Kosova feston dhe uron për Shqipërinë në Euro 2016

June 19, 2016 by dgreca

Fishekzjarret në Prishtinë shëndërisin qiellin sonte në festën e fitores së parë të Shqipërisë në kamponatin evropinan të futbollit në Feancë Euro 2016, në përballje me Rumaninë.Urojnë drejuesit e shtetit të Kosovës.

Presidenti Hashim Thaci: Bravo Kombëtares për fitoren e sotme historike në EURO 2016.

Pavarësisht se a do të kualifikohen në turin e radhës, djelmoshat kuqezi, në krye me përzgjedhësin De Biasi dhe me një tifozeri mbresëlënëse, kanë bërë një paraqitje dinjitoze në Francë.

Kryeministri Isa Mustafa: Shqipëria na bëri sërish krenarë në maksimum. Plot zemër dhe talent, lojtarët e kombëtares sonë shkëlqyen sot kundër Rumanisë.
Por, një meritë e veçantë shkon për tifozët mbresëlënës kuq e zi, të cilët ishin të jashtëzakonshëm sot në Lion.
Shpresojmë të kualifikohemi në xhirot e mëtejshme dhe të vazhdojmë të lemë mbresa pozitive te të gjithë evropianët. Urime fitoren plotësisht të merituar!

Kryeparlamentari Kadri Veseli: Loja ekipore, angazhimi vetmohues dhe përkushtimi i pashoq i djemëve të Kombëtares na solli momente të paharrueshme. Fitorja ishte e merituar. Urime, gëzuar! /

FITORE HISTORIKE-UEFA uron kombëtaren shqiptare

June 19, 2016 by dgreca

De Biasi: Merituam fitoren, skuadra dha shpirtin në fushë /

Trajneri De Biasi është shprehur shumë krenar për lojtarët e tij dhe 3 pikët që Shqipëria mori. Në një intervistë për Supersport ai tha se skuadra e meritonte fitoren ashtu siç meritonte më shumë edhe në ndeshjen me Francën dhe Zvicrën.

“Sot kemi bërë një ndeshje shumë të mirë për nga cilësia, me një skuadër që vështirë të pësojë gol. Ishim shumë të aftë të kërkonim golin. Jemi vendosur mirë në fushë. Skuadra e kërkoi gjatë gjithë ndeshjes fitoren”.

Tekniku italian foli edhe për ndërrimet që bëri në ekip për këtë ndeshje: “Kemi ndryshuar vetëm Kukelin që u skualifikua për kartona, më pas patëm një problem me Xhakën që s’ndihej mirë. Lojtarët që luajtën me Francën nuk mund t’i ndërroja pasi dhanë kontribut të madh. Të gjithë lojtarët dhanë maksimumin”.

Sipas De Biasit, fatin duhet ta kërkosh dhe jo ta presësh, dhe kjo ishte pikërisht ajo që lojtarët bënë sot në fushën e lojës ndaj Rumanisë.

Portieri Berisha: U munduam me të gjitha forcat për këtë ndeshje/

Portieri Etrit Berisha ka lavdëruar të gjithë shokët e ekipit të tij në këtë fitore historike për lojën e bërë.Ai tha se ekipi e meritonte pas 2 ndeshjesh ku rezultatet nuk kanë qenë të duhurat

“Kemi treguar lojë mjaft të mirë, dhe krijuam shumë raste të mira. Kaluan si kaluan dy ndeshjet e para dhe nuk dua t’i komentoj ato humbje. Shpresoj që këto pikë të na japin kualifikimin. Lojën e kishim nën kontroll, pasi edhe ndeshja me Francës djemtë ishin të vëmendshëm dhe të përqëndruar që deri në minutën e fundit të ruanim lojën por nuk mundëm. 5 minutat shtesë më janë dukur si 50”.

Sipas Berishës, të tre repartet e ekipit kanë qenë të vendosur shumë mirë në fushë duke mos lënë kunëdshtarin të reagojë në asnjë moment

“Në këtë ndeshje nuk patëm asnjë rrezik. Ne të tre ndeshjet i luajtëm shumë mirë. Mbrotja, mesfusha e sulmi kanë bërë një punë shumë të mirë. U munduam me të gjitha forcat në këtë ndeshje pasi ishte jetë-a-vdekje” tha Berisha.

Hysaj: Fitore fantastike, dhamë 120% nga vetja jonë/

Një prej lojtarvë kyç të kombëtares shqiptare në këto tre ndeshje ka qenë pa dyshim Elseid Hysaj.

22-vjeçari e ka cilësuar si fantastike këtë fitore ndaj Rumanisë dhe ka shprehur dëshirën e madhe për t’u kualifikuar.

“Ka qenë ndeshje fantastike. Shpresojmë që ne të vazhdojmë kështu dhe të kualifikohemi. Tani nuk varet nga ne, por do presim ç’do ndodhë me skuadrat e grupeve të tjera”.

Hysaj tha se kjo ishte një fitore krejtësisht e merituar për kombëtaren shqiptare: “Besoj se e merituam, ashtu si ndeshjet e tjera, pasi edhe specialistët kanë thënë që kemi luajtur shumë mirë. Por kësaj radhe Zoti ishte me ne”.

Mbrojtësi i Napolit tha se ai gjithnjë përpiqej të jepte maksimumin për ekipin e tij për të kënaqur tifozët dhe veten e tij.

Urimi i tifozit rumun për Shqipërinë

Ne faqen e UEFA nje prej komentuesve romunuron Shqiperine per fitoren.

Ai shkruan: “Si nje tifoz romun nuk jam i lumtur me rezultatin por ne sot luajtem kunder nje skuadre e cila luajti me zemer dhe jo me mendje. Fitorja eshte mese e merituar dhe i uroj fat ne kualifikimin e fazes se ardhshme”.

UEFA uron kombëtaren shqiptare, publikon fotot e fitores

TIRANE, 19 Qershor/ATSH/- Federata Europiane e Futbollit ka vetëm fjalë të mira për kombëtaren shqiptare, pas fitores me Rumaninë.

Në faqen në Facebook, UEFA ka uruar Shqipërinë dhe shqiptarët për fitoren e parë në këtë kompeticion dhe marrjen e tre pikëve.

UEFA është mjaftuar me vetëm një fjalë për Shqipërinë: Bravo.

Shansi i vogël i kombëtares Shqiptare për kualifikim

June 17, 2016 by dgreca

New Jork Times përllogarit se nëse Shqipëria do ta mundë Rumaninë me dy gola diferencë ajo do të përfundojë në vendin e tretë në Grupin A dhe ka 47 % të shanseve për t’u kualifkuar mes 4 ekive me të mira të vendeve të treta./

E ka dhe një shans të vogël skuadra e shqiponjave, që po shkruan histori në Francë, pavarsisht humbjeve. Pas dy ndeshjeve të para Shqipëria mban vendin e fundit në grupi A , me 0 pikë. Megjithatë formula e re e Europianit, ku kaulifikohen 16 nga 24 skuadrat pjesmarrëse i jep ende shanse megjithëse jo të mëdha kombëtares sonë për të kaluar në fazën tjetër.

E para dhe nga këtu filloj përllogaritja, duhet të fitojmë me doemos kundër Rumanisë. Gjithsesi edhe suksesi ndaj të besuarve të Jordaneskut nuk përkthehet në kualfikim, pasi duhet parë se si do të jetë gjëndja e grupeve të tjera, dhe pa diskutim golavarazhi që mund jetë vendimtare nuk na favorizon duke qënë se kemi pësuar 3 gola duke mos shënuar asnjë.

Në grupin B për momentin në vendin e 3-të ndodhet Anglia, por gjasat janë që në fund aty të përfundoi Sllovakia , skuadra e Kozhak aktualisht ka shënuar 3 gola dhe ka pësuar 3.

Në grupi C i cili ka për të zhvilluar edhe 2 raunde në pozicionin numër 3 gjendet Irlanda e Veriut , ndërsa në të 4-in Ukrainë të dyja me një golavarazh në dizaavntazh. Për momentin ndoshta është e 3-ta e këtij grupi që Shqipëria me një fitore ndaj rumanisë mund të lëër pas.

Grupi D që po ashtu ka në program edhe dy raunde të tjerë ka në pozicionet 3 dhe 4 Çekinë dhe Turqinë, me skuadrën turke që do të përballet me Spanjën, ndërsa çekët kanë njs fidë të vështirë ndaj kroatëve, duke parë nivelin e spanjollëve dhe ekipit të Cacic, ka gjasa që lufta për vendin e 3-të të zgjidhet në ndeshjen direkte mes çekëve dhe turqisë, në këtë pikë do të duhet të analizohet golavarazhi për të kuptuar se si do krahasohen kuqezinjtë me të tretën e grupit D.

Në atë që cilësohet si grupi i ferrit, grupi E, është vështirë që Shqipëria të konkurojë me vetëm 3 pikë pasi gjasat janë që Italia, Belgjika e Suedia të përfundojnë mbi këtë kuotë.

Në grupin e fundit atë F, fitorja e hungarisë e ka ndërlikuar situatën, pasi pritet që Portugalia, Islanda dhe Austria në 2 ndeshjet e ardhshme të rregistrojë rezultate pozitive, madje edhe golavarazhi përvec austrisë është në favor të tyre në krahasim me Shqipërinë.

Pra në bazë të nja përllogaritjeje paraprake nëse kombëtarja mposht Rumaninë mund të ketë shanse të kualfikohet duke qënë më mirë e vendosur me pikë dhe gola se sa e 3-ta e grupit B dhe C.

Në dy ndeshjet e zhvilluara Shqipëria nuk ka shënuar asnjë gol dhe ka pësuar 3 të tillë, 1 në ndeshjen me Zvicrën dhe 2 në ndeshjen me Francën.

Ndërsa Rumania ka humbur me Francën 1 – 0 dhe ka barazuar 1 – 1 me Zvicrën.

“Euro 2016”: Shqipëria e nis me humbje ndaj Zvicrës

June 11, 2016 by dgreca

Stadimu

Është mbyllur me rezultatin 0-1 sfida e parë e kombëtares sonë përballë Zvicrës në kampionatin Europian Francë 2016.

Goli i vetë i takimit u shënua nga Zvicra që në minutën e 5 nga futbollisti Schar.

Xhaka's Brothers Në minutën e 14’ pati një ndërhyrje të gabuar ndaj Lenjanit. Shqipëria fitoi një goditje dënimi afër zonës zvicerane ndërsa Schar u ndëshkua me karton të verdhë.

Në minutën e 15’, portieri i skuadrës sonë Berisha priti një goditje nga Seferovic. Kapiteni Cana ndëshkohet me karton të verdhë për ndërhyrje të parregullt ndaj Xhemailit në mesin e fushës.

Cana me te kuqe Armando Sadiku tentoi të shënojë gol në skuadrën kundërshtare, por nuk ia arrin.

Rodriguez i shpëton kartonit të verdhë, megjithëse kreu një ndërhyrje mjaft të rëndë ndaj Agollit. Fatmirësisht lojtari ynë ngrihet pa probleme.

cana me te kuqe

Në minutë e 36’ kapiteni i Kombëtares së Shqipërisë, Lorik Cana ndëshkohet me kartonin e dytë të verdhë. Largohet me të kuqe. Preku topin me dorë pasi kishte rrëshqitur në hyrje të zonës. Goditje dënimi për Zvicrën.

Pjesa e dytë ka nisur me 10 lojtarë për kuqezinjtë pas daljes me karton të kuq të kapitenit Lorik Cana, megjithatë loja e tyre ka pasur ritëm.

Në minutën ‘51 mundësi e mirë për Sadikun, por sërish nuk arrin sulmuesi ynë ta dërgojë topin në rrjetë. Hysaj dhuroi një pasim perfekt për Sadikun, por ishte portieri Sommer që arriti më parë te topi.

Sadiku rast Në minutën 61 Ergys Kaçe hidhet në fushën e lojës, duke zëvendësuar Taulant Xhakën.

Në minutën e 63 Ergys Kaçe ndëshkohet me të verdhë, ndali Behramin që po i drejtohej zonës sonë në një kundërsulm.

Seferoviç rrezikon seriozisht portën kuqezi në minutën e ‘65 me një goditje në fuqishme i vetëm me portierin Berisha, që ka grushtuar duke nxjerrë nga kuadrati topin.

Në minutën e ‘70 një tjetër goditje nga këndi për Shqipërinë. Sërish largojnë mbrojtësit e Zvicrës.

Në minutën e ’78 një ndërhyrje në zonë e rreptësisë ndaj Lenjanit i cili ka kërkuar penallti, gjë që nuk është pranuar nga arbitri i ndeshjes.

Minuta 82’ Armando Sadiku largohet nga fusha dhe vendin e tij e zë Gashi. Edhe 8 minuta lojë.

Në minutën e ‘87 Gashi humb një rast spektakolar vetëm për vetëm me portierin Zomet. Topi pritet nga portieri dhe përfundon në goditje nga këndi.

Shqiperia humbet nje rast ideal ne fund me Gashin…

De Biasi: Paguam emocionet e minutës së parë

Në përfundim të sfidës mes Shqipërisë dhe Zvicrës, Trajneri i Kombëtares shqiptare, Gianni De Biasi, tha se lojtarët e tij vuajtën në fillim emocionet e minutave të para, ndërkohë që vlerësoi reagimin e skuadrës kur u ndodh në disavantazh numerik. Duke folur për mediat pas humbjes 0-1 ndaj Zvicrës, italiani shprehu bindjen se kuqezinjtë mund të kishin luajtur shumë më mirë nëse do të nxirrnin në pah të gjitha cilësitë.

“Paguam shumë emocionet e minutës së parë, e herës së parë. Luajmë më mirë kur nuk kemi asgjë për të humbur. Gjëja më pozitive sot është që me 10 vetë kishim dy mundësi të arta për të shënuar gol, – tha tekniku. – Ishte një ndeshje që nuk e interpretuam mirë në fillim, por në pjesën e dytë u rritëm shumë dhe nuk duhet harruar që luajtëm me një lojtar më pak për një orë. Skuadra dha maksimumin, tentoi deri në fund dhe patëm një rast të bujshëm në minutat e fundit, por nuk patëm fat”, – deklaroi De Biasi, që ka vlerësuar gjithashtu edhe atmosferën e krijuar nga tifozët shqiptarë në stadiumin e Lensit.

“Atmosferë fantastike, më vjen keq për këta tifozë, që e kthyen në festë sot. Më vjen keq, sepse luajtëm një pjesë të dytë shumë të mirë dhe patëm edhe 3 raste të shkëlqyer gjatë ndeshjes. Humbëm raundin e parë, na mbeten edhe dy, edhe pse kemi rivalë shumë të vështirë përpara, por do të bëjmë gjithçka deri në minutën e fundit. Jemi këtu për të luajtur Europianin tonë. Është hera e parë për të gjithë dhe jam i bindur që sot mund ta kishim luajtur shumë më mirë nëse do të nxirrnim në pah të gjitha cilësitë tona”, – theksoi tekniku i përfaqësueses shqiptare, De Biasi.

“Euro 2016”, Franca thyen Rumaninë në fund

June 10, 2016 by dgreca

Ka përfunduar me fitoren e Francës sfida hapëse e “Euro 2016”. Skuadra e Deshamp fiton ndeshjen e parë duke dalë e para në Grupin A, me 3 pikë, falë një supergoli të Dimitri Peyet, dy minuta para fundit të takimit.

Ajo që nuk u realizua në pjesën e parë, u bë realitet me fillimin e pjesës së dytë. Franca nuk dëshironte të ulte vrullin përpara sportdashësve të saj dhe krijoi disa raste të pastra për shënim, por golin e avantazhit e gjeti vetëm në minutën e 58 të takimit, kur Olivier Giroud arriti të përfitonte nga një dalje jo e mirë e portierit rumun për të devijuar topin me kokë në katërkëndësh.

Megjithatë, Rumania dukej e vendosur mirë në fushë dhe nuk humbi shumë kohë, por në minutën e 64 arrin të fitojë një 11-metërsh pas rrëzimit të një lojtari në zonën e rreptësisë së francezëve, ndërsa sulmuesi Stancu e ktheu në gol mundësinë e artë. Payet ka kaluar Francën në avantazh për herë të dytë falë një supergoli.

Franca Ka përfunduar me rezultatin 0-0 pjesa e parë mes Francës dhe Rumanisë. Të dyja ekipet kanë zhvilluar një lojë të bukur duke përcjellë emocione te tifozët. Francë pati më shumë mundësi për kalimin në avantazh.

Mbrojtja më e mirë është sulmi. Një taktikë e ndjekur thuajse në mënyrë perfekte nga Rumania, një ekip që është konsideruar si jofavoriti në përballjen hapëse të Europianit pikërisht kundër Francës organizatore, e që është kritikuar shpeshherë për lojën e saj mbrojtëse.

Rasti i parë i takimit është shënuar në minutën e katërt të takimit në “Stade de France”, ku sulmuesi rumun Stancu pati rastin më të mirë për të kaluar në avantazh ballkanasit, por gjuajtja nga një distancë e afërt me portën kundërshtare e tij u bllokua nga portieri Hugo Lloris.

Megjithatë, “gjelat” e Didier Deschamps janë kundërpërgjigjur menjëherë me anë të Giroud, në minutën e 12, pas krosimit të Payet nga e majta, por sulmuesi i Arsenalit nuk arriti të mposhtte portierin rumun Tatarusanu.

Vetëm dy minuta më vonë ishte finalisti i Champions League me Atleticon e Madridit, Antoine Griezmann, ai që tronditi shtyllën për francezët me një gjuajtje me kokë, por vetëm kaq.

Plot 32 minuta lojë janë dashur, që të vinte edhe ndëshkimi i parë me karton të verdhë. Ishte pikërisht Chiriches i Rumanisë që preku një top me dorë gjatë një dyluftimi me Pogba dhe arbitri kryesor nuk fali, edhe për shkak të protestës së tij. 45 minutëshi i parë i kësaj përballjeje do të mbyllej sërish me një karton të verdhë, për Rat në radhët e Rumanisë.

1465586696126_lc_galleryImage_France_s_Antoine_Griezman 1465587357189_lc_galleryImage_France_s_Olivier_Giroud_l 1465587736484_lc_galleryImage_Football_Soccer_France_v_ 10 qershor 2016