Edhe Kryeministri Rama, i ftuar nga Presidenti Obama, në Samitin kundër ISIS dhe ekstremizmit

September 22, 2015 by dgreca

Kryeministri i Shqipërisë, Edi Rama do të jetë njëri prej 12 lidervë politikë botërorë dhe i vetmi nga vendet e rajonit që do të mbajë një fjalim për përballjen e Shqipërisë me ekstremizmin/

Presidenti Barack Obama ka iniciuar mbajtjen e një Samiti me vendet e koalicionit anti-ISIS më 26 Shtator në Nju Jork, ku do t’i bëhet një bilanc arritjeve të deritanishme dhe sfidave përballë Shtetit Islamik dhe Ekstremizmit të Dhunshëm.Kryeministri i Shqipërisë, Edi Rama do të jetë njëri prej 12 lidervë politikë botërorë dhe i vetmi nga vendet e rajonit që do të mbajë një fjalim për përballjen e Shqipërisë me ekstremizmin. Kjo ftesë është një vlerësim për kontributin që ka dhënë populli dhe shteti shqiptar në luftën kundër terrorizmit dhe sigurinë e paqes kudo në botë, vecanërisht mbas ngjarjeve të shtatorit 2001. Këtë e theksoi paraprakisht dhe znj.Victoria Nuland, Nënsekretare Amerikane e Shtetit për Çështjet Evropiane, gjatë vizitës së fundit në Tiranë, më 13 Korrik 2015, duke dhënë këtë vlerësim për Shqipërinë në përpjekjet e saj kundër ekstremizimit:-“Ne patëm bisedime të mira me të gjithë spektrin politik dhe organizatat joqeveritare rreth nevojës për t’ju kundërvënë ekstremizmit dhe punës që jeni duke bërë për të adresuar këto probleme në Shqipëri dhe rajon. Ne e konsiderojmë Shqipërinë si një vend që ka ngjitur shumë shkallë, duke u bërë kështu një lider në rajon në këtë luftë dhe ne si partnerë e vlerësojmë këtë. Gjithashtu, dëshiroj të theksoj faktin se, ju keni një traditë të pasur shumë etnike bashkëpunimi gjithashtu edhe në bashkëpunimin ndërfetar. Kjo është diçka shumë e mirë të cilën mund ta ndani me vendet e rajonit. Ne dëshirojmë t’ju përgëzojmë për këtë që keni bërë”, nënvizoi Nuland.

{Sh.K}.

USAID on behalf of the American People Committed to Support Kosovo’s Development

September 21, 2015 by dgreca

U.S. Ambassador to Kosovo Greg Delawie, USAID/Kosovo Mission Director James Hope and President of the Republic of Kosovo Atifete Jahjaga today signed an amendment to the bilateral Development Objective Grant Agreement, signed between the two governments in December 2013. The document outlines the U.S. Government commitment to provide $25 million in funds to support a broad range of U.S. Agency for International Development (USAID) activities in Kosovo. The funds will be used for rule of law and governance activities, activities to increase investment and private sector employment, and programs to enhance human capital in Kosovo.

“Much as been accomplished. However, important work lies ahead to achieve our joint goals. In particular, Kosovo must intensify efforts to combat corruption so that barriers are removed to economic growth and citizen confidence in democratic institutions is enhanced, “said Ambassador Delawie. The United States Agency for International Development (USAID) provides economic and humanitarian assistance worldwide for over 50 years.

***

Qeveria e SHBA vazhdon ta ndihmojë Kosovën përmes USAID-it

PRISHTINË, 21 Shtator 2015/ Presidentja e Republikës së Kosovës, Atifete Jahjaga, Ambasadori i SHBA në Kosovë, Greg Delawie, dhe Drejtori i Agjencisë së Shteteve të Bashkuara për Zhvillim Ndërkombëtar (USAID) në Kosovë, James Hope, nënshkruan sot marrëveshjen mbi grantin e objektivave zhvillimore midis SHBA dhe Republikës së Kosovës. Dokumenti përfshin një ndihmë të Qeverisë së SHBA, në vlerë prej 25 milionë dollarë, për të mbështetur aktivitetet e USAID në Kosovë, të orientuara në tri fusha: sundimi i ligjit dhe qeverisjes, aktivitetet për rritjen e investimeve dhe punësimin në sektorin privat, si dhe programet për përmirësimin e kapitalit njerëzor në Kosovë. Presidentja e Republikës së Kosovës, Atifete Jahjaga e quajti shumë të rëndësishme përkrahjen e Qeverisë së SHBA-së nëpërmjet USAID-it, si një dëshmi për përkrahjen e vazhdueshme të SHBA për zhvillimin e Republikës së Kosovës në fushën e sundimit të ligjit dhe të ekonomisë./b.j/

GREQI – SYRIZA e Aleksis Ciprasit fiton zgjedhjet e parakohshme parlamentare

September 20, 2015 by dgreca

ATHINE, 20 shtator /– Sipas të dhënave të para zyrtare nga Ministria e Brendshme greke, SYRIZA, partia e ish-kryeministrit Aleksis Cipras fitoi sot zgjedhjet e parakohshme parlamentare.

Pas numërimit të rreth 10 për qind të votive, SYRIZA ka marre 35,35 për qind të votive, ndërkohë që konservatorët e ‘’Demokracisë së re’’ të Vangjelis Mimaraqis kanë arritur në 28,2 për qind.Në vend të tretë ndodhet ‘’Agimi i artë’’ i ekstremistëve të djathtë.Pjesëmarrja në zgjedhje është më e ulëta historike me 51,75 për qind

Greek voters go to polls for fifth election in six years

September 20, 2015 by dgreca

A month after Prime Minister Alexis Tsipras resigned, voters in Greece are going to the polls to elect a new government. Opinion polls indicate a close run contest for the fifth election in six years.

Former Prime Minister Alexis Tsipras is seeking a new mandate for reforms demanded by international creditors.
A month after Prime Minister Alexis Tsipras resigned, voters in Greece are going to ballot boxes to elect a new government. Opinion polls indicate a close run contest for the fifth election in six years.
Former Prime Minister Alexis Tsipras is looking for a fresh mandate to push through the reforms agreed under the terms of the new 86 billion euro ($97 billion) international rescue deal in July.
Voters in Greece are at the polls nationally for the third time this year, after an election in January and a referendum on the terms of the bailout deal in July.
Polls opened at 6 a.m. local time (0400 UTC) on Sunday and were due to close exactly 12 hours later. First official estimates are expected from the interior ministry after 1800 UTC.DW’s Milan Gagnon, who was in Athens as voting began, said the mood was flat.In the last polls published on Friday, Tsipras and his Syriza party were showing between 0.7 and 3.0 percentage points ahead of the conservative New Democrat party headed by Vangelis Meimarakis (above photo left).
“Do we want a Europe of austerity or one of solidarity and democracy?” Tsipras asked at a rally on Friday. He said voters would say “no to this old system of corruption, no to the enshrining of the oligarch establishment.”
It is unlikely that any single party will be able to reach the 38 percent of the vote which would allow them a parliamentary majority. Under Greek law an additional 50 seats are automatically added to the winning party’s total in the 300-member parliament. Either party would be obliged to develop a coalition in order to form a new government. There are nine parties hoping to enter parliament and the minimum requirement for parliamentary representation is 3 percent of the vote.
Whichever party wins, the main task of the government would be to enforce the measures being demanded of Athens by foreign lenders. More than 100 reforms, many with consequences for the way the public administration is run, have to be legislated in the coming weeks.
Tsipras has defended his decision to accept the terms imposed for the bailout by creditors, saying that had he refused to agree to the three-year bailout, Greece would likely have been ejected from the eurozone.
There are concerns that abstention may be high.(DW, Reuters, AFP)

Kosovë-Opozita: Peticioni, afër 34 mijë nënshkrime në dy ditë

September 20, 2015 by dgreca

-Mustafa: Çështje tjetër është se a është dashur të ndodhë Asociacioni apo jo/

-Ymeri: Qytetarët, më se të vetëdijshëm dhe të informuar/

PRISHTINË, 20 Shtator 2015/ Në Kosovë, peticioni i organizuar nga opozita, i nisur me firmat e liderëve të LVV-së, AAK-së e Nisma-s, po vazhdon të nënshkruhet sot në ditën e tretë.

“Gjatë dy ditëve të kaluara numri i nënshkrimeve ka arritur në afër 34 mijë”, bëhet e ditur nga subjekti më i madh opozitar kosovar, Lëvizja Vetëvendosje, sipas së cilës, “qindra aktivistë anekënd Kosovës janë mobilizuar për të mbledhur nënshkrimet e qytetarëve”.

Peticioni kërkon që “qeveria e Republikës së Kosovës të tërheqë menjëherë nënshkrimin nga katër marrëveshjet me Serbinë të datës 25 gusht 2015 si dhe nga marrëveshja për demarkacionin me Malin e Zi”.

Për një nga katër marrëveshjet Prishtinë-Beograd, të arritura në Bruksel, në raundin e 28-të të dialogut në nivel të lartë kryeministror, opozita kosovare shprehet me fjalën serbe “Zajednica” që në shqip do thotë “Bashkësi” dhe nënkupton Bashkësinë e komunave me shumicë serbe në Kosovë.

Opozita këtë javë ka bërë edhe një deklaratë të përbashkët kundër “bosnjëzimit të Kosovës” me marrëveshjet që ndajnë në vija etnike, të enjten edhe ka protestuar në Kuvend dhe ka bllokuar e ndërprerë seancën e parë të sesionit vjeshtor, ndërsa ka zhvilluar edhe “aksione simbolike” e paralajmëruar edhe protesta të tjera.

Deklarata ka paralajmëruar edhe se, “opozita e bashkuar është jashtëzakonisht e interesuar t’i filloj bisedimet me akterë të tjerë të shoqërisë ku si qëllim do të kishte krijimin e frontit të përbashkët politik”.

MUSTAFA: ASOCIACIONI NUK DO NDODHTE SIKUR TË MOS MBETEJ I NDARË VERIU

Asociacioni nuk do të ndodhte sikur të arrinim t’i integrojmë me kohë serbët e Kosovës dhe sikur të mos mbetej e ndarë pjesa veriore e vendit, nën ndikimin e plotë të Serbisë, shprehet sot kryeministri kosovar, Isa Mustafa, duke shtuar se tani kjo është zgjidhja që përkrahet nga miqtë tanë.

Kryeministri i Kosovës, Mustafa ka shkruar sot në ‘Facebook’:

“Sigurisht se ka shumë nga qytetarët, të cilët po nënshkruhen në peticionin e opozitës, e të cilët nuk e kanë lexuar “Marrëveshjen e Parë të Parimeve që Rregullojnë Normalizimin e Marrëdhënieve”, të dt. 19.04.2013, “Ligjin për Ratifikimin e Marrëveshjes së Parë Ndërkombëtare që Rregullon Normalizimin e Marrëdhënieve mes Republikës së Kosovës dhe Republikës së Serbisë dhe të Planit të Zbatimit për këtë Marrëveshje”, nr. 04/L-199 të dt. 27 qershor 2013, por as dokumentin: “Asociacioni/Bashkësia i Komunave me Shumicë Serbe në Kosovë-Parimet e Përgjithshme / Elementet kryesore”, nënshkruar më 25 gusht 2015 në Bruksel.

Qytetarët duhet të informohen çfarë përmbajnë këto dokumente, kush i votoi ato në Kuvendin e Republikës së Kosovës dhe kush nuk mori pjesë fare në votim, ndërkaq ishte prezent.

Unë i ftoj mediat që të publikojnë këto dokumente, në mënyrë që ato të jenë të njohura për qytetarët. Sepse është ironike, që ata që e votuan Ligjin për Ratifikimin e marrëveshjes, të kundërshtojnë marrëveshjet dhe të bashkë-organizojnë peticion e të kërkojnë nënshkrime nga qytetarët që të mos zbatohet Ligji.

Çështje tjetër është se a është dashur të ndodhë Asociacioni apo jo. Ai nuk do të ndodhte sikur të arrinim ti integrojmë me kohë serbet e Kosovës dhe sikur, me fajin tonë, por edhe të disave nga bashkësia ndërkombëtare të mos mbetet e ndarë pjesa veriore e vendit, nën ndikimin e plotë të Serbisë. Tani, kjo është zgjidhja që përkrahet nga miqtë tanë, të cilët na ndihmuan ta çlirojmë vendin, ta shpallim pavarësinë dhe ta ndërtojmë shtetin e pavarur”, perfundon kryeministri i Kosovës, Mustafa.

YMERI: MARRËVESHJET ME SERBINË JANË TË DËMSHME PËR KOSOVËN, KËTË PO E PRANOJNË TË GJITHË

Kryetari i Lëvizjes Vetëvendosje, Visar Ymeri, është shprehur se “marrëveshjet e nënshkruara në Bruksel janë të dëmshme”, se “këtë po e pranojnë të gjithë”, edhe kryeministri i Kosovës, që i ka nënshkruar.

Lideri i subjektit më të madh politik opozitar kosovar, Ymeri, në ‘Facebook’ sot ka shkruar: “Marrëveshjet e nënshkruara në Bruksel janë të dëmshme. Këtë po e pranojnë të gjithë. Paradoksalisht edhe Isa Mustafa, i cili me sjelljet e tij karshi këtyre marrëveshjeve qartazi po e dëshmon se e kupton fare mirë dëmin që ia ka sjellë vendit me këto marrëveshje. Përndryshe ç‘kuptim kanë këto bartje fajësie herë te spektri politik votues i marrëveshjes më 2013, herë te qytetarët që ai po i quan të padijshëm, e herë te bashkësia ndërkombëtare që e ka mundësuar okupimin e veriut nga Serbia. Po të kishin qenë të mira as Isa e as Hashimi me asnjë kusht nuk do të kishin lejuar që meritat për këto të ‘mira’ të shpërndahen gjithandej. Do të bënin çmos që t’i uzurponin ato siç e kanë zaptuar shtetin.

E kur një njeri me postin e kryeministrit nën vete, me vetëdije të plotë e dëmton vendin, atëherë kjo i bie që ose do të heq dorë nga posti, ose do ta drejtojë institucionin drejt heqjes dorë nga shteti. Isa po e bën të dytën. Gjithnjë me vetëdije.

Qytetarët nënshkrues të peticionit janë më se të vetëdijshëm dhe të informuar për rrugën që po ia jep Republikës dialogu në Bruksel, i materializuar në mënrrëveshje, dhe Isa Mustafa. Dhe nuk po e pranojnë këtë. Edhe këta me vetëdije të plotë po i vihen në mbrojtje Republikës, tash kur qartazi krerët institucionalë që e kanë këtë detyrë dhe obligim, janë vënë tërësisht në funksion të mbrojtjes së ‘Zajednicës’ së Serbisë në Kosovë.

Një proces i rrënimit dhe falimentimit të Republikës – pra publikes, kolektives, asaj që e kemi të përbashkët – nuk mund të jetë edhe demokratik. Ai kërkon domosdoshmërisht përjashtimin e qytetarëve. Ashtu siç po bën Isa, fillimisht duke i quajtur të padijshëm, të painformuar, thjeshtë injorantë, për t’i shpallur kështu të padenjë për të pasur zë në politik, deri në përjashtim të plotë nga vendimmarrja. Historia ka parë tepër shumë raste të tilla. Dhe secili prej tyre kanë përfunduar njëlloj – ‘kokëpalarët’ kanë fituar”, përfundon lideri i LVV-së, Ymeri./b.j/