KUMBONA QE BIE PER TE GJITHE

June 7, 2017 by dgreca

48 Repishti

Nga Sami Repishti/ Ridgefield, CT. USA.- FAKT! “Njoftimi zyrtar i urgjencës së okulistikës raporton se janë 140 raste të paraqitura për të marrë ndihmën e parë; nga këta raste 140 janë shtruar, shërbim marrin 7 pacientë. Gjendja e tyre është stabilizuar; pacientët që janë paraqitur më vonë shprehin të njejtët shenja klinike, të një intoksikimi (helmimi) si skuqja e syve, dhëmbja e syve, marrëmendje, të vjella, turbullim shikues, skuqje në zona të fëtyrës e qafës, marrje fryme…..Lulzim Basha është shtruar në spital me shenja helmimi pas mitingut të PD-së”.

Flitet për përdorimin e gazit helmues, nji fenomen që tronditi njerëzimin mbar gjatë dhe mbas Luftës së Dytë Botënore – gaz helmues për viktima të pafajshme….paradhoma e ferrit Auschwitz…! E pabesueshme! Ashtë fjala për mitingun elektoral të datës 27 maj 2017 të PD-së në sheshet kryesore të kryeqytetit Tiranë dhe helmimin që e damtoi!

Viktima e nazismit, poetesha Nellie Sachs, para situatash të këtilla shkruente: “Na lini në embëlsi, jetën të rimësojmë…/ Mos na tregoni më qen që kafshojnë!” Thirrje e dhimbëshme e trupave që akoma dhëmbin. Por nji Shqipëri që vuen fizikisht e mendërisht nga kujtimet e torturës së pareshtun dyzet-e-pesë vjeçare, kam frikë se do të vonojë me pa veten të ndërgjegjshme për katastrofën e jetueme,. Dhe me bindë të gjitha mendjet normale dhe zemrat e ndieshme se ka ardhë koha që të gjithë, viktima e fajtorë njikohësisht, të dënojnë dhunën pa kompromis e të mobilizohen në kërkim të lirisë, drejtësisë, demokracisë e jetës me dinjitet për të gjithë.

“Tek kundërshtuam atë çka shtaza kërkonte në brendinë tonë, lypset të rigjejmë tashmë njeriun kudo ku zbuluam atë çka e dërmonte”, shkruente Andre Malraux. Per fat të keq, unë mendoj përsëri se shtaza ashtë rizgjue tek njeriu i sotëm dhe ngado njeriu veç shtypet nga njeriu. Dhe kështu do të jetë përsa kohë që ajo shtazë e rizgjuar nuk do bie në qetësi, dhe njeriu nuk do të reshtë së shtypuni njeriun. Në Shqipërinë tonë të martirizueme, episodi kriminal i helmimit në sheshet e Tiranës ashtë prova ma e mirë.

Leximi i kësaj kronike ashtë shumë shqetësues. Nji grup shqiptarësh mendje-prishur të verbuem nga fanatizmi partiak që i ushqen –dhe i shnjerëzon njikohësisht- kanë vendosë me damtue në mënyrë të pareparueshme vëllaznit e motrat e tyne shqiptare vetëm sepse mendojnë ndryshe! Për këto mendje-prishur mendimi ndryshe nuk ashte nji e drejtë ligjore dhe morale, por “nji krim i pafalshëm” që duhet eliminue, edhe fizikisht po të jepet mundësia. Ky ashtë mësimi i dhanun me aktin e helmimit në sheshet e Tiranës pak ditë ma parë. Duket se fajtorët jetojnë akoma me andrrat e autoritetit jo legjitim dhe të padiskutueshëm, të ushqyem nga propaganda dyzetë e pesë vjeçare e “Nënës Parti” që refuzoi me pranue të gjithë shqiptarët si fëmijt e vet, dhe me bindjen e tyne se edhe “ideja” ashtë “subjet konkret” që vritet.

Ideja nuk vritet as nuk vdes, ashtu siç nuk vdiq demokracia në Shqipërinë komuniste me gjithë aktet vrastare. “Ideja” nuk vdes edhe kur përkrahësi i saj nuk jeton ma. “Ideja”, nji ide positive, mbijeton, ashtu si mbijeton mermeri i skalitun edhe mbas zhdukjes së skulptorit. Idetë që naltësojnë njerëzimin në sferat e idealit janë gurë kilometrazhi që tregojnë udhëtimin tonë në histori, dhe tregojnë largësinë e rrugës së përshkueme të marshit tonë historik drejt lirisë së plotë të njerëzimit.

Gabimi i këtyne “mendje-prishurve” ashtë akoma ma i randë e ma kriminel sepse drejtohet kundër vëllazënve dhe motrave shqiptare që nuk bashkëndajnë mendimet, megjithëse ata viktima ndajnë së bashku me masat e gjana të popullsisë, qytetarë të lirë të Republikës së përbashkët shqiptare, shpresën me dëshmue dhe dëshirën e pa përmbajtun me ndërtue nji Shqipëri për të gjithë- edhe për “mendje-prishurit” e aktit kriminel- nji Shqipëri të lirë, të pavarun, demokratike, të vëllaznueme e europiane, nji Shqipëri ku banorët e saj të jetojnë pa frikën e shtypjes dhe pa shtypjen e pamëshirëshme të vorfënisë, papunësisë dhe kërcënimit të urisë. Me gjeste të këtilla banditeske “mendje-prishurit” synojnë frikësimin e gjithanëshëm dhe sulmet gangstereske të marrjes së pushtetit e mbajtjen e tij, me dhunë ashtu si ma parë për 45 vjetët e terrorit të kuq. Ashtu si dje, edhe sot, viktima e helmimit pyet përsëri: “Më trego fajin që kam ba?”

Unë e gjej të vështirë me mendue se organizata ose parti politike që veprojnë ligjërisht në fushën e politikës shqiptare kanë zbritë aq poshtë me veprimtarinë e tyne politike. Ka shumë arsye që ky akt banditesk të jetë nji akt dëshprimi, nji vepër kriminale e nji grupi të vogël “rrebelësh pa kauzë”, jashtëqitje të shoqënisë shqiptare, të pa aftë me pranue orientimin demokratik – me të gjitha të metat që revelohen çdo ditë – dhe kërkojnë me pengue atë, qoftë edhe me dhune po të jetë mundësia. Dhuna ashtë esenca e mendimit të tyne. Kjo ka qenë prova e parë; kam frikë se nuk do të jetë e fundit, dhe eventualisht aktorët – që unë besoj të jenë meturina toksike të ish PKSH/PPSH do të zbulohen, demaskohen, gjykohen dhe dënohen pa mëshirë simbas ligjit te zbatuem me arsye e asnjanësi. Ajo që jam i sigurtë ashtë se nuk do të kenë sukses në botën tonë të sotme. (Simbas shtypit kemi të rregjistrueme 136 parti të vogla)

*****

Roli historik i çdo shqiptari e ai kolektiv i shoqënisë së lirë shqiptare ashtë përpjekja me u mbrojtë nga rreziku i ringjalljes së diktaturës në vendin tonë. Rreziku nuk ashtë ma pak kercënues sot se rreziku i fashizmit, nazismit dhe komunizmit dje, nji e kalueme jo e largët, se rreziku i totalitarizmit pavarësisht nga ngjyra, forma ose emnimi.

Sot, na jemi ma të përgatitun sepse jemi ma të informuem nga e kaluemja, sepse kemi dëshmue sa shpejt damtohet demokracia e fiton tirania (qofte edhe ajo e ”shumicës”!), sepse kemi dëshmue sa e damshme ashtë indiferenca ndaj ngjarjeve e akteve të dhunëshme. Sot, jemi ma të përgatitun me kuptue sa i damshëm ashte akti i “helmimit” të popullsisë së pafajshme që ushtron të drejtën legjitime themelore të grumullimit e manifestimit të lirë publik, shprehje të vullnetit të tyne.

Sot, me heshtë para aktit kriminel të “helmimit” don të thotë me pranue në heshtje vdekjen morale të shoqënisë sonë, dhe për mendjet e ndrituna e ndërgjegjet e pastra të pranohet edhe mundësia e vdekjes fizike. E kemi përjetue!

Historia nganjiherë edhe përsëritet, por me siguri ajo na mëson. Historia na familjarizon me njohjen e rrezikut; ajo na paralajmëron! Historia, sidomos historia europiane, ka tregue se shoqënitë e forta nganjiherë thyhen, demokracitë dështojnë, sistemet etike infektohen e bien, dhe qytetarët e thjeshtë, fqinjt tonë shumëvjeçar, transformohen pa pritmas në militantë me armë në dorë që gjejnë vehten para gropave të hapuna për kufomët e viktimave burrënore që gjejnë guximin me i thane JO! tiranisë së vendosun. Na, e kemi dëshmue!

Gabimi në politikë nuk falet. Aq ma shumë për ne që kemi përjetue katastrofën gjysëm shekullore. Kjo e vertetë na detyron me studjue historinë, të kaluemen tonë, sidomos atë të dekadave të fundit, dhe me kuptue cilat janë rranjët e tiranisë që na kercënon, dhe cilat janë përgjigjet tona që na imponohen.

Unë pohoj se jam shumë i shgënjyem nga heshtja e paspjegueshme e masive ndaj krimit të “helmimit” masiv në sheshet e Tiranës. Ashtë nji kumbonë e fuqishme që bie për të gjithë, e që duhet ndigjue nga të gjithë- para se “helmimi” i përgjithshëm të hyjë në banesat tona, pa pengesë, e pa kufizim. Jemi para nji përgjegjsie të madhe historike!

Tue folë për mosmarrëveshjen e Iranit me SHBA-në. ministri i jashtëm M.J.Zafir na dhuroi këte mendim monumental: “Në qoftë se nuk do të thyejmë këte çikël (anmiqsie me SHBA-n, SR) na vetëm vonojmë ardhjen e zgjidhjes historike dhe e kalojmë atë në krahët e fëmijve dhe nipave e mbesave tona. Na, jemi breznia që duhet të mësojmë nga historia në qoftë se nuk dëshirojmë me pësue përsëritjen e saj”.

Në Shqipëri, ka mendje të ndrituna që janë koshiente të gjendjes dhe të gatëshme me veprue në përmirësimin e saj. Këto ditë, nji vrejtës i kujdesshëm shkruente:” Sa demokraci ka nji parti kur vendos vetëm nji njeri!” shprehje kjo që pohon “…mjerimin e kulturës demokratike që na rrethon”. Nji pohim i këtill meriton trajtim të plotë.

Në Shqipëri, ka edhe optimizëm. Tue kalue nga bota spekulative e hipotezave në atë të tezave reale, nji akademik shkruen: “Unë jam shumë i qartë se çfarë duhet bërë për të zëvendsuar atë (gjendjen e randë e të mjerueme të vendit,SR) brenda një kohë shumë të shkurtër, dy vjeçare, me nji model të kohës, mbështetur në arritjet më të mira të këtyne dekadave dhe duke sheruar plagët e shumëta të grumulluara…Ne kemi hipur në një maqinë që ndryshon shoferin herë mbas here, por pa pasur motor”.

Kultivimi “i njëshit udhëheqës” si mjeti i vetëm i “shpëtimit” të vendit përfundon në “kultin e individit”; nji zgjidhje e mbrapshtë, e pa-evitueshmënisht, tiranike. Sot, në shekullin 21, “pavarësia” e qytetarit dhe e sistemit politik kërkohet në emën të aftësisë së popullit mbar me mendue qartas për të mirën e përbashkët që siguron edhe të mirën e individëve, pjestarë të kësaj bashkësie. Si rrjedhim, kemi nji administratë të hapun “të popullit, nga populli e për popullin”(A. Lincoln) që na qeverisë.

Në shekuillin 18, George Washington, i njohun si babaj i SHBA-s në “fjalimin e lamtumirës” paralajmëroi qytetarët amerikanë të “mbrohen nga personat dhelprakë, ambicioz dhe të pa princip” që shfrytëzojnë mosmarrëveshjet politike “me sigurue për vete frenat e shtetit”. Kjo ashtë ideja e “pavarësisë” qytetare në themel të “Shtetit”.

*****

Politizimi i skajshëm dhe mosfunksionimi i jetës politike të dominueme nga partizanshmënia e dy poleve kundërshtare –deri në anmiqsi permanente- ka krijue nevojën e nji force të tretë në Shqipëri- “të pavarunit” indipendentët, persona dhe institucione që na mbrojnë nga efektet e “armiqsisë”.

A do të zhvillohet ma tej kjo “nevojë” a por do të avullohet nga ngrohtësia e “zjarrit partizan”, dhe nga sulmet e vazhdueshme të partive respektive, secila me shpresë se do të përfitojë nga ardhja në pushtet? Për fat të mirë, ideja se nji autoritet “objektiv” mund të zgjidhë “ngërçin” politik në vendin tonë tue qendrue larg politizimit partizanesk, po rritet, dhe shpresa se në nji atmosferë paradash politike e shterpe, skandalesh e gënjeshtrash, vetëm nji ”qytetari me qendrim të pavarun” premton me përmbushë shpresat e masave të shgënjyeme. Nji shembull individual u dëshmue dy vjet ma parë në zgjedhjet bashkiake të Tiranës. Kandidati Dr.Halim Kosova, me qendrimin e tij korrekt kapi imagjinatën e mijëra votuesve. Aq ma mirë sikur “qytetari me qendrim të pavarun” ashtë në fakt nji masë qytetarësh me qendrim të pavarun. Do të kishim kështu “nji lëvizje të pavarunish”!

Në nji rast të këtill nuk bahet fjalë për fitoren ose humbjen e njenit ose tjetrit kandidat të lojës politike në vend, por për nji lëvizje cilësore mbijetese të demokracisë së drejtueme nga “pilotë” të pavarun që çajnë atmosferën e urrejtjeve personale dhe hakmarrjeve politike “…comme un coup de pied ‘a travers l’ordure” (si nji shkelm i fortë që shpërndan grumullin e plehnave) shprehen francezët.

Kjo “lëvizje” do të fillonte me furnizimin e popullsisë me “fakte konkrete” e jo me “lajme të doktorueme” ose “thjeshtë falsifikime”. NJi paraqitje besnike e fakteve e dhanun nga organe jo-partizane të strukturave shtetnore –administrata civile- jep shpresë se do të veprohet me pa-anëshmëni (fairly), dhe do të rritë mirëbesimin e popullsisë në pushtetin që administron. Pa-anëshmënia na shpëton edhe ne nga të metat tona siç janë paragjykimet dhe kufizimet që kemi.

Zhvillimet politike sot në Shqipëri po marrin formen e nji tragjedie shekspiriane: nji zbritje e paevitueshme në ferr që ashtë nji fatkeqsi aq sa edhe e meritueme….! Nji parashikim që unë nuk e uroj!

Zgjedhjet e 11 Qershorit- KOSOVA MBI TË GJITHA

June 6, 2017 by dgreca

3Harry Bajraktari

Nga Harry Bajraktari/

Qytetarët e Kosovës në zgjedhjet parlamentare, këtë të dielë më 11 Qershor, për disa herë me radhë, pas shpalljes së pavarësisë, do t’ u drejtohen kutive të votimit për të zgjedjur më të mirët që ata mund t’ i vlerësojnë. Për ta pasur një qeveri dhe një parlament stabil, e nevojshme është një pjesëmarrje më e madhe e qytetarëve në këto zgjedhje, duke marrë parasysh se në të kaluarën përqindja e tyre nuk ka qenë e kënaqshme. Në anën tjetër, populli i Kosovës ka pasur rast t’ i njohë ata të cilëve u ka dhënë besimin për disa mandate radhazi dhe në bazë të këtyre rezultateve mund të vendosë. Këto zgjedhje të jashtëzakonshme që pasuan pas mocionit më 9 Maj, duhet ta nxjerrin një qeveri dhe një parlament kredibil, më të vullnetshëm dhe më të ndërgjegjshëm për ta çuar Kosovën përpara, si në zhvillimin ekonomik, në zbatimin e ligjshmërisë, në ndaljen e korrupcionit e krimit të organizuar, në zgjidhjen e problemeve të mëdha me të cilat Kosova po ngec. Pra, Kosovës i duhet një qeveri që me platformën e saj, bën diferencën në të gjithë sektorët e zhvillimit. Këtë diferencë mund ta bëjë vota e popullit.

Kosovës i duhet një qeveri me një platformë shumë më efikase sidomos në zhvillimin ekonomik, ku do të krijoheshin vende të reja pune dhe qytetari ynë ardhmërinë dhe perspektivën ta sheh në vendin e tij, e jo në kërkim të migrimit, në një vend tjetër. Pa zhvillim ekonomik nuk ka as rritje të standardit jetësor, i cili në Kosovë është i ulët. Kosova, siç e dimë të gjithë, ka rekurse të mjaftueshme natyrore për ta bërë diferencën ekonomike si, në industri, në ekonominë e vogël, e sidomos në bujqësi, turizëm dhe në sektorët tjerë ekonomik.

Kosovës i duhet një qeveri që përmjet ligjit e lufton korrupsionin dhe krimin e organizuar, dhe pa fitimin e kësaj beteje nuk mund të ketë progres e as zhvillim të demokracisë.

Qeveria dhe legjislatura e re që do të dalë nga vota e lirë e 11 Qershorit, ndër prioritetet e para duhet të ketë liberalizimin e vizave për qytetarët e saj, të cilët të vetmit në Evropë kanë mbetur pa realizimin e kësaj të drejtë elementare, karshi një bote të madhe ekzistuese e të lirë.

Duke pasur përballë Serbinë, një armik që kërcënon shqiptarët me projekte e

saj pushtuese, qeveria dhe legjislatura e re, sa më shpejt do të duhej ta formojnë ushtrinë, e drejtë e një shtetit të pavarur për të mbrojtur popullin dhe territoret e saj.

Ne na duhet një qeveri pro-perëndimore, e cila shpejton proceset integruese në Bashkësinë Evropiane dhe në NATO.

Të gjtha këto mund të kapërcehen nëse Kosova do të vëhet para interesave personale, grupore klanore dhe nëse vota e qytetarit shkon atje ku duhet dhe nuk manipulohet. Pra, Kosova të jetë mbi të gjitha. Koha nuk pret, duhet të zëmë hapin.

ËSHTË OBLIGIM KUSHTETUES E MORAL QË ÇDO QYTETAR TË REPUBLIKËS SË KOSOVËS, MË 11 QERSHOR, TË VOTOJË PËR TË ARDHSHMËN E TIJ!

* Autori është veprimtar dhe biznesmen i njohur i Komunitetit shqiptaro- amerikan dhe themelues i gazetës Illyria.

New York, Qershor, 2017.

KOSOVA NË ZGJEDHJE ME SHUMË VËZHGUES

June 6, 2017 by dgreca

-Deklaratë nga ambasada Franceze, Gjermane, Italiane, Mbretërisë së Bashkuar dhe Shteteve të Bashkuara të Amerikës: Vetëm qytetarët e Kosovës kanë fuqinë dhe përgjegjësinë të zgjedhin përfaqësuesit e tyre/

-Mesazhi nga Bashkimi Evropian: E drejta e Kosovës për të zgjedhur udhëheqësit e saj, pa frikë apo ndërhyrje, është një parim i shenjtë/

Zgjedhje-Kosove-8qershor2014-foto-Behlul-Jashari

-Para zgjedhjeve të 11 qershorit në Kosovë deri tash u akredituan 4.887 vëzhgues. Akreditimi vazhdon…/

Ne Foto: Korrespondenti i Gazetes Dielli Behlul Jashari eshte akredituar per te ndjeke zgjdhjet ne Kosove/

-SPECIALE nga Behlul Jashari – korrespondenti në Kosovë i Gazetës DIELLI, i akreditur nga Komisioni Qendror i Zgjedhjeve të parakohshme parlamentare të 11 qershorit-/

Kosove-Zgjedhje-2017-foto-Gazeta-Dielli-Behlul-Jashari-1

PRISHTINË, 6 Qershor 2017/ Korrespondenti në Kosovë i Gazetës DIELLI, është vëzhgues-reporter i akreditur nga Komisioni Qendror i Zgjedhjeve të parakohshme parlamentare të 11 qershorit.

Deri më tani Komisioni Qendror i Zgjedhjeve ka akredituar 4.887 vëzhgues, që përfaqësojnë subjekte politike të certifikuara për pjesëmarrje në zgjedhje, organizata dhe institucione ndërkombëtare, organizata joqeveritare vendore, etj.

Kjo u bë e ditur në mbledhjen ku Komisioni Qendror i Zgjedhjeve akreditoi grupin e katërt të vëzhguesve, i cili përfshinë 1. 437 vëzhgues. Ndërkohë, akreditimi vazhdon…

Kryesuar nga kryetarja Valdete Daka, Komisioni Qendror i Zgjedhjeve diskutoi edhe për masat që duhet të ndërmerren në drejtim të rritjes së transparencës dhe mbrojtjes së vullnetit të votuesve, gjatë numërimit të votave të subjekteve politike dhe kandidatëve për deputetë.

Anëtarët e KQZ-së diskutuan disa prej masave që mund të ndërmerren në këtë drejtim, siç mund të jenë: një qarkore informuese për këshillat e vendvotimeve për masat ndëshkuese të parapara në Kodin Penal në rast të mosnumërimit të saktë të votave të kandidatëve dhe subjekteve politike dhe mundësia që të stimulohen me pagesë shtesë të gjithë këshillat e vendvotimeve që përmbyllin suksesshëm dhe pa vërejtje procesin e numërimit. Po ashtu, si masë shtesë u propozua edhe nënshkrimi i një Kodi Etik nga ana e Këshillave të Vendvotimit si një formë zotimi se do të përmbushin me përgjegjësi detyrat e tyre.

Anëtarët e KQZ-së u dakorduan që gjatë ditës së sotme Sekretariati i Komisionit Qendror të Zgjedhjeve të paraqesë para KQZ-së një dokument/analizë për koston buxhetore dhe mundësinë e përmbushjes sa më efikase të kësaj ideje.

Ndërkohë, ambasada Franceze, Gjermane, Italiane, Mbretërisë së Bashkuar dhe Shteteve të Bashkuara të Amerikës deklaruan se, ditëve të fundit, përfshirë edhe sot, kemi marrë një numër të konsiderueshëm të raportimeve shqetësuese lidhur me përpjekjet për të pasur ndikim përmes frikësimeve dhe kërcënimeve mbi rezultatin e zgjedhjeve në Kosovë.

“Në veçanti, duket se egziston një gadishmëri për të frikësuar dhe detyruar pjesëtarët e komunitetit serb të Kosovës që të votojnë në mënyrë të caktuar. Veprimet e tilla janë krejtësisht të papranueshme. Ftojmë të gjithë ata që janë të përfshirë në aktivitete të tilla ti ndërpresin ato dhe i bëjmë thirrje autoriteteve dhe policisë së Kosovës që t’i hetojnë këto raste në plotni”, thekson deklarata e dërguar.

Më tej shtohet se, të gjithë qytetarët e Kosovës duhet ta kenë të drejtën që pa kërcënime, ndikime dhe frikë të votojnë ashtu siç ua merr mendja. “Këto zgjedhje janë një mundësi për qytetarët e Kosovës t’i zgjedhin përfaqësuesit e tyre. Vetëm qytetarët e Kosovës kanë këtë fuqi dhe përgjegjësi. Si pjesë e komunitetit ndërkombëtar, ne do të punojmë me këdo që përzgjedhni ju”, përfundon deklaratë nga ambasada Franceze, Gjermane, Italiane, Mbretërisë së Bashkuar dhe Shteteve të Bashkuara të Amerikës.

Ndërsa, shefat e Zyrës së BE-së në Kosovë/Përfaqësuesja e Posaçme e BE-së, EULEX-it dhe misioneve të shteteve anëtare të BE-së në Kosovë e mirëpresin deklaratën e lëshuar dje nga Shefi i Misionit të BE-së për Vëzhgimin e Zgjedhjeve, Alojz Peterle.

Përveç kësaj, shefat e Zyrës së BE-së në Kosovë/Përfaqësuesja e Posaçme e BE-së, të EULEX-it dhe misioneve të shteteve anëtare të BE-së në Kosovë, shprehin shqetësimin rreth incidenteve të raportuara të kërcënimit dhe presionit, siç janë ato të dëshmuara gjatë ditëve të fundit në pjesën veriore dhe pjesë tjera të Kosovës.

“Ne përsërisim nevojën që të gjithë aktorët politikë të përmbahen nga praktikat që janë në kundërshtim me parimet demokratike dhe në mënyrë të përpiktë ta respektojnë ligjin”, thekson deklarata e sapodërguar.

Për ne, vijon deklarata, e drejta e Kosovës për të zgjedhur udhëheqësit e saj, pa frikë apo ndërhyrje, është një parim i shenjtë. “Çdo gjë më pak se kjo nuk paraqet demokracinë që njerëzit në Kosovë e presin dhe e meritojnë”, përfundon deklarata e përbashkët.

Shefi i Misionit nga BE të Vëzhgimit të Zgjedhjeve të parakohshme parlamentare të 11 qershorit në Kosovë, Alojz Peterle, në deklaratën e djeshme theksonte se, votuesit e Kosovës meritojnë më mirë. “Është obligim i akterëve politikë të Kosovës të demonstrojnë se janë të gatshëm të përmbushin standardet demokratike evropiane. Kjo është çështje e përgjegjësisë kolektive. Udhëheqësit e partive politike të Kosovës duhet t’i përgjigjen kësaj sfide”, shprehej ai.

Në 19 maj 2017 Komisioni Qendror i Zgjedhjeve i Kosovës nënshkroi Memorandum Bashkëpunimi me Zyrën e BE-së në Prishtinë, për vëzhgimin e zgjedhjeve të parakohshme parlamentare të 11 qershorit.

Me këtë rast, u nënshkrua edhe Memorandumi i Bashkëpunimit ndërmjet Qeverisë së Kosovës-Ministrisë së Punëve të Jashtme dhe Zyrës së BE-së në Kosovë.

Komisioni Qendror i Zgjedhjeve, me të gjitha votat pro, ka miratuar Memorandumin e Mirëkuptimit, sipas të cilit do jenë 100 vëzhgues nga Bashkimi Evropian që do të përcjellin procesin zgjedhor në Kosovë.

Në Kosovë, në 31 maj, që në minutën e parë të pas mesnatës, nisi zyrtarisht fushata e zgjedhjeve të parakohshme parlamentare të 11 qershorit, e cila do zhvillohet gjatë 10 ditëve, deri në 9 qershor, duke pasuar parafushatën që filloi shumë më herët.

Për 120 mandate deputetësh në Kuvendin e Kosovës,100 për shqiptarët e 20 për komunitetet pakicë, prej tyre 10 për serbët, garojnë 26 subjekte: 5 koalicione, 19 parti dhe 2 iniciativa qytetare, të renditura me short në fletëvotime nga numri 11 deri në 36.

Nën numrin 12 është koalicioni i 13 partive shqiptare: Partisë Demokratike të Kosovës (PDK), Aleancës për Ardhmërinë e Kosovës (AAK), Nismës për Kosovën (Nisma), Partiisë së Drejtësisë (PD), Lëvizjes për Bashkim (LB), Partisë Shqiptare Demokristiane të Kosovës (PSHDK), Partisë Konservatore të Kosovës (PK), Partisë Liberale të Kosovës (PLK), Alternativës Demokratike të Kosovës (ADK), Republikanëve të Kosovës(REK), Partiisë së Ballit (PB); Partisë Socialdemokrate (PSD) dhe Ballit Kombëtar të Kosovës (BKK).

Në bllokun tjetër të partive shqiptare nën numrin 16 është koalicioni i Lidhjes Demokratike të Kosovës (LDK) dhe Aleancës Kosova e Re (AKR), ku në listë përfshihen edhe kandidatët për deputë të subjektit politik më të riut drejt regjistrimit si parti – Alternativa të Lëvizjes për Drejtësi.

E vetme nga partitë shqiptare do garojë Lëvizja Vetëvendosje (VV) nën numrin 35, e cila për herë të parë garoi në zgjedhjet e kaluara dhe kishte 16 mandate deputetësh. Nga subjektet shqiptare është edhe Fjala, nën numrin 29 dhe garon për herë të pare dhe e vetme.

Në KQZ, Zyrën për Regjistrim të Partive dhe Certifikim, brenda afatit kanë deklaruar koalicionin dy subjekte serbe –Partia e Serbëve Kosovarë (Partija Kosovskih Srba-PKS) dhe Iniciativa Qetetare Aktive (Aktivna Građanska Inicijativa-AGI).

Nga komunitetet tjera pakicë, njëri koalicion i ka katër e tjetri dy subjekte politike.

Subjektet tjera të pakicave kosovare garojnë

të vetme.

Kosova mban zgjedhje të parakohshme parlamentare pas mocionit të mosbesimit – rrëzimit të qeverisë me vota të bashkuara edhe nga partia më e madhe e maxhorancës me opozitën dhe vetëshpërndarjes së Kuvendit në 10 maj 2017.

Në Kosovë, zgjedhjet e parakohshme parlamentare të 11 qershorit 2017 do jenë të gjashtat në liri, të tretat në pavarësi, ndërsa zhvillohen tre vjet pas zgjedhjeve të kaluara të 8 qershorit 2014, që ishin poashtu të parakohshme pas vetëshpërndarjes së Kuvendit.

Në Kosovën e lirë nga qershori 1999, të parat zgjedhje parlamentare u mbajtën në 17 nëntor 2001.

Legjislatura e tretë ishte ajo që ka hyrë në histori me shpallen e Pavarësisë së Kosovës në 17 shkurt 2008.

Pas zgjedhjeve të parakohshme parlamentare në këtë pranverë, Kosova këtë vit, në vjeshtë, mban edhe zgjedhje lokale, në afat të rregullt, katër vjet pas zhvillimit të tyre në 3 nëntorin 2013.

6 June 2017

Statement by the Embassies of France, Germany, Italy, the United Kingdom, and the United States

Over the past few days, including today, we have received a number of deeply concerning reports of efforts to influence the results of the election in Kosovo through threats and intimidation. In particular, there appears to be an attempt to intimidate and coerce members of the Kosovo-Serb community to vote in a particular way. Such actions are completely unacceptable. We call upon all those engaged to desist, and urge the Kosovo authorities and police to investigate fully.

All Kosovo citizens must be able to cast their votes according to their conscience and free from intimidation, interference, and fear. These elections are an opportunity for the citizens of Kosovo to choose their own representatives. Only the citizens of Kosovo have this power, and this responsibility. As members of the international community, we will work with whomever you elect.

Statement by the Heads of EU Office in Kosovo/EUSR, EULEX and EU Missions in Kosovo

The Heads of the EU Office in Kosovo/EU Special Representative, the EULEX and the EU Missions in Kosovo welcome the statement issued yesterday by the Chief Observer of the EU Election Observation Mission, Mr Alojz Peterle.

In addition, the Heads of the EU Office in Kosovo/EU Special Representative, the EULEX and the EU Missions in Kosovo express concern over reported incidents of intimidation and pressure, such as those witnessed over the past days in the north and elsewhere in Kosovo. We reiterate the need for all political actors to refrain from practices that run contrary to democratic principles and strictly abide by the law.

For us, Kosovo’s right to choose its own leaders, without fear or interference, is a sacred principle. Anything less than that is not the democracy that people in Kosovo expect and deserve.

TË RINJËT TANË SHFRYTËZOHEN SI SKLLEVËR NGA PARTIT POLITIKE

June 6, 2017 by dgreca

Politizimi i të rinjëve në Evropë konsiderohet si çmenduri dhe marrëzi nga shoqëria./

Nga Ramadan Bozhlani/

Fatkeqësia përgjatë kësaj fushate elektorale qëndron në tendencën për t’i joshur dhe rrëmbyer mendjet e të rinjëve e në veçanti të nxënësave të shkollave të mesme.

Beteja për t’i mbjellur bindjet politike tek këta të rinjë me ndihmën e profesorëve të politizuar tregon qartazi synimet e partive politike për t’i errësuar këto mendje të hapura vetëm për hir të votave.

Krekosja e partive ose personave politik para kamerave ose me fotografi përmes deklaratave entuziaste, që na u bashkangjitën edhe një numër i madh i të rinjëve, tregon parasegjithash mjerimin dhe poshtrimin e tyre politik.

Çfarë ju duhen të rinjët partive politike?

Ata ju duhen për t’i tundur flamujt e partive politike, për t’i mbushur qytetet dhe fshatrat me postera, për t’i mbushur sheshet dhe sallat kur mban fjalime lideri i tyre si dhe për t’i brohoritur dhe duartrokitur ata.

Dëmëthënë këta të rinjë pushtohen për t’i shfrytëzuar, skllavëruar dhe mbas zgjedhjeve për t’i shpërfillur duke i lënë të bredhin rrugëve.

Këta të rinjë janë preh e lehtë e partive politike, sepse janë të pavetëdijshëm dhe manipulohen kollajshëm nga gjuhët e tyre të magjishme.

Në momentin kur joshën dhe aderojnë në një parti, ata automatikisht njerëzit e partive të tjera politike i konsiderojnë si armiqë, sepse në këtë mënyrë edukohen nga partia e tyre.

Që do të thotë politizimi i tyre i bënë të kenë më shumë kundërshtarë se sa miqë. Kjo pozitë e pafavorshme në këtë moshë i çrregullon emocionalisht, psikologjikisht dhe i kulturon nën ndikimin e urrejtjes.

Pastaj këta të rinjë përdorën për t’ju bërë presion familjeve të tyre duke ua kërkuar votën për partinë, për të cilën punojnë pa kursyer dhe pa kurrfar shpërblimi. Në këto raste shpeshëherë krijohen konflikte dhe polemika në mes familjarëve, sepse prindërit i shohin si të shfrytëzuar fëmijët e tyre. Dhe e gjithë kjo çrregullon familjet vetëm për hir të votës.

Kurse kryefatkeqësia shfaqet kur këta të rinjë shkëputën nga angazhimet mësimore, sportive dhe shoqërore duke ua kushtuar kohën partive politike.

T’i bëshë të rinjët të shkëputën nga shkolla dhe fakulteti për hir të zgjerimit të antarëve të partisë, dhe mbas zgjedhjeve t’i trajtosh si të panevojshëm është një krim që janë të afta ta bëjnë vetëm partitë tona.

Kjo analiz logjike tregon thjeshtësisht pasojat e rënda që shkaktohen nga okupimi i të rinjëve nga partitë politike.

Prandaj, të rinjët tanë duhet të çlirohen nga ndikimet politike për të përparuar në fushat e dijës dhe për të kontribuar në depolitizimin, paqësimin, emancipimin, humanizimin dhe solidarizimin e shoqërisë sonë.

Politizimi i të rinjëve në Evropë konsiderohet si çmenduri dhe marrëzi nga shoqëria.

Prandaj apel për depolitizimin e të rinjëve dhe pro arsimimit, aktiviteteve kulturore, sportive dhe shoqatave të pavarura.

Heronjët shqiptarë të Londrës

June 5, 2017 by dgreca

London Bridge Hero, protects customers from attack. {“Huffington Post”}.

1 Londer

Katër ish-ushtarakët shqiptarë heronj në Londër, shpëtuan 130 jetë!/

Katër shqiptarë janë në mesin e 15 personave që po konsiderohen heronj në Londër pasi kanë arritur të shpëtojnë jetën e qindra personave që ishin klientë në lokalin ku ata punojnë, gjatë sulmit terrorist që tronditi në Londrën.Mark Stembridge, pronari i restorantit, ka rrëfyer për “Huffington Post” se stafi i tij ka ndihmuar njerëzit që të hynin në ambientet e brendshme të lokalit, duke i shpëtuar nga tragjedia.Klientët po darkonin në tarracën e lokalit, por punonjësit kanë ruajtur qetësinë duke i ofruar atyre ndihmë dhe duke i strehuar në vend të sigurt. Stafi i ka mbajtur klientët të mbyllur brenda ambienteve të restorantit, deri në mbërritjen e policisë.Stafi i mbrojti klientët mbi tarracë pasi kishin parë tre burra me thika në duar që i ishin drejtuar restorantit.Pronari i shprehet mjaft mirënjohës stafit të tij, mes të cilëve ishin katër emigrantët shqiptarë.Mark Stembridge, pronari 54 vjeçar rrëfen se shqiptarët kanë qenë më parë në ushtri, dhe ndaj ditën ta përballojnë shumë mirë një situatë të tillë. “Ishte e frikshme, askush nuk e dinte se çfarë po ndodhte. Tre djem aziatikë zbritën drejt kafenesë duke bërtitur. Ata kishin dalë nga furgoni dhe po vinin me shpejtësi drejt nesh. Ne kishim rreth 130 njerëz jashtë në tarracë. Stafi i mbrojti të gjithë klientët dhe të tre djemtë u tërhoqën. Pastaj ata shkuan drejt Borough Bistro ku dëgjova disa njerëz që ulërinin. Stafi im është i madh dhe reaguan shumë shpejt. Nëse nuk do të ishte për ta, klientët mund të kishin humbur jetën”, shtoi ai. Tre terroristë i morën jetën 7 personave dhe lanë 48 persona të tjerë të plagosur, 21 prej të cilëve janë në gjendje të rëndë shëndetësore. Tre terroristët u vranë nga autoritetet britanik me breshëri armësh menjëherë pas sulmit, përgjegjësinë e të cilit e ka marrë ISIS.