KOSOVA PËRGATITET PËR ZGJEDHJE

May 15, 2017 by dgreca

-Qeveria në detyrë pas mocionit të mosbesimit zhvillon mbledhjen e pare/

*QEVERIA E KOSOVËS, 4.944.900 EURO PËR ORGANIZIMIN E ZGJEDHJEVE NË 11 QERSHOR /

2 qeveria kosove

-Pas shpërndarjes së Kuvendit të Kosovë, Kryesia në mbledhjen e pare/

-KQZ në mbledhjen e dytë për përgatitjet e zgjedhjeve të parakohshme parlamentare të 11 qershorit/

-PERIUDHA E APLIKIMIT PËR REGJISTRIM PËR VOTIM JASHTË KOSOVËS

15 MAJ – 22 MAJ 2017/

PRISHTINË, 15 Maj 2017-Gazeta DIELLI-Behlul Jashari/ Për miratimin e buxhetit për zgjedhjet e parakohshme parlamentare, qeveria e Kosovës zhvilloi sot mbledhjen e 145-të, të 20-tën në 2017-tën, ndërsa të parën si qeveri në detyrë pasi u rrëzua në 10 maj në seancën e Kuvendit me 78 vota pro mocionit të mosbesimit, 34 kundër e 3 abstenime, derisa në sallë ishin 115 deputetë të parlamentit 120 anëtarësh.

Mbledhja e qeverisë së Kosovës ishte paralajmëruar për të hënën e para një jave, të 8 majit, por u shty derisa në kohën e nisjes nuk kishin shkuar zëvëndëskryeministri e ministrat nga partia më e madhe e koalicionit qeverisës, PDK, e lideri i saj e kryeparlamentari Kadri Veseli ndodhej në takim me liderin e partisë së dytë të koalicionit, LDK, kryemunistrin Isa Mustafa.

“Pas diskutimeve të partnerëve të koalicionit qeverisës PDK-LDK, ku ishin të pranishëm edhe përfaqësuesit e Shteteve të Bashkuara të Amerikës, u arrit dakordimi që mbledhja e kabinetit qeveritar ku do të shqyrtohet Projektligji për Ratifikimin e Marrëveshjes për Kufirin Shtetëror ndërmjet Republikës së Kosovës dhe Malit të Zi, të mbahet pas seancës së Kuvendit të Republikës së Kosovës, që do të zhvillohet të mërkurën”, bëhej e ditur para një jave në komunikatën për shtyp nga Kryeministria.

Por, në mbledhjen e sotme të qeverisë nuk ishte në axhendë Projektligji për Ratifikimin e Marrëveshjes për Kufirin Shtetëror ndërmjet Republikës së Kosovës dhe Malit të Zi e as procedimi i tij, pasi votimi me shumicë pro mocionit të mosbesimit ishte edhe vetëshpërndarje e Kuvendit. Menjëherë pas seancës së mosbesimit ndaj qeverisë, shpërndarja e Legjislaturës së pestë të Kuvendit të Kosovës u dekretua në 10 maj nga Presidenti i Republikës, Hashim Thaçi, i cili më tej, pas konsultimieve me partitë në 11 maj dekretoi shpalljen e zgjedhjeve të parakohshme parlamentare për t’u mbajtur pas një muaji – në 11 qershir 2017.

Caktimi i datës së zgjedhjeve menjëherë mobilizoi për përgatitjet Komisionin Qendror Zgjedhor të Kosovës, i cili zhvilloi mbledhje edhe sot.

Ndërsa, sipas vendimit të KQZ-së të 11 majit për caktimin e afateve të aktiviteteve, aplikimi i subjekteve politike dhe kandidatëve për zgjedhje ka nisur që atë ditë dhe përfundon për një javë në 19 maj 2017.

Afati i tërheqjes së shortit për renditjen në fletëvotim do të jetë 27 maji 2017.

Afati për të caktuar kufizimin e shpenzimeve për fushatë filloi në 11 maj dhe mbaron në 15 maj 2017.

Fushata zgjedhore si dhe afatet për tubimet zgjedhore do të fillojnë në 31 maj dhe do të përfundojnë në 9 qershor 2017.

Dorëzimi i kërkesave për akreditimin e organizatave për vëzhgimin e zgjedhjeve dhe vëzhgueseve me fillim në 11 maj përfundon në 4 qershor 2017.

Aplikimi për regjistrim si votues jashtë Kosovës fillon në 15 maj dhe do të përfundojë në 22 maj 2017.

Për organizimin e zgjedhjeve të parakohshme parlamentare Komisioni Qendror i Zgjedhjeve, duke u mbështetur në ligj, mori vendim që të shkurtojë afatet kohore në përputhje me rrethanat, miratoi Planin Operacional dhe Planin e Buxhetit në vlerën 4 milionë e 944 mijë e 900 euro.

Sipas Ligjit për Zgjedhjet e Përgjithshme, dita kur duhet të mbahen zgjedhjet e parakohshme duhet të jetë ditë e diel, jo më herët se 30 ditë dhe jo më vonë se 45 ditë nga shpërndarja e Kuvendit.

Në Kosovë, zgjedhjet e parakohshme parlamentare të 11 qershorit 2017 do jenë të gjashtat në liri, të tretat në pavarësi, ndërsa zhvillohen tre vjet pas zgjedhjeve të kaluara të 8 qershorit 2014, që ishin poashtu të parakohshme pas vetëshpërndarjes së Kuvendit.

Në Kosovën e lirë nga qershori 1999, të parat zgjedhje parlamentare u mbajtën në 17 nëntor 2001.

Legjislatura e tretë ishte ajo që ka hyrë në histori me shpallen e Pavarësisë së Kosovës në 17 shkurt 2008.

Pas zgjedhjeve të parakohshme parlamentare në këtë pranverë, Kosova këtë vit, në vjeshtë, mban edhe zgjedhje lokale, në afat të rregullt, katër vjet pas zhvillimit të tyre në 3 nëntorin 2013.

Në deklarata e biseda para shpërndarjes së Kuvendit të Kosovës një nga alternativat ishte që nëse koalicioni qeverisës nuk do qëndronte deri në fund të mandatit në vitin 2018, zgjedhjet parlamentare dhe lokale të mbahen përnjëherë edhe në 2017-tën, ashtu si kanë ndodhur edhe më parë para 10 viteve, në 17 nëntor 2007, që kështu të kishte edhe kursim buxheti, që mos të mbahen njëherë të parat e pastaj të dytat brenda një viti, në pak muaj distancë.

Tash në largim pas mocionit të mosbesimit, qeveria e Kosovës, e koalicionit të dy partive më të madha, PDK e LDK, ku përfshihen edhe parti të vogëla dhe minoritetet, është zgjedhur në 9 dhjetor 2014 në Kuvendin kosovar të konstituuar një ditë më parë, gjashtë muaj pas zgjedhjeve të parakohëshme parlamentare të 8 qershorit.

Kuvendi i Kosovës, në seancën e 10 majit 2017 me shumë debate, replika e përplasje, me votat edhe të grupit parlamentar të partisë më të madhe e koalicionit qeverisës PDK miratoi mocionin e mosbesimit ndaj qeverisë së Republikës së Kosovës, të propozuar nga tre grupet parlamentare opozitare: Nisma për Kosovën, Aleanca për Ardhmërinë e Kosovës dhe Lëvizja Vetëvendosje, mbështetur me nënshkrime nga 42 deputetë.

PERIUDHA E APLIKIMIT PËR REGJISTRIM PËR VOTIM JASHTË KOSOVËS

15 MAJ – 22 MAJ 2017

Komisioni Qendror i Zgjedhjeve njofton se Periudha e Aplikimit për Regjistrim për Votim jashtë Kosovës ka filluar sot, 15 maj dhe do të përfundojë më 22 maj 2017.

Gjatë kësaj periudhe, keni mundësi të aplikoni për tu regjistruar si votues jashtë Kosovës, përmes tri mundësive: përmes postës; përmes e-mailit dhe përmes fax-it.

Nëse ju aplikoni për tu regjistruar përmes e-mailit, aplikacionin duhet ta dërgoni vetëm për veten tuaj, përmes llogarisë elektronike personale (e-mail) dhe më së shumti, ju njoftojmë se aplikacioniet mund t’i dërgoni për rrethin e ngushtë familjarë dhe jo për personat tjerë.

Për më shumë informacione vizitojeni faqen e KQZ-së: www.kqz-ks.org

PAS SHPËRNDARJES SË KUVENDIT TË KOSOVË, KRYESIA NË MBLEDHJEN E PARË

Kryesia e Kuvendit të Kosovës zhvillon sot mbledhjen e parë pas mocionit të mosbesimit për qeverinë e shpërndarjes së legjislaturës së pestë në seancën e fundit plenare të mërkurën e javës së kaluar.

Në njoftimin e dërguar nga Kuvendi nuk bëhet e ditur axhenda. Edh pas shpërndarjes së Kuvendit të Kosovës vazhdojnë funksionet në kryerje të detyrës kryeparlamentari dhe Kryesia.

QEVERIA E KOSOVËS, 4.944.900 EURO PËR ORGANIZIMIN E ZGJEDHJEVE NË 11 QERSHOR /

-Qeveria e Kosovës mbajti mbledhjen e rregullt/

PRISHTINË, 15 Maj 2017-Gazeta DIELLI/ Qeveria e Republikës së Kosovës, e drejtuar nga kryeministri Isa Mustafa, ka zhvilluar mbledhjen e rregullt, të 145-tën me radhë, në të cilën ka miratuar vendime nga fusha e përgjegjësive kushtetuese dhe ligjore.

Në mbledhjen e sotme, Qeveria miratoi kërkesën e Komisionit Qendror të Zgjedhjeve lidhur me ndarjen e mjeteve financiare për organizimin e zgjedhjeve të parakohshme, në vlerë prej 4.944.900 euro, të cilat janë të nevojshme për organizimin e zgjedhjeve më 11 qershor.

Miratimin e kabinetit qeveritar e mori edhe koncept-dokumenti për qasje në dokumentet publike, që ka për qëllim të ofrojë informata të mjaftueshme për problemet që janë hasur në këtë fushë dhe mënyrën se si do të rregullohet kjo fushë. Është rregulluar në plotni edhe qasja në dokumente publike në përputhje të plotë me politikat qeveritare.

Në këtë koncept-dokument propozohet edhe ndryshimi i dy ligjeve të tjera: Ligji për Qasje në Dokumente Publike dhe Ligji për Mbrojtjen e të Dhënave Personale. “Jam i bindur se në hartimin e plotë të këtyre dy projektligjeve, do të merren parasysh edhe opinionet e rekomanduara nga grupi i ekspertëve, të cilët do të mundësojnë një transparencë të plotë dhe qasje në dokumente publike për qytetarët tonë”, tha zëvendëskryeministri Hajredin Kuçi.

Në mbledhjen e sotme, u miratua edhe rregullorja për Organizimin e Brendshëm dhe Sistematizimin e Vendeve të Punës në Agjencinë për Barazi Gjinore.

Ky Agjencion funksionon në kuadër të Zyrës së Kryeministrit dhe ka për qëllim që të bëhet një sistematizim më i mirë i kësaj Agjencie, me qëllim që të përcaktojë qartë misionin, qëllimin dhe përgjegjësitë, si dhe strukturën organizative të Agjencionit për Barazi Gjinore.

Edhe vendimi për ndryshimin dhe plotësimin e vendimit të Qeverisë nr.10/104 të datës 10.08.2016 për emërimin e Komisionit për Kompensimin e Viktimave të Krimit, mori miratimin e kabinetit qeveritar.

Kabineti qeveritar miratoi edhe koncept-dokumentin për Organizimin e Administratës Publike të Republikës së Kosovës, i cili vendos opsione për zgjidhjen e problemeve që janë identifikuar në aspektin e organizimit të Administratës Publike, duke i mundësuar Qeverisë në këtë rast që të vendos për zgjidhjen më të mirë të shpalosur në pjesën e rekomandimeve të këtij koncept dokumenti.

Koncept-dokumenti propozon zgjidhje në katër segmente kryesore:

1) Vendosjen e rregullave për themelimin e agjencive të pavarura sipas Nenit 142 të Kushtetutës, kuadrin e përgjegjshmërisë për institucionet kushtetuese të pavarura dhe agjencitë e pavarura dhe rregulla minimale për organizimin e brendshëm të këtyre institucioneve e të cilat mundësojnë zbatimin e ligjit të shërbimit civil dhe të pagave;

2) Rregulla për administratën shtetërore në aspekt të vendosjes së parimeve themelore, themelimin e organeve në varësi të Zyrës së Kryeministrit dhe ministrive, organizimit të brendshëm, organizimit territorial, mbikëqyrjen dhe delegimin;

3) Rregulla për administratën komunale që përfshinë organizmin e brendshëm, ofrimin e shërbimeve publike të drejtpërdrejta për qytetarë dhe delegimin;

4) Rregulla për menaxhimin e tranzicionit.

Me rekomandimet e këtij koncept-dokumenti mëtohet të bëhet qartësimi dhe zgjidhja më e mirë për organizimin e administratës publike, siç janë: themelimi, përgjegjshmëria, organizimi, standardet dhe llogaridhënia.

Miratimin e kabinetit qeveritar, e mori edhe koncept-dokumenti për Shërbimin Civil, i cili propozon zgjidhje për qartësimin e fushëveprimit të shërbimit civil si dhe vendosjen e rregullave minimale për të punësuarit tjerë në sektorin publik, rregulla më të mira për rekrutimin dhe përfshirjen e rekrutimit në grup dhe në mënyrë të centralizuar për degën e ekzekutivit, rregulla për ngritjen e trupës së nivelit të lartë drejtues, përmirësimin dhe qartësimin e mëtutjeshëm të rregullave për karrierën dhe klasifikimin e vendeve të punës, menaxhimin e burimeve njerëzore, vlerësimin e rezultateve në punë, ngritjen e kapaciteteve, pezullimin e marrëdhënies së punës, disiplinës dhe mënyrës së zgjedhjes së ankesave.

Kryeministri Isa Mustafa tha se të dy këto koncept-dokumente janë të lidhura me kërkesat nga Bashkimi Evropian për pakon e ligjeve që ndërlidhet pastaj edhe me ligjin për pagat, ndërkohë që ministritë mund të punojnë në përgatitjen e tyre dhe pasi të bëhet konstituuimi i Qeverisë së re të procedohet.

Në mbledhjen e sotme, u miratua edhe kërkesa për ndarjen e mjeteve financiare për Shoqatat Familjare të të Zhdukurve të Kosovës. Për Shoqatën e Krushës së Vogël, u ndanë 3.000 euro, për Shoqatën “Thirrjet e nënave” në Gjakovë, 2.000 euro dhe për Shoqatën “Ngritja e Zërit” në Skenderaj, 500 euro.

Qeveria mori vendim edhe për ndarjen e mjeteve në shumë prej 90.499 euro për Panelin Zgjedhor për Ankesa dhe Parashtresa, për realizimin e procesit ankimor lidhur me mbajtjen e zgjedhjeve të parakohshme për Kuvendin e Kosovës./b.j/

KOSOVE-Kush i financon partitë politike dhe si shpenzohen paratë?

May 14, 2017 by dgreca

Partitë politike në Kosovë nuk janë treguar transparente për burimet e financimit të fushatave të tyre zgjedhore, si dhe për shpenzimet e parave që ato parti i marrin nga buxheti i shtetit, thonë përfaqësues të shoqërisë civile në Kosovë.

Në vit, partive politike, të cilat janë të përfaqësuara në Kuvendin e Kosovës nga buxheti i Kosovës, u ndahen më shumë se 4 milionë euro.

Shuma e mjeteve për financimin e aktiviteteve të subjekteve politike bëhet në bazë të përfaqësimit të numrit të ulëseve të fituara në Kuvend për një mandat.

Por, përveç mjeteve që u ndahen nga buxheti i Kosovës, partitë politike financohen edhe nga burime tjera, që sipas përfaqësuesve të shoqërisë civile, nuk dihet se kush janë, pasi që nuk bëhen transparente.

Artan Canhasi, nga Instituti Demokratik i Kosovës, thotë për Radion Evropa e Lirë se financimi dhe raportimi financiar i partive politike në Kosovë, mbetet një problematikë e madhe.

Partitë politike në Kosovë, thekson Canhasaj, nuk janë treguar transparente në qarkullimet financiare dhe burimet e financimit.

“Ne, në KDI, vlerësojmë se duhet të zhvillohet një mbikëqyrje më e fuqishme e partive dhe e financave të partive. Fondet që ndahen nga buxheti i shtetit, duhet të raportohen se si shpenzohen, te taksapaguesit. KQZ-ja nuk bën ndonjë monitorim të fuqishëm të shpenzimit të parave nga partitë politike. Niveli i demokracisë, niveli i transparencës nuk është duke u rritur, por duke u përkeqësuar”, thekson Canhasi.

Në anën tjetër, Arton Demhasaj, nga Organizata për Demokraci, Anti-Korrupsion dhe Dinjitet “Çohu”, në një prononcim për Radion Evropa e Lirë thotë se mungesa e një auditimi ka rritur në masë të madhe jotransparencën e shpenzimit të parave të partive politike.

“Partitë politike, në përgjithësi, janë treguar mjaft jotransparente sa i përket çështjes së financimit të tyre. Tashmë jemi në vitin e katër që financat e partive politike nuk auditohen dhe thjesht ne nuk e dimë se sa para shpenzojnë partitë politike dhe nuk e dimë se qysh i shpenzojnë ato para, nuk e dimë sesa para marrin nga bizneset dhe qytetarët partitë politike”, pohon Demhasaj.

Ai e quan skandal faktin, siç thotë ai, “kur sheh se miliona euro shpërndahen përmes procesit të tenderimit te bizneset që kanë financuar partitë politike, sidomos partitë politike që kanë qenë në pushtet”.

Disa nga partitë politike fushatën e tyre zgjedhore, thotë Artan Canhasi nga Instituti Demokratik i Kosovës, e mbështesin te biznese të dyshimta. Sipas tij, partitë politike nuk dihet se me para të kujt bëjnë fushatën zgjedhore dhe prej nga vijnë ato para.

“Financat në masë të madhe janë ato që e definojnë se çfarë fushate organizojnë partitë politike. Sa më shumë financa që kanë, i bëjnë edhe fushatat më të mëdha dhe mbledhin më shumë vota, por nëse ato para hyjnë nga burime jo të pastra edhe votat mund të konsiderohet se i fitojnë në atë mënyrë. Po ashtu, partitë u mbesin borxh atyre kompanive apo personave që i kanë financuar fushatat e tyre, me një fjalë kemi devijim të votës së sovranit nëpërmjet parave të pista”, shpjegon Canhasaj.

Ndryshe, financimi transparent i partive politike është kërkesë edhe e Bashkimit Evropian dhe përsëritet nëpër Raportet e Progresit që publikon Komisioni Evropian.

Në bazë të Ligjit për financimin e subjekteve politike, partitë janë të obliguara që të publikojnë për çdo vit raportin vjetor financiar, që tregon të gjitha të hyrat dhe shpenzimet e partisë.(Kortezi;Luljeta Krasniqi-Veseli)

Protesta e 13 MAJIT, model i Republikës së Re!

May 13, 2017 by dgreca

2-enver-Bytyci-1

Shkruan: Enver Bytyçi/

18403124_1809673082693552_3958658933578882502_n 18403745_1809672646026929_1612303820000558479_n 18424205_1809672642693596_3891227802190782389_n 18447427_1809672639360263_1250671646417908245_n 18423138_1809673749360152_2863738489585333342_o

Më 21 janar 2011 në bulevardin “Dëshmorët e Kombit” protestuesit e Rilindjes ushtruan dhunë dhe provokuan në ekstrem forcat e rendit. Dukej qartë se opozitës së atehershme u duheshin viktima për të legjitimuar marrjen e pushtetit dhe e realizuan këtë. Në analizën e atyre ngjarjeve qeveria Berisha kishte interes që opozita të përdorte dhunën e kjo dhunë të transmetohej në të gjitha mediat brenda e jashtë vendit. Por ajo nuk kishte asnjë interes që të shkaktonte viktima ndër protestuesit, aq më tepër në një kohë, kur dhuna e tyre ishte në infinit. Nuk dua të hamendësoj se kush e shkaktoi vrasjen e 4 protestuesve, sepse në fund të fundit përgjegjësia ishte e qeverisë, edhe pse nuk ishte interesi i saj. Sot duhet thënë gjithashtu se qeveria Rama kishte interes të kishte dhunë në bulevard, dhe jam i bindur se ajo nuk kishte asnjë interes që të kishte viktima në atë vend të sheshbetejave midis opozitave dhe mazhorancave në pushtet. Prandaj dhe Lulzim Basha si dhe drejtuesit e tjerë të opozitës deshën të mos ia japin këtë shans kryeministrit Rama. Angazhuan 2700 aktivistë me qëllim që të mbajnë rregullin dhe kontrollin e protestës. Nuk lejuan në asnjë rast që të predikohej dhuna, madje u shfaqën në ekrane bashkë me familjet e tyre, edhe me fëmijët nën moshën e protestuesve, me qëllim që të japin mesazhin për të mos përdorur dhunën. Këta aktivistë ndalën grupe të rinjsh, të cilët donin së paku të hiqnin maskën e vënë në hyrjen e godinës së kryeministrisë e ta nxirrnin atë lakuriq në sytë e protestuesve. Por nuk patën shans. Nuk u lejuan të bëjnë asnjë akt dhune. Në janarin e 2011-ës Rama dhe të vetët bënë thirrje direkte për dhunë, madje thirrje më të ashpra se ajo e Katriot Myftarajt dhe nxitën protestuesit të sulmojnë poliicinë dhe forcat e sigurisë, dërguan edhe një makinë si kamikaze të hynte në oborrin e kryeministrisë, dogjën makinat e qytetarëve e jo të pushtetarëve. Ndërsa për protestën e sotme lidershipi i demokratëve dhe opozitës kërkoi e realizoi rregull, qetësi, maturi, urtësi deri në perfeksion! Të mbash dhjetramijë protestues nën kontroll, kjo është fuqi, është madhështi, është forcë, është angazhim e përkushtim i jashtëzakonshëm për të dëshmuar paqen, atë paqe të cilën e vunë në pikëpyetje edhe disa ambasada kur paralajmëruan shtetasit e tyre se “duhet të bënin kujdes, pasi gjatë marshimit të protestuesve do të kishte dhunë”?! Kjo lloj qëndrese e kjo sjellje, e cila vështirë të kontrollohet në Gjermani, në Francë e Angli, jo më në Itali a Greqi, dëshmon se opozita shqiptare është e aftë të bëjë shtet të së drejtës dhe jo shtet të të fortit. Protesta e sotme nuk ishte vetëm referendum, ajo ishte refuzimi i të gjitha akuzave që deri më sot i janë bërë opozitës dhe kreut të saj Basha për gjoja vendimmarrje personale e në mbrojtje të interesave të tyre. Protesta ishte dhe do të mbetet dëshmi e qytetarisë dhe refuzim i akuzave që kryeministri bën në çdo miting elektoral për “injorancën”, “paaftësinë” dhe “mosangazhimin” e opozitës për të ndërtuar institucione të qëndrueshme kushtetuese e ligjore në funksion të një demokracie liberale dhe të një shteti të së drejtës në Shqipëri. Republika e Re e shpallur sipas motos “Asgjë nuk do të jetë më si më parë”!, përbën thelbin e angazhimit të opozitës për një shtet modern, të ndryshëm nga qeverisjet e derisotme në vendin tonë. Edi Rama para katër vitesh premtoi Rilindjen, dmth në një farë kuptimi një “Republikë të Re”, madje në vend të një “regjimi”, siç ai e quante qeverisjen e demokratëve të Berishës. Por mbolli e solli rilindjen e krimit në pushtet, në parlament, në administratë, në qeveri, dhe ia bashkëngjiti këtë grupim kriminal gjyqtarëve dhe prokurorëve e avokatëve të korruptuar, tek të cilët ai dëshiron ta gjejë “shpëtimin”, duke i shkuar ata në “gijotinën” e retorikës së tij politike elektorale. Mbolli e solli në jetën e shqiptarëve drogën, trafiqet, grupet kriminale, pengmarrjen, kërcënimin e tyre për bisneset, akademikët e me radhë! Rilindën fenomene, të cilat mund të jenë të denja për vendet e Amerikës Latine, ku droga, krimi, vrasja, prostitucioni, janë përditshmëri. Republika e Re e themeluar sot në protestën e opozitës është e duhet të jetë ndryshe, krejt ndryshe. Ajo përjashton zgjedhjen e kriminelëve në parlament, grabitjen, vjedhjen dhe blerjen e votës nga oligarkia në pushtet. Përkundrazi, projekti i kësaj Republike të Re mundëson barazinë para ligjit, respektin për shtetin dhe ligjin, marrëdhënien e sinqertë e të besimit midis shtetit e qytetarit, midis qeverisë dhe të qeverisurve. Republika e Re projekton një reformë të thellë elektorale, më të thellën në histori, me përfaqësim direkt, me numër më të kufizuar vendesh në parlament, me kontroll dhe administrim shtetëror të bazuar në rregulla të sakta dhe me dënime penale të rrepta në rast të shkeljeve ligjore. Kjo reformë garanton zgjedhje të lira e të drejta dhe prej këtej buron gjithashtu garancia e krijimit të institucioneve funksionale të një shteti demokratik e liberal të së drejtës. Republika e Re projekton zgjedhjen e presidentit direkt nga populli, me qëllim që kreu i shtetit të mos përçudnohet e dhunohet nga të fortit e partisë në pushtet ose në opozitë. Republika e Re balancon pushtetet, zevendëson manipulimin e mediave me trajtimin e barabartë të tyre të mbështetur në ligj. do të ndërtojë një gjyqësor të ekuilibruar, të pavarur, të mbështetur në resurse dhe paga. Republika e Re mundëson një sistem konkurues në rajon të politikës së taksave e një sistem arësimor modern e në përkrahje të talenteve, pavarësisht statusit ekonomik e mundësive financiare që ata kanë. Republika e Re ndërton një sistem shëndetësor jashtë të sotëm Partneritet Publik-Privat, ku shteti do mbajë përgjegjësinë për modernizimin e tij, pa patur nevojë të japë me koncension detyrat e veta publike. Protesta e sotme do të ishte e mjaftueshme sikur thjesht një mesazh të tillë të jepte. Që ajo nuk do të jetë si Republika e Vjetër! Mjafton të shohë gabimet dhe të korrigjojë fajet e qeverisjes së Rilindjes, që të garantojë lindjen e një sistemi të ri qeverisjeje, i cili do ta çojë Shqipërinë drejt integrimeve të plota europiane! Ndaj Republika e Re pamundësoi çdo skenar të dhunës në protestën e sotme! I mjafton kësaj armate protestuesish vendosmëria e qëndrueshmëria që ta fitojë kauzën e saj dhe t’i hapë rrugë shpresës se ky vend mund të bëhet, mund të ndryshojë, mund të zhvillohet, mund të ndërtohet! Po të kishte dhunë, atëherë do të vihej në pikëpyetje ky projekt i madh kombëtar! Rilindja erdhi prej dhunës dhe përfundoi te dhuna sistematike e pushtetit të saj kundër qytetarëve të këtij vendi! Nëse Republika e Re do të vinte me dhunë, atëherë duhej vënë në pikëpyetje qëllimi e modeli i saj i ardhshëm! Tiranë, më 13.05.2017

PROTESTA-Basha shpall Republikën e RE

May 13, 2017 by dgreca

PROTESTA E OPOZITES-BASHA:600 MIJE PROTESTUS NE SHESH, LINDI REPUBLIKA E RE-gati për marshimin final/Tiranë, 13 Maj 2017 – Kreu i opozitës, Lulzim Basha ka folur nga bulevardi “Dëshmorët e Kombit” mes qindra protestuesve. Basha tha se kurrë më parë nuk ka mbledhur Shqipëria kaq shumë persona si sot, duke e konsideruar këtë jo si protestë, por si Referendum i shqiptarëve për Republikën e re.

“Kjo është protestë, ky është Referendumi i shqiptarëve për Republikën e re. Ju shoh dhe ju dëgjoj dhe ju atje në fund para Heroit Kombëtar Skënderbeut dhe ju përshëndes. Siç ju kam dëgjuar 85 ditë dhe 85 netë me radhë që nga fillimi i lëvizjes tonë të madhe. Sot jeni 3 herë më shumë mbi 600 mijë shqiptarë në këtë shesh dhe miliona të tjera bashkë me ne në këtë Referendum historik. Më 18 shkurt tre muaj më parë u bashkuam për t’i thënë ndal krimit dhe drogës dhe për të kërkuar zgjedhje të lira dhe të ndershme për mirëqeni, siguri dhe të ardhmes evropiane. Na janë bashkuar miq nga e gjithë bota në kauzën tonë për zgjedhje të lira.

Basha tha se ajo që nisi për një objektiv të thjeshtë, për zgjedhje të lira dhe të ndershme, sot ka ndryshuar, pasi sipas tij, gjithçka duhet ndryshuar.

“Sot kemi shpresën për të përmbysur Republikën e vjetër dhe të ngremë të renë, të vetmen Republikë të re të qytetarëve shqiptarë. Ja tek jemi sot, ky nuk është vetëm marshimi kundër të keqes, por shpresës dhe besimit tek familjarët tuaj. Këtu keni ardhur sepse besoni tek Republika e re. Këtu nuk keni ardhur sepse besoni vetëm tek një njeri apo parti, por kjo është ripërtëritja tek familja dhe tek njeri – tjetri.

E nisëm për një objektiv për zgjedhje të lira dhe të ndershme, si themeli i demokracisë, por sot kërkojmë shumë më shumë. Gjithçka duhet të ndryshojë falë bashkimit tuaj dhe ndihmë e Zotit.

Ne nuk do e njohim republikën e krimit dhe drogës. E si mund të pranojnë më shqiptarët një shtet ku 18 – vjeçari shtyhet drejt vetëvrasjes në qelitë e burgut për një cigare hashash dhe trafikantët e heroinës bëhen deputetë, ministra, kryetarë bashkish mbushin valixhet dhe llogaritë bankare. Mijëra familje enden pa punë dhe pa një rrogë dhe oligarkët ja shtrojnë me dreka dhe darka, e cila kushton sa ndihma ekonomike e një qyteti të tërë”.

Sipas Bashës, Republika e vjetër ka vetëm interesa kriminale dhe sipas tij, pasi ka vjedhur dhe grabitur çdo aset dhe ka abuzuar me qindra miliona eurot të tenderave, tani behët gati për vjedhjen e zgjedhjeve.

“E si mund të pranojmë Republikën e vjetër ku i rrënoi fermerët, një treg i rrënuar nga monopolet eksportuese, e si mund të pranojmë këtë Republikë ku shtresa e mesme, inxhinierët, financierët ekonomistë, juristët të cilët me kontrollet tatimore ju bëhet presion të mbyllin gojë. Kjo Republikë e vjetër, kjo kupolë politike ka një dhe vetëm një axhendë dhe interes atë të pasurimit të tyre dhe nuk ka asnjë nga interesat tuaja, as të të djathtëve dhe as të të majtëve, por vetëm interesat kriminale. Pasi ka vjedhur dhe grabitur çdo aset dhe ka abuzuar me qindra miliona eurot të tenderave, tani behën gati për vjedhjen më të madhe në histori, atë të zgjedhjeve. Nuk ka dhe nuk do të ketë zgjedhje me krimin dhe drogën, do ketë vetëm zgjedhe të lira dhe të ndershme, që lufton drogën dhe ku kthen shqiptarëve garantimin e votës të lirë. Nuk ka forcë më të madhe se forca e bashkimit tuaj, se forca e kauzës sonte të drejtë ndaj sot jemi 15 herë më shumë se dje dhe nesër do të jemi dhe më shumë. PD që ju e lindët për kauzën e madhe të pluralizmit bëhet çdo ditë më e fortë duke luftuar për zgjedhje të lira dhe të ndershme. Askush nuk bie nga lufta për kauzën e drejtë e bën bashkimin tonë të pathyeshëm”.

Kreu i opozitës kishte disa premtime për mbështetësit:

“Do mundësoj që çdo fëmijë shqiptar të ketë drekën falas dhe fëmijët do dalin nga shkolla pasi prindërit të kenë dalë nga rruga. Ne do heqim të gjithë fëmijët nga rruga. Plot 100 mijë euro në vit do të jenë subvencione për fermerët dhe 50 mijë euro të tjera për kanale kulluese. Ju që jeni larg vendit tuaj dhe sot jeni shumë më shumë, dihen se në Republikën e re, akti i parë do të jeta e drejta juaj për të votuar, përmes sistemit të votës elektronike si të afërmit tuaj.

Nëse kuçedra e Republikës largohet nga burimi i resurseve të shqiptarëve, të gjitha këto janë të mundshme, vetëm nëse e presim lidhjen me krimin dhe me drogën. Ne duhet të kemi patjetër zgjedhje të lira dhe të ndershme ku çdo qytetar të shprehë mendimin dhe votën e tij.

Nuk mund të ketë zgjedhje moniste në Shqipëri, ne nuk do lejojmë dhe pranojmë rikthimin e monizmit dhe zgjedhje pa opozitën ta harrojë republika e vjetër. Por ne do të kemi zgjedhje të lira dhe të ndershme sepse forca jonë është ajo e bashkimit dhe qëndresë”.

Kryedemokrati foli edhe për kritikat në drejtim të tij dhe Partisë Demokratike, ndërsa shpjegoi edhe arsyet përse nuk është stepur.

“Nuk kanë reshtur kritikat ndaj meje dhe PD po ju e keni parë që unë nuk jam stepur dhe nuk jam ndalur nga rruga ku ju kam premtuar se do ju udhëheq deri në fund dhe nuk jam joshur. E para sepse këtë betejë nuk e bëj për vetën, karrigen, pushtetin e partisë sime, por për të gjithë ju, shqiptarët e majtë dhe të djathtë.

Arsyeja e dytë, sepse këto sulme, kritika, baltosje, shpifje dhe qëndrim të padrejta nuk më bëjnë asnjë përshtypjes, pasi forma ime është tek qendra juaj, teksa Zoti na sheh. A ka forcë më të madhe se ky bashkim? Forca jona ka qenë bashkimi ynë, qëndresa jonë.

Ju ftova të vini me gëzim dhe paqe në zemrat tuaja dhe më duket se kështu keni ardhur, mbi supet tuaja, mbi supet e mija dhe çdo shqiptari të ndershëm peshon përgjegjësia”.

Në fund Basha premtoi edhe marshimin e radhës, që e cilësoi si “të tretin e të vërtetin”.

“Jemi gati të hedhim hapin drejt të ardhmes që na pret. Ju jeni gati të marrim së bashku vendimin e madh. Dhe unë jam gati ta mbaj premtim qe ju kam premtuar për zgjedhje të lira dhe të ndershme, qytetari evropiane. Le ta shpallim sot një zëri Republikën e re. Historia e Republikës së re është vendosur sot me praninë tuaj në këtë shesh. E vjetra po mundet, por që beteja jonë të përmbyllet me fitoren totale është akoma në dorën tuaj. Kam një pyetje për ju?

Nuk ju kërkoj asnjë sakrificë tjetër, por vetëm lumturinë dhe paqen ta merrni me vete pasi të ikni. A jeni gati të qëndrojmë të bashkuar deri sa Republika e re të jetë realiteti i re institucionale?

A jeni gati ta vazhdojmë këtë qëndresë?

Vetëm Zoti do ju bekojë! Për zgjedhje të lira dhe të ndershme, të vetmet zgjedhje që Shqipëria do te këtë, kështu siç u mblodhëm sot, të jeni gati për të tretën të vërtetën, në marshimin final. Zotohemi se kjo që themeluam sot këtu, pasuria jonë e përbashkët, shpresa e çdo shqiptari është Republika e re. Kthehuni në shtëpitë tuaja në fshatra dhe qytete nga keni ardhur dhe bëhuni gati për marshimin final”

A referendum for the New Republic

May 13, 2017 by dgreca

Democrat leader Basha: Over 600 thousands Albanians, this is the biggest protest ever, a referendum for the New Republic/Democratic Party chairman Lulzim Basha took the floor in the protest of the opposition, after nine citizens who spoke before him. Basha said this is the biggest protest ever in Albania and a referendum for the New Republic.

“Never before has Albania gathered so many Albanians in a single place like today! Never before has the light of God blessed such a joining of hearts like today! This is not a protest! This is not a manifestation! This is Albanians’ referendum for the New Republic. I see you all, even you standing there, near (the monument of) our national hero Scanderbeg, I see you and I salute you”, Basha told the protesters in the main boulevard of Tirana.

“I see more than 600 thousand Albanians in this square today and you’ll be even more for the historic referendum”.

“Three months ago, on February 18 , we joined in this square to say “stop” to the bad governance, to drugs and to ask by all means free elections, as the foundation of a democratic government and the European future of our nation”.

“For 85 days and nights, Albanians from the whole Albania, intellectual, professors, artists, pensioners and friends from all over the world gathered in this square to stand side by side in our unstoppable battle for the real democracy”.

“Here we are today; in a unification Albania has never seen, nor have the Balkans, Europe or the world. This is not merely a unification against the bad governance, this is the proclamation of hope and faith in yourselves, in your future and altogether in our Albania. You are here because you believe in the New Republic. We started for one objective: free and fair elections, as the foundation of democracy. Today we are here for much more! We are here not simply for a change, but for THE change, the biggest in our national history.

Everything must change and thanks to our unity, your resistance, with the help of God, everything must change, nothing will be as it was before!

The Old Republic today is proclaimed an artifact of the National Historic Museum!

We, the united Albanians, starting from today, do not recognize the old republic of crime and drug. How could we recognize it, when a 18-year old is pushed towards suicide in a prison cell only for a marijuana joint, while the cannabis traffickers become deputies, ministers, dine with the chief of the government and fill his bank accounts?!

How could we accept it, when thousands of families are starving, without an economic assistance, while Edi Rama takes millions from Albanian taxes through the criminal hands of the concessions of healthcare?

How could we accept the old republic that left thousands of high school graduates out of the universities and forced thousand others to interrupt the higher education, in a time when a fistful of oligarchs and university owners connected to Edi Rama earn millions?

How could we accept the old republic when the former political prosecuted victims are humiliated today, by appointing their inquisitor as the interior minister, who tortured them only because they were happy the day the dictator died?

How could we accept the old republic that hid the drug in underground tunnels and sells it for the benefit of Edi Rama and a fistful of oligarchs connected to him?”.