Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kuvendi ende në terr informativ rreth deportimit të shtetasve turq

by

Deportimi i gjashtë shtetasve turq nga Kosova, ngjarje kjo e datës 29 mars, vazhdon të mbetet një zhvillim me shumë të panjohura, jo vetëm për opinionin publik, por edhe për krerët e shtetit dhe institucionet më të larta të Kosovës.

1 Kuvendi

Agjencia e Kosovës për Inteligjencë (AKI) ende nuk ua ka dorëzuar raportin rreth këtij rasti institucioneve më të larta vendore.Përveç një raporti informues, të cilin deri më tani e ka prezantuar vetëm presidenti i Kosovës, Hashim Thaçi, institucionet tjera vazhdojnë të pohojnë se nuk kanë asnjë informacion zyrtar rreth asaj se si ndodhi që Kosova deportoi gjashtë shtetasit turq, të cilët deri në ditën e dëbimit, kishin leje valide qëndrimi në Kosovë.

Të premten, pritej që zëvendësshefi i Agjencisë së Inteligjencës, Latif Merovci të raportojë para Komisionit parlamentar për mbikëqyrje të AKI-së, por ky raportim nuk ndodhi. Ishte hera e katër që ky Komision kishte kërkuar këtë raportim.

Kryetarja e Komisionit, deputetja nga radhët e Partisë Demokratike të Kosovës, Ganimete Musliu tha se po bëhet e pamundur të ketë një kontroll ligjor demokratik mbi Agjencinë e Inteligjencës.

“Komisioni unanimisht konstaton që nuk jemi duke mundur ta zhvillojmë kontrollin demokratik apo anën ligjore të kontrollit demokratik mbi AKI-në. Ne do të mundohemi që në bazë të kompetencave që i kemi, bashkërisht të gjejmë rrugë për të funksionuar si komision dhe për të marrë përgjigje nga institucionet përgjegjëse”, tha deputetja Musliu.

Në ditën e deportimit të gjashtë shtetasve turq nga Kosova për në Turqi, si një aksion i koordinuar ndërmjet shërbimeve të inteligjencës nga Turqia dhe Kosova, jo vetëm deputetët, por edhe presidenti, kryeministri dhe kryetari i Kuvendit kishin deklaruar se nuk kishin njohuri rreth këtij rasti.

Si kundërreagim, kryeministri Ramush Haradinaj më pas pati liruar nga detyra ministrin e Brendshëm Flamur Sefaj dhe shefin e AKI-së, Driton Gashi.

Në bazë të një rezolutë të miratuar nga Kuvendi, pas një seance të jashtëzakonshme, është iniciuar edhe formimi i një komisioni hetimor parlamentar për t’i ndriçuar rrethanat e dëbimit të gjashtë shtetasve turq.

Deputeti Ilir Deda, nga Alternativa ka thënë për Radion Evropa e Lirë se shpreson që përmes këtij Komisioni, do të dalin para drejtësisë personat që sipas tij kanë shkelur Kushtetutën e Republikës së Kosovës.

Të gjashtë shtetasit turq u arrestuan dhe u dëbuan me një aeroplan të Shërbimit të Inteligjencës Turke më datë 29 mars vetëm pak orë pasi u arrestuan nga Policia e Kosovës në bashkëpunim me Agjencinë Kosovare të Inteligjencës (AKI).

Pesë prej personave të dëbuar nga Kosova ishin punonjës të shkollës “Mehmet Akif” në Kosovë, pronë e klerikut turk Fethullah Gulen, ndërkaq personi i gjashtë ishte një mjek turk.

Ankaraja i ngarkon ata me dyshimin se janë anëtarë të organizatës Hizmet të udhëheqësit fetar turk, Fetullah Gulen dhe e fajëson këtë të fundit se qëndron pas një tentim puçi në korrik të vitit 2016.Dëbimi i shtetasve turq me leje qëndrimi në Kosovë kishte nxitur edhe reagimin e Bashkimit Evropian.“Arrestimi dhe deportimi i gjashtë shtetasve që kanë jetuar ligjërisht në Kosovë, ngrit pyetje për respektimin e procesit të rregullt gjyqësor”, thuhet në qëndrimet e BE-së.

Nga Brukseli, Kosovës i ëshët bërë me dije se sundimi i ligjit është parim themelor i Bashkimit Evropian.

Po ashtu, BE kishte rikujtuar institucionet e Kosovës se procedurat arbitrare lidhur me arrestimin, ndalimin apo azilin janë kundër këtyre parimeve evropiane.

Eighteen years after the end of the wars in the Balkans the vast majority of perpetrators have not been brought to justice

by

By Atifete JAHJAGA/

2 ahtifete

Ambasador Sahatçiu,/

Anna Du Leillo,/

Professor Williams,/

Dear Members of Diaspora/

Good evening everyone,/

Thank  you so  much for  coming out,  I am pleased  to see so many  of you joining us  tonight.

First  of all,  please allow  me thank ambassador  Sahatçiu as well as Anna  di Leillo for helping organize  this event which seeks to raise  the awareness about an issue that  is very dear to my heart——the issue  of the survivors of sexual violence during  the war in Kosovo.

Sexual violence is one  of the most silenced weapons  of war that has affected the lives  of innocent peoples not only in Kosovo  but also around the world.

Indeed,  it’s an issue  that our society  faces and around which  we continue to seek the  answer: who is going to take  responsibility for these dreadful  crimes?

Sexual  violence  was used as  tool of war during  the war in Kosovo against  an estimated number of 20,000  women and men—— aimed  at the ethnic  cleansing of Albanians,  and with the  purpose  of undoing  the social fabric  of our society, destroying  lives, and making war never – ending  for so many in our society.

Nearly  twenty thousand  innocent citizens  carry the scars of  the heinous acts of  sexual abuse committed    by the Serbian forces, who  turned the victims’ bodies into  a battlefield for political gains.

I  heard  stories  of women  who witnessed  their daughters  being raped, beaten,  tortured in front of them, stories  of women sexually abused in unspeakable  ways in front of their husbands, fathers,  in front of the whole village. Stories of young  children who have not survived the inhumane acts. Stories  of women who lost their families to the shame of this crime,  women and young girls left behind with the stain of shame engraved  deep in their bodies.

Eighteen  years after  the end of the  wars in the Balkans  the vast majority of perpetrators  have not been brought to justice.

As  we moved  on to rebuild  our future upon  the rubbles of destruction  and immense human suffering,  struggling with the many challenges  of building a peaceful, stable and secure  country, we left the victims of this terrible  crime in the mercy of no one.

While  most war  rapists still  run free, thousands  of victims live in isolation- imprisoned  by shame, stigma, discrimination and fear.

War  rape victims  in Kosovo had  to live under such  conditions for many years  after the war- –silenced by  our society neglected by the system.

In  the first days of my mandate as the President of Kosovo, I went to meet a group of women, survivors of sexual violence during the war. I  witnessed first-hand that the war for them had still not ended.

Witnessing  the discouraging environment the survivors of sexual violence were living in, I decided to act!  After a thorough analysis of my legal and constitutional powers as president and after meetings with several activists who had raised their voice for justice and recognition of the survivors,  in March of 2014, I initiated the establishment of the National Council on Survivors of Sexual Violence.

The Council was the first institutional response to a problem that had been kept under the wraps for so many years. It broke the taboo, and war rape became a topic publically discussed across Kosovo.

I proudly remember the first day of the National Council since it marked the first time that we as institutions of Kosovo and as a society  expressed our staunch commitment to break the taboo, to fight the stigma still surrounding the survivors and to work tirelessly to treat them as we had done with all other categories of war, with respect and dignity honoring their sacrifice.

On June 12th, 2015, on Kosovo Liberation Day,  Prishtina became the center of efforts to uphold the rights of survivors of sexual violence during the war, through the artistic installation “Thinking of you”, of the artist Alketa Xhafa-Mripa and producer Anna Di Lellio, when the green field of the Prishtina Stadium was covered by five thousand skirts and dresses, which spoke loudly of the inhumane acts committed towards the women of our country, and raised the awareness to recognize and punish this war crime.

As I walked through the stadium that day, through the thousands of dresses I came across two skirts which carried two heartbreaking messages, in one of them it was written: “I have a bitter experience” while in the other it said: “this skirt has a closed history from the spring of 1998”.

Today those skirts are still hung in the walls of the Office of the President of Kosovo toremind us of the sacrifice of thousands of women and men, and foremost to remind us of our obligation to treat them with dignity.

Today the survivors have won their legal recognition, we have broken the taboo—they have even found  the support of friends from around the world, of people like you who are listening to their voices and supporting their plea for justice.

Dear ladies and gentlemen,

In these years I have heard stories of women whose dreams of becoming mothers never came true when they lost their unborn child due to inhumane act of violence committed upon them, and many other stories of unspeakable torture as a result of this war crime.

Yet, in all of these stories I also witnessed the courage of young girls and women who despite everything, have found the strength to rebuild their lives, to take care of their children and families, to fight every day with the horrors they have lived and who never give up. ——-Women who encourage each other to survive and and see each other as they are– the heroines of our society.

It  is their  strength and  their courage which  gives me hope that their  pledge for national and international  recognition of the crime, their pledge  for justice, and their pledge for a life  in peace will be heard.

We still have a long way to go to offer them the justice they deserve.

+ As Ambassador Sahatqija mentioned, Ks continues to be excluded from the yearly UNSG report on sexual violence, preventing us from international recognition of this crime—and contributing to the prevailing culture of impunity.

Yet, now more than ever, we are determined to uphold our institutional and social obligations and seek justice for all survivors.

Dear ladies and gentlemen,

I can  say loud  and clear that  it is not only the  victims who pay the price  of the injustices inflicted upon  them by this weapon of war but it  is the whole society which suffers.

We can put a stop to this tool of war which is everyday destroying lives in different corners of the world, destroying the fabrics of our societies— but we need to act together and join our efforts.

I would like to once again express my gratitude to Ambasador Sahatciu and Producer Anna Di Lelio for organizing this event, and all of you who have come to offer your support in this quest for peace and justice for the survivors.

We cannot change their painful past but we can make sure to offer them justice. Foremost we can make sure to end sexual violence in conflict once and for all. Let us all join this cause and protect our humanity.

Thank you!

 

 

Tradhëtia e Madhe

by

1 Alfons-Grishaj

Nga Alfons Grishaj/

 Asnjëherë nuk kam menduar se në kohët moderne me një përvojë politiko-shoqërore të  mjaftueshme të  ndodhin  budallallëqe diplomatike me përmasa të rrezikshme territoriale,  si  në Prishtinë.  Ministri i Brendshëm,  veproi si një diletant në kundërshtim me kompetencat, duke bashkëpunuar nën rrogoz me një shtet tjetër, pa informuar aspak Kryeministrin e tij. Ministri Brendshëm i Prishtinës veproi sikur Kryeministri i tij të ishte në Turqi dhe jo në Prishtinë. Kjo ngjarje ka lënë me gojë hapur shumë qarqe diplomatike europiane e perëndimore. Një akt i tillë do denohej në çdo shtet të botës si tradhëti. Mirëpo në Kosovë, Kryeministri Haradinaj, u mjaftua vetëm me shkarkim nga posti i Ministrit të Brendshëm.

Akti i turpshëm i Ministrit të Brendshëm, u përshëndet nga shtypi i Erdoganit, si një akt i guximshëm dhe jo si një tradhëti. Gazetat e Erdoganit, anatemuan Kryeminstrin Haradinaj, allaturka si në kohën e sulltanëve. Një gazetë e quante dhe pianik. Sikur të ish gjallë Omar Khajam, do u recitonte mjeranëve lap(!)arë,  strofat 211-212:

Të madhit Muhamet i çon selam:

Dhe e pyet Imami Omar Khajam!

“O Pejgamer, më thuaj aman,

Pse dhallën bën hallall, verën haram?

 

Përgjigjet Muhameti me selam:

“S’më more vesh, Imam Omar Khajam!

Dhalla hallall për lolot, mor aman,

Verën për t’ urtët nuk e bëj haram!”

Janë të kuptueshme gazetat e kohës së sotme, të cilat janë nën frenat e Sulltanit të Ri. Çudia e madhe vjen nga ca “faqe shqiptare”, me pezishkë diabolike gazetareske, të cilat, pa pikë turpi na tregojnë se kush janë miqtë dhe armiqtë e popullit shqiptar dhe arrijnë deri aty sa t’ na përmendin kryqat dhe çallmat. Ato anatemojnë tërthorazi Haradinajn si një kryqtar dhe si i tillë, ai duhet të vendosë kryq në qafë për t’u identifikuar, sepse vetëm kështu ithtarët e erdoganizmit, që nuk kanë derdhur asnjë pikë djersë për komb, e kanë të lehtë të shtijnë me shigjetat neotomane, kundër lirisë dhe mbrojtësve të saj! Me gjuhën e renegatëve, minjtë e Erdoganit e quajnë ish-pushtuesin turk, mik! Dhe mjerisht, vendi ynë siç ka nxjerrë shumë heronj, ka prodhuar dhe shumë renegatë dhe këlyshë renegatësh! Dhe sot i shohim puthadorët duke lëpirë dhe puthur këpucët e Sulltanit të Ri të Ankarasë.

Erdogan, i quan të gjithë kundërshtarët e tij, Gylenistë, dhe i paralajmëron të mos fusin duart në punët e qeverisë Turke. Kurse vetë ai, dhe pse fut dorën e hundët në punët e një shteti të pavarur e sovran, duke i kompromentuar Ministrin e Brendshëm, nuk përbën ndonjë problem?!

Edhe pse fuqia perandorake ka perënduar, politikat e vjetra të ish pushtuesve të Shqipërisë, nuk kanë hequr dorë nga synimet shekullore për ta mbajtur vendin tonë si një provincë të tyren. Me fuqinë e ofertave kompromentuese, këto politika ndërhyjnë në zhvillimet tona të brendshme dhe jo rrallë. Shumë devijime politike, ekonomike e diplomatike janë bërë tek ne si rezultat i këtyre ndërhyrjeve nga Ankaraja dhe Beogradi. Stadi i zhvillimit tonë ekonomik është pasojë e këtyre ndërhyrjeve, sepse këto dy vende, në kontekstin e ri gjeopolitik, ngaqë nuk mund mund t’i ëndërrojnë më Shqipërinë dhe Dardaninë, si mundësi për ekspansion territorial, po e përdorin si zonë tregu dhe influence! Si Serbët dhe Turqit, kanë mbetur të njëjtë. Ndërsa, kripto-turqit, apo kripto-serbët që flasin shqip e që jetojnë në vendin tonë, na servirin pjata minjësh për drekë. Njëra palë me gjak, tjetra me tradhëti.

Kështu, ca gazetarucë, nuk gjykojnë shëmtinë e ish Ministrit të Brendshëm, por gjykojnë një hero si Haradinaj, që sakrifikoi si pak kush për tokën e shenjtë të Dardanisë. Ramush Haradinaj është një shqiptar i vërtetë. Atdheu i tij është Shqipëria autoktone. Anatemimi i z. Haradinaj, apo i Ipeshkvit të Dardanisë, nuk i shërben askujt tjetër përveçse armiqve të Kombit. Sulmi ndaj  Ipeshkvit të Dardanisë, Dodë Gjergji, se gjoja ai nuk paska të drejtë të flasë për turpin e ndodhur, është një muzikë e vjetër.  O Zot! Po ku janë shkolluar këta  të mjerë?!  Po sikur Ipeshkvi Dodë Gjergji, të mos ishte prift dhe të ishte qytetar i lirë i Dardanisë, a do të kishte të drejtë të denonconte aktin e tradhëtisë që ndodhi në Prishtinë?

Sigurisht, priftërinjë e hoxhallarët shqiptarë, kanë të drejtë të shprehin mendimet e tyre politiko-sociale me gojën plot se janë nështetas dhe qytetarë të Republikës, dhe njëkohësisht kanë një plus që palo-gazetarët dhe palo-politikanët nuk e kanë. Ata ia kanë kushtuar jetën Zotit dhe të vërtetës, dhe jo veseve dhe luksit të rremë. Veçantia në Republikat laike është se, udhëheqsit shpirtërorë duhet të mbajnë fenë të ndarë nga politika dhe të zgjidhen në poste funksione shtetërore.

Çka më vret më tepër në “leksionet gazetareske”… është ligësia e përpunuar në laboratoret e varfërisë intelektuale, apo të huaja. Përmendia numërore në fe, është kompleks inferioriteti në vetëdije, në kulturë, në emancipim dhe logjikë kombëtare. Të gjithë ata që përmendin përqindjet, janë injorantë ose të djallëzuar. Kombet e qytetëruara nuk kanë “shumicë absolute”, por logjikë civile absolute, vetdije dhe identitet etnokulturor. Të vetmet shifra që vlejnë në demokraci, janë ato që i japin legjitimet një qeverisjeje që punon për interesat e shoqërisë që e zgjedh.

Termi “Tolerancë Fetare”, nuk është një term virtuoz, por një huazim me synime anadollake. Ky term, që ka lindur me ediktin e Milanos, nën firmën e Konstandit të Madh, me origjinë ilire, u ripërdor nga Sulltan Sulejmani, por që nuk gjeti zbatim në Shqipëri, u harrua në kohën e Enverit dhe u rishfaq dendur pas viteve 90, prej ardhacakëve nga terri. Tashmë me një kuptim më të rafinuar. Pakica ekziston falë mëshirës së shumicës! Kjo është dhe gënjeshtra më e madhe që e përdorin dhe disa të “mençur”, të cilët, tek filozofia e stërholluar osmane e asimilimit, gjejnë tezat dhe argumentet. Çdo argument tjetër etnologjik dhe historik është fshirë.

Në disa brezni, shqipëtarët gjejnë origjinën e tyre në Zef, Pjetër, Sofokli, Gjon etj. Lejimi që bëri Papati përdorimit të emrave jo të krishterë në publik, nga ana e atyre që praktikonin në fshehtësi ritet e besimit katolik, lindi kripto-katolikët. Një pjesë e tyre u konvertua gradualisht në muslimanizëm, por me një ndryshim të madh, se muslimanët shqipëtarë, nuk e mohuan kurrë origjinën e tyre, dhe ruajtën lidhjet e gjakut me vëllezërit, dhe kushurinjtë që mbeten kristianë. Këtu e ka bazën dashuria dhe respekti reciprok midis besimeve në Shqipëri. Vetëm familjet kolone turke, të vendosura në Shqipëri, kryesisht për arsye administrative (që janë me gishta), mund të krenohen se erdhën muslimanë dhe nuk u konvertuan. Tani ne po shohim  se,  disa të ardhur nga “Kosova” apo nga “Maqedonia” po na tregojnë dhe “origjinën” dhe “shumicën” etj. Këta na përmendin dhe kryqin dhe flamurin e Islamit pa ditur aspak çfarë janë.

Faktet shkencore,  për ata që kanë logjikë, janë të pakontestueshme: Judeistë, Krishterë, Muhamendanë, kanë një baba, Abrahamin (Ibrahimin).  Këto tri fe kanë 24 Profetë të përbashkët… Mjafton të lexosh me logjikë dhe zemër të pastër… Biblën, Torahun dhe Kuranin, dhe konkluzioni të vjen natyrshëm.  Sigurisht, ritualet, forma dhe mënyra e jetesës janë të ndryshme, por thelbi është i njëjtë, monoteizëm, një zot dhe një trashëgimi!

Përmendja  kryqit vend e pavend nuk është asgjë tjetër, vetëm  porta e kalbësirës së nënqenies, shpirtit. Krishti (Hazreti Isai), u kryqëzua për mëkatet tona, dhe  ky kryq, i shërbeu dhe po i shërben njerëzimit anë e kënd botës qëprej dy mijë vjetësh. Në emër të humanizmit dhe lirisë, ky kryq i shërbeu dhe Dardanisë. Kryqëzata (siç thonë disa udhëheqës serbë) kundër Serbisë naziste, për të çliruar popullin e Kosovës, u udhëhoq nga “Kryqtarët” e NATO-s … dhe mos të harrojmë se, bash midis sheshit të Prishtinës, është vendosur busti i një “Kryqtari”,  i cili quhet Bill Klinton,  çliruesi i popullit tonë, dhe jo busti i pasuesve të sulltanëve që e robëruan, gjakosën dhe çnderuan popullin shqiptar për afro 500 vjet!

Një porosi lapsarëve-puthadorë: kur të shkruani për ngjarjet në Shqipëri, veçanërisht në Dardani, kujtoni hordhitë turke që dogjën dhe përvëluan popullin shqiptar, eksodet biblike të popullit tonë nga toka e të parëve; kujtoni përdhunimet e motrava dhe nënave shqipëtare nga makina naziste serbe, kujtoni vrasjet barabare të motrave dhe vëllezërve tanë… kujtoni heronjtë e UÇK-së dhe gjakun e derdhur dhe do të kuptoni se armiqtë janë të ngjashëm në vepra dhe në qëllime, pavarësisht racës apo besimit. Pastaj, mos harroni të kujtoni Aleatët “Kryqtarë” që udhëhoqën NATO-n për të çliruar popullin e Dardanisë, liri që sot e gëzon e që përbën bazën për ditë më të mira. Pas kësaj, ju siguroj se, nuk do u ngelet asgjë tjetër për të gjykuar, veç mjerimit që ju ka molepsur që në djep!

Po e mbyll këtë shkrim me vargjet e Naimit nga poezia e famshme

“Trathëtorëtë”:

Shokë, kemi  ne mesin tënë

Shum’ armik’ e trathëtorë!

Popo! Mos u qoftë thënë!

Veç që s’kanë gjë  në dorë.

Pse nuk e zë gjumi natën Xhufin…

by

…Sepse u krahasoka Enveri me Hitlerin!!!!/
1 Matilda
Nga Matilda MIRAKAJ/
Ne US para një jave, një vajze e çmendur, në lufte me Youtube, shkoj e plagosi tre vete përpara se të bente vetvrasje. Familja e saj e tronditur dhe e turperuar perpara opinionit public kerkoj ndjese për dhimbjen që vajza e tyre shkaktoj tek të tjeret.
Para një jave një familjar i diktatorit që vrau e preu pa mëshire, dhe më keq akoma, shkaterroi një popull të terë me gjenerata, mundohet te na tregojë se çfarë ndodhi me familjet tona. Me paturpesi mundohet të ver ndonjë bizhuteri në lakuriqsine e turpshme të krimit.
Pse nuk e ze gjumi naten Xhufin? Sepse u krahasoka Hoxha me Hitlerin? Po me Stalinin krahasohet? Stalini, Pol Pot e shumë kriminele të kuq. Edhe gjate debatit në Studion e hapur, përmendi legjenden popullore, se si gjoja Enveri kishte vrare bebe të vogla ti pinte gjakun e të rinohej. Duke prure krahasime të tilla të ezagjeruara ai mundohet të tregoje se kjo pjese e turpshme e historise se Shqiperise është një legjende “ekstravagante” siç shprehet ai.
Ah, paska edhe hallin e kombit. Ka hall se po njollosim shqipetaret si kriminelë. Krimineli dhe shenjti është dualismi i fshehur në çdo qenje njerzore. Mjaftojnë kushtet për të nxjerre njerin apo tjetrin karakter. Popuj me kulture evropiane e kanë treguar kete gjate historise. Francezet me revolucionin e tyre të famshem nxorren shume kasape që prene koka pa fund. Ne një rast nje prift në Nantes mblodhi në anije qytetaret dhe që të mos harxhonte kohe e plumba ja futi me top anijes me popull të pafajshem. Gjermanet e bene më vone me kampet e tyre të famshme.
Njeriu ne qenien e tij të thelle e ka instiktin e të mbijetuarit dhe të vrasesit. Ajo që e ben jo kafshe, është analiza, ligji, e njohura e të keqes dhe të mires, feja, besimi. Në qoftë se nuk është në gjendje të shoh se sa poshte mund të shkoje nuk ka për ti thene vetes kurre, stop! O Zot mos më ço në tentacion, luten besimtaret çdo ditë.
Nje alkoholist apo dipendent drogash, në qoftë se do ti jap fund të keqes që e dominon, fillon duke njohur vetveten. Duke e ballafaquar atë me grupin. Fillon duke treguar se kush është dhe vesin e tij. Vetëm athere fillon rrugen drejt sherimit. Është një proçes që nuk perjashton individin dhe as shoqerine.
Ne Shqipëri u pre metstaza kanceroze nga trupi I saj por qelizat kanceroze kanë hedhur rrenje dhe shumfishohen duke oksiduar gjiçka për rreth dhe krijojne një rremuje të pakontroll.
Nuk dua ti jap rendesi Xhufit por fenomenit Xhufi. Ai vete nuk ja vjen. Është një pseudo historian. Por që të diskutohet akoma graviteti i kampeve më pleq gra e femije, është e tuprshme për një vend që troket në dyert e Evropes.
Nuk dua gjithashtu ta personalizoj kete shkrim me tregimet dhe lotet pa fund të gjyshes time dhe të shumë të tjerave që mbijetuan kto tmerre. Vetem diçka të vogel kutoj qe pasqyron historine e atyre viteve. Gjyshja ime lindi 4 fëmije, dy vajza dhe dy djem. Dy vajzat i vdiqën të vogla, njera 6 muajsh dhe tjetra, Donika të cilen e kujtonte shpesh 2 vjeç e gjysëm. Gjyshja ime Gjina ishte njeriu më i pastër dhe i bute në shpirt që kam njohur gjate jetës time. Me mall tregonte për të voglen engjell që kish humbur, per kaçurelat e arta që i binin në mollzat si qumesht e pak bojroze. Dhe gjithmone e mbyllte ate bisede me pshertimë dhe thoshte. Shyqyr që vdiqën e nuk I provuan kampet. Nje nene që kishte arritur në perfundimin tragjik se humbja e femijes, e loçkes si thone nenat shqiptare, ishte më mirë se jeta. Në vitet e fundit të jetës së saj, harresa mbeshtolli kujtimet e errta dhe ne që na donte si dritën e syrit, shpeshhere nuk na njihte më. Por ajo që zuri rrënj në trurin e saj e nuk u shkul deri sa mbylli syte ishte tmerri i urise, jo për vete por për djemt e saj. Deri në ditet e fundit kur s’njihte më askend dhe nuk e kuptonte se ishte në një shtepi të bukur në Long Island, më pyeste. A mi ke pa djemt? A kishin më hangër? Kur jeta po rreshqiste ngadale prej trupit të saj të lodhur, nuk shihte dot pishinën e kalter nga dritarja, por kampin më gjemba të Tepelenes të gdhendur në kujtesen e saj.
Xhufi me shoke është metafora e DNA‘s të ndergjegjes kolektive që është thyer, hallka e keputur qe dobson zinxhirin e jetës dhe moralit.
Xhufi me shoke është një pengese e progresit shpirteror që ka nevoje populli shqiptar. Është një çarçaf që mundohet të mbuloj kalbesiren e historise por qelb më eren toksike te ardhmen. Hesht Zoti Xhufi. Pa u futur thelle në jeten tënde vetëm afersia fizike me djallin diktator të bën të felliqur. Hesht dhe mos pengo një popull të pastrojë vetveten.
Zoti Xhufi dhe rraca juaj, kur hapni gojen e flisni për të kaluaren, merrni shembull nga familjarët e vrasesve masive ne vende të qytetruara dhe kerkoni ndjese për familjaret tuaj. Ndjese për dhimbjet që shkaktuan. Eshte e vetmja here që ju lejohet moralisht ti drejtoheni opinionit publik.

Kosova 10 vjet me Kushtetutën e Pavarësisë

by

 

-Neni 1 i Kushtetutës Republikën e Kosovës e përcakton “shtet i pavarur, sovran, demokratik, unik, dhe i pandashëm”/

1 Kushtetuta Kos1 Iliaz RamajliSONY DSC1 Kushtet 9 prill 2004

-Në rrugën drejt pavarësisë Kosova ka një histori kushtetuese edhe para kushtetutës së saj të parë si shtet i pavarur me njohje ndërkombëtare/

SPECIALE-Gazeta DIELLI nga korrespondenti në Kosovë Behlul Jashari/

PRISHTINË, 9 Prill 2018/  Kosova para 10 viteve miratoi Kushtetën e Republikës, e cila në nenin 1 e përcakton “shtet i pavarur, sovran, demokratik, unik, dhe i pandashëm”.  Ishte viti 2008 kur u miratua nga Kuvendi i Kosovës akti më i lartë  juridik i shtetit në ditën e 9 prillit, më pak se dy maj pas shpalljes së pavarësisë në 17 shkurtin historik, ndërsa ka hyrë në fuqi në 15 qershor.

Atëherë, dekretimi i 41 ligjeve, të  dala nga paketa e Propozimit Gjithpërfshirës për Zgjidhjen e Statusit të Kosovës të Kryenegociatorit Martti Ahtisaari – Emisarit Special të OKB-së, ishte një nga zhvillimet më të rëndësishme të ditës së hyrjes në fuqi të Kushtetutës.

Ndërsa zhvillimet më të rëndësishme brenda dhjetë viteve ishin në 2012-tën, kur Kuvendi, në 7 shtator,  ka miratuar amendamentimin e  Kushtetutës së Republikës lidhur me përfundimin e mbikëqyrjes  ndërkombëtare të pavarësisë së Kosovës, ndërsa në 10 shtator pasoi vendimi i Grupit Drejtues Ndërkombëtar, i mbledhur në Prishtinë, për përfundimin e mbikëqyrjes ndërkombëtare.

“Përmbyllja e mbikëqyrjes është vlerësimi më i lartë ndërkombëtar, që i është bërë shtetit të Kosovës pas shpalljes së Pavarësisë”, u vlerësua atëherë.

Grupi Drejtues Ndërkombëtar (ISG) për Kosovën, i cili përbëhej nga vendet që e kanë njohur pavarësinë, ishte formuar më 28 Shkurt të vitit 2008 dhe synonte të orientojë dhe mbikëqyrë zhvillimin demokratik të shtetit të ri, të nxisë qeverisjen e mirë dhe shumetnicitetin.

Deri në 10 vjetorin e Kushtetutës Pavarësia e Kosovës është e njohur nga 116 shtete anëtare të OKB-së.

Në rrugën drejt pavarësisë Kosova ka një histori kushtetuese edhe para kushtetutës së saj të parë si shtet i pavarur me njohje ndërkombëtare.

Kosova prej vitit 1974  ka pasur Kushtetutën e vet e cila i ka siguruar mëvetësi organizative si njësi konstituive me të drejtë vetoje në federatën  e atëhershme, nga shpërbërja e së cilës dolën shtatë shtete të reja të rajonit – edhe Sllovenia, Kroacia, Bosnja e Hercegovina, Serbia, Mali i Zi dhe Maqedona.

Pas kundërshtimeve të fuqishme institucionale e gjithëpopullore të “kushtetutës së tankeve” serbe me të cilën  në mars të vitit 1989 dhunshëm e përgjakshëm në mënyrë kundërkushtetuese suprimohej autonomia, në rrethana të okupimit, Kosova në vitin 1990, shpalli Deklaratën e pavarësisë në 2 korrik e më pastaj Kuvendi miratoi në 7 shtator Kushtetutën e Republikës së Kosovës.

Në vitin 1991, nga 26 deri në 30 Shtator 1991 u organizua edhe edhe referendumi ku kosovarët votuan 99,87 për qind për Kosovën shtet sovran dhe i pavarur, i cili pasohej me zgjedhjet e para pluraliste, parlamentare e presidenciale të 24 majit 1992.

Republika e Kosovës me kushtetutën e vet e institucionet demokratike të zgjedhura atëherë nuk u njoh ndërkombëtarisht, por megjithatë ishte dhe njihej si deklarim i fuqishëm i vullnetit të popullit mbi 90 përqind shumicë shqiptare, si edhe pjesëtarëve të komuniteteve pakicë.Prej vitit 2001 deri para 10 viteve, Kosova ka pasur një Kornizë Kushtetuese, e miratuar nga OKB-ja, e cila ishte dokument më shumë inicial kushtetues, por ka mundësuar zhvillimin e vendit nga një krijesë de fakto e pavarur, ndonëse nën protektorat, në një entitet shtetëror të pavarur, edhe pse nën mbikëqyrje ndërkombëtare për një kohë.Kosova është e lirë nga 12 qershori i vitit 1999 i hyrjes së trupave të para të NATO-s në ndërhyrjen shpëtimtare për popullin kosovar.Dita e Kushtetutës, 9 prilli, është festë shtetërore, sipas Ligjit për festat zyrtare në Republikën e Kosovës, të miratuar në Kuvend në 21 maj 2008 e të  shpallur me Dekretin e Presidentit të Republikës të 15 qershorit po të atij viti.

PRESIDENTI THAÇI: DEKADA E PARË E KUSHTETUTËS SË SHTETIT TË KOSOVËS

Presidenti i Kosovës, Hashim Thaçi, deklaroi: Kushtetuta e Republikës së Kosovës sot shënon dekadën e parë. Si udhërrëfyes për krijimin dhe forcimin e shtetit, ajo pasqyron më së miri përpjekjet shekullore për liri, barazi e drejtësi dhe dëshmon vendosmërinë për të ndërtuar një të ardhme të përbashkët në paqe të qëndrueshme. Asnjëherë nuk do të ndalemi së punuari për të forcuar shtetin, duke respektuar të drejtat e liritë e çdo qytetari dhe duke garantuar barazinë e tyre para ligjit.

KRYEMINISTRI HARADINAJ URON DITËN E KUSHTETUTËS SË REPUBLIKËS SË KOSOVËS 

Prishtinë, 9 prill 2018– Me rastin e dhjetëvjetorit të hartimit të Kushtetutës së Republikës së Kosovës, kryeministri Ramush Haradinaj, ka uruar qytetarët e Republikës së Kosovës

Fjala e plotë e Kryeministrit Haradinaj:

Pas çlirimit të Kosovës, shpalljes së Pavarësisë, themelimi i Kushtetutës së vendit është ndër datat më të rëndësishme të kalendarit tonë shtetëror. Me 9 Prill të vitit 2008, Kosova vendosi themelet e saj të konsolidimit si shtet, duke e funksionalizuar aktin më të lartë juridik, Kushtetutën e saj.
Një dekadë më parë, përmes këtij dokumenti, u vulos Kosova jonë si vend i pavarur, me qytetarë të lirë me të drejta të barabarta per secilin, në frymën e pakufizuar demokratike.

Dekada e parë e Kushtetutës së vendit, krahas qenësimit tonë si shtet juridik, ka përjetuar edhe sfidat e saj. Këto sfida, na tregojnë edhe vlerat tona demokratike si shoqëri kur ne kemi pranuar këto parime kushtetuese si parime udhëheqëse të Kosovës.
Sot, ky bazament ligjor shpërfaqë vlerat më të larta të demokracisë tonë.
Përvjetori i sivjem, i shtyllës kryesore ligjore të vendit, na gjenë me plot detyra. Na gjenë me punë, me suksese të numëruara por edhe sfida për t’i tejkaluar e që na bëjnë më të fortë. Por, mbi të gjitha, ky jubile na gjenë më të sigurtë se kurrë, për rrugën tonë Euro-atlantike dhe miqësinë e përhershme me SHBA-të.
Urime 9 Prilli, Dita e Kushtetutës së Republikës së Kosovës!

Ramush Haradinaj

Kryeministër i Republikës së Kosovës

Raportim i para 10 viteve-9 prill 2008: PËRMBLEDHJE – KUSHTETUTA FUQIZON SHTETIN E PAVARUR, SOVRAN, DEMOKRATIK, UNIK DHE TË PANDASHËM TË KOSOVËS

PRISHTINË, 9 prill /ATSH-B.Jashari/ – Kuvendi i Kosovës i mbledhur sot në një seancë solemne të jashtëzakonshme, ashtu si kur shpalli pavarësinë para më pak se dy muajsh, miratoi njëzëri Kushtetutën e Republikës së Kosovës, që, siç u tha, fuqizon shtetin më të ri në botë si të pavarur, sovran, demokratik, unik dhe të pandashëm.
“Duke u bazuar në votimin njëzëri të të gjithë deputetëve në sallë, sot në orën 10:45 u shpall solemnisht Kushtetutën e Republikës së Kosovës, e miratuar nga 107 deputetët e Kuvendit të Kosovës”, tha kryeparlamentari Jakup Krasniqi pas votimit.
Gjithçka ishte unanime në këtë seancë, që nga fillimi i saj, kur ishin të pranishëm në sallë 103 deputetë, të cilët aprovuan të vetmen pikë të rendit të ditës: Miratimin e Kushtetutës së Republikës së Kosovës.
Seanca e Kuvendit të Kosovës, ku merrnin pjesë udhëheqësit më të lartë të vendit, Përfaqësuesi Civil Ndërkombëtar, Pieter Feith, trupi diplomatik në Kosovë, si dhe përfaqësues të arsimit, shkencës, artit e të fesë, hapi punimet pak pas orës 10:00, nën drejtimin e kryeparlamentarit Jakup Krasniqi.
“Kam nderin dhe kënaqësinë e veçantë të hap punimet e kësaj seance të jashtëzakonshme dhe solemne të Kuvendit për miratimin e Kushtetutës së Republikës së Kosovës”, tha ai.
“Kushtetuta jonë sanksionon shkallë të lartë të idealizmit të një shoqërie të lirë, të hapur, demokratike dhe sovrane. Ajo promovon dhe u garanton të drejta të standardeve të larta komuniteteve pakicë në Kosovë. Që nga sot, të drejtat e komuniteteve nuk janë më thjesht vetëm vullnet i mirë dhe i deklaruar i shumicës, por kategori e përcaktuar kushtetuese dhe partneritet solemn e publik. Ato janë të mbrojtura dhe të pacenueshme”, theksoi kryeparlamentari Krasniqi.
Më pas, Kuvendit iu drejtuan presidenti Fatmir Sejdiu, kryeministri Hashim Thaçi, e kryetari i Komisionit Kushtetues, Hajredin Kuçi, të cilët nxjerrjen e Kushtetutës së Republikës së Kosovës  e vlerësuan një moment tjetër historik pas shpalljes së pavarësisë më 17 shkurt 2008.
“Në vazhdën e zhvillimeve jashtëzakonisht të rëndësishme dhe historike për Kosovën, pas shpalljes së pavarësisë dhe njohjes ndërkombëtare nga një numër i madh vendesh të botës demokratike, dita e sotme po kështu shënon një moment të veçantë në përmbylljen e ciklit të shtetndërtimit të Kosovës”, tha presidenti  Sejdiu.
”Kushtetuta, me peshën e saj të veçantë, sa mund të quhet me të drejtë përmbyllje e procesit shtetndërtues të Kosovës, po kaq, në të njëjtën kohë, në bazament të qëndrueshëm formal dhe juridik dhe esencial e fut Kosovën në rrafsh të ri të zhvillimeve shtetërore, politike dhe juridike”, shtoi ai.
“Kushtetuta e Republikës së Kosovës në të njëjtën kohë hap horizontin dhe mundësinë tonë për përballje me sfidat e shumta që do të kapërcehen duke e dëshmuar fuqishëm qëndrueshmërinë e institucioneve shtetërore të Republikës së Kosovë, të cilat edhe në rrugën e deritanishme kanë dëshmuar seriozitetin dhe këmbëngulësinë për veprim të sukseshëm në realizimin e interesave të qytetarëve të Republikës së Kosovës ”, theksoi presidenti Sejdiu.
Ai u shpreh optimist se mbi bazën e parimeve të Kushtetutës dhe duke pasur parasysh ndërtimin e gjithë strukturës institucionale përgjegjëse për zbatimin e tyre, “Republika e Kosovës do të kapërcejë më shpejt edhe rrugën drejt integrimit të saj në Bashkimin Evropian dhe në NATO”.
Kryeministri  Hashim Thaçi tha se Kushtetuta e Republikës së Kosovës është evoluim i historisë së përbashkët të kosovarëve dhe garanton liriëtë dhe të drejtat e të gjithëve. 
“Republika e Kosovës është shoqëri shumetnike, e përbërë nga shqiptarët dhe komunitetet e tjera. Vlerat fondamentale dhe liritë e të gjitha kombeve demokratike janë të mbrojtura me anë të kushtetutës. Prandaj, edhe ne sot kemi vendosur që ta ndjekim rrugën e shteteve të lira dhe demokratike”, u shpreh ai.
“Kushtetuta e Republikës së Kosovës, është vullneti ynë, është legjitimiteti dhe vula e shtetit të Kosovës”, theksoi kryeministri Thaçi.
Kryetari i Komisionit Kushtetues, Hajredin Kuqi, prezantoi përmbajtjen e Kushtetutës, e cila, siç bëri të ditur, ka 14 kapituj dhe 162 nene.
“Kemi synuar të kemi një Kushtetutë moderne, te shkurtër, të qartë dhe të kuptueshme, që garanton vullnetin e qytetarëve të Kosovës dhe zotimet ndërkombëtare dhe që është funksionale”, tha ai.
”Sot, në duart tuaja është drafti i Kushtetutës së Republikës se Kosovës si bazë e ndërtimit te sistemit politik, ekonomik dhe shoqëror në shtetin tonë në të cilën kemi shprehur synimet tona, në emër të popullit të Kosovës, për të ardhmen e vendit tonë të lirë, demokratik dhe paqedashës si shtet i të barabartëve”, është shprehur Kuqi.
“Sovranitetin e Republikës sonë Kushtetuta e përcakton se buron nga populli dhe i takon atij. Ajo garanton integritetin territorial të Kosovës si të pacenueshëm,të patjetërsueshëm dhe të pandashëm dhe mbrohet me të gjitha mjetet e lejuara”, siguroi ai.
”Republika e Kosovës është e ndërtuar mbi bazën e konceptit të barazisë qytetare dhe e përcaktuar si shoqëri shumetnike, e përbëre nga shqiptarët dhe nga komunitetet e tjera ku qeveriset në mënyre demokratike dhe respektohet plotësisht sundimi i ligjit dhe barazia e qytetarëve para tij”, theksoi Kuqi.
Kushtetuta e Republikës së Kosovës është nënshkruar të hënen pasdite nga Komisioni Kushtetues në një ceremoni zyrtare në ambientet e Bibliotekës Kombëtare në Prishtinë, e ku morën pjesë udhëheqësit më të lartë të vendit e të komunave dhe përfaqësues të misioneve ndërkombëtare.
Në dy ditët e para të prillit Komisioni Kushtetues i Kosovës e miratoi me konsenmsus të plotë tekstin final të Projektkushtetuës, ndërsa Përfaqësuesi Civil Ndërkombëtar, Piter Feith, e certifikoi atë duke vlerësauar se është në përputhje me Paketën Ahtisaari.
Për Projektkushtetutën e hartuar nga Komisioni Kushtetues, i cili është ngritur nga Ekipi i Unitetit,  është zhvilluar debat publik që nga 28 janari 2008, në fazën e parë, dhe që nga 19 shkurti, dy ditë pas shpalljes së pavarësië, në fazën e dytë.
Gjatë debatit publik u është bërë e ditur qyetarëve se “Kushtetuta është hartuar mbështetur në dy vullnete, i pari që Kosova të jetë shtet sovran dhe i pavarur dhe i dyti që me Deklaratën e Pavarësisë të 17 shkurtit Kosova si shtet ka marrë obligime ndërkombëtare për zbatimin e Paketës së Ahtisaarit”.
“Republika e Kosovës është shtet i pavarur, sovran, demokratik, unik, dhe i pandashëm”, thuhet në nenin 1 të Kushtetutës, e cila, sipas nenit të fundit – 162 – “hyn në fuqi më 15 qershor 2008”./
a.jor.

7 prill 2008: KOSOVË – ILIAZ RAMAJLI, “RINËNSHKRUAN” KUSHTETUTËN E REPUBLIKËS

PRISHTINË, 7 prill 2008-B.Jashari/ Anëtari i Komisionit Kushtuetues, Iliaz Ramajli, ka qenë sot ndër nëshkruesit e Kushtetutës së Republikës së Kosovës.

Për te ky ka qenë një „rinënshkrim“ i Kushtetutës së Republikës së Kosovës.

Por, dallimi në kohë e rrethana është i madh sepse tash pavarësia e Republikës së Kosovës, e shpallur më 17 shkurt 2008, është jo vetëm deklarim i lëvizjes kombëtare për liri, pavarësi e demokraci, por edhe rezultat madhor i një procesi ndërkombëtar, dhe është njohur për pak më shumë se një muaj e gjysmë nga 36 shtete, duke përfshirë edhe 7 vendet e G-8-shit.

Iliaz Ramajli ka qenë nënshkrues i Deklaratës së Pavarësisë, të shpallur nga Kuvendi i Kosovës më 2 Korrik 1990 dhe i Kushtetutës së Republikës së Kosovë, të miratuar nga Kuvendi i Kosovës, më 7 shtator 1990.

Atëherë ka qenë nënkryetar i Kuvendit të Kosovës.Më vonë Ramajli ka qenë për një kohë shef i Zyrës së Kosovës në Shqipëri.