Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

TË ZHDUKURIT E PERIUDHËS KOMUNISTE NË SHQIPËRI KËRKOJNË DREJTËSI!

by

TURP PËR QEVERINË SHQIPTARE DHE PËR DIPLOMATËT PERËNDIMORË NË TIRANË QË HESHTIN! /

Nga  Frank Shkreli/ “Që nga viti 1991, qasja e të gjitha qeverive — socialiste dhe demokrate– “është kalibruar të mos shqetësojë gardën e vjetër”, tha një diplomat që e ndjekë këtë çështje nga afër. (Fred Abrahams)/

Nga rrjetët sociale mësova se javën që kaloi, Autoriteti për Informim mbi Dokumentet e ish-Sigurimit të Shtetit, AIDSSH 1944-1991 dhe Komisioni Ndërkombëtar për Personat e Zhdukur (ICMP) organizuan në Shkodër një aktivitet në kuadër të projektit: “Rritja e ndërgjegjësimit të publikut për drejtësinë tranzicionale dhe të pajtimit: Të zhdukurit në komunizëm”, i mbështetur nga Bashkimi Europian. 

Sipas njoftimit të AIDSSH, ekipi i Autoritetit dhe bashkëpunëtorëve të tij, së bashku me Shoqatën e ish-të Përndjekurve të Shkodrës dhe të ish-të Përndjekurve të Malësisë së Madhe zhvilluan një udhëtim në terren, në zonën e Mbishkodrës, atje ku është organizuar kryengritja e parë antikomuniste në 1945 dhe ku Sigurimi i Shtetit ishte angazhuar fuqimisht, që vitet e para të vendosjes së regjimit komunist deri në perëndim të tij, thuhet në njoftimin për aktivitetin e javës së kaluar, kushtuar të zhdukurve në kohën e komunizmit.  Është shumë me vend që u mbajt një aktivitet i tillë – sidomos në Shkodër the rrethinë — me temën siç u tha “për rritjen e ndërgjegjësimit të publikut për drejtësinë tranzitore dhe pajtuese”.  Më la përshtypje gjithashtu edhe pjesëmarrja e Ambasadorit të OSBE-së në Tiranë, Z. Del Monaco, pasi përfaqsuesit diplomatikë perëndimorë në Tiranë, gjatë këtyre tre dekadave post-komunizëm, nuk kanë treguar ndonjë interesim të madh për të kaluarën komuniste as për fatin e mijëra të zhdukurve gjatë komunizmit në Shqipëri, — me përjashtim të Ambasadës së Gjermanisë në Tiranë.  Ndonëse më ra mirë që Ambasadori Del Monaco mori pjesë në këtë aktivitet, u zhgnjeva menjëherë pasi lexova deklaratën e tijë për median me këtë rast. Është një deklaratë e diplomatit evropian, që në të vërtetë, në vend që të “rritet ndërgjëgjësimi për drejtësinë” dhe për “të zhdukurit në komunizëm” për të publikun shqiptar, që siç thuhet ishte edhe tema e atij aktiviteti në Shkodër — duhet që urgjentisht, për të kaluarën dhe krimet komuniste në Shqipëri — të ndërgjegjësohen diplomatët perëndimorë në Tiranë, por edhe më me rëndësi është që autoritetet e larta politike shqiptare të ndërgjegjësohen gjithashtu due të mbahen përgjegjëse, pasi sot ata udhëheqin atë shtet.  Unë nuk kam shpresë as ndonjë iluzion se autoritet shqiptare do të bëjnë një gjë të tillë, por prisnim që përfaqasuesit diplomatikë perëndimorë të ishin pak më mirë të informuar.

Kur Ambasadori Del Monaco u pyet mbi aktivitetin kushtuar viktimave të komunizmit në Shqipëri, pas pjesëmarrjes në veprimtarinë e organizuar, ai u përgjigj se, “Si qenie njerëzore që jemi nuk mund t’i justifikojmë në asnjë mënyrë këto shkelje madhore ndaj qenieve të tjera njerëzore duke i mohuar atyre emrin apo një varrim të denjë. Realisht, e vlerësoj shumë veprimtarinë e mëngjesit të sotëm, sepse për mendimin tim në të u shpreh shumë qartë gatishmëria e përbashkët e autoriteteve shqiptare dhe shoqërisë civile për ta trajtuar seriozisht dhe konkretisht çështjen në fjalë. Mund të dëshmoj se, edhe nga ana jonë, në bisedat që zhvillojmë vazhdimisht me autoritetet qendrore në Tiranë marrim të njëjtin mesazh serioziteti, vullneti dhe konkretësie.” Seriozisht e ka ky, zotëria?!

“Gatishmërinë e përbashkët të autoriteteve shqiptare për ta trajtuar këtë çeshtje”, tha përfaqsuesi i lartë i OSBE-së! Për cilat “autoritete shqiptare” e ke fjalën Z. Ambasador?  Më lejoni Z. Ambasador që tu sjellë reagimet më të fundit mbi të atë që ju e cilësoni si, “gatishmërinë e autoriteteve shqiptare për të trajtuar këtë çeshtje”, gjatë tre dekadave të kaluara.  Jo nga unë – por nga ente dhe organizata ndërkombëtare që merren me fatin e të zhdukurëve në botë, përfshirë periudhën komuniste në Shqipëri.  Fatbardhësisht, ka individë dhe organizata ndërkombëtare që i shohin punët ndryshe në Shqipëri nga ç’i shohin diplomatët perëndimorë. Prej të gjithë juve – diplomatë evropianë dhe amerikanë në Tiranë – presim pak më shumë shumë – në të vërtetë presim shumë më shumë prej jush – presim që për viktimat e komunizmit dhe për perridhën komuniste në Shqipëri të thoni të VËRTETËN dhe mos HESHTNI, siç bëni ju aktualisht dhe siç kanë bërë para-ardhësit tuaj në atë vend, për tre dekada tani.

Ndryshe nga diplomatët perëndimorë në Tiranë të cilët mbrojnë dhe mbështesin “vijën e partisë”, ja çfarë thonë media si “Le Figaro” për skandalin e patronazhistëve: PS fitoi me metodat e sigurimit | Gazeta Telegraf, organizatat ndërkombëtare (qeveritare dhe jo-qeveritare) si dhe individë të njohur që merren me të drejtat e njeriut në përgjithësi, mbi gjoja “gatishmërinë e autoriteteve shqiptare”, siç u shpreh zyrtari i lartë i OSBE-së në Tiranë,  për tu përballur me historinë dhe fatin e të zhdukurve të komunizmit në Shqipëri.   Në një raport të Komisionit Ndërkombëtar për Personat e Zhdukur ICMP [ALBANIAN LANGUAGE] Raporti i ri i ICMP paraqet rekomandime për të përmirësuar përpjekjet e Shqipërisë për të dhënë llogari për personat e zhdukur nga periudha komuniste,  i kërkohet Shqipërisë që të bëjë më shumë për çeshtjen e personave të zhdukur nga periudha komuniste në Shqipëri: “Rekomandimet e raportit kërkojnë të sigurojnë që rastet e personave të zhdukur të hetohen në mënyrë efektive dhe të drejtat e familjeve të të zhdukurve për të vërtetën, drejtësinë dhe dëmshpërblimet janë mbështetur,” tha Matthew Holliday, Shefi i Programit të Ballkanit Perëndimor të ICMP, gjatë mjë takimi në internet ku morën pjesë përfaqësues të autoriteteve shqiptare dhe komunitetit ndërkombëtar.  “Autoritetet shqiptare kanë një detyrim ligjor për të dhënë llogari për personat e zhdukur nga periudha komuniste – përgjegjësia e shtetit dhe veprimi i shtetit janë thelbësore. Puna e ICMP në të gjithë botën demonstron se personat e zhdukur mund të identifikohen me saktësi në përputhje me sundimin e ligjit, madje edhe dekada pas zhdukjeve”, u shpreh Shefi i Programit të Ballkanit Perëndimor të ICMP.

Vitet e fundit, Komisioni Ndërkombëtar për Personat e Zhdukur, (ICMP) e ka ndjekur nga afër çeshtjen e të zhdukurve gjatë diktaturës komuniste në Shqipëri, por nuk ka qenë e vetmja organizatë që ka bërë një gjë të tillë. Edhe Organizata e Kombeve të Bashkuara, nepërmjet “Grupit të Punës të Kombeve të Bashkuara për Zhdukjet e Detyruara ose të Pavullnetshme”, ka vizituar Shqipërinë në dhjetor 2016 për tu informuara mbi fatin e të zhdukurve në periudhën komuniste në Shqipëri.  Të pakënaqur me ato që kishin parë e dëgjuar nga autoritetet e vendit për këtë çeshtje, një vit më vonë botoi një raport tepër kritik ndaj qeverive shqiptare të tre dekadave të kaluara duke deklaruar, ndër të tjera se, “Shqipëria ende nuk është marrë në mënyrë adekuate me shkeljet e të drejtave të njeriut, të kryera midis vitit 1944 dhe 1991”,  kjo sipas OKB-ës.

Komisioni Ndërkombëtar për Personat e Zhdukur, (ICMP) vlerëson se lartë nga 6,000 persona u zhdukën nën regjimin komunist në Shqipëri në periudhën midis 1944 dhe 1991, ndërsa burime të tjera thonë se numri është shumë më i madh. Trupat e tyre nuk u kthyen më në familjet e tyre, ndërkohë që vendndodhja e mbetjeve të tyre mortore është e panjohur për të afërmit e mbijetuar, sipas ICMP.

Në një artikull kushtuar këtij subjekti të dhimbshëm për familjet e të zhdukurve gjatë regjimit komunist në Shqipëri – botuar dy muaj më parë në Balkan Insight — aktivisti i njohur i të drejtave të njeriut dhe Drejtor i organizatës së njohur për mbrojtjen e të drejtave të njeriut në botë, Human Rights Watch, Communist-Era Disappearances Still Haunt Albania (hrw.org) Z. Fred Abrahams shkruan se, “Mijëra familjeve, të dashurit e të cilëve u zhdukën nën sundimin komunist në Shqipëri, u është bërë përsëri padrejtësi nga dështimi i autoriteteve (shqiptare) për të gjetur eshtrat e tyre”. Zoti Abrahams vazhdon duke shtuar se detyrimet e Shqipërisë — ndaj të zhdukurve nën diktaturën komuniste në Shqipëri dhe ndaj familjarëve të tyre që ende sot kërkojnë eshtrat e tyre – janë më se të qarta.  “Konventa Evropiane për të Drejtat e Njeriut, në të cilën Shqipëria është palë, mbulon të drejtën e jetës dhe shteti ka një detyrim procedural kur kjo e drejtë abuzohet.  Shqipëria është gjithashtu palë në Konventën Ndërkombëtare për Mbrojtjen e të gjithë Personave nga Zhdukja me Forcë e cila kërkon hetime dhe ndjekje penale kur njerëzit zhduken ndërsa janë nën kujdesin e shtetit”, thekson Z. Abrahams i Human Rights Watch, ndërsa nënvijon se, “Në maj 2018, Komiteti i Kombeve të Bashkuara për Zhdukjet me Forcë inkurajoi Shqipërinë, “të dyfishojë përpjekjet e saj për të hedhur dritë në mënyrë efikase mbi zhdukjet e imponuara që ndodhën gjatë regjimit komunist”.  Shqipëria duhet të hetojë këto krime, të ndjekë penalisht ata që janë përgjegjës dhe të sigurojë dëmshpërblime për viktimat dhe familjet e tyre, thuhet në raportin e komitetit të OKB-së.  Ky duhet të jetë sot edhe mesazhi i diplomatëve amerikanë dhe evropianë në Tiranë. Prandaj, mos heshtni! Qindra mijëra familjarë të të zhdukurve nga regjimi komunist i Enver Hoxhës – brenda dhe jashtë Shqipërisë, përfshir Shtetet e Bashkuara – presin prej jush, në minimum — një qëndrim moral dhe thrirje për drejtësi ndaj kësaj çeshtjeje. 

Autoritetet shqiptare të gjitha ngjyrave politike gjatë këtyre 30-viteve tranzicion — i njohin mirë detyrimet e tyre dhe të shtetit shqiptar si dhe obligimet ndërkombëtare që kanë marrë përsipër si përfaqsues të shtetit shqiptar në lidhje me të zhdukurit gjatë regjimit komunist të Enver Hoxhës si dhe për nevojën për të hapur, më në fund, dosjet e ish-Sigurimit kriminal të regjimit komunist, me qëllim që të identifikohen edhe qindra vendndodhjet e eshtrave të tyre, anë e mbanë Shqipërisë. Por, kjo nuk ka gjasë të ndodhë, sipas Z. Fred Abrahams i cili në artikullin e tij citon një diplomat të huaj që ka ndjekur këtë çeshtje në Tiranë se, “Që nga viti 1991, qasja e të gjitha qeverive, socialiste dhe demokrate, “është kalibruar të mos shqetësojë gardën e vjetër”.  

Nëqoftse politika shqiptare, përfshir edhe politikanët aktualë — socialistë dhe demokratë e të tjerë — të këtyre tre dekadave të fundit nuk dëshiron të “shqetësojë gardën e vjetër” komuniste, çfarë arsyeje kini ju të nderuar diplomatë perendimorë që heshtni për një çeshtje kaq të rëndësishme morale.  Edhe ata ishin shqiptarë, shumë prej tyre përfaqësues të ajkës së kulturës, gjuhës, historisë dhe politikës së asaj kohe, të pafajshëm, përfshir gra, pleq e fëmij — ndonëse si të huaj në vendin e vet — janë trajtuar dhe vrarë dhe ekzekutuar në mënyrën më brutale, vetëm e vetëm, se kundërshtonin regjimin komunist të Enver Hoxhës.   

Dua ta përfundoj këtë shënim, megjithëse pak si i gjatë, me lajmin që posa më ra në dorë se javën që kaloi, Kosova përmbylli procesin e gërmimeve në njërën prej varrezave masive në Kizhevak të Serbisë ku u bë zhvarrosja e të gjithë eshtrave të viktimave të luftës (shqiptarë) që kanë qenë në këtë lokacion.  Ndonëse dy shtete por një Komb, ndryshe nga trajtimi i të zhdukurve të komunizmit në Shqipëri, në Kosovë çështja e të zhdukurve gjatë luftës së fundit trajtohet me përgjegjësinë dhe me seriozitetin më të madh moral e kombëtar, por edhe ndërkombëtar. Trajtohet ndryshe sepse në Kosovë ekziston vërtetë ndërgjegjësimi human dhe nevoja për zbardhjen e këtyre rasteve, jo vetëm nga publiku por edhe nga autoritetet më të larta qeveritare si dhe nga përfaqësuesit ndërkombëtarë në Prishtinë.  Fatkeqësisht, ky ndërgjegjësim, për një çeshtje me kaq rëndësi morale dhe drejtësie, mungon në Shqipëri, qoftë në radhët e autoriteteve të Tiranës, qoftë edhe në mjedisin e diplomatëve perëndimorë në kryeqytetin shqiptar, siç duket nga frika që të mos “shqetësohet garda e vjetër” komuniste e cila ushtron gjithnjë një influencë vendimarrëse në vend, pre e së cilës duket se kanë renë edhe përfaqësuesit perendimdorë në Tiranë.  Si rrjedhim, në Shqipëri mungon një angazhim dhe përkushtim serioz në krahasim me zotimin e qeverisë së Kosovës javën që kaloi, “Për të vazhduar punën duke i dhënë prioritet ndriçimit të fatit dhe vendndodhjes së të pagjeturve, trajtimit më të mirë ligjor dhe institucional familjeve të tyre dhe vendosjen e drejtësisë”.  Nuk kërkohet asgjë më pak as më shumë se vendosjes së drejtësisë edhe për të zhdukurit e periudhës së komunizmit në Shqipëri dhe për familjarët e tyre që presin për tre dekada tani për të zbuluar vendndodhjen e eshtrave të dashurve të tyre!

Zëvendësndihmësi i Sekretarit të Shtetit Amerikan viziton Odën Amerikane në Kosovë

by

Prishtinë, 31 maj 2021 – Zëvendësndihmësi i Sekretarit të Shteteve të Bashkuara të Amerikës, Matthew Palmer, si dhe Ambasadori i Shteteve të Bashkuara të Amerikës, Philip Kosnett, vizituan Odën Ekonomike Amerikane në Kosovë, për të takuar dhe diskutuar me udhëheqësinë dhe kompanitë anëtare të organizatës.

Zëvendësndihmësi i Sekretarit Palmer tha se e kupton mirë rolin e Odave Amerikane përgjatë rajonit, dhe në këtë rast të Odës Amerikane në Kosovë, e cila ofron bazament solid për marrëdhëniet ndërmjet dy vendeve, Shteteve të Bashkuara dhe Kosovës. Ai falënderoi Odën Amerikane për promovimin e partneritetit ekonomik ndërmjet dy vendeve, si në krijimin e mundësive për bizneset amerikane që të investojnë në Kosovë, ashtu edhe për bizneset nga Kosova që të investojnë në Shtetet e Bashkuara, duke shtuar se rrjeti i Odave Amerikane përgjatë tërë rajonit paraqet një kornizë pozitive, produktive dhe influencuese për ballafaqim me sfidat aktuale me të cilat përballet rajoni.

Palmer shprehu dëshirën të dëgjojë nga anëtarët e Odës Amerikane lidhur me klimën lokale të biznesit si dhe klimën rajonale të biznesit, aspekte këto që zënë vend me prioritet të lartë në agjendën e Shteteve të Bashkuara të Amerikës për promovim të integrimit ekonomik rajonal, për uljen e pengesave në integrimin ekonomik dhe në lëvizjen e njerëzve dhe kapitalit, duke i vlerësuar ato si një kornizë për integrimin e Kosovës në sistemin evropian, në mënyrë ideale si anëtare e Bashkimit Evropian, e që është edhe objektiv i Shteteve të Bashkuara të Amerikës për të ardhmen e Kosovës. Ai po ashtu tha se një marrëveshje gjithëpërfshirëse për normalizimin e marrëdhënieve ndërmjet Kosovës dhe Serbisë është kyç për tërheqjen e më shumë investimeve amerikane dhe të tjera të huaja, si dhe për krijimin e vendeve aq shumë të nevojshme të punës për popullin e Kosovës dhe tërë rajonit.

Përfaqësuesit e Odës Ekonomike Amerikane në Kosovë folën për rëndësinë e një dialogu më të fuqishëm ndërmjet Qeverisë së Kosovës dhe sektorit privat, por edhe për avancimin e bashkëpunimit ekonomik rajonal, zhvillimin e kapaciteteve energjetike, si dhe trajnimin e fuqisë punëtore.

ȄSHTȄ KOHA TȄ JEMI TȄ BASHKUAR DHE JO TȄ NDARȄ

by

ȄSHTȄ KOHA TȄ JEMI TȄ BASHKUAR DHE JO TȄ NDARȄ

Tȅ nderuar kandidatȅ pȅr kryetarȅ tȅ PD, ju lutem ndȅrpriteni kȅtȅ farsȅ zgjedhore

Dr.Vili Minarolli

Ish antar i Kryesisȅ  tȅ PDSH

Ish Kryetar i Degȅs tȅ Tiranȅs

Nȅ PDSH po zhvillohet njȅ fushatȅ pȅr  zgjedhjen e Kryetarit tȅ partisȅ, njȅ muaj pas ditȅs tȅ votimit dhe pa u pȅrfunduar proçesi i çertifikimit tȅ zgjedhjeve nga KQZ. Shkaku ȅshtȅ  se ndonjȅ pȅrfaqȅsues i huaj i akredituar nȅ vend dhe ndonjȅ institucion ndȅrkombȅtar nxituan tȅ uronin fituesin. Pȅr kȅtȅ  arsye kȅrkohet dorȅheqja e kryetarit tȅ Partisȅ me justifikimin  se nuk arriti tȅ fitonte zgjedhjet, duke  e lidhur me njȅ preçedent tȅ para 13 viteve kur kryetari i partisȅ qȅ qeveriste vendin dhe administronte zhvillimin e zgjedhjeve dha dorȅheqje pas humbjes. Duket qȅ rasti nuk ȅshtȅ i njȅjtȅ. Kam shkruar disa postime nȅ FB pȅr kȅtȅ situatȅ duke shprehur mendimin se mȅ parȅ  tȅ analizohen  shkaqet e “humbjes” dhe tȅ metat  e drejtimit nga ana e kryetarit tȅ partisȅ dhe mȅ pas tȅ kȅrkohet zȅvȅndȅsimi i tij , nȅqoftȅse ai  ȅshtȅ shkaku i humbjes.Kryetari Basha  iu drejtua KK me njȅ pyetje tȅ thjeshtȅ: “Nȅqoftȅse ju mendoni se zgjedhjet janȅ humbur, unȅ jap dorȅheqje, por nȅqoftȅse zgjedhjet janȅ vjedhur , atȅhere tȅ gjithȅ bashkȅ tȅ evidentojmȅ  masakrȅn zgjedhore dhe pastaj tȅ merremi me veten tonȅ”.

Pavarȅsisht  se asnjȅ nuk u shpreh pȅr humbjen e zgjedhjeve, KK i partisȅ  vendosi qȅ PD tȅ fillonte fushatȅn  pȅr zgjedhjen e kryetarit tȅ partisȅ ose rikonfirmimin e atij qȅ ȅshtȅ nȅ detyrȅ. Nga qȅndrimi i disa prej ish drejtuesve tȅ PD, nxitȅs dhe frymȅzues tȅ fushatȅs pȅr zgjedhjen e kryetarit, m’u krijua mendimi se largimi i kryetarit Basha  do ishte edhe njȅ larje borxhi pȅr mos zgjedhjen e tyre si kandidat pȅr tȅ qȅnȅ deputet. Dhe aktualisht kemi katȅr kandidatȅ nȅ garȅ qȅ po i prezantohen çdo ditȅ antarȅsisȅ tȅ PD nȅ qytete tȅ ndryshme tȅ vendit.Pȅr mendimin tim tȅ kȅrkosh pȅr tȅ drejtuar PD duke  mos qȅnȅ asnjȅherȅ  as antar i njȅ seksioni apo i njȅ strukture drejtuese tȅ saj nga kryetar seksioni e mȅ tej edhe pse mund tȅ jesh katapultuar( siç ka ndodhur nȅ shumȅ raste) nȅ KK apo edhe nȅ kryesi , ȅshtȅ njȅ pretendimi i tepruar pȅr tȅ mos thȅnȅ papȅrgjegjshmȅri. Tȅ kȅrkosh tȅ zgjedhesh kryetar, pasi gjatȅ gjithȅ fushatȅs, duke qȅnȅ jashtȅ çdo kontributi, ke pritur humbjen e partisȅ me qȅllim  qȅ tȅ kȅrkosh tȅ marrȅsh kreun, kjo mbetet nȅ vlerȅsimin e çdo antari qȅ do tȅ votojȅ. Megjithatȅ secili nga kandidatȅt ka tȅ drejtȅn e tij dhe nȅ fund edhe unȅ si antar i thjeshtȅ i PD do i uroj pȅr fitoren e tij.

Nga sa kam dȅgjuar , tȅ gjithȅ kandidatȅt e rinj parashtrojnȅ , atȅ qȅ e quajnȅ platformȅ dhe ka tȅ bȅjȅ  me drejtimin e partisȅ nga ana e tyre. Tȅ gjithȅ kanȅ tȅ njȅjtat premtime tȅ shprehura me fjalȅt: “Unȅ di si fitohet”, “Unȅ kam njȅ platformȅ dhe program tȅ qartȅ”,” Unȅ nuk do tȅ bȅj gabimet e kryetarit nȅ detyrȅ”etj. Po asnjȅri , duke analizuar gabimet e kryetarit tȅ partisȅ pȅr rezultatet e drejtimit 8 vjeçar tȅ tij, nuk i jep pȅrgjigje pyetjes: Si do tȅ vepronte ndryshe  kur do tȅ ishte ndodhur nȅ tȅ njȅjtȅn situatȅ qȅ tȅ siguronte fitoren? PD do i duhet tȅ ndeshet pȅrsȅri me kundȅrshtarin e tij politik, i cili tashmȅ ka krijuar njȅ makineri tȅ frikshme elektorale, pasi ka futur nȅn sqetullȅn e tij çdo segment tȅ shtetit, me anȅ tȅ sȅ cilȅs  arrin tȅ fitojȅ çdo zgjedhje dhe tȅ gjunjȅzojȅ çdo kundȅrshtar. Nȅ platformȅn apo programin e secilit kandidat pȅr kryetar pȅrsȅritet i njȅjti sllogan: “Do tȅ fitojmȅ duke hapur partinȅ, pȅr tȅ gjithȅ tȅ larguarit.”  Po pyetja ȅshtȅ se a ka qȅnȅ e mbyllur  dera e partisȅ pȅr atȅ qȅ ka dashur tȅ jetȅ antar i saj?  Sepse kur flasim pȅr “hapje” na vinȅ nȅ mendje preçedentȅt e kaluar, kur ata qȅ u larguan me dȅshirȅn e tyre, madje pastaj emigruan prej disa viteve( partitȅ janȅ bashkime vullnetare individȅsh), ndonjȅ tjetȅr qȅ krijoi njȅ parti , kundȅrshtare me PD, apo ndonjȅ qȅ nuk e ka ditur as ku bie  dera e PD( siç jo pak  herȅ kam qȅnȅ dȅshmitar), janȅ emȅruar antarȅ tȅ kryesisȅ, janȅ vendosur nȅ listȅn fituese tȅ partisȅ pȅr deputetȅ dhe atȅ ditȅ qȅ nȅ zgjedhjet e rradhȅs ky favor i pamerituar dhe i pajustifikuar  nuk u pȅrsȅrit, del kundra dhe krijon parti kundȅrshtare. Dhe pastaj kur kȅrkohet hapja bȅhet fjalȅ pȅr  po kȅta individȅ qȅ kȅrkojnȅ tȅ marrin po ato favore qȅ  i kishin para se tȅ largoheshin apo t’ju kundȅrviheshin partisȅ. Pȅrvoja ka treguar qȅ riardhjet e tilla vetȅm kanȅ zhgȅnjyer antarȅsinȅ dhe kanȅ sjell humbjen e votave nȅ njȅ fushatȅ elektorale.Po tȅ jetȅ fjala  pȅr kȅtȅ lloj hapje, mȅ mirȅ tȅ quhet partia e mbyllur. 

Nuk ia lejoj vetes as tȅ mbȅshtes as tȅ kritikoj veprimet e Kryetarit L.Basha pȅr drejtimin e partisȅ.Nganjȅherȅ kam dashur t’i jap ndonjȅ mendim(jo kȅshillȅ) duke i shkruar personalisht,  si njȅ detyrim thjesht moral dhe pa  patur asnjȅ pretendim  qȅ t’i merrte nȅ konsideratȅ. Por duke i ndjekur ngjarjet dhe veprimet  nga jashtȅ, jo gjithnjȅ kam miratuar veprimet e tij.Pȅr shȅmbull nuk e kuptova krijimin e Kȅshillit pȅr pȅrzgjedhjen e kandidaturave  pȅr deputetȅ, duke i lȅnȅ shkak zgjedhjeve preferenciale dhe eleminimeve subjektive, kur  ekzistojnȅ strukturat pȅrgjegjȅse sipas statutit . Nuk gjej asnjȅ justifikim nȅ vendimmarrjen e tij duke shmangur strukturat pȅrkatȅse, siç ishte hartimi i listȅs tȅ  deputetȅve nȅ zgjedhjet e vitit 2017 me persona qȅ jo vetȅm ranȅ preh e joshjeve  nga ana e kundȅrshtarit politik dhe u bȅnȅ njȅsh me tȅ nȅ veprime tȅ hapura antikushtetuese, por u evidentuar edhe pȅr njȅ formim tȅ mangȅt moral, intelektual dhe kulturor. Shprehja e lirȅ e mendimit nȅ forumet e partisȅ, dȅgjimi dhe marrja nȅ konsideratȅ e tyre edhe kur  janȅ tȅ ndryshme nga mendimi i kryetarit, respektimi dhe zbatimi e rregullave , mbledhja e forumeve sipas statutit,sigurojnȅ funksionimin  e brendshȅm tȅ demokracisȅ nȅ parti.

Pa dashur ta justifikoj zotin Basha, unȅ pȅrsȅri po i kthehem  problemit qȅ ka tȅ bȅjȅ me pyetjen qȅ shtrova mȅ sipȅr. Kȅto ditȅ tȅ fushatȅs pȅr kryetar kam dȅgjuar qȅ e pȅrbashkȅta e tyre ȅshtȅ kritikat ndaj veprimeve dhe vendimeve tȅ kryetarit nȅ detyrȅ. E drejta e tyre. Duhet tȅ vihen nȅ dukje tȅ metat dhe gabimet pȅr tȅ dhȅnȅ siguri pȅr mos pȅrsȅritje nga ai qȅ do tȅ zgjidhet. Po nga asnjȅ nuk kam dȅgjuar si do tȅ vepronte ai ose ajo po tȅ ishin nȅ atȅ rol.Sepse vitin tjetȅr nȅ zgjedhjet e rradhȅs secili prej tyre mund tȅ ndodhet nȅ tȅ njȅjtat pozita.

Unȅ do tȅ shpreh mendimin tim  pȅr disa nga ato  “gabime” qȅ pȅrmendin konkuruesit e tjerȅ.

Zoti Basha kritikohet pse braktisi Çadrȅn dhe pranoi bashkȅadministrim e zgjedhjeve nȅ vitin 2017, ndȅrkohȅ qȅ kishte deklaruar se zgjedhje me E.Ramȅn kryeministȅr nuk do tȅ bȅnte. Me sa mȅ kujtohet atȅ kohȅ pati njȅ angazhim tȅ madh ndȅrkombȅtar qȅ opozita tȅ merrte pjesȅ nȅ zgjedhje, si detyrim i funksionimit tȅ njȅ shteti pluralist. Emisarȅt e ndryshȅm ndȅrkombȅtar garantuan pȅr zgjedhje tȅ drejta, ndoshta  ushtruan edhe presion ndaj kryetarit pȅr ta konsideruar mospjesmarrjen  si njȅ standart jo demokratik dhe e “detyruan” Kryeministrin tȅ lȅshonte disa ministri, si shprehje e tolerancȅs nga ana e tij.Ndȅr to edhe Ministrinȅ e Brendshme , por jo Drejtorin e Pȅrgjithshȅm tȅ Policisȅ, siç bȅri edhe sȅ fundi kur e largoi ministrin Lleshaj, pȅr “tȅ ulur gjakrat”, por jo tȅ shkarkonte atȅ qȅ ishte pȅrgjegjȅsi kryesor i vrasjes tȅ njȅ tȅ pafajshmi nga ana e policisȅ. Dhe pasqyra mȅ e qartȅ e atyre zgjedhjeve ishte dosja  339, pȅr tȅ cilȅn heshtȅn jo vetȅm  garantuesit ndȅrkombȅtar pȅr zgjedhje normale, por edhe organet ligjzbatuese tȅ “Drejtȅsisȅ tȅ reformuar”. Kjo ishte garanci pȅr deformimin nȅ zgjedhjet e ardhshme.

E njȅjta histori nȅ zgjedhjet lokale tȅ vitit 2019.Opozita , por edhe populli tashmȅ ishin tȅ bindur se partia shtet do i tjetȅrsonte me tȅ gjitha mȅnyrat  vullnetin e zgjedhȅsve, prandaj ishte e vendosur tȅ mos merrte pjesȅ nȅ zgjedhje dhe kishte siguruar mbȅshtetjen popullore pȅr protesta.Kȅtȅ rradhȅ opozita kishte mbȅshtetjen e Presidentit qȅ nuk pranonte zgjedhje jo demokratike pa pjesmarrjen e opozitȅs.Por edhe nȅ kȅtȅ rast nxituan tȅ shfaqen burokratȅ tȅ huaj qȅ edhe mȅ parȅ kishin mbȅshtetur disa veprime nȅ dȅm tȅ interesit kombȅtar shqiptar, qȅ e  kȅrcȅnuan opozitȅn pȅr ta shpallur organizatȅ terroriste  nȅ rast tȅ organizimit tȅ protestave!! Dhe si duket edhe  nga vendimi i fundit i shpalljes “non grata” tȅ ish Presidentit dhe ish Kryeministrit nga insitucioni nga vinte ky zyrtar, deklarimi i tij nuk dukej tȅ ishte  thjesht njȅ kȅrcȅnim.Lobimi kundȅr opozitȅs si duket kishte kohȅ qȅ praktikohej nȅ kȅtȅ institucion dhe tȅ ardhurat nga tregȅtia e narkotikȅve kishin kohȅ qȅ shpȅrndaheshin lart e poshtȅ.Opozita i kȅrkoi popullit ( jo vetȅm demokratȅve) tȅ  refuzonte pjesmarrjen nȅ farsȅn e zgjedhjeve moniste tȅ tipit tȅ kohȅs tȅ diktaturȅs .Votimi u refuzua masivisht dhe sot kemi njȅ pushtet lokal copȅ copȅ qȅ ka si funksion tȅ vetȅm shpȅrndarjen nȅ mȅnyrȅ preferenciale tȅ  asistencȅs sociale pȅr njerȅzit e varfȅr. Por edhe  e pȅrdorur si bastion manipulimi pȅr çfardo proçesi zgjedhor.

Ç’farȅ do kishin zgjedhur  si veprim  kandidatȅt e sotȅm pȅr kryetar nȅ rastin e kȅtij kȅrcȅnimi nȅ emȅr tȅ njȅ institucioni kaq tȅ lartȅ dhe tȅ rȅndȅsishȅm ?

Tashmȅ ishte krijuar bindje e palȅkundur se  me kȅtȅ parti shtet nuk ishte e mundur qȅ vullneti politik i votuesve tȅ mos deformohej. Mbȅshtetja qȅ i jepej partisȅ shtet nga ndonjȅ pȅrfaqȅsues diplomatik apo  organizȅm ndȅrkombȅtar,mungesa e vullnetit pȅr tȅ dȅnuar parregullsitȅ e zgjedhjeve tȅ kaluara, gllabȅrimi nȅ dritȅ tȅ diellit i tȅ gjitha institucioneve kushtetuese dhe jo, tregonte njȅ ambjent jo tȅ duhur pȅr tȅ realizuar zgjedhje normale nȅ vend. Nga ana tjetȅr   Shqipȅria nȅ raportet ndȅrkombȅtare dhe organizmat qȅ monitoronin  plotȅsimin e kushteve pȅr hapjen e negociatave me BE, prezantohej si njȅ narko shtet, qȅ drejtohej nga njȅ autokrat qȅ i kishte gllabȅruar tȅ gjitha institucionet ligj zbatuese, qȅ funksiononte prej disa viteve pa gjykatȅ kushtetuese dhe tȅ lartȅ, me  njȅ parlament formal dhe antikushtetues ( nȅ kushtetutȅ parlamenti  funksionon me 140 deputetȅ), qȅ miratonte çdo projekt tȅ qeverisȅ jo vetȅm pa u diskutuar, por edhe pa u lexuar nga ligjvȅnȅsit, me njȅ sistem drejtȅsie ku u ricikluan pothuaj tȅ gjithȅ pȅrfaqȅsuesit e drejtȅsisȅ tȅ kohȅs tȅ diktaturȅs,qȅ kishin dhȅnȅ dȅnime  nȅ cȅnim tȅ lirive dhe tȅ drejtave tȅ njeriut, me njȅ polici qȅ bashkȅpunonte hapur me krimin e organizuar, ku krimi i organizuar kishte fushȅ tȅ lirȅ veprimi nga mbȅshtetja e politikȅs, ku vetȅ kodi zgjedhor kishte hapsira pȅr manipulim dhe deformim tȅ votȅs dhe shumȅ mangȅsi qȅ nuk krijonin asnjȅ mundȅsi pȅr zgjedhje normale. Nȅ kȅto kushte kur rrezikoheshin pȅrsȅri zgjedhjet, futet nȅ lojȅ pȅrfaqȅsuesja e Presidentit tȅ SHBA-sȅ dhe pȅrfaqȅsuesi i BE. Ata dolȅn nȅ rolin e garantit ose mȅ shqip  i dhanȅ besȅn opozitȅs shqiptare qȅ do tȅ siguronin tȅ gjitha kushtet pȅr zgjedhje normale.Ȅshtȅ e njohur  nocioni i Besȅs pȅr ne shqqiptarȅt si njȅ normȅ  shumȅ e rȅndȅsishme morale, qȅ nuk mund tȅ shkelet. Aq mȅ shumȅ kur kjo garanci jepej nga pȅrfaqȅsues i njȅ vendi qȅ pȅr çdo shqiptar ȅshtȅ simbol i demokracisȅ dhe drejtȅsisȅ.Dhe u sajua i ashtuquajturi Kȅshilli Politik pȅr hartimin e njȅ kodi zgjedhor qȅ do tȅ garantontȅ zgjedhje normale. ( Nuk e pȅrmend zgjedhje tȅ lira dhe tȅ ndershme se pȅr ato as qȅ bȅhet fjalȅ).A mund tȅ quhet gabim i kryetarit pjesmarrja nȅ kȅtȅ Kȅshill ,qȅ u krijua dhe ishte nȅn mbikqyrjen e pȅrfaqȅsues tȅ Presidentit tȅ SHBA-ȅs?

PD filloi pȅrgatitjen pȅr zgjedhjet duke i kushtuar kujdes zgjedhjes tȅ kandidatȅve pȅr deputetȅ, duke caktuar si drejtuesit politik tȅ qarqeve njerȅz me integritet moral dhe me eksperiencȅ politike  dhe duke krijuar njȅ koalicion tȅ gjȅrȅ me parti tȅ djathta dhe tȅ qendrȅs, pȅr tȅ maksimalizuar votȅn . PD nuk bȅri koalicion para zgjedhor me LSI-nȅ dhe unȅ e quajta veprim shumȅ tȅ drejtȅ dhe logjik.

Fushata e kryetarit Basha pȅr mendimin tim ishte  njȅ fushatȅ shumȅ paqȅsore, aspak negative, bashkȅbiseduese me qytetarȅt, qȅ ngjallte shpresȅ dhe mobilizonte  antarȅsinȅ e  PD dhe tȅ opozitȅs pȅr njȅ fitore  tȅ saj.

Por me sa duket gjithçka luhej nȅ prapaskenȅ.

Ndȅrsa Kȅshilli politik vazhdonte punȅn me pengesat qȅ paraqisnin herȅ pas here pȅrfaqȅsuesit e pushtetit, pȅrfaqȅsuesja e Presidentit amerikan  deklaroi publikisht se i kishte kȅrkuar Kryeministrit nȅ detyrȅ qȅ nȅ qeverinȅ e ardhshme tȅ mos e pȅrfshinte deputetin Tom Doshi si antar kabineti. Ȅshtȅ i njohur fakti se Tom Doshi ndonȅse i zgjedhur deputet qȅ nga viti 2005 dhe madje nȅ zgjedhjet e vitit 2013 apo 2017 edhe drejtues politik i qarkut tȅ Shkodrȅs, asnjȅherȅ nuk ka qȅnȅ antar i kabinetit tȅ zotit Rama dhe nuk ȅshtȅ bȅrȅ publike  ndonjȅ dȅshirȅ apo ambicje  e tij pȅr tȅ qȅnȅ ministȅr nȅ kabinetin e Kryeministrit Rama. Tom Doshit, si njȅ biznesmen i madh i ka interesuar tȅ fitojȅ tendera publikȅ qȅ i ndan qeveria pȅr klientȅt e saj, siç ȅshtȅ edhe vete zoti Doshi dhe leje ndȅrtimi pȅr tȅ ndȅrtuar pallate dhe qendra biznesi. Kȅtȅ kusht tȅ ambasadores unȅ e lexova si njȅ liçencȅ pȅr kreun e qeverisȅ pȅr tȅ pȅrdorur çdo mjet dhe formȅ pȅr tȅ fituar zgjedhjet dhe pȅr tȅ qeverisur vendin edhe pȅr njȅ mandat tȅ ri.

Dhe ai i pȅrdori tȅ gjitha format antiligjore dhe anti demokratike me tȅ cilat rezultoi fitues dhe  ambasadorja e shpalli fitues  ende pa dalȅ rezultati zyrtar. Pȅr mendimin tim zgjedhjet ishin pȅrfunduar pa u bȅrȅ votimet dhe dita e votimin ishte thjesht formale dhe  njȅ fasadȅ pȅr vȅzhguesit e  huaj dhe deklarata qȅ u lexua tȅ nesȅrmen ndoshta edhe mund tȅ ishte  e parapȅrgatitur.

Pyes kandidatȅt pȅr Kryetar tȅ PD se si do tȅ kishit vepruar ju nȅ kȅtȅ rast? 

Nȅn trusninȅ e pȅrfaqȅsues tȅ Presidentit tȅ SHBA-sȅ dhe nȅ rezidencȅn e saj, antarȅt e Kȅshillit Politik firmosȅn  njȅ marrȅveshje qȅ do tȅ funksiononte si Kod Zgjedhor duke patur miratimin e tȅ gjitha forcave politike. Pȅr ironi tȅ fatit marrȅveshja u pȅrshȅndet nga eprori mȅ i lartȅ  i ambasadores nȅ DASH dhe nga zyrtarȅt e lartȅ tȅ BE. Disa ditȅ mȅ pas kreu i qeverisȅ edhe pse fillimisht e kishte pranuar marrȅveshjen, ia “grisi nȅ fytyrȅ” kȅtȅ marrȅveshje iniciuses tȅ “kȅshillit” dhe garante tȅ firmosjes dhe urdhȅroi parlamentin kukull tȅ  bȅnte nȅ mȅnyrȅ tȅ rrufeshme ndryshime Kushtetuese nȅ interes tȅ fitores sȅ tij. Pȅr çudi nuk u tha asnjȅ fjalȅ nga  organizatorja dhe garantuesja e marrȅveshjes dhe  institucioni  drejtues i saj . 

PD krijoi njȅ strukturȅ pȅr tȅ mbrojtur votȅn me persona tȅ zgjedhur, jo kriminelȅ dhe as tȅ shpallur nȅ kȅrkim, por persona publikȅ me reputacion profesional  dhe me integritet. Nȅ pȅrplasjen e parȅ me krimin e organizuar qȅ po “mblidhte vota dhe votues ” pȅr partinȅ shtet para ditȅs tȅ votimit , u pa qartȅ qȅ gjithçka ishte e organizuar dhe e mbȅshtetur nga politika pȅr tȅ mos patur asnjȅ pengesȅ pȅr tȅ “rrȅmbyer “ çdo votȅ  tȅ qytetarȅve pȅr tȅ cilȅt kishin informacione nga struktura tȅ mirȅ organizuara se do votonin kundȅr.Grupe kriminale me persona me preçedente kriminalȅ, gjoja tȅ shpallur nȅ kȅrkim, po qȅ shȅtisnin tȅ lirȅ dhe tȅ armatosur  pȅrpara policisȅ tȅ shtetit, kishin marrȅ pȅrsipȅr tȅ ushtronin presion dhe terror ndaj qytetarȅve , pȅr t’i detyruar tȅ votojnȅ pȅr partinȅ shtet. Nȅ njȅ rast tȅ vetȅm, grupi i mbrojtjes tȅ votȅs  njoftoi policinȅ e shtetit pȅr veprimtari tȅ njerȅzve  qȅ po vepronin nȅ kundȅrshtim tȅ ligjit dhe nȅ prezencȅ tȅ 15 efektivȅve tȅ Policisȅ tȅ Shtetit ( tȅ partisȅ)  qȅ qȅndruan sehirxhinj sipas urdhȅrit tȅ shefave tȅ tyre , u zhvillua njȅ betejȅ  me armȅ zjarri qȅ rezultoi me njȅ  viktimȅ dhe  disa tȅ plagosur. 

Drejtori i Policisȅ  nȅ  funksion tȅ detyrȅs sȅ tij shtrȅmbȅroi arsyet e kȅsaj ngjarje dhe i vetmi i penalizuar ȅshtȅ njȅ ish ushtarak shȅmbȅllor qȅ pȅrdori armȅn me leje pȅr vetmbrojtje.

Disa ditȅ mȅ parȅ kȅsaj ngjarjeje, njerȅz me preçedentȅ kriminal dhe tȅ shpallur nȅ kȅrkim,por tȅ afȅrt me drejtues tȅ pushtetit lokal dhe tȅ partisȅ nȅ pushtet dhe nȅ shoqȅrinȅ e tyre, nȅ mes tȅ qytetit tȅ Kavajȅs, u futȅn nȅ  ambjentet e brendshme tȅ zyrȅs tȅ PD dhe plagosȅn drejtuesin e opozitȅs nȅ detyrȅn e tij, me armȅ zjarri qȅ e mbanin pa leje . Policia e shtetit (  e partisȅ) nuk veproi dhe garantuesit e huaj tȅ fushatȅs nuk e vunȅ re dhe “nuk patȅn asnjȅ informacion” pȅr kȅtȅ ngjarje.

  Megjithatȅ edhe pas kȅsaj, strukturat e PD nȅ qarqe ishin tȅ vendosur tȅ mos lejonin  format  antiligjore tȅ deformimit tȅ votȅs, siç ishte  blerja e votȅs  me listȅ pagesash, detyrimi pȅr t’u marrȅ votuesve kartat e idenditetit qȅ tȅ mos kishin mundȅsi tȅ votonin dhe pȅr t’ua dhȅnȅ ato besnikȅve tȅ tyre. Prandaj tashmȅ rezulton qȅ disa votues kanȅ  votuar  shumȅ herȅ, gjȅ qȅ ȅshtȅ e parȅndȅsishme pȅr organin e ankesave pranȅ KQZ dhe pȅr ata qȅ  i mbyllȅn zgjedhjet njȅ ditȅ pas asaj tȅ votimit. U kapȅn  makina qȅ shpȅrndanin  ushqime nga punonjȅs tȅ pushtetit lokal, u fotografuan kryetar  tȅ pushtetit lokal duke shpȅrndarȅ  leje legalizimi, u evidentuan lista e pagesave qȅ u bȅnȅ nȅ prag tȅ votimeve, pȅr personat e dȅmtuar nga  tȅrmeti i vitit 2019, me marrjen e premtimit tȅ votȅs,po pȅr kȅtȅ qȅllim u  dyfishua pȅr disa familje tȅ pavendosura asistenca sociale, por nȅ asnjȅ rast tȅ denoncimit me fakte dhe prova  nuk veproi asnjȅ  organ i “Drejtȅsisȅ tȅ Reformuar”, qȅ u bȅ i mundur me  njȅ fond tȅ taksapaguesit amerikanȅ dhe u realizua nga  fondacioni “Shoqȅria e Hapur” e multimiliarderit amerikan Soros.

Njȅ portal i pavarur, Lapsi.al, njoftoi se njȅ listȅ emȅrore  me tȅ dhȅna sensitive tȅ disa qindra mijra qytetarȅve tȅ Tiranȅs, pronȅ dhe nȅ garancinȅ  e shtetit, “kishte rȅnȅ nȅ duart” e partisȅ nȅ pushtet dhe  me anȅ tȅ njȅ strukture tȅ super tȅ madhe qȅ paguhej ilegalisht, tȅ quajtur Patronazhistȅ,kishte pȅrpunuar nȅ mȅnyrȅ fshehtȅ zgjedhȅsit dhe jepte informacione tȅ hollȅsishme mbi preferencat e tyre politike, duke shprehur mendime pȅr formȅn  e presionit apo joshjes qȅ duhej  pȅr t’i marrȅ votȅn. Skandali plasi dhe SPAK, organ i ri i “drejtȅsisȅ tȅ Reformuar”  urdhȅroi pronarȅt e portalit tȅ dorȅzonin tȅ dhȅnat nȅ vend qȅ tȅ drejtoheshin tek shteti qȅ i kishte dhuruar kȅto tȅ dhȅna njȅ partie politike. Vetȅm ndȅrhyrja e Strazburgut e detyruan “Drejtȅsinȅ e Reformuar” tȅ tȅrhiqej nga ky veprimi ndaj gazetarȅvȅ, qȅ pȅrligjte antiligjin. Asnjȅ fjalȅ nga garantȅt e zgjedhjeve sikur kjo tȅ kishte ndodhur nȅ njȅ vend tȅ pazhvilluar dhe tȅ panjohur tȅ globit.PD e denoncoi dhe nuk e di se ç’do kishin bȅrȅ tjetȅr kandidatȅt tanȅ pȅr kryetarȅ tȅ partisȅ .

Ndonȅse  nȅ periudhȅ pandemie e shoqȅruar me viktima tȅ panumȅrta nȅ muajt janar dhe shkurt, fushata e opozitȅs po zhvillohej me pjesmarrje masive dhe pa respektuar masat e vendosura nga Komitetit i ekspertȅve( i partisȅ shtet). Kreu i qeverisȅ duke patur tȅ gjitha burimet e shtetit nȅ dispozicionishin , formalisht i bȅnte kȅto takimi nȅ pȅrputhje me kȅrkesat. Megjithȅ penalizimet qȅ ishin nȅ fuqi, nuk u morȅ asnjȅ masȅ pȅr tȅ ndaluar grumbullimet masive, ndonȅse nuk pati asnjȅ rritje tȅ numrit tȅ infektimeve. Por pȅr çudi, dy javȅ para ditȅs tȅ votimeve “Komiteti  i ekspertȅve( i partisȅ)” shpalli ndalimin e ardhjes pȅr tȅ votuar tȅ emigrantȅve nga Greqia dhe Maqedonia e Veriut. Edhe kjo ishte pjesȅ e planit pȅr tȅ fituar zgjedhjet nȅ mȅnyrȅ tȅ pandershme. Nȅ kȅtȅ fushatȅ nuk pati asnjȅ vizitȅ tȅ drejtuesve tȅ forcave politike sidomos tȅ partisȅ nȅ  pushtet, kur zakonisht organizoheshin takime me emigrantȅve pȅr t’i ftuar tȅ votonin nȅ atdhe. Si dukej partia shtet ishte informuar se emigrantȅt pȅr shkak tȅ premtimeve tȅ pambajtura, nuk do  votonte pȅr qeverinȅ aktuale. Njȅ javȅ para votimeve kryetari i partisȅ socialistȅ tȅ shqiptarȅve nȅ Greqi , njȅkohȅsisht pronar i njȅ linje autobuzash Greqi- Shqipȅri, njoftonte  antarȅt e partisȅ  por edhe jo vetȅm ata, se kȅtȅ rradhȅ  nuk do tȅ udhȅtonin falas me autobuzȅt e tij pȅr nȅ atdhe pȅr tȅ votuar, siç ishte bȅrȅ tashmȅ e zakonshme, sepse  ishte e ndaluar hyrja pȅr shkak tȅ pandemisȅ.  Megjithatȅ  disa emigrantȅ erdhȅn spontanisht dhe pȅr asnjȅ nuk  u respektuar ndalimi dyjavor i tyre i njoftuar.

Opozita e kundȅrshtoi kȅtȅ masȅ tȅ Komitetit tȅ ekspertȅve(partisȅ), qȅ mȅ parȅ kishte deklaruar se ishte nȅ rolin e kȅshilluesit tȅ qeverisȅ e cila mȅ pas merrte vendimin pȅrkatȅs.  Edhe nȅ kȅtȅ rast  garantuesit  ndȅrkombȅtar tȅ zgjedhjeve normale heshtȅn. Pa as mȅ tȅ voglin dyshim opozita u pre nȅ besȅ nga indiferenca dhe pse jo nga njȅanȅsia e atyre qȅ kishin dalȅ garant. E vetmja ndȅrhyrje e tyre ishte pȅrsȅritje çdo ditȅ e togfjalȅshit:”Mos e shisni votȅn.” Dhe me kȅtȅ thȅnie, dukej se plotȅsohej  detyrimi i tyre si garant i zgjedhjeve.  Zhvillimi i ngjarjeve tregoi se shitblerja e votȅs ishte fenomeni  mȅ i pakȅt qȅ solli tjetȅrsimin dhe e votȅs dhe deformimin e vullnetit tȅ votuesve.

Nuk mund ta quaj gabim tȅ kryetarit dhe drejtuesve tȅ opozitȅs qȅ u shprehȅn  entuziast nȅ pȅrfundim tȅ ditȅs tȅ votimit,pȅr shkak tȅ entuziazmit dhe mbȅshtetjes mbarȅ popullorȅ qȅ patȅn gjatȅ fushatȅs. Por atȅ qȅ e shpreha si mendim mȅ sipȅr, se rezultati i zgjedhjeve ishte paravendosur, vazhdoj ta kem.  E sigurtȅ qȅ kishin arritur fitoren,  me tȅ gjitha parregullsitȅ e vrejtura , opozita  nuk e mendonte se  votimet ishin mbyllur para ditȅs tȅ votimit. Megjithatȅ partia shtet, pȅr tȅ qȅnȅ e sigurtȅ e pȅrdori edhe proçesin e numȅrimit pȅr tȅ vazhduar deri nȅ fund ndryshimin e vullnetit tȅ zgjedhȅsve kryesisht duke nxjerrȅ tȅ pavlefshme njȅ numȅr tȅ paparȅ fletȅ votimi qȅ rezultonin me votȅ kundȅr. Ata zbatuan njȅ parim qȅ  e ka origjinȅn nȅ shtetin e parȅ tȅ diktaturȅs komuniste: “Nuk ka rȅndȅsi si votojnȅ njerȅzit, rȅndȅsi ka kush numȅron votat.”

Kandidatȅt pȅr kryetarȅ e quajnȅ jo tȅ drejtȅ vendimin e PD dhe tȅ kryetarit Basha pse mori pjesȅ nȅ zgjedhje. 

PD nuk e mendonte se  Besa si  kod moral i shqiptarit nuk ȅshtȅ i tillȅ edhe pȅr tȅ huajt. Pȅr mȅ tepȅr nuk mendonte  se kundrejt nesh si popull qȅ kishim vuajtur njȅ nga diktaturat mȅ tȅ egra dhe ishim tȅ etur pȅr demokraci, mund tȅ funksiononte  sentenca se “politika nuk ka moral”. Nȅqoftȅse PD ose opozita nuk do tȅ merrte pjesȅ nȅ zgjedhje, jo vetȅm qȅ do tȅ zhgȅnjeheshin demokratȅt dhe mbarȅ shqiptarȅt qȅ kȅrkonin ndryshimin, por E.Rama i kishte bȅrȅ gati disa muaj mȅ parȅ  partitȅ”opozitare” tȅ drejtuar nga ish nȅnkryetar tȅ PD dhe  drejtues e deputetȅ tȅ saj tȅ zȅmȅruar me partinȅ qȅ u dha emȅr,  qȅ t’i prezantonin zgjedhjet si pluraliste dhe me standarte pȅr ndȅrkombȅtarȅt.

Pjesmarrja nȅ zgjedhje i tregoi PD, popullit shqiptar , pȅrfaqȅsuesve tȅ huaj dhe organizatave ndȅrkombȅtare qȅ kishin dȅshirȅn tȅ shikonin  ç’farȅ ndodhi realisht,  se makineria e manipulimit tȅ zgjedhjeve asnjȅherȅ nuk do tȅ, nuk do tȅ mundȅsojȅ realizimin e zgjedhjeve nȅ pȅrputhje me standartet qoftȅ edhe minimale  demokratike.

Dhe mund tȅ vazhdoja  me shumȅ argumenta tȅ tjera, por le t’ja lȅmȅ atyre qȅ me guxim dhe vendosmȅri po vazhdojnȅ tȅ denoncojnȅ masakrȅn zgjedhore qȅ iu bȅ jo vetȅm opozitȅs, po edhe qytetarȅve tȅ vendit tonȅ. Mendoj po ashtu se ofertat pȅr bashkȅqeverisje janȅ konsumuar tashmȅ dhe janȅ thjesht gracka tȅ partisȅ shtet pȅr tȅ ulur efektin negativ tȅ zgjedhjeve tȅ manipuluara. Sipas asaj qȅ u tha njȅ ditȅ pas ditȅs tȅ votimin pȅr rezultatin e zgjedhjeve pa pȅrfunduar proçesi, rezulton qȅ PS i ka fituar zgjedhjet, ka numrin e nevojshȅm tȅ deputetȅve pȅr tȅ formuar qeverinȅ dhe  ȅshtȅ fare pa kuptim  dhe pa njȅ preçedencȅ  nȅ politikȅn ndȅrkombȅtare tȅ bashkȅqeverisjes me opozitȅn. Nȅ rast  tȅ mos marrjen parasysh tȅ parregullsive , siç edhe po rezulton me qȅndrimin e njȅanshȅm tȅ  institucionit tȅ KAS-it, opozita , pavarȅsisht se i konsideron kȅto zgjedhje antiligjore dhe vullnetin e votuesve tȅ deformuar, ȅshtȅ e detyruar tȅ marrȅ pjesȅ nȅ parlamentin e  ardhshȅm pȅr tȅ bashkȅbiseduar me qytetarȅt qȅ e votuan , por jo vetȅm si edhe  pȅr tȅ pȅrmbushur detyrimin e saj demokratik tȅ oȅrfaqȅsimit politik tȅ gjysmȅs tȅ popullsisȅ tȅ vendit. Por pa hequr dorȅ  nga angazhimi i saj pȅr tȅ organizuar protesta paqȅsore si dhe tȅ gjitha format ligjore dhe tȅ domosdoshme tȅ funksionimit tȅ njȅ shoqȅrie demokratike.

Kjo ȅshtȅ arsye qȅ u shpreha se fushata pȅr zgjedhjen e kryetarit ishte shumȅ e parakohshme dhe panevojshme dhe njȅ mȅnyrȅ e kamufluar e nxitur nga partia shtet pȅr tȅ kaluar nȅ heshtje  atȅ qȅ ndodhi nȅ tȅ vȅrtetȅ me votimet e fundit. Nȅ vend qȅ antarȅsia dhe strukturat e partisȅ tȅ merren me zgjedhjen e kryetarit,pȅr tȅ kȅnaqur tekat dhe ambicjet e sȅmura  tȅ disa ish drejtuesve karieristȅ, tȅ nxitur edhe nga instiktet e hakmarrjes  qȅ gjithnjȅ e kanȅ parȅ partinȅ si njȅ mjet pȅr pȅrfitime personale dhe poste tȅ pamerituara, ajo duhej tȅ fokusohej nȅ njȅ angazhim tȅ plotȅ, pȅr tȅ pȅrballuar tȅ keqen e pȅrbashkȅt  nȅ evidentimin dhe denoncimin e asaj makineri  qȅ ka krijuar partia shtet  pȅr tȅ fituar çdo proçes zgjedhor. Cilido nga kandidatȅt, qȅ mendon se mund tȅ drejtojȅ PD, do tȅ ndeshet njȅ ditȅ me  kȅtȅ makineri dhe do jetȅ nȅ tȅ njȅjtȅn pozitȅ si edhe kryetari aktual.

Tȅ nderuar kandidatȅ pȅr kryetarȅtȅ PD,  ȅshtȅ koha pȅr bashkim dhe jo ndarje.Prandaj ndȅrpriteni kȅtȅ farsȅ zgjedhore tȅ nxitur nga ata qȅ  duan ndarjen dhe zvogȅlimin tonȅ.Kam bindjen dhe sigurinȅ e plotȅ qȅ antarȅsia  e PD, e pjekur politikisht, do ju jetȅ mirȅnjohȅs pȅr veprimin tuaj.Nȅ tȅ kundȅrt do tȅ keni vetȅm ndȅshkimin e saj.Partia nuk ȅshtȅ pronȅ e kryetarit, ȅshtȅ pronȅ e atyre qȅ i japin frymȅ dhe jetȅ, e antarȅsisȅ tȅ saj. Partia demokratike lindi si njȅ forcȅ  e lirisȅ dhe demokracisȅ  nȅ kȅtȅ vend dhe  do tȅ mbetet si e vetmja shpresȅ pȅr tȅ realizuar kȅto aspirata mbarȅpopullore.

Komuniteti shqiptaro Amerikan në Staten Island mblodhi fonde për Marko Kepin dhe ish Kongresistin Amerikan Vito Fosella

by

Nga Keze Kozeta Zylo/

Në zyrën e Marko Kepit, Shqiptaro Amerikanët vinin grupe grupe për të mbështetur kandidaturën e Marko Kepit për Këshilltar në Bashkine e Nju Jorkut si dhe për ish Kongresistin Amerikan Vito Fosellën, kandidat per president në Staten Island, New York. 

Marko Kepi ka qenë me dekada në krye të organizatës së mirënjohur “Rrënjët shqiptare” dhe pikerisht me këtë organizatë kanë dalë në pah tiparet e një lideri të vërtetë.  Marko Kepi në fjalën e tij përshëndetëse tha midis të tjerash se: “Ne duhet ta mbështesim kandidaturën e ish kongresistit Vito Fosella, pasi ai e ka mbrojtur shumë kauzën tonë kombëtare.  Ai është një lider i vërtetë dhe në se ne fitojmë do të punojme fort së bashku për Staten Island ku jetojmë dhe punojmë si dhe për Nju Jorkun për një vend më të mirë dhe më të sigurtë”.

Marko Kepi ka ardhur në moshë shumë të re, por ai nuk ka harruar rrënjët nga vjen si dhe shpreh një mirenjohje të pakufishme për Amerikën që e priti.  Për këto arsye ai u regjistrua në Marine Corp të Shteteve të Bashkuara të Amerikës për të demonstruar dashurinë dhe vlerësimin e tij për një vend që i dha atij dhe familjes kaq shumë Liri dhe mundësi. 

Ai është diplomuar nga John Jay, Kolegji i Drejtësisë Penale, drejtimi në Shkenca Politike dhe Histori, dhe fitoi per Master Ekzekutiv i Administrimit të Biznesit (EMBA) nga Kolegji Wagner.

Marko Kepi së bashku me ekipin e tij mblodhi më shumë se çdo organizatë tjetër në Diasporë fonde për t’ju ardhur në ndihmë familjeve shqiptare që u dëmtuan rëndë nga tërmeti i 26 nëntorit të 2019ës.  Ai mblodhi 1.6 milionë dollarë për të pa strehët.  

Kongresisti Amerikan Vito Fosella në fjalën e tij përshëndetëse shprehu mirënjohjen e pakufishme për të gjithë komunitetin shqiptar të cilët janë një forcë aktive dhe e konsiderueshme në Staten Island dhe Amerikë.  Unë kam shumë miq shqiptarë dhe ndihem krenar pasi shoh çdo vit se si komuniteti juaj po rritet veçanërisht intelektualisht, pasi midis jush ka disa avokat, doktor, mesues, inxhinier, profesor, sportist, artist, politikan, biznesmenë të cilët e bëjnë qytetin tonë dhe më të bukur dhe më me vlerë, do të shprehej ish kongresisti Fosella para kamerave për TV “Alba Life”.  

Z.Fosella tha se gjithmonë e dënoj genocidin serb ndaj shqiptarëve të Kosovës., kur ishja në Kongres e kam ngritur me force zërin kundër genocidit serb, por për ta njohur më mirë situatën më duhej të shkoja dhe t’i takoja direkt popullin e Kosovës.  Unë shkova dy herë në kampet e refugjatëve gjatë luftës në Kosovë dhe pashë me dhimbje njerëzit e vuajtur, torturat që kishin ushtruar serbët ndaj popullit të pafajshëm të Kosovës, fëmijët me lot në sy, pleqtë të shpërngulur nga trojet e tyre. Këto takime në kampin e refugjatëve do të ngelen përgjithmonë në memorjen time.  Populli shqiptar ka një vend të veçantë në zemrën time.  

Vito John Fossella Jr. ka lindur më 9 mars 1965 dhe është një politikan republikan amerikan nga shteti i New York-ut i cili më parë përfaqësonte rajonin e 13-të të kongresit të shtetit në Dhomën e Përfaqësuesve të SH.B.A.-së për gjashtë mandate, nga 1997 në 2009 duke shërbyer si republikan i vetmuar nga New York City. Z. Fossella ka lindur në Staten Island, në një familje që përfshinte disa politikanë. Z.Fossella fillimisht mori detyrën në 1997, pasi fitoi një zgjedhje speciale të mbajtur për të zëvendësuar Susan Molinarin në dorëheqje.

Plot shqiptarë dhe aktivistë të njohur si z.Mundija, Jasin Gjoka, Agron Damzi etj të cilët kishin ardhur për të mbështetur Marko Kepin dhe kongresistin Vito Fosella u shprehën me fjalë miradie dhe po punojnë që të fitojnë, që siç tha studenti i shkëlqyer Gjoka po shkojmë derë me derë për të siguruar votat.

Z.Mundija dhe Gjoka janë në ekipin e z.Marko Kepi që po kandidon si këshilltar për në Bashkinë e Nju Jorkut. 

Ata u shprehën optimist për fitoren e tyre!

Vëllezër dhe motra shqiptarë ju ftoj të votoni Marko Kepin këtë bir të Kombit dhe le të bëjmë histori si shqiptarë në Staten Island!

29 Maj, 2021

Staten Island, New York

Takim me Konsullin e Përgjithshëm të Kosovës, Ambasador Frymëzim Isufaj

by

Nga Keze Kozeta Zylo/

Konsullata e Përgjithshme e Republikës së Kosovës në Manhattan gjithmonë ka qenë si shtëpia jonë e dytë për shkollën Shqipe “Alba Life” në New York./

Pas lehtësimit të masave nga pandemia botërore për shkak të Covid 19-të, themeluesit dhe drejtuesit e Shkolles Shqipe “Alba Life” patën një takim të frytshëm me Konsullin e Përgjithshëm të Republikës së Kosovës në Manhattan Ambasador Frymëzim Isufaj. 

Ndonëse prania e tij është ndjerë si për stafin e Shkollës Shqipe Alba Life po ashtu dhe për nxënësit në festimin e Ditës së shenjtë të Flamurit Kombëtar si dhe të Pavarësisë së Kosovës, takimi fizikisht dhe për të biseduar më shumë rreth mësimit të Gjuhës Shqipe në Diasporë dhe  çështjeve të tjera ishte i domosdoshëm.

Ne u mirëpritëm ne hyrje të derës ngrohtësisht nga kolegja jonë e nderuar znj.Vlera Sela Thaqi e punësuar pranë Konsullatës se Kosovës si dhe diplomatja Albesjana Iberhysaj. 

 Ambasadori Frymëzim Isufaj vlerësoi lart punën e drejtuesve dhe mësuesëve të shkollës Shqipe “Alba Life” si dhe përkushtimin maksimal ndaj çështjes së mësimit të gjuhës shqipe në Diasporë.  Vazhdimisht ka qenë preokupimi ynë për të bashkëpunuar me shkollat shqipe kudo ku janë në Diasporë dhe me sa mundemi të shpërndajmë abetaret dhe librat shqip ndër shkolla.  Ne bashkëpunojmë me ministritë përkatëse për shpërndarjen e librave dhe për të qenë më pranë jush. Ne duhet të organizojmë ekskursione dhe vizita midis nxënësve të Diasporës dhe Atdheut për të njohur më mirë dhe më thellë historinë e Mëmëdheut tonë.  Unë kam qenë shumë i emocionuar kur dëgjoja nxënësit e Shkollës Shqipe “Alba Life” pasi ata interpretonin poezi në shqip për Atdheun, Flamurin, Kombin, Adem Jasharin në festimin e Ditës së Flamurit që u realizua në Online.  Ishte kënaqësi shumë e madhe për mua dhe ju inkurajoj ta vazhdoni këtë punë dhe mos u ndalni kurrë në misionin kombëtar. Shpresoj që të hapen klasat nëpër shkolla në muajin shtator dhe do t’ju vizitojmë dhe marrim takime direkte me nxënësit dhe mësuesit. 

Ambasadori Isufaj vlerësoi lart gjithë Diasporën që në momentet më të rëndësishme historike ka qenë pranë Kombit.  Ne ndihemi shumë krenar me Diasporën që asnjëherë nuk i harron rrënjët e saj. 

Me mjaft dashamirësi dhe plot inkurajim përshëndeti dhe diplomatja Albesjana Iberhysaj duke diskutuar më shumë rreth punës me nxënësit për t’ju  mësuar gjuhën shqipe dhe për të mos u ndalur kurrë në këtë mision atdhedashës.

Z.Qemal Zylo themelues dhe drejtues i Shkollës Shqipe “Alba Life” që operon në të gjitha lagjet e Nju Jorkut falënderoi përzemërsisht Ambasadorin Isufaj.  Ai shprehu mirënjohjen për mikpritjen e tij dhe gatishmërinë për të mbeshtetur shkollat shqipe si dhe pjesemarrjen e tij në Online në festimin e Ditës së Flamurit dhe të Kosovës.  Ne gjithmonë kemi pasur lidhje të vazhdueshme me Ambasadorët e Kosovës në Manhattan dhe në Washington dhe e kemi ndjerë nga afër mbështetjen e tyre morale dhe me libra sipas mundësive. Konsullata e Përgjithshme e Republikës së Kosovës në Manhattan gjithmonë ka qenë si shtëpia jonë e dytë. Eshtë kënaqësi të bashkëpunojmë së bashku si shqiptarë dhe të ndihmojmë njeri tjetrin, pasi na lidh Kombi dhe gjuha shqipe. Ne kemi ardhur disa herë në aktivitetet që ka organizuar Konsullata dhe i kemi mbuluar dhe si media “Alba Life”, të fundit kanë qenë me Ambasadoren Teuta Sahatqija e cila organizonte herë pas here festat kombëtare.  Gjejmë rastin ta falënderojmë pasi siparin e 10-të Vjetorit të Kosovës në Diasporë e hapi me aktivitetin madhështor të realizuar nga nxënësit e Shkollës Shqipe “Alba Life”.  Z.Qemal Zylo foli gjithashtu dhe për unifikimin e abetareve midis dy vendeve, të librave të mësimit shqip pasi njëkohësisht po punon dhe si anëtar i Kryesisë së Këshillit Koordinues të Arsimtareve në Diasporë. Ndonëse shumë gjëa nuk janë të lehta, por në bashkëpunim me mësueset e përkushtuara ne ja kemi dalë me plot sukses dhe do ta vazhdojmë këtë mision kombëtar pa u ndalur asnjëherë.   

Në fund bëmë një fotografi të përbashkët si kujtim pranë Konsullatës së Përgjithshme të Kosovës dhe takimit me Konsullin e Përgjithshëm të Kosovës z.Frymëzim Isufaj.

28 Maj, 2021

Manhattan, New York