Ramiz Mujaj/

Kosova apo siç duhet të thuhet Dardania është shtet që 15 vite, Shqipëria që 110 vite, e sa është numri i shqiptarëve rreth e rrotull shteteve tona dhe diasporë? Në vitet 90-të kur po shpërbëhej Jugosllavia, Serbia hegjemoniste e kasapit te ballkanit, siç eshte e ditur, se pari ja mësyu Sllovenisë për ta nënshtruar edhe që me numër të popullsisë te përafërt me të Kosovës. Atë kohë e tërë ish-Jugosllavia e pati  mesy Slloveninë, por ata ishin të organizuar mire e që para se te hynin ne kufi forcat jugosllave u penguan dhe nuk munden ta pushtojne Slloveninë dhe vetem per nje jave forcat jugosllave nuk ja arriten qe ta pushtojnë popullin Slloven dhe atë ditë e sot ata jetojne te pavarur dhe te lire. Pastaj lufta filloi në Kroaci dhe dihet që pati shumë viktima por kah fundi u përdor forca ushtarake në Knin dhe liruan edhe ate pjese te territorit nga Serbet dhe ata sot jetojne te lire. Mali i zi që është me popullsi edhe më pak se gjysma e popullsisë së Kosovës Dardane me ca probleme minoritare serbe sot është  shtet funksioanl dhe anëtar i NATO-s.

Maqedonia e brishte me shume probleme dhe me nje identitet fallco sot eshte me e qetesuar nga pikepamja e stabilitetit politik ne krahasim me Kosoven. Dardania me nje identitet krejtesisht tjeter me nje popullsi thuja 95% nje etnike ne krahasim me shtetet per rreth nesh e sidomos me shtetin serb edhe qe jemi bere shtet sot kemi probleme e problemi thelbesor eshte mos uniteti i mendimit kompakt brenda partive tona brenda Kosove po ashtu i Qeverise se Tiranes me ne krye Edi Ramen i cili sot eshte i rreshtuar ne krahun e kriminelit te serbise Vuqic. Ne sot jemi shtet qe 15 vite te njohur nderkombtarisht dhe qe 23 vite e kem fitua luften kunder Serbise. Problemi numer nje tek populli yne eshte se ne nuk dijmë të jemi kompakt per qeshtjen tone madhore. Shifeni si populli shovenist serb vetem per te perfituar ende territore te vendit tone i vrasin edhe njerezit e vet vetem qe t’i akuzojne shqiptaret dhe ne dialog te jene disi viktime para bote me fakte te rrejshme. Serbet ne Kosove jane 2-3 %  dhe e gjithë bota duhet te punojnë në favorin e tyre. Fatkeqësisht, qeveria e shtetit Shqiptar ne krye me Edi Ramën mbështetë hegjemoninë e Vuqiqit dhe injoron qeverinë Kurti, ne vend qe te ishti ne perkrahje te kesaj te fundit 100%. A e shihni sa kompakt jemi “ne zgjidhjen e problemeve tona si shtet. Nje minoritet 2-3 % eshte ne gjendje te na beje “pike e pesë” per problemin tonë shtetëror. Se pari shiko opinionet serbe, qe i madh e i vogel luftojne vetem per ta shfrytezuar rastin qe me çdo kusht gjate negociatave te marrin diçka ose çkado nga shteti i Kosoves. Shikoni opinionistat dhe opoziten e Kosoves se si sillen dhe flasin. Shumica e lidershipit sot ne Kosove duhet te jete kompakte per hire te dialogut duhet te jene ne anen e qeverise dhe mos te thone qe serbia duhet tekompenzohet me Zajednice e dikush me veriun  e Kosoves apo dikush me Trepcen. Sot qeveria aktuale eshte ka mbet e vetme dhe stoike ne kerkesat legjitime e cila eshte e vendosur qe ta ruaj me cdo kusht soranitetin dhe prespektiven nderkombetare te Kosovës pa bërë leshime. Sipas qeverisë Kurti, Serbia duhet të jep llogari së paku për tri gjenocidet e bëra në 100 vitet e fundit ndaj popullit shqiptar, per te gjeturit e zhdukur gjate luftes dhe të kerkoj falje per shkatërrimet e luftes se fundit. I gjithë lidershipi Shqiptar duhet te jete ne perkrahje te kerkesave te qeverise Kurti. Per shkak te mos ketij uniteti, sot flitet qe bashkesia nderkombetare si duket do ta anashkaloje qeverine aktuale per t’ua bere te mundur Serbeve qe te marrin sado pak kompetenca brenda shtetit te Kosoves bashke me opoziten ne Kosove dhe sa duket me shoqerine civile apo OJQ-te qe i ka ne grusht te financuara prej shume vitesh prej tyre. Kjo pune te jep te kuptosh se ne si popull jemi e zeza e vehtes sonë. Shiheni qeverine e Shqiperise me ne krye Edi Ramen i cili me lojerat e ndyta, pro Serbe, me vite te tera i eshte afruar presidentit famëkeq te Serbise ne vend qe te ishte 100% afer Kosoves. Shihni, edhe sot aferat korruptive te kryeministrit te Shqiperise Edi Rama ne bote, deshtëm apo nuk deshtëm, na i dobesojne pozitat tona ne prag te ketij dialogu. Eshte e turpshme qe nuk punojme te gjithe si shtet, si dy shtete apo si komb, te gjithë per te njejten kauze kombëtare. Shpresoj te mos ndodh siç po flitet. Deshiroj qe te jem une gabim ne mendimet e mia dhe zgjidhja te jete gjithsesi ne te miren e popullit tim. Une mendoj se askush tjeter nuk ka te drejte te nenshkruaj dhe të vendose per popullin tim, perveç të zgjedhurit e popullit bashke me opoziten. Mendoj se anashkalimi i Qeverise, ashtu siç po flitet, dhe zhvillimi i dialogut me komponent tjerë si me ata te opozites dhe OJQ  apo shoqërinë civile, mendoj se eshte metodë “Haxhi Qamilqe” që nuk e zgjidhë problemin. Opozita dhe OJQ të Kosovës nuk duhet të bien pre e askujt. Mund te jene perkrahëse te qeverisë dhe ne ndihme te qeverise sepse e kunderta do te ishte gabim i pariparueshem.

Sokol Paja/

Arrestimi i ish-zyrtarit të FBI-së, Charles McGonigal nën akuzë se ka shkelur sanksionet amerikane ndaj Rusisë duke punuar për oligarkun rus Oleg Deripaska dhe përfshirja e emrit të kryeministrit të Republikës së Shqipërisë në këtë aferë spiunazhi, favoresh e pagesash të dyshimta përbëjnë një skandal ndërkombëtar, ndër më të mëdhenjtë në historinë moderne të shtetit shqiptar. Pas kësaj dosje spiunazhi që po bën bujë të fuqishme, më së paku agjencitë ligjzbatuese dhe veçanërisht SPAK në Shqipëri duhet të kishte nisur hetimet ndaj kryeministrit Rama dhe ky i fundit duhet të ishte dorëhequr menjëherë pas skandalit. Presidenti i Republikës z.Begaj duhet të mbledhë Këshillin e Sigurisë Kombëtare për të sqaruar përfshirjen e Kryeministrit të Republikës në këtë histori tejet të rëndë dhe skandaloze. Lakimi i kryeministrit Rama në këtë aferë të zezë është një skandal i madh. Lakimi i emrit të Ramës në këtë dosje të tmerrshme cënon pikë së pari marrëdhëniet shqiptaro-amerikane, besimin dhe investimin e SHBA në Shqipëri, aleancën dhe partneritetin strategjik mes dy vendeve mike dhe aleate. Në rast vertetimi të akuzave do të ishte një tradhëti dhe pabesi e ndyrë ndaj Amerikës. Kjo çështje shkakton një dëm të pallogaritshëm më pasoja afatgjata për popullin shqiptar. Lakimi i emrit të kryeministrit Rama ka cënuar rëndë imazhin, interesat dhe sigurinë kombëtare të Republikës së Shqipërisë, të Shteteve të Bashkuara të Amerikës dhe të Organizatës së Traktatit të Atlantikut të Veriut. Kryeministri duhet të japë sqarime publike se: Çfarë kërkon emri i Kryeministri i një vendi të NATO-s në këtë dosje? Kush janë personat e pa përshtatshëm me të cilin takohet kryeministri i një vendi të NATO-s kur vjen në SHBA? Paligjshmëria dhe përdorimi nëpërmjet pagesave korruptive ndaj punonjësve të agjencive të shërbimeve sekrete të SHBA për eleminim të kundërshtarëve politik në Shqipëri dhe si janë transferuar këto para? Lidhja e kryeministrit Rama me personat dhe eksponentët e dosjes? Rama dhe “pasaportat e arta” në Shqipëri, investitorët strategjikë dhe amnistia fiskale e lidhin kryeministrin e Shqipërisë Rama me dyshime të mëdha të pastrimit të parave dhe personave të rrezikshëm që do marrin Shqipërinë në dorë. Shqipëria në humnerë, kombi në rrezik. Aventurat e Kryeministrit Rama janë kërcënim kombëtar. Nëse do kishte institucione ligjzbatuese në Shqipëri, nëse SPAK do të tregojë se është i pa kapur politikisht, Rama duhet të hetohet para drejtësisë në këtë moment. Po kush vallë ta bëjë drejtësinë në Shqipëri? Të gjitha institucionet kushtetuese janë nën kontrollonin dhe dirigjimin e partisë-shtet. Monizëm institucional. Shqipëria në rrezik…

Presidentja e Republikës së Kosovës, Vjosa Osmani ka pritur sot në takim një delegacion të SHBA-ve, të prirë nga gjeneralmajor Benjamin J.Correl, komandant i Gardës Kombëtare të Iowa-s, ambasadori amerikan Jeffrey Hovenier dhe zyrtarë të tjerë të lartë të mbrojtjes.

Pasi që ka falënderuar gjeneralmajorin Correl për gjithë angazhimin e tij në fushën e bashkëpunimit bilateral ndërmjet FSK-së dhe Gardës Kombëtare të Iowa-s, si dhe kontributin në fushën e mbrojtjes së Republikës së Kosovës dhe qytetarëve të saj, Presidentja Osmani e ka dekoruar me Medaljen Presidenciale Ushtarake.

Presidentja Osmani, tha se Programi i Bashkëpunimit në fushën e Sigurisë i Departamentit të Mbrojtjes të SHBA-ve, të kryesuar nga Byroja e Gardës Kombëtare, respektivisht Partneriteti shtetëror me Iowa-n, është thelbësor për marrëdhëniet strategjike me Shtetet e Bashkuara të Amerikës. Në këtë kontekst, ajo ka çmuar angazhimin e deritashëm të gjeneralmajorit Correl, duke shfaqur shpresën se marrëdhëniet në fushën e sigurisë ndërmjet të dy shteteve vetëm sa do të thellohen në të ardhmen.

“Rezultatet tua në fushën e bashkëpunimit janë të dukshme dhe rrjedhojë e këtij partneriteti me Gardës Kombëtare të Iowa-s. Falënderoj shtetin e Iowa-s për qindra burra dhe gra të Gardës Kombëtare me uniformë, të cilët kanë shërbyer në Kosovë gjatë viteve në kuadër të KFOR-it, sikurse të gjithë ata që janë pjesë e programit të partneritetit”, është shprehur Presidentja Osmani.

Më tej, Presidentja Osmani ka theksuar se Garda Kombëtare e Iowa-s ka kontribuar ndjeshëm në profesionalizimin dhe besueshmërinë ndërkombëtare të Forcës së Sigurisë së Kosovës, duke qenë kontribuuese në misionet ndërkombëtare bashkërisht me trupat amerikane.

Ndërkaq gjeneralmajori Correl tha se ndihet i nderuar me dekoratën e Presidentes Osmani, e cila sipas tij do të shërbejë si një kujtim i çmuar i partneritetit me ushtrinë dhe shtetin e Kosovës. Gjeneralmajor Correl ka potencuar se do të vazhdojë ta mbështesë Kosovën në çfarëdo kapaciteti që do të jetë i angazhuar.

ZERI I AMERIKES: https://www.zeriamerikes.com/a/6931955.html?fbclid=IwAR2bnTQmctSiWnnP6rh6HitKFxQSZu_p0HoH1HMgq5MeMSeXUvbzSbho9r0

24 janar, 2023

• Keida Kostreci

---

Ndajeni

Të mërkurën, ish zyrtari i lartë i kundërzbulimit të FBI-së, Charles McGonigal, arrestuar të shtunën nga autoritetet amerikane, pritet të dalë para gjykatës në Uashington për t’u shprehur nëse i pranon apo jo akuzat se ka marrë para nga një ish punonjës i shërbimeve inteligjente shqiptare dhe për lidhjet e tij me zyrtarë të tjerë në Shqipëri.

Të hënën, ai nuk i pranoi akuzat e tjera të ngritura ndaj tij në Nju Jork, se ka shkelur sanksionet amerikane ndaj Rusisë duke punuar për oligarkun rus Oleg Deripaska. Gjykata vendosi që ta lërë të lirë kundrejt pagesës, gjatë kohës që do të zhvillohet procesi gjyqësor.

Charles McGonigal ka punuar për sektorin e kundërzbulimit të FBI-së, derisa u largua nga FBI-ja në shtator të vitit 2018 dhe ndër të tjera mbulonte edhe Shqipërinë dhe Bosnje Hercegovinën.

Ai akuzohet se ka marrë 225 mijë dollarë nga një ish-punonës i shërbimeve sekrete të Shqipërisë dhe ka zhvilluar një sërë takimesh me biznesmenë dhe politikanë në Shqipëri, Kosovë dhe Bosnje, por pa i raportuar ato sipas rregullave.

Sipas aktapadisë, lidhjet e tij kryesore me Shqipërinë janë mbajtur përmes ish zyrtarit shqiptar të shërbimeve sekrete, që në akt-akuzë identifikohet si Personi A. Ky person ka paguar edhe për shpenzimet e tij të udhëtimit në Shqipëri.

Akt-padia e bërë publike dje nga gjykata në Uashington nuk e identifikon më tej Personin A. Por, në bazë të një njoftimi tjetër të shtypit amerikan, në shtator të vitit të kaluar, ku njoftohej se ish zyrtari i FBI-së McGonigal ishte nën hetime, portali “Business Insider” boton kopjen e një dokumenti të jurisë së madhe, ku në listën e atyre, që do të thirreshin për të dëshmuar, figuron shtetasi Agron Neza, shqiptaro-amerikan, që dekada të shkuara ka punuar për shërbimet inteligjente të Shqipërisë.

Personi i dytë nga Shqipëria, i lidhur me ish zyrtarin e FBI-së, identifikohet në akt-padi si Personi B, i cili “ishte një shtetas shqiptar, i punësuar nga një konglomerat kinez energjie. Personi B shërbente si një këshilltar jozyrtar i Kryeministrit të Shqipërisë, i cili kishte një llogari emaili dhe pasaportë zyrtare të qeverisë shqiptare dhe ka qënë ish-zyrtar i lartë i qeverisë shqiptare.”

Nëse i referohemi sërish dokumentit të jurisë së madhe, në të, personi tjetër, që duhej marrë në pyetje është Dorian Duçka, ish zv/ministër për energjitikën dhe më pas konsulent i pavarur.

Personi A dhe Personi B, sipas akt-padisë, “ishin miq dhe partnerë biznesi me njëri-tjetrin.”

Sipas dokumentit të akuzës, gjatë një udhëtimi në Shqipëri në vitin 2017, “më 9 shtator i pandehuri McGonigal u takua me kryeministrin shqiptar [Edi Rama] dhe me Personin B [Dorian Duçka]. Me kërkesë të Personit A [Agron Neza] ai i bëri thirrje kryeminisrit të kishte kujdes dhe të mos i jepte liçenca për kërkime nafte në Shqipëri një kompanie ruse guackë. Personat A dhe B kishin interesa financiarë nga vendimi i qeverisë shqiptare. I pandehuri McGonigal i dha kryeministrit një suvenir të FBI-së në prani të personit B”.

Akt-padia vendos një lidhje të drejtpërdrejtë të takimeve të ish zyrtarit të FBI-së me kryeministrin shqiptar në prani të personave të tretë A dhe B, që ishin shtetas privatë. Është e paqartë se përse kryeminstri është takuar me një zyrtar të lartë të FBI-së në prani të personave privatë.

I pyetur nga Zëri i Amerikës, lidhur me marrëdhëniet e kryeminsitrit me ish zyrtarin e FBI-së, zëdhënësi i qeverisë mohoi, që takimet të kenë patur ndonjë lidhje me ato që thuhen në aktpadi:“Siç e ka sqaruar edhe më parë, kryeministri Edi Rama ka pasur një raport miqësor me zyrtarin e FBI, me të cilin janë takuar disa herë, qoftë në Tiranë, qoftë në New York, po takimet e tyre s’kanë pasur asnjë lidhje me çka thuhet në akt-padinë në fjalë lidhur me persona të tjerë.”

Sipas akt-padisë, ishte pas këtij udhëtimi në Shqipëri në shtator që “i pandehuri McGonigal ka mbajtur një miqësi të vazhdueshme me Kryeministrin [Rama].”

Sipas akt-akuzës, nga shtatori 2017 deri në mars 2018, McGonigal dhe Kryeministri Rama janë takuar 4 herë në Shqipëri dhe në SHBA.

Sipas akt-padisë, gjatë vizitës së shtatorit 2017, McGonigal “u prezantua nga personi A me një biznesmen dhe politikan shqiptar, i cili i kërkoi atij ndihmë, që dikush të hetonte për një komplot të dyshuar për të vrarë biznesmenin dhe politikanin”.

Disa javë pas këtyre takimeve, më 5 tetor 2017, sipas akt-padisë, “jashtë një restoranti, në një makinë të parkuar në Nju Jork, McGonigal mori afro 80 mijë dollarë kesh nga Personi A. Po atë vjeshtë ai mori edhe dy pagesa të tjera nga Personi A në shumat 80 mijë dollarë dhe 65 mijë dollarë në rezidencën e banorit A. McGonigal i la të kuptohej Personit A se paratë do t’ia kthente.”

Sipas akt-akuzës, McGonigal i kishte kërkuar Personit A nëse ai mund t’i siguronte një sasi parash që në gusht të vitit 2017 dhe një muaj më pas në shtator, ata kishin diskutuar përsëri rreth përpjekjeve të Personit A që t’ia siguronte paratë dhe që Personi A t’ia jepte ato pjesë-pjesë.

Dy muaj pas vizitës në Shqipëri, më 18 nëntor 2017 McGonigal së bashku me një prokuror nga Departamenti i Drejtësisë, takuan dhe morën në intervistë në Austri, biznesmenin-politikan, që ai e kishte takuar në shtator në Shqipëri. Personi A mori pjesë në këtë takim si përkthyes.

Intervista e bisnesmenit-politikan nuk është raportuar dhe nuk figuron në dokumentet e FBI-së. Në të njëjtën ditë të intervistimit në Austri, po më 18 nëntor, McGonigal dhe biznesmeni-politikan, janë takuar edhe në Shqipëri, por këtë herë pa praninë e prokurorit të Departamentit të Drejtësisë. Sipas akt-padisë “politikani-biznemsmen diskutoi me të pamdehurin McGonigal dhe Personin A për mundësi biznesi”.

“Më 19 nëntor i pandehuri takohet me Personin B për darkë dhe një ditë më pas më 20 nëntor takohet me kryeminsitrin”, sipas akt-padisë.

Menjëherë pas kthimit nga Shqipëria, më 25 nëntor, McGonigal informon Prokurorin e Departamentit të Drejtësisë, me të cilin takoi politikanin-biznesmen në Austri, për një hetim të mundshëm kriminal për një shtetas amerikan, që ishte regjistruar për të bërë lobizëm “për një parti që nuk ishte e kryeministrit Rama”. Sipas akt-padisë, një ditë më herët McGonigal kishte marrë informacion për këtë lobist nga Personi B.

Në akt-padi nuk identifikohet lobuesi amerikan dhe as partia shqiptare. Por më 14 nëntor të vitit 2017, lobisti Nick Muzin, depozitoi në Departamentin e Drejtësisë, ndonëse me vonesë, dokumentet mbi aktivitetin lobues të disa muajve më parë për llogari të PD-së, i cili më pas është bërë subjekt hetimi në Shqipëri për origjinën e parave.

Në akt-padinë ndaj McGonigal, përmendet se në dhjetor të vitit 2017 ai është takuar në Uashington me personin A dhe zyrtarë të qeverisë shqiptare dhe në Nju Jork me Personin A dhe kryeministrin Rama.

Më 4 janar 2018, sipas akt-akuzës, McGonigal mori informacion për lobistin amerikan nga Personi A dhe të nesërmen ia dërgoi informacionin një agjenti tjetër të zyrës së FBI-së në Nju Jork.

Më 22 janar ai mori përsëri informacion nga Personi A për lobistin dhe ia dërgoi një vartësi. Personi A, sipas akuzës e kishte marrë informacionin nga zyra e Kryeministrit të Shqipërisë.

Sipas akt-padisë “më 26 shkurt 2018, zyra e FBI-së në Nju Jork hap zyrtarisht hetime të përqendruar tek lobisti amerikan me kërkesën dhe nën udhëzimin e zotit McGonigal. Më pas Personi A u identifikua si burim konfidencial në mbështetje të hetimit. Persomni A i ka ofruar informacione zyrës së FBI-së në Nju Jork gjatë hetimit.”

Po sipas akt-padisë “Më pas Personi B ndihmoi në organizimin e një takimi mes zyrës së FBI-së në Nju Jork dhe dëshmitarëve në Evropë, duke paguar mes të tjerash për shpenzime udhëtimi të dëshmitarëve”.

Më 25 qershor 2018, i pandehuri McGonigal, i ka propozuar personit A që të nënshkruajë një kontratë me një individ nga Bosnia të indentifikuar si Personi D në mënyrë që në kompaninë e personit A të depozitoheshin 500 mijë dollarë nga Personi D dhe firma e tij farmaceutike për të mundësuar një takim mes Personit D dhe një përfaqësuesi të delegacionit amerikan në OKB.

Ndërkohë që në muajin prill, McGonigal ishte takuar në Gjermani me dy individë nga Bosnja, Personin C dhe Personin D, të cilët kishin lërkuar të takoheshion me ambasadoren amerikane në OKB-së, ose ndonjë zyrtar tjetër të lartë për një çëshjte politike për Bosnje Hercegovinën.

Akuzat për shkeljen e sanksioneve ndaj Rusisë

Akt-padia tjetër ndaj ish zyrtarit të lartë të FBI-së ka lidhje me ndihmën për oligarkun rus, Oleg Deripaska, në shkelje të sanksioneve amerikane. Aktiviteti i tij në favor të miliarderit rus është zhvilluar pasi ishte larguar nga FBI-ja. Ai akuzohet se ka bashkëpunuar me një ish diplomat rus, Sergey Shestakov, që tashmë punonte si përkthyes për miliaderin rus Oleg Deripaska.

Në ose rreth gushtit 2021, McGonigal, Shestakov dhe një person i identifikuar si Agjenti 1 (Këshilltar i Deripaskas) hartuan dhe ekzekutuan një kontratë, sipas së cilës një Korporatë e Qipros do t’i paguante një Kompani në Nju Xhersi 51,280 dollarë paraprakisht dhe më pas 41, 790 mijë çdo muaj për informacione zbulimi biznesi me interes për korporatën ruse. Megjithëse pagesat do t’i jepeshin McGonigalit dhe Shestakovit në emër të Deripaskas, asnjëri prej tyre nuk përmendet në kontratë.

Sipas akt-padisë së Nju Jorkut, kompania e Nju Xhersit është në pronësi të një “Miku” të zotit McGonigal. “Miku” kishte ndihmuar që McGonigal të angazhohej me kompaninë e Nju Xhersit, ndërsa ai ishte ende agjent me FBI-në.

Në një dokument të Departamentit të Drejtësisë, ku depozitohen aktivitetet e lobimit për qeveritë e huaja, (FARA) të depozituar nga Shestakovi, ndonëse përmbahen pak hollësi, përmendet emri Charls McGonigal dhe firma “Spectrum Risk Solutions”.

Kjo firmë, në dokumentin e jurisë së madhe të dalë vitin e kaluar, figuron si kompani e Agron Nezës.

Sipas akt-padisë së Nju Jorkut, McGonigal i ka thanë Shestakovit se “nuk e kishte informuar “Mikun” se po përdorte Kompaninë e tij për të marrë paratë nga kontrata. Shestakov falsifikoi firmën e Mikut pa dijen apo miratimin e tij. Më pas kur Miku i kërkoi McGonigalit të shpjegonte se pse Banka Ruse po i bënte pagesa Kompanisë së Nju Xhersit, McGonigal tha se pagesa ishte për punë “Legjitime” që ai po bënte për një “pasanik rus”. Miku më pas pranoi që të përdorej Kompania e tij dhe transferoi fonde në përputhje me kontratën, nën udhëzimin e McGonigalit, për atë dhe Shestakovin.