BAJAME HOXHA-ÇELIKU/
DITËLINDJA E AT GJERGJ FISHTËS/
Binjake, toskërishtja dhe gegërishtja, /
Janë dy krahët e shqipes që fluturojnë./
Më t’bukur emër s’do të kish Fishta,/
Shqiptar rrënjosur shekujsh në embrion./
Buka e kulturës e gjuhës sonë amënore,
Gegë, toskë ky komb të puthi në ballë.
Të ngriti në piedestal kjo tokë arbërore,
O At Gjergj Fishta, të bëri të gjallë!
At, të dhanë titullin e madh, dhe shtëpia,
Plot ndere u ngrit monument kulture!
Se në çdo gur të saj gdhendej Shqipëria,
E ti kryelarti që kurrë s’u përkule!
Ajo penë e fortë mbeti shkëmb në lartësitë,
Valëvitet si flamuri ndër ne dhe sot.
As dallg’ e furishme kur rrënonin stuhitë,
Çuditërisht penën s’ta rrëzuan dot.
At Gjergj Fishta, na le pasuri të paçmuar,
Vargje brilante plot ajër e frymë.
Na le gjerdane, thesare të pagëzuar,
Gjuhën Gege e derdhe në himn.