Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Zgjedhjet parlamentare evropiane dhe ekstremizmi i djathtë

by

Nisur nga një hulumtim i bërë nga gazeta suedeze “Svenskadagbladet” dhe Fondacioni Exspo, në zgjedhjet për parlamentin evropian që do të mbahen me 25 maj, pra edhe dy javë të plota, partitë ekstremiste do të marrin mandate më shumë se asnjëherë më parë/
Nga XHAVIT ÇITAKU/
Partitë e krahut të majtë dhe të ekstremit të djathtë janë duke u zhvilluar si një forcë që në të ardhmen duhet të llogaritet në to. Sipas një hulumtimi të bërë nga gazeta autoritative suedeze “ Svenskadagbladet” dhe Fondacioni Exspo në zgjedhjet parlamentare të BE-së që do të mbahen kah fundi i këtij muaji, shihet se këta dy krah do të fitojnë mandate më shumë se asnjëherë më parë. Zaten, një sukses i tyre në rrugën e depërtimit të vendosjes së parlamentarizmit evropian shtrojnë edhe pyetjet: Kush janë ata? Çfarë kërkojnë ata? Cili është suksesi i tyre.
Pikërisht këto pyetje dhe shumë çështje të tjera që lidhen më këtë problematikë kishin shtyrë këtë medium dhe këtë Fondacion që t’i rrekën kësaj çështjeje apo më mirë me thënë këtij realiteti të hidhur, në mënyrë që të kuptohet më shumë ky fenomen politik shumë i diskutueshëm në kohën e sotme. Në faqen e hapur posaçërisht për këtë fenomen të përgatitur nga Exspo, përfshihet një përmbledhje e plotë dhe unike të të gjithë krahut të majtë dhe të krahut të djathtë populist si kandidatë për Parlamentin Europian. Në këtë faqe paraqitën të dhënat e rezultateve të zgjedhjeve në njëzet vjetët e fundit në mënyrë që të tregohet imazhi i populizmit të djathtë në BE dhe ekstremizmit të krahut të djathtë si një fenomen unifikues me gjithë kompleksitetin e saj të natyrshëm.
Partitë populiste të djathta janë ato që kombinojnë; ruajtjen e hegjemonitetit kulturor dhe etnik; Auktoritarizmi”- besimi në një shoqëri të organizuar në mënyrë rigoroze duke kërkuar ligjin dhe rendin për realizimin e synimeve të tyre; partitë që pohojnë se përfaqësojnë një popull të shtypur kundër një elite multikulturale. Këso partish sot veprojnë në disa shtete si për shembull “ Demokratët suedez”, Partia Popullore Daneze, Partia e Vërtetë Finlandeze, “ Definicioni politik shkencor CAS MUDDES i Holandës etj.
Përtej këtyre partive gjendet partia e krahut të djathtë ekstrem NPD- ja gjermane. Ata që përbëjnë këtë formacion politik janë palë të lidhura në shkallë të ndryshme me traditat fashiste të mendimit dhe të simbolizimit.
Fjala ekstremizëm është fjalë e hapur. E djathta në të këtë kontekst nuk thotë asgjë lidhur me politikat ekonomike të partive, të cilat në të shumtën e rasteve janë të orientuara në të majtë, por në vend të kësaj vizioni i tyre i vazhdueshëm synon ultra- konservatizmin e demokracisë, lirisë, respektimin e minoriteteve dhe idenë e barazisë njerëzore. Programi i këtyre partive ndryshon në shumë pika. Mirëpo, gjatë veprimtarisë së tyre ato përkujtojnë njëra- tjetrën. Ata të gjithë së bashku përfaqësojnë një forcë politike, që në shumicën e rasteve janë kundër projekteve të BE-së, i cili dëshiron për të kufizuar emigracionin në Europë nga shtetet tjera jashtë këtij unioni dhe shumë herë duke folur për të njëjtin problem me të njëjtin lloj të retorikës. Ata shkojnë në zgjedhje me një ëndërr të një Europe krejtësisht të ndryshme nga ajo siç BE është munduar të krijohet kësisoj çfarë është sot.
Mos do të jetë kjo një ëndërr e një fundi të Europës?

Kryerepublikani Mediu në Uashington

by

Kryetar i Partisë Republikane, Fatmir Mediu, ndodhet për një vizitë zyrtare në ShBA, ku po zhvillon takime në Kongres me senatorë dhe kongresmene. Gjatë vizitës në SHBA, Mediu u takua me senatoret James Inhofe dhe Roy Blunt, kongresmenin Robert Aderholt, zv/ president i Asamblese Parlamentare të OSBE dhe bashkëkryetar i Grupit për Shqipërinë në Kongresin e SHBA-ve.
Mediu falenderoi senatorët dhe kongresmenët për mbështetjen që SHBA dhe ata personalisht i kanë dhënë Shqipërisë për anëtarësimin në NATO dhe njëkohësisht për demokratizimin dhe rrugën europiane të Shqipërisë.
Njëkohësisht, Mediu vuri në dukje se mbas zgjedhjeve të qershorit fatkeqësisht, qeveria socialiste dhe LSI, në mënyrë konsistente janë përpjekur dhe po përpiqen të uzurpojnë Institucionet Kushtetuese dhe t’i përdorin ato politikisht.
“Gjykata Kushtetuese ka marrë vendime të njëpasnjëshme kundër vendimeve të mazhorancës, të cilat kanë qenë tërësisht antiligjore dhe antikushtetuese”, ka pohuar Mediu.
“Çështjet e sigurisë, janë të një rëndësie parësore për të dy vendet si anëtare të NATO, por dhe në kuadër të luftës kundër terrorizmit dhe krimit të organizuar. Politizimi i Institucioneve, prishja e parimeve kushtetuese të Check and Balance, krijon probleme të pakthyeshme në garantimin e sigurisë dhe ruajtjen e rendit publik”, theksoi ai.
Gjithashtu, Mediu është shprehur se “opozita mbështet pa mëdyshje rrugën europiane dhe marrjen e statutit të vendit kandidat, por dhe kërkon njëkohësisht nga qeveria të ndale veprimet antikushtetuese dhe antiligjore”
“Ne do kryejmë detyrimet tona si opozitë për të garantuar transparencën në përputhje me autoritetin që na jep Kushtetuta në parlament”, është shprehur Mediu.

VOTATA NUK BLIHEN VETEM NE SHQIPERI

by

Prokuroria rumune akuzon deputetin për blerje votash me pula!/
Prokuroria Antikorrupsion e Rumanisë kërkoi sot arrestimin e një deputeti të opozitës, të krahut të djathtë, nën akuzën për përpjekje të blerjes së votave me 70 ton pula.
“Gjatë vitit 2012, Florin Popescu përdori influencën e tij si president i një filiali të degës së një partie politike për t’i kërkuar drejtorit të një shoqërie tregtare 60 deri në 70 ton pula me vlerë rreth 90 mijë euro për t’ia shpërndarë qytetarëve për qëllime elektorale”, saktësoi prokuroria në një komunikatë.
“Më akuzojnë se kam kërkuar produkte ushqimore, por nuk ishte drogë”, u shpreh Popescu, cituar nga agjencia e lajmeve “Mediafax”, në dalje të seancës dëgjimore.
Prokurorët kërkuan arrestimin e tij, por ky akt do të ndodhë nëse deputetët bien dakort t’i heqin imunitetin.
Gjykata rumune ka ndërmarrë prej disa vitesh një luftë kundër korrupsionit në nivele të larta, natyrisht atyre politike. Shumë zyrtarë të lartë mes së cilëve edhe ish-kryeministri Adrian Nastase vuajnë aktualisht dënime me burg pasi janë cilësuar fajtor për çështje korrupsioni.
Komisioni Evropian e ka vendosur Rumaninë dhe Bullgarinë nën mbikëqyrje me synim që të forcojnë luftën kundër këtij fenomeni.(Ne foto: Deputeti Popescu)

Paloka: Mosdhënia e konsensuesit nga maxhoranca do të ketë pasoja

by

Nga Ilir Vata/-Kryetari i Grupit Parlamentarë të PD-së, Edi Paloka, pas konferencës së Kryetarve të grupeve parlamentarë, që ishte mbledhur për të diskutuar për ndryshimet e projekt-vendimit për funksionimin e komisionit të posaçëm për reformën administrativo-territoriale, deklaroi se opozita nuk ka interes të bllokojë reformën, por është maxhoranca ajo që kërkon ta bllokojë.
Paloka, tha se “maxhoranca kërkon të ndjekë aventurën e saj duke bërë një reformë pa konsensues, vetëm, pa opozitën”.
Kjo sipas tij, do të ketë pasoja, jo vetëm për politikën por dhe për vendin.
Gjithashtu, Paloka tha se “Partia Socialiste, nuk ka kërkuar konsensues, dhe me gojën e kryetarit Rama, u tha qartazi në Parlament se nuk mund ti japim konsensues në parlament opozitës, pasi kemi frikë se ajo do të bllokojë, që është eksperiencë e tij në opozitë dhe jo e opozitës sot”.
“Ne kemi theksuar, tha Paloka, se “duhet të bëhet një reformë e gjërësishme, përsa i përket reformës administrative-territoriale, shoqëruar me reformën zgjedhore, sepse nuk mund të ndahen nga njëra tjetra”.
“Ne nuk kemi interes të bllokojmë thjeshtë të bëhet sa më mire kjo reformë”, përfundoi Paloka

Mazhoranca ndryshon përbërjen e komisionit për reformën territoriale

by

Nga Anila Struga/- Konferenca e kryetarëve vendosi të martën me votat e maxhorancës që të ndryshojë numrin e anëtarësisë së komisionit të posaçëm për reformën administrativo-territoriale, si dhe të shtyjë me dy muaj të tjerë mandatin e punës së tij.
Mbledhja e sotme diskutoi rreth kërkesës së maxhorancës për ndryshim të projektvendimit për funksionimin e këtij komisioni, i bllokuar prej tre muajsh nga bojkoi i opozitës. Me ndryshimin sot te pr/vendimit maxhoranca siguron kuorumin në komision, i parashikuar të funksiononte në mënyrë bipartizane, duke e çuar në 9 numrin e anëtarëve të shumicës, kundrejt 8 të atyre të opozitës.
Ky vendim u bë i ditur për gazetarët nga ministri për Marrëdhëniet me Parlamentin, Ilirjan Celibashi. Sipas tij, maxhoranca ishte e detyruar ta kërkonte këtë ndryshim, me qëllim fillimin nga puna te komisionit, nga pikpamja teknike.
Kjo, tha Celibashi, nuk e përjashton mundësinë që në momentin kur opozita vjen në komision ajo të bëhet pjesë e këtij procesi dhe ne të jemi në një mendje për këtë çështje, sikurse kemi qënë në momentin e parë.
Duke reaguar ndaj kundërshtive të opozites, Celibashi tha se megjithë rezervat që PD mund të ketë për këtë reformë, nuk është ky rasti për të mbajtur qëndrim politik ndaj një procesi që ne e kemi konsideruar vazhdimisht thjesht teknik.
“Refoma territoriale është një çështje e karakterit teknik dhe jam i sigurtë që me kalimin e kohës dhe opozita do të bëhet pjesë e këtij bashkëpunimi dhe e këtij procesi”, theksoi ministri.