Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Historike: FIFA në Kongresin e 66-të pranon Kosovën-141 FEDERATA VOTUAN”PRO”

by

*Anëtarësimi në FIFA e përmbyll procesin e ndërkombëtarizimit të sportit të Kosovës/

 Federata Ndërkombëtare e Futbollit (FIFA) pranoi Kosovën në Kongresin sot në Meksikë, ku u votua pak më parë, në këtë 13 maj 2016.

Është kjo edhe një ditë historike për futbollin e Kosovës, pas  3 majit 2016, kur Kosova u pranua me shumicë votash në Federatën Evropiane të Futbollit, UEFA, gjatë Kongresit të 40-të në Budapest, Hungari.

Federata e Futbollit të Kosovës u pranua në FIFA me 141 vota për. Në Kosovë nisi festa për anëtarësimin në FIFA.

Në kryeqytet, Prishtinë, ka edhe fishekzjarre.

Presidenti i Kosovës, Hashim Thaçi, shkruan në ‘facebook’:

Europa është shumë e vogël për talentët tanë të mëdhenj.

Anëtarësimi sot në FIFA, përfundimisht krijon një terren të ri për promovimin e futbollit kosovar në garat botërore. Gjatë izolimit 25 vjeçar, ne iu kemi dhënë shumë talentë kombëtareve dhe ekipeve botërore. Nga sot, ata e kanë vendin në kombëtaren e Kosovës.

Jam mirënjohës për të gjithë që punuan për anëtarësimin e Kosovës në FIFA.

Ishte një rrugëtim i gjatë i ndërkombëtarizimit të sportit kosovar. E filluam me pingpong dhe e përfunduam sot në FIFA.

Të bashkuar duhet të luftojmë për betejën e radhës, për fitoren e radhës, për ditën historike të radhës për Kosovës. Gëzuar!

Kryeministri Isa Mustafa shprehet:

Kosova sapo u bë anëtare e familjes botërore të futbollit, FIFA. Sukseset për vendin tonë nuk kanë të ndalur. Së shpejti do t’ju sjellim lajme të tjera të mira.

2016-ta pa dyshim është viti ynë.

Kosova është gati!

Urime!

Kryetari i Kuvendit të Kosovës, Kadri Veseli, shkruan në ‘facebook’:

Kosova sapo arriti një fitore të re të madhe në fushën e sportit, duke u anëtarësuar në FIFA. Ky ishte një hap i rëndësishëm përpara në konsolidimin e mëtutjeshëm të imazhit dhe pozitës së Republikës së Kosovës në arenën ndërkombëtare. Shumë shpejtë, mbarë bota, do ta shijoj futbollin e talentëve të panumërta të rinisë sonë.

****

Anëtarësimi në FIFA e përmbyll procesin e ndërkombëtarizimit të sportit të Kosovës

Ministri kosovar i Kulturës, Rinisë dhe Sportit, Kujtim Shala, uroi Federatën e Futbollit të Kosovës për anëtarësimin e Kosovës në FIFA, si dhe i përgëzoi futbollistët e vendit tonë dhe të gjithë ata që kanë kontribuar për këtë sukses të jashtëzakonshëm.

Ministri Shala u shpreh se anëtarësimi i Kosovës në FIFA është ngjarje madhore dhe kurorëzon aspiratat dhe sakrificën e brezave të shumtë.

Me këtë rast, ministri Shala u shprehu mirënjohje drejtuesve të Federatës së Futbollit të Kosovës për punën e palodhshme që kanë bërë vite të tëra që futbolli i Kosovës të shënojë këtë sukses historik, me ndërkombëtarizimin tashmë të plotë të tij.

Shala më tej në urimin e tij u shpreh se pas pranimit të Kosovës në UEFA, anëtarësimi i sotshëm në FIFA, është dëshmi se shteti i Kosovës po forcohet gjithnjë e më shumë në planin ndërkombëtar.

Ai më tej theksoi se pranimi i Kosovës në FIFA është një mundësi e madhe për futbollin e Kosovës, dhe një nxitje e fuqishme për zhvillimin e mëtejmë të këtij sporti, meqë vendi ynë ka shumë lojtarë cilësorë, të cilët mund ta prezantojnë Kosovën dhe vlerat e saj në arenën ndërkombëtare.

Sipas ministrit Shala, anëtarësimi në FIFA e përmbyll procesin e ndërkombëtarizimit të sportit dhe krijon mundësi që këtu e tutje të përqendrohemi në punën për anëtarësim në organizatat ndërkombëtare të kulturës.

European judo champion Majlinda Kelmendi awarded first European of the Year in Kosovo

by

As part of Europe Day 2016 celebrations, the EU in Kosovo presented for the first time the annual EUROPEAN OF THE YEAR award, to acknowledge an individual/institution for the promotion of the European idea in Kosovo. The award was presented by Samuel Žbogar, Head of EU Office in Kosovo/EU Special Representative, and Bekim Çollaku, Minister of European Integration of Kosovo. The first European of the Year was awarded to the European judo champion Majlinda Kelmendi. “I am happy to see that true Europeans come from all layers of the society: the institutions as well as from civil society; we find them in sports halls and among local communities. They selflessly walk that extra mile because they believe that they are doing the right thing. They work hard. They make us proud. They motivate us. Those are our Europeans”, said Žbogar.

The nominees for the first European of the Year award were Majlinda Kelmendi, the Institution of Ombudsperson of Kosovo; Danijela Zubac, member of the Development Fund Board; “Let’s do it Kosova – Clean Up Kosovo” initiative; the Group for Legal and Political Studies; and Krenare Gashi, Head of the Kosovo Youth Centres’ Network.

The ceremony was followed by a presentation of the publication “SAA for Everyone”, which outlines the main points of the Stabilisation and Association Agreement (SAA) in a way understandable to all. The SAA between the European Union and Kosovo entered into force on 1 April 2016. The Agreement is the first comprehensive contract between the EU and Kosovo and a milestone for Kosovo-EU relations.

Majlinda dhe Nora, dy heroina bashkëkohore të Kosovës

by

 -Dy xhudistet i priti sot kryetari i Kuvendit të Republikës Kosovës, Kadri Veseli/

PRISHTINË, 10 Maj 2016/ Kryetari i Kuvendit të Republikës Kosovës, Kadri Veseli, priti sot në takim dy xhudistet e njohura, Majlinda Kelmendi dhe Nora Gjakova, të shoqëruara nga trajneri Driton Kuka dhe kryetari i Federatës së Xhudos së Kosovës, Agron Kuka.

Duke i uruar për arritjet e mëdha në arenën ndërkombëtare të sportit, kryetari Veseli i konsideroi Majlindën dhe Norën heroina bashkëkohore të Republikës së Kosovës, që me talentin dhe punën e tyre të palodhur, e kanë ngritur flamurin tonë në nivelet më të larta botërore të sportit.

“Ne duhet të krijojmë hapësirën e duhur në mënyrë që të rinjtë tanë të mund të përfshihen më shumë në sfera të ndryshme të jetës shoqërore në Kosovë, sepse vetëm ashtu mund të ecë më shpejt përpara vendi ynë”, theksoi kryetari Veseli.

Kreu i Kuvendit shtoi se arritjet e Majlinda Kelmendit dhe Nora Gjakovës janë dëshmia më e mirë se kur talenti dhe vullneti i sportistëve bashkëdyzohet me përkrahjen institucionale, suksesi është i garantuar. Nisur nga kjo, ai kërkoi nga të gjithë sportistët që të japin maksimumin e tyre, duke ndjekur shembullin e këtyre dy vajzave, përderisa përkrahja institucionale nuk do të mungojë asnjëherë.

Kryetari Veseli tha se Kuvendi është i gatshëm të ndryshojë ligjet, për të cilat konsiderohet se ndihmojnë sportistët në veprimtarinë e tyre dhe avancojnë sportin në përgjithësi.

Xhudistja Majlinda Kelmendi, e cila gjatë muajit të kaluar fitoi Medaljen e Artë në Kampionatin Evropian të xhudos, falënderoi kryeparlamentarin Veseli për pritjen e ngrohtë dhe mbështetjen e tij të vazhdueshme për sportin.

Kryetari i Federatës së Xhudos, Agron Kuka, u shpreh i kënaqur që sportistët po e zënë vendin e merituar në shoqëri dhe tanimë po respektohen edhe nga politika./b.j/ Foto Gazeta Dielli – Behlul Jashari/

Zviceranët zbulojnë Shqipërinë përmes çiklizmit

by

TIRANË, 29 Prill / – Zviceranët zbulojnë Shqipërinë si vendin më të përshtatshëm të turizmit çiklistik.Tobi Gessler, zviceran, i cili jeton dhe punon në Shqipëri, përmes blogut të tij ka arritur që të bëjë atraktive një tjetër fushë të turizmit shqiptar, atë të çiklizmit.

Duke ftuar tërheqjen e të tjerë sportdashësve, shqiptarë dhe të huaj, kanë nisur organizimet e tureve të çiklizmit në zonat rurale të vendit tonë. Sikurse shkruan Monitor, Gessler tregon për një gazetë zvicerane se fokusi i saj është që të sjellë sa më shumë të huaj që të eksplorojnë zona te ndryshme ne Shqipëri, qe janë ndër më të mirat për turizmin e çiklizmit.

“Të gjithë të apasionuarit e çiklizmit jashtë duhet të eksplorojnë Shqipërinë. Ka fshatra fantastikë dhe rrugë që nuk gjenden në vende të tjera”,  tregon ai, duke shtuar se së fundmi ka themeluar edhe kompaninë “Ride Albania Mountain Biking” për të të tërhequr turistët e huaj.(Sipas ATSH)

Kosova e meriton të jetë anëtare e UEFA-s dhe FIFA-s

by

-Zyrtarët e lartë të UEFA-s dhe FIFA-s u shprehën se këto institucione po e inspektojnë gjendjen e futbollit kosovar dhe se janë ndarë të kënaqur me investimet në infrastrukturën sportive/ PRISHTINË, 13 Prill 2016-B.Jashari/ Presidenti i Republikës së Kosovës, Hashim Thaçi, ka pritur sot në takim një delegacion të përbërë nga zyrtarë të lartë të Unionit të Asociacioneve Evropiane të Futbollit (UEFA) dhe të Federatës së Asociacioneve Ndërkombëtare të Futbollit (FIFA), me ç’rast theksoi se Kosova e meriton që shumë shpejt të anëtarësohet në familjet e mëdha të futbollit evropian dhe atij botëror.Presidenti Thaçi ishte nikoqir i delegacionit të përbërë nga Şenes Erzik, zëvendëspresident i UEFA-s, Peter Gilliéron, anëtar i Komitetit Ekzekutiv të UEFA-s, Thierry Favre, drejtues për zhvillim të federatave kombëtare, dhe Luca Nicola, përgjegjës për federatat anëtare të FIFA-s.
Presidenti Thaçi falënderoi mysafirët për vizitën dhe mbështetjen e vazhdueshme dhënë shtetit kosovar në aspiratat për t’iu bashkuar UEFA-s dhe FIFA-s.
“Kosova dëshiron dhe e meriton që së shpejti të anëtarësohet në UEFA dhe FIFA. Kemi talente në mbarë botën, që mezi presin të mbrojnë ngjyrat e Kosovës”, ka thënë presidenti Thaçi, i cili shtoi se, këtë vit, Kosova shënon debutimin historik në Lojërat Olimpike.
Ndërsa, zyrtarët e lartë të UEFA-s dhe FIFA-s u shprehën se këto institucione po e inspektojnë gjendjen e futbollit kosovar dhe se janë ndarë të kënaqur me investimet në infrastrukturën sportive. Kosova e meriton të jetë anëtare e UEFA-s dhe FIFA-s, tha sot edhe kryeministri kosovar, Isa Mustafa. Ai ka pritur sot në takim zyrtarët e dy organizatave më të mëdha të futbollit në botë, UEFA-s dhe FIFA-s, të cilët po vizitojnë Kosovën.Gjatë takimit me Senesh Erzik, kryetar i Asociacioneve të FIFA-s, Peter Gilleron, kryetar i FF-së së Zvicrës, që përfaqësojnë FIFA-n, si dhe Thierry Favre dhe Nicolas Luca përfaqësueses të UEFA-s, kryeministri Mustafa theksoi rëndësinë e madhe që ka për Kosovën anëtarësimi në këto dy asociacione të futbollit. Në takim ishin të pranishëm edhe zëvendëskryeministri, njëherësh ministër i Kulturës, Rinisë dhe Sporteve, Kujtim Shala, dhe kryetari i Federatë së Futbollit të Kosovës, Fadil Vokrri. Kryeministri Isa Mustafa foli për progresin dhe për përkushtimin e vazhdueshëm të FFK-së dhe institucioneve tjera për ngritjen e infrastrukturës dhe aspekteve tjera që lidhen me krijimin e kushteve për zhvillimin e futbollit kosovar. Po ashtu, kryeministri Mustafa u shpreh se sporti i Kosovës dhe veçanërisht futbolli, do të kenë përkrahjen e vazhdueshme të institucioneve të Kosovës, të cilat po punojnë në vazhdimësi për avancimin e sportit, me infrastrukturë moderne, legjislacion dhe subvencionim. “Federata e Futbollit të Kosovës dhe institucionet tjera kanë bërë të gjitha përgatitjet e duhura dhe ne me të drejtë presim që Kosova të anëtarësohet në UEFA dhe në FIFA, duke u bazuar në rezultatet e arritura, si dhe në nevojën që futbollistët dhe futbolli kosovar të jenë pjesë e të gjitha garave të organizuara nga këto dy organizata si të gjitha vendet tjera”, tha kryeministri Mustafa.