Nga ELIDA BUÇPAPAJ/
Përpara dy ditësh në Grenchen të Zvicrës, unë dhe Skënderi bashkë me një grup zviceranësh u anëtarësuam në LDK-në e Zvicrës. Gjesti ynë ishte si një gjest i jashtëzakonshëm në një moment të jashtëzakonshëm. Sepse s’kemi qenë asnjëherë anëtarë të asnjë partie politike. Si gazetarë dhe intelektualë me pikpamje centriste e liberale, e kemi mbështetur gjithmonë LDK-në, sepse garantin për këtë parti që e nisi rrugëtimin si lëvizje kombëtare me vizion kombëtar dhe euro-atlantist e kishim nga dy faktorë – i pari Ibrahim Rugova, i dyti – populli i Kosovës, elektorati rugovian, i cili e kërkonte Kosovën dje të lirë e shtet të pavarur, sot që të ketë formatin e një shteti europian.
Ne e kemi mbështetur LDK-në në kohët më kritike, por ndërkohë pas vdekjes të Rugovës e kemi kritikuar ashpër. Në një parti të tipit rugovian, ku toleranca është rruga për të ecur përpara, kritika duhet të jetë gjenerator lëvizës.
U anëtarësuam në LDK-në e Zvicrës, që ka kontribute për çerek shekulli, sepse Kosova ndodhet në një moment shumë kritik, ku shteti i së drejtës rrezikohet nga antishteti, krimi dhe korrupsioni dhe në këtë udhëkryq të madh, mendojmë se Kosova e qeverisur nga LDK-ja ka shanse të bëhet shtet me të gjitha prerogativat që kanë shtetet në Perëndim.
Ne jemi të vetëdijshëm për rrezikun që Kosovës i qëndron mbi kokë si Shpata e Damokleut dhe mendojmë se LDK ka mundësi ta shpëtojë vendin nga tatëpjeta.
LDK ka mundësi ta bëjë këtë sepse sot Kosova ka aleatë SHBA,Perëndimin dhe rruga që do të përshkojë është e qartë si drita e diellit. Këtë rrugë duhet ta përshkojë me një lidërship me integritet, me politikanë me integritet, me politikë me integritet. Do të vijë në pushtet jo për interesa partiake, jo për interesa individësh, klanesh apo bajraqesh, por për interesa të Kosovës dhe të gjithë banorëve të saj pa dallim idesh, etnish apo besimi fetar.
Ka ardhur koha që LDK të ngrihet. Zgjedhjet janë në prag të derës. Prandaj angazhimi duhet të jetë maksimal. Lideri I LDK-së Prof.Dr. Isa Mustafa ka shumë shanse të jetë kryeministri i ardhshëm i Kosovës. Por që ta fitojë këtë mandat i duhet një imazh i pastër dhe brilant, që do të reflektojë pastërtinë e popullit të Kosovës dhe të politikanit, si përmbajtje e kësaj partie politike.
Prandaj them se LDK-ja e Isa Mustafës fiton me Donika Gërvallën. Kjo është Kosova. Djepi i mrekullisë njerëzore, sepse nga gjiri i saj lind gjithmonë figura që e nderojnë, që e bëjnë të krenohet dhe t’u besojë, figura që i japin Kosovës pa e patur në mendje përfitimin personal. Pikërisht si thotë John F.Kennedy “Ask not what your country can do for you; ask what you can do for your country.” – “Mos pyet se çfarë mund të bëjë vendi yt për ty, por pyet çfarë mund të bësh ti për vendin tënd”.
Sepse Kosova sot është në rrezik. Luftua u fitua, por vendi rrezikon të pushtohet nga armiku varfëri – prodhuar nga korrupsioni, mafia, informaliteti.
Dhe LDK-ja e Isa Mustafës ka mundësi ta shpëtojë vendin duke patur në krah Donika Gërvallën.
LDK-ja prej vdekjes të Rugovës i ka provuar të gjitha llojet e humbjeve. Po të krahasosh elektroratin e zgjedhjeve parlamentare në vitin 2001, 2004 me atë të 2010, LDK-ja ka humbur gjysmën e tij, ndërkohë që në zgjedhjet e 2010, abstenimi në votime ishte 55 %. Pra më tepër se gjysma e popullit të Kosovës nuk kanë dalë në votime. Sepse e kanë humbur besimin tek politika. Statistikat janë shumë eklatante. Flasin vetë. Nuk duan koment. Por ky elektorat është aty. Që duhet të shkojë patjetër në votime, sepse me votën e tij Sovrani vendos fatin e tij.
Me imazhin e Donika Gërvallës LDK-ja e Isa Mustafës mund ta rifitojë zemrën elekoratit rugovian, elektoratit që ka abstenuar. Për t’i treguar popullit të Kosovës, se LDK-ja ka reflektuar për gabimet e saj, të cilat i kanë kushtuar asaj dhe popullit të Kosovës. Dhe pas tatëpjetës, ka ardhur koha e ngritjes.
LDK-ja e Isa Mustafës fiton me Donika Gërvallën, e cila e ka fituar zemrën e Kosovës. Si e bija e Isuf Gërvallës dhe vijuese e familjes Gërvalla, me formimin e saj në Perëndim, me integritetin e saj të pastër, me përkushtimin e saj dhe me guximin për t’i shqiptuar të vërtetat.
Vetëm kështu do të fitojë LDK-ja. Vetëm kështu do të fitojë Kosova. Fitorja e LDK-së nuk do të jetë fitore partiake, por fitore kombëtare, për të ndryshuar Kosovën, për t’i ndalur rënien, tatëpjetën, me qëllim ngritjen, dhe integrimin në Europë.
Mjaft më Kosova si Lager në zemër të Europës. Kosovës i duhet shteti i së drejtës, sepse vetëm kështu do të integrohet në Europë. Si demokraci e tipit Perëndimor. Dhe LDK-ja i ka të gjitha mundësitë, sepse është themeluar nga një lider europianist dhe ka burime njerëzore. LDK-ja e Isa Mustafës me Donika Gërvallën e fitojnë zemrën e sovranit për ta shpëtuar dhe ngritur Kosovën.
Përse genocidi në Ballkan u ndoq vetëm ndaj shqiptarëve?!
Në përkrahje të Prof.Dr Eshref Ymerit,për denoncimin moral e dëmtues të gënjeshtrës./
Nga Vilhelme Vrana Haxhiraj/
Duke i kërkuar ndjesë për përgjigjen e vonuar, uroj, përgëzoj dhe falenderoj Prof. Dr. Eshref Ymerin për kurajon morale e qytetare, për njohuritë e gjera historike e diplomatike,me të cilat ai mbron të vërtetën e hidhur historike për Shqipërinë dhe për shqiptarët.
Gjithë ata historianë që i shërbyen me fanatizëm idealit marksist-leninist -enverian, kurrë nuk kanë venë në shërbim të historisë logjikën me arsye. Asnjëherë nuk kanë bërë pyetjet si ndodhi, përse ndodhi, apo cilat ishin shkaqet ose pasojat. Më habit një fakt tejet domethënës për një njeri të thjeshtë, kurse për një historian është abdsurditet, mosthellimi i punës së tyre “historiko- shkencore” për gjetjen e shkakut të genocidit në Ballkan. Nuk kam dëgjuar nga goja e tyre apo të kem lexuar nga ata që të kenë bërë ose të bëjnë një pyetje të vetme:
” Përse genocidi në gadishullin e Ballkanit u ndoq vetëm ndaj shqiptarëve, të cilët u masakruan dhe u përndoqën nga trojet e të parëve ilir si në Çamëri, në Kosovë, në Mal të Zi, në Bosnjë e Maqedoni, një shfarosje që ende nuk ka marrë fund? Për derisa ata nuk i njohin juridikisht të drejtat legjitime territoriale, të thesprotëve apo dardanëve hyjnorë, nuk ka e s’mund të ketë drejtësi. Se për mbështetje morale nga ana e shovinistëve përfaqësues të nacionalizmit ekstrem, as që bëhet fjalë. Një mëri hakmarrëse pa arsye e heshtur, që fle në mendjet e tyre të mykura, do të jetë gjithmonë e pranishme mes neve dhe fqinjëve. Kot nuk ekziston thënia se, ‘uji fle, por hasmi s’fle’. Qetësia e rreme, apo fqinjësia “e mirë” për hir të mënajnimit të mosmarrëveshjeve ndërballkanike, gjë që e kërkojnë orgamnizmat ndërkombëtare, është hipokrizi dhe farsë. Nuk duhet të harrojmë se ende këlthet për drejtësi, Nata e San Bartolemeut të Ulqinit, ulëret Çamëria për pronarët e saj legjitim. Kanë 70 vjet që ende kërkëllijnë gjithë ankesë, drynët e ndryshkur në portat e shqiptarëve të përndjekur nga trojet, pronat dhe shtëpitë e tyre. Nëntoka e Kosovës rënkon nga varrosjet masive. Ende s’është terur gjaku i pafaj që lau trojet arbërore të Dardanisë. Ndaj dhembja e shqiptarëve të pafajshëm është e pranishme në çdo zemër nëne e të çdo shqiptari si dëshmitar kohor, pasi plagët e të rënëve janë emde të freskëta… ”
Jashtë kufijëve tanë shtetëror, shqiptarët u denigruan, u vranë, u shpërngulën me forcë nga vatrat e tyre. Këtë gjëmë e bënë të huajt si: shovinizmi grek, serb apo maqedonas. Për fat të keq shqiptarët nuk kishin vetëm armiqtë e tyre shekullor, por u luftuan, iu mohuan të gjitha të drejtat ,u vranë, u burgosën dhe u internuan nga vëllezërit e një gjaku, nga ata që ndoqën mësimet e Moskës dhe Beogradit. Pra politika e diktaturës komuniste shqiptare i shërbente shovinizmit greko-serb, lidhur me shfarosjen e kombit më të lahtë të kontinentit. Të kërkosh zhdukjen e identitetit të një kombi është krim, përgjegjësia e të cilit ka përmasa botërore. Pasi kush më shumë e kush më pak, prej vendeve të hequra si miq, me politikat e tyre revanshiste për epërsi ndaj vendit tonë, apo edhe heshtjes duke bërë sehir atë që ka ndodhur me shqiptarët janë fajtor, indiferentizmi i të cilëve është faj i pakorregjueshëm, madje është bashkëpunim i tyre me krimin.
Për krimet e bëra si brenda dhe jashtë vendit, si nga diktatura komuniste shqiptare edhe ajo serbe, apo greke ende nuk është kërkuar falje. Me të drejtë është ngritur opinioni botëror për genocidin nazist. Pyes se kur vallë ky opinion nuk do të tolerojë më, por do të kërkojë me ndërgjegje shpagim e dëmshpërblim për viktimat e komunizmit ndaj shqiptarëve? Si nazizmi edhe komunizmi janë diktatura dhe si të tilla kanë ndjekur politika ekstreme të shfarosjes masive.
Kjo ka qenë dhe është detyrë e historianëve nëse kanë sadopak atë nervin apo damarin e ballit që u tregon se janë atdhetarë. Kurrë nuk mund të ecet përpara në paqe e qetësi, nëse ky problem madhor nuk gjen zgjidhje.
Ka 69 vjet që ka përfunduar Lufta e Dytë Botërore dhe ende sot Gjermania Demokratike po shlyen dëmshpërblimet e krimeve të nazizmit. Po për krimet e komunizmit kush do të përgjigjet vallë?
Mos vallë nostalgjikët e atij sitemi demonian, të cilët para pak ditësh shkruajtën parrulla në malin e Shashicës, mbi Ujin e Ftohtë të Vlorës, për komandantin legjendar, për peshkaqenin baba, që pasi eliminoi ata të cilëve u kishte frikën, filloi dhe hëngri një nga një bijtë e vetë. E të kesh nostalgji për një përbindësh me buzëqeshje hipokrite dhe mashtruese, është e neveritshme, është mëkat. Kjo është çmenduri. Besimi i tyre verbër do të thotë që në jetë të ecësh si somnambul, pa parë dhe analizuar se ç’ndodh rreth teje. Me këto mendje Shqipëria e pafat, kurrë nuk mund të bëhet si Evropa , apo si Bota e zhvilluar, jo. Me korrupsion , me emërime militantësh partiak, duke flakur në rrugë të madhe të aftët, duke ngritur në piedestal antivlerën, me një histori të gënjeshtërt dhe të politizuar, me një kulturë të gjymtuar, me një gjuhë administrativo -politike të bastarduar, me mungesë etike dhe estetike tërësore dhe jo të pjesëshme apo e kudopërdorshme, nuk shkohet askund.
Shpresa e kombit tonë varet nga shkëputja prej nostalgjive të së shkuarës komuniste që e shkatërroi atë materialisht dhe e varfëroi ndërgjegjësisht. E bazuar në të vërtetën historike, duke e zhveshur nga hiperbolizmat, duke hequr dorë nga idhujt që i takojnë mistiçizmit dhe fesë pa baza shkencore, pastaj le të rishkruhet një histori reale dhe shkencore. Vendi ynë duhet të shohë vetëm drejt së ardhmes duke gjetur rrugët që të çojnë drejt një demokracie të vërtetë, drejt një sistemi ekonomiko-shoqëror jo ideal, por i vërtetë të cilin duhet ta ndërtojnë vetë shqiptarët. Ishte zgjedhja e shqiptarëve rruga e demokracisë, tani u takon atyre ta zgjidhin lëmshin që është pleksur keqas në këtë tranzicion që po plaket, sepse duket i thinjur dhe i rrudhosur. Kjo plakje nuk është si rezultat i halleve të kombit, por u plakën nga mendimet se si do t’i mbushin dhe sa shpejt do t’i mbushin xhepat e tyre …Ndaj vetëm ta mnedosh këtë tranzicion të zvargur, lodhesh deri në rrudhje mendimi.
Janë këto e shumë arsye apo faktorë të tjerë shqetësues, që dal në përkrahje të Prof.Dr.Eshref Ymerit. Sado të besohet gënjeshtra apo shpifja, një ditë e vërteta triumfon dhe del në shesh.
***
Koment:
Eshref Ymeri To Me Today at 5:02 PM
Shumë e dashura dhe e nderuara Zonjë Fisnike,
Ju falënderoj nga zemra për përkrahjen tuaj aq dashamirëse dhe aq frymëzuese. Ju ankoheni me shumë të drejtë për heshtjen e historianëve për zbulimin e së vërtetës rreth gjenocidit komunist dhe gjenocidit që ujqit evropianë kryen kundër trojeve shqiptare pas Kongresit famëkeq të Berlinit dhe pas Konferencës edhe më famëkeqe të Londrës. Por historinanët tanë, moj zonjë e nderuar, janë zëdhënësit e drejtpërdrejtë të politikës zyrtare, e cila jo vetëm gjatë regjimit komunist, por edhe në këto vite të demokracisë anarshiste, ka qenë dhe vazhdon të mbetet armike e thekur e Çështjes Kombëtare Shqiptare – e ribashkimit të trojeve tona etnike në një shtet të vetëm, që nga Çamëria e deri në Tivar. Ju, si shkrimtare e shquar, si publiciste dhe analiste e talentuar, për mendimin tim, jeni e vetme mes zonjave intelektuale shqiptare që qëndroni në pararojë të mbrojtjes së shqiptarisë së selitur dikur në të katër vilajetet tona. Qëndrimi juaj, i përshkuar fund e krye nga fryma e lartë e atdhetarisë, është një dackë e fortë jo vetëm për zonjat intelektuale, por për mbarë inteligjencien shqiptare, për mbarë historianët tanë, për mbarë Akademinë e Shkencave, për këtë ngrehinë të kalbur që rri e vegjeton para padrejtësive kriminale që i janë bërë kombit shqiptar nga ujqit evropianë. Qëndrimi juaj, si një përfaqësuese e shquar e letrave shqipe, është një klithmë ulëritëse për dy figurat e letrave shqipe, Ismail Kadarenë dhe Dritero Agollin që nuk e ngritën kurrë zërin, qoftë edhe një herë të vetme, për padrejtësinë kriminale që Evropa i bëri kombit shqiptar më 1878 dhe më 1913, në vend që ta ngrinin zërin fuqishëm dhe t’i drejtoheshin me thirrjen për zhbërjen e padrejtësisë sa më shpejt që të ishte e mundur. Kombi shqiptar juve duhet t’ju jetë shumë mirënjohës për shqiptarinë tuaj shembullore që e keni trashëgim brez pas brezi nga paraardhësit e fisit tuaj të nderuar.
Me shumë respekt.
Eshrefi Tiranë, 04 maj 2014
ÇMIMI QE DUHET TE PAGUAJE PERENDIMI
Opinion Nga Ajet Delaj/ New York/
Perplasja e perendimit me Rusine eshte haraçi qe duhet te paguaje perendimi per lenjen ne mes te rruges te revolucioneve demokrate te fundit te viteve 80te si dhe ndihma e pakusyer dhe e pakushtezuar e perendimit per te rimkembur Rusine.
Miljona antikomuniste te pushkatuar per bindjet e tyre e aspiratat e tyre per liri e demokraci e deri edhe per nje fjale goje e po kaq te masakruar e shfrytezuar edhe pa buke pergjate tere sundimit te perendorise te se keqes te kaloje pa ndeshkimin me te vogel edhe pse krimet e komunizmit nuk kane qene me te vogla se te nazizimit nuk mendoj se ka gje ketu per te mos kuptuar nga lideret perendimore mbi ate qe po ndoll ne Ukrine e ne vet Rusine.
Ekonomite e lulezuara sipas komunisteve deri diten kure rane u grabiten dhe u vodhen nga komunistet dhe trashigimtaret e tyre deri ne centin e fundit qe ishte djersa dhe gjaku i miljona qytetareve te lindjes pasi ata vete per rreth gjysme shekulli kane qene vetem gjakpires e parazite e prape nuk u muar asnje veprim kunder tyre e nuk u ndeshkua askush.
Kesaj i thone pasi ta keshe plagosur ariun ta kurosh e sherosh e te ankohes se tani ariu po me ha.
E madhja Theçer ka thene se komunizmi dhe socializmi jane njelloj te rrezikshem per njerzimin. Perse perendimoret ne kohen e luftes se ftohte shoqerite e tyre mbajten ne pushtet te djathtet edhe per periulla 20 vjeçare e Presidenti Charles De Gaulle beri tre kushtetuta per te ndaluar komunistet te vinin ne pushtet ndersa ish-komunistet e pareformuar u lane te rikthehen ne pushtet me vota te vjedhura e manipuluara ne te tere Lindjen ishkomuniste e perendimi heshti.
Europianet dhe Amerikanet jo se nuk kane kuptuar por nuk kane dashur te kuptojne pasi shembujt i kane pasur te qarte e para syve.
Ish presidenti i njerit nga vendet Balltike ish emigrant ne USA kure e pyeten mbas mbarimit te mandatit si President i Lituanise rreth viteve 2000 nese nuk jam gabim se perse nuk u derdh gjak me rrezimin e komunizmit pergjigja e tije ishte e shkurter dhe e sakte “Komunizmi nuk eshte rrezuar” dhe me tej ka shtuar se kishte deshtuar ne demokratizimin e vendit pasi sa here kishte inicuar reforma domethense te dy krahet e parlamentit bashkoheshin kunder tij pasi te dy krahet ishin neokomuniste qe kishin ardhur aty me metoda jodemokratike.
Me tej akoma ne Rezoluten e Parlamentit te Europes mbas 2005 per te denuar krimet e komunizmit nga 720 parlamentare kane marre pjese ne seance 80 e kane votuar pro rezolutes diçka me shume se 50% pra 42 apo 43 parlamentare.
Çfare ka ketu per te mos kuptuar z Fyle Komisioner i Zgjerimit te BE e shume Fyle te tjere ne Europe e Amerike. Megjithate lavdi Zotit Krimea apo Ukraina nuk eshte fundi i botes apo i demokracise perendimore pasi jane thjesht kembane e forte alarmi per te perveshur krahet e rifilluar aty ku eshte lene ne 90ten. Thellesisht besoj se tashme perendimi eshte i qarte se ku ndollet ne raport me ish-komunistet qe nuk jane gje tjeter veç neokomuniste po aq antidemokrat , kriminel e antiperenimore sa the baballaret e tyre.
Zevendesimi i regjimeve kriminale komuniste me regjime kriminale te korruptua e oligarkike ne Europen e Lindjes eshte e papranueshme per popullesite e ketyre vendeve por ne te njejten kohe edhe e paqendrueshme.
Tregues me te mire te kesaj gjendje te vazhdimsise kriminale nuk mundet te kete sesa okupimi i Krimese e gjysmes se Ukraines pa shprazur nje pushke. Elitat kriminale te korruptuara te lindjes ish komuniste perveç se jane te korruptuara jane edhe filo-ruse qe ju kane hypur popujve te tyre ne qafe e natyrshem e konsiderojne demokracine e perendimin si armikun e tyre kryesor.
Demokracite perendimore perpara se te perballen me Rusine duhet te pastrojne shtepite dhe oborret e tyre pasi eshte e turpshme se si ish Kancelari Gjerman perqafohet me Putinin ne te njejten kohe qe vazhdon te derdhet gjaku i popullit ukrainas nga falangat ruse e shume qeveri kryesisht te majta te ish-lindjes komuniste heshtin e mundohen te flirtojne nen rrogoz me Putinin.
Histora ka treguar se armiku me i madh e shkaterrues per diktaturat dhe regjime kriminale eshte stuhia e lirise qe ben qe popujt e shtypur te ngrihen e ringrihen pa marre para syshe asnje rrezik.
Perendimi duhet te japi shenja te qarta per popujt e shtypur se me rrezimin e diktaturave nuk do pranojme regjime kriminale te korruptuara qe zakonisht diktaturat perpiqen qe te lene pas gje qe fatekeqesisht duhet thene ka ndollur gjer tani.
Perendimi i ka te tera mundesite njerzore , morale e financiare per te udhehequr si deri me tani nje bote paqesore e demokratike duke vendosur ne themel te rendit boteror lirite dhe te drejtat themelore te njeriut ashtu siç ka bere edhe gjer tani.
Nuk kerkohet gje tjeter ne organizimin e shtetit e shoqerise ne europen e lindjes veç ajo qe eshte funksionale ne perendim, ligj, drejtesi, mbeshtetje sociale e pagim taksash nga gjithe qytetaret e natyrshem te gjitha keto menazhuar e kontrolluar nga nje pushtet qe del nga vota e lire dhe e ndershme e qytetareve te ish-lindjes komuniste.
Flitet ne konferenca antikorrupsion ne Shqiperi e gjoja behen strategji per luftimin e tije e nuk thuhet nje fjale per grabitsin me te madh te pasurise se shqiptareve Qeverine e krimit te organizuar qe sundon vendin qe 24 vjet e askush nga perendimoret nuk prononcohet .
Si eshte e mundur te lejohet Kryeministri Shqiptar Edi Rama te shperndaje tapi mbi token e pronareve shqiptar si Enver Hoxha ne 1946 ku ne kundershtim me Kushtetuten e Shqiperise e tera aktet e konventat nderkombetare ku shteti shqiptar ka firmosur duke perfshire edhe Gjtkaten e Strasburgut dhe partneret perendimore te Shqiperise heshtin.
Nese perendimi do te japi suport per lirine e demokracine e popujve te shtypur te lindjes ish komuniste energjite dhe uniteti i lindjes me perendimit do te arrije nje nivele te papara me pare e rusve do filloje t’ju bjeri çatia e shtepise se tyre.
Koha ka treguar se ngritja e popullit per liri e demokraci ka rrezuar diktatura te fuqishme kriminale e te organizuara e furis se popullit nuk i ka rezistuar askush nga regjimet diktatoriale , as Rusia.
Ajet Delaj
New York
Pse kryeministri Thaçi i kërkoi zgjedhjet të afërta?
Nga Teuta Berisha*
Gjatë takimit me presidenten e Kosovës Atifete Jahjaga, Kryeministri Thaçi deklaroi publikisht që zgjedhjet e parakohëshme të mbahen në 8 qershor. Pavarësisht se ka muaj që parti të opozitës insistonin që të bëheshin zgjedhjet e parakohëshme, por kjo kërkese nuk pranohej nga Kryeministri. Fare papritur ndryshoi mendim Kryeministri dhe deklaroi që kërkon që zgjedhjet e përgjithshme të mbahen në një datë të afërt. Nga kjo deklaratë kuptojmë që kryeministri e ka përgatitur terrenin për zgjedhje shumë kohë para deklaratës dhe në këtë mënyrë tenton që të zejë partitë opozitare në befasi.
Interneti vitet e fundit është një element i rëndësishëm për te fituar vota. Rrjetet sociale dhe media përdoren pothuajse nga të gjithë politikanët për të bërë fushatë. Si shembull mund të themi zgjedhjet e fundit parlamentare në Shqipëri te cilat u fituan nga Edi Rama. Edi Rama i përdori shumë shpesh rrjetet socale duke shpërndarë vazhdimisht fotografi propoganduese. Prandaj kjo fushatë luajti rol të rëndësishëm gjatë fushatës zgjedhore. Këtë taktikë po ndjek edhe kryeministri Hashim Thaçi. Pavarësisht se rrjeti social Facebook ka vite që është hapur kryeministri e hapi kohët e fundit profilin e tij te vonuar. Menjëherë pasi e hapi profilin shumë fotografi dhe deklarata filluan të postoheshin në profil. Prandaj duket qartë se pavarësisht nuk i mbështeste zgjedhjet e parakohëshme vazhdimisht ka postuar fotografi në pozicione te ndryshme. Synimi është që të fitoje më shumë vota por fatkeqësisht sipas raporteve të Bashkimit Evropian Kosova është një ndër vendet më të varfëra të Evropës. Prandaj shoqëria Kosovare nuk ka nevojë për fotografi por për llogari se sa u punua gjatë viteve të qeverisjes së tij.
Një arsye tjetër se pse kryeministri kërkon që zgjedhjet të mbahen shpejt është sepse shqetësohen nga harresa. Pra, fatkeqësisht pati një rritje te vogël të rrogave vetëm muajin e fundit të qeverisjes Thaçi. Gjithashtu për shkak të fushatës u bënë e shumë premtime që venë në pikëpyetje se sa mund të realizohen ato. Tani që kjo rritje e rrogave dhe këto premtime të jenë të freskëta në mendjet e njerzëve kryeministri insiston që zgjedhjet të mbahen sa me shpejt që është e mundur. Por, Kosova e tregon vetë realitetin e hidhur dhe disa fotografi e disa reklama nuk munden që ta mbulojnë këtë realitet. Nivelin e varfërisë dhe të papunësisë mund ta venë re të gjithë Kosovarët sepse janë vetë ata pjesë e këtij realiteti të hidhur.
*/Deputete në kuvendin komunal Obiliq
Kur do të bëhet Shqipëria?
Nga Reshat Kripa/
Një pyetje që sot për sot nuk gjen përgjigje. Lexoj në shtypin e përditshëm njoftimin se Shqipëria paska humbur dy vende në klasifikimin e përgjithshëm të Freedom House për vitin në vazhdim..Një gjë e tillë nuk më habit pasi e shoh përditë, edhe në shembullin tim personal, që media shqiptare është e tërhequr më tepër pas pozicionimeve partiake gjë që, në një media demokratike, nuk duhet të ekzistojë. Por, për fat të keq, ky është një realitet i kohës së sotme. Një gjë e tillë vrehet edhe në qëndrimet e partive të ndryshme politike që, njera pas tjetrës, drejtojnë politikën e qeverisjes së vendit tonë, madje edhe në shoqatat e ndryshme që veprojnë në vend.
Le të flasim më konkretisht. Sot në Shqipëri ekzistojnë një numër i madh partish politike. Ekzistojnë, gjithashtu, një numër i jashtëzakonshëm shoqatash jo qeveritare që paraqesin programet e tyre politike ose jo politike. Një nga këto është edhe Shoqata Antikomuniste e të Përndjekurve Politikë Demokratë të Shqipërisë që unë e përfaqësoj si kryetar i degës së Tiranës të saj.
Dua të ngre disa çështje të cilat unë i konceptoj sipas gjykimit tim dhe të shtreës që unë përfaqësoj. Konstatimi kryesor që dua të ngre në këtë shkrim është se sot politika shqiptare mundohet të kalojë në heshtje kontributin e dhënë nga përfaqësuesit më në zë të nacionalizmit shqiptar. Une do të doja t’ju shprehja se ishte pikërisht nacionalizmi shqiptyar ai që mbajti të gjallë frymën e shqiptarizmit në të gjithë ekzistencën e këtij kombi dhe ai nuk mund të hidhet poshtë nga disa individë antishqiptar që kanë marrë ndër duar frenat e politikës së këtij vendi.
Le të flasim me shifra konkrete. Në këtë kuadër nuk dua të bëj dallim ndërmjet politikës së djathtë dhe asaj të majtë. Kemi disa vite që shoqata e jonë i ka drejtuar Presidentit të Republikes kërkesën për dekorimin e disa personaliteteve të shquara të nacionalizmit dhe vendit tonë por deri më sot nuk kemi marrë asnjë përgjigje. Në të kundërt shohim se dekorohen ish përgjegjësit e atentateve mafioze të periudhës së Luftës së Dytë Botërore dhe ata të maskrave të Tivarit e të tjera, ish gjeneralët e diktaturës totalitare, vetëm e vetëm pse i përkasin ish shtresës komuniste. Natyrisht një gjë e tillë është e papranueshme. Ne duam një Shqipëri për të gjithë shqiptarët dhe jo vetëm për disa.
Një kërkesë të tillë nuk e ka bërë vetëm shoqata e jone, por edhe nga degët e tjera në rrethet e vendit. Por përgjigja e vetme ka qenë heshtja e organeve kompetente. Aq me tepër kjo ndihet më shumë kur në ato institucione punojnë edhe një pjesë e mirë e atyre që i vuajtën mbi shpatullat e tyre pasojat e regjimit të egër komunist. Do t’ju thoja atyre zotërinjve: Mos harroni gjakun e të rënëve tuaj! Mos harroni të kaluarën tuaj!
Personalisht, në muaji dhjetor 2013 jam dekoruar nga Presidenti i Republikës me medaljen “Naim Frashëri” të artë. E falënderoj Presidentin e Republikës për këtë medalje të çmuar por më duket sikur nuk e meritoj para atyre burrave të shquar të nacionalizmit shqiptar që, në çastet më të vështira të jetës time, kur endesha gërxheve dhe shkrepave ku më kishte degdisur sistemi totalitar, më mësuan rrugën nëpër të cilën duhej të ecja, rrugën e demokraciosë së vërtetë perëndimore.
Këto përsa i përket së kaluarës së vendit tonë. Tani le të kthehemi në të ardhmen. Një sistem i ri është vendiosur në vend. Një politikë e re po zvillohet. A është kjo në përkrahje të detyrimeve ndaj shtresës tonë? Nuk dua të paragjykoj por, sipas të dhënave të deritanishme vazhdon e njëjta gjuhë e trajtimit të çështjeve. Vazhdon e njejta demagogji, në mos më tepër. Flitet për dëmshpërblimin e ish të përndjekurve politikë. Kanë kaluar mbi shtatë muaj nga vendosja e qeverisë së re dhe deri tani asnjë nuk ka mundur të marrë dëmshpërbliminn që i takon me ligj. Gjatë fushatës elektorale u premtuan shumë gjëra. U premtua se ligji i dëmshpërblimiut do të përfundonte brenda afatit të caktuar. U premtua se vlera e dëmshpërblimit do të rritej në 25 Euro për ditë burgu. U premtua se brenda dy viteve do të përfundojë dëmshpërblimi i të gjithë atyre që janë gjallë. Për këto dhe shumë premtime të tjera elektorale tani ka rënë heshtja. Askush nuk përgjigjet. Përse???
Të përndjekureit politikë nuk kanë vetëm çështjen e dëmdshpërblimit financiar. Ai është një detyrim që e ka shteti ligjor. Të përndjekurit politikë duan të dijnë se kur do të zgjidhet çështja e hapjes së dosjeve për bashkëpuntorët e sigurimit të shtetit dhe organet që i detyruan ata të nëshkruajnë . Kur do të dënohet figura e diktatorit Enver Hoxha dhe kur do t’i hiqen dekoratat dhe titujt e fituar gjatë sistemit totaliatar? Kur do të rishikohen datat simbol të sistemit komunist që ende ekzistojnë në shoqërinë shqiptare? Kur do të bëhen publike dokumentat që dëshmojnë për krimet e kryera nga regjimi komunist? Kur do të plotësohen detyrimet që lidhen me statusin e të përndjekurve polittikë për integrimin, arsimimin, punësimin, strehimin e të tjera? Sot vihet re një masë e paparë e pushimeve nga puna të ish të përndjekurve politikë. Përse? Kur do të caktohet një fond për gjetjen dhe rivarrosjen e të rënëve në luftën kundër komunizmit, në mënyrë që të afërmit e tyre të kenë një varr ku të vendosin një tufë me lule apo ku të derdhin dy pika lot. Së fundi kur do të organizohet konferenca kombëtare me pjesëmarrjen e përfaqësuesve të parlamentit, qeverisë, partive politike, shoqatave të përndjekurve politikë, akademikëve, historianëve si dhe ekspertëve të OJQ-ve, për krimet e kryera nga regjimi komunist. Të gjitha këto janë të përmbledhura në rezolutën e aprovuar nga Kuvendi i Shqipërisë në vitin 2006, ku ju nuk pranuat të merrni pjesë, ashtu siç nuk pranuat të merrni pjesë në miratimin e ligjit për dëmshpërblimin e të përndjekurve politië por që tani e pranuat se ai duhet zbatuar.
Së fundi edhe një gjë tjetër. Ajo që ka lidhje me të ashtuquajturën dita e çlirimit. Ndoshta kjo duhej të vihej e para, megjithatë mendoj se edhe në fund ia vlen të diskutohet. A ishte me të vërtetë një ditë çlirimi? Zor se mund të besohet. Nuk mund të besohet, pasi një ditë që solli robërimin e një populli nga një dikaturë më e egër nga ajo e pushtuesve nuk mund të quhet e tillë. Një ditë që e ndau vendin nga aletët më të njohur të demokracisë botërore nuk mund të quhet e tillë. Një ditë që ekzekutoi kuadrot më në zë të popullit shqiptar nuk mund të quhet e tillë. Një ditë që burgosi dhe internoi, pa asnjë shkak, me mijra e mijra bashkëkombas, nuk mund të quhet e tillë. Një ditë që e ktheu në skllav një popull të tërë nuk mund të quhet e tillë. Ndaj u bëj thirrje korbave që çirren për të kremuar këtë ditë të zezë të kombit shqiptar: Heshtni dhe mos u ndjeni më! Ju do të mbani në ndërgjegjen tuaj turpin e këtij kombi maritir!
Le t’ia lemë kohës të gjykojë. A do të bëhet Shqipëria? Unë thashë gjatë këtij shkrimi se nuk dua të paragjykoj asnjë, por gjithmonë jam në pritje të realizimit të kësaj ëndrre të kombit shqiptar.. Në të kundërt do ta konsideroja një demagogji të ultë të politikës shqiptare, të padenjë për atë që e deklaron veten burrë shteti. Me pak fjalë do të doja të thoja se Shqipëria e sotme nuk udhëhiqet nga shqiptarë të vërtetë. Kjo është fatkeqësia e këtij kombi.
- « Previous Page
- 1
- …
- 654
- 655
- 656
- 657
- 658
- …
- 766
- Next Page »