Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

BISEDIME TË NIVELIT TË LARTË TË KFOR-it NË SHQIPËRI

by

Nga Behlul JASHARI/ Prishtinë, 12 nëntor 2015/ Komandanti i KFOR, Gjenerali Guglielmo Luigi Miglietta, ka zhvilluar bisedime të nivelit të lartë në me zëvendësministrin e Punëve të Brendshme, Ilirjan Mustafaraj dhe shefin e Shtabit të Përgjithshëm të Ushtrisë, Gjeneral Major Jeronim Bazo.
Gjenerali Miglietta dhe Gjenerali Bazo diskutuan për zhvillimet e fundit në situatën aktuale të sigurisë në Kosovë. KFOR-i, si reagues i tretë në ruajtjen e një mjedisi të qetë dhe sigurtë dhe lirisë së lëvizjes në Kosovë, vazhdon t’i përmbushë plotësisht detyrat e veta në bazë të mandatit të KFOR-it, duke nxitur të gjitha aktivitetet për zbatimin e procesit të stabilizimit në rajon.
Ata gjithashtu theksuan shqetësimet në lidhje me fluksin e migrantëve në të gjithë rajonin e Ballkanit dhe nevojën për të arritur një zgjidhje gjithëpërfshirëse, humanitare dhe politike përmes përfshirjes së të gjithë aktorëve ndërkombëtarë, bën të ditur KFOR në njoftimin e sapodërguar sot.
Gjenerali Miglietta shprehu vlerësimin e tij për profesionalizmin e ushtarëve shqiptarë të pozicionuar kryesisht si anëtarë të stafit të SHP të KFOR-it.
Gjenerali Miglietta pastaj pati mundësinë për ta takuar zëvendësministrin e Punëve të Brendshme, Mustafaraj, me të cilin ka diskutuar për kërcënimet e përgjithshme nga luftëtarët e huaj. Ata u pajtuan për rëndësinë e madhe në vazhdimin e dialogut dhe bashkëpunimit me të gjitha palët e interesuara në Ballkanin Perëndimor.
Këto takime janë pjesë e bisedimeve të nivelit të lartë në kuadër të axhendës së Komandantit të KFOR-it që ka për qëllim rritjen e dialogut dhe mirëkuptimit të ndërsjellë ushtarak ndërmjet shteteve që kufizohen me Kosovën.

KFOR HIGH-LEVEL TALKS IN ALBANIA
Pristina, 12 November 2015. KFOR Commander, General Guglielmo Luigi Miglietta, held today high-level talks in Albania ëith the Deputy Minister of Interior, Mr Ilirjan Mustafaraj and the Chief of General Staff of the Army, Major General Jeronim Bazo.
General Miglietta and General Bazo discussed the latest development in the current security situation in Kosovo. KFOR, as a third responder in maintaining a Safe and Secure Environment and Freedom of Movement in Kosovo, continues to fully accomplish its tasks, according to the KFOR mandate, fostering all the activities for the implementation of the stabilization process in the region.
They also emphasized the concern of migrants’ floë throughout the Balkan area and the necessity to reach a comprehensive, humanitarian and political solution through the involvement of all the international stakeholders.
General Miglietta expressed his appreciation for the professionalism of the Albanian soldiers deployed mainly as members of KFOR HQ staff.
General Miglietta then had the opportunity to meet the Deputy Minister of Interior, Mr Mustafaraj ëith ëhom he discussed the overall foreign fighters’ threats. They agreed on the importance in continuing dialogue and cooperation ëith all the stakeholders in Ëestern Balkans.
These meetings are part of the high-level talks ëithin COMKFOR agenda aimed to increase dialogue and mutual military understanding among the countries bordering on Kosovo.

Kosova drejt Fondit të Ballkanit Perëndimor

by

-Fondi do të ketë organet e veta drejtuese dhe selia e tij do të jetë në Tiranë-/
Nga Behlul Jashari/ PRISHTINË, 12 Nëntor 2015/ Qeveria e Kosovës miratoi sot nismën për nënshkrimin e Marrëveshjes për Themelimin e Fondit të Ballkanit Perëndimor.
“Nënshkrues të kësaj marrëveshjeje do të jenë Shqipëria, Bosnja dhe Hercegovina, Kosova, Maqedonia Mali i Zi dhe Serbia. Fondi do të ketë organet e veta drejtuese dhe selia e tij do të jetë në Tiranë”, u theksua në mbledhjen e qeverisë kosovare.
U bë e ditur se, Fondi synon të forcojë bashkëpunimin e vendeve nënshkruese dhe integrimin e tyre në Bashkimin Evropian.
Qeveria e Republikës së Kosovës, e drejtuar nga kryeministri Isa Mustafa, ka zhvilluar mbledhjen e 58-të të rregullt, në të cilën ka miratuar amendamentet për ndryshimin e Kushtetutës së Republikës së Kosovës dhe Koncept Dokumentin për Kryeqytetin e Republikës së Kosovës.
Kryeministri Mustafa, njoftoi kabinetin qeveritar për pranimin e Raportit të Progresit nga shefi i Zyrës së Bashkimit Evropian.
“Është një raport i rëndësishëm, i cili në mënyrë mjaft reale prezanton situatën në Kosovë, në rend të parë progresin të cilin e kemi bërë në shumë fusha, sidomos me nënshkrimin e Marrëveshjes për Stabilizim Asociim”, tha ai.
Natyrisht, vijoi kryeministri Mustafa, na mbetet që të punojmë në çështje të tjera që janë adresuar në Raportin e Progresit. “Janë çështje të cilat janë adresuar se jemi në fazën fillestare të marrjes me to”, shtoi ai.
Ne, tha Mustafa, do të lexojmë çdo pikë dhe çdo kapitull të këtij raporti, dhe do të marrim masa në sendërtimin e tyre, në mënyrë që progresi ynë në vitin e ardhshëm të jetë më i mirë.

Kosova,drejt liberalizimit të vizave

by

-Kryeministri Mustafa: Fryma e Raportit të Progresit 2015, lajmëtare e procesit integrues/
-Përfaqësues special i BE-së, Samuel Zhbogar, ka dorëzuar Raportin e Progresit për Kosovën për vitin 2015/
Prishtinë, 11 nëntor 2015/ Kryeministri i Republikës së Kosovës, Isa Mustafa, ka pritur sot në takim shefin e Zyrës së BE-së në Kosovë/përfaqësues special i BE-së, Samuel Zhbogar, i cili i ka dorëzuar Raportin e Progresit për Kosovën për vitin 2015.
Kryeministri Mustafa ka falënderuar zyrtarët e Bashkimit Evropian dhe shtetet anëtare për qasjen konstruktive në raport me Kosovën, duke theksuar se fryma e Raportit të Progresit për Kosovën është lajmëtare e intensifikimit të procesit të integrimit të Kosovës në BE.
Për kryeministrin Mustafa, Raporti i Progresit të Komisionit Evropian për Kosovën, i cili këtë vit vjen pas Nënshkrimit të Marrëveshjes së Stabilizim-Asociimit (MSA), është paralajmërues se brenda një periudhe shumë të shkurtër Kosovës dhe qytetarëve të saj do t’u mundësohet lëvizja e lirë në zonën Schengen nëpërmjet liberalizimit të vizave.
Kryeministri Mustafa ka theksuar se këto dy procese tashmë kanë konsoliduar dhe formësuar fuqimisht axhendën evropiane të Kosovës.
“Qeveria e Republikës së Kosovës, si dhe institucionet tjera të shtetit tonë, jam i bindur se do ta lexojnë me kujdes përmbajtjen e Raportit të Progresit për Kosovën për vitin 2015. Si kryeministër, garantoj se çdo germë e këtij raporti do të lexohet drejt dhe me vëmendjen e duhur. Ne kemi punuar për të pasur një Raport të mirë të Progresit të Komisionit Evropian për Kosovën. Koalicioni qeverisës ka funksionuar në mënyrën më të mirë dhe kjo edhe në të ardhmen ofron siguri se do të implementojmë të gjitha rekomandimet e BE-së. Por, natyrisht e dimë që na mbetet ende punë për të kryer reformat e përafrimit me standardet e BE-së”, ka theksuar kryeministri Mustafa.
Kryeministri Mustafa, poashtu, tha se Kosova do të fokusohet në përmbushjen e obligimeve të veta për reformë në sundimin e ligjit, duke ndërmarrë hapa konkretë në luftën kundër krimit të organizuar e korrupsionit, në reformën ekonomike dhe në reformën e administratës publike.
“Këto shtylla do të jenë prioritet i qeverisë që unë drejtoj. Natyrisht, qeveria pret bashkëpunim nga institucionet tjera, institucionet e pavarura dhe sidomos nga opozita, e cila ka rolin e vet të rëndësishëm në procesin e përmbushjes së reformave që i mundësojnë vendit integrimet evropiane”, ka theksuar Mustafa./b.j/

Kosovë-Vizia të pelegrinëve serbë në Kishën e qytetit të Gjakovës

by

-Qeveria përshëndet përfundimin pa asnjë incident të vizitave të pelegrinëve serbë/
PRISHTINË, 7 Nëntor 2015/ Qeveria e Republikës së Kosovës përshëndet përfundimin pa asnjë incident të vizitave të pelegrinëve serbë në Kishën e qytetit të Gjakovës dhe në kisha, manastire dhe varreza nëpër disa qytete të tjera të Kosovës.
Qeveria e Kosovës çmon lartë sjelljen e qytetarëve dhe të pelegrinëve gjatë këtyre vizitave si dhe përkushtimin e kryetares së Komunës së Gjakovës dhe autoriteteve lokale të Pejës, Deçanit, Suharekës, Prishtinës, Mitrovicës dhe komunave të tjera, ku kanë qëndruar pelegrinët serbë, si dhe Policinë e Kosovës, për profesionalizmin e dëshmuar.
Qeveria e Republikës së Kosovës vlerëson se kjo është dëshmia më e mirë reale e bashkëjetesës dhe tolerancës tradicionale që karakterizon qytetarët e Kosovës, të të gjitha etnive dhe besimeve fetare.
Deklarata thkson se, “Republika e Kosovës dhe qytetarët e saj, janë të përkushtuar për të respektuar të gjitha vlerat demokratike evropiane, për të qenë pjesë e botës demokratike dhe e të gjitha organizatave ndërkombëtare që kanë të bëjnë me trashëgiminë, kulturën, arsimin e shkencën dhe avancimin e marrëdhënieve dhe bashkëpunimit të gjithanshëm ndërmjet kombeve në botë”.
Me këtë rast, qeveria e Kosovës vlerëson se pranimi i Kosovës në Organizatën e Kombeve të Bashkuara për Arsim, Shkencë dhe Kulturë (UNESCO), ditën e hënë, do të ishte një hap i rëndësishëm për fuqizimin e këtyre vlerave. “Republika e Kosovës e meriton dhe është e gatshme të jetë anëtare e denjë e UNESCO-s, pasi që ndan dhe beson në vlera të njëjta me misionin e kësaj organizate”, thekson deklarata e qeverisë kosovare./b.j/ Foto: Kortezi Zeri

Kosova lobim për UNESCO, votimi të hënën

by

-Te një nga fotot e postuara nga Parisi Thaçi ka shkruar: “Nën-Sekretari Blinken i Departamentit të Shtetit i cili sot foli për Kosovën afirmativisht. SHBA me mish e me shpirt po ndihmojnë anëtarësimin dhe po kundershtojnë propagandën anti-kosovare që po politizon anëtarësimin tonë”/
PRISHTINË, 6 Nëntor 2015-B.Jashari/Kryeministri e ministri i Jashtëm kosovar, Hashim Thaçi bën të ditur se votimi për Kosovën në UNESCO do bëhet të hënen.
“Edhe një fitore e vogël por e rëndësishme procedurale sot në UNESCO. Tentativa serbe që votimi të shtyhet me 13 nëntor, kur edhe shumë shtete e lëshojnë Parisin, nuk pati sukses. Votimi u konfirmua për të hënën”, ka shkruar shefi i diplomacisë kosovare gjatw ditws sw sotme në ‘Facebook’.
Thaçi pak më parë ka shkruar poashtu: “Edhe një ditë e ngjeshur, duke u koordinuar dhe lobuar për anëtarësimin tonë në UNESCO. U takuam me dhjetëra delegacione nga mbarë bota dhe morëm shumë konfirmime për votim pozitiv në ditën vendimtare të Asamblesë së Përgjithshme të UNESCO-s.
Falënderoj edhe ish-presidentin Pacolli, i cili është bërë pjesë aktive e fushatës sonë lobuese ‪#‎KosovoinUNESCO”.
Te një nga fotot e postuara nga Parisi Thaçi ka shkruar: “Nën-Sekretari Blinken i Departamentit të Shtetit i cili sot foli për Kosovën afirmativisht. SHBA me mish e me shpirt po ndihmojnë anëtarësimin dhe po kundershtojnë propagandën anti-kosovare që po politizon anëtarësimin tonë”.
Në 21 tetor 2015, nga Parisi, MPJ kosovare, në njoftimin e dërguar theksonte se, në selinë e Organizatës së Kombeve të Bashkuara për Arsimin, Shkencën dhe Kulturën (UNESCO), Bordi Ekzekutiv i kësaj agjencie të specializuar të KB-së ka miratuar me 27 vota për, 14 kundër dhe 14 abstenime, propozim-rekomandimin për anëtarësimin e Kosovës në UNESCO. Bordi Ekzekutiv përbëhet nga gjithsej 58 shtete anëtare prej të cilave 32 tashmë e kanë njohur Kosovën. Shtohej se, mbetet që Asambleja e Përgjithshme e kësaj organizate, në nëntor, të votojë për anëtarësimin e Kosovës në UNESCO.