Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

EURO 2016- SHQIPERIA PERBALLE FRANCES, ZVICRES, RUMANISE

by

Shqipëria është në grup shumë të fortë,  përvec Francës e Rumanisë,  ka edhe Zvicrën, e cila ka gjashtë shqiptar në petkun e saj, Xherdan Shaqiri, Granit Xhaka, Pajtim Kasami, Valon Behrami, Blerim Xhemaili dhe Admir Mehmedi./

Shqipëria ka rënë në grup me Francën, Zvicrën dhe Rumaninë në shortin e hedhur sot pasdite për Europianin që zhvillohet në qershor. Ja si do të luhen ndeshjet për kombëtaren shqiptare. Shqipëria do ta nisë rrugën e saj në Europian në një përballje me Zvicrën e shqiptarëve. Ndeshja do të luhet ditën e dytë të Europianit në orën 15.00 më datë 11 qershor.

Datat e ndeshjeve
11 Qershor – SHQIPËRI : Zvicër (Lens, Ora 15:00)
15 Qershor – SHQIPËRI : Francë (Marseille, Ora 21:00)
19 Qershor – SHQIPËRI : Rumani (Lyon, Ora 21:00)
GRUPI A
Francë
Rumani
Shqipëri
Zvicër
GRUPI B
Angli
Rusi
Uells
Sllovaki
GRUPI C
Gjermani
Ukraine
Poloni
Irlanda e Veriut
GRUPI D
Spanjë
Çeki
Turqi
Kroaci
GRUPI E
Belgjikë
Itali
Irlandë
Suedi
GRUPI F
Portugali
Islandë
Austri
Hungari

Rama komenton shortin: Asgjë s’është e pamundur, e pamë edhe në eleminatore

Kryeministri Rama ka komentuar shortin e hedhur sot për Euro 2016, që e vuri Shqipërinë përballë Francës, Zvicrës dhe Rumanisë.Rama thotë se eleminatoret treguan se asgjë nuk është e pamundur.“Edhe ne Finalet 2016 nje grup i pamundur, por eliminatoret ne mesuan se asgje s’eshte e pamundur:-) ‪#‎ForcaShqiperi”, shkruan Rama.

Berisha ironizon Zvicrën: Më vjen keq, e pashpresë ndaj kuqezinjve!

Ish-kryeministri Sali Berisha, ka zgjedhur të ironizojë Zvicrën, në radhët e së cilës luajnë disa shqiptarë, nga tre kripet kundërshtare në Euro 2016.   “Grupi ynë është shume i fortë, por fati është me ne! Keqardhje ndjej për Zvicrën, një vend që e dua kaq shumë, por me Shqipërinë është e pashpresë. Dy ekipet e tjera janë shumë të forta, krejt të  pasigurta në  përballjen me ekipin tonë kombëtar. Kemi shumë arsye të jemi shpresëplotë me kuqezinjtë tanë!,” – komenti në profilin e tij Facebook, ish-Kryeministri Sali Berisha, për shortin, pas hedhjes së goglave .

Francë 2016”, 24 kombëtaret presin shortin. Shqipëria, në vazon e katërt

by

Ekipet kombëtare, plot 24 që janë kualifikuar për në fazën finale të kampionatit europian “Francë 2016”, mes të cilave për herë të parë edhe Shqipëria e Giovanni De Biasit, të shtunën më në fund do të mësojnë kundërshtarët e tyre në këtë Europian.
Shorti i Parisit do të shënojë dhe fillimin e kompeticionit, që zhvillohet mes 24 skuadrash, e para kjo që nga krijimi i kësaj ngjarjeje sportive. Për shkak të koefiçentit të ulët, kuqezinjtë tanë do të jenë në vazon e katërt, së bashku me Turqinë, Republikën e Irlandës, Islandën, Uellsin dhe Irlandën e Veriut. Gjatë momentit të hedhjes së shortit, në Pallatin e Kongreseve në Paris, Shqipëria do të përfaqësohet nga presidenti Armando Duka, trajneri De Biasi dhe menaxheri i kombëtares, Alban Bushi. Në vazon e parë, Francës – që është edhe vendi organizator, – i bashkohen Spanja, Gjermania, Anglia, Belgjika dhe Portugalia. Në vazon e dytë janë të tjerë emra të mëdhenj të futbollit europian, si Italia, Zvicra, Rusia, Austria, Kroacia dhe Ukraina.
Edhe vazoja e tretë nuk mbetet prapa, përsa i përket peshës që kanë këto kombëtare në Europë. Një nga kundërshtarët e Shqipërisë në “Francë 2016” mund të jetë edhe Suedia, apo Republika Çeke, Polonia, Rumania, Sllovakia e Hungaria. Në shortin e së shtunës, duke filluar nga ora 17:30, 24 përfaqësueset pjesëmarrëse do të ndahen në 6 grupe, me nga 4 skuadra. Sipas rregullit të ri të UEFA-s për këtë kompeticion, dy të parat e çdo grupi kualifikohen drejtpërdrejt në fazën tjetër, ndërkohë që një mundësi të mirë për të vazhduar më tej në “Francë 2016” do ta kenë edhe 4 skuadrat më të mira ndër të tretat e të gjitha grupeve. Një skemë kjo, që mban të hapur deri në ndeshjen e fundit në grup shpresat e skuadrave të vogla, përfshi edhe kuqezinjtë tanë, për të qëndruar sa më gjatë në Europianin e parë ku marrim pjesë. {SH.K}.

Kosova në Federatën Ndërkombëtare të Automobilizmit

by

PRISHTINË, 5 Dhjetor 2015/ Federata e Auto Sportit e Kosovës është pranuar zyrtarisht në Federatën Ndërkombëtare të Automobilizmit. Ministri kosovar i Kulturës, Rinisë dhe Sportit, Kujtim Shala, uron Federatën e Automobilizmit të Kosovës, me rastin e pranimit të tyre në Federatën Ndërkombëtare të Automobilizmit, në mbledhjen e mbajtur në Paris.Me këtë rast, ministri i Kulturës, Rinisë dhe Sportit, Kujtim Shala, përgëzon drejtuesit e Federatës së Automobilizmit të Kosovës, dhe të gjithë ata që kanë kontribuuar për këtë sukses të rëndësishëm të automobilizmit të Kosovës. Ai njëherësh garuesve të Kosovës iu uron suksese në garat ndërkombëtare.Ministri Shala, gjithashtu u shpreh se ky vit është historik për sportin e Kosovës, meqë shumë federatë kosovare tanimë janë pranuar në federatat respektive ndërkombëtare.Ministri Shala më tej u shpreh se ky është lajm i mirë për Kosovën, dhe një hap tjetër i rëndësishëm, i cili e ndihmon dhe e përshpejton ndërkombëtarizimin dhe njohjen e sportit kosovar në arenën ndërkombëtare, dhe ka shtuar se Ministria do të mbështesë në vazhdimësi sportin e Kosovës, veçmas në ngritjen cilësore dhe në afirmimin e tij në rrafshin ndërkombëtar./b.j/

Boksieri lezhian, pjese e klubit sportiv me te mire te Botes

by

Nga Ahmet ZANI/
Boksiori Shqiptar Jurgen Uldedaj tashmë do të jetë pjesë e klubit sportiv më të mirë të Europës Europes SES Boxsing që ndodhet në Gjermani dhe ku bëjnë pjesë emrat e mëdhenj të boksit botëror si Robin Haxhi Krasniqi, Robert Stieglitz Domenik Bosel, Francesko Pianeta, Michael Wallisch dhe Tom Schwarz. Ka qenë përformanca e shkëlqyer e 18-vjeçarit e cila ka tërhequr vëmendjen e Trainerëve të spiktur të këtij sporti të cilët tashmë e kanë bërë lezhjanin Uldedaj pjesë të tyre. Prej 3-muajsh ai ka nisur trajtimin në Gjermani së bashku me boksierët më të mirë të botës, ku po stërviten për t’u përballur me sfidatë radhës. Boksieri Shqiptar vjen nga një eksperiencë e sukseshme në boksin amator në Kampionatin Shqiptar, Europian dhe Botëror ku është vlërsuar me medalje të ndryshme. Uldedaj diten e shtunë u përball në një ndeshje që u zhvillua në “Desua Arena” me kampionin Polak 28-vjeçarin Mateusz Gatek një boksier me mjaft eksperiencë në boksin profesionist. Në ndeshjen e zhvilluar 18-vjeçari Jurgen Uldedaj arriti të deminojë në të gjitha raundet, duke e vënë në vështirësi kundërshtarin dhe në randin e dytë i shkakton edhe nockdoën e parë. Përformanca e shkëlqyer e Uldedajt ka tërhequr edhe vëmedjen mediave në Gjermani të cilët e kanë cilësuar boksierin Shqiptar një super talent në Karierën e boksit profesionit. Nga ana tjetër Manaxheri dhe Promotori i Tij Ulf Stainforth, i cili është shpallur më i miri për vitin 2015, shprehet shumë i kënaqur për suksesin e arritur dhe për prespektivën që e pret Supertalentin Shqiptar me “Team Deutschland” si pjesë e klubit “SES Boxing”. Gjithashtu edhe vlersimi i shefit te klubit Dirk Dzemski dhe Trainerit Rene Friese janë me nota shumë pozitive, për boksierin 18-vjeçar Jurgen Uldedaj, që falë sukesit të tij një flamuri shqiptar është valvitur në vende të ndryshme të Europës dhe Botës.
Djaloshi lezhjan e ka nisur sportin e boksit që në moshë 13 vjeçare duke fituar tre herë medalje në kampionatet europiane, si dhe në vendin tonë shpallet pesë herë radhazi kampion i vendit.

Futboll- Kosovë – Shqipëri, pa fitues

by

Rezultati:Kosova-Shqipëria 2:2/
Stadiumi i qytetit në Prishtinë.
Shikues: 20.000.
Gjyqtar: Lorenc Jemini.
Shënues: Celina (59′-nga penalltia), Rashani (70’) – Manaj (55′), Rrahmani (73′).
Formacionet/
Kosova: Ujkani, Përdedaj, I.Berisha, Alushi, Paçarada, Sadiku, Zejnullahu, Brahimi, Halimi, B.Berisha, Celina. Përzgjedhës: Trajner: Albert Bunjaku.
Shqipëria: Berisha, Gjimshiti, Cana, Rrahmani, Hysaj, Aliji, Xhaka, Basha, Memushaj, Cikalleshi, Sadiku.
Përzgjedhës: Gianni De Biasi.
Kosovë – Shqipëri, ndahen vëllazërisht me rezultat 2:2. Ndeshje miqësore me karakter festiv që u zhvillua në stadiumin e Prishtinës, ku ishin të tubuar mbi 20 mijë tifozë (i tërë stadiumi ishte i mbuluar me ngjyra kuqezi), panë një lojë spektaklare e me katër gola.
Dy kombëtare kënduan himnin kombëtar, futbollistët e të cilës dhuruan emocione të pakufishme, thurën veprime të shpejta, krijuan raste, por edhe shpërthyen me gola në pjesën e dytë, duke i ngritur në këmbë tifozët. Rezultati fare nuk ishte më rëndësi, sepse ishte një ndeshje e karakterit festiv. Të gjithë festuan në mënyrë më madhështore, mbi të gjitha ishin të emocionuar nga kjo lojë e bukur e yjeve tanë. Përzgjedhësi i kombëtares së Kosovës Albert Bunjaki dhe ai i Shqipërisë, Gianni de Biasi, panë formën e futbollistëve të tyre. Pa dyshim se duhet veçuar edhe talentin e madh shqiptar Rey Manaj që debutoi me gol për kombëtaren e Shqipërisë. Në minutën e 3-të, Ilir Berisha shkaku i lëndimit u largua nga fusha, duke u zëvendësuar nga Alban Pnishi.
Bersant Celina futet brenda 16-shit, kombinon bukur me Halimin dhe del i vetëm përballë Berishës, nga një pozitë e mirë, gjuajtjen e tij mezi e mbrojti portieri Etrit Berisha pikërisht në minutën e 22-të. Në stadium ishte një atmosferë e zjarrtë ku dëgjoheshin brohoritjet: Shqipëria, Shqipëria, Kosova, Kosova. Lojë e hapur, me kombinime të bukura e të sakta, kur Mërgim Brahimi i Kosovës nga rreth 15 metra gati sa shënoi, por për fat të portierit Etrit Berisha topi ndalet nga tërthorësja (40′).
Anëtari i Napolit, Elseid Hysaj, në minutën e 45-të, ndalë topin me gjoks dhe del i vetmuar me portierin e Kosovës, Samir Ujkanin, por gjuajtja e tij shkopi mbi portë. Në minutën e 49-të, Celina shërben bukur brenda zonës për Halimin, ky i fundit e shtyn drejt portës, por topin kalon ngjitur me shtyllën pingule. Pas disa rasteve të mira, bie goli i pari. Në minutën e 55-të, nga gjuajtja e lirë një harkim i bukur dhe futbollisti i talentuar i Interit, Rey Manaj, me kokë nga rreth 10-11 metra shënoi për epërsinë (0:1) të Shqipërisë.
Pas katër minutave (59’) penallti për Kosovën. Taulant Xhaka luan me dorë në zonë, gjyqtari Jemini akordon penallti. Bersant Celina, talent i Manchester City, merr përsipër penalltinë, gjuajti fortë topin qëllon shtyllën dhe futet brenda në rrjetë, 1:1. Stadiumi shpërthen në festë, kur në minutën e 70-të Elbasan Rashani për mrekulli kaloi Rrahmanin dhe nga afërsia, nga një pozitë e vështirë pothuajse te vija fundore, me gjuajtje të fortë mposhti portierin Berisha dhe 2:1. Në minutën e 73-të, Naser Aliji për mrekulli harkoi, ndërsa Amir Rrahmani nga afërsia mposhti portierin Ujkani dhe 2:2. Një ndeshje e fortë, e pëlqyeshme dhe përfundoi pa fitues.