaj ku shoqata Malesia e Madhe ia ndertoj shtepine e re e cila kushtoj $64,300, shfrytzoj rastin qe edhe nje here ne emer te shoqate dhe te gjithe atyre qe ndihmuen per te t’u them e gezofshin.

Gjithashtu shfrytzoj rastin te faleminderoj Z. Palok Vulaj qe ne ate kohe gjindej ne Malesi, qe ne emer te shoqates “Malesia e Madhe” falas menaxhoj dhe ndertoj shtepin e vllezerve Berishaj.

Vazhdoj me ndihma per shoqaten “Ded Gjon Luli” ne Malesi per kremtimin e Kryengritjes se Malesise $500

Sokol Lulgjuraj per botimin e librit te tije $1000

Anton Sinishtaj i burgosur ne aksionin “Fluturimin e Shqiponjes” $2000

Viktor Sinishtaj i burgosur ne aksionin “Fluturimin e Shqiponjes” $1000

Fahrudin Orahovac ndihme humanitare $300

Per Kremtimin e 100 vjetorit te Kryengritjes se Malesise ne Malesi $5,000

Per mos extradimin e Gjon Lucaj ne burgjet malazeze nga shteti shqiptar i akuzuar ne Aksionin “Fluturimi I Shqiponjes” $7,500

Portalit Malesia.org- Robert Ivezaj $550

Muzeut Etnografik ne Lekaj Malesi me pronar Shtjefen Ivezaj $500

Shoqates Kosove-Malesi, Martin Dreshaj per Kremtimin e I00 vjetorit te Pavarsise se Shqiperise $500

Romeo Gurakuqit- historian i njohur nga Shkodra per botimin e librit te tije te ri qe kryesisht ka te beje me historin e Malesise $500

Shoqates Artistike Ded Gjon Lulu ne Malesi per pjesmarrje ne Vlore per 100 vjetorin e Pavarsise se Shqiperise $1000

Celebrimin me rastin e marrjes “Nderi I Kombit”per Malesi i ndare nga Presidendi I Shqiperise Bujar Nishani $2,200.

Nje grup biciklistesh qe nga Bratila e Deciqit cuen Flamurin ton kombetar ne Flore, dhe ky flamur rrugetoj prej Bratilet dhe simbolikishte u dorzue ne Vloren heroike $300

Te dashur bashkatdhetar,

Keto ishin aktivitetet kryesore te shoqates atdhetare “Malesia e Madhe” per keto kater vitet e fundit te veprimtarise se saje, megjithse ka pas edhe takime dhe aktiviteta tjera por per te gjitha kerkohet nje raport me konkret dhe analize me e gjere.

Prandaj ne emer te shoqates Malesia e Madhe ndiej obligim moral t’i beje disa faleminderime per perkrahje dhe ndihme qe iu dha kesaj shoqate, ndihme pa te cilen ne si shoqate kurr nuk do kishim pas mundesi te arrijme as minimumin e ketyre ndihmave dhe aktiviteteve qe ne i kemi zhvillue.

Se pari nje faleminderim i madh shkon per qendren tone te madhe Fetare dhe Fombetare Kisha e Shen Palit, dhe udheheqsve shpirtor dhe administrativ te saj Don Anton Kqira- tash ne pension dhe famullitarit te tanishen Don Fran Kolaj.

Perkrahja e tyre nuk ka mungue dhe nuk mungon as sot. Sa per ilustrim po ceki vetem per darkat vjetore qe shoqata jone i mban per mbledhjen e fondeve. Perpos ndihmes te rregullt personale materiale te tyre Kisha e Shen Palit na kan dhan falas sallen , ushqimet dhe pijet per darke qe eashte shtrue per kontributoret e shoqates tone, si vitin e kalur nga Don Frani, si vitin me pare nga Don Antoni, per cgje nga zemra i faleminderojme shume.

Gjithashtu faleminderim i posacem shkon te kontributoret tone te shumte qe gjate te gjithe ketyre viteve na perkranen moralisht dhe materialisht pa te cilet shoqata “Malesia e Madhe” nuk do te ishte kjo shoqate qe eshte.

Per shkak te listes se gjate te kontributorve ne kete raste nuk munde t’i permendi te gjithe dhe u kerkoj ndjese, por po vecoj vetem disa prej tyre si: Pjeter Stanaj, Konzullin e nderit te shtetit shqiptar Z. Ekrem Bardha, Zef Dedivanaj, Gjon Gojani, Pashko Gjolaj, Zef Vulaj,Palok Camaj, Marash Nucullaj, Malot Ivezaj, Nikoll Toma Lulgjuraj, Mark Kola Gojcaj,Martin Nikolla Berishaj, Gjoke Pjetri Gjolaj, Prele Dedvukaj, Gjon Lulgjuraj, Fran Pjetri Ivezaj e tjere qe ndihmuan me nje shume te konsiderueshme shoqaten tone per keto vite.

Faleminderoj televizionet shqiptare te Komunitetit dhe ëeb faqet tona ketu dhe ne Malesi qe per keto vite falas pasqyruen aktivitetet tona.

Faleminderoj shoqatat nga Neë Yorku: “Fondi Humanitar Malesia” shoqaten “Ded Gjon Luli” si dhe “Levizja Atdheu na Bashkon” per bashkpunimin e tyre per keto kater vite si dhe per ndihma materiale qe e ndihmuen shoqaten tone ne disa raste per aktivitete te saj.

Faleminderoj kengetarin e mirnjohur shqiptar Z. Nikolle Nikprelaj qe nga Malesia ne perkrahje te shoqates tone i dergoj 1000 Euro. Si dhe nje shoqate te komunitetit tone me emer Albanian Legasi apo Trashigimia Shqiptare me kryetar Muhamed Myftari per ndihme te shoqates “Malesia e Madhe” me $500.

Dhe se fundi nje faleminderim i sinqerte nga une si Kryetar i shoqates atdhetare“Malesia e Madhe” deri ne kete moment, shkone per antaret e Kryesine se kesaj shoqate, qe punuan pa u lodhur per keto kater vite edhe pse me sfida te ndryshme dhe jo te lehta gjate kesaj kohe. Por per fat tonin i perballuem.

Zoti ju bekofte juve ketu te prenishem, Zoti i bekofte shtetet e Bashkuara te Amerikes dhe Zoti i bekofte te gjithe shqiptaret me nje mirqenje, mirkuptim dhe bashkim kombetar.

Ju faleminderit.

Gjergj Ivezaj,

Kryetar i Shoqates “Malesia e Madhe

Detroit, 16 – Dhjetor -2012

DHIMBJE, LOT, PSHERETIMA, QIRINJ, LULE , MESHA NEPER KISHA, FLAMURI NE GJYSEM SHTIZE

December 16, 2012 by dgreca

Lista me emrat e viktimave. Obama pritet të takojë familjet e viktimave dhe të bisedojë me to. Kishat mesha të veçantë – flamuri në gjysmë stizhe, banorët e Newtown në zi për viktima…/

NEWTOWN CONNECTICUT : Presidenti i Shteteve të Bashkuara, Barack Obama, do të qëndrojë sot pranë shkollës në Konektikat, ku të premten Adam Lanza vrau 26 njerëz, në mesin e tyre 20 fëmijë. Obama pritet të takojë familjet e viktimave dhe të bisedojë me to.
Autoritetet në Konektikat kanë publikuar emrat e viktimave dhe moshën e tyre. Bëhet fjalë për dymbëdhjetë vajza dhe tetë djem të vrarë – të moshës 6 dhe 7 vjeç – si dhe për gjashtë pjesëtarë të stafit të shkollës, të gjitha femra…

Në SHBA ende janë të hutuar nga tragjedia në shkollën fillore “Sandy Hook” Newtown, në Konektikat dhe pyetja e madhe që rri pezull mbi shoqërinë amerikane, nuk mund të jetë tjetër përveç ‘Përse?’

Adami ishte grindur me 4 mesuese para masakres

Sipas raporteve, vetëm një ditë para masakrës, 20 vjeçari Adam Lanza duket se ka qenë në shkollë dhe ka patur një grindje me 4 mësuese, 3 nga të cilat vdiqën të premten, ndërsa e katërta nuk ishte në shkollë atë ditë. Ajo është marrë në pyetje nga hetuesit për të zbardhur sadopak arsyet që e shtynë 20 vjeçarin të bëjë një masakër të tillë. Lanza ka hyrë me forcë në shkollë ditën e premte dhe mësohet se e ka vrarë drejtoreshën në momentin kur ajo po lajmëronte nxënësit në interkom.

Lista e viktimave

Charlotte Bacon, 6-vjece
Daniel Barden, 7-vjece
Rachel Davino, 29-vjece
Olivia Engel, 6-vjece
Josephine Gay, 7-vjece
Ana Marquez-Greene, 6-vjece
Dawn Hochsprung, 47 -vjece
Dylan Hockley, 6-vjec
Madeleine Hsu, 6-vjece
Catherine Hubbard, 6-vjece
Chase Kowalski, 7-vjece
Jesse Lewis, 6-vjece
James Mattioli, 6-vjec
Grace McDonnell, 7-vjece
Anne Marie Murphy, 52-vjece
Emilie Parker, 6-vjece
Jack Pinto, 6-vjec
Noah Pozner, 6-vjec
Caroline Previdi, 6-vjece
Jessica Rekos, 6-vjece
Avielle Richman, 6-vjece
Lauren Russo, 30-vjece
Mary Sherlach, 56-vjece
Victoria Soto, 27-vjece
Benjamin Wheeler, 6-vjec
Allison Wyatt, 6-vjece

Nena e vet e mesoi Adamin te qellonte

Më parë ai kishte vrarë edhe mamanë e tij, Nancy Lanza, por ishte kjo e fundit që i kishte futur të birit dëshirën për të përdorur armët. Një ditë ajo e kishte çuar në poligon dhe e kishte mësuar se si të qëllonte me armë zjarri. 52 vjeçarja Nancy Lanza ishte një koleksioniste armësh dhe kishte blerë 5 të tilla, të gjitha të regjistruara në Connecticut. Djali i saj e qëlloi me armë në fytyrë.

Mësueset e mbijetuara qe shpetuan femijet

Fati i bëri heronj të një tragjedie, që tronditi botën. Mësueset e shkollës fillore në Connecticut, shpëtuan dhjetëra nxënës duke i fshehur ata në dollape, madje disa prej mësueseve vdiqën nga plumbat e Adam Lanz, teksa mbrojtën me trupat e tyre nxënësit vegjël.

Meriroouz Kristopik, një nga mësueset e mbijetuara tregoi pas ngjarjes: “I futa fëmijët në një dollap dhe iu kërkova të mbajnë qetësi absolute. Iu thashë se një njeri i keq ka hyrë në shkollë”.
Kanë qenë edhe mësues të tjerë që bënë të njëjtën gjë. “Mendova se të gjithë do të vdesim”, me këto fjalë rrëfen hidhur një mësuese e re, e cila arriti të fshehë 15 nxënës në tualetet e shkollës. “Iu thashë atyre se i dua shumë të gjithë. Besova se kjo do të jetë gjëja e fundit që ata po dëgjonin, sepse të gjithë do të vdisnim”, tha Keitlingk Roigk, duke mbajtur lotët me vështirësi në një intervistë me ABC.

Sapo dëgjoi të shtënat e para, mësuesja e kuptoi se diçka shumë e keqe po ndodhte dhe arriti të fshehë 15 fëmijë, të moshës 6 dhe 7 vjeç në WC. Pastaj e shtyu një pjesë të mobiljeve prapa derës, e mbylli atë dhe fiku dritën. “Iu thashë fëmijëve të mbajnë heshtje absolute, nga frika se nëse i armatosuri na dëgjonte, do të na vriste të gjithëve. Iu thashë se kanë ardhur në shkollë njerëz të këqij. Disa fëmijë filluan të qajnë, por u përpoqa t’i qetësoj duke iu thënë se do të kalojë”. Një nga fëmijët kërkoi nënën e vet, por një tjetër i dha kurajo atij dhe mësueses: “Unë do bëj karate, do t’ju nxjerr jashtë”, tha fëmija.

Edhe kur të shtënat nuk u dëgjuan më, Roigk nuk i la fëmijët të dalin jashtë derisa të mbërrinte policia. Kur më në fund një polic trokiti në derë, ajo i kërkoi atij të vërtetonte se ishte polic, sepse ende nuk ishte e bindur. “Nëse jeni vërtet një oficer i policisë, ju keni një mënyrë për të gjetur çelës”, tha mësuesja. Policia më në fund arriti të hapë derën dhe të nxjerrë fëmijët në zonën e sigurisë, ku ishin mbledhur shokët dhe mësuesit e tyre.

Banorët e Newtown në zi për viktimat

Banorët e Newtown mbajnë zi për të vdekurit e tyre në kishën Katolike të zonës, turma ishte aq e madhe saqë shumë njerë qëndronin jashtë. “Ne hapëm dritaret dhe kështu ndoshta na dëgjojnë dhe ndjehen të përfshirë”, ka thënë prifti Robert Weisz, dhe duke iu referuar prindërve të fëmijëve të vegjël tha: “Ditët e ardhshme do të jenë më të vështira. Unë jam i sigurt se kur njerëzit zgjohen një mëngjes dhe të kuptojnë se një shtrat në shtëpinë e tyre është i zbrazët, atëherë do ta kuptojnë vërtet”…

Hetimi

Kryehetuesi i cili ka kryer autopsinë mbi trupat e viktimave, ka konfirmuar se të gjitha ishin qëlluar disa herë me një pushkë. “Të gjitha plagët që pashë ishin shkaktuar nga pushka,” tha Wayne Carver, duke shtuar se kjo ishte “ndoshta skena me e keqe e krimit”, që ai ka parë në 30 vitet e fundit. Në një konferencë për shtyp kryehetuesi tha se deri më tani ka shqyrtuar 7 kufoma. Të gjitha viktimat ishin qëlluar nga 3 deri në 11 herë.
Të gjithë fëmijët që vdiqën ishin të moshës 6 dhe 7 vjet. Nga 26 viktimat e Adam Lanza, 12 ishin vajza, 8 djem dhe 6 gra. 16 fëmijë ishin të moshës 6 vjeç dhe 4 të tjerë ishin 7 vjeç. Një nga vajzat festoi ditëlindjen e saj të shtatë, katër ditë para ngjarjes.

Presioni mbi presidentin amerikan Barack Obama për të marrë një vendim për kontrollin e armëve po rritet, pas tragjedisë së tmerrshme të së premtes.

Ryan Lanza, një 24 vjeçar, djali i njërës prej mësueseve në shkollën katërvjeçare fillore Sandy Hook në qytetin Newtown, është identifikuar si sulmuesi i cili ka hyrë në shkollë dhe ka vrarë 18 fëmijë, shtatë të rritur, kurse në fund edhe veten.

Sipas gazetës New York Times, ai së pari ka vrarë nënën e tij, mësueses në këtë shkollë, kurse pastaj 18 nxënës të klasës së saj dhe në fund edhe shtatë persona të rritur, para se të ekzekutojë edhe veten.

Sipas agjencisë Reuters, Lanza ka hapur zjarr në klasën ku punonte nëna e tij. Sipas mediumeve amerikane, supozohet se në fund ai ka vrarë veten, pas arritjes së policisë në vendin e ngjarjes.

Raportohet se policia ka arrestuar vëllanë e tij të vogël, për shkak të dyshimit se ka ndihmuar në sulm.
Pos viktimave në shkollë, edhe e dashura e vrasësit dhe një mik i saj nga New Jersey llogariten si të zhdukur dhe dyshohet të jenë vrarë.
Sulmi është kryer me pushkë automatike 57 mm, i tha agjencisë AP një burim në Washington.

Sipas rrjetit televiziv CNN, në mesin e viktimave janë edhe drejtori dhe psikologu i shkollës.

Hetimet do të tregojnë nëse në këtë sulm ka marrë pjesë aktive edhe dikush tjetër, pasi disa dëshmitarë pohuan se janë dëgjuar të shtëna të njëkohshme nga dy anë.

Të paktën 29 persona mbetën të vdekur, 22 prej te cileve femije te moshave 6-10 vjeç, pasi të paktën një person i armatosur hapi zjarr me breshëri në një shkollë fillorë në shtetin e Konektikatit, ne Shtetet e Bashkuara te Amerikes.

Sipas mediave amerikane, është konfirmuar edhe vdekja e disa mësuesve e drejtoreshes se shkolles, në “Sandy Hook Elementary School”, në Njutaun.

“Associated Press” lajmëroi se vrasesi, nje 24-vjeçar me emrin Ryan Lanza, mbeti i vrare ne vendgjarje, por nuk eshte ende e qarte nese ai kreu vetvrasje apo u vra nga forcat policore.

Fillimisht, raportimet kontradiktore folen per dy atentatore, por policia pergenjeshtroi lajmin. Nje zedhenes tha se ndersa nje person i dyte u arrestua ne shkolle dhe po merret ne pyetje, ai nuk konsiderohet zyrtarisht si nje i dushuar.
Shkollat në të gjithë rajonin u mbyllën me urdhër të autoriteteve, nga frika e një sulmi të koordinuar ndaj shkollave fillore.

Përveç të vdekurve, janë regjistruar edhe një numër i paqartë personash të plagosur, tre prej të cilëve raportohet në gjendje kritike nga “CNN”.

Sipas një dëshmitari të ndodhur pranë shkollës, të shtënat u dukën se erdhën nga korridori, ndërsa të paktën 100 plumba u qëlluan.

Burime të tjera thonë se të shtënat ndodhën brenda një klase.

Ndërkohë, guvernatori i shtetit, Danell Malloy, ka vendosur te takoje personalisht familjet e viktimave. Autoritetet amerikane nuk konfirmojne bilancin e vertete te tragjedise, deri ne momentin kur te gjitha familjet e perfshira do te jene lajmeruar per tragjedine.

Burime zyrtare konfirmuan se sulmi u krye me nje arme te kalibrit 223 milimetra. Gjithashtu, ne vendngjarje eshte gjetur edhe nje pistolete.

Ndonese incidentet e armatosura ne shkollat amerikane kane bere buje edhe me pare, kjo masaker eshte e krahasueshme me me te renden te ndodhur ndonjehere, ne nje universitet ne Virxhinia, ku 32 studente u ekzekutuan nga nje tjeter student, i cili ne fund te masakres vrau veten ne vitin 2007.

Ne dy ngjarje te tjera te ngjashme per nga natyra gjate 2012-s, nje agresor vrau 12 persona gjate premieres se filmit.( Raport i pergatitur nga Beqir Sina/Nju Jork)