Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

KOMBETARJA KUQ E ZI HUMBET MIQSOREN ME UKRAINEN

by

Ka qenë e pasukseshme miqësorja e fundit e djemve të De Biasit. Pjesa e parë e barabartë, por jo e tillë e dyta. Ishte vërtetë një pjesë e dytë për t’u harruar ka qenë ajo e mbrëmjes së sotme për kuqezinjtë në miqësoren ndaj Ukrainës që u luajt në Bergamo të Italisë, duke u mbyllur me rezultatin final 1-3.

Si në pjesën e  parë kuqezinjtë kanë pësuar gol pak minuta pas fillimit të pjesës së dytë, duke u gjendur sërish në disavantazh ndaj ukrainasve të cilët shënuan golin e dytë me anë të Yarmolenko në minutën e 49-të.

Ka qenë minuta e 87-të, kur Konoplyanka përfitoi nga një gabim i Agollit në mbrojtje duke shënuar edhe golin që vulosi gjithçka.

Ndryshe nga pjesa e parë, kuqezinjtë e drejtuar nga Gianni De Biasi, përveç një goditje dënimi të Kaçes dhe një gjuajtje të Lenjanit që kapi shtyllën, nuk ka gjetur forcën e duhur për të ndryshuar rezultatin, duke mos e vënë në rrezik portierin ukrainas.

Një tjetër kombëtare u pa në pjesën e parë, ku  ashtu edhe si në miqësoren e kaluar me Katarin, kuqezinjtë kanë pësuar gol që në minutat e para të ndeshjes. Ka qenë Stepanenko, ai që në minutën e 9-të ka kaluar në avantazh ukrainasit.

Por ky avantazh nuk ka zgjatur më tepër se 4 minuta, pasi numri 10-të i Shqipërisë, Armando Sadiku ka barazuar shifrat.

Ky i fundit ka pasur edhe një mundësi të artë për të kaluar kuqezinjtë në avantazh në minutën e 37-të.

Kosova ka triumfuar në miqësoren e pare

by

Kosova ka triumfuar në miqësoren e parë pas pranimit në UEFA e FIFA, duke mposhtur me rezultat 2:0 Ishujt Faroe/

Skuadra e Albert Bunjakit nuk e nisi mirë ndeshjen pasi në minutën e 37’të, gjyqtari kryesor i ndeshjes përjashtoi Bersant Celinën nga loja, duke e ndëshkuar direkt me të kuq – një vendim tejet i çuditshëm.

Sidoqoftë, Kosova vazhdoi me paraqitjen e mirë dhe edhe përkundër se ishin me një lojtar më pak, ku gjetën rrugën drejt golit në minutën e 44’tër. Albert Bunjaku shënoi me kokë për 1:0.

Në pjesën e dytë, djelmoshat e Bunjakit vazhduan të ruanin rezultatin derisa kohë pas kohe krijonin raste. Në minutat e fundit të ndeshjes, Elbasan Rashani shënoi golin e dytë për Kosovën pas një depërtimi të mirë të Berishës, për rezultatin përfundimtar 2:0

Trajneri i Ishujve Faroe uron Kosovën

Trajneri i Ishujve Faroe, Lars Olsen, ka uruar Kosovën për fitoren ndaj ekipit të tij, derisa është befasuar me paraqitjen e djelmoshave të Albert Bunjakit

Ai e uroi ekipin e Përfaqësueses së Kosovës për fitoren prej 2:0 ndaj skuadrës së tij, duke thënë se nuk i lan të krijojnë shumë raste në pjesën e dytë.

“Në kartonin e kuq ka ndryshuar ndeshja, pasi në 25 minutat e parë Kosova ka pasur përparësi. Pas kartonit të kuq dhe në pjesën e dytë e kemi pasur topin në posedim, por jo edhe rastet”.

23 të përzgjedhurit e Gianni De Biasit për në Kampionat Europian

by

Nuk ka më enigma: De Biasi vendosi më në fund se kush do të jenë 23 të përzgjedhurit e tij në Kampionat Europian.
Tekniku italian Gianni De Biasi ka bërë publike mbrëmjen e së martës listën me 23 emrat që do të marrin pjesë në Euro 2016, duke lënë jashtë Rrahmanin, Gjimshitin, Shalën dhe Rashicën.

Tekniku italian do të japë një konferencë për shtyp mesditën e së mërkurës kur pritet edhe të shpjegojë zgjedhjet e bëra nga ana e tij.

Ja të përzgjedhurit:
Portierë: Etrit Berisha, Alban Hoxha, Orges Shehi.

Mbrojtës: Arlind Ajeti, Nasër Aliji, Mergim Mavraj, Lorik Cana, Elseid Hysaj, Frederik Veseli

Mesfushorë: Ansi Agolli, Ledian Memushaj, Ergys Kaçe, Andi Lila, Migjen Basha, Odise Roshi, Ermir Lenjani,  Taulant Xhaka, Amir Abrashi, Burim Kukeli.

Sulmues: Bekim Balaj, Sokol Cikalleshi, Armando Sadiku, Shkëlzen Gashi.

Të zgjedhurit e De Biasit fitojnë miqësoren, mundin Katarin 3-1

by

Te zgjedhurit e De Biasit kanë arritë që ta fitojnë miqësoren me Katarin me rezultatin 3-1 në ndeshjen e së Dielës 29 Maj 2016.Në një ndeshje ku spikatën cilësitë individuale të shënuesve, por që zbuloi defekte në mbrojtje, Shqipëria ka arritur të kalojë më sukses testin e radhës gjatë fazës përgatitore para startimit të Francë 2016 duke mundur Katarin me rezultatin 3-1.

Kombëtarja kuqezi ka pësuar një gol të shpejtë, pasi pa kaluar minuta e dytë Abdelkarim Hassan ka kaluar në avantazh Katarin. Por avantazhi i tyre nuk ka mundur të zgjasë më tepër se 20 minuta, pasi në minutën e 23-të Arlind Ajeti ka barazuar shifrat.

Mbrojtësi kuqezi ka shfrytëzuar mjaft mirë krosin e dhënë nga Migjen Basha nga goditja e këndit dhe me anë të një goditjeje me këmbën e djathtë ka barazuar shifrat.

17 minuta më vonë Lenjani ka shfrytëzuar një dalje të gabuar të portierit të Katarit dhe me një lëvizje të mirë brenda zone e ka çuar topin në rrjetë. Armando Sadiku shënoi një supergol nga 20 metra distancë për kuqezinjtë në minutën e 54-t.

Real Madridi kurorëzohet “mbreti” i Europës me 11 metërsha

by

Reali i Madridi është shpallur kampion i Europës për të 11-ën herë në histori. Në një finale dramatike, Ronaldo me shokë kanë thyer “kushërinjtë” e Atletikos duke iu falur “lotarisë” së 11-metërshave, pasi 90-të minutëshi dhe koha shtesë përfunduan me rezultatin 1-1. Skuadra e Zidanes ka fituar 5-3 me penallti, ku Huanfran gabon nga pika e bardhë dhe Kristiano Ronaldo shënon golin vendimtar.

Për Realin, realizuan Lukas Vaskez, Marselo, Bejl, Serxhio Ramos dhe në fund Ronaldo, ndërsa për Atletikon, Grizeman, Gabi e Saul u treguan të saktë, me përjashtim të Huanfran. Ka qenë një finale drithëruese, me emocione, gola dhe e paparashikueshme deri në fund të saj. Dy skuadrat nga Madridi kanë dhuruar spektakël, duke dëshmuar rëndësinë e një sfide të tillë si asnjëherë më parë. Ndeshja ka nisur e vrullshme, me Atletikon që ushtronte presion në fushën e Realit dhe me këta të fundit që kontrollonin lojën.

Takimi është zhbllokuar në minutën e 15-të me Serxhio Ramosin, i cili gjatë një goditjeje dënimi, arrin të prekë topin vetëm një metër larg portës, duke e dërguar atë në rrjetë. 1-0 për “merengesët”, të cilët tërhiqen pas golit dhe ia lënë çelësat e ndeshjes kundërshtarit. Pjesa e parë është mbyllur me fitoren e Realit, por fragmenti i dytë ka nisur me emocione. Atletiko ka pasur rastin të barazojë shifrat në minutën e 48′ me anë të Griezmanit nga pika e bardhë, por nuk ia del. Sulmuesi francez nuk arrin të shndërrojë në gol 11-metërshin e fituar nga Torres.

Teksa të gjithë prisnin rezultatin e barazimit, Griezman godet, por topi ndalet në traversë. Një tjetër “shuplakë” për Diego Simeonen, i cili nuk i beson syve. Minutat kalonin dhe Reali arriti disa herë të dalë në sulm, duke rrezikuar në fillim me Benzemanë dhe në minutën e 77-të mund të dyfishonte shifrat dhe të “hipotekonte” trofeun nëse Ronaldo do të ishte treguar i saktë para portës së Oblak. Por dy minuta më pas, bardhekuqtë, përmes një kundërsulmi arrijnë të barazojnë me Karrasko, i cili shërbehet nga e djathta nga Huanfran dhe me vështirësi shënon.

Në dhjetë minutat e mbetura skuadrat mendojnë më shumë të mbrohen dhe ndeshja shkon me shtesë dhe me 11-metërsha, ku Reali triumfon me rezultatin 5-3. Një sukses i rëndësishëm i një skuadre me yje, por që i mungoi kolektiviteti përballë një klase punëtorësh që u sakrifikuan deri në sekondën e fundit.