-Kryetari i AAK-së, Ramush Haradinaj me ekspertët e vendit diskutoi demarkacionin e kufirit me Malin e Zi/
PRISHTINË, 29 Korrik 2015/-Me nismën e kryetarit të AAK-së, deputetit dhe anëtarit të Komisionit Parlamentar për Politikë të Jashtme, Ramush Haradinaj, sot, në ambientet e Kuvendit të Kosovës, u mbajt tryeza tematike “Demarkacioni i kufirit me Malin e Zi”.
Kryetari i AAK-së, Haradinaj tha se kësaj teme të ndjeshme dhe të rëndësishme për vendin, duhet t’i qasemi seriozisht dhe të mos e konsiderojmë asnjëherë si çështje të një partie politike ose grupi të caktuar. “Kufijtë janë përgjegjësi e të gjithë neve”, tha ai, duke i falënderuar ekspertët prezentë në tryezë dhe ftuar ata që të jenë pjesë e vazhdueshme e punës.
Në tryezë diskutuan ekspertë të fushave të ndryshme, profesorë universitarë dhe njohës të hartografisë, aerografisë, topografisë, çështjeve kufitare… si prof. dr. Muharrem Cërrabregu, prof. dr. Florim Isufi, prof. dr. Muhamet Mala, prof. dr. Muhamet Sadiku, Gazmend Muhaxheri, Ali Lajçi etj., si dhe deputetë të Kuvendit të Kosovës dhe kryetarë të komunave.
Sipas komunikatës dërguar nga AAK, ekspertët dhanë argumentet e tyre që dëshmonin të kundërtën e asaj që është raportuar nga Komisioni Shtetëror për Demarkacionin e Kufirit me Malin e Zi. Ekspertët e njohur të hartografisë në vend thanë se Agjencioni Kadastral i Kosovës nuk është organi kompetent për caktimin e kufijve.
Në fund u nxorën edhe konkluzionet e kësaj tryeze, në lidhje me demarkacionin shtetëror të kufirit midis Kosovës dhe Malit të Zi.
U tha se duhet referuar hartave kredibile, burimore të vitit 1962 dhe më herët; si dhe kufiri duhet përcaktur mbi parimet Ujëndarëse (Drini i Bardhë), Qafore, Kodrinore dhe Natyrore.
Gjithashtu, u vendos që të hartohen dhe të aprovohen nga institucionet e Kosovës bazat e punës Komisionit Shtetror për demarkacionin e kufirit me Malin e Zi./B.Jashari/
Leter pa zarf Myftiut te Pukes
Nga ILLO FOTO- NJU JORK/
Ne foto: Myftiu u Pukes, Gezim Kopan/
I pernderuar Myfti,
Nuk njihemi fizikisht, por kjo nuk me pengon te te pershendes miqesisht dhe te te dergoj te fala te sinqerta, per te pasur gezime dhe lumturi,ne jeten provizore, qe na eshte dhene e drejta ta jetojme.
Ne diten e lumtur te Fiter Barjamit , Ju ju drejtuat populit te Pukes ku sherbeni , me nje mesazh shume kuptimplote dhe qortus , per aq sa e lejojne suret perkatese te ketij problemi , qe rregullon mardheniet e njerzve me te derguarin e Perendise.
Po e citoj nje pjese te mesazhit tuaj, ashtu si e ka botuar shtypi civil i Shqiperise :
“Largimi është tradhti ndaj vendlindjes. Azili nuk është shpëtim, bëhuni më vizionarë! Ktheni sytë nga tokat tuaja bujqësore. Jemi i vetmi vend ku toka nuk punohet. Kur nuk doni vendin tuaj, si mund t’iu duan të tjerët”.
Si bashkatdhetar dhe specjalist i vjeter bujqesie , te falnderoj nga zemra , per kete konsiderate te munguar , qe shprehni ndaj tokes meme dhe ndaj bujqesise te vendit tone . Te tere njerzit, me perjashtim te qeverritarve, e dine se ne Shqiperi, ka 25 vjet, qe nuk mbillen gati c’do vit, mbi 200 mije Ha toke, ne mos me shume.
Me lejoni t’i shtoj shqetesimit tuaj qytetar , se tokat me te mira bujqesore ne Myzeqe, Zadrime, Vurg, Mamuras, Maliq dhe luginat e lumejve ka vite , qe u ka mbire trusku . Mbi to po kuturiset te peshkohet, i respektuar, Myfti.
Eshte tamam keshtu, sic shpreheni ju. Jemi i vetmi vend ne bote, ku toka nuk punohet. Ne e kemi alternitiven, qe te mos emigrojme dhe e perbuzim .
Shumica e tokave te pa punuara jane te pa kulluara dhe pa ujitje . Po sa do t’i leme keshtu ? Ministrat e bujqesie te ketij tranzicioni 25 vjecar, jane fajtoret e drejtperdrejte te ketij handikapi te pa pare . Lere, qe nuk kane vene ujet ne zjarr, per te ndryshuar situaten me token bujqesore , po nuk i kane dhene popullit shqiptar nje raport , sa toke nuk selitet dhe pse . Me sa duket, Ministrat nuk e dine shifren e sakte te tokes te pa mbjelle . Shifrat, kemi te drejte te dyshojme se jane te manipuluara , deri sa ish Ministri Ruli, raportonte, perpara medjave se bujqesia eshte rritur mbi 8 %, kur ajo eshte shume posht nivelit te vitit 1990.
Nuk eshte e qarte , pse fshihet shifra e mos mbjelljes se tokes bujqesore , nje realitet nga me mostruozet , qe ka njohur ky vend, ashtu sic e nenvizoni dhe Ju ne mesazhin tuaj. Fshatari token e ka punuar me parmende druri dhe ja ka dale. Sot nuk behet fjale, per mjete mekanike te punimit, qe i kemi dhe i gjejme, po s’i patem.
Keto 25 vite kane ministruar Ministrine e bujqesise 10 Ministra . Sejcili e ka shpallur veten shkencetar dhe patriot ,por e kane dorezuar Ministrine me token shqiptare te pa mbjelle dhe pa thene gjysem fjale , per faktin pse nuk mbillet. Ministri i bujqesise , mund te emertohen ndryshe edhe Ministri i tokes dhe i ujit siperfaqesor . Faktikisht nuk kane menazhuar as toke , as ujra dhe perseri e kane mbajtur emrin ministra; per cfare ? Si i ka lejuar populli te kaperxejne pragun e Ministrise , pa u pergjigjur? Profesoret e bujqesise shqiptare , dogjen diplomat perpara zyres se ish Ministrit . Kete nuk e harron bota dhe Europa, por ne Shqiperi kjo ngjarje unikale u harrua , qysh ne mbremjen e dites , qe ndodhi . Lavdia eshte e perjeteshme per profesoret bujqesore shqiptare !
Situata e heshtjes 25 vjecare, nuk ka spjegim. Ajo qe te them me sinqeritetin e burrit eshte kjo : Po qe se do ta kisha krijuar une kete situate , ose dicka afer kesaj, do te kisha vajtur me kohe ne vetvrasje pa u menduar dy here !
Nje koleg, me ka thene , tani von , se pushtetaret e fshefin gjendjen e tokes se pa punuar , sepse nuk i pranon Europa . Personalisht mendoj krejt te kunderten . Europa nuk e ka vene kete kusht dhe ne se dikush mund ta zgjidhi kete ngerc , eshte vete Europa . Ne kemi dhene boll prova , se jemi te pa afte , per nje sipermarrje te tille mbi token tone . Duhen investime te medha , brenda nje afati kohor sa me shkurter. A mund ta realizojme ne kete investim , me buxhetin modest, qe do te kemi ne c’do kohe ? Europa mund ta beje , po tja kerkojme .
Shtypi ka bere dhe po ben sehir . Duhet te gjendet nje burre t’u kerkoi llogari pushtetarve , ne emer te popullit ! Juve dhe kleriket e tjere shqiptare ju dhemb zemra , per token , qe nuk mbillet , sepse ju i doni besimtaret e varfer . Nuk kini asnje ngjashmeri me Ministrat e korruptuar dhe te pa ndergjegjshem , per detyren , qe ju ka ngarkuar populli . Nuk jeni as nje gazetaruc , qe pergjon per ndonje lajm sensacional .
Toka e pa mbjelle nuk eshte nje gabim , qe riparohet me nje autokritike. U eshte hequr shqiptarve alterrnativa me e plote per punesim , mirqenie dhe evitim te emigracionit marrok .
Kur themi , qe jane fajtore te rinjte , qe ikin , me perpara , duhet te kthejme syte dhe vemendjen nga Ministrat e bujqesise , qe populli i ka paguar dhe vijon t’i paguaj me roga te pa krahasushme , per 25 vite . Une nuk di te mallkoj . Besoj kete do ta beni Ju , ne emer te besimtarve , qe ju u sherbeni me perkushtim .
Juve keni besim tek pushtetaret e rinj te Bashkive te medha se do te bejne dicka me shume per bujqesione , vecanerisht per kullim- ujitjen . Kete mendim kam dhe une , por me shume rezerva . Pse ? U bene reforma te sukseshme ne arsim , pensione , ushtri , shendetesi , do te behet dhe ajo e drejtesise; kudo . Bujqesia do te mbetet po kjo , me koregjim te inflacionit . Bujqesine e duan hiq e mos keput . Kjo situate arsyetohet se ka ndryshuar struktura e mbjelljve, sipas kerkeses se tregut. Kjo keshtu ka ndodhur vertet , por pritej . Te publikojne sa $ merren nga nje Ha. toke e kadastruar ? Kjo shifer na duhet per krahasim . Le te mbillet toka me se te duan; qofte dhe manaferra .
Pak dite perpara degjova Zv. Ministrin e bujqesise , qe fliste se do te pastrohen me shume kanale . Per c’kanale flet ky zoteri ? Fjala eshte per nje rrjet te tere inxherik , te eliminuar ne teren .
Zv. Ministri optimist foli dhe per politikat bujqesore , qe do te formuloi me mire Ministria , tani , qe “kanalet “ i ka Bashkia . Po per c’politika behet fjale , kur nuk ekziston objkti allfa : Nuk mbillet toka ! Do te ndjehem i lumtur , ne se realizohet parashikimi tuaj per punen e Bashkive te medha . Jam ende skeptik .
Toka bujqesore nuk eshte “disa kanale “ , sic e percaketojne keta “optimiste “ qeverritare . Toka bujqesore eshte bonifikim integral, nga Velipoja ne Karaburun .Bonifikimin nuk e beri Diktatura , por populli. Shqiptarve ju deshen 30 vite per ta perfunduar . U prish per disa dite dhe vijon te mos jete funksional per 25 vjet . Kur dhe kush do ta beje funksional? Kete duhet ta gjykoi drejtesia e pa varur !
Uroj te behet me e mira dhe ne kurban Barjam te takohemi me koncepte dhe praktika te reja per token dhe ujrat siprfaqesore , qe gjithsesi duhet te kemi ende besim tek vendimi mbarepopullor , i shprehur 2 here me vote .
Me konsiderate te larte : Illo Foto , NY- Korrik -2015
Shqipëri, të marroft Zoti!….Më falë Shqipëri!
Ne Foto: Bjeshkët me Namë, të cilat Jovan Cvijiqi i bëri të Namura!/
Nga Fahri XHARRA/
Më falë Shqipëri që të rëndova ndoshta edhe të lëndova! Më fal! Por i pezmatuar nga ato që po lexoj për ne e mbi ne , ta mbushin zemrën plot vaj. Si lejohet që çdo kush të shkordhet mbi ne , e ne të heshtim? Si lejohet, e gjithë ajo energji e mohuesve të shkarkohet mbi ne?
Dhe Shqipëria heshtë, nuk bëzanë!
Që nga koha e Ismail Qemalit , neve nuk patëm njerzë të denjë të politikës që ti dalin zot atdheut. Na erdhi Esat Pasha me dum`babën , e pastaj deri te mbreti Zog , sa qeveri i ndërruan , pastaj mbreti , pastaj fashizmi , pastaj Enveri që me çdo kusht donte të hyj në histori me marksizëm – leninizmin e tij , donte ta rrenojë “ imperializmin” dhe “revizionizmin “ në botë . Pastaj Ramiz Alija , Sali Berisha, Fatos Nano dhe tani Edi Rama , asnjë nga këta ,asnjë për komb. Leta shikojnë historinë e tyre udheqëse te gjallët dhe kurse për ata që na i kan marrur të ligat ,le të hapin sytë trashëgimtarët dhe të na tregojnë një sukses kombëtar.Asnjë!
Serbia e ka ndërruar strategjinë e poshtërimit ndaj nesh , ndaj shqiptarëve ,ndaj Shqipërisë ! Tani janë futur në lojë boshnjakët ( me të vjetrën , muslimanët) e viseve shqiptare të cilët konferencat e ndryshme i ndanë nga trungu. Tani mu ata që e paten fatin e tillë , të ndarjes , të zhdukjes nga origjina e tyre e kërkojnë veten diku në askund .Le të shkojnë ku të duan , të humbur janë sepse neve nuk kishim fuqi t`i mbrojmë . Le të shkojnë ku të duan se ne nuk e dijmë as një fjalë zyrtare për ti “kthjelluar: nga mendja dhe të mendojnë ndyreshe ; ose së paku mos të mundohen të na” ndërrojnë” strukturën kombëtare të Shqipërisë .
E keni njohur një historian boshnjak , quhet Mustafa Memaj ( jo , Memiq ) është nga Gusinja , ishte dikur shqiptar; kurse tani boshnjak ( musliman ) me ndikim të madh në kombin e tij të dikurshëm shqiptar .( Mustafa_Memic_2007Mustafa Memić rođen je 24. augusta 1924 godine u Gusinju, gdje je 1935. završio četverogodišnje osnovno školovanje. Od septembra 1935. do kraja marta 1941. godine učio je u Velikoj medresi kralja Aleksandra u Skoplju. ) Paska pas mësuar 6 vjet në Medresën e madhe të Shkupit “ Krajl Aleksandër” . Aty ku edhe hasan Kaleshi i morri mëesimet për tradhtinë kombëtare.
Tani , edhe pse i shtyer në moshë ai prapë e vazhdon lojën e tretjes së shqiptarëve të vendit të tij në amulli kombëtare e cila nuk ka egzistur kurrë ; në boshnjak të Sanxhakut ?
Ai e thot dhe e shkruan edhe e mbronë nërkombëtarisht “ Banorët që nga Bjeshkët me Nam ( Prokletije ) janë të njohur për organizimin fisnor dhe malor të jetës së tyre, dhe mirreshin vetëm me blegtori , dhe normalisht edhe me dyndje“
E ka një qëlim të keq Mustafa Memiqi kur thot” që lëvizjet e tyre ishin një kahore nga malet malaziase(?) dhe malësisë së Shodrës (crnogorskih brda i skadarske malesije ) e drejt në krahinën e Plavës dhe Gusisë , Luginës së Lumit Lim dhe Rozhajës e në anën tjetër drejt Podgoricës , rrafshinës së Zetës dhe Nikshiqit dhe Tivarit “ Pra ,andej para nuk paska pasur shqiptar vendas por vetëm ardhacak malësor ? ( Të flisite për kohën parailire , ndoshta .Por jo , ai flet për kohërat e reja ) . (Qëllimi 1 ) . Dhe vazhdon . : lëvizjet në kahjen tjetër- drejt Shkodrës (najprije su zapažena krajem XVII vijeka iz Boke Kotorske, prvenstveno iz Herceg Novog i Risna i krajem XIX vijeka iz Nikšića, Spuža, Žabljaka, Zete i Podgorice, a tokom druge decenije XIX vijeka iz plavsko-gusinjske oblasti, takođe prema Skadru. )
Pra lëvizjet e muslimanëve ( lexo: shqiptarëve ) nga tokat e tyre e drejt Shqipërisë , nga Boka e Kotorit, HercegNovi, Nikshiqi, Spuzha, Zhablaku , Zeta e Podgorica , pastaj nga Plava e Gusija,.( Qëllimi 2 dhe 3 )
Ky ishte një debim me dhunë i shqiptarëve të Bokës së Kotorit, HercegNovit, Nikshiqit, Spuzhës, Zhablakut , Zetës dhe Pogoricës pas Kongresit të Berlinit (1878 ) – qëllimi 2 , dhe qëllimi i tretë të na bindë nebve dhe botën që malaziasit e populluan Veriun e Shqipërisë me popullsi boshnjake .
Literatura që Memaj ( Memiqi ) e ka përdorur për këtë shkrim është impozante:
1. Tomo K. Popović, Herceg-Novi, Istorijske bilješke, knj. prva, 1382-1797, Orjena, Herceg-Novi, 1924, 95;
2. Hivzija Hasandedić, Spomenici islamske kulture u Herceg-Novom i okolini, “Takvim” 1407/8-1987, Sarajevo, 1987, 152, 153; – Hrvatski arhiv Dubrovnik, C, 2-Za, C 2-4, C-61 a, Acta turcarum Arhiva 5. 3.Tomo K. Popović, Herceg-Novi, 93;
4. Autor podatke dobio od Oručević Slada, dip. ekonomista u Privrednoj komori SR BiH, zavičajno iz Podgorice. Ima rođake u Skadru;
5. Mustafa Memić, Plav i Gusinje u prošlosti, Beograd, 1989, 75;
6. Razgovor autora sa Bašić (Duli) Medihaja, živi u Tirani, razgovor vođen kada je kao gost boravila u Sarajevu (10. VI 1990. godine);
7. Petar Šobajić, Nikšić-Onogošt, Beograd 1938 116.
8. Isto, 120.
9 Dr Žarko Bulajić, Agrarni odnosi u Crnoj Gori (1878-191 2), Titograd, 1959, str. 88-89;
10Demuš Đoković, Razvoj revolucionarnog pokreta na području Tuzi i Malesije između dva svetska rata. Rukopis u Istorijskom institutu SR Crne Gore; Hercegovine 11503, 11504;
Shikoni , të heshturit e Shqipërisë , Mustafa Memiqi , nuk është për tu injoruar ,sepse ai kryen shërbime të mëdha në mohimin dhe shtrembërini e historisë sonë, Librat e tij janë të pa numërt , dhe të gjitha me një qëllim : Mohimin!:
Librat e Memiqit:
1.Velika medresa i njeni učenici u revolucionarnom pokretu, Skoplje 1984., recenzenti: dr. Anton Kolendić i Edib Hasanagić,
2.Plav i Gusinje u prošlosti, Beograd 1989., recenzenti: akademik Branko Pavićević i akademik Sima Ćirković,
3.Bošnjaci-Muslimani Sandžaka i Crne Gore, Sarajevo 1996., recenzenti: akademik Avdo Sućeska i prof. dr. Mustafa Imamović,
4.Poznati Bošnjaci Sandžaka i Crne Gore, Sarajevo 1998., recenzenti: prof. dr. Enes Pelidija i prof. dr. Ismet Dizdarević,
5.Kad iz staračkih grudi prikrivena se zavist i zloba probudi, Sarajevo 2001., recenzenti: Ishak Laličić i Fehim Kajević,
6.Korjeni zla i nasilja, Sarajevo 2002., recenzenti: mr. Muharem Kreso i dr. Husnija Kamberović,
7.Bošnjaci (Muslimani) Crne Gore, Sarajevo 2003., recenzenti: prof. dr. Novak Kilibarda i dr. Safet Bandžović,
8.Pojave prozilitizma u plavsko-gusinjskom kraju 1913. i 1919. godine, Sarajevo 2004., recenzenti: akademik Muhamed Filipović i mr. Sefer Halilović.
9.Sjećanje na Dževahiru Memić, rođ. Hot, Sarajevo 2004.
E ne , na qoftë për marre e për turp , kënaqemi me një ideologji antikombëtare, i lejomë krymbat e huaj t`i lëshojnë larvat e tyre që vështirë çrrënjosen
Fahri Xharra, 28.07.15 , Gjakovë
.
A ishte Enver Hoxha islamist i mshehur?
Nga Fahri Xharar/
Pas rënies së komunizmit, u krijua një vakuum shpirtëror në shtetet ish-komuniste e një ndër to edhe Shqipëria, të cilat reaguan menjëherë për të mbushur boshllëkun me të ashtuquajturën ëndrrën e mirëqenies perëndimore por dhe me ri-gjallërimin fetar, i cili i dha një impuls komuniteteve fetare deri atëherë “të fjetura” dhe të errësuara nga e ashtuquajtura “fe e rreme” e ardhur nga lindja-komunizmi, i cili kishte bllokuar dhe pothuajse ndaluar fetë tradicionale duke ua zënë vendin atyre, për gati më shumë se gjysmë shekulli. Por nga ky ”vlim” , kishte edhe parapërgatitje të mëherëshme të cilat në shikim të parë dukeshin “spontane” ( vetvetiu)
“Rinia e Durrësit kishte shkuar në Shënavlash dhe e kishte kapur prej mjekre dhe nxjerrë jashtë nga kisha priftin. I pati thënë se selinë e tij do ta bënin shtëpi rinie. Kjo u botua të nesërmen në gazetë. Pasi e kishte lexuar këtë shkrim Meron e kishte telefonuar Mehmet Shehu: “Mirë ka vepruar rinia e Durrësit! Po këtë xhaminë në qendër të Tiranës do ta lini këtu?” “Nuk e kemi menduar akoma, shoku kryeministër”. “Mendojeni, mendojeni, po ajo dhjetë vetë dhe nja dy kazma do”. “Do ta shikojmë, shoku Mehmet”. Pas kësaj Mero mori në telefon Ramiz Alinë dhe ky i tha shkurt: “Prit një herë ta bisedojmë me shokun Enver”. Shkoi tek Hoxha. Ky iu përgjigj prerë: “Në asnjë mënyrë!” Pastaj kish riporositur: Kujdes në Shkodër dhe në Dropull! (Ylli Polovina)….
Pas lufte Diktatura (e Proletariatit) ua zbehu feve ndikimin, atë për keq, por edhe atë për mirë. Duke qenë se kishte për doktrinë ateizmin, ajo e negativizoi gjithçka të saj, edhe frymën paqësore dhe bashkëjetuese. Deri sa më në fund, më 6 shkurt 1967 shpërtheu më të padëgjuarën ngjarje në të gjithë historinë e globit: mbylljen e kishave dhe të xhamive, si dhe shpalljen e Shqipërisë si vendi i parë kundërfetar.
Por ….. Kjo shpikje e Tiranës zyrtare që po i jepte “nam” botëror Enver Hoxhës, a ishte e marrë dhe njëkohësisht tepër e ndërlikuar apo vinta nga dikush . “Kjo që po bëhet në vendin tonë, nuk është bërë në botë. Ne mund të jemi, p.sh., një shekull para botës” do ta deklaronte në një rreth të ngushtë bashkëpunëtorësh edhe vetë Hoxha .Ku e kishte qëllimin Enver Hoxha ?
Pak histori.” Kultura perëndimore i referohet kryesisht civilizimit evropian, civilizim i cili lindi që 9000 vjet përpara duke pasur Paganizmin si fe shpirtërore si kultura iliro-pellazgo-greke, dhe paganizmin e Evropës Veriore (Celtic, Germanic, Romanic, Iberians, Slavic).Kultura perëndimore mori formë gradualisht pas vendosjes së fesë monoteiste kristiane që me perandorinë romake, u nda pastaj në atë të Lindjes e të Perëndimit.” ( P. Prifti)
Shoqëria perëndimore mori formë nëpërmjet standardeve të artit, muzikës, kulturës, botëkuptimit dhe traditave të lejuara dhe të pranuara nga morali kristian i cili dominonte e dominon edhe sot e kësaj dite.
Dihet që shqiptarët myslimanë kanë qenë dhe janë “shitës të besimit fetar” për interesa dhe për grada, por dhe kristianët, sidomos ata që i u bashkuan komunizmit, kanë qenë dhe janë të njëjtë si vëllezërit e tyre. Por tek Enveri a mëshihej smpatia e tij për islamizëm apo ia kishte diktuar dikush?
Përplasja e civilizimeve në Shqipëri në fakt ka veçorinë e përplasjes së mentaliteteve dhe traditave të ndikuara nga feja. Pse këto përplasje ?
“ Ndarja e Shqipërisë pas 1913-ës ishte një favor shumë i madh për Serbinë ,por edhe ajo ndarje dhe ai copëtim i tokave tona e donte një “marifet” të menaxhimit në mënyrë që me sukses të kryhej kolonizimi i atyre tokave dhe përfundimisht të zhdukej shqiptari nga faqja e dheut. “Rrezikun më të madh për Kishën Ortodokse Serbe, e kjo do të thotë edhe për popullin serb, e paraqet Kisha Katolike në kufijtë tanë të rinj. Ky do të jetë një demon i cili nuk do të na lë të qetë dhe i cili në vazhdimësi do të jetë barrë edhe për shtetin edhe për popullin. Katolicizmi në këto anë është zgjëruar dhe, ç‘është më e keqja, është përhapur dhe ka lëshuar rrënjë. Të rralla janë vendbanimet në krahinat e reja ku katolicizmi nuk e ka kapur ndonjë shpirt serb (!) dhe nuk ka fituar ithtarë. “Priftëria katolike shqiptare dhe besimtarët e tyre janë fajtorë, sipas popit Bojoviq, për të gjitha mossukseset serbe” (“Vesnik Srpske Crkve”).
Çka synonte dhe ende synon Serbia ?
– mbushjen e mendjes së besimtarëve sdhqiptar që janë ‘komb’ mysliman dhe jo etni përkatëse, me të gjitha pasojat regresive në shoqëri.
-marrjen e të rinjve nga tokat shqiptare duke Iarsimuar nga ana fetare, por dhe duke hedhur farën e urrejtjes së çdo gjëje perëndimore, me qëllim krijimin e luftëtarëve të ardhshëm.
-Futja në mendjen shqiptare justifikimin e çdo dhune me thëniet se ‘Zoti I fal ata që vrasin qafirët’ etj
-Krijimin e problemeve nga shqiptarët në vendet ku migrojnë , që në emër të lirive e të drejtave të njeriut të kundërshtojnë ligjet laike të shteteve përkatëse- dhe propagimin e islamit duke i harruar vlerat shqiptare
Shihemi herën tjetër me pjesën e dytë të këtij shkrimi .
*(Pjesa e parë)
Fahri Xharra, 26.07.15 Gjakovë
Pala kosovare asesi nuk duhet të lëshoj pe rreth asosacionit të komunave serbe
Athua nuk u dha “ mend” komunitetit ndërkombëtar Republika serpska, udhëheqësit e së cilës jo vetëm që pretendojnë t’i bashkohen Serbisë, por ata janë bërë frenues të çdo përpjekjeje për çuar para BeH .Një gabim i tillë nuk do të duhej të përsëritet edhe në Kosovë!/
Shkruan: XHAVIT ÇITAKU/
Insistimi i Bashkimi Evropian për të filluar një dialog ndërmjet Prishtinës e Beogradit po del se ishte jo vetëm i panevojshëm por edhe bukur shumë i dëmshëm për palën kosovare. Për këtë konstatim flasin edhe marrëveshjet e deritashme të arritura në të cilat, dorën në zemër, tregojnë qartë se prekin dhe provokojnë ndjeshëm sistemin tonë rregullues kushtetues. Si shembull për këtë mund të merret marrëveshja për drejtësinë, në të cilën ashiqare shihet një segregacion etnik në këtë fushë tejet të rëndësishme, i cili ishte praktikuar në arsim dhe në punësim në kohën kur në pushtet ishte regjimi i Milosheviqi . Ka shumëçka për të thënë, por më e rëndësishmja është se bazuar në zhvillimet e deritashme të këtij dialogu, Kosova nuk do të duhej të futej fare në këtë proces, sepse, pavarësisht se BE është ndërmjetësuese, ky mekanizem më shumë po i bën presion palës kosovare që të pranon marrëveshje të “ gatuara” në Bruksel sesa që këtë e bën në drejtim të qeverisë serbe. Me një fjalë, Kosova është duke u ballafaquar e vetmuar nga presione që i vijnë nga anë të ndryshme, ndërsa nga miku ynë i madh SHBA, për shkak të problemeve të shumta e mjaft të rrezikshme në arenën ndërkombëtare, nuk i ka mbetur gjë tjetër pos që të përkrah ato propozime të Brukselit, me një arsyetim tashmë që është bërë rutinë se me to nuk dëmtohet gjë Kosova dhe çka është me rëndësi se nuk cenohet integriteti territorial i vendit.
Për Ujëmanin qytetarët e Kosovës ndihmuan me vetëkontribut për pesë vjet radhazi
Qeveria serbe ka filluar përgatitjet për të “ bindur” opinionin serb për ndryshime kushtetuese që duhet bërë ku do të hiqet nga preambula e aktit më të lartë juridik fjalia se Kosova është krahinë serbe, gjë që flet qartë se Serbia e di fare mirë se Kosova është humbur përgjithmonë. Mirëpo, politika serbe si gjithnjë nuk dorëzohet dhe vazhdimisht punon e vepron kundër Kosovës sidomos në planin ndërkombëtar dhe e përkrahur nga disa miq të saj po arrin që të nxjerr disa “përfitime” të cilat po shkojnë në dëm të palës kosovare. Thënë konkretisht, Kosova ka humb se ka humb bile lë të provohet me të gjitha mjetet, tash për tash diplomatike, për të nxjerr diçka në dobi të komunitetit pakicë serb, por nuk do të ngadalësoj se vepruari edhe në aspektin ekonomik të përfitoj diçka. Se qeveria serbe ende nuk i ka shuar apetitet për pasuritë përrallore të Kosovës tregon deklarata e kryeministrit serb, Vuqiqit, i cili thotë se kurrë nuk do të pranoj që liqeni i Ujëmanit t’i mbetët krejtësisht pronë e Kosovës, por, siç thekson ai, ajo pasuri duhet të ndahet 50 me 50 përqind. Ndërkaq, dihet se ky sistem i rëndësishëm për ekonominë e vendit e posaçërisht për degën e bujqësisë është ndërtuar me anë të kredive që i ka paguar punëtoria kosovare, por edhe qytetarët duke ndarë një përqindje të të ardhurave personale për pesë vjet me radhë pas referendumit që ishte shpallur e përkrahur. Kësi marifeti të palës serbe për të kërkuar pasuri në një shtet tjetër nuk mund të dëgjosh askund në botë, ndërsa politikanët tanë në asnjë rast nuk reagojnë dhe t’i tregojnë atij dhe të tjerëve se pronarë i gjithë pasurisë është shteti i Kosovës dhe askush tjetër dhe se nëse edhe njëherë dëgjojnë “ klithma” të tilla pushtuese më nuk do të këtë kurrfarë dialogu me Serbinë. Nuk forcohet e ndërtohet shteti duke bërë gjithnjë lëshime palës serbe dhe asaj evropiane, por duhet përmbajtur me konsekuencë parimeve që dalin dhe obligojnë nga Kushtetuta e vendit. Vetëm kaq dhe asgjë më tepër.
Asnjë ligj e as Kushtetuta nuk parasheh që asosacioni të këtë kompetenca?
Kohë më parë përfaqësuesi e Bashkimit Evropian për Kosovë, Zhbogar, pos tjerash tha se asosacioni serb i komunave do të formohet sipas ligjeve dhe Kushtetutës së Kosovës dhe se ai do të këtë kompetenca në disa fusha. Së këndejmi, edhe shtrohet pyetja se athua në cilin ligj dhe nen të Kushtetutës e paska parë z. Zhbogar se një formacion etnik i tillë mund të këtë kompetenca? Megjithatë,për këtë deklaratë të tillë aspak nuk mund të “ fajësohet” përfaqësuesi i BE-së sepse kjo është rrjedhojë e një dokumenti bazë që është prezentuar në Bruksel, e cili siç është paralajmëruar, do të duhet të plotësohet me kontaktet tjera të të dyja palëve, që do të thotë se ato kompetenca në disa fusha do t’i këtë ky asosacion gjithsesi, por pale mos po mundet edhe diçka tjetër të nxjerrë Serbia. Pra, siç doli së fundmi në disa mjete të informimit, ky asosacion serb do të këtë një numër të madh të nëpunësve që nënkupton formimi i një “ qeverie” tjetër që do të veproj në territorin e Kosovës dhe atë të financuar nga buxheti i Kosovës. Së këndejmi, shtrohet edhe pyetja se në çfarë shkalle do të mund të “ intervenoj” dhe kontrolloj e ndikoj qeveria e Kosovës që ky asosacion t’i përmbahet ligjeve dhe aktit më të lartë juridik të vendit. Kjo lë shumë për të dëshiruar. Athua komuniteti ndërkombëtar nuk u mbush “ mend” me gabimin që ka bërë në Bosnje e Hercegovinë me Republika srpska, udhëheqësit e së cilës jo vetëm që angazhohen hapur për t’iu bashkuar Serbisë, por ata janë bërë frenues të çuarjes para të shumë proceseve në këtë vend. Së këndejmi, para ekipit negociator të Kosovës i mbetët obligim edhe moral e shumë më shumë kushtetues që në aspektin e kompetencave të mos lëshoj pe nga çfardo presioni, sepse në të kundërtën jo vetëm që pjesa veriore do të bie devinitivisht nën sovranitetin e shtetit serb, por do të këtë në vazhdimësi probleme edhe me serbët lokal në komunat tjera të vendit tonë.
Serbia pa asnjë pengesë formon institucione paralele në Kosovë
Qeveria e Kosovës ka rënë në gjumë të thellë dhe as nuk po sheh e as nuk po dëgjon se çfarë po bënë e vepron Serbia në territorin e Kosovës. Këtë më së miri e tregon shembulli i fundit antikushtetues në Gorë, kur ministri serb me “ krenari” mori pjesë në aktin e themelimit të Entit për Punësim. Dhe jo vetëm kaq. Ai tha se të njëjtat veprimtari dhe të tjera që kanë karakter shtetëror do të vazhdojnë të instalohen edhe në komunat tjera si dhe që financimi dhe ndihmat tjera materiale nuk do të ndalen për banorët e kësaj pjese të Kosovës, që janë lojal ndaj shtetit serb. Po ashtu, dihet haptas se Serbia ka emëruar kryetar dhe zyrtar tjerë në të gjitha komunat, të cilët në fakt janë persona kryesor që vendosin për gjithçka që ndodh në ato mjedise dhe i japin llogari vetëm shtetit serb. Me një fjalë, qeveria serbe pa asnjë pengesë formon e instalon institucione paralele, ndërsa qeveria jonë “qele guri gojën” apo thënë më mirë nuk e ka ndërmend të kundërshtoj këtë përzierje flagrante në punët e brendshme të qeverisë serbe në vendin tonë. Zaten thuhet se heshtja është një lloj pajtimi me gjithë atë që ndodh për dhe rreth nesh.
- « Previous Page
- 1
- …
- 545
- 546
- 547
- 548
- 549
- …
- 764
- Next Page »