Politike – Page 539 – Dielli

Shqiptarë, mjaft e turqizuat Shqipërinë

July 10, 2017 by dgreca

Nga Ilir Levonja/ Florida/

1) Sheshi Maltepe, Stamboll, të dielën më 9 korrik. Qe i tëri një gumëzhimë njerëzore. Opozita priste liderin e saj, Kemal Kılıçdaroglu. Ai kishte ecur më këmbë nga Ankaraja në Stamboll. Për njëzetë e pesë ditë. Në shënje proteste karshi presidentit të vendit si urdhëruesi i arrestimeve dhe burgosjes së gazetarëve, oficerëve, apo politikanëve kundërshtarë.

Sipas raportuesve të agjensisë Returs, Umit Bektas dhe Humeyra Pamuk, nga Stambolli, ai i tha masës se, ne, duhet të rrëzojmë muret e frikës. (We will be breaking down the wall of fears.) E gjitha një protestë për kapjen e shtetit nga një individ me emrin Rexhep Taip Erdogan. Pasi që nga i ashtuquajturi grusht i shtetit, korriku 2016. Rezultojnë plot 50 mijë njerëz të arrestuar. 150 mijë nëpunësa shteti, si arsimtarë, ushtarakë, jurist etj., të pezulluar.
Një terror i hapur shtetëror karshi administrates, opozitës dhe fjalës së lire. Po sipas Reuters, ai e mbylli fjalën e tij, duke u thënë turqëve se, nga sot të jemi të gjithë bashkë kundër një njeriu që do gjithçka. Veç për vendin, për demokracinë.
2) Kjo ndodhte kur, Erdogani, priste në rezidencën e tij kryeministrin e Shqipërisë. Vendin të cilin Turqia e sundoi për pesëqind vjet. Dhe po t’i referohesh kohëve. Në raport me pushtimin austro-hungarez. Apo periudhën italiane nga koha e mbretërisë e deri në kapitullimin e Duçes. As që çohen nëpër mend të krahasohen investimet e bëra. Pra pesëqind vitet e Turqisë, me ato të austrohungarezëve dhe italianëve. Në këto pesë shekuj Turqia nuk ndërtoi asnjë rrugë. Asnjë lloj vepër tjetër publike. Përkundrazi e mbajti nën një trysni përça e sundo. Mes pashallarësh dhe vilajetesh. Aq sa sot pikërisht për shkak të këtij sistemi. Kësaj forme administrative, Shqipëria u nda si plaçkë tregu. Jo si Shqipëri. Por si një Turqi e vogël. Po sipas këtyre metodave. U ndërroi besimin. Bëri ca pashallarë me shumicë. Ca hajna, të cilët i la të sundonin me shpatë e kuran vëllezërit e tyre. Ndërsa për vete mori në Stamboll mëndjet e ndritura. Madje i degdisi deri në shkretëriat e Nilit. Me tituj e poste. Pasi vetëm me ata mund të shtonte sa më shumë sundimin.
Kjo është Turqia. Sa sot edhe pse një komunitet i madh atje, shqiptarët nuk kanë asnjë lloj të drejte. Madje kudo ndihen. Kudo. Veç në Turqi nuk shohim aktivitete shqiptarësh.
Ata sot janë turq dhe ndofta sundojnë me Erdoganin.
3) Pasi përcolli dishepullin e tij, arnautin bohem, Erdogani i kërkoi liderit të opozitës. Atë që drejtësia, reformat, shteti, bëhen në parlament dhe jo në rrugë.
Në fakt e trembte turma. Kurrë Maltepe nuk qe aq i tejmbushur sa dje. Dhe vemendja botërore aq e fokusuar në Stamboll. Lideri i opozitës i kujtoi se rruga ishte e vetmja alternative. Pasi, kuvendi, shteti, kushtetuta, drejtësia, media ishin të kapura. Dhe se ai zgjodhi rrugën si pjesë e sovranit, motorit të demokracisë.
Mua më shkoi mendja tek lideri i opozitarizmit në Shqipërinë time. Tek akulli, ngrirja. Apo shkrirja. Lojrat e fjalëve me marr unë përgjegjësitë. Apo ato urdhrat me sy, që, jepi një dru të mire atij legenit që na çau bythën. Sa keq që vendi im nuk e ka një të tillë. Kush do të ecte nga ata 400 klm në këmbë. Sa i bie…, Shkoder Sarandë. Apo më pak. Megjithëse me ato rrugë përgjysmë. Me ato nën e mbi kalime shkretane. Shkoder Sarandë i bie 400 mijë kilometer. Lulit do i prishej jo vetëm xheli i flokëve. Por edhe xheli i opozitarzimit të humbsave. Kurse Monikën, do ta ndalonte statuti i zonjës së parë. Kush pra mund të ecte në këmbë për ata?. Për të drejtat civile. Për fundin e një varfërie ekstreme. Për marrjen fund të kulturës partiake mbi ekzistencën intelektuale. Drejtësinë e pavarur dhe shtetin e ligjit të forte? Për firon e gjakut shqiptar. Për informalitetin total. Për mbylljen e gropave të zeza të përqindjeve nga tenderimet? Askush…
4) I lumtur dishepulli i Erdoganit…, kryeministri i vendit tim, saktësisht atë kohë kur Turqia vet kish dalur në shesh. Kundër njëshizmit. (One man-rule.) Kundër grumbullimit të pushtetit. Komunikonte në FB me shqiptarët se, kishte marrë premtime për para. Për ndërtimin e aeroportit të Vlorës etj. Kaq i lumtur, sikur t’ua jepte aty në çast. Nga dritarja mbrapa. Se përpara protestonte Turqia. T’ua hidhte me dy duar. Para qielli. Jo si një borxh më shumë për kokë. Ndërkohë që paradoksalisht, një aeroport si ai i Kukësit rri mbyllur. Dhe shqiptarët fluturojnë për në botë, përmes Shkupit, Prishtinës, Beogradit. Nga që çmimet e Rinasit janë më te kripura se ato në aeroportet më me emër në botë.
Kjo është Shqipëria e pashallarëve dhe e dishepujve të Erdoganit.
Nuk e di se çfarë vlerash njerëzore mbart ky komunikim. Me një lider që manipulon, vret, burgos, syrgjynos etj. Çfarë vlerash miqësie e afrimiteti. Eshtë njësoj si të shkosh sot në Korenë e Veriut. Të dalësh në platenë e paradave me Kim Yongun. E t’i mburresh popullit. Apo një lloj eksopezeje ashtu…, siç dilte Enveri me Stalinin. I lumtur që siguronte ndonjë vapor me thekër a grurë. Pasi shqiptarët vet nuk dine as të prodhojnë e as të tregtojnë.
5) Me ardhjen e demokracisë, menduam se epoka e ndihmave. Epoka e miqësive për inat, do të merrte fund. Të paktën në investimet publike. Në krijimin e fondeve. Si arsyetim normal i një ekonomie tregu.
Ka vende më të vegjël se ne, por janë sot në mos superfuqi. Investitorë të pare në investimet e tyre publike. Të konsoliduar.
Kurse ne, fatkeqësisht akoma jo.
Liderët tanë fluturojnë drejt lëmoshës.
Sikur një lubi t’ua e ketë prerë duart shqiptarëve.
I duan të gatshme të gjitha.
Sidomos ky…, I do të gjitha nga Turqia.
Vdesin të marrin ca nga atje.
Për rrjedhojë shqiptarët janë sot aq të turqizuar, sa kanë mbytur veten me ferexhe e mjekra. Nga Tirana, Prishtina, Shkupi etj. Rrugët janë plot të tilla, mjekrra dhe ferexhe.
Dovleti që ia lëroj nënën fustanellës shqiptare. Apo kostumeve që ne mburremi. Eshtë sot më prezent se kurrë.
Me iftarë e falje në sheshe publike. Me dhunën e lirisë së shprehjes. Dhe të të menduarit. Një lloj Turqie erdoganiste, pushtimi i dytë otoman…
Bijë nënash, shqiptarë, mjaft e turqizuat Shqipërinë.

DISA PYETJE PËR GJENERALËT DHE VARRMIHËSIT E PD-së

July 10, 2017 by dgreca

DISA PYETJE PËR GJENERALËT DHE VARRMIHËSIT E PD-së, PARA SË TË FLASIN E TË KËRKOJNË LLOGARI ?/

Nga Vendim DEMAJ/

Nënkryetar i Bashkisë dhe i degës së PD në Kamëz/

Kaluan edhe katër vite të tjera dhe Partia Demokratike, pas zgjedhjeve të 25 qershorit, e sheh veten përsëri në opozitë dhe jo fituese të tyre, ashtu siç duhet të ishte dhe siç shpresonte çdo shpirt i lirë demokrati. Por kjo gjë u ka shkuar për shtat disave, të cilët, të mësuar me ofiqe, duan të mbesin përjetësisht në kupolë, në çdo kohë, duke qenë gjeneralë të përjetshëm, të cilët kanë qenë edhe më aktivët këto ditë, duke kërkuar llogari në një mënyrë të tillë që shkon deri në histeri.

Përpara se të flasin dhe të kërkojnë llogari, këta gjeneralët dhe varrmihësit e PD-së duhet që t’i tregojnë opinionit, anëtarësisë dhe simpatizantëve të PD-së:

• Cili është kontributi i tyre në këto 4 vite opozitë?

• Kush nga këta mori përgjegjësi dhe u largua nga ofiqet që mbanin siç bëri kryetari i PD-së, Sali Berisha, pas humbjes së zgjedhjeve të 2013-ës?

• Cili apo cila i kërkoi ndjesë elektoratit për humbjen në zonat ku këta “senatorë” ishin koordinatorë?

• Ku ishin këta zullumqarë kur kërkohej motivim dhe ndërgjegjësim i opinionit publik për të protestuar kundër qeverisë së hashashit?

• Cila është zona e tyre dhe sa aktivë ishin në fushatë për të ndihmuar PD-në që të vinte në pushtet? Ku dhe si votuan këta/këto dhe familjarët e tyre?

• Si mundet që këta humbës të pështirë të ngrenë kokë dhe të kërkojnë kokë turku kur vetë janë përgjegjësit dhe kontribuuesit kryesorë për humbjen e PD-së në 2013-ën dhe në 2017-ën?

• A është faji ynë dhe i të gjithë atyre pak fituesve të zgjedhjeve të 2013-ës që nuk kërkuam largimin e këtyre sabotatorëve nga çdo nivel drejtues i PD-së?

Në zgjedhjet e fundit munguan rreth 200 mijë të Partisë Demokratike vota krahasuar me zgjedhjet e vitit 2013. E përkthyer në përqindje, mund të thuhet se shkon nga 5 deri në 10% sipër rezultatit katastrofik që u mor, duke bërë që të kishte një hartë tjetër të shpërndarjes së mandateve e për rrjedhojë mbase edhe një konfigurim tjetër politik të Shqipërisë dhe të Kuvendit të saj. Kjo do të sillte pa dyshim edhe një emër tjetër si Kryeministër e as më shumë e as më pak, por Lulzim Basha. Janë pikërisht këto vota, të cilat kanë munguar, për shkak të gjeneralëve që nuk e bënë betejën e tyre si çdo demokrat i sinqertë, por punuan si varrmihës të partisë së tyre, duke e paraqitur tashmë më keq se në vitin e tmerrshëm `97, kohë në të cilën as plumbat nuk i penguan demokratët të merrnin aq sa mundnin në një kohë lufte e pasigurie jete e jo më vote. PD duhet të jetë parti e të gjithëve duke mos përjashtuar askënd, por janë pikërisht ”gjeneralët” e përjetshëm që e përjashtojnë veten nga çdo lloj përgjegjësie, por e përjashtojnë dhe e privojnë çdo demokrat a shqiptar të ndershëm nga përfaqësimi, qoftë edhe në nivelet më të ulëta të hierarkisë politike apo qeverisëse,dhe një nga këto zona është pa dyshim Kamza, ose kështjella e pamposhtur e Partisë Demokratike, ku falë anëtarësisë së kësaj dege dhe punës së strukturave në çdo palë zgjedhje kanë njohur vetëm fitore pavarësisht nga kjo, ofiqet dhe benefitet kanë shkuar diku tjetër.

Ku qëndron, pra, morali i këtyre individëve, për të cilët më e rëndësishme është karrigia dhe posti i tyre, si në pushtet apo edhe në opozitë, për të vënë në qendër të shënjestrës dhe për të vënë para llogarisë kryetarin e katër viteve opozitë nën pushtetin e kanabisit, korrupsionit të një qeverie të kapur nga krimi?

Më vjen ndërmend një prej thënieve më të njohura të Presidentit Kennedy: “Mos pyesni çfarë bën Amerika për ju, por çfarë bëni ju për Amerikën”. Të njëjtën gjë do të thosha edhe për rastin e Partisë Demokratike, e cila në vetvete, është një pasuri kombëtare, që ka ndikuar dhe ndikon jo vetëm në Shqipëri, por kudo ku ka shqiptarë e flitet shqip. Pra, u drejtohem të gjithë të pakënaqurve gjeneralë:

• Çfarë keni bërë dhe bëni ju për Partinë Demokratike, pasi e shfrytëzuat në pushtet dhe doni ta shfrytëzoni përsëri në këto vite opozitë?

• Çfarë dhatë ju dhe çfarë sakrifikuat ju për partinë e parë opozitare në Shqipëri, që lindi si shpresë e të gjithë shqiptarëve në kohën e fundit të diktaturës? U bënë ditë që këta parazitë, bukëshkalë, përfitues janë vërsulur duke mallkuar dhe goditur me gurë PD-në dhe z. Basha, duke dhënë mend, pavarësisht se kontributi i tyre ka qenë i fjetur, ka qenë inekzistent, i dhënë nga kondicioneri, nga kafenetë dhe ndonjëherë nga faqet e librit virtual (Facebook).

U bënë ditë që janë zgjuar pikërisht në çastin kur e gjithë Partia Demokratike duhet të ishte shtëpia jonë e përbashkët, ajo shtëpi e lirisë, e demokracisë, e shpresës së çdo qytetari për një jetë si e çdo qytetari euroatlantik; në një kohë kur kjo shtëpi e lirisë ka nevojë për kontributin e sinqertë dhe të pakushtëzuar të gjithsecilit prej nesh, paçka se e nesërmja na gjen në karrigen e deputetit apo të ministrit. Por nuk duhet të harrojmë një gjë: Partia Demokratike vërtet na dha lirinë e gjithçka tjetër që sjell demokracia; tani është momenti ynë që të japim dhe të bëjmë maksimumin për Partinë Demokratike. Ndaj dhe e mbyll këtu, duke thënë serish që përpara se të flasin dhe të hedhin baltë, gjeneralët dhe varrmihësit e PD-së duhet të kthejnë lupën e shikimit të hollësishëm mbi vete, pastaj të shigjetojnë gjithkënd e gjithçka përveç vetes së tyre.

Partia e humbësve

July 9, 2017 by dgreca

Opinion nga Ilir Levonja/

Gjithë gjasat janë se, po vazhdoi kështu, debati brenda demokratëve, një farsë e llojit shqiptar, me unë dhe hundëpërpjetër, me elozhe e rrahje gjoksi. Me ironi sysh…, ku sot demokrati urren demokratin më shumë se çdo gjë tjetër. Të jeni të sigurtë se PS dhe Edi Rama kanë të fituara edhe zgjedhjet e 2021. Madje me shumicë absolute. Akoma më të qartë se ky 74-shi i fundit.

Kjo falë demokratëve që janë katërshpërndarë. Në Berishistë, Bashistë. Dhe anti Bashistë e Berishistë. Sa as kokën nuk po ia nnxjerrin sherrit. Po e mbajnë si puna e atij zjarrit të mbytur kur digjen plehrat e lagjes. As afsh, as shpirt, as vrull, po angushti gjoksi. Dhimbje koke. Pak ajër. E për rrjedhoj maraz shqiptar. Të ndarë edhe të grupuar edhe në ithtarë të frymës ku ishe ti kur unë luftoja për Shqipëri. Dhe ku ishin këta që na kritikojnë kur ne me ngjyrën e kuqe të republikës së re.

Çonim Ramën drejt fitores.

Kështu që …

Sa kohë që demokratët i mbushin sallën Lulzim Bashës.

Dhe ia zbrazin Eduart Selamit.

Sa kohë që do qaraviten si kalamajtë me teoritë e zgjedhjeve të vjedhura dhe të shitura. Me denoncimet e tipit Noriega etj.

Me sojin që i lutet Berishës të kthehet. Dhe me sojin që mahnitet pas statuteve të Berishës. Edi Rama i ka të fituara edhe zgjedhjet e 2021-shit.

Të jeni të sigurt për këtë.

Dhe fajin nuk e ka populli. Nuk e kanë shqiptarët.

E kanë humbësit e ricikliuar. Demokratët e grupazheve që ia kanë shkërdhyer nënën demokracisë. Dhe Shqipërisë bashkë. Mjaft të rrinë në pushtet.

Sot demokratët janë gati të hanë të gjallë Eduart Selamin përshembull. Me zbrazëti, me romuze, me tallje. Erdhi ky amerikani etj. Kurse Patozin e përshkruajnë si një siluetë të lodhur nëpër korridoret e selisë së partisë. Me demek që nuk jep shpresë. Nuk fiton. Po dihet që nuk fiton, as Selami e as Patozi. Sepse tallja aty i bie në kokë demokracisë. Kurse mendt e mëdha, pordhët, i bëjnë elozhe pushtetit.

Kështu ishte që kur filloi çadra, atë muaj shkurti…, me skara, e qofte. Me aheng. Dhe kështu u vulos. Që kur morëm 7 ministri dhe qeverisëm me hajdutin për të garantuar mundjen e LSI dhe humbjen tone… Tani marrim përgjegjësitë. Madje po u themi dhe shqiptarëve se na i vodhën zgjedhjet. U shitën prapë shqiptarët. Le t’i shpallim tradhëtarë shqiptarët.

Unë humbësi po marr përgjegjësitë. Që domethënë…. po futem në zgjedhje për kryhumbës. Patozi është i lodhur, si demokracia jonë. Kurse Selami burri i asaj që jep lajmet.., mendësi demokrate a mendësi demode shqiptare.

Këtë do e vertetoj koha.

Unë marr përgjegjësitë e mia politike.

Isha naiv. Isha tutkun. Isha i paaftë. U tregova sylesh.

Po ju lërojani nënën selamistave, patoistave, se ata nuk janë demokratë.

___

Diku në një sallë qyteti, gjatë meshes së faljeve që kërkon Basha. Pashë një demokrat të vjetër. Ma afruan këtë shanc jete kamerat. Sigurisht që pa dashje. Por për suportin e tyre.

Dikur i rrinin qarkas grupe burrash. Ishte vetëm.Kjo ka domethënien se, kur vjetërohen kryetarët…, çvjetërohen demokratët. Eshtë koha e individit, koha që veç Shqipërisë nuk i duhet.

A nevojiten Republikat?

July 8, 2017 by dgreca

Nga Ilber Gashi/ Charlotte, NC/Në Shqipëri u fol për një repubilke të re për të përmbushur dhe krijue një situatë të fresket sociale. Republika e Re dhe ajo Republika e Kanabisit ne fuqi lanë menjëanë partitë e vjetra apo disa edhe te reja qe kohëve të fundit dolën si flluska uji. Por ky fakt shpjegon vlerën se pse nevojat themelore mund të përmbushen nga kryengritësit në partitë e vjetra ose nga një koalicion i atyne elementëve. Ata mund të shërbejnë për një qëllim të dobishëm kombëtare në pengimin e masës më të keqe të lakmisë grabitqare. Partitë e vjetra si PLL-ja, etj, me histori të pastër, jan frymë e dobishme me një vizion të kristaltë për ta ndalë te keqen dhe ngritë mirëqenien shoqërore te popullit. Por asht utopike që të presim që ‘rilinidasit’ të mund të rikrijojnë republikat sipas standardeve të të cilave ata i japin përparësi ekzistencës së tyne por të pasigurtë. Sepse rilindja kanabaze apo republika e re asht shum e përkushtuar për qëllimet dhe politikat diametralisht në luftë me qëllimet e tyne. Ata mund të formojnë bërthama te një republike kanabaze apo të re. Por idetë e tyne do të mbeten të thyme dhe të gjysmë formuara deri sa të çlirohen dhe të shoqënohen hapun me interesa, nevojat dhe vizionin mbarë kombëtarë.

Këtu përsëri kemi arsye se pse trazirat aktuale politike janë kaq të ndryshme nga çdo histori pas 90-se. Nevojat, ku jetojnë njerëzit, kanë të bëjnë me standardet e jetesës për veten dhe familjet e tyne. Populli i ndershëm gjindet në një situatë politike ku nuk u asht plotesue asnjë kusht për domosdoshmëri elementare te jeteses. Ku interesi përqendrohet pothuajse tanësisht në stimulimin e reagimit dhe shpërndarjes pa ndonjë referencë në mënyrën se si ato ndikojnë në konsumin politiko shoqërorë. Nuk them se kontraditat politike nuk jan mendue ose formulue. Por po ndihet, se pakënaqësia politike dhe pakënaqësite e mëdha janë pasojat e mirëqenies së popullit. Ne Shqipëri asht nevoja për diçka rrënjësisht të re në jetën politike, të cilën vetëm një parti me baza historike, me bërthame kombëtare dhe e djathtë mund ta shpallë dhe të ekzekutojë në te mirën e shoqërise shqipëtare dhe asaj mbarë kombëtare…përndryshe me një opozitë (që si duket nuk ekziston) si ajo e sotmja do i hap rrugë triumfi Rilindjes apo Republikës Kanabazi e cila do hedh rranjë dhe viruse edhe në Kosovë e Maqedoni. Rama dhe socialistët e dijnë mirë se me bashkimin e Kosovës ata ndihen në rrezik përsa i përket votës dhe ekzistencës në politikë.

Nevojat dhe problemet e popullit janë të lidhuna me problemet e konsumit, me problemet e mbajtjes së një standardi jetese të arësyeshme dhe të sigurt. Jeta politike, që vazhdon nën cilëndo prej partive që ndodhet të jetë në pushtet, nuk merret me prodhimin vendor apo ekonominë vendore. Tarifat jo vetëm që nuk kanë krijuar interesat e caktuara prodhuese si fuqi ekonomike, por ato bazohen në një mospërputhje të vazhdueshme të konsumatorit. Transporti dhe mekanizmi i shpërndarjes janë të lidhuna me prodhimin dhe ato nuk janë nxitë vazhdimisht për të marrë parasysh konsumatorin ose standardin e jetesës. Sistemi ynë tokësor, minierat tona, pyjet tona dhe tani fuqia jonë e bregdetit, kur politika i ka prekë deri diku, ato ende nuk ka rënë nën kontrollin e pronësisë nga “prodhuesi” përvecëse drogës dhe prodhimeve ilegale. Shqipëria ka nevojë per privatizim dhe jo socializëm, ajo ka nevojë për ligje dhe jo korrupcion, dhe ajo ndryshon vetëm nga populli dhe vota e saj. Shpresojmë që populli ti thotë ndalë korrupcionit dhe të integrohet në rrugën demokratike me vepra dhe jo letra për të gëzue BE-ne apo Perendimin. Tani edhe katër vjet do përballemi me nje qeveri të majtë por tani ma shum se kurrë Shqipërise i nevojitet një Opozitë me baza historike një e djathtë me vizion dhe brum politik që bazohet në institucione dhe jo vetëm ne termin “parti-politike” ….

BE-Kosovës: Të formohet një qeveri e fortë!

July 8, 2017 by dgreca

*Kosovë-Përfaqësuesja e BE: Të formohet një qeveri e fortë dhe të nisin reformat që populli i kërkon/

*Statement by Nataliya Apostolova, Head of the EU Office in Kosovo/EU Special Representative, upon certification of 11 June election results/

-Deklaratë nga Nataliya Apostolova, Shefe e Zyrës së BE-së në Kosovë/Përfaqësuese e Posaçme e BE-së, pas certifikimit të rezultateve të zgjedhjeve të 11 qershorit/

PRISHTINË, 8 Korrik 2017-B.Jashari/ Shefja e Zyrës së Bashkimit Evropian në Kosovë/Përfaqësuese e Posaçme e BE-së, Nataliya Apostolova, deklaroi sot se e përgëzon popullin e Kosovës për mbarëvajtjen e zgjedhjeve që u mbajtën në 11 qershor dhe Komisionin Qendror të Zgjedhjeve për mënyrën profesionale me të cilën i kryen detyrat e tyre. “Gjithashtu u bëj thirrje institucioneve përgjegjëse që t’i marrin seriozisht rekomandimet e Misionit të BE-së për Vëzhgimi e zgjedhjeve dhe t’i zbatojnë ato në mënyrën e duhur”, theksoi ajo.

Tani, vijoi Apostolova, është përgjegjësi e udhëheqësve politikë të dëgjojnë qytetarët e tyre dhe të formojnë një qeveri të qëndrueshme që do t’i shërbejë interesave të popullit.“Kosova përballet me shumë sfida, duke filluar nga papunësia e lartë dhe sistemi arsimor me performancë të ulët, deri te korrupsioni dhe sundimi i dobët i ligjit, të cilat mbeten pengesë për tërheqjen e investimeve të qëndrueshme për zhvillimin e ekonomisë. Prandaj, është e rëndësishme që liderët politikë t’i marrin seriozisht këto sfida, të formojnë një qeveri të fortë dhe të fillojnë reformat që populli i kërkon”, u shpreh Përfaqësuesja e Posaçme e BE-së.

Ajo përkujtoi se, Federica Mogherini, Përfaqësuese e Lartë/Nënkryetare e Komisionit Evropian, këtë javë mbajti në Bruksel një takim jozyrtar me presidentin e Serbisë dhe atë të Kosovës. “Kjo, edhe një herë, rikonfirmon angazhimin e BE-së për perspektivën e Kosovës dhe Serbisë drejt BE-së. Ne presim zbatimin pa vonesë të marrëveshjeve të arritura gjatë dialogut, tha Apostolova.

Ajo siguroi se, BE-ja do të vazhdojë të ndihmojë qytetarët e Kosovës. “Përmes Marrëveshjes së Stabilizim Asociimit dhe instrumenteve të lidhura me të, BE-ja ka siguruar një kornizë politike, ekonomike dhe legjislative për reformat që do të nxirren. Përmes mbështetjes së IPA-s, BE-ja siguron ndihmë financiare bujare për të mbështetur këto përpjekje dhe për të rritur përmirësimet në tërë Kosovën”, theksoi Apostolova.

Ajo shtoi se, pa marrë parasysh se kush e formon qeverinë e re, BE-ja pret një përshpejtim dhe zbatim të axhendës për reforma të BE-së.

“Kosova ka një perspektivë të qartë evropiane. Njerëzit e Kosovës presin një udhëheqje të përgjegjshme që do të bëjë përparime të rëndësishme përgjatë rrugës evropiane. Tani u takon atyre udhëheqësve që ta bëjnë këtë”, përfundoi Shefja e Zyrës së Bashkimit Evropian në Kosovë/Përfaqësuese e Posaçme e BE-së, Nataliya Apostolova.

Pas marrjes së konfirmimeve nga ana e Panelit Zgjedhor për Ankesa dhe Parashtresa dhe nga Gjykata Supreme se në këto institucione nuk ka ndonjë çështje për të vendosur, Komisioni Qendror i Zgjedhjeve çertifikoi sot rezultatet përfundimtare të Zgjedhjeve të Parakohshme për Kuvendin e Republikës së Kosovës që u mbajtën në 11 qershor 2017, tre vjet pas zgjedhjeve të 8 qershorit 2014, të cilat poashtu ishin të parakohshme pas vetëshpërndarjes së Kuvendit.Në emër të KQZ-së, kryetarja Valdete Daka falënderoi edhe një herë të gjithë qytetarët që morën pjesë në zgjedhje dhe institucionet vendore e ndërkombëtare për kontributin e tyre gjatë këtij procesi.

Statement by Nataliya Apostolova, Head of the EU Office in Kosovo/EU Special Representative, upon certification of 11 June election results

“I commend the Kosovo people for an orderly conduct of elections which took place on 11 June, and the Central Election Commission for the professional manner in which they carried out their duties. I also urge the responsible institutions to take seriously the recommendations by the EU Election Observation Mission and implement them accordingly.It is now the responsibility of the political leaders to listen to their citizens, and form a stable government which will serve the interest of the people.

Kosovo faces many challenges, from high unemployment and low performing education system, to corruption and weak rule of law, which remain an impediment to attracting sustainable investment to develop the economy. It is therefore crucial that the political leaders take these challenges seriously, form a strong government and embark upon the reforms that the people demand.

Federica Mogherini, High Representative/Vice President of the European Commission, hosted this week in Brussels an informal meeting with the Presidents of Serbia and Kosovo. This, once again, reconfirms the commitment of the EU for the EU perspective of Kosovo and Serbia. We expect implementation of the agreements reached in the Dialogue without delay.

The EU will continue to assist the people of Kosovo. Through the Stabilisation and Association Agreement and related instruments, the EU has provided a political, economic and legislative framework for reforms to take root. Through its IPA support, the EU provides generous financial assistance to support these efforts and enhance improvements throughout Kosovo.Regardless of who forms the new government, the EU expects a speeding up and adherence to the EU reform agenda. Kosovo has a clear European perspective. The people of Kosovo expect responsible leadership that will make important advances along the European path. It is now up to those leaders to deliver.”