agim karagjozi – Page 2 – Dielli

LAMTUMIRE AGIM KARAGJOZI!

April 5, 2018 by dgreca

LAMTUMIRE AGIM KARAGJOZI-FOTOREPORTAZH/

Te merkuren me 4 Prill 2018 iu dha Lamtumira e Fundit Kryetarit historik te Vatres, ing. Agim Karagjozi, i cili e drejtoi Vatren per 2 dekada, nderkohe qe ishte pjese e saj per 60 vjet. Ceremonia e organizua ne Shtepine Mortore ishte nje percjellje dinjitoze e Kryetarit, pa te cilin, Vatra nuk mund te kete kuptim. Kryetari aktual i Vatres, z. Dritan Mishto gjate percjellejes e cilesoi ate si Kryetar i perjetshem i Vatres.

Fjalen e Lamtumires ne emer te familjes e mbajti djali, Zyhdi Karagjozi,i ci drejtoi edhe ceremonine.

Nderuan me pjesmarrjen e tyre pervec vatraneve edhe Konsullja e Pergjithshme e Republikes se Kosoves,zonja Teuta Sahatcia, qe e cilesoi z. Karagjozin nje mik i madh i Kosoves dhe i Dr. Rugoves, Keshilltari i Misionit Shqiptar ne Nju Jork,Armando Shandro, i cili pershendeti ne emer te Ambasadores Besiana Kadare, – bashkqytetare e “Qytetarit te Nderit” te Gjirokastres Agim Karagjozi. Fjalen ne emer te Federates Panshqiptare te Amerikes Vatra e mbajti Kryetari Dritan Mishto. Zv. Kryetari Agim Rexhaj, bashkepunetor i hershem i z. Karagjozi, tregoi se si u njoh dhe cfare mesoi nga “mesuesi” i tij kryevatran, ish Kryetari i Vatres dr. Gjon Bucaj, permes Eulogy-se ne gjuhen angleze, shprehu dhimbjen dhe vleresoi lart kontributin e z. Karagjozi ne Vater; Editori i Diellit tregoi per bashkepunimin me z. Karagjozi per ringritjen e gazetes Dielli dhe solli nje poezi te ndjere qe ish Kryetari i vatres pati shkruar per Shpetimin e Vatres me 1986, dy nipat e z. Karagjozi, Matthew dhe Evan, percollen ndjenjat e tyre per gjyshin e dashur; nderkohe qe Agim Alicka ngushelloi ne emer te Liges Qytetare Shqiptaro Amerikane dhe presidentit te saj Joe DioGuardi, ne emer te komunitetit dibran ngushelloi Lavdrim Cami, i cili vleresoi kontributin e z. Karagjozi ne Diasporen shqiptare te Amerikes. Gazetari dhe studiuesi Idriz Lamaj ne fjalen e tij ngushelluse drejtuar familjes Karagjozi dhe vatarneve shprehu konsiderata te larta per shpirtin atdhetar, per kontributin Kombetar te ish Presidentit te Nderit te Vatres. Ne ceremoni u lexuan edhe mesazhet e ngushellimit qe mori Familja Karagjozi dhe Federata Vatra. Nder mesazhet qe u derguan permendim: Mesazhin e Presidentit te Shqiperise z. Ilir Meta,te Pendershmit Arthur Liolin, te Ish Presidentit te Shqiperise, Dr. Sali Berisha, te Kryetarit te Opozites z. Lulzim Basha,te Familjes te ish Presidentit Historik te Kosoves Dr. Rugova, te deputetes Monika Kryemadhi, te Profesor Sami Repishti, te Ambasadorit Mal Berisha, te biznesmenit dhe veprimtarit Xhim Xhema, te ish drejtorit te Zerit te Amerikes per Euro-Azine z. Frank Shkreli, dhe dhjetera mesazhe te tjera.

Lutjen Fetare e kreu father Nikodhini i Kishes Orthodokse shqiptare ne Queens, NY.Father Nikodhin lexoi edhe Mesazhin e derguar nga Kancelari i Kryekishes se Shen Gjergjit ne Boston I perndershimi Arthur Liolin.

Pas ceremonsie u be varrimi ne nje shterngate te vertete shiu.Z. Marjan Cubi solli mesazhin e dom. Pjeter Popaj, Famullitar i kishes Zoja e Shkodres, ku vleresohej kontributi i z. Karagjozi ne Vater dhe ne komunitetin shqiptar dhe ngushellohej Familja dhe Vatra.

LAMTUMIRE AGIM KARAGJOZI, KRYETAR I PERJETSHEM I VATRES!

* Dielli ne Print do te botoj nje speciale te plote.

Ing. Agim Karagjozi, Luftetar i Paepur per Lirine e Shqiptareve

April 4, 2018 by dgreca

Nga Dr. Sali BERISHA/

Agim Karagjozi mbylli syte pergjithmone!
Te dashur miq,
keto dite mbylli syte pergjithmone ne New York persidenti i nderit i Federates Panshqiptare te Amerikes “Vatra”, personaliteti i shquar i dispores dhe mbare kombit shqiptar, ikone e vertet e virtuteve me te arrira te shqiptarit, atdhetari i flakte, luftetari i paepur per lirine e shqiptareve, Agim Karagjozi.
Me ndarjen nga jeta te Agim Karagjozit familja e tij e nderuar humbi bashkeshortin, prindin e dashur e shembullor, Federata Panshqiptare “Vatra” humbi presidentin e saj te nderuar, qe e udhehoqi ate me vizion, vendosmeri e mençuri, miqte e tij humben mikun qe i beri krenar me miqesine e tij, diaspora jone dhe kombi shqiptar humbi birin e vet te shquar, antikomunistin e pathyeshem, avokatin e pamposhtur te lirise, te drejtave dhe dinjitetit te shqiptareve.
Me kete rast ju ftoj te dashur miq te shprehim ngushellimet tona me te sinqerta familjes se nderuar Karagjozi dhe mirenjohjen tone te pakufishme Agim Karagjozit, ketij burri te urte dhe te shquar te kombit tone!

KA NDËRRUAR JETË PRESIDENTI I NDERIT I VATRËS Z. AGIM KARAGJOZI

March 31, 2018 by dgreca

-SHERBIMET FUNERALE TE MARTEN 4 e 30- 9.00 PM Thomas F. Dalton Funeral Homes, Inc 29 Atlantic Ave.
Floral Park, NY 11001/

-VARRIMI TE MERKUREN, ne Pinelawn Cemetery 2023 Wellwood Ave, Farmingdale, NY 11735/

Presidenti i Nderit i Federatës Panshqiptare të Amerikës”VATRA”, ish Kryetar për dy dekada, Inxhinier Agim Karagjozi, ka ndërruar jetë në spital në Long Island, NY.I ndjeri la në dëshmpërim zonjën Rozi, djemtë Zyhdinë dhe Shpëtimin, vajzën Angel, motrën Bukuroshe, vëllanë Vesim, mbesën Miranda(Telegrafi) nipin Armand(Vincani), si dhe shumë nipa e mbesa, kushërinj e familjarë në SHBA dhe Shqipëri.Njoftojmë vatranët dhe Komunitetin se shërbimet funerale do të organizohen Ditën e Martë, 3 Prill 2018, nga ora 4 e 30 PM deri në 9.00 PM, në Shtëpinë Mortore:

Thomas F. Dalton Funeral Homes, Inc

29 Atlantic Ave.
Floral Park, NY 11001
Tel- 516-354-0634

Ceremonai e Varrimit do të kryhet ditën e Mërkurë, 4 Prill 2018, në orën 9 e 30.

Varrimi ne Pinelawn Cemetery

2023 Wellwood Ave, Farmingdale, NY 11735

Agim Karagjozi mbante dekoratën e Lartë “Nderi i Kombit”, Medaljen e Artë të Shqiponjës, Ishte qytetar Nderi i Gjirokastrës dhe ishte nderuar me cmime të tjera të akorduara nga Republika e Kosovës.

***

Para një jave Kryetari i Vatrës z. Dritan Mishto, i shoqëruar nga zv. Kryetari Agim Rexhaj dhe arkëtari Marjan Cubi, e vizituan z. Karagjozi në spital. Gjatë të gjithë kohës që z. Karagjozi ishte i pamundur vatranët, kryesia e vjetër dhe e re, ish Kryetari Bucaj, Zef Perndocaj, Zef Balaj,Marjan Cubi, Asllan Bushati, editori i Diellit, miqtë dhe bashkëpunëtorët e tij e tij e kanë vizituar dhe i kanë qëndruar pranë .

Agim Karagjozi lindi në Gjirokastër, me 1 shtator 1926. Arsimin fillor e nisi në qytetin e Lindjes, ku kreu katër klasat e para ndërsa klasën e pestë e vijoi në Vlorë. Në vitet 1938 – 1944 vazhdoi shkollimin në liceun e Korçës, në gjimnazin e Gjirokastrës dhe në gjimnazin e Tiranës. Edhe pse i ri u përfshi në Luftën e Dytë Botërore, ku u bë pjesë e Ballit Kombëtar, dhe u aktivizua me Rininë e Ballit, kryesisht në sektorin e propagandës, por mori pjesë në luftë edhe me armë në dorë, duke shkuar deri në Kosovë.

Tipari më i qenësishëm i tij ishte lidhja e thellë shpirtërore me identitetin kombëtar shqiptar dhe vullenti për të bërë detyrën ndaj atdheut, duke marrë pjesë në çdo veprimtari në shërbim të realizimit të aspiratave të drejta të popullit shqiptar, kudo që ka qenë – në Shqipëri, Itali, Turqi, Amerkë.

Në vitet 1943-44, ishte anëtar aktiv në rininë e Ballit Kombëtar në Gjirokastër, Vlorë e Tiranë. Në verë 1944, ishte vullnetar në batalionin “Besnik Çano” që shkoi në Kosovë për të luftuar kundër forcave të Mihajloviçit në Qafë të Morinës, ku ra dëshmor i riu Hamit Troplini.

Në nëntor 1944, u largua nga Shqipëria dhe pas afër katër vitesh në kampe refugjatësh në Itali, bashkë me babanë emigruan në Turqi.

Nga viti shkollor 1948–49 deri në qershor 1955, ndoqi studimet në kolegjin amerikan Robert College në Stamboll, Turqi, ku u diplomua në inxhinieri, dega elektrike.

Ne vitin 1956, erdhi në Amerikë. Që nga viti 1960, u bë pjesë e Federatës Panshqiptare “Vatra” dhe nga viti 1992-2010, ishte kryetar i saj, ndërkohë që pat drejtuar edhe degën nr. 29 të Nju Jork-ut. Përjetoi më shumë se gjysëm shekulli jetën si vatran aktiv dhe udhëheqës i saj, njohu Imzot Nolin, ishte përfaqësues i vatarnëve të Nju Jork-ut dhe Nju Xhersit në ceremoninë zyrtare të varrimit të Imzot Nolit, udhëhoqi fondin për ndërtesën e Vatrës. Ishte mik i presidentit historik të Kosovës dr. Ibrahim Rugova, mik i heroit të Demokracisë Shqiptare Azem Hajdari, i presidentit të parë demokrat të Shqiptarëve dr. Sali Berisha etj. Në kohën e luftës së Kosovës me bashkëpunëtorët e tij shkuan deri në Tropojë, ku u takuan me luftëtarët e plagoisur të Ushtrisë Clirimtare të Kosovës, dhuruan ndihma në medikamente dhe të holla për Luftën.Ishte një mbështetës i fuqishëm i proceseve demokratike në Shqipëri e Kosovë.

Familja humbi njeriun e saj të dashur, Vatra, udhëheqësin e saj.I pushoftë shpirti në Paqë!(dgreca)

VATRA- VIZITË NË SHTËPINË E Z. AGIM KARAGJOZI

December 29, 2017 by dgreca

Kryetari I Federatës PanShqiptare të Amerikës VATRA, z. Dritan Mishto I shoqëruar nga zv. Kryetari Agim Rexhaj, anëtarët e Kryesisë Zef Balaj, Marjan Cubi, anëtari i Këshillit të të Urtëve Zef Përndocaj dhe editori I Diellit, vizituan mbrëmjen e së Enjtes, 28 dhjetor 2017, Presidentin e Nderit të Vatrës, z. Agim Karagjozi, në shtëpinë e tij ne Floral Park, NJu Jork.

Z; Agim Karagjozi, i dekoruar nga presidentet e Shqipërisë me dekoratën Nderi I Kombit” dhe me Urdhërin e Artë të Shqiponjës, si dhe Qytetar Nderi i Gjirokastrës, është vatrani me i hershëm në Vatër, që nga viti 1956, dhe që e derjtoi Vatrën për 2 dekada, dha dorëheqje për arsye moshe me 18 Mars 2010, është President Nderi I Vatrës.Karagjozi uroi z. Mishto për zgjidhjen në krye të Vatrës gjatë Kuvendit të fundit të Vatrës dhe e përgëzoi për gjallërimin e Vatrës dhe veprimtaritë që ajo po organizon. Ai tha se në kohën e tij,atij dhe brezit të vet, iu desh që të luftonin për mbiejtesën e Vatrës, kohë e cila ka mbetë pas dhe ky rrezik fatmirsisht nuk është më sot.Karagjozi kujtoi veprimtaritë e Vatrës në kohën e tij, vizitat në Kosovë dhe Shqipëri, takimet dhe miqësia me Azem Hajdarin dhe Ahmet Krasniqin, vizitat e vështira në Tropojë në verën e vitit 1988, dhe kontributet që dërguan vatranët për Ushtrinë Clirimtare të Kosovës, ndihmat për të plagosurit e Luftës në Spitalin e Tropojës etj.

Kryetari i Vatrës, z. Mishto e falenderoi z. Karagjozi për kontributin dhe drejtimin e Vatrës. Ju dhe brezi Juaj , tha ai, keni meritan që e mbajtët gjallë me sakrifica Vatrën dhe dhatë gjithcka nga vetja. Është detyra jonë që ta vitalizojmë vatrën dhe ta mbajnë atë në krye të Diasporës dhe të kryejmë detyrën ndaj Çështjes Kombtare dhe ndaj Amerikës.

Më pas z. Mishto e informoi z, Karagjozi për veprimtaritë e fundit të Vatrës dhe degëve të saj nëpër shtetet e Amerikës.Ai I tregoi edhe për vlerësimin e punës së vatranëve që kane mbi 50 vjet anëtarësi e aktivitet në Vatër. Z. Karagjozi e vlerësoi si një ide pozitive vlerësimin e vatranëe të vjetër si dhe vizitat në shtëpitë e vatranëve të vjetër.

Në bisedën e ngrohtë ishte i pranishëm edhe I biri i z. Agim, Zyhdi Karagjozi, biznesmen dhe anëtar i Këshillit të Vatrës. Ai shfaqi shqetësimin për përfshirjen e rinisë shqiptare në veprimtari kriminale dhe shfaqi mendimin se Vatra duhet të punojë më shumë në këtë drejtim.

Gjatë bisedës u sollën në kujtesë shumë veprimtari të Vatrës në kohën që z. Karagjozi ishte në krye të Vatrës.

Karagjozi falenderoi për vizitën, ndërsa kryetari i Vatrës dhe shoqëruesit e tij e falenderuan për mikpritjen dhe i uruan shëndet dhe e uruan për Vitin e Ri 2018.

Presidenti i Nderit, Agim Karagjozi, mori pjesë në Mbledhjen e Këshillit të VATRËS

July 14, 2015 by dgreca

Të dielën me 12 Korrik në mesditë u mblodh Këshilli i ri i Vatrës, për të parën herë pas Kuvendit vjetor që i zhvilloi punimet e Jecksonville me 31 Maj 2015. Me duartrokitje u prit hyrja e Presidentit të Nderit të Vatrës, inxhinier Agim Karagjozi në sallën e mbledhjeve. Z. Karagjozi, që nga viti 2010, kur dha dorëheqjen, për shkak të shëndetit, nuk ka mundur që të jetë pjesë e veprimtarive të Vatrës, por kryesia e Vatrës, miqtë tij, nuk janë ndarë prej tij,kanë rujatë lidhjet, kanë shkuar dhe e kanë takuar në Shtëpi.
Duke i përshëndetur anëtarët e Këshillit dhe kryesinë, z. Karagjozi, që shoqërohej nga i biri Zyhdi Karagjozi,(anëtar i Këshillit të Vatrës), tha se ndjehej shumë i emocionuar që gjendej sërish mes tyre pas shumë kohësh. Gjithësesi, tha ai, nuk i kam shkëputur marrdhëniet me Vatrën përmes shokëve, kryesisë së Vatrës, përmes Gazetës Dielli, gazetës Illyria, i kam ndjekur me shumë interes zhvillimet në Vatër, veprimtaritë e saj, shtimin e anëtarësisë, krijimin e degëve të reja nëpër shtete të ndyshme të Amerikës, fushatave që keni bërë, dhe për të gjitha këto keni përgëzimet e mia.
Z. Karagjozi, që e drejtoi Vatrën për dy dekada, nuk ka kursyer asgjë për Vatrën. Ai shquhet jo vetëm për kontributet financiare, por edhe për frymën patriotike rilandase, që e ka karakterizuar. Në përkrahje të fushatës së Vatrës për ngritjen e arkivit historik të saj, sistemimit të bibliotekës, z. Karagjozi, dhuroi 300 dollarë, ndërsa i biri, z. Zyhdi Karagjozi,( që në vitin 1995, bëri Vatrën me Shtëpinë e saj, duke mos marrë asnjë përfitim për zyrën e tij), dhuroi 700 dollarë. Gjithësesi Vatra e ka Shtëpinë e saj trikatëshe sot sepse z. Agim Karagjozi, që drejtonte Komisionin e Fondit të Vatrës, i grumbulloi dhe i ruajti me fanatizëm fondet e Shtëpisë për dy dekada e më shumë.
Z. Agim Karagjozi mbanë tituj”Qytetar Nderi i Gjirokastrës”, Urdhërin e Artë të Shqiponjës, si dhe “Nderi i Kombit”. Ai vjen nga një familje nacionalsite, babai i tij ishte me Ballin Kombëtar dhe vetë z. Agim Karagjozi ishte i ri aktiv në radhët e Ballit, madje mori pjesë edhe në luftimet në Kosovë. Në fund të Luftës së Dytë Botërore bashkë me babanë u arratsiën në Itali, që andej në Turqi. Në Stamboll i riu Agim Karagjozi studioi në Robert College , duke u diplomuar për inxhinier. Në fund të viteve ’50, ai erdhi në SHBA dhe që në fillim u përfshi në gjirin e Vatrës, nga e cila nuk është ndarë as sot.(Fotografite i shihni ne Facebook.Më gjërësisht për mbledhjen e Këshillit do të lexoni në Diellin e Printuar)