Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

NDERIM DHE RESPEKT PËR PATRIOTIN DHE VATRANIN E PËRJETSHËM AGIM KARAGJOZI

by

NGA ELMI BERISHA/

Kryetar i Federates Panshqiptare te Amerikes”VATRA”/

Sot u bënë 3 vite që kaloi në jetën e pasosur z.Agim Karagjozi, nacionalisti, patrioti i spikatur, atdhetari i shquar dhe vatrani i përjetshëm. Ai e udhëhoqi familjen më të madhe patriotike në Diasporë, Vatrën për dy dekada. Unë kam pasur fatin jo vetëm ta kem mik të vyer por dhe të konsultohem herë pas here për çështjet e Kosovës dhe më gjërë. Z.Karagjozi ishte burrë me vision, kishte mençuri dhe fisnikëri të veçantë si shqiptar dhe patriot. Zgjuarsia e vizioni i tij largpamës janë edhe sot model për çdo drejtues. Vatra, vatranët dhe të gjithë shqiptarët do ta kujtojnë me nderim e respekt këtë figurë të lartë patriotike që i tejkalon caqet e kohës dhe të një shteti. Ing.Agim Karagjozi, për veprimtari të shquar në shërbim të atdheut, u nderua me titujt më të lartë të kombit si “Nderi i Kombit”, “Qytetari i Nderit i Gjirokastrës”, “Urdhërin e Shqiponjës” dhe me Medaljen e “Lidhjes së Prizrenit” nga Presidenti Ibrahim Rugova. Ai ushqeu dhe trashëgoi në Vatër frymën patriotike, antikomuniste, frymën vatrane dhe unifikuese ndër shqiptarë. Z.Agim Karagjozi i dha Vatrës energjitë e shpirtit të tij, modelin e tij dhe parimet e shenjta e të shtrenjta shqiptare.

 Z.Agim Karagjozi përgjatë gjithë veprimtarisë së tij u dallua si patriot i paepur, si intelektual i lartë, si njeri bujar, si vatran e patriot i devotshëm. Vatra me në krye z.Agim Karagjozi ishte kudo dhe kurdo, e kërkonte interesi Kombëtar, ku e kërkonte Shqipëria, Kosova, Maqedonia, Çamëria, Malësia dhe viset e trevat tona kombëtare.

Z.Agim Karagjozi kishte një dashuri të veçantë për Kosovën. Gjatë luftës ai së bashku me ekipin e Vatranëve vizitoi të plagosurit dhe dërgoi ndihma mjeksore dhe dollarë të mbledhura nga vatranët për çlirimin e Kosovës.

Trashëgimia e Agim Karagjozit është vlerë jo vetëm për Vatrën e sotme por shërben si model lidershipi edhe për brezat vatranë e shqiptarë në Amerikë. Agim Karagjozi ishte drejtuesi model i përkushtimit, sakrificës dhe dashurisë për atdheun. Kurdoherë përgjatë veprimtarisë së tij, vendosi interesin e Kombit në gjithçka e mbi gjithçka.
Nderim e mirënjohje të thellë këtij miku dhe Zoti e shpërbleftë me parajsë shqiptarin dhe patriotin e madh Agim Karagjozi.

New York, 1 Prill 2021

VIZITE TEK ZOTI AGIM KARAGJOZI

by

Kryetari i Vatres z. Dritan Mishto vizitoi Presidentin e Nderit te Vatrs, z. Agim Karagjozi/

1 Karagjozi

Kryetari i Federatës Panshqiptare Vatra Dritan Mishto,i shoqëruar nga zv/kryetari Agim Rexhaj dhe anetari  i Kryesisë, arkëtar i Vatrës, Marjan Cubi, vizituan ish kryetarin e Vatrës, President Nderi I saj, z. Agim Karagjozi, i cili gjendet në rehabilitim mjekësor.

Gjatë takimit përfaqësuesit e Vatrës shprehën gëzimin që z.Agim Karagjozi vazhdonte të ishte mirë dhe në përmirësim shëndetsor. Ata biseduan përzemërsisht rreth aktivitetit të sotëm të Vatrës dhe ndër vite, duke rikujtuar edhe respektin e madh që figura të kombit si Presidenti Rugova, etj kishin dhe kanë për z.Agim Karagjozi.

I pranishëm në takim, z.Zydi Karagjozi, i cili është anëtar i Këshillit Drejtues të Vatrës, falenderoi vizitorët për respektin dhe interesimin e treguar vazhdimisht për ish Kryetarin e Vatrës , për dy dekada, z.Agim Karagjozi.