Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Liga e Kampioneve! FK Partizani ” ASGJË NUK ËSHTË E PAMUNDUR”

by

Sot FK Partizani do te luaje ndeshjen e kthimit ne  Ligen e Kampioneve. Takimi i pare i luajtur ne Elbasan Arena  perfundoi 0-1 per ekipin e Red Bull Salzburg, qe ne takimin e sotem do te kete tete mungesa ne formacion. Ne prag te ketij takimi tekniku i FK Partizanit Adolfo Sormani dha nje koference per shtyp.

ADOLFO SORMANI: DUAM TË DHUROJMË NJË PARAQITJE POZITIVE, NË FUTBOLL ASGJË NUK ËSHTË E PAMUNDUR
Nuk dua të mendoj se sa shanse kemi për tu kualifikuar përballë Salsburg, dua të mendoj vetëm që skuadra të dhuroj të njëjtën paraqitje si në takimin e parë luajtur në “Elbasan Arena” . Më pyesni nëse kjo ndeshje është si një finale për mua !! Për mua të gjitha takimet që kam zhvilluar në karrierë janë finale , për më tëpër që kjo sfidë përballë një kundërshtari me emër si Salsburg do të jetë një mundësi e mirë për lojtarët e mi të shfaqin vlerat e tyre më të mira , pasi sigurisht të luash në një kompeticion të tillë dhe ndaj një emri të madh si Salsburg që synon grupet e Champions League do të jetë një motivim më shumë. Sigurisht ndeshja është e vështirë por në futboll asgjë nuk është e pamundur . Mendoj se në fushë asnjë skuadër nuk hyn për të humbur , gjithsesi ne do të mendojmë ti vëmë në vështirësi , shpresoj që nesër spektatorët e pranishëm të kënaqen me atë që skuadrat do të dhurojnë në fushë. Ç’mund të them për Sorianon !! Për një lojtar që shënon 30 gola në sezon tregon më së miri përformancën dhe rëndësinë që ai ka tek rezultatet e Salsburg. Kualitetet që kundërshtari ka në skuadër do të na detyrojnë të marrim masat në mbrojtje ,por kjo nuk do të thotë të mos tentojmë të shënojmë , pasi në takimin e parë treguam se shanset tona për shënim ishim të shumta .
LORENC TRASHI:
Jemi të vetëdijshëm për forcën e kundërshtarit , të mërkurën nap ret një përballje e fortë , por asgjë nuk është e pamundur . Do të dhurojmë të njëjtën paraqitje sin ë takimin e parë dhe besojmë se edhe nesër do të mund të shfaqemi të barabartë në fushë ndaj një ekipi mjaft cilëso

86 vjet KF Lushnja/ Roza Haxhiu legjenda e paarritshme e futbollit lushnjar

by

Nga Alban Kolonjari/

86 vjet më parë më 27.07.1930 u themelua Klubi i Futbollit Lushnja. Në historinë e futbollit lushnjar një nga mbiemrat që bënë histori dhe që ishte i vetmi që nxori më shumë futbollistë ishte Haxhiu, i cili do të ishte mbiemër pararojë sportiv për mjaft mbiemra të tjerë që udhëtuan nëpër dekada. Për sportin në përgjithësi dhe futbollin në veçanti kontributi i fisit Haxhiu është një buqetë lulesh në mesin e të cilës bie në sy një trëndafil –Roza Abdurrahman Haxhiu, legjenda e futbollit lushnjar dhe atij shqiptar. traktoriRoza Haxhiu lindi në qytetin e Lushnjës në lagjen “Kongresi i Lushnjës” më 30 shtator 1930. Që në fëmijëri Roza, ëndërronte të bëhej futbollist. Një ëndërr që nisi që fëmijë në fushën e blertë të vendlindjes dhe që do të përfundonte po aty në fushën e blertë europiane nga një goditje vdekjeprurëse në kokë. Talenti i tij u duk që në moshën e re në ekipin e Traktorit të Lushnjës. Roza Haxhiu ishte një futbollist i shquar shqiptar i viteve 50-60, talent i rrallë si dhe golashënues i klasit të parë me ekipin kombëtarë Shqipërinë, Lushnjen, Dinamon, Besën e Partizanin. Abdurrahman Roza Haxhiu jetoi shumë pak, rreth tri dekada e gjysmë, e thuajse gjysmën e viteve të moshës së tij ja kushtoi futbollit, sportit të zemrës. Madje, në rast se do të themi se sporti ka dëshmorët e tij,Roza është nga ata luftëtarë që me të vërtetë ra në fushën e blertë të stadiumit, i aksidentuar për vdekje nga një goditje vdekjeprurëse në kokë, e cila i ndërpreu në mes jetën që aq bukur dinte ta jetonte. Dhe kjo i ndodhi kur ai mbante veshur fanellën e kuqe të Partizanit, duke nderuar jo vetëm ngjyrat e tij, por edhe të sportit mbarëkombëtar. Kësisoj, ai është një nga dëshmorët më të spikatur të futbollit shqiptar. traktori1Në futbollin lushnjar me emrin e Roza Haxhiut lidhet një ngjarje historike e madhe rikthimi i Traktorit në Kategorinë e Parë në vitin 1960. Roza Haxhiu mori drejtimin e skuadrës lushnjare, duke luajtur edhe vetë. Pas dy finalesh me Erzenin, të fituara 3-2 e 6-2, Roza Haxhiu bën që Traktori i atëhershëm të futej për herë të parë në elitën e skuadrave të vendit. Ekuipazhi sportiv i konsoliduar nga Abdurrahman Roza Haxhiu triumfon në Kampionatin e Kategorisë së Dytë duke u shpallur kampion i tij në 1960. Futja në Kategorinë e Parë i hapi shtegun futbollit lushnjarë për tu përfaqësuar më 1960 në kampionatin kombëtarë të rezervave bashkë me: Partizanin, Dinamon, Vllazninë, Flamurtarin, Skënderbeun, Labinotin, Besën dhe Tomorrin duke zënë edhe vend nderi. Roza Haxhiu kishte dëshirë të madhe që suksesin e arritur ta vazhdonte edhe më tej. Por, goditja e Poldovit e vitit 1958, kur Partizani mori pjesë në një turne miqësor në Bullgari, ku Roza u dëmtua rëndë nuk e kishte “harruar”. traktori4Ajo madje është shndërruar në sëmundjen e përbindëshme që i kërcënonte jetën.Pas shumëpërpjekjesh burokratike, arrin të sigurojë leje-kalimi për tu operuar në Itali. Por është tepër vonë… 19 Maj i vitit 1964 rrëmben Rozën nga gjiri i familjes, shokëve, miqve, të afërmve, bashkëlojtarëve. Abdurrahman Roza Haxhiu iku si rrallëkush: ai pati fatin të ndahet nga jeta duke merituar respektin, vlerësimin dhe përjetësinë. Mijëra sportdashës lushnjar e nga rrethet e tjera, banda nga Kavaja drejtonte kortezhin. Ashtu me duart e lëshuar Xha Bami (i ati) hedh vështrimin rreth e qark. Mizëri njerëzish. Përkulet tek koka e arkivolit: -”Ah mor bir. Nuk e dija se kishe pasur kaq miq e shokë”. Roza Haxhiu ka vdekur vetëm fizikisht, ai do të mbetet i pavdekshëm në fushën e blertë shqiptare. Edhe për ta kujtuar gjithnjë këtë legjendë të futbollit lushnjar dhe atij shqiptar në tribunën e stadiumit të qytetit të lindjes në Lushnje është shkruar një emër i nderuar Abdurrahman Roza Haxhiu

Liga e Kampioneve! Red Bull Salzburg “PARTIZANI REZULTOJ NJË KOCKË E FORTË”

by

Nje penallti e diskutueshme e dhene nga gjyqtari anglez i ndeshjes Michael Oliver i shkaktoi FK Partizanit humbje 0-1 ne ndeshje e pare te turit te trete te Liges se Kamponeve. Skuadra jone Partizani zhvilloi nje ndeshje shume te mire perballe Red Bull Salzburg qe kishte ne perberje te tij futbolliste shume cilesore. Takimi ishte shume i luftuar nga te dyja skuadrat te cilat u detyruan te perfundonin takimin me nga 10 futbolliste. Partizani kishte disa mundesi per te shenuar por futbollistet e tij nuk i shfrytezuan rastet qe ju paraqiten.

FK Partizani Albania-Red Bull Salzburg Austri. 0-1
FK Partizani Albania: Hoxha – Ibrahimi, Krasniqi, Arapi, Kalari – Vila, Ramadani, Trashi (83′ Bardhi) – Ekuban, Fili (57′ Batha), Torassa.
Tranjer Adolfo Sormani.
FC Red Bull Salzburg: Walke – Schwegler, Caleta-Car, Hinteregger, Ulmer – Samassekou, Bernardo, Berisha – Lazaro (89′ Lainer), Soriano (74′ Gulbrandsen), Dabbur (55′ Laimer)
Kartona te verdhe
Schwegler (45′ foul), Samassekou (50′ foul), Berisha (84′ foul) and Ibrahimi (53′ foul)

Me dy kartona te verdhe
Samassekou (53′)

Karton i kuq
Kalari (73′)

 

Pas ndeshjes!

 

ADOLFO SORMANI: REZULTATI NUK IU PËRGJIGJ LOJËS TONË, NJË BRAVO E MADHE SHKON PËR TË GJITHË LOJTARËT
Më vjen keq për rezultatin pasi mendoj se skuadra dhuroj një paraqitje shumë pozitive. Për të vetmen gjë që ndiej keqardhje nga ky 90 minutësh është kjo humbje, pasi nuk e meritonim luajtëm të barabartë ndaj një kundërshtari, i cili ka një emër të madh, por që nuk rezultoj i tillë përballë nesh. Gjithsesi dua të përgëzoj skuadrën dhe lojtarët e mi pasi mendoj se zbatuan mjaft mirë udhëzimet që i kisha dhënë dhe meritojnë një Bravo për shpirtin e garës që treguan sonte . Kemi akoma shumë punë për të bërë , por e ritheksoj edhe një herë se pozitive është që ekipi duhet të vijoj të punoj në këtë mënyrë , pasi vetëm më punë do të vijnë edhe rezultatet. Përsa i përket episodeve nuk dua ti komentoj aspak pasi janë pjesë e lojës. Përsa i përket kualifikimit do të mendojmë përgjatë gjithë kësaj jave, por më e rëndëishmja është që ekipi të vijoj të dhuroj një tjetër paraqitje pozitive.

OSCAR GARCIA: VUAJTËM SHUMË , PARTIZANI REZULTOJ NJË KOCKË E FORTË
Ishte një takim mjaft i ngarkuar psikologjikisht. Jemi mjaft të kënaqur me këtë rezultat e dinim që ndaj Partizanit nuk do ta kishim aspak të lehtë për vetë faktin se eliminoj një ekip si Ferencvarosh. Edhe sot e tregoj se është një kundërshtar i fortë dhe nuk gjendet rastësisht në këtë fazë të kompeticionit. Në gjirin e saj kjo skuadër ka lojtar cilësor dhe ishin mjaft të organizuar duke na vënë jo pak në vështirësi. Më bën përshtypje edhe disa lojtar të rinj me perspektivë. Panvarësisht rezultatit të sotëm, në Austri ne do të bëjmë lojën tonë duke kërkuar sërisht rezultat pozitiv. Përsa i përket gjendjes së sulmuesit Sorjano , ai ka marrë një goditje të fortë gjë e cila nuk e lejoj të vazhdonte më tej ,gjithsesi tashmë në ditët në vazhdim duhet të shohim shkallën e dëmtimit

Liga e Kampioneve. FK Partizani sot perballe Red Bull Salsburg.

by

Skuadra e FK Partizanit mbylli te henen ne mbremje përgatitjet në prag të takimit ndaj  Red Bull Salsburg  Takimi Partizani – Salsburg do të luhet të  sot te martën në stadiumin ” Elbasan Arena” në orën 20:00.

Perprara ketij takimi te dy tranjeret dhane nje koference per shtyp. Me skuadren austriake luan edhe lojtari Valon Berisha qe eshte me origjine shqiptare.

KONFERENCË SHTYPI
CHAMPIONS LEAGUE RAUNDI TRETË
FK PARTIZANI – RED BULL SALSBURG

ADOLFO SORMANI:
Siç edhe po e ndiej është një optimizëm i madh, ndoshta une mund të them Shumë i madh. E konsideroj veten si një njeri mjaft të ekuilibruar. I ftoj të gjithe që shumë shpejt te kthehen me këmbë në tokë. Po flasim për një sfidë ku përballë njëri tjetrit do jenë miu me elefantin. Ju kujtoj se Salsburgu është në vendin e 48 të renditjes se Uefas. Dua tju kujtoj të githëve që presidenti yne Gazment Demi është një person ambicioz i suksesshem dhe i ekuilibruar, dhe mua më ka zgjedhur për kulturen e punës. Ne duhet të punojmë më shumë se të tjerët dhe të flasim më pak. Ne duhet të bëjmë gjithçka mirë përballë çdo kundërshtari dhe besoj kjo është filozofia që kam aplikuar tek Partizani. Eshtë krenaria që të luajmë për këtë fanelë dhe skuadrën tonë. Çdo ditë u kujtojmë lojtarëve të luajnë për skuadrën dhe me skuadrën. Nuk është aspak e habitshme që Xhika është prezent në konferencën për shtyp. Në një kohë që Alban Hoxha është në vëmendjen e të gjithëve, une dua tju kujtoj të gjithëve se e gjithë kjo arritje që ka bërë Paetizani është një sakrificë e tërë skuadrës.

DASHAMIR XHIKA : Gjendja në skuadër është tepër entuziaste . Traineri Sormani ka sjellë një frymë pozitive dhe të gjithë po stërvitemi fort për të dhuruar një tjetër paraqitje pozitive.

OSCAR GARCIA: Traineri Salsburgut
Sigurisht që kemi analizuar lojën dhe çdo lojtar të ekipit të Partizanit. Kemi parë ndeshjen e tyre me Ferencvaroshin dhe tashmë kemi krijuar një ide për lojën që zhvillon Partizani. Gjithsesi ne synohmë të martën fitoren. E përgatis ekipin gjithmonë për fitore jo per barazim. Kemi 5 mungesa në skuadër, por presim deri neser nëse arrijmë të rekuperojmë ndonjë prej Lojtarëve me probleme. Në përfundim te sezonit ishim në 70% të formës dhe tani po mundohemi të arrijm maksimumin e formës. Për ne ska rëndësi nëse luajmë jashtë ose brenda, e rëndësishme është të luajmë mirë.

VALON BERISHA: Mesfushor i Salsburg:
Nuk e njof ekipin e Partizanit. E di që do të jetë një ndeshje e forte dhe shqiptarët nuk do të tolerojnë. Nuk mendoj se prezenca ime në fushë do ta bëj më intrigues takimin, panvarësisht se unë jam shqiptar. Jemi përgatitur vetem për fitore. Jemi këtu duam të bëjmë një lojë të mirë. Ne duam të bëjmë gjithmone lojën që luajmë. Duam të luajm mirë në mbrojtjen dhe rezultati 1-0 për ne është komod. Do të jetë një ndeshje shumë e rëndësishme për ne sepse bëhet fjalë për të vazhduar në Europë ndaj duhet ta marrim shumë seriozisht këtë ndeshje. Nëse do të më jepet rasti Sigurisht do të shënoj.

 

Kosova në Rio me më shumë sportistë se 100 shtete të botës

by

-Kosova në Rio 2016, në Brazil, për herë të parë merr pjesë si shtet në lojëra olimpike dhe vëtë pjesëmarrja vlerësohet si fitorja e parë olimpike e shtetit të ri/

PRISHTINË, 22 Korrik 2016/ Në Lojërat Olimpike Rio 2016 më shumë se 100 shtete të botës kanë më pak sportistë në krahasim me Kosovën, e cila përfaqësohet me 8 garues, dy mes tyre, xhudistet Majlinda Kelmendi dhe Nora Gjakova, janë kualifikuar me normë olimpike dhe nga ato më së shumti pritet sukses.

“Norma olimpike tregon se kanë kapacitet për të fituar medalje. Ato janë në mesin e 14 më të mirave në botë. Reale janë pritshmëritë që ata që shkojnë me normë olimpike dalin me medalje. Majlinda është favorite dhe shumë shpresojmë që edhe Nora të na befasojë këndshëm”, ka thënë Besim Hasani, kryetar i Komitetit Olimpik të Kosovës mbrëmë në KTV. Sipas tij, ka gjasa të mëdha që të paktën një medalje olimpike të vijë në Kosovë.

Kosova në Rio 2016, në Brazil, për herë të parë merr pjesë si shtet në lojëra olimpike dhe vëtë pjesëmarrja vlerësohet si fitorja e parë olimpike e shtetit të ri./b.j/